“ഇങ്ങനെ​യു​ള്ള​വരെ മാനി​ച്ചു​കൊൾവിൻ”

കൊരി​ന്ത്യ സഭയിലെ സ്ഥിതി​വി​ശേ​ഷ​മെ​ല്ലാ​മൊ​ന്നും അത്ര തൃപ്‌തി​ക​ര​മാ​യി​രു​ന്നില്ല. ഞെട്ടി​പ്പി​ക്കുന്ന തരം അധാർമി​കത. സഹോ​ദ​ര​ങ്ങ​ളു​ടെ​യി​ട​യിൽ കക്ഷിവ​ഴക്ക്‌. ഗുരു​ത​ര​മായ വൈയ​ക്തിക പ്രശ്‌ന​ങ്ങളെ അഭിമു​ഖീ​ക​രി​ച്ചി​രുന്ന ചിലർ. ഉത്തരം തേടുന്ന ചോദ്യ​ങ്ങ​ളു​മാ​യി മറ്റുചി​ലർ. ചില സഹോ​ദ​രങ്ങൾ പരസ്‌പരം കോട​തി​ക​യറ്റി; മറ്റുചി​ല​രാ​ണെ​ങ്കിൽ പുനരു​ത്ഥാ​ന​ത്തെ​പ്പോ​ലും നിരാ​ക​രി​ച്ചു.

ഗൗരവാ​വ​ഹ​മാ​യ ചോദ്യ​ങ്ങ​ളും ഉയർന്നു​വന്നു. മതപര​മാ​യി വിഭജി​ക്ക​പ്പെട്ട കുടും​ബ​ങ്ങ​ളി​ലു​ള്ളവർ തങ്ങളുടെ അവിശ്വാ​സി​യായ ഇണയോ​ടൊ​ത്തു താമസി​ക്ക​ണ​മോ അതോ വേർപി​രി​യ​ണ​മോ? സഭയിൽ സഹോ​ദ​രി​മാ​രു​ടെ സ്ഥാന​മെന്ത്‌? വിഗ്ര​ഹ​ങ്ങൾക്ക്‌ അർപ്പിച്ച മാംസം കഴിക്കു​ന്നത്‌ ഉചിത​മോ? യോഗങ്ങൾ—കർത്താ​വി​ന്റെ സന്ധ്യാ​ഭ​ക്ഷണം ഉൾപ്പെടെ—എങ്ങനെ നടത്തണം?—1 കൊരി​ന്ത്യർ 1:12; 5:1; 6:1; 7:1-3, 12, 13; 8:1; 11:18, 23-26; 14:26-35.

കുഴപ്പം നിറഞ്ഞ അത്തര​മൊ​രു ആത്മീയ ചുറ്റു​പാ​ടിൽ, തങ്ങളുടെ സഹോ​ദ​ര​ങ്ങ​ളു​ടെ ക്ഷേമത്തിൽ ഉത്‌ക​ണ്‌ഠ​തോ​ന്നി അഖായ​ക്കൊ​സും ഫൊർത്തു​നാ​തൊ​സും സ്‌തെ​ഫ​നാ​സും എഫേസൂ​സി​ലാ​യി​രുന്ന പൗലോസ്‌ അപ്പോ​സ്‌ത​ലനെ സന്ദർശി​ക്കാൻ യാത്ര​പു​റ​പ്പെട്ടു. അലോ​സ​ര​പ്പെ​ടു​ത്തുന്ന അത്തരം വാർത്തകൾക്കു പുറമേ, സഭയിൽനിന്ന്‌ ഇത്തരം വാദവി​ഷ​യ​ങ്ങ​ളെ​ക്കു​റി​ച്ചുള്ള ചോദ്യ​ങ്ങ​ള​ട​ങ്ങിയ ഒരു കത്തും പൗലോ​സി​നു നൽകാ​നാ​യി അവർ തങ്ങളുടെ പക്കൽ കരുതി​യി​രു​ന്നി​രി​ക്കാൻ ഇടയുണ്ട്‌. (1 കൊരി​ന്ത്യർ 7:1; 16:17) സ്ഥിതി​ഗ​തി​യെ​ക്കു​റിച്ച്‌ ഉത്‌ക​ണ്‌ഠ​യു​ണ്ടാ​യി​രു​ന്നത്‌ ഈ മൂന്നു സഹോ​ദ​ര​ന്മാർക്കു മാത്ര​മ​ല്ലെ​ന്നതു വ്യക്തമാണ്‌. സഭാം​ഗ​ങ്ങൾക്കി​ട​യിൽ കക്ഷിവ​ഴക്കു സ്ഥിതി​ചെ​യ്യു​ന്നതു സംബന്ധി​ച്ചു നേര​ത്തെ​തന്നെ പൗലോ​സി​നു “ക്ലോവ​യു​ടെ ആളുക​ളാൽ” വിവരം ലഭിച്ചി​രു​ന്നു. (1 കൊരി​ന്ത്യർ 1:11) സന്ദേശ​വാ​ഹ​ക​രു​ടെ റിപ്പോർട്ട്‌, എന്തു ബുദ്ധ്യു​പ​ദേശം നൽകണം, ഉന്നയി​ക്ക​പ്പെട്ട ചോദ്യ​ങ്ങൾക്ക്‌ എങ്ങനെ ഉത്തരം നൽകണം എന്നിവ സംബന്ധിച്ച്‌ ഒരു തീരു​മാ​ന​ത്തി​ലെ​ത്ത​ത്ത​ക്ക​വണ്ണം സാഹച​ര്യ​ത്തെ​ക്കു​റിച്ച്‌ ഒരു വ്യക്തമായ ഗ്രാഹ്യം നേടി​യെ​ടു​ക്കാൻ പൗലോ​സി​നെ സഹായി​ച്ചു​വെ​ന്ന​തിൽ സംശയ​മില്ല. ഒന്നു കൊരി​ന്ത്യർ എന്ന്‌ ഇന്നു നമുക്ക്‌ അറിയാ​വുന്ന ലേഖനം, ദൈവ​ത്തി​ന്റെ പരിശു​ദ്ധാ​ത്മാ​വി​നാൽ നയിക്ക​പ്പെട്ട പൗലോ​സി​ന്റെ മറുപ​ടി​യാ​യി​രു​ന്നു​വെന്നു തോന്നു​ന്നു. അഖായ​ക്കൊ​സും ഫൊർത്തു​നാ​തൊ​സും സ്‌തെ​ഫ​നാ​സും ആയിരു​ന്നി​രി​ക്കണം ആ ലേഖനം എത്തിച്ചു​കൊ​ടു​ത്തത്‌.

അഖായ​ക്കൊ​സും ഫൊർത്തു​നാ​തൊ​സും സ്‌തെ​ഫ​നാ​സും ആരായി​രു​ന്നു? അവരെ​ക്കു​റി​ച്ചു തിരു​വെ​ഴു​ത്തു​കൾ പറയു​ന്നതു പഠിക്കു​ന്ന​തി​ലൂ​ടെ നമു​ക്കെന്തു മനസ്സി​ലാ​ക്കാൻ കഴിയും?

സ്‌തെ​ഫ​നാ​സി​ന്റെ കുടും​ബം

സ്‌തെ​ഫ​നാ​സി​ന്റെ കുടും​ബം, പൊ.യു. (പൊതു​യു​ഗം) 50-നോട​ടുത്ത്‌ ദക്ഷിണ ഗ്രീസി​ലെ റോമാ പ്രവി​ശ്യ​യായ അഖായ​യി​ലെ പൗലോ​സി​ന്റെ ശുശ്രൂ​ഷ​യു​ടെ “ആദ്യഫല”ങ്ങളായി​രു​ന്നു. പൗലോ​സാണ്‌ അവരെ സ്‌നാ​ന​പ്പെ​ടു​ത്തി​യ​തും. പ്രത്യ​ക്ഷ​ത്തിൽ, പൗലോസ്‌ അവരെ മാതൃ​ക​യാ​യി, കൊരി​ന്ത്യ​സ​ഭയെ ഉറപ്പിച്ചു നിർത്തുന്ന പക്വത​യെ​ത്തിയ ഒരു സ്വാധീ​ന​മാ​യി കരുതി. സഭയ്‌ക്കു​വേ​ണ്ടി​യുള്ള അവരുടെ പ്രവർത്തനം നിമിത്തം അവൻ അവരെ സോത്സാ​ഹം പുകഴ്‌ത്തി: “സഹോ​ദ​രൻമാ​രേ, സ്‌തെ​ഫ​നാ​സി​ന്റെ കുടും​ബം അഖായ​യി​ലെ ആദ്യഫലം എന്നും അവർ വിശു​ദ്ധൻമാ​രു​ടെ ശുശ്രൂ​ഷെക്കു തങ്ങളെ​ത്തന്നേ ഏല്‌പി​ച്ചി​രി​ക്കു​ന്നു എന്നും നിങ്ങൾ അറിയു​ന്നു​വ​ല്ലോ. ഇങ്ങനെ​യു​ള്ള​വർക്കും അവരോ​ടു​കൂ​ടെ പ്രവർത്തി​ക്ക​യും അദ്ധ്വാ​നി​ക്ക​യും ചെയ്യുന്ന ഏവന്നും നിങ്ങളും കീഴ്‌പെ​ട്ടി​രി​ക്കേണം എന്നു ഞാൻ നിങ്ങളെ പ്രബോ​ധി​പ്പി​ക്കു​ന്നു.” (1 കൊരി​ന്ത്യർ 1:16; 16:15, 16) സ്‌തെ​ഫ​നാ​സി​ന്റെ “കുടുംബ”ത്തിൽ കൃത്യ​മാ​യി ആരെല്ലാം ഉണ്ടായി​രു​ന്നു​വെ​ന്നതു പ്രതി​പാ​ദി​ച്ചി​ട്ടില്ല. ആ പദപ്ര​യോ​ഗ​ത്തി​നു കുടും​ബാം​ഗ​ങ്ങ​ളെന്നേ അർഥമു​ള്ളു​വെ​ങ്കി​ലും അടിമ​ക​ളും വേലക്കാ​രും അതിൽ ഉൾപ്പെ​ടു​ന്നു​വെ​ന്നു​വ​രാം. അഖായി​ക്കൊസ്‌ എന്നത്‌ ഒരു അടിമ​യു​ടെ തനതായ ലത്തീൻ പേരും, ഫൊർത്തു​നാ​തൊസ്‌ എന്നതു മോചി​പ്പി​ക്ക​പ്പെട്ട അടിമ​യു​ടെ പേരും ആയതു​കൊണ്ട്‌ ഇരുവ​രും അതേ കുടും​ബ​ത്തി​ലെ അംഗങ്ങ​ളാ​യി​രി​ക്കാൻ ഇടയു​ണ്ടെ​ന്നാ​ണു ചില വ്യാഖ്യാ​താ​ക്ക​ളു​ടെ നിരൂ​പണം.

സംഗതി എന്തുത​ന്നെ​യാ​യി​രു​ന്നാ​ലും, സ്‌തെ​ഫ​നാ​സി​ന്റെ കുടും​ബത്തെ പൗലോസ്‌ മാതൃ​ക​യാ​യി പരിഗ​ണി​ച്ചു. അതിലെ അംഗങ്ങൾ “വിശു​ദ്ധൻമാ​രു​ടെ ശുശ്രൂ​ഷെക്കു തങ്ങളെ​ത്തന്നേ ഏല്‌പി​ച്ചി”രുന്നു. സഭയുടെ നന്മയ്‌ക്കു​വേണ്ടി വേല ചെയ്യേ​ണ്ട​തു​ണ്ടെന്നു സ്‌തെ​ഫ​നാ​സി​ന്റെ കുടും​ബം തിരി​ച്ച​റി​യു​ക​യും ആ സേവനം വ്യക്തി​പ​ര​മായ ഉത്തരവാ​ദി​ത്വ​മാ​യി സ്വമേ​ധയാ സ്വീക​രി​ക്കു​ക​യും ചെയ്‌തി​ട്ടു​ണ്ടാ​വണം. വിശു​ദ്ധർക്കു​വേണ്ടി അത്തരം സേവന​മ​നു​ഷ്‌ഠി​ക്കാ​നുള്ള അവരുടെ ആഗ്രഹം ധാർമിക പിന്തു​ണ​യും അംഗീ​കാ​ര​വും അർഹി​ക്കു​ന്ന​താ​യി​രു​ന്നു എന്നതിൽ സംശയ​മില്ല.

“അവർ എന്റെ മനസ്സും നിങ്ങളു​ടെ മനസ്സും തണുപ്പി​ച്ചു​വ​ല്ലോ”

കൊരി​ന്തി​ലെ അവസ്ഥയിൽ പൗലോ​സി​നു ഖേദമു​ണ്ടാ​യി​രു​ന്നെ​ങ്കി​ലും, ആ മൂന്നു സന്ദേശ​വാ​ഹ​ക​രു​ടെ വരവ്‌ അവന്‌ ഉണർവേകി. പൗലോസ്‌ ഇങ്ങനെ പറയുന്നു: “സ്‌തെ​ഫ​നാ​സും ഫൊർത്തു​നാ​തൊ​സും അഖായി​ക്കൊ​സും വന്നതു എനിക്കു സന്തോ​ഷ​മാ​യി. നിങ്ങളു​ടെ ഭാഗത്തു കുറവാ​യി​രു​ന്നതു അവർ നികത്തി​യി​രി​ക്കു​ന്നു. അവർ എന്റെ മനസ്സും നിങ്ങളു​ടെ മനസ്സും തണുപ്പി​ച്ചു​വ​ല്ലോ.” (1 കൊരി​ന്ത്യർ 16:17, 18) ഈ സാഹച​ര്യം കണക്കി​ലെ​ടു​ക്കു​മ്പോൾ, കൊരി​ന്തിൽനി​ന്നു ശാരീ​രി​ക​മാ​യി വിട്ടു​നി​ന്നത്‌ ഒരുപക്ഷേ പൗലോ​സിന്‌ ഉത്‌ക​ണ്‌ഠ​യ്‌ക്കു കാരണ​മാ​യി​രു​ന്നി​രി​ക്കാം. എന്നാൽ ഇപ്പോൾ അവരുടെ പ്രതി​നി​ധി​ക​ളു​ടെ സാന്നി​ധ്യം മുഴു സഭയു​ടെ​യും അസാന്നി​ധ്യ​ത്തെ നികത്തി. സാഹച​ര്യ​ത്തെ​ക്കു​റി​ച്ചുള്ള പൗലോ​സി​ന്റെ ആകമാന വീക്ഷണം പൂർത്തി​യാ​ക്കാ​നും അവന്റെ ഭീതി കുറ​ച്ചെ​ങ്കി​ലും അകറ്റാ​നും അവരുടെ റിപ്പോർട്ട്‌ ഉതകി​യി​രി​ക്കണം. എന്തുത​ന്നെ​യാ​ണെ​ങ്കി​ലും, കാര്യാ​ദി​കൾ ഒരുപക്ഷേ അവൻ ഊഹി​ച്ചി​രു​ന്നത്ര വഷളാ​യി​രു​ന്നില്ല.

പൗലോ​സി​ന്റെ അഭി​പ്രാ​യ​ത്തിൽ, ആ മൂവർ സംഘത്തി​ന്റെ ദൗത്യം തന്റെ മനസ്സിനെ തണുപ്പി​ക്കുക മാത്രമല്ല കൊരി​ന്ത്യ സഭയുടെ മനോ​ഗ​തിക്ക്‌ ഉണർവേ​കു​ക​യും ചെയ്‌തു. തങ്ങളുടെ സന്ദേശ​വാ​ഹകർ സാഹച​ര്യം സംബന്ധി​ച്ചു സകല വിശദാം​ശ​വും വ്യക്തമാ​യി പൗലോ​സി​നോ​ടു വിശദീ​ക​രി​ച്ചു​വെ​ന്നും അവന്റെ ഉപദേ​ശ​വു​മാ​യി തിരി​ച്ചെ​ത്തു​മെ​ന്നും അറിയു​ന്നത്‌ അവരെ സംബന്ധി​ച്ചി​ട​ത്തോ​ളം സാന്ത്വ​ന​ദാ​യ​ക​മാ​യി​രു​ന്നു​വെ​ന്ന​തിൽ സംശയ​മില്ല.

അതു​കൊണ്ട്‌ സ്‌തെ​ഫ​നാ​സും അവന്റെ രണ്ടു സുഹൃ​ത്തു​ക്ക​ളും കൊരി​ന്ത്യ സഭയ്‌ക്കു​വേണ്ടി ചെയ്‌ത വേലനി​മി​ത്തം ഊഷ്‌മ​ള​മാ​യി പ്രശം​സി​ക്ക​പ്പെട്ടു. മടങ്ങി​ച്ചെ​ല്ലു​മ്പോൾ, വിഭജി​ച്ചി​രി​ക്കുന്ന കൊരി​ന്ത്യ സഭയ്‌ക്ക്‌ അവർ നേതൃ​ത്വം പ്രദാനം ചെയ്യു​മെ​ന്നാ​യി​രു​ന്നു അവരെ​ക്കു​റി​ച്ചുള്ള പൗലോ​സി​ന്റെ കണക്കു​കൂ​ട്ടൽ. അപ്പോ​സ്‌തലൻ സഹോ​ദ​ര​ങ്ങളെ ഇങ്ങനെ പ്രബോ​ധി​പ്പി​ക്കു​ന്നു: “ഇങ്ങനെ​യു​ള്ള​വർക്കും അവരോ​ടു​കൂ​ടെ പ്രവർത്തി​ക്ക​യും അദ്ധ്വാ​നി​ക്ക​യും ചെയ്യുന്ന ഏവന്നും നിങ്ങളും കീഴ്‌പെ​ട്ടി​രി​ക്കേണം . . . ഇങ്ങനെ​യു​ള്ള​വരെ മാനി​ച്ചു​കൊൾവിൻ.” (1 കൊരി​ന്ത്യർ 16:16, 18) അത്തരം ശക്തമായ ശുപാർശകൾ, സഭയ്‌ക്കു​ള്ളി​ലെ പിരി​മു​റു​ക്ക​ത്തി​നി​ട​യി​ലും ആ പുരു​ഷ​ന്മാർക്കു​ണ്ടാ​യി​രുന്ന തികഞ്ഞ വിശ്വ​സ്‌ത​തയെ വ്യക്തമാ​യി ചൂണ്ടി​ക്കാ​ട്ടു​ന്നു. അങ്ങനെ​യു​ള്ള​വരെ ബഹുമാ​നി​ക്കണം.—ഫിലി​പ്പി​യർ 2:29.

വിശ്വസ്‌ത സഹകരണം നല്ല ഫലങ്ങൾ ഉത്‌പാ​ദി​പ്പി​ക്കു​ന്നു

യഹോ​വ​യു​ടെ സ്ഥാപന​വും അതിന്റെ പ്രതി​നി​ധി​ക​ളു​മാ​യുള്ള ഉറ്റ സഹകരണം നല്ല ഫലങ്ങൾ ഉത്‌പാ​ദി​പ്പി​ക്കു​ന്നു​വെ​ന്ന​തിൽ യാതൊ​രു സംശയ​വു​മില്ല. ഒന്നാമത്തെ ലേഖന​മെ​ഴു​തി അധികം താമസി​യാ​തെ പൗലോസ്‌, രണ്ടു കൊരി​ന്ത്യർ എന്ന്‌ ഇന്നറി​യ​പ്പെ​ടുന്ന ലേഖന​മെ​ഴു​തി​യ​പ്പോ​ഴേ സഭയിൽ കാര്യാ​ദി​കൾ മെച്ച​പ്പെ​ട്ടു​വ​രു​ക​യാ​യി​രു​ന്നു. അഖായി​ക്കൊസ്‌, ഫൊർത്തു​നാ​തൊസ്‌, സ്‌തെ​ഫ​നാസ്‌ എന്നീ സഹോ​ദ​ര​ന്മാ​രു​ടെ ക്ഷമയോ​ടെ​യുള്ള തുടർച്ച​യായ പ്രവർത്തനം നല്ല ഫലം ഉളവാക്കി.—2 കൊരി​ന്ത്യർ 7:8-15; പ്രവൃ​ത്തി​കൾ 16:4, 5 താരത​മ്യം ചെയ്യുക.

വിശ്വ​സ്‌ത​രാ​യ ഈ പുരു​ഷ​ന്മാ​രെ​ക്കു​റി​ച്ചു തിരു​വെ​ഴു​ത്തിൽ നൽകി​യി​രി​ക്കുന്ന ഈ ഹ്രസ്വ പരാമർശ​ത്തെ​ക്കു​റി​ച്ചു ധ്യാനി​ക്കു​ന്ന​തി​ലൂ​ടെ യഹോ​വ​യു​ടെ ജനത്തിന്റെ ആധുനി​ക​നാ​ളി​ലെ സഭാം​ഗ​ങ്ങൾക്കു പ്രയോ​ജ​ന​മ​നു​ഭ​വി​ക്കാൻ കഴിയും. ഉദാഹ​ര​ണ​ത്തിന്‌, പ്രാ​ദേ​ശിക സഭയിൽ ചില കാരണ​ങ്ങ​ളാൽ ഉചിത​മാ​യി പരിഹ​രി​ക്കാ​നാ​വാത്ത, സഹോ​ദ​ര​ങ്ങൾക്ക്‌ ഉത്‌ക​ണ്‌ഠ​യ്‌ക്കു കാരണ​മായ ഒരു സ്ഥിതി​വി​ശേഷം നിർവി​ഘ്‌നം തുടരു​ക​യാ​ണെന്നു സങ്കൽപ്പി​ക്കുക. എന്തു ചെയ്യേ​ണ്ട​തുണ്ട്‌? സ്ഥിതി​വി​ശേ​ഷ​ത്തെ​പ്പറ്റി പൗലോ​സി​നെ അറിയി​ക്കാ​നുള്ള തങ്ങളുടെ ഉത്തരവാ​ദി​ത്വ​ത്തിൽനിന്ന്‌ ഒഴിഞ്ഞു​മാ​റാഞ്ഞ സ്‌തെ​ഫ​നാസ്‌, ഫൊർത്തു​നാ​തൊസ്‌, അഖായി​ക്കൊസ്‌ എന്നീ സഹോ​ദ​ര​ന്മാ​രെ അനുക​രിച്ച്‌, കാര്യാ​ദി​കൾ യഹോ​വ​യു​ടെ കരങ്ങളി​ലേൽപ്പി​ക്കുക. ഒറ്റയ്‌ക്കു നടപടി സ്വീക​രി​ക്കാ​നോ “യഹോ​വ​യോ​ടു മുഷി”യാനോ അവരുടെ നീതി​യോ​ടുള്ള തീക്ഷ്‌ണത ഒരുത​ര​ത്തി​ലും ഇടയാ​ക്കി​യില്ല.—സദൃശ​വാ​ക്യ​ങ്ങൾ 19:3.

സഭകൾ യേശു​ക്രി​സ്‌തു​വി​ന്റേ​താണ്‌. അവയുടെ ആത്മീയ ക്ഷേമത്തി​നോ സമാധാ​ന​ത്തി​നോ ഭീഷണി ഉയർത്തുന്ന ഏതു ബുദ്ധി​മു​ട്ടു​ക​ളും പരിഹ​രി​ക്കു​ന്ന​തി​നു കൊരി​ന്തി​ലേ​പ്പോ​ലെ​തന്നെ തക്ക സമയത്ത്‌ അവൻ നടപടി സ്വീക​രി​ക്കും. (എഫെസ്യർ 1:22; വെളി​പ്പാ​ടു 1:12, 13, 20; 2:1-4) അതിനി​ട​യിൽ, നാം സ്‌തെ​ഫ​നാസ്‌, ഫൊർത്തു​നാ​തൊസ്‌, അഖായി​ക്കൊസ്‌ എന്നിവർ വെച്ച ഉത്തമ മാതൃക പിൻപ​റ്റു​ക​യും നമ്മുടെ സഹോ​ദ​ര​ങ്ങ​ളു​ടെ സേവന​ത്തി​നാ​യി തുടർന്ന്‌ അധ്വാ​നി​ക്കു​ക​യും ചെയ്യു​ന്ന​പക്ഷം, നാമും സഭാ​ക്ര​മീ​ക​ര​ണ​ങ്ങളെ വിശ്വ​സ്‌ത​ത​യോ​ടെ പിന്തു​ണ​യ്‌ക്കു​ക​യും നമ്മുടെ സഹോ​ദ​ര​ങ്ങളെ കെട്ടു​പ​ണി​ചെ​യ്യു​ക​യും ‘അവരെ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും ഉത്സാഹി​പ്പി’ക്കുകയു​മാ​കും ചെയ്യു​ന്നത്‌.—എബ്രായർ 10:24, 25.