ദൈവ​രാ​ജ്യ​ത്തിൻകീ​ഴിൽ ഭൂമി​യു​ടെ ശോഭ​ന​മായ ഭാവി

“വിശ്വാ​സം പ്രത്യാ​ശി​ക്കുന്ന കാര്യ​ങ്ങ​ളു​ടെ ഉറപ്പാ​ക്ക​പ്പെട്ട പ്രതീ​ക്ഷ​യാണ്‌” എന്ന്‌ ബൈബിൾ പറയുന്നു. (എബ്രായർ 11:1) കഴിഞ്ഞ ലേഖന​ത്തിൽ നാം കണ്ടതു​പോ​ലെ ക്രിസ്‌തു​വി​ന്റെ ജനനത്തിന്‌ 500-ൽപരം വർഷങ്ങൾക്കു​മുമ്പ്‌ ദാനി​യേ​ലി​ന്റെ കാലം മുതൽ നമ്മുടെ സ്വന്തം നാൾവ​രെ​യുള്ള ലോക​ശ​ക്തി​ക​ളു​ടെ ഉയർച്ച​യും വീഴ്‌ച​യും സംബന്ധിച്ച ഒരു പ്രാവ​ച​നിക പൂർവ​വീ​ക്ഷണം ദാനി​യേ​ലി​ന്റെ പുസ്‌ത​ക​ത്തിൽ എഴുതി​ക്കാൻ ദൈവം ഇടയാക്കി. ഈ പ്രവച​ന​ങ്ങ​ളു​ടെ കൃത്യത ദാനി​യേ​ലി​ന്റെ പ്രവച​ന​ങ്ങ​ളി​ലെ ശേഷി​ച്ച​ഭാ​ഗ​വും നിവൃ​ത്തി​യേ​റു​മെ​ന്നും പെട്ടെ​ന്നു​തന്നെ യേശു​ക്രി​സ്‌തു​വി​ന്റെ കീഴി​ലുള്ള ദൈവ​ത്തി​ന്റെ രാജ്യം മാനു​ഷ​ഗ​വൺമെൻറു​കളെ മാററി​പ്ര​തി​ഷ്‌ഠി​ക്കു​മെ​ന്നും നമുക്കു ഉറപ്പു​ത​രു​ന്നു, വിശ്വാ​സ​ത്തി​നുള്ള ശക്തമായ കാരണം നൽകുന്നു.

അത്‌ മനുഷ്യ​സ​മു​ദാ​യ​ത്തിന്‌ എന്തോരു മാററ​മാ​യി​രി​ക്കും അർത്ഥമാ​ക്കു​ന്നത്‌! ആ സമയ​ത്തേക്ക്‌ മുന്നോ​ട്ടു നോക്കി​ക്കൊണ്ട്‌ ദൈവം തന്നെ പറയുന്നു: “നോക്കൂ! ഞാൻ സകലവും പുതു​താ​ക്കു​ന്നു.” (വെളി​പ്പാട്‌ 21:5) ആ സന്തുഷ്ട കാലത്തി​ന്റെ ഒരു ചിത്രം നമുക്കു​വേണ്ടി വരച്ചു​കാ​ട്ടുന്ന നിശ്വസ്‌ത പ്രവച​ന​ങ്ങ​ളു​ടെ ഒരു പരിചി​ന്തനം “പുതിയ” കാര്യങ്ങൾ എങ്ങനെ​യാ​യി​രി​ക്കു​മെന്ന്‌, ഇന്ന്‌ മാനു​ഷ​ഭ​ര​ണ​ത്തിൻകീ​ഴിൽ നാം കാണു​ന്ന​തിൽനിന്ന്‌ തികച്ചും എത്ര വ്യത്യ​സ്‌ത​മാ​യി​രി​ക്കു​മെന്ന്‌ മനസ്സി​ലാ​ക്കു​ന്ന​തിന്‌ നമ്മെ സഹായി​ക്കും. നിശ്ചയ​മാ​യും നമ്മുടെ ഭൂമി​യു​ടെ​യും അതിലെ ജീവ​ന്റെ​യും ഭാവിയെ സംബന്ധിച്ച്‌ ബൈബിൾ പറയു​ന്നത്‌ വിസ്‌മ​യ​ക​രം​ത​ന്നെ​യാണ്‌.

കുററ​കൃ​ത്യ​വും അക്രമ​വും അവസാ​നി​ക്കും. “എന്തു​കൊ​ണ്ടെ​ന്നാൽ ദുഷ്‌പ്ര​വൃ​ത്തി​ക്കാർ തന്നേ ഛേദി​ക്ക​പ്പെ​ടും, . . . ദുഷ്ടൻ മേലാൽ ഉണ്ടായി​രി​ക്ക​യില്ല.” ജീവി​ച്ചി​രി​ക്കു​ന്നവർ “ഓരോ​രു​ത്തൻ താന്താന്റെ മുന്തി​രി​വ​ള്ളി​യു​ടെ കീഴി​ലും താന്താന്റെ അത്തിവൃ​ക്ഷ​ത്തി​ന്റെ കീഴി​ലും യഥാർത്ഥ​ത്തിൽ ഇരിക്കും, അവരെ ഭയപ്പെ​ടു​ത്തുന്ന ആരും ഉണ്ടായി​രി​ക്ക​യില്ല; എന്തു​കൊ​ണ്ടെ​ന്നാൽ സൈന്യ​ങ്ങ​ളു​ടെ യഹോ​വ​യു​ടെ വായ്‌ തന്നേ അതു പറഞ്ഞി​രി​ക്കു​ന്നു.”—സങ്കീർത്തനം 37:9, 10; മീഖാ 4:4.

വർഗ്ഗീ​യ​മോ ദേശീ​യ​മോ ആയ വിഭജ​ന​ങ്ങ​ളും അവ പ്രചോ​ദി​പ്പി​ക്കുന്ന യുദ്ധങ്ങ​ളും അപ്രത്യ​ക്ഷ​പ്പെ​ട്ടി​രി​ക്കും. “രാഷ്‌ട്രം രാഷ്‌ട്ര​ത്തി​നെ​തി​രെ വാളു​യർത്തു​ക​യില്ല, അവർ മേലാൽ ഒരിക്ക​ലും യുദ്ധം അഭ്യസി​ക്ക​യു​മില്ല.”—യെശയ്യാവ്‌ 2:4.

പാർപ്പി​ട​ദൗർല​ഭ്യ​ങ്ങ​ളും ഭവനമി​ല്ലാ​യമ​യും തൊഴി​ലി​ല്ലാ​യമ​യും കഴിഞ്ഞ​കാല കാര്യ​ങ്ങ​ളാ​യി​രി​ക്കും. യെശയ്യാവ്‌ ഇപ്രകാ​രം മുൻകൂ​ട്ടി​പ്പ​റഞ്ഞു: “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ടങ്ങൾ ഉണ്ടാക്കു​ക​യും അതിന്റെ ഫലം ഭക്ഷിക്കു​ക​യും ചെയ്യും. . . . എന്റെ തിര​ഞ്ഞെ​ടു​ക്ക​പ്പെ​ട്ട​വർതന്നെ തങ്ങളുടെ സ്വന്തം കൈക​ളു​ടെ അദ്ധ്വാ​ന​ഫലം പൂർണ്ണ​മാ​യി ഉപയോ​ഗി​ക്കും.”—യെശയ്യാവ്‌ 65:21, 22.

അടുത്ത​കാ​ലത്ത ആഫ്രി​ക്ക​യു​ടെ ഭാഗങ്ങളെ ബാധിച്ച തരത്തി​ലുള്ള ഭയങ്കര ഭക്ഷ്യക്ഷാ​മ​ങ്ങൾക്കു പകരം സകലർക്കും സമൃദ്ധ​മായ ഭക്ഷണം ലഭിക്കും. “ഭൂമി​യിൽ ധാന്യ​സ​മൃ​ദ്ധി​യു​ണ്ടാ​കും; പർവത​ശി​ഖ​ര​ങ്ങ​ളിൽ ഒരു കവി​ഞ്ഞൊ​ഴുക്ക്‌ ഉണ്ടാകും.” “ഭൂമി​തന്നേ നിശ്ചയ​മാ​യും അതിന്റെ ഉൽപന്നം നൽകും; ദൈവം, നമ്മുടെ ദൈവം നമ്മെ അനു​ഗ്ര​ഹി​ക്കും.”—സങ്കീർത്തനം 72:16; 67:6, 7.

കൂടാതെ, ഈ അനു​ഗ്ര​ഹങ്ങൾ ആസ്വദി​ക്കു​ന്ന​തി​നുള്ള ആരോ​ഗ്യ​വും ജീവനും ഉണ്ടായി​രി​ക്കും. യേശു​വി​ന്റെ ഭൗമി​ക​ശു​ശ്രൂ​ഷ​യു​ടെ കാലത്തു​പോ​ലും “അന്ധർക്കു കാഴ്‌ച ലഭിക്കു​ന്നു, മുടന്തർ നടക്കുന്നു, കുഷ്‌ഠ​രോ​ഗി​കൾ സൗഖ്യം പ്രാപി​ക്കു​ന്നു, ബധിരർ കേൾക്കു​ന്നു” എന്ന്‌ സത്യസ​ന്ധ​മാ​യി പറയ​പ്പെട്ടു. എന്നിരു​ന്നാ​ലും വളരെ വലിയ ഒരു വാഗ്‌ദാ​നം ബാധക​മാ​കും: “അവൻ [ദൈവം] അവരുടെ കണ്ണുക​ളിൽനിന്ന്‌ കണ്ണുനീർ എല്ലാം തുടച്ചു​ക​ള​യും, മേലാൽ മരണം ഉണ്ടായി​രി​ക്ക​യില്ല, വിലാ​പ​മൊ കരച്ചി​ലൊ വേദന​യൊ മേലാൽ ഉണ്ടായി​രി​ക്ക​യില്ല. കഴിഞ്ഞ കാര്യങ്ങൾ നീങ്ങി​പ്പോ​യി​രി​ക്കു​ന്നു.”—ലൂക്കോസ്‌ 7:22; വെളി​പ്പാട്‌ 21:4.

എന്തോരു അത്ഭുത​ക​ര​മായ മാററം! ക്ലേശമ​നു​ഭ​വി​ക്കുന്ന മനുഷ്യ​വർഗ്ഗ​ത്തിന്‌ ഇവയെ​ല്ലാം എന്തോരു ആശ്വാസം കൈവ​രു​ത്തും! ലോക​ഭ​ര​ണ​ത്തി​ന്റെ ഈ ചരി​ത്ര​പ്ര​ധാ​ന​മായ മാററ​ത്തിൽനിന്ന്‌ സംജാ​ത​മാ​കുന്ന പ്രയോ​ജ​നങ്ങൾ നിങ്ങൾക്കും കൊയ്യാൻ സാധ്യ​മാ​കു​ന്ന​തിന്‌ ഇപ്പോൾത്തന്നേ നിങ്ങ​ളെ​ത്തന്നെ ദൈവ​രാ​ജ്യ​ത്തി​നു കീഴ്‌പ്പെ​ടു​ത്താൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. (w88 6⁄15)

[11-ാം പേജിലെ ചിത്രം]

ഇപ്പോൾ ജീവി​ക്കുന്ന ആളുകൾക്ക്‌ അത്‌ഭു​ത​ക​ര​മായ അനു​ഗ്ര​ഹ​ങ്ങൾക്കാ​യി നോക്കി​പ്പാർത്തി​രി​ക്കാ​വു​ന്ന​താണ്‌—യുദ്ധത്തി​ന്റെ​യും കുററ​കൃ​ത്യ​ത്തി​ന്റെ​യും ദാരി​ദ്ര്യ​ത്തി​ന്റെ​യും രോഗ​ത്തി​ന്റെ​യും മരണത്തി​ന്റെ തന്നേയും അവസാ​ന​ത്തി​നാ​യി​ത്തന്നെ. നിങ്ങൾ അത്തരം ഒരു ഭാവി ആസ്വദി​ക്കു​മോ?