ബുദ്ധി​പൂർവ്വ​ക​മായ തീരു​മാ​നങ്ങൾ എടുക്കു​ന്ന​തി​നുള്ള സഹായം

ആലീസ്‌, അതിദാ​രു​ണ​മായ ഒരു അവസ്ഥയി​ലെ​ത്തി​ച്ചേ​രാൻ ഇടയാ​ക്കിയ ഒരു ബുദ്ധി​ഹീ​ന​മായ തീരു​മാ​ന​മെ​ടു​ത്തു. “ഞാൻ യഹോ​വ​യിൽ നിന്നും അവന്റെ സ്ഥാപന​ത്തിൽ നിന്നും എന്നെത്തന്നെ നിസ്സഹ​വ​സി​പ്പി​ച്ചു,” അവൾ സമ്മതി​ക്കു​ന്നു. അവസാനം അവൾ തിരിച്ചു വന്നെങ്കി​ലും അതിന്‌ അവൾക്ക്‌ 13 വർഷങ്ങ​ളി​ല​ധി​കം എടു​ക്കേ​ണ്ടി​വന്നു—“ദുരി​ത​പൂർണ്ണ​മായ വർഷങ്ങൾ” അവൾ അവയെ അങ്ങനെ വിളി​ക്കു​ന്നു.

ഒരു ക്രിസ്‌ത്യാ​നി തന്റെ ദൈവ​സേ​വ​ന​ത്തോ​ടുള്ള ബന്ധത്തിൽ ബുദ്ധി​ശൂ​ന്യ​മായ തീരു​മാ​ന​ങ്ങ​ളെ​ടു​ക്കു​ന്ന​തി​ന്റെ അപകടത്തെ താഴ്‌ത്തി​ക്കാ​ണ​രുത്‌. ബന്ധപ്പെട്ട വസ്‌തു​ത​ക​ളു​ടെ ഒരു പരിഗ​ണ​ന​യ്‌ക്കു​ശേഷം, മനഃപൂർവ്വം തെററായ തീരു​മാ​നങ്ങൾ എടുക്ക​പ്പെ​ടു​കയല്ല ചെയ്യു​ന്നത്‌. ചില​പ്പോൾ അവ നൈസർഗ്ഗിക പ്രതി​ക​ര​ണ​ങ്ങ​ളു​ടെ അടിസ്ഥാ​ന​ത്തിൽ എടുക്ക​പ്പെ​ടു​ന്ന​വ​യാ​യി​രി​ക്കാം. ഒരിക്കൽ വികാ​രങ്ങൾ പ്രശ്‌നത്തെ മൂടി​വെ​യ്‌ക്കു​ന്ന​തിൽ വിജയി​ക്കു​ക​യും അപൂർണ്ണ​ഹൃ​ദയം ചിന്താ​പ്രാ​പ്‌തി മേൽ അനുചിത സമ്മർദ്ദം ചെലു​ത്തു​ക​യും ചെയ്‌താൽ, എല്ലാവിധ അപകട​വും ദുഃഖ​വും വരുത്തി​യേ​ക്കാം.

തീർച്ച​യാ​യും “ഹൃദയം മറെറ​ല്ലാ​റ​റി​നേ​ക്കാ​ളും വഞ്ചനാ​ത്മ​ക​മാണ്‌.” (യിരെ​മ്യാവ്‌ 17:9) എന്നിരു​ന്നാ​ലും, ബൈബിൾ, നമ്മെത്തന്നെ എങ്ങനെ സംരക്ഷി​ക്കാ​മെന്ന്‌ നമ്മോടു പറയുന്നു. “ജ്ഞാനം നിന്റെ ഹൃദയ​ത്തിൽ പ്രവേ​ശി​ക്കു​മ്പോൾ,” അതുപ​റ​യു​ന്നു, “വകതി​രി​വു​തന്നെ നിന്നെ കാക്കും.” (സദൃശ​വാ​ക്യ​ങ്ങൾ 2:10, 11) എന്നാൽ, നമ്മുടെ ഹൃദയ​ത്തിൽ പ്രവേ​ശി​ക്കു​ന്ന​തിന്‌ നമുക്ക്‌ ജ്ഞാനം എങ്ങനെ ലഭിക്കും?

കഴിഞ്ഞ​കാ​ല​ങ്ങ​ളിൽ നിന്നും പഠിക്കുക

ഇതു ശ്രമി​ക്കുക. നിങ്ങളു​ടേ​തി​നോട്‌ സമാന​മായ പരി​ശോ​ധനാ സാഹച​ര്യ​ങ്ങളെ അഭിമു​ഖീ​ക​രി​ച്ചി​ട്ടുള്ള ആദ്യകാല ദൈവ​ദാ​സൻമാ​രു​ടെ സ്ഥാനത്ത്‌ നിങ്ങ​ളെ​ത്തന്നെ ആക്കി​വെ​യ്‌ക്കുക. ദൃഷ്ടാ​ന്ത​ത്തിന്‌ പ്രാ​ദേ​ശിക ക്രിസ്‌തീയ സഭയിലെ ഒരു സാഹച​ര്യം നിങ്ങളെ അസ്വസ്ഥ​നാ​ക്കു​ന്നു​വെന്നു വിചാ​രി​ക്കുക. ബൈബി​ളിൽ പരാമർശി​ച്ചി​രി​ക്കുന്ന ഒരു സമാന സാഹച​ര്യ​ത്തെ​ക്കു​റി​ച്ചു ചിന്തി​ക്കാൻ പരി​ശ്ര​മി​ക്കുക.

ഒന്നാം നൂററാ​ണ്ടി​ലെ കൊരി​ന്തി​ലെ ക്രിസ്‌തീ​യ​സ​ഭയെ സംബന്ധി​ച്ചെന്ത്‌? നിങ്ങൾ കൊരി​ന്ത്യ​സ​ഭ​യി​ലെ ഒരു അംഗമാ​ണെന്നു സങ്കൽപ്പി​ക്കുക. രണ്ടോ മൂന്നോ വർഷങ്ങ​ളാ​യിട്ട്‌ നിങ്ങൾ ഒരു ക്രിസ്‌ത്യാ​നി​യാണ്‌. പൗലോ​സി​ന്റെ അവിടത്തെ 18 മാസ വാസക്കാ​ലത്ത്‌, സത്യത്തെ സംബന്ധിച്ച ഒരു പരിജ്ഞാ​ന​ത്തി​ലെ​ത്താൻ കഴിഞ്ഞത്‌ എത്ര സന്തോ​ഷ​പ്ര​ദ​മാ​യി​രു​ന്നു! എന്നാൽ ഇപ്പോൾ സംഗതി​കൾ മോശ​മാ​യി കാണ​പ്പെ​ടു​ന്നു.

സഭയുടെ ഐക്യത്തെ ഭീഷണി​പ്പെ​ടു​ത്തി​ക്കൊണ്ട്‌, കക്ഷിപി​രി​വു​ക​ളും കലഹങ്ങ​ളും ഉടലെ​ടു​ക്കാ​നുള്ള പ്രവണത സഭയിൽ അഭി​പ്രായ വ്യത്യാ​സം സൃഷ്ടി​ക്കു​ന്നു. (1 കൊരി​ന്ത്യർ 1:10, 11) അധാർമ്മിക നടത്തയെ വച്ചുപു​ലർത്തു​ന്നത്‌ സഭയുടെ ആത്മാവി​നെ അപകട​പ്പെ​ടു​ത്തു​ന്നു. (1 കൊരി​ന്ത്യർ 5:1-5) സഭയിലെ അംഗങ്ങ​ളു​ടെ ഇടയിലെ ഭിന്നതകൾ ലൗകിക നിയമ​കോ​ട​തി​ക​ളു​ടെ മുമ്പാകെ കൊണ്ടു​പോ​വു​ക​നി​മി​ത്തം സഭയുടെ സൽപ്പേ​രിന്‌ ഹാനി​വ​രു​ത്തു​ന്നു.—1 കൊരി​ന്ത്യർ 6:1-8).

നിങ്ങൾ ഇപ്പോ​ഴും പുരാതന കൊരി​ന്തിൽത്തന്നെ ആണെന്നു ചിന്തി​ക്കു​ക​യിൽ, സഭയിലെ ചില അംഗങ്ങൾ എല്ലായ്‌പ്പോ​ഴും നിസ്സാര സംഗതി​കൾക്കാ​യി ശണ്‌ഠ​കൂ​ടു​ന്ന​തിൽ നിങ്ങൾ ഉൽക്കണ്‌ഠാ​കു​ല​നാ​കു​ന്നു. (1 കൊരി​ന്ത്യർ 8:1-13 താരത​മ്യ​പ്പെ​ടു​ത്തുക) നിങ്ങൾ കാണുന്ന പിണക്കം, അസൂയ, കോപം, ക്രമമി​ല്ലായ്‌മ ഇവയാ​ലെ​ല്ലാം നിങ്ങൾ ദുഃഖി​ത​നാ​കു​ന്നു. (2 കൊരി​ന്ത്യർ 12:20) തീർച്ച​യാ​യും, ക്രിസ്‌തീയ ജീവിതം അകാര​ണ​മാ​യി ദുരി​ത​പൂർണ്ണ​മാ​ക്കുന്ന ഗർവ്വി​ഷ്‌ഠ​രായ ചിലരാൽ നിങ്ങൾ അസ്വസ്ഥ​നാ​കു​ന്നു. (1 കൊരി​ന്ത്യർ 4:6-8) ചിലർ അപ്പോ​സ്‌ത​ല​നായ പൗലോ​സി​ന്റെ സ്ഥാന​ത്തെ​യും അധികാ​ര​ത്തെ​യും ചോദ്യം ചെയ്യു​ക​യും, അവന്റെ പ്രസം​ഗ​ക​നെന്ന നിലയി​ലുള്ള കഴിവി​നെ നിന്ദി​ക്കു​ക​യും, അനീതി​പൂർവ്വം കുററാ​രോ​പ​ണങ്ങൾ ഉന്നയി​ക്കു​ക​യും ചെയ്യു​ന്നതു കേൾക്കു​മ്പോൾ നിങ്ങൾ ദുഃഖി​ത​നാ​കു​ന്നു. (2 കൊരി​ന്ത്യർ 10:10; 12:16) ചിലർ വ്യക്തി​പ​ര​മായ അഭി​പ്രാ​യ​ങ്ങളെ തുറന്ന​ടി​ച്ചു​കൊണ്ട്‌, പ്രാഥ​മിക ഉപദേ​ശ​ത്തി​ലുള്ള സഭയുടെ വിശ്വാ​സത്തെ തുരങ്കം വെയ്‌ക്കു​മ്പോൾ നിങ്ങൾ ചിന്താ​കു​ല​നാ​കു​ന്നു—1 കൊരി​ന്ത്യർ 15:12.

തീരു​മാ​നത്തെ അഭിമു​ഖീ​ക​രി​ക്കൽ

“ഇതിങ്ങനെ ആയിക്കൂ​ടാ,” നിങ്ങൾ നെടു​വീർപ്പി​ടു​ന്നു. ‘മൂപ്പൻമാർ എന്തു​കൊ​ണ്ടാണ്‌ സംഗതി​കളെ തിരു​ത്താ​ത്തത്‌? എന്തൊ​ക്കെ​യോ സാരമായ പിശകുണ്ട്‌.’

നിങ്ങൾ, മറെറ​വി​ടെ​യെ​ങ്കി​ലും ദൈവത്തെ കൂടുതൽ നന്നായി സേവി​ക്കാ​മെന്ന നിഗമ​ന​ത്തിൽ കൊരി​ന്ത്യ​യി​ലെ സഭ വിടു​മോ? അതോ മുഴു​സ​ഹ​ക്രി​സ്‌ത്യാ​നി​ക​ളു​മാ​യുള്ള സഹവാ​സം​തന്നെ നിർത്തു​ന്ന​താണ്‌ മെച്ച​മെന്ന്‌ നിങ്ങൾ തീരു​മാ​നി​ക്കു​മോ? ഈ പ്രശ്‌നങ്ങൾ നിങ്ങളു​ടെ സന്തോ​ഷ​ത്തെ​യും, യഹോ​വ​യാം ദൈവ​വും യേശു​ക്രി​സ്‌തു​വു​മാണ്‌ സംഗതി​കൾക്കു നേതൃ​ത്വം നൽകു​ന്ന​തെ​ന്നുള്ള വിശ്വാ​സ​ത്തെ​യും, മന്ദീഭ​വി​പ്പി​ക്കു​വാൻ നിങ്ങൾ അനുവ​ദി​ക്കു​മോ? നിങ്ങളു​ടെ സഹക്രി​സ്‌ത്യാ​നി​ക​ളു​ടെ ആന്തരോ​ദ്ദേ​ശ്യ​ത്തെ ചോദ്യം ചെയ്‌തു​കൊണ്ട്‌, നിങ്ങൾ ഒരു വിമർശ​ന​ത്തി​ന്റേ​യോ പരാതി​യു​ടേ​യോ ആത്മാവി​നെ വളർത്തി​യെ​ടു​ക്കാൻ പോവു​ക​യാ​ണോ? അത്തരം ഒരു സഭയി​ലേക്ക്‌, താൽപ​ര്യ​ക്കാ​രായ ആളുകളെ നയിക്കു​ന്ന​തിൽ കാര്യ​മില്ല എന്നു ന്യായ​വാ​ദം ചെയ്‌തു​കൊണ്ട്‌ പ്രസം​ഗ​വേ​ല​യിൽ നിങ്ങൾ മന്ദീഭ​വി​ക്കു​മോ?

ഇന്നത്തെ അനുകൂ​ലാ​വ​സ്ഥ​യിൽ, പക്ഷപാ​ത​ര​ഹി​ത​നാ​യി സാഹച​ര്യ​ത്തെ വീക്ഷി​ച്ചു​കൊണ്ട്‌, അതിന്റെ അപൂർണ്ണ​ത​കളെ കണക്കി​ലെ​ടു​ക്കാ​തെ, ദൈവ​ത്തി​ന്റെ സഭയോട്‌ വിശ്വ​സ്‌ത​ത​യോ​ടെ പററി നിൽക്കാ​നാ​യി​രി​ക്കും നിങ്ങളു​ടെ തീരു​മാ​നം എന്നു പറയാൻ നിങ്ങൾ എളുപ്പം കണ്ടെത്തി​യേ​ക്കാം. എന്നാൽ ഇന്ന്‌ സമാന​മായ സാഹച​ര്യ​ത്തെ അഭിമു​ഖീ​ക​രി​ച്ചാൽ നിങ്ങൾക്ക്‌ ഒരു ശാന്തമായ ഹൃദയ​വും ശുദ്ധമായ മനസ്സും നിലനിർത്താൻ കഴിയു​മോ? അന്ന്‌ നിങ്ങൾ ജീവി​ച്ചി​രു​ന്നെ​ങ്കിൽ എങ്ങനെ തീരു​മാ​നി​ച്ചേനെ എന്നു ചിന്തി​ക്കു​ന്ന​തു​പോ​ലെ ഇന്ന്‌ നിങ്ങൾ തീരു​മാ​നി​ക്കു​മോ?

ബുദ്ധി​പൂർവ്വ​ക​മായ ഉപദേ​ശ​ത്തിൽനിന്ന്‌ പ്രയോ​ജനം അനുഭ​വി​ക്കൽ

കൊരി​ന്ത്യ ക്രിസ്‌ത്യാ​നി​ക​ളിൽ ബുദ്ധി​പൂർവ്വ​ക​മായ തീരു​മാ​ന​മെ​ടു​ത്തവർ സഭയോ​ടു ചേർന്നു നിന്നവ​രാ​യി​രു​ന്നു. വർഷങ്ങൾക്കു മുമ്പ്‌ പത്രോ​സി​നു തോന്നി​യ​തു​പോ​ലെ അവർക്കു​തോ​ന്നി. യേശു​വി​നോ​ടു​കൂ​ടെ സഹവസി​ക്കു​ന്ന​തിൽ നിന്നും ശിഷ്യൻമാ​രിൽ ചിലർ വിട്ടു​പോ​യ​പ്പോൾ, പത്രോസ്‌ പറഞ്ഞു: “കർത്താവേ, ഞങ്ങൾ ആരുടെ അടു​ത്തേക്കു പോകും? നിങ്കൽ നിത്യ​ജീ​വന്റെ വചനങ്ങൾ ഉണ്ട്‌; നീ ദൈവ​ത്തി​ന്റെ പരിശു​ദ്ധൻ എന്ന്‌ ഞങ്ങൾ അറിഞ്ഞും വിശ്വ​സി​ച്ചും ഇരിക്കു​ന്നു.” (യോഹ​ന്നാൻ 6:68, 69) തീർച്ച​യാ​യും, ദൈവ​ത്തി​ന്റെ സ്ഥാപന​ത്തോ​ടു പററി​നിൽക്കു​ന്ന​തി​നാൽ മാത്രമേ, അതിന്റെ ഉപദേ​ശ​ത്തിൽനി​ന്നും നമുക്ക്‌ പ്രയോ​ജ​ന​മ​നു​ഭ​വി​ക്കാൻ കഴിയൂ.

അന്നു കൊരി​ന്ത്യ​യി​ലു​ണ്ടാ​യി​രു​ന്ന​തു​പോ​ലുള്ള പുതിയ സഭകളിൽ, ശക്തമായ പ്രബോ​ധനം ആവശ്യ​മാ​ക്കി​ത്തീർക്കുന്ന തരത്തി​ലുള്ള ഒരു പ്രശ്‌നം, മാനുഷ അപൂർണ്ണ​ത​യാൽ ഉണ്ടാകു​ന്നത്‌, അസാധാ​ര​ണമല്ല. എന്നാൽ കൊരി​ന്ത്യ ക്രിസ്‌ത്യാ​നി​കൾക്ക്‌ ബുദ്ധി​യു​പ​ദേശം കൊടു​ത്ത​പ്പോൾ അവരിൽ ഭൂരി​പ​ക്ഷ​വും അപ്പോ​ഴും” പ്രിയ​പ്പെ​ട്ടവർ” ആയിരു​ന്നു​വെന്ന്‌ പൗലോസ്‌ ഓർമ്മി​ച്ചു. (1 കൊരി​ന്ത്യർ 10:14; 2 കൊരി​ന്ത്യർ 7:1; 12:19) തന്റെ മാർഗ്ഗ​നിർദ്ദേ​ശ​ങ്ങ​ളോ​ടു പ്രതി​ക​രി​ക്കു​ന്ന​വർക്ക്‌ യഹോവ അനർഹ​ദ​യ​യും ക്ഷമയും ലഭ്യമാ​ക്കു​മെന്ന്‌ അവൻ മറന്നില്ല.—സങ്കീർത്തനം 130:3, 4.

തീർച്ച​യാ​യും, ക്രിസ്‌തീ​യസഭ എല്ലാത​ര​ത്തി​ലു​മുള്ള ആളുകളെ ആകർഷി​ക്കു​ന്ന​തി​നാൽ, ചിലർ മററു​ള്ള​വ​രേ​ക്കാൾ, ഈ മാർഗ്ഗ​നിർദ്ദേ​ശ​ത്തോ​ടു പ്രതി​ക​രി​ക്കാൻ കൂടുതൽ സമയ​മെ​ടു​ത്തേ​ക്കാം. വിവിധ കാരണ​ങ്ങ​ളാൽ ഇതു സത്യമാണ്‌. ചില വ്യതി​യാ​നങ്ങൾ വരുത്താൻ മററു​ചി​ല​വ​യേ​ക്കാൾ ബുദ്ധി​മു​ട്ടു​ള്ള​വ​യാണ്‌. കൂടാതെ ഓരോ വ്യക്തി​യും ശാരീ​രി​ക​വും മാനസി​ക​വു​മായ വളർച്ച​യി​ലും, ചുററു​പാ​ടു​ക​ളി​ലും പശ്ചാത്ത​ല​ങ്ങ​ളി​ലും, സാഹച​ര്യ​ങ്ങ​ളി​ലും വ്യത്യാ​സ​പ്പെ​ട്ടി​രി​ക്കു​ന്നു. അതു​കൊണ്ട്‌ കൂടുതൽ വിമർശി​ക്കു​ന്ന​വ​രാ​കാ​തി​രി​ക്കു​ന്ന​തും “സ്‌നേഹം പാപങ്ങ​ളു​ടെ ബഹുത്വ​ത്തെ മറയ്‌ക്കു​ന്നു” എന്നോർക്കു​ക​യും ചെയ്യു​ന്നത്‌ എത്ര ബുദ്ധി​പൂർവ്വ​ക​മാണ്‌. (1 പത്രോസ്‌ 4:8) എല്ലാറ​റി​ലു​മു​പരി, യഹോ​വ​യും അവന്റെ പുത്ര​നും ‘അവരുടെ’ സഭയിൽ, മാനുഷ അപൂർണ്ണ​ത​യോ​ടും അപക്വ​ത​യോ​ടും പൊരു​ത്ത​പ്പെ​ട്ടു​പോ​കാൻ ആഗ്രഹി​ക്കു​ന്നെ​ങ്കിൽ, നമുക്കും അതേ ആന്തരം പ്രകട​മാ​ക്ക​രു​തോ?—1 കൊരി​ന്ത്യർ 13:4-8; എഫേസ്യർ 4:1, 2.

നിങ്ങൾ പുരാതന കൊരി​ന്തി​ലെ സഭയിൽ ഉണ്ടായി​രു​ന്നു​വെ​ങ്കിൽ, പൗലോ​സി​ന്റെ സ്‌നേ​ഹ​പൂർവ്വ​ക​വും എന്നാൽ ഉറച്ചതു​മായ പ്രബോ​ധനം ശ്രദ്ധി​ക്കു​മ​ള​വിൽ, ക്രിസ്‌തീയ സഭയുടെ തലയെ​ന്ന​നി​ല​യിൽ ക്രിസ്‌തു, അതിന്റെ ക്ഷേമത്തിൽ അതീവ തല്‌പ​ര​നാ​യി​രി​ക്കു​ന്നു​വെന്നു നിങ്ങളെ ഓർമ്മ​പ്പെ​ടു​ത്തു​മാ​യി​രു​ന്നു. (മത്തായി 28:20) അത്‌, “വിശ്വ​സ്‌ത​നും വിവേ​കി​യു​മായ അടിമ” മുഖാ​ന്തരം നൽക​പ്പെ​ടുന്ന സഹായ​ത്തോ​ടു പ്രതി​ക​രി​ക്കുന്ന അവന്റെ ശിഷ്യൻമാ​രെ ഐക്യ​ത്തിൽ കാത്തു​സൂ​ക്ഷി​ക്കു​മെ​ന്നുള്ള ക്രിസ്‌തു​വി​ന്റെ വാഗ്‌ദ​ത്ത​ത്തോ​ടുള്ള നിങ്ങളു​ടെ വിശ്വാ​സത്തെ കെട്ടു​പണി ചെയ്യു​മാ​യി​രു​ന്നു. (മത്തായി 24:45-47; എഫേസ്യർ 4:11-16) അതേ, പരി​ശോ​ധ​ന​യു​ടെ സാഹച​ര്യ​ങ്ങ​ളിൽപോ​ലും സന്തോ​ഷ​വും സ്ഥിരത​യും നിലനിർത്തു​ന്ന​തിന്‌ പൗലോ​സി​ന്റെ വാക്കുകൾ നിങ്ങളെ സഹായി​ക്കു​മാ​യി​രു​ന്നു. താൽക്കാ​ലി​ക​മാ​യി സ്ഥിതി​ചെ​യ്യാൻ ദൈവം അനുവ​ദി​ച്ചി​രി​ക്കുന്ന ഏതു സാഹച​ര്യ​ത്തോ​ടും അനുരൂ​പ​പ്പെ​ടാൻ, അവൻ ശക്തി നൽകും എന്നു നിങ്ങൾ ഉറപ്പു​ള്ള​വ​നാ​കു​മാ​യി​രു​ന്നു.

ഇതി​ന്റെ​യർത്ഥം, ഒരു സഭയിൽ ഒരു ദുഷിച്ച അവസ്ഥ വികാസം പ്രാപി​ച്ചാൽ ഒരു ക്രിസ്‌ത്യാ​നി ഒന്നും ചെയ്യേ​ണ്ട​തില്ല എന്നല്ല. പുരാതന കൊരി​ന്തിൽ, സ്‌തേ​ഫാ​നോസ്‌, ഫൊർത്തു​നാ​ത്തോസ്‌, അഖായി​ക്കോസ്‌, ക്ലോവ​യു​ടെ ഭവനത്തി​ലെ ചിലർ തുടങ്ങിയ പക്വത​യു​ള്ളവർ പ്രവർത്തി​ച്ചു. (1 കൊരി​ന്ത്യർ 1:11; 5:1; 16:17) എന്നാൽ ഒരിക്കൽ അവർ അങ്ങനെ ചെയ്‌തു​ക​ഴി​ഞ്ഞ​പ്പോൾ, അവർ വിശ്വാ​സ​ത്തോ​ടെ സംഗതി​കൾ അവന്റെ കയ്യിൽ ഭരമേൽപ്പി​ച്ചു. നീതി​യോ​ടുള്ള തീഷ്‌ണത, ക്രിസ്‌തു​വി​ന്റെ ശിരഃ​സ്ഥാ​ന​ത്തോ​ടുള്ള വിശ്വാ​സം നഷ്ടപ്പെ​ടു​ന്ന​തി​നോ, “യഹോ​വ​യ്‌ക്കെ​തി​രെ കോപിത”രാകു​ന്ന​തി​നോ, അവരെ ഇടയാ​ക്കി​യില്ല—സദൃശ​വാ​ക്യ​ങ്ങൾ 19:3.

നീതി​യോ​ടു​ള്ള തീഷ്‌ണത ഇന്ന്‌, സുവാർത്ത പ്രസം​ഗി​ക്കു​ന്ന​തി​നുള്ള നമ്മുടെ ദൈവദത്ത നിയമ​ന​ത്തിൽ മന്ദീഭ​വി​പ്പി​ക്കു​ന്ന​തി​നേ​ക്കു​റിച്ച്‌ ചിന്തി​ക്കു​ന്ന​തിൽ നിന്നു പോലും നമ്മെ തടയും. അങ്ങനെ ചെയ്യു​ന്നത്‌, മററു​ള്ള​വ​രു​ടെ ക്ഷേമത്തി​ലുള്ള താത്‌പ്പ​ര്യ​ത്തി​ന്റെ അഭാവത്തെ പ്രകട​മാ​ക്കു​ക​യും, ക്രിസ്‌തു നമ്മോടു ചെയ്യാൻ ആവശ്യ​പ്പെ​ടു​ന്ന​തിൽ വീഴ്‌ച​വ​രു​ത്തു​ക​യും, ആയിരി​ക്കും. “അതു​കൊണ്ട്‌ എന്റെ പ്രിയ സഹോ​ദ​രൻമാ​രെ,” പൗലോസ്‌ ബുദ്ധി​യു​പ​ദേ​ശി​ക്കു​ന്നു, നിങ്ങൾ ദൃഢചി​ത്ത​രും അചഞ്ചല​രും, കർത്താ​വി​നോ​ടുള്ള ബന്ധത്തിൽ നിങ്ങളു​ടെ വേല വ്യർത്ഥ​മ​ല്ലെന്നു അറിഞ്ഞു​കൊണ്ട്‌, കർത്താ​വി​ന്റെ വേലയിൽ ധാരാളം ചെയ്യാ​നു​ള്ള​വ​രു​മാ​യി​രി​പ്പിൻ.”—1 കൊരി​ന്ത്യർ 15:58.

സാത്താന്റെ ആസൂ​ത്ര​ണ​ങ്ങ​ളേ​ക്കു​റിച്ച്‌ അജ്ഞരാ​യി​രി​ക്ക​രുത്‌

കൊരി​ന്ത്യ​സ​ഭ​യിൽ അന്നുണ്ടാ​യി​രു​ന്ന​ത​ര​ത്തി​ലുള്ള സഭാ​പ്ര​ശ്‌ന​ങ്ങളെ കൈകാ​ര്യം ചെയ്യു​ന്നത്‌, ചില​പ്പോൾ നേരി​ട്ടുള്ള പീഡനത്തെ അഭിമു​ഖീ​ക​രി​ക്കു​ന്ന​തി​ലും ബുദ്ധി​മു​ട്ടു​ള​വാ​ക്കി​യേ​ക്കാം. നമ്മെ യഹോ​വ​യിൽനി​ന്നും വലിച്ച്‌ അകററുന്ന തെററായ തീരു​മാ​ന​ങ്ങ​ളെ​ടു​ക്കാൻ ഇടയാ​ക്കി​ക്കൊണ്ട്‌ സാത്താൻ അത്തരം സന്ദർഭ​ങ്ങളെ ചൂഷണം ചെയ്യുന്നു. എന്നാൽ ‘നാം സാത്താന്റെ ആസൂ​ത്ര​ണ​ങ്ങ​ളെ​ക്കു​റിച്ച്‌ അജ്ഞരല്ല.’—2 കൊരി​ന്ത്യർ 2:11.

ആദ്യകാല ദൈവ​ദാ​സൻമാ​രു​ടെ രേഖ പരി​ശോ​ധി​ക്കു​ന്ന​തി​നാൽ തങ്ങൾക്കു പ്രയോ​ജനം ലഭിക്കു​മെന്ന്‌ പൗലോസ്‌ ആ കൊരി​ന്ത്യ ക്രിസ്‌ത്യാ​നി​ക​ളോ​ടു പറഞ്ഞു. “ഇപ്പോൾ ഇതൊ​ക്കെ​യും ദൃഷ്ടാ​ന്ത​ത്തി​നാ​യി​ട്ടു അവർക്കു സംഭവി​ച്ചു​കൊ​ണ്ടേ​യി​രു​ന്നു,” അവൻ യിസ്രാ​യേ​ല്യ​രെ​ക്കു​റി​ച്ചു പറഞ്ഞു: “വ്യവസ്ഥി​യു​ടെ സമാപ​നങ്ങൾ ആരു​ടെ​മേൽ വന്നെത്തി​യി​രി​ക്കു​ന്നു​വോ ആ നമുക്ക്‌ ഒരു മുന്നറി​യി​പ്പി​ന്നാ​യിട്ട്‌ അവ എഴുത​പ്പെ​ട്ടി​രി​ക്കു​ന്നു. (1 കൊരി​ന്ത്യർ 10:11) അതേ രീതി​യിൽ ആദിമ ക്രിസ്‌തീയ രേഖ പരി​ശോ​ധി​ക്കു​ന്ന​തിൽനി​ന്നും ഇന്നു നമുക്ക്‌ പ്രയോ​ജ​ന​മ​നു​ഭ​വി​ക്കാൻ കഴിയും. ദൃഷ്ടാ​ന്ത​ത്തിന്‌, കൊരി​ന്ത്യ​യിൽ എന്തു സംഭവി​ച്ചു എന്ന്‌ നമുക്കു നോക്കാം. അപ്പോൾ നമ്മൾ എങ്ങനെ ഉചിത​മായ തീരു​മാ​നങ്ങൾ എടുക്കു​മാ​യി​രു​ന്നു എന്നു ധ്യാനി​ച്ചാൽ ഇപ്പോൾ തെററായ തീരു​മാ​നങ്ങൾ എടുക്കു​ന്നതു ഒഴിവാ​ക്കാൻ നമ്മെ സഹായി​ക്കും.

ആലീസ്‌, 13 “ദുരി​ത​പൂർണ്ണ​മായ വർഷങ്ങളു”ടെ അസാന്നി​ദ്ധ്യ​ത്തി​നു​ശേഷം, രാജ്യ​ഹോ​ളി​ലെ അവളുടെ ആദ്യത്തെ മീററിം​ഗി​നെ​ക്കു​റി​ച്ചു പറയുന്നു: “കരഞ്ഞു​പോ​കു​മോ എന്ന ആശങ്കയാൽ സംസാ​രി​ക്കാൻ ഞാൻ ഭയപ്പെട്ടു. ഞാൻ എന്റെ ഭവനത്തി​ലാ​യി​രി​ക്കു​ന്നു—യഥാർത്ഥ ഭവനത്തിൽ. എനിക്ക്‌ അതു വിശ്വ​സി​ക്കാൻ കഴിഞ്ഞില്ല.” അതു​കൊണ്ട്‌ പ്രശ്‌നങ്ങൾ ഉയർന്നു വന്നാലും യഹോ​വ​യു​ടെ സ്ഥാപനത്തെ ഒരിക്ക​ലും വിട്ടു​പോ​കില്ല എന്നുള്ള നിങ്ങളു​ടെ ബുദ്ധി​പൂർവ്വ​ക​മായ തീരു​മാ​നം മുറുകെ പിടി​ക്കു​മെന്നു ഉറപ്പു​ള്ള​വ​രാ​യി​രി​ക്കുക! ദൈവ​ജ​ന​ങ്ങ​ളു​മാ​യുള്ള സഹവാ​സ​ത്തിൽ നിങ്ങളു​ടെ അനു​ഗ്രഹം വർദ്ധി​ച്ച​താ​യി​രി​ക്കും. അതിന്‌ അവസാനം ഉണ്ടായി​രി​ക്കു​ക​യു​മില്ല.—സദൃശ​വാ​ക്യ​ങ്ങൾ 2:10-15, 20, 21. (w87 5/15)