വാഗ്‌ദത്ത ദേശത്തു​നി​ന്നുള്ള രംഗങ്ങൾ

“കോര​സീ​നെ നിനക്കു ഹാ കഷ്ടം!”—എന്തു​കൊണ്ട്‌?

ദൈവം നിങ്ങളു​ടെ​മേൽ കഷ്ടം പ്രഖ്യാ​പി​ക്കു​ന്ന​തിന്‌ നിങ്ങൾ നിശ്ചയ​മാ​യും ആഗ്രഹി​ക്കു​ക​യില്ല, ഉവ്വോ? അപ്പോൾ, ദൈവ​ത്തി​ന്റെ പുത്ര​നും ന്യായാ​ധി​പ​നു​മാ​യവൻ ഇപ്രകാ​രം പ്രഖ്യാ​പി​ച്ച​പ്പോൾ മൂന്നു ഗലീലി​യൻ നഗരങ്ങ​ളി​ലെ യഹൂദൻമാർ എങ്ങനെ വിചാ​രി​ച്ചു​കാ​ണു​മെന്ന്‌ ചിന്തി​ക്കുക:

“കോര​സീ​നേ നിനക്കു ഹാ കഷ്ടം! ബേത്സയി​ദയേ നിനക്കു ഹാ കഷ്ടം! എന്തു​കൊ​ണ്ടെ​ന്നാൽ നിങ്ങളിൽ നടന്ന വീര്യ​പ്ര​വൃ​ത്തി​കൾ സോരി​ലും സീദോ​നി​ലും നടന്നി​രു​ന്നെ​ങ്കിൽ അവർ വളരെ മുമ്പേ ചണവസ്‌ത്ര​ത്തി​ലും വെണ്ണീ​റി​ലും അനുത​പി​ക്കു​മാ​യി​രു​ന്നു. തത്‌ഫ​ല​മാ​യി ഞാൻ നിങ്ങ​ളോ​ടു പറയുന്നു, ന്യായ​വി​ധി​ദി​വ​സ​ത്തിൽ സോരി​നും സീദോ​നും നിങ്ങ​ളെ​ക്കാൾ സഹിക്കാ​വ​താ​യി​രി​ക്കും. കഫർന്ന​ഹൂ​മേ നീ, . . . ഹേഡീ​സി​നോ​ളം താണു​പോ​കും.”—മത്തായി 11:21-23.

മുകളിൽ കൊടു​ത്തി​രി​ക്കുന്ന ദൃശ്യം ആ നഗരങ്ങ​ളിൽ ഒന്നിനെ—കോര​സീ​നെ—കേന്ദ്രീ​ക​രി​ക്കു​ന്നു. കൂടാതെ ഈ ചിത്രം യഹോ​വ​യു​ടെ സാക്ഷി​ക​ളു​ടെ 1989-ലെ കലണ്ടറി​ന്റെ ജൂലൈ⁄ഓഗസ്‌ററ്‌ മാസങ്ങ​ളിൽ പ്രത്യ​ക്ഷ​പ്പെ​ടു​ന്നു. രസാവ​ഹ​മാ​യി, മത്തായി 11:21-23-ലെ യേശു​വി​ന്റെ വാക്കുകൾ യഹോ​വ​യു​ടെ സാക്ഷി​ക​ളു​ടെ ഓഗസ്‌റ​റി​ലെ ബൈബിൾ വായനാ പട്ടിക​യിൽ ഉൾപ്പെ​ട്ടി​രു​ന്നു. അപ്പോൾ നാം കോര​സീ​നെ​ക്കു​റിച്ച്‌ എന്ത്‌ ഗ്രഹി​ക്കണം?

കൊള്ളാം, പുരാതന കോര​സീൻ സ്ഥിതി​ചെ​യ്‌തി​രു​ന്ന​തെ​വി​ടെയാ​ണെന്ന്‌ ശ്രദ്ധി​ക്കുക. ഈ ഫോ​ട്ടോ​യു​ടെ മുൻഭാ​ഗത്ത്‌ അതിന്റെ ശൂന്യ​ശി​ഷ്ടങ്ങൾ നിങ്ങൾക്കു കാണാൻ കഴിയും. അടുത്ത​താ​യി ഗലീലാ​ക്ക​ട​ലി​ന്റെ വടക്കെ തീരത്തെ വൃക്ഷങ്ങൾ ശ്രദ്ധി​ക്കുക. അവി​ടെ​യാ​യി​രു​ന്നു കഫർന്ന​ഹൂം, ഏകദേശം രണ്ടു​മൈൽ അകലെ. ആകാശ​ത്തു​നി​ന്നുള്ള ഈ ചിത്ര​ത്തി​ന്റെ ദൃശ്യം ഏകദേശം പരന്ന ഒരു പ്രതലത്തെ സൂചി​പ്പി​ച്ചേ​ക്കാം, എന്നിരു​ന്നാ​ലും, യഥാർത്ഥ​ത്തിൽ കോര​സീൻ സമു​ദ്ര​തീ​ര​ത്തു​നിന്ന്‌ ഏകദേശം 885 അടി ഉയരത്തി​ലുള്ള കുന്നു​ക​ളി​ലാണ്‌ സ്ഥിതി​ചെ​യ്യു​ന്നത്‌.

അത്‌ കഫർന്ന​ഹൂ​മിൽനിന്ന്‌ തീരത്തു​കൂ​ടെ ഏതാണ്ട്‌ അതേ ദൂരത്തിൽ ആയിരു​ന്നു ബേത്‌സ​യി​ദാ സ്ഥിതി​ചെ​യ്‌തി​രു​ന്ന​തെന്നു മനസ്സി​ലാ​ക്കാ​നും സഹായി​ക്കു​ന്നു. അങ്ങനെ ഈ മൂന്നു നഗരങ്ങളെ അപലപി​ക്കു​ക​യിൽ യേശു ഗലീല​യി​ലെ തന്റെ പ്രവർത്തന കേന്ദ്ര​ത്തി​ന്റെ ചുററു​മു​ണ്ടാ​യി​രുന്ന ഒരു ചെറിയ പ്രദേ​ശത്തെ കേന്ദ്രീ​ക​രി​ക്കു​ക​യാ​യി​രു​ന്നു. (മത്തായി 4:13; മർക്കോസ്‌ 2:1; ലൂക്കോസ്‌ 4:31) യേശു അവയു​ടെ​മേൽ ശാപം പ്രഖ്യാ​പി​ച്ച​തെ​ന്തു​കൊ​ണ്ടാ​യി​രു​ന്നു?

യേശു ഈ പ്രദേ​ശത്ത്‌ അപ്പോ​സ്‌ത​ലൻമാ​രോ​ടൊത്ത്‌ വളരെ സമയം ചെലവ​ഴി​ക്കു​ക​യും അവൻ അവിടെ അനേകം വീര്യ​പ്ര​വൃ​ത്തി​കൾ ചെയ്യു​ക​യും ചെയ്‌തി​രു​ന്നു. ബേത്സയി​ദാ​ക്കു സമീപം അവൻ അത്ഭുത​ക​ര​മാ​യി 5,000 പേരെ പോഷി​പ്പി​ക്കു​ക​യും ഒരു കുരു​ട​നാ​യി​രുന്ന മമനു​ഷ്യ​ന്റെ കാഴ്‌ച പുനഃ​സ്ഥി​തീ​ക​രി​ക്കു​ക​യും ചെയ്‌തു. (മർക്കോസ്‌ 8:22-25; ലൂക്കോസ്‌ 9:10-17) കഫർന്ന​ഹൂ​മി​ലൊ അതിന​ടു​ത്തൊ ചെയ്‌ത അവന്റെ അത്ഭുത​ങ്ങ​ളിൽ, ദൂരെ​നിന്ന്‌ രോഗി​യാ​യി​രുന്ന ഒരു കുട്ടിയെ സൗഖ്യ​മാ​ക്കി​യ​തും ഒരു ഭൂതബാ​ധി​തനെ സൗഖ്യ​മാ​ക്കി​യ​തും ഒരു പക്ഷവാ​ത​ക്കാ​രനെ നടക്കാ​റാ​ക്കി​യ​തും സിന്ന​ഗോ​ഗി​ലെ ഒരു ഉദ്യോ​ഗ​സ്ഥന്റെ മകളെ ഉയിർപ്പി​ച്ച​തും ഉൾപ്പെ​ട്ടി​രു​ന്നു. (മർക്കോസ്‌ 2:1-12; 5:21-43; ലൂക്കോസ്‌ 4:31-37; യോഹ​ന്നാൻ 4:46-54) കോര​സീ​നു​മാ​യി ഏതു “വീര്യ​പ്ര​വൃ​ത്തി​കളാ”ണ്‌ ബന്ധപ്പെ​ട്ടി​രു​ന്ന​തെന്ന്‌ ബൈബിൾ നമ്മോട്‌ പ്രത്യേ​കം പറയു​ന്നി​ല്ലാ​തി​രി​ക്കെ മത്തായി 11:21 യേശു അവി​ടെ​യൊ അതിന​ടു​ത്തൊ അത്ഭുതങ്ങൾ ചെയ്‌തു​വെന്ന്‌ സൂചി​പ്പി​ക്കു​ന്നു. എന്നിട്ടും ആളുകൾ അനുത​പി​ക്കു​ക​യും അവനെ ദൈവി​ക​പിൻബ​ല​മുള്ള മശിഹാ​യാ​യി വിശ്വ​സി​ക്കു​ക​യും ചെയ്യു​മാ​യി​രു​ന്നില്ല.

യേശു അത്തരം പ്രവർത്ത​നങ്ങൾ നടത്തു​ന്ന​താ​യി ഇവിടെ കൊടു​ത്തി​രി​ക്കുന്ന രംഗം കാണു​മ്പോൾ ‘കോര​സീ​നി​ലെ ആളുകൾക്ക്‌ അത്രയ​ധി​കം പ്രതി​ക​ര​ണ​മി​ല്ലാ​ഞ്ഞ​വ​രാ​യി​രി​ക്കാൻ എങ്ങനെ കഴിയും?’ എന്ന്‌ നിങ്ങൾ ചോദി​ച്ചേ​ക്കാം. ക്രി.വ. മൂന്നാം നൂററാ​ണ്ടി​ലേ​താ​യി​രുന്ന ഈ നാശാ​വ​ശി​ഷ്ട​ങ്ങൾക്കി​ട​യിൽ പുരാ​വ​സ്‌തു​ഗ​വേ​ഷകർ കുഴി​ച്ചെ​ടുത്ത കരിങ്ക​ല്ലു​കൾക്കി​ട​യിൽ ഒരുപക്ഷേ ഒരു സൂചന കണ്ടേക്കാം. ഈ അവശി​ഷ്ട​ങ്ങ​ളിൽ നഗരമ​ദ്ധ്യ​ത്തി​ലെ ഒരു സിന്ന​ഗോ​ഗും അതിന​ടുത്ത പാർപ്പി​ട​പ്ര​ദേ​ശ​ങ്ങ​ളും ഉൾപ്പെ​ടു​ന്നു. സിന്ന​ഗോ​ഗിൽനി​ന്നുള്ള കല്ലുക​ളിൽ ചിലവ​യിൽ അപൂർവ​മായ കൊത്തു​പ​ണി​കൾ ഉണ്ടായി​രു​ന്നു. എന്തിന്റെ? ഗ്രീക്ക്‌ പുരാ​ണ​ത്തി​ലെ പാമ്പു​രൂ​പ​ത്തി​ലുള്ള മുടി​യോ​ടു​കൂ​ടിയ മെഡു​സാ​യു​ടെ​യും പകുതി മനുഷ്യ​നും പകുതി കുതി​ര​യു​മായ സെൻറോ​റി​ന്റെ​യും രൂപങ്ങ​ളു​ടെ​തന്നെ. യഹൂദ​മതം അത്തരം വിഗ്ര​ഹാ​രാ​ധ​നാ​പ​ര​മായ കൊത്തു​പ​ണി​കളെ ശക്തമായി എതിർക്കു​മാ​യി​രു​ന്നി​രി​ക്കെ, കോര​സീ​നി​ലെ യഹൂദ​നേ​താ​ക്കൻമാർ അവ അവരുടെ സിന്ന​ഗോ​ഗിൽ അനുവ​ദി​ച്ച​തെ​ന്തു​കൊ​ണ്ടാ​യി​രു​ന്നു?

ഒരു സിദ്ധാന്തം, “പ്രദേ​ശത്ത്‌ ഒരു ഉദാര മനോ​ഭാ​വം പരമ്പരാ​ഗ​ത​മാ​യി നിലവി​ലി​രു​ന്നി​രു​ന്നു” എന്നതാണ്‌, യേശു​വിന്‌ നഗരത്തിൽ ഒരു നല്ല പ്രതി​ക​രണം ലഭിക്കു​മെന്ന പ്രത്യാ​ശക്കു കാരണം നൽകി​ക്കൊ​ണ്ടു​തന്നെ.a എന്നാൽ ഈ സിന്ന​ഗോ​ഗി​ലെ കൊത്തു​രൂ​പങ്ങൾ യേശു​വി​ന്റെ നാളിലെ ഏതെങ്കി​ലും മനോ​ഭാ​വത്തെ സൂചി​പ്പി​ക്കു​ന്നെ​ങ്കിൽ അത്‌ കോര​സീ​നി​ലെ ഭൂരി​പക്ഷം ആളുക​ളും “പിതാ​വി​നെ ആത്മാവി​ലും സത്യത്തി​ലും” ആരാധി​ക്കു​ന്ന​തു​സം​ബ​ന്ധിച്ച്‌ പ്രത്യേ​കിച്ച്‌ ശ്രദ്ധയു​ള്ള​വ​രാ​യി​രു​ന്നി​ല്ലെ​ന്നാണ്‌. (യോഹ​ന്നാൻ 4:23) അവർ അത്‌ അത്ഭുതം പ്രവർത്തി​ക്കുന്ന മശിഹാ​യെ സ്വീക​രി​ക്കാ​തി​രു​ന്നു​കൊണ്ട്‌ പ്രകട​മാ​ക്കി.

യേശു 70 ശിഷ്യൻമാ​രെ അയച്ച​പ്പോൾ കോര​സീ​ന്റെ​യും ബേത്സയി​ദാ​യു​ടെ​യും കഫർന്ന​ഹൂ​മി​ന്റെ​യും പ്രതി​ക​ര​ണ​മി​ല്ലാ​യ്‌മയെ ഉൾപ്പെ​ടു​ത്തി​ക്കൊണ്ട്‌ അവൻ വീണ്ടും അതിശ​യോ​ക്തി ഉപയോ​ഗി​ച്ചു. യേശു​വി​ന്റെ വീര്യ​പ്ര​വൃ​ത്തി​കളെ സംബന്ധിച്ച്‌ പരിചി​ത​രാ​യി​രുന്ന കോര​സീ​നി​ലെ യേശു​വി​ന്റെ സഹഗലീ​ലി​യാ​ക്കാർ അനുകൂ​ല​മാ​യി പ്രതി​ക​രി​ച്ചി​ല്ലെ​ങ്കിൽ ശിഷ്യൻമാർ പ്രസം​ഗിച്ച മററു ചില നഗരങ്ങ​ളി​ലെ നിവാ​സി​കൾ അവരെ സ്വീക​രി​ച്ചി​ല്ലെ​ങ്കിൽ അവർ അതിശ​യി​ക്ക​രു​താ​യി​രു​ന്നു.—ലൂക്കോസ്‌ 10:10-15.

അതു​കൊണ്ട്‌ നാം കോര​സീ​നി​ലെ ആ കറുത്ത നിർജ്ജീവ നാശശി​ഷ്ട​ങ്ങ​ളെ​ക്കു​റി​ച്ചു പരിചി​ന്തി​ക്കു​മ്പോൾ യേശു​വി​ന്റെ “ശാപ”ത്തിൽ വ്യക്തമാ​യി​രുന്ന മുന്നറി​യിപ്പ്‌ നാം കാര്യ​മാ​യി എടുക്കണം. ദൈവ​ജനം നടത്തുന്ന വേല​യോട്‌ പ്രതി​ക​രണം കാണി​ച്ചു​കൊണ്ട്‌ അനുത​പി​ക്കു​ന്ന​തി​ലെ പരാജ​യ​ത്തിന്‌, അധഃപ​ത​ന​ത്തി​ലേ​ക്കും ശൂന്യ​മായ ഒരു ഭാവി​യി​ലേ​ക്കും നയിക്കാൻ കഴിയും. (w89 7/1)

[അടിക്കു​റിപ്പ്‌]

[26-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

കോരസീൻ

ബേത്സയിദ

കഫർന്നഹൂം

ഗലീലക്കടൽ

തിബെരിയാസ്‌

[കടപ്പാട]

Pictorial Archive (Near Eastern History) Est. and Survey of Israel

[26-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.