നന്ദിയു​ള്ളവർ ആയിരി​ക്കേ​ണ്ട​തെ​ന്തു​കൊണ്ട്‌?

ഈ മാസി​ക​യു​ടെ മുൻ കവർപേജ്‌ കാണുക. തീർച്ച​യാ​യും, എല്ലായി​ട​ത്തും കാണുന്ന വൈരൂ​പ്യ​ത്തി​നും വൃത്തി​കേ​ടി​നും പരിഹാ​ര​മാ​യി മനോ​ഹ​ര​മായ അനേകം വസ്‌തു​ക്ക​ളു​ണ്ടെന്ന്‌ ഇത്‌ നമ്മെ അനുസ്‌മ​രി​പ്പി​ക്കു​ന്നു.

നിങ്ങൾ മനോ​ഹ​ര​വ​സ്‌തു​ക്കളെ വിലമ​തി​ക്കു​ന്നു​വോ? ഒരു കൊടു​ങ്കാ​റ​റി​ന്റെ ഇരുട്ടി​നു​ശേ​ഷ​മുള്ള പ്രശാ​ന്ത​വും ലോല​വു​മായ നിറച്ചാർത്തോ​ടു​കൂ​ടിയ ഒരു മഴവി​ല്ലി​നെ​ക്കു​റി​ച്ചു ചിന്തി​ക്കുക. ഇരമ്പി​ച്ചാ​ടുന്ന ഒരു ജലപാ​ത​ത്തെ​ക്കു​റിച്ച്‌ സങ്കൽപ്പി​ക്കുക. അല്ലെങ്കിൽ കുഞ്ഞു​ങ്ങ​ളു​മാ​യി വിഹരി​ക്കുന്ന മൃഗങ്ങളെ വിഭാ​വ​ന​ചെ​യ്യാൻ ശ്രമി​ക്കുക. ഒരു ഉല്ലാസ​പ്ര​ദ​മായ പൂന്തോ​ട്ടത്തെ അല്ലെങ്കിൽ ഒരു സമൃദ്ധ​മായ ഗോത​മ്പു​വി​ളയെ ഭാവന​യിൽ ചിത്രീ​ക​രി​ക്കുക. ഉവ്വ്‌, ഇവ അനേകർക്കും സാധാരണ കാഴ്‌ച​ക​ളാണ്‌. എന്നാൽ അവയ്‌ക്ക്‌ നിങ്ങളു​ടെ​മേൽ എന്തു ഫലമുണ്ട്‌?

സാധാ​ര​ണ​മെന്നു കരുത​പ്പെ​ടു​ന്നു

സാധാ​ര​ണ​യാ​യി, എത്ര കൂടെ​ക്കൂ​ടെ എന്തെങ്കി​ലും അനുഭ​വ​പ്പെ​ടു​ന്നു​വോ അത്രക്ക്‌ അത്‌ സാധാ​ര​ണ​മാ​യി​ത്തീ​രു​ന്നു—അങ്ങനെ കരുതു​ന്നത്‌ ഏറെ എളുപ്പ​വു​മാണ്‌. ശീഘ്ര​ഗ​തി​വേ​ഗ​മുള്ള ഈ 20-ാം നൂററാ​ണ്ടിൽ ഈ പരാജയം കൂടുതൽ മുന്തി​നിൽക്കു​ന്ന​താ​യി തോന്നി​യേ​ക്കാം. എന്നാൽ വിചി​ന്ത​നം​ചെ​യ്യു​ന്ന​തി​നു സമയ​മെ​ടു​ക്കാ​ത്തത്‌ അല്ലെങ്കിൽ അനു​ഗ്ര​ഹ​ങ്ങ​ളും നന്ദിക്കുള്ള കാരണ​ങ്ങ​ളും കണക്കി​ലെ​ടു​ക്കാ​ത്തത്‌ എല്ലായ്‌പ്പോ​ഴും അപൂർണ്ണ​മ​നു​ഷ്യ​വർഗ്ഗ​ത്തി​ന്റെ ദൗർബ​ല്യ​ങ്ങ​ളി​ലൊ​ന്നാ​യി​രു​ന്നി​ട്ടുണ്ട്‌.

മറിച്ച്‌, സങ്കീർത്ത​ന​ക്കാ​ര​നായ ദാവീദ്‌ നിശ്വ​സ്‌ത​ത​യിൽ ഗാനരൂ​പ​ത്തിൽ എപ്പോ​ഴും നന്ദി പ്രകടി​പ്പി​ച്ചു. ദാവീ​ദി​ന്റെ കീർത്ത​ന​ങ്ങ​ളി​ലൊ​ന്നിൽ ദൈവത്തെ സംബോ​ധ​ന​ചെ​യ്‌തു പാടിയ ഈ വാക്കുകൾ നന്ദിയു​ടെ ഒരു മുഖ്യ ദൃഷ്ടാ​ന്ത​മാണ്‌:

“നിന്റെ വിരലു​ക​ളു​ടെ പ്രവൃ​ത്തി​ക​ളായ നിന്റെ ആകാശ​ങ്ങ​ളെ​യും,

നീ ഒരുക്കി​യി​രി​ക്കുന്ന ചന്ദ്ര​നെ​യും നക്ഷത്ര​ങ്ങ​ളെ​യും ഞാൻ കാണു​മ്പോൾ,

നീ മർത്യ​നായ മനുഷ്യ​നെ ഓർക്കേ​ണ്ട​തിന്‌,

ഭൗമിക മമനു​ഷ്യ​ന്റെ പുത്രനെ നീ പരിപാ​ലി​ക്കേ​ണ്ട​തിന്‌

അവൻ എന്ത്‌?

നീ നിന്റെ കൈക​ളു​ടെ പ്രവൃ​ത്തി​കളെ അവൻ

ഭരിക്കാനിടയാക്കുന്നു;

സകലത്തെയും നീ അവന്റെ പാദങ്ങ​ളിൻകീ​ഴി​ലാ​ക്കി​യി​രി​ക്കു​ന്നു:

ചെറിയ കന്നുകാ​ലി​ക​ളെ​യും കാളക​ളെ​യു​മെ​ല്ലാം,

തുറസ്സായ വയലിലെ മുഗങ്ങ​ളെ​യും,

ആകാശത്തിലെ പക്ഷിക​ളെ​യും സമു​ദ്ര​ത്തി​ലെ മത്സ്യ​ത്തെ​യും,

സമുദ്രങ്ങളിലെ വഴിക​ളി​ലൂ​ടെ കടന്നു​പോ​കുന്ന എന്തി​നെ​യും​തന്നെ.

ഞങ്ങളുടെ കർത്താ​വായ യഹോവേ, നിന്റെ നാമം സർവഭൂ​മി​യി​ലും എത്ര മഹനീ​യ​മാ​കു​ന്നു”—സങ്കീർത്തനം 8:3, 4, 6-9.

നന്ദിക്ക്‌ മ്ലാനതയെ ശമിപ്പി​ക്കാൻ കഴിയും

മനോ​ഹ​ര​വ​സ്‌തു​ക്കൾക്കു​വേ​ണ്ടി​യുള്ള സങ്കീർത്ത​ന​ക്കാ​രന്റെ നന്ദി അഹിത​ക​ര​മായ കാഴ്‌ച​ക​ളാ​ലോ പ്രയാ​സ​മേ​റിയ സാഹച​ര്യ​ങ്ങ​ളാ​ലോ വരുത്ത​പ്പെട്ട ഏതു മ്ലാനത​ക്കും പരിഹാ​രം വരുത്താൻ സഹായി​ച്ചു. നിങ്ങൾക്കും അതേ അനുഭവം ഉണ്ടായി​രി​ക്കാൻ കഴിയും. എങ്ങനെ? നിങ്ങളു​ടെ ചുററു​മുള്ള ഉല്ലാസ​ദാ​യ​ക​മായ അനേകം വസ്‌തു​ക്കളെ കൂടുതൽ പൂർണ്ണ​മാ​യി വിലമ​തി​ക്കാൻ കഠിന​ശ്രമം ചെയ്യു​ന്ന​തി​നാൽ. ഈ വിധത്തിൽ നിങ്ങൾക്ക്‌ നിങ്ങളു​ടെ സന്തോ​ഷ​ത്തെ​യും നിങ്ങളു​ടെ ചുററു​പാ​ടു​മു​ള്ള​വ​രു​ടെ സന്തോ​ഷ​ത്തെ​യും വർദ്ധി​പ്പി​ക്കാൻ കഴിയും.

അതു​കൊണ്ട്‌ മനോ​ഹാ​രി​ത​യും അതിശ​യ​വും കലർന്ന അനുദിന കാഴ്‌ചകൾ നമ്മുടെ നല്ലവനായ സ്രഷ്ടാ​വി​നോ​ടുള്ള ഹൃദയം​ഗ​മ​മായ നന്ദിക്ക്‌ പ്രേരി​പ്പി​ക്കാൻ അനുവ​ദി​ച്ചു​കൂ​ടേ? നന്ദിയു​ള്ള​വ​രാ​യി​രി​ക്കാൻ കൂടു​ത​ലാ​യുള്ള ചില കാരണങ്ങൾ ഇപ്പോൾ പരിചി​ന്തി​ക്കുക. (w88 7/1)