ദാനി​യേ​ലി​ന്റെ പ്രാവ​ച​നിക ദിവസ​ങ്ങ​ളും നമ്മുടെ വിശ്വാ​സ​വും

“ആയിരത്തി മുന്നൂ​റ​റി​മു​പ്പ​ത്തഞ്ചു ദിവസ​ത്തോ​ളം കാത്തു ജീവി​ച്ചി​രി​ക്കു​ന്നവൻ ഭാഗ്യ​വാൻ. [“സന്തുഷ്ടൻ!” NW]”—ദാനീ​യേൽ 12:12.

1. യഥാർഥ സന്തുഷ്ടി കണ്ടെത്താൻ അനേകർ പരാജ​യ​പ്പെ​ടു​ന്നത്‌ എന്തു​കൊണ്ട്‌, യഥാർഥ സന്തുഷ്ടി​യെ എന്തി​നോ​ടു ബന്ധപ്പെ​ടു​ത്തി​യി​രി​ക്കു​ന്നു?

“സന്തുഷ്ട​രാ​യി​രി​ക്കാൻ സകലരും ആഗ്രഹി​ക്കു​ന്നു. എന്നിരു​ന്നാ​ലും ഇന്നു വളരെ കുറച്ചു പേർ മാത്രമേ സന്തുഷ്ട​രാ​യി​രി​ക്കു​ന്നു​ള്ളൂ. എന്തു​കൊണ്ട്‌? അതിന്റെ ഒരു കാരണം മിക്കവ​രും സന്തുഷ്ടി അന്വേ​ഷി​ക്കു​ന്നത്‌ ശരിയായ ഇടങ്ങളി​ലല്ല എന്നതാണ്‌. വിദ്യാ​ഭ്യാ​സം, സമ്പത്ത്‌, ഒരു ജീവി​ത​വൃ​ത്തി എന്നിവ​യോ അധികാ​രം കയ്യാളു​ന്ന​തോ പോലുള്ള സംഗതി​ക​ളി​ലാണ്‌ അവർ സന്തോഷം തേടു​ന്നത്‌. പക്ഷേ, യേശു തന്റെ ഗിരി​പ്ര​ഭാ​ഷ​ണ​ത്തി​ന്റെ ആരംഭ​ത്തിൽ ഒരാളു​ടെ ആത്മീയ ആവശ്യ​ബോ​ധം, ദയ, ഹൃദയ​നൈർമ​ല്യം എന്നിങ്ങ​നെ​യുള്ള ഗുണങ്ങ​ളു​മാ​യി​ട്ടാ​ണു സന്തോ​ഷത്തെ ബന്ധപ്പെ​ടു​ത്തി​യത്‌. (മത്തായി 5:3-10) യേശു പറഞ്ഞതരം സന്തുഷ്ടി യഥാർഥ​വും നിലനിൽക്കു​ന്ന​തു​മാണ്‌.

2. പ്രവച​ന​പ്ര​കാ​രം, അന്ത്യകാ​ലത്ത്‌ സന്തുഷ്ടി​യി​ലേക്കു നയിക്കു​ന്നത്‌ എന്താണ്‌, ഇതുസം​ബ​ന്ധിച്ച്‌ ഏതെല്ലാം ചോദ്യ​ങ്ങൾ പൊന്തി​വ​രു​ന്നു?

² അന്ത്യകാ​ലത്തെ അഭിഷി​ക്ത​ശേ​ഷി​പ്പി​ന്റെ സന്തോഷം കൂടു​ത​ലായ മറെറാ​രു സംഗതി​യു​മാ​യും ബന്ധപ്പെ​ട്ടു​കി​ട​ക്കു​ന്നു. ദാനി​യേ​ലി​ന്റെ പുസ്‌ത​ക​ത്തിൽ നാം ഇങ്ങനെ വായി​ക്കു​ന്നു: “ദാനീ​യേലേ, പൊയ്‌ക്കൊൾക; ഈ വചനങ്ങൾ അന്ത്യകാ​ല​ത്തേക്കു അടെച്ചും മുദ്ര​യി​ട്ടും ഇരിക്കു​ന്നു. ആയിരത്തി മുന്നൂ​റ​റി​മു​പ്പ​ത്തഞ്ചു ദിവസ​ത്തോ​ളം കാത്തു ജീവി​ച്ചി​രി​ക്കു​ന്നവൻ ഭാഗ്യ​വാൻ [“സന്തുഷ്ടൻ,” NW].” (ദാനീ​യേൽ 12:9, 12) ഏതു കാലഘ​ട്ട​മാണ്‌ ഈ 1,335 ദിവസം? ആ കാലഘ​ട്ട​ത്തിൽ ജീവി​ക്കു​ന്നവർ സന്തുഷ്ട​രാ​യി​രി​ക്കു​ന്നത്‌ എന്തു​കൊണ്ട്‌? അതിന്‌ ഇന്നു നമ്മുടെ വിശ്വാ​സ​വു​മാ​യി എന്തെങ്കി​ലും ബന്ധമു​ണ്ടോ? ബാബി​ലോ​ന്യ അടിമ​ത്ത​ത്തിൽനിന്ന്‌ ഇസ്രയേൽ മോചി​ത​രാ​യ​ശേഷം—പേർഷ്യൻ രാജാ​വായ കോ​രെ​ശി​ന്റെ രാജവാ​ഴ്‌ച​യു​ടെ മൂന്നാം വർഷം—ഉടൻത​ന്നെ​യാ​ണു ദാനി​യേൽ ഈ വാക്കുകൾ എഴുതി​യത്‌. ആ കാലഘ​ട്ട​ത്തി​ലേക്കു പിന്തി​രി​ഞ്ഞു നോക്കു​ന്നത്‌ ഈ ചോദ്യ​ങ്ങൾക്ക്‌ ഉത്തരം കണ്ടെത്താൻ നമ്മെ സഹായി​ക്കും.—ദാനീ​യേൽ 10:1.

പുനഃ​സ്ഥി​തീ​ക​രണം സന്തുഷ്ടി കൈവ​രു​ത്തു​ന്നു

3. പൊ.യു.മു. 537-ൽ വിശ്വ​സ്‌ത​രായ യഹൂദൻമാർക്കു മഹാസ​ന്തോ​ഷം കൈവ​രു​ത്തി​യതു കോ​രെ​ശി​ന്റെ ഏതു നടപടി​യാ​യി​രു​ന്നു, എന്നാൽ കോ​രെശ്‌ യഹൂദൻമാർക്കു നൽകാഞ്ഞ പദവി ഏത്‌?

³ യഹൂദൻമാർക്കു ബാബി​ലോ​നിൽനി​ന്നുള്ള മോചനം യഥാർഥ വിജ​യോ​ത്സ​വ​ത്തി​നുള്ള ഒരവസ​ര​മാ​യി​രു​ന്നു. യഹൂദൻമാർ ഏതാണ്ട്‌ 70 വർഷത്തെ പ്രവാസം അനുഭ​വി​ച്ചു​തീർന്ന​പ്പോൾ യെരൂ​ശ​ലേ​മിൽ തിരി​കെ​ച്ചെന്നു യഹോ​വ​യു​ടെ ആലയനിർമാ​ണ​വേല പുനഃ​രാ​രം​ഭി​ക്കാൻ അവരെ മഹാനായ കോ​രെശ്‌ ക്ഷണിച്ചു. (എസ്രാ 1:1, 2) പ്രതി​ക​രി​ച്ചവർ വലിയ പ്രതീ​ക്ഷ​യോ​ടെ പുറ​പ്പെട്ടു പൊ.യു.മു. (പൊതു​യു​ഗ​ത്തി​നു മുമ്പ്‌) 537-ൽ സ്വദേ​ശത്ത്‌ എത്തി​ച്ചേർന്നു. എന്നിരു​ന്നാ​ലും ദാവീദ്‌ രാജാ​വി​ന്റെ ഒരു പിൻഗാ​മി​ക്കു കീഴെ ഒരു രാജ്യം പുനഃ​സ്ഥി​തീ​ക​രി​ക്കാൻ കോ​രെശ്‌ അവരെ ക്ഷണിച്ചില്ല.

4, 5. (എ) ദാവീ​ദിക രാജത്വം പിഴു​തെ​റി​യ​പ്പെ​ട്ടത്‌ എപ്പോ​ഴാ​യി​രു​ന്നു? എന്തു​കൊണ്ട്‌? (ബി) ദാവീ​ദിക രാജത്വം പുനഃ​സ്ഥാ​പി​ക്ക​പ്പെ​ടു​മെ​ന്ന​തി​നു യഹോവ എന്ത്‌ ഉറപ്പു നൽകി​യി​രു​ന്നു?

⁴ അതു പ്രധാ​ന​മാ​യി​രു​ന്നു. ഏതാണ്ട്‌ അഞ്ചു നൂററാ​ണ്ടു​കൾക്കു​മു​മ്പു യഹോവ ദാവീ​ദി​നോട്‌ ഇപ്രകാ​രം വാഗ്‌ദത്തം ചെയ്‌തി​രു​ന്നു: “നിന്റെ ഗൃഹവും നിന്റെ രാജത്വ​വും എന്റെ മുമ്പാകെ എന്നേക്കും സ്ഥിരമാ​യി​രി​ക്കും; നിന്റെ സിംഹാ​സ​ന​വും എന്നേക്കും ഉറെച്ചി​രി​ക്കും.” (2 ശമൂവേൽ 7:16) ദുഃഖ​ക​ര​മെ​ന്നു​പ​റ​യട്ടെ, ദാവീ​ദി​ന്റെ രാജകീയ പിൻഗാ​മി​ക​ളിൽ മിക്കവ​രും മത്സരി​ക​ളാ​കു​ക​യും ദാവീ​ദിക രാജത്വം പിഴു​തെ​റി​യ​പ്പെ​ടാൻ യഹോവ അനുവ​ദി​ക്ക​ത്ത​ക്ക​വണ്ണം പൊ.യു.മു. 607-ൽ ജനതയു​ടെ രക്തപാ​തകം അത്രയ്‌ക്കു വലുതാ​യി​ത്തീ​രു​ക​യും ചെയ്‌തു. അന്നുമു​തൽ പൊ.യു. 70-ലെ അതിന്റെ രണ്ടാമത്തെ നാശം​വരെ യെരൂ​ശ​ലേം വിദേ​ശ​മേ​ധാ​വി​ത്വ​ത്തിൻ കീഴി​ലാ​യി​രു​ന്നു. ഇതിന്‌ ഒരപവാ​ദം മക്കബാ​യ​രു​ടെ കീഴിലെ ഒരു ഹ്രസ്വ​കാ​ല​ഘട്ടം മാത്ര​മാ​യി​രു​ന്നു. അങ്ങനെ പൊ.യു.മു. 537-ൽ “ജനതക​ളു​ടെ നിയമി​ത​കാ​ലങ്ങൾ” ആരംഭി​ച്ചു, ഈ കാലഘ​ട്ട​ത്തിൽ ദാവീ​ദി​ന്റെ ഒരു സന്തതി​യും രാജാ​വാ​കി​ല്ലാ​യി​രു​ന്നു.—ലൂക്കോസ്‌ 21:24, NW.

⁵ എന്നിരു​ന്നാ​ലും യഹോവ ദാവീ​ദി​നോ​ടുള്ള തന്റെ വാഗ്‌ദത്തം മറന്നില്ല. ബാബി​ലോ​ന്യ ലോകാ​ധി​പ​ത്യ​ത്തി​ന്റെ സമയം​മു​തൽ ദാവീ​ദി​ന്റെ വംശത്തിൽപ്പെട്ട ഒരു രാജാവ്‌ യഹോ​വ​യു​ടെ ജനങ്ങളു​ടെ രാജ്യ​ത്തിൽ വീണ്ടും ഭരിച്ചു​തു​ട​ങ്ങുന്ന സമയം​വ​രെ​യുള്ള നൂററാ​ണ്ടു​കൾ നീണ്ട കാലയ​ള​വിൽ നടക്കേ​ണ്ടുന്ന ഭാവി ലോക സംഭവ​ങ്ങ​ളു​ടെ വിശദാം​ശങ്ങൾ ദർശന​ങ്ങ​ളു​ടെ​യും സ്വപ്‌ന​ങ്ങ​ളു​ടെ​യും ഒരു പരമ്പര മുഖേന അവിടു​ന്നു തന്റെ പ്രവാ​ച​ക​നായ ദാനി​യേ​ലി​ലൂ​ടെ വെളി​പ്പെ​ടു​ത്തി. ദാനീ​യേൽ പുസ്‌ത​ക​ത്തിൽ 2, 7, 8, 10-12 എന്നീ അധ്യാ​യ​ങ്ങ​ളിൽ രേഖ​പ്പെ​ടു​ത്തി​യി​രി​ക്കുന്ന ഈ പ്രവച​നങ്ങൾ ഒടുവിൽ ദാവീ​ദി​ന്റെ സിംഹാ​സനം സത്യമാ​യും “എന്നേക്കും ഉറപ്പായി സ്ഥാപി​ക്ക​പ്പെ​ടും” [NW] എന്നു വിശ്വ​സ്‌ത​രായ യഹൂദർക്ക്‌ ഉറപ്പു നൽകി. നിശ്ചയ​മാ​യും, വെളി​പ്പെ​ടു​ത്ത​പ്പെട്ട അത്തരം സത്യങ്ങൾ പൊ.യു.മു 537-ൽ സ്വദേ​ശ​ത്തേക്കു തിരി​ച്ചു​വന്ന യഹൂദർക്കു സന്തോഷം കൈവ​രു​ത്തി!

6. ദാനി​യേൽ പ്രവച​ന​ങ്ങ​ളിൽ ചിലതു നമ്മുടെ നാളു​ക​ളി​ലാ​ണു നിറ​വേ​റേ​ണ്ടത്‌ എന്നു നമുക്ക്‌ എങ്ങനെ അറിയാം?

⁶ മിക്ക ബൈബിൾ വ്യാഖ്യാ​താ​ക്ക​ളും ദാനി​യേൽ പ്രവച​നങ്ങൾ മുഴുവൻ യേശു​വി​ന്റെ ജനനത്തി​നു മുമ്പു​തന്നെ നിവൃ​ത്തി​യേ​റി​യെന്ന്‌ അവകാ​ശ​പ്പെ​ടു​ന്നു. പക്ഷേ, വ്യക്തമാ​യും വാസ്‌ത​വ​മതല്ല. ദാനീ​യേൽ 12:4-ൽ ഒരു ദൂതൻ ദാനി​യേ​ലി​നോ​ടു പറയുന്നു: “അന്ത്യകാ​ലം​വരെ ഈ വചനങ്ങളെ അടെച്ചു പുസ്‌ത​ക​ത്തി​ന്നു മുദ്ര​യി​ടുക; പലരും അതിനെ പരി​ശോ​ധി​ക്ക​യും ജ്ഞാനം വർദ്ധി​ക്കു​ക​യും ചെയ്യും.” ദാനി​യേൽ പുസ്‌ത​ക​ത്തി​ന്റെ മുദ്ര അന്ത്യകാ​ലത്തു മാത്രമേ പൊട്ടി​ക്കേ​ണ്ട​തു​ള്ളു​വെ​ങ്കിൽ—അതിന്റെ അർഥം മുഴു​വ​നാ​യി വെളി​പ്പെ​ടേ​ണ്ട​തു​ള്ളു​വെ​ങ്കിൽ—നിശ്ചയ​മാ​യും അതിലെ പ്രവച​ന​ങ്ങ​ളിൽ ചില​തെ​ങ്കി​ലും ആ കാലഘ​ട്ട​ത്തി​ലാ​ണു നിറ​വേ​റേ​ണ്ടത്‌.—ദാനീ​യേൽ 2:28; 8:17; 10:14 കാണുക.

7. (എ) ജാതി​ക​ളു​ടെ നിയമിത കാലങ്ങൾ അവസാ​നി​ച്ച​തെ​പ്പോൾ, അങ്ങനെ​യെ​ങ്കിൽ ഉത്തരം ലഭിക്കേണ്ട അടിയ​ന്തിര ചോദ്യ​മേത്‌? (ബി) “വിശ്വ​സ്‌ത​നും ബുദ്ധി​മാ​നും ആയ ദാസൻ” ആരായി​രു​ന്നില്ല?

⁷ 1914-ൽ ജാതി​ക​ളു​ടെ നിയമിത കാലങ്ങൾ അവസാ​നി​ക്കു​ക​യും ഈ ലോക​ത്തി​ന്റെ അന്ത്യത്തി​നുള്ള സമയം ആരംഭി​ക്കു​ക​യും ചെയ്‌തു. ദാവീ​ദിക രാജ്യം പുനഃ​സ്ഥാ​പി​ത​മാ​യി, ഭൗമിക യെരൂ​ശ​ലേ​മി​ലല്ല, മറിച്ച്‌, അദൃശ്യ​മാ​യി “ആകാശ​മേ​ഘ​ങ്ങളി”ൽ. (ദാനീ​യേൽ 7:13, 14) ആ സമയത്ത്‌, വ്യാജ ക്രിസ്‌ത്യാ​നി​ക​ളാ​കുന്ന “കളകൾ” തഴച്ചു വളരു​ക​യാ​യി​രു​ന്ന​തു​കൊണ്ട്‌ സത്യ​ക്രി​സ്‌ത്യാ​നി​ക​ളു​ടെ സ്ഥിതി വ്യക്തമാ​യി​രു​ന്നില്ല—ചുരു​ങ്ങി​യ​പക്ഷം മനുഷ്യ​നേ​ത്ര​ങ്ങൾക്ക്‌. എന്നിരു​ന്നാ​ലും ഒരു സുപ്ര​ധാന ചോദ്യ​ത്തിന്‌ ഉത്തരം കണ്ടെ​ത്തേ​ണ്ട​തു​ണ്ടാ​യി​രു​ന്നു: “വിശ്വ​സ്‌ത​നും ബുദ്ധി​മാ​നും ആയ ദാസൻ ആർ?” (മത്തായി 13:24-30; 24:45) ഭൂമി​യിൽ പുനഃ​സ്ഥാ​പി​ത​മായ ദാവീ​ദിക രാജ്യത്തെ ആർ പ്രതി​നി​ധാ​നം ചെയ്യും? ദാനി​യേ​ലി​ന്റെ ജഡിക സഹോ​ദ​ര​ങ്ങ​ളായ യഹൂദരല്ല. മിശി​ഹാ​യിൽ വിശ്വാ​സം പ്രകട​മാ​ക്കാ​തെ ഇടറി​പ്പോ​യ​തു​നി​മി​ത്തം അവർ തിരസ്‌ക​രി​ക്ക​പ്പെ​ട്ടി​രു​ന്നു. (റോമർ 9:31-33) ക്രൈ​സ്‌ത​വ​ലോ​ക​ത്തി​ന്റെ സംഘട​ന​കൾക്കി​ട​യിൽ ഒരു കാരണ​വ​ശാ​ലും വിശ്വസ്‌ത ദാസൻ ഇല്ലായി​രു​ന്നു! യേശു​വിന്‌ അവരെ അറിയി​ല്ലെന്ന്‌ അവരുടെ ദുഷ്‌കൃ​ത്യ​ങ്ങൾ തെളി​യി​ച്ചു. (മത്തായി 7:21-23) അപ്പോൾപ്പി​ന്നെ അത്‌ ആരായി​രു​ന്നു?

8. അന്ത്യകാ​ലത്തെ “വിശ്വ​സ്‌ത​നും ബുദ്ധി​മാ​നും ആയ ദാസൻ” ആരാ​ണെന്നു തെളി​ഞ്ഞി​രി​ക്കു​ന്നു? നാം അത്‌ എങ്ങനെ അറിയു​ന്നു?

⁸ സംശയ​ലേ​ശ​മ​ന്യേ, ബൈബിൾ വിദ്യാർഥി​കൾ എന്ന്‌ 1914-ൽ അറിയ​പ്പെ​ട്ടി​രുന്ന, യേശു​വി​ന്റെ അഭിഷിക്ത സഹോ​ദ​രൻമാ​രു​ടെ ചെറിയ സംഘമാ​യി​രു​ന്നു അത്‌. എന്നാൽ 1931 മുതൽ അവർ യഹോ​വ​യു​ടെ സാക്ഷി​ക​ളാ​യി തിരി​ച്ച​റി​യ​പ്പെട്ടു. (യെശയ്യാ​വു 43:10) ദാവീ​ദി​ന്റെ വംശത്തിൽ പുനഃ​സ്ഥാ​പി​ത​മായ രാജ്യത്തെ പരസ്യ​പ്പെ​ടു​ത്തി​യി​രി​ക്കു​ന്നത്‌ അവർ മാത്ര​മാണ്‌. (മത്തായി 24:14) ലോക​ത്തിൽനി​ന്നു വേർപെ​ട്ടി​രി​ക്കു​ക​യും യഹോ​വ​യു​ടെ നാമത്തെ മഹത്വീ​ക​രി​ക്കു​ക​യും ചെയ്‌തി​രി​ക്കു​ന്നത്‌ അവർ മാത്ര​മാണ്‌. (യോഹ​ന്നാൻ 17:6, 14) അന്ത്യകാ​ലത്തെ ദൈവ​ജ​നത്തെ സംബന്ധി​ച്ചുള്ള ബൈബിൾ പ്രവച​നങ്ങൾ നിവർത്തി​ച്ചി​രി​ക്കു​ന്നത്‌ അവരിൽ മാത്ര​മാണ്‌. ദാനീ​യേൽ 12-ാം അധ്യാ​യ​ത്തിൽ കാണുന്ന പ്രാവ​ച​നിക കാലഘ​ട്ട​ങ്ങ​ളു​ടെ പരമ്പര ഈ പ്രവച​ന​ങ്ങ​ളിൽപ്പെ​ട്ട​താണ്‌. ഇതിൽ സന്തോഷം കൈവ​രു​ത്തുന്ന 1,335 ദിവസ​വും ഉൾപ്പെ​ടു​ന്നു.

1,260 ദിവസം

9, 10. ദാനീ​യേൽ 7:25-ലെ “കാലവും കാലങ്ങ​ളും കാലാം​ശ​വും” എന്നു വർണിച്ച കാലഘ​ട്ടത്തെ തിരി​ച്ച​റി​യിച്ച സംഭവങ്ങൾ എന്തെല്ലാം, ഇതേ കാലഘ​ട്ട​ത്തി​ന്റെ ഒരു സമാന്ത​ര​വി​വ​രണം മറേറതു തിരു​വെ​ഴു​ത്തു​ക​ളി​ലാ​ണു​ള്ളത്‌?

⁹ ആദ്യത്തെ പ്രാവ​ച​നിക കാലഘ​ട്ട​ത്തെ​ക്കു​റി​ച്ചു ദാനീ​യേൽ 12:7-ൽ നാം ഇങ്ങനെ വായി​ക്കു​ന്നു: “ഇനി കാലവും കാലങ്ങ​ളും കാലാർദ്ധ​വും ചെല്ലും; അവർ വിശു​ദ്ധ​ജ​ന​ത്തി​ന്റെ ബലത്തെ തകർത്തു​കളഞ്ഞ ശേഷം ഈ കാര്യങ്ങൾ ഒക്കെയും നിവൃ​ത്തി​യാ​കും.”a ഇതേ കാലഘട്ടം വെളി​പ്പാ​ടി​ന്റെ 11:3-6-ൽ സൂചി​പ്പി​ച്ചി​രി​ക്കു​ന്നു. ദൈവ​ത്തി​ന്റെ സാക്ഷികൾ ചണവസ്‌ത്രം ധരിച്ചു മൂന്നര വർഷം പ്രസം​ഗി​ക്കു​ക​യും വധിക്ക​പ്പെ​ടു​ക​യും ചെയ്യു​മെന്ന്‌ അവിടെ പറഞ്ഞി​രി​ക്കു​ന്നു. വീണ്ടും, ദാനീ​യേൽ 7:25-ൽ നാം വായി​ക്കു​ന്നു: “അവൻ അത്യു​ന്ന​ത​നാ​യ​വന്നു വിരോ​ധ​മാ​യി വമ്പു പറയു​ക​യും അത്യു​ന്ന​ത​നാ​യ​വന്റെ വിശു​ദ്ധൻമാ​രെ ഒടുക്കി​ക്ക​ള​ക​യും സമയങ്ങ​ളെ​യും നിയമ​ങ്ങ​ളെ​യും മാററു​വാൻ ശ്രമി​ക്ക​യും ചെയ്യും; കാലവും കാലങ്ങ​ളും കാലാം​ശ​വും അവർ അവന്റെ കയ്യിൽ ഏല്‌പി​ക്ക​പ്പെ​ട്ടി​രി​ക്കും.”—ചെരി​ച്ചെ​ഴുത്ത്‌ ഞങ്ങളു​ടേത്‌.

¹⁰ ഈ രണ്ടാമത്തെ പ്രവച​ന​ത്തി​ലെ “അവൻ” ബാബി​ലോൻ തൊട്ട്‌ എണ്ണു​മ്പോൾ അഞ്ചാമ​താ​യി വരുന്ന ലോക​ശ​ക്തി​യാണ്‌. അതായതു “ചെറിയ കൊമ്പ്‌”, അത്‌ അധികാ​ര​ത്തി​ലി​രി​ക്കുന്ന കാലഘ​ട്ട​ത്തി​ലാ​ണു മനുഷ്യ​പു​ത്രന്‌ “ആധിപ​ത്യ​വും മഹത്വ​വും രാജത്വ​വും” ലഭിക്കു​ന്നത്‌. (ദാനീ​യേൽ 7:8, 14) ആരംഭ​ത്തിൽ ബ്രിട്ടീഷ്‌ സാമ്രാ​ജ്യ​മാ​യി​രുന്ന ഈ പ്രതീ​കാ​ത്മക കൊമ്പ്‌ ഒന്നാം ലോക​മ​ഹാ​യുദ്ധ കാലഘ​ട്ടത്തു വികാസം പ്രാപിച്ച്‌ ആംഗ്ലോ-അമേരി​ക്കൻ ദ്വി​ലോ​ക​ശ​ക്തി​യാ​യി, ഇപ്പോൾ ഐക്യ​നാ​ടു​ക​ളു​ടെ മേധാ​വി​ത്വ​ത്തിൻ കീഴി​ലാ​യി​രി​ക്കു​ന്നു. മൂന്നര കാലങ്ങ​ളോ വർഷങ്ങ​ളോ ഈ ശക്തി വിശു​ദ്ധൻമാ​രെ പീഡി​പ്പി​ക്കു​ക​യും സമയങ്ങ​ളെ​യും നിയമ​ങ്ങ​ളെ​യും മാററു​വാൻ ശ്രമി​ക്ക​യും ചെയ്യും. അവസാനം വിശു​ദ്ധൻമാർ അതിന്റെ കൈക​ളിൽ ഏൽപ്പി​ക്ക​പ്പെ​ടും.—വെളി​പ്പാ​ടു 13:5, 7 കൂടി കാണുക.

11, 12. 1260 പ്രാവ​ച​നിക ദിവസ​ങ്ങ​ളു​ടെ തുടക്ക​ത്തി​ലേക്കു നയിച്ച സംഭവങ്ങൾ ഏതെല്ലാ​മാ​യി​രു​ന്നു?

¹¹ ഈ സമാന്തര പ്രവച​ന​ങ്ങ​ളെ​ല്ലാം നിവർത്തി​യേ​റി​യത്‌ എങ്ങനെ​യാണ്‌? ജനതക​ളു​ടെ നിയമിത കാലങ്ങ​ളു​ടെ സമാപനം 1914-ൽ ദൃശ്യ​മാ​കു​മെന്ന്‌ ഒന്നാം ലോക​മ​ഹാ​യു​ദ്ധ​ത്തി​നു മുമ്പു യേശു​വി​ന്റെ അഭിഷിക്ത സഹോ​ദ​രൻമാർ പരസ്യ​മാ​യി മുന്നറി​യി​പ്പു കൊടു​ത്തു. യുദ്ധം പൊട്ടി​പ്പു​റ​പ്പെ​ട്ട​പ്പോൾ മുന്നറി​യിപ്പ്‌ അവഗണി​ക്ക​പ്പെട്ടു എന്നു വ്യക്തമാ​യി. ദൈവ​രാ​ജ്യം വാഴേ​ണ്ടുന്ന സമയം ദീർഘി​പ്പി​ക്കാ​നുള്ള ശ്രമത്തിൽ “കാലങ്ങ​ളെ​യും നിയമ​ങ്ങ​ളെ​യും മാററാ”നായി അന്നു ബ്രിട്ടീഷ്‌ സാമ്രാ​ജ്യ​ത്തി​ന്റെ മേധാ​വി​ത്വ​ത്തിൻ കീഴുള്ള ലോക രാഷ്‌ട്രീയ സംഘട​ന​യായ തന്റെ “കാട്ടു​മൃഗ”ത്തെ സാത്താൻ ഉപയോ​ഗി​ച്ചു. (വെളി​പ്പാ​ടു 13:1, 2) അവൻ പരാജി​ത​നാ​യി. മമനു​ഷ്യ​ന്റെ എത്തുപാ​ടിൽനി​ന്ന​കലെ, അങ്ങു സ്വർഗ​ത്തിൽ ദൈവ​രാ​ജ്യം സ്ഥാപി​ത​മാ​യി.—വെളി​പ്പാ​ടു 12:1-3.

¹² യുദ്ധകാ​ലം ബൈബിൾവി​ദ്യാർഥി​കൾക്കു പരി​ശോ​ധ​ന​ക​ളു​ടെ ഒരു സമയമാ​യി​രു​ന്നു. ദാനി​യേൽ പ്രവച​ന​ത്തി​ലേക്കു ശ്രദ്ധ ക്ഷണിച്ച സൃഷ്ടി​പ്പിൻ ഫോ​ട്ടോ​നാ​ടകം (Photo-Drama of Creation) എന്ന ഒരു ബൈബിൾ ചിത്രീ​ക​രണം 1914 ജനുവ​രി​മു​തൽ പ്രദർശി​പ്പി​ച്ചു​കൊ​ണ്ടി​രു​ന്നു. ആ വർഷം വേനൽക്കാ​ലത്ത്‌ ഉത്തരാർധ​ഗോ​ള​ത്തിൽ യുദ്ധം പൊട്ടി​പ്പു​റ​പ്പെട്ടു. ഒക്‌ടോ​ബ​റിൽ നിയമിത കാലങ്ങൾ അവസാ​നി​ച്ചു. വർഷം അവസാ​നി​ക്കാ​റാ​യ​പ്പോ​ഴേ​ക്കും അഭിഷിക്ത ശേഷിപ്പു പീഡനം പ്രതീ​ക്ഷി​ക്കു​ക​യാ​യി​രു​ന്നു. മത്തായി 20:22-ലെ (ജയിംസ്‌ രാജാ​വി​ന്റെ ഭാഷാ​ന്തരം) ശിഷ്യൻമാ​രോ​ടുള്ള യേശു​വി​ന്റെ ചോദ്യ​മായ “എന്റെ പാനപാ​ത്ര​ത്തിൽനി​ന്നു നിങ്ങൾക്കു കുടി​ക്കാൻ കഴിയു​മോ?” എന്ന വാക്യം 1915-ലെ വാർഷി​ക​വാ​ക്യ​മാ​യി അവർ തെര​ഞ്ഞെ​ടു​ത്തു​വെന്ന വസ്‌തു​ത​യിൽനിന്ന്‌ ഇതു പ്രകട​മാണ്‌.

13. 1260 ദിവസ​ങ്ങ​ളിൽ ബൈബിൾവി​ദ്യാർഥി​കൾ ചണംവ​സ്‌ത്രം ധരിച്ചു പ്രസം​ഗി​ച്ച​തെ​ങ്ങനെ, ആ കാലഘ​ട്ട​ത്തി​ന്റെ അവസാനം എന്തു സംഭവി​ച്ചു?

¹³ അതു​കൊണ്ട്‌, 1914 ഡിസം​ബർമു​തൽ സാക്ഷി​ക​ളു​ടെ ഈ ചെറിയ കൂട്ടം ‘ചണവസ്‌ത്രം ധരിച്ചു പ്രസം​ഗി​ച്ചു,’ അതായത്‌ താഴ്‌മ​യോ​ടെ സഹിച്ചു​നി​ന്നു​കൊ​ണ്ടു യഹോ​വ​യു​ടെ ന്യായ​വി​ധി​കൾ പ്രഖ്യാ​പി​ച്ചു. 1916-ൽ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ ആദ്യ പ്രസി​ഡൻറായ സി. ററി. റസ്സലിന്റെ മരണം അനേകർക്കും ഞെട്ടലു​ള​വാ​ക്കി. യുദ്ധജ്വ​രം പടർന്നു​പി​ടി​ച്ച​തോ​ടെ സാക്ഷികൾ കൂടു​തൽക്കൂ​ടു​തൽ പീഡന​ത്തി​നി​ര​ക​ളാ​യി. ചിലർ തടവി​ലാ​യി. ക്രൂര​ത​യിൽ നിർവൃ​തി​കൊ​ള്ളുന്ന അധികാ​രി​കൾ ഇംഗ്ലണ്ടി​ലെ ഫ്രാങ്ക്‌ പ്ലാററി​നെ​യും കാനഡ​യി​ലെ റോബർട്ട്‌ ക്ലേഗ്ഗി​നെ​യും കഠിന​മാ​യി പീഡി​പ്പി​ച്ചു. അവസാനം, 1918 ജൂൺ 21-നു പുതിയ പ്രസി​ഡൻറായ ജെ. എഫ്‌. റതർഫോർഡി​നെ​യും വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ ഡയറക്ടർമാ​രെ​യും വ്യാജ​കു​റ​റാ​രോ​പ​ണങ്ങൾ ചുമത്തി ദീർഘ​കാ​ല​ത്തേക്കു തടവി​ലാ​ക്കി. അങ്ങനെ പ്രാവ​ച​നിക കാലഘട്ടം അവസാ​നി​ച്ച​പ്പോൾ “ചെറിയ കൊമ്പ്‌” സംഘടിത പ്രസം​ഗ​വേ​ല​യു​ടെ കഥകഴി​ച്ചു.—ദാനീ​യേൽ 7:8, ജയിംസ്‌ രാജാ​വി​ന്റെ ഭാഷാ​ന്തരം.

14. 1919-ലും അതിനു​ശേ​ഷ​വും അഭിഷി​ക്ത​ശേ​ഷി​പ്പി​ന്റെ സംഗതി​യിൽ കാര്യ​ങ്ങൾക്ക്‌ എങ്ങനെ മാററ​മു​ണ്ടാ​യി?

¹⁴ അടുത്ത​താ​യി സംഭവി​ച്ചതു വെളി​പ്പാ​ടു പുസ്‌ത​ക​ത്തി​ലെ പ്രവച​ന​ത്തി​ലുണ്ട്‌. ഒരു ഹ്രസ്വ​കാല നിഷ്‌ക്രി​യ​ത്വ​ത്തി​നു​ശേഷം—മുൻകൂ​ട്ടി​പ്പ​റ​യ​പ്പെട്ട മൂന്നര ദിവസ​ത്തോ​ളം തെരു​വിൽ മരിച്ചു​കി​ട​ന്ന​ശേഷം—അഭിഷി​ക്ത​ശേ​ഷി​പ്പി​നു ജീവൻ ലഭിച്ച​തു​പോ​ലെ​യാ​യി, വീണ്ടും കർമനി​ര​ത​രാ​യി​ത്തീർന്നു. (വെളി​പ്പാ​ടു 11:11-13) 1939 മാർച്ച്‌ 26-ാം തീയതി വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ പ്രസി​ഡൻറും ഡയറക്ടർമാ​രും മോചി​ത​രാ​യി, അവർക്കെ​തി​രാ​യി ഉന്നയി​ക്ക​പ്പെ​ട്ടി​രുന്ന എല്ലാ വ്യാജ​കു​റ​റാ​രോ​പ​ണ​ങ്ങ​ളിൽനി​ന്നും പിന്നീട്‌ അവരെ മുഴു​വ​നാ​യും ഒഴിവാ​ക്കി​ക്കൊ​ണ്ടു​തന്നെ. മോചി​ത​രായ ഉടനെ അഭിഷി​ക്ത​ശേ​ഷിപ്പ്‌ കൂടു​ത​ലായ പ്രവർത്ത​ന​ത്തി​നാ​യി വീണ്ടും സംഘടി​ച്ചു. അങ്ങനെ വെളി​പ്പാ​ടി​ലെ ആദ്യത്തെ കഷ്ടത്തിന്റെ നിവൃ​ത്തി​യിൽ നിഷ്‌ക്രി​യ​ത്വ​ത്തി​ന്റെ അഗാധ​ത്തിൽനി​ന്നു, വ്യാജ​മ​ത​ങ്ങൾക്ക്‌ ഒരു ഇരുളടഞ്ഞ ഭാവി സൂചി​പ്പി​ക്കുന്ന കനത്ത പുകയു​ടെ അകമ്പടി​യോ​ടെ വരുന്ന പ്രതീ​കാ​ത്മക വെട്ടു​ക്കി​ളി​ക​ളെ​പ്പോ​ലെ അവർ പുറത്തു​വന്നു. (വെളി​പ്പാ​ടു 9:1-11) ഭാവി​യിൽ ചെയ്യാ​നുള്ള വേലയ്‌ക്കാ​യി അടുത്ത ഏതാനും വർഷത്തി​നി​ട​യിൽ അവർ ആത്മീയ​മാ​യി പോഷി​ത​രാ​വു​ക​യും ഒരുക്ക​പ്പെ​ടു​ക​യും ചെയ്‌തു. ബൈബി​ളി​ന്റെ അടിസ്ഥാന തത്ത്വങ്ങൾ പഠിക്കു​ന്ന​തിന്‌ പുതി​യ​വ​രെ​യും കുട്ടി​ക​ളെ​യും സഹായി​ക്കാൻ രൂപകൽപ്പന ചെയ്‌ത ദൈവ​ത്തി​ന്റെ കിന്നരം എന്ന പുതിയ പുസ്‌തകം 1921-ൽ അവർ പ്രസി​ദ്ധ​പ്പെ​ടു​ത്തി. (വെളി​പ്പാ​ടു 12:6, 14) ഈവക സംഗതി​കൾ സംഭവി​ച്ച​തും മറെറാ​രു സവി​ശേ​ഷ​ത​യാർന്ന കാലഘ​ട്ട​ത്തി​ലാ​യി​രു​ന്നു.

1,290 ദിവസം

15. 1290 ദിവസ​ത്തി​ന്റെ ആരംഭം നമുക്ക്‌ ഏതു വിധത്തിൽ കണക്കാ​ക്കാം? ഈ കാലഘട്ടം എപ്പോൾ അവസാ​നി​ച്ചു?

¹⁵ ദാനി​യേ​ലി​നോ​ടു ദൂതൻ പറഞ്ഞു: “നിരന്ത​ര​ഹോ​മ​യാ​ഗം നിർത്ത​ലാ​ക്കു​ക​യും ശൂന്യ​മാ​ക്കുന്ന മ്ലേച്ഛബിം​ബത്തെ [“മ്ലേച്ഛ വസ്‌തു,” NW] പ്രതി​ഷ്‌ഠി​ക്ക​യും ചെയ്യുന്ന കാലം​മു​തൽ ആയിര​ത്തി​രു​ന്നൂ​റ​റി​ത്തൊ​ണ്ണൂ​റു ദിവസം ചെല്ലും.” (ദാനീ​യേൽ 12:11) മോ​ശൈക ന്യായ​പ്ര​മാ​ണ​ത്തിൻകീ​ഴിൽ യെരൂ​ശ​ലേം ദേവാ​ല​യ​ത്തി​ലെ യാഗപീ​ഠ​ത്തിൽ “നിരന്ത​ര​ഹോ​മ​യാ​ഗം” അർപ്പി​ച്ചി​രു​ന്നു. ക്രിസ്‌ത്യാ​നി​കൾ ഹോമ​യാ​ഗം അർപ്പി​ക്കു​ന്നില്ല, എന്നാൽ അവർ നിരന്ത​ര​മായ ഒരു ആത്മീയ യാഗം അർപ്പി​ക്കു​ന്നുണ്ട്‌. പൗലോസ്‌ ഇത്‌ ഇങ്ങനെ പറഞ്ഞു​കൊ​ണ്ടു സൂചി​പ്പി​ച്ചു: “ദൈവ​ത്തി​ന്നു അവന്റെ നാമത്തെ ഏററു​പ​റ​യുന്ന അധരഫലം എന്ന സ്‌തോ​ത്ര​യാ​ഗം ഇടവി​ടാ​തെ അർപ്പി​ക്കുക.” (എബ്രായർ 13:15; ഹോശേയ 14:2 താരത​മ്യ​പ്പെ​ടു​ത്തുക.) ഈ നിരന്ത​ര​ബ​ലി​യർപ്പ​ണ​മാണ്‌ 1918-ൽ എടുത്തു​മാ​റ​റ​പ്പെ​ട്ടത്‌. അപ്പോൾ ഇനി നാം തെരയുന്ന രണ്ടാമത്തെ ഘടകം—“മ്ലേച്ഛ വസ്‌തു” എന്തായി​രു​ന്നു? അത്‌ ഒന്നാം ലോക​മ​ഹാ​യു​ദ്ധ​ത്തി​ന്റെ സമാപ​ന​ത്തിൽ വിജയ​ശാ​ലി​ക​ളായ ശക്തികൾ സ്ഥാപിച്ച സർവരാ​ജ്യ​സ​ഖ്യം ആയിരു​ന്നു.b അതു മ്ലേച്ഛമാ​യി​രു​ന്നു, എന്തു​കൊ​ണ്ടെ​ന്നാൽ സമാധാ​ന​ത്തി​നുള്ള മമനു​ഷ്യ​ന്റെ ഏകപ്ര​ത്യാ​ശ​യാ​യി അവതരി​പ്പി​ച്ചു​കൊണ്ട്‌, ക്രൈ​സ്‌ത​വ​ലോ​ക​ത്തി​ന്റെ നേതാ​ക്കൻമാർ അതിനെ ദൈവ​രാ​ജ്യ​ത്തി​ന്റെ സ്ഥാനത്തു പ്രതി​ഷ്‌ഠി​ച്ചി​രു​ന്നു. സംഖ്യത്തെ സംബന്ധിച്ച നിർദേശം മുന്നോ​ട്ടു വെച്ചത്‌ 1919 ജനുവ​രി​യി​ലാ​യി​രു​ന്നു. ആ സമയം​മു​തൽ 1,290 ദിവസം (മൂന്നര വർഷവും ഏഴു മാസവും) എണ്ണിയാൽ നാം 1922 സെപ്‌റ​റം​ബ​റിൽ എത്തുന്നു.

16. 1,290 ദിവസ​ത്തി​ന്റെ സമാപ​ന​ത്തിൽ അഭിഷിക്ത ശേഷിപ്പ്‌ പ്രവർത്ത​ന​ത്തി​നു സജ്ജരാ​ണെന്നു വ്യക്തമാ​യത്‌ എങ്ങനെ?

¹⁶ അന്ന്‌ എന്തു സംഭവി​ച്ചു? അപ്പോ​ഴേക്കു മഹാബാ​ബി​ലോ​നിൽനി​ന്നു സ്വത​ന്ത്ര​രായ ബൈബിൾ വിദ്യാർഥി​കൾ നവോൻമേ​ഷ​ഭ​രി​ത​രാ​യി കർമരം​ഗ​ത്തേ​ക്കി​റ​ങ്ങാൻ ഒരുങ്ങി​ക്ക​ഴി​ഞ്ഞു. (വെളി​പ്പാ​ടു 18:4) അമേരി​ക്കൻ ഐക്യ​നാ​ടു​ക​ളിൽ ഒഹാ​യോ​യി​ലെ സീഡാർ പോയിൻറിൽ 1922 സെപ്‌റ​റം​ബ​റിൽ നടന്ന കൺ​വെൻ​ഷ​നിൽവെച്ച്‌ അവർ ക്രൈ​സ്‌ത​വ​ലോ​ക​ത്തിൻമേ​ലുള്ള ദൈവ​ത്തി​ന്റെ ന്യായ​വി​ധി​കൾ ധൈര്യ​പൂർവം പ്രഖ്യാ​പി​ക്കാൻ തുടങ്ങി. (വെളി​പ്പാ​ടു 8:7-12) വെട്ടു​ക്കി​ളി​ക​ളു​ടെ കുത്തു വാസ്‌ത​വ​ത്തിൽ വേദനി​പ്പി​ക്കാൻ തുടങ്ങി! അതിലു​മ​ധി​ക​മാ​യി, വെളി​പ്പാ​ടി​ലെ രണ്ടാമത്തെ കഷ്ടവും തുടങ്ങി. പ്രാരം​ഭ​ത്തിൽ അഭിഷിക്ത ശേഷി​പ്പും പിന്നീടു മഹാപു​രു​ഷാ​ര​വും ചേർന്ന്‌ എണ്ണത്തിൽ പെരു​കിയ ക്രിസ്‌തീയ കുതി​ര​പ്പ​ട​യു​ടെ ഒരു വലിയ സമൂഹം ഭൂമി​യി​ലു​ട​നീ​ളം ആഞ്ഞടിച്ചു. (വെളി​പ്പാ​ടു 7:9; 9:13-19) അതേ, 1,290 ദിവസ​ത്തി​ന്റെ സമാപനം ദൈവ​ജ​ന​തക്കു സന്തോഷം കൈവ​രു​ത്തി.c എന്നാൽ അവരെ കാത്തി​രുന്ന സംഭവങ്ങൾ അതു മാത്ര​മാ​യി​രു​ന്നില്ല.

1,335 ദിവസം

17. 1,335 ദിവസം ആരംഭി​ച്ച​തും അവസാ​നി​ച്ച​തും എപ്പോൾ?

¹⁷ ദാനീ​യേൽ 12:12 പറയുന്നു: “ആയിരത്തി മുന്നൂ​റ​റി​മു​പ്പ​ത്തഞ്ചു ദിവസ​ത്തോ​ളം കാത്തു ജീവി​ച്ചി​രി​ക്കു​ന്നവൻ ഭാഗ്യ​വാൻ [“സന്തുഷ്ടൻ,” NW].” ഈ 1,335 ദിവസം, അഥവാ മൂന്നു വർഷവും ഏട്ടര മാസവും ആരംഭി​ച്ചതു ന്യായ​മാ​യും മുൻവി​വ​രിച്ച കാലഘ​ട്ട​ത്തി​ന്റെ സമാപ​ന​ത്തി​ലാ​യി​രു​ന്നു. 1922 സെപ്‌റ​റം​ബർമു​തൽ എണ്ണിയാൽ നാം (ഉത്തരാർദ്ധ​ഗോ​ള​ത്തി​ലെ) 1926-ന്റെ വസന്തകാ​ലാ​ന്ത്യ​ത്തിൽ എത്തി​ച്ചേ​രു​ന്നു. ആ 1,335 ദിവസ​ത്തിൽ എന്താണു സംഭവി​ച്ചത്‌?

18. ഇനിയും പുരോ​ഗതി നേടേ​ണ്ട​തു​ണ്ടാ​യി​രു​ന്നു​വെന്ന്‌ 1922-ലെ ഏതു വസ്‌തു​തകൾ സൂചി​പ്പി​ക്കു​ന്നു?

¹⁸ 1922-ൽ ഈ ചിരസ്‌മ​ര​ണീയ സംഭവങ്ങൾ അരങ്ങേ​റി​യി​ട്ടും ചിലർ അപ്പോ​ഴും വാഞ്‌ഛ​യോ​ടെ നോക്കി​യതു കഴിഞ്ഞ​കാ​ല​ത്തി​ലേ​ക്കാ​യി​രു​ന്നു. സി. ററി. റസ്സൽ എഴുതിയ തിരു​വെ​ഴു​ത്തു​ക​ളു​ടെ പഠനങ്ങൾ തന്നെയാ​യി​രു​ന്നു അപ്പോ​ഴും അടിസ്ഥാന പാഠ്യ​പു​സ്‌തകം. കൂടാതെ, വ്യാപ​ക​മാ​യി വിതരണം ചെയ്യ​പ്പെ​ട്ടി​രുന്ന ഇപ്പോൾ ജീവി​ക്കുന്ന ദശലക്ഷങ്ങൾ ഒരിക്ക​ലും മരിക്കില്ല എന്ന ചെറു​പു​സ്‌തകം, ഭൂമിയെ പറുദീ​സ​യാ​ക്കി പുനഃ​സ്ഥി​തീ​ക​രി​ക്കു​ന്ന​തും പോയ​കാ​ലത്തെ വിശ്വ​സ്‌ത​രു​ടെ പുനരു​ത്ഥാ​ന​വും സംബന്ധിച്ച ദൈ​വോ​ദ്ദേ​ശ്യ​ങ്ങൾ 1925-ൽ നിവൃ​ത്തി​യാ​കാൻ തുടങ്ങു​മെന്ന കാഴ്‌ച​പ്പാട്‌ അവതരി​പ്പി​ച്ചു. അഭിഷി​ക്ത​രു​ടെ സഹിഷ്‌ണുത ഏതാണ്ടു പൂർത്തി​യാ​കാ​റാ​യി എന്നു തോന്നി. എങ്കിൽപ്പോ​ലും, ബൈബിൾ വിദ്യാർഥി​ക​ളു​മാ​യി സഹകരി​ച്ചി​രുന്ന ചിലർക്കു സുവാർത്ത മററു​ള്ള​വ​രു​മാ​യി പങ്കു​വെ​ക്കാൻ പ്രേരണ തോന്നി​യില്ല.

19, 20. (എ) 1,335 ദിവസ​ങ്ങ​ളിൽ ദൈവ​ജ​ന​ത്തോ​ടുള്ള ബന്ധത്തിൽ അനേകം സംഗതി​കൾക്കു മാററം വന്നതെ​ങ്ങനെ? (ബി) 1,335 ദിവസ​ങ്ങ​ളു​ടെ കാലഘ​ട്ട​ത്തി​ന്റെ സമാപ​നത്തെ കുറിച്ച സംഭവങ്ങൾ എന്തെല്ലാം, യഹോ​വ​യു​ടെ ജനത്തെ സംബന്ധിച്ച്‌ അത്‌ എന്തു സൂചി​പ്പി​ച്ചു?

¹⁹ 1,335 ദിവസം ഓരോ​ന്നാ​യി കടന്നു​പോ​യ​പ്പോൾ ഇവയ്‌ക്കെ​ല്ലാം മാററം വന്നു. സഹോ​ദ​രൻമാ​രെ ബലപ്പെ​ടു​ത്താൻ വീക്ഷാ​ഗോ​പു​ര​ത്തി​ന്റെ ക്രമമുള്ള കൂട്ടാ​യ​പ​ഠ​നങ്ങൾ സംഘടി​പ്പി​ച്ചു. വയൽശു​ശ്രൂ​ഷക്ക്‌ ഊന്നൽ കൊടു​ത്തു. 1923 മേയ്‌മു​തൽ ഓരോ മാസവും ആദ്യ ചൊവ്വാഴ്‌ച എല്ലാവ​രും വയൽശു​ശ്രൂ​ഷ​യിൽ പങ്കുപ​റ​റാൻ ക്ഷണിക്ക​പ്പെട്ടു. ഈ വേലയിൽ സഹോ​ദ​രൻമാ​രെ പ്രോ​ത്സാ​ഹി​പ്പി​ക്കു​ന്ന​തി​നു​വേണ്ടി മധ്യവാര സഭാ​യോ​ഗ​ത്തിൽ സമയം നീക്കി​വെച്ചു. അമേരി​ക്കൻ ഐക്യ​നാ​ടു​ക​ളിൽ കാലി​ഫോർണി​യ​യി​ലെ ലോസ്‌ ഏഞ്ചെല​സിൽ 1923 ആഗസ്‌റ​റിൽ നടന്ന സമ്മേള​ന​ത്തിൽവെച്ചു ചെമ്മരി​യാ​ടു​ക​ളെ​യും കോലാ​ടു​ക​ളെ​യും സംബന്ധി​ച്ചുള്ള യേശു​വി​ന്റെ ഉപമ ആയിരം​വർഷ ഭരണം തുടങ്ങു​ന്ന​തി​നു മുമ്പു നിറ​വേ​റു​മെന്നു വിശദീ​ക​രി​ക്ക​പ്പെട്ടു. (മത്തായി 25:31-40) ഡബ്ലിയു​ബി​ബി​ആർ (WBBR) എന്ന റേഡി​യോ​നി​ല​യ​ത്തി​ന്റെ ഉദ്‌ഘാ​ടനം 1924-ൽ നടന്നു, ഇതിലൂ​ടെ സുവാർത്താ​പ്ര​ക്ഷേ​പണം നിർവ​ഹി​ക്ക​പ്പെട്ടു. 1925 മാർച്ച്‌ 1 വീക്ഷാ​ഗോ​പു​ര​ത്തി​ലെ “ജനതയു​ടെ ജനനം” എന്ന ലേഖനം വെളി​പ്പാ​ടു 12-ാം അധ്യാ​യ​ത്തി​ന്റെ ഒരു പരിഷ്‌ക​രിച്ച ഗ്രാഹ്യം നൽകി. അവസാനം, വിശ്വസ്‌ത ക്രിസ്‌ത്യാ​നി​കൾക്ക്‌ 1914-19-ലെ പ്രക്ഷു​ബ്ധ​മായ സംഭവങ്ങൾ ശരിയാ​യി​ത്തന്നെ മനസ്സി​ലാ​ക്കാൻ സാധിച്ചു.

²⁰ 1925 എന്ന വർഷം അതിന്റെ സമാപനം കണ്ടു, പക്ഷേ, അന്ത്യം അപ്പോ​ഴും സംഭവി​ച്ചില്ല! മനസ്സിൽ ഒരു തീയതി​യും കുറി​ച്ചു​കൊ​ണ്ടാ​യി​രു​ന്നു 1870-കൾമുതൽ ബൈബിൾ വിദ്യാർഥി​കൾ സേവി​ച്ചി​രു​ന്നത്‌—ആദ്യം 1914, പിന്നെ 1925. ഇപ്പോൾ, യഹോവ ആഗ്രഹി​ക്കു​ന്നി​ട​ത്തോ​ളം കാലം തങ്ങൾ സേവി​ക്ക​ണ​മെന്ന്‌ അവർ തിരി​ച്ച​റി​യു​ന്നു. ദ വാച്ച്‌ ടവർ അതിന്റെ 1926 ജനുവരി ലക്കത്തിൽ ദൈവ​നാ​മ​ത്തി​ന്റെ പ്രാധാ​ന്യ​ത്തെ അതുവരെ ചെയ്യാ​ത്ത​വി​ധം വിശേ​ഷ​വി​ധ​മാ​യി അവതരി​പ്പി​ച്ചു​കൊണ്ട്‌ “യഹോ​വയെ ആർ ബഹുമാ​നി​ക്കും?” എന്ന ചിരസ്‌മ​ര​ണീയ ലേഖനം പ്രസി​ദ്ധീ​ക​രി​ച്ചു. ഒടുവിൽ, 1926 മേയിൽ ഇംഗ്ലണ്ടി​ലെ ലണ്ടനിൽവെച്ചു നടന്ന കൺ​വെൻ​ഷ​നിൽ “ലോക​ഭ​ര​ണാ​ധി​പൻമാർക്കുള്ള ഒരു സാക്ഷ്യം” എന്ന ശീർഷ​ക​ത്തിൽ ഒരു പ്രമേയം പാസാക്കി. ദൈവ​രാ​ജ്യ​ത്തെ​യും സാത്താന്റെ ലോക​ത്തി​ന്റെ വരാനി​രി​ക്കുന്ന നാശ​ത്തെ​യും സംബന്ധി​ച്ചുള്ള സത്യം ഇതു സ്‌പഷ്ട​മാ​യി പ്രഖ്യാ​പി​ച്ചു. ആരെയും പിടി​ച്ചു​കു​ലു​ക്കാൻ പര്യാ​പ്‌ത​മായ വിമോ​ചനം (Deliverance) എന്ന പുസ്‌തകം പ്രകാ​ശനം ചെയ്യ​പ്പെ​ട്ട​തും ഇതേ കൺ​വെൻ​ഷ​നി​ലാ​യി​രു​ന്നു. തിരു​വെ​ഴു​ത്തു​ക​ളു​ടെ പഠനങ്ങൾ എന്നതിനു പകരമാ​യുള്ള പരമ്പര​യിൽ ആദ്യ​ത്തേ​താ​യി​രു​ന്നു അത്‌. ഈ ഘട്ടത്തിൽ ദൈവ​ജനത പിന്നോ​ട്ടല്ല, മുന്നോ​ട്ടു നോക്കു​ക​യാ​യി​രു​ന്നു. അങ്ങനെ 1,335 ദിവസം സമാപി​ച്ചു.

21. 1,335 ദിവസത്തെ സഹിഷ്‌ണുത അന്നത്തെ ദൈവ​ജ​ന​ത്തിന്‌ എന്തർഥ​മാ​ക്കി, ഈ കാലഘ​ട്ടത്തെ സംബന്ധി​ച്ചുള്ള പ്രവച​ന​നി​വൃ​ത്തി നമുക്ക്‌ എന്തർഥ​മാ​ക്കു​ന്നു?

²¹ ഈ സംഭവ​വി​കാ​സ​ങ്ങ​ളോ​ടു പൊരു​ത്ത​പ്പെ​ടാൻ ചിലർ ഒരുക്ക​മാ​യി​രു​ന്നില്ല, എന്നാൽ സഹിച്ചു​നി​ന്നവർ സത്യമാ​യും സന്തുഷ്ട​രാ​യി​രു​ന്നു. കൂടാതെ, ഈ പ്രാവ​ച​നിക കാലഘ​ട്ട​ങ്ങ​ളു​ടെ നിവൃ​ത്തി​യി​ലേക്കു നാം പിന്തി​രി​ഞ്ഞു നോക്കു​മ്പോൾ നാമും സന്തുഷ്ട​രാണ്‌. എന്തു​കൊ​ണ്ടെ​ന്നാൽ ആ കാലഘ​ട്ട​ത്തി​ലൂ​ടെ ജീവി​ച്ചു​പോന്ന അഭിഷിക്ത ക്രിസ്‌ത്യാ​നി​ക​ളു​ടെ ഒരു ചെറിയ കൂട്ടമാ​ണു വാസ്‌ത​വ​ത്തിൽ വിശ്വ​സ്‌ത​നും വിവേ​കി​യു​മായ അടിമ എന്നതു നമ്മുടെ ആത്മവി​ശ്വാ​സ​ത്തി​നു കരു​ത്തേ​കു​ന്നു. അതുമു​ത​ലുള്ള വർഷങ്ങ​ളിൽ യഹോ​വ​യു​ടെ സ്ഥാപനം അസാധാ​ര​ണ​മാം​വി​ധം വികസി​ച്ചി​രി​ക്കു​ന്നു, എന്നാൽ വിശ്വ​സ്‌ത​നും വിവേ​കി​യു​മായ അടിമ​യാണ്‌ അതിനെ നയിച്ചു​കൊണ്ട്‌ ഇപ്പോ​ഴും അതിന്റെ കേന്ദ്ര​ഭാ​ഗ​ത്തു​ള്ളത്‌. അപ്പോൾ അഭിഷി​ക്ത​രെ​യും വേറെ ആടുക​ളെ​യും കാത്തി​രി​ക്കുന്ന സന്തോഷം ഇനിയു​മു​ണ്ടെ​ന്ന​റി​യു​ന്നത്‌ എത്ര പുളക​പ്ര​ദ​മാണ്‌! ദാനി​യേൽ പ്രവച​ന​ങ്ങ​ളിൽ വേറൊ​ന്നു പരിചി​ന്തി​ക്കു​മ്പോൾ ഇതു നമുക്കു കാണാം.

[അടിക്കു​റി​പ്പു​കൾ]

നിങ്ങൾക്കു വിശദീ​ക​രി​ക്കാ​മോ?

◻ ദാനി​യേൽ പുസ്‌ത​ക​ത്തി​ലെ ചില പ്രവച​നങ്ങൾ നമ്മുടെ നാളി​ലാ​ണു നിറ​വേ​റേ​ണ്ടത്‌ എന്നു നമുക്ക്‌ എങ്ങനെ അറിയാം?

◻ “വിശ്വ​സ്‌ത​നും ബുദ്ധി​മാ​നും ആയ ദാസൻ” അഭിഷി​ക്ത​ശേ​ഷി​പ്പാ​ണെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയു​ന്ന​തെ​ങ്ങനെ?

◻ 1,260 ദിവസം ആരംഭി​ച്ച​തും അവസാ​നി​ച്ച​തും എപ്പോൾ?

◻ ഏതു നവോൻമേ​ഷ​വും പുനഃ​സ്ഥി​തീ​ക​ര​ണ​വു​മാണ്‌ 1,290 ദിവസം അഭിഷി​ക്ത​ശേ​ഷി​പ്പി​നു കൈവ​രു​ത്തി​യത്‌?

◻ 1,335 ദിവസ​ങ്ങ​ളു​ടെ സമാപ്‌തി​യോ​ളം സഹിച്ചു​നി​ന്നവർ സന്തുഷ്ട​രാ​യി​രു​ന്നത്‌ എന്തു​കൊണ്ട്‌?

[8-ാം പേജിലെ ചിത്രം]

1919 മുതൽ “വിശ്വ​സ്‌ത​നും ബുദ്ധി​മാ​നും ആയ ദാസൻ” അഭിഷിക്ത ശേഷി​പ്പാ​ണെന്നു വ്യക്തമാ​യി​രു​ന്നു

[10-ാം പേജിലെ ചിത്രം]

സ്വിററ്‌സർലൻഡിലെ ജനീവ​യി​ലുള്ള സർവരാ​ജ്യ​സ​ഖ്യ​ത്തി​ന്റെ ലോക ആസ്ഥാനം

[കടപ്പാട്‌]

UN photo

[11-ാം പേജിലെ ചതുരം]

ദാനിയേലിന്റെ പ്രാവ​ച​നിക കാലഘ​ട്ട​ങ്ങൾ

1,260 ദിവസം:

1914 ഡിസം​ബർമു​തൽ 1918 ജൂൺവരെ

1,290 ദിവസം:

1919 ജനുവ​രി​മു​തൽ 1922 സെപ്‌റ​റം​ബർവരെ

1,335 ദിവസം:

1922 സെപ്‌റ​റം​ബർമു​തൽ 1926 മേയ്‌വ​രെ