വായന​ക്കാ​രിൽനി​ന്നുള്ള ചോദ്യ​ങ്ങൾ

“വീക്ഷാ​ഗോ​പുര”ത്തിൽ ചർച്ച​ചെ​യ്‌തു​വന്ന ദാനി​യേൽ പ്രവച​നങ്ങൾ പഠിച്ചതു ഞങ്ങൾ ആസ്വദി​ച്ചു. എങ്കിലും, വെളി​പ്പാ​ടു 11:3-ലെ മൂന്നര കാലങ്ങ​ളു​ടെ തീയതി​കൾക്കു “വെളി​പാട്‌ പാരമ്യം” പുസ്‌ത​ക​ത്തിൽനി​ന്നു വ്യത്യാ​സ​മു​ള്ളത്‌ എന്തു​കൊ​ണ്ടാണ്‌?

ശരിയാണ്‌, 1993 നവംബർ 1-ലെ വീക്ഷാ​ഗോ​പു​ര​ത്തിൽ വെളി​പ്പാ​ടു 11:3-ന്റെ ആധുനിക നിവൃത്തി കണക്കാ​ക്കി​യ​പ്പോൾ ചെറിയ ഒരു പരിഷ്‌ക​രണം അവതരി​പ്പി​ച്ചു. എന്തു​കൊണ്ട്‌?

നമുക്ക്‌ ആദ്യം വെളി​പ്പാ​ടു 11:2 നോക്കാം. അതിന്റെ അവസാനം “നാല്‌പ​ത്തു​രണ്ടു മാസ”ത്തെക്കു​റി​ച്ചു പരാമർശി​ക്കു​ന്നു. തുടർന്ന്‌ 3-ാം വാക്യ​ത്തിൽ നാം ഇങ്ങനെ വായി​ക്കു​ന്നു: “ഞാൻ എന്റെ രണ്ടു സാക്ഷി​കൾക്കും വരം നൽകും; അവർ രട്ടു ഉടുത്തും​കൊ​ണ്ടു ആയിര​ത്തി​രു​ന്നൂ​റ​റ​റു​പതു ദിവസം പ്രവചി​ക്കും.” അതു ബാധക​മാ​കു​ന്നത്‌ എപ്പോ​ഴാണ്‌?

“ജനതക​ളു​ടെ നിയമി​ത​കാ​ലങ്ങൾ” (വിജാ​തീ​യ​രു​ടെ കാലങ്ങൾ) 1914-ൽ അവസാ​നി​ച്ച​ശേഷം, ആത്മാഭി​ഷിക്ത ക്രിസ്‌ത്യാ​നി​ക​ളോ​ടുള്ള ബന്ധത്തിൽ ഈ പ്രവചനം നിവൃ​ത്തി​യേ​റി​യ​താ​യി യഹോ​വ​യു​ടെ സാക്ഷികൾ വളരെ നാളു​കൾക്കു മുമ്പു​തന്നെ മനസ്സി​ലാ​ക്കി​യി​ട്ടുണ്ട്‌. (ലൂക്കൊസ്‌ 21:24; 2 കൊരി​ന്ത്യർ 1:21, 22) ഇതി​നെ​ക്കു​റിച്ച്‌ അഭി​പ്രാ​യം പറഞ്ഞു​കൊണ്ട്‌, വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു!a [ഇംഗ്ലീഷ്‌] (1988) എന്ന പുസ്‌ത​ക​ത്തി​ന്റെ 164-ാമത്തെ പേജിൽ ഇങ്ങനെ പറയുന്നു: “ദൈവ​ജ​ന​ങ്ങ​ളു​ടെ കഠോ​ര​മായ അനുഭ​വങ്ങൾ ഇവിടെ പ്രവചി​ച്ചി​രുന്ന സംഭവ​ങ്ങ​ളോട്‌ ഒത്തുവന്ന മൂന്നര​വർഷ​ത്തി​ന്റെ ഒരു പ്രത്യേക കാലഘട്ടം ഉണ്ടായി​രു​ന്നു—1914-ന്റെ ഒടുവിൽ ഒന്നാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​പ്പോൾ മുതൽ 1918-ന്റെ ആദ്യഭാ​ഗം​വരെ തുടരു​ന്ന​തു​തന്നെ.”

“1914-ന്റെ ഒടുവിൽ ഒന്നാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​പ്പോൾ മുതൽ 1918-ന്റെ ആദ്യഭാ​ഗം​വരെ”യുള്ള കാലയ​ള​വാണ്‌ നൽകി​യ​തെന്ന സംഗതി ശ്രദ്ധി​ക്കുക. “ദൈവ​ത്തി​ന്റെ മർമ്മം പൂർത്തീ​ക​രി​ക്ക​പ്പെ​ട്ടി​രി​ക്കു​ന്നു”* [ഇംഗ്ലീഷ്‌], പേജുകൾ 261-4, (1969) എന്നതു​പോ​ലു​ള്ള​വ​യിൽ കൊടു​ക്കാ​റുള്ള തീയതി​യു​മാ​യി ഇത്‌ ഒത്തു​പോ​കു​ന്നു.

എന്നുവ​രി​കി​ലും, വീക്ഷാ​ഗോ​പു​രം ദാനി​യേൽ പ്രവച​ന​ങ്ങൾക്കു ശ്രദ്ധ കൊടു​ക്കു​ക​യാ​യി​രു​ന്നു. പിൽക്കാ​ലത്ത്‌ വെളി​പാ​ടിൽ സൂചി​പ്പിച്ച 3 1⁄2 വർഷങ്ങ​ളോട്‌ അഥവാ 42 മാസങ്ങ​ളോ​ടു താരത​മ്യ​പ്പെ​ടു​ത്താ​വുന്ന കാലഘ​ട്ട​ത്തെ​ക്കു​റിച്ച്‌ ഈ പുസ്‌ത​ക​ത്തിൽ രണ്ടു പ്രാവ​ശ്യം സൂചി​പ്പി​ക്കു​ന്നുണ്ട്‌. കൃത്യ​മാ​യി​പ്പ​റ​ഞ്ഞാൽ, “കാലവും കാലങ്ങ​ളും കാലാം​ശ​വും” അല്ലെങ്കിൽ 3 1⁄2 കാലങ്ങൾ ദൈവ​ത്തി​ന്റെ വിശുദ്ധർ ഉപദ്ര​വി​ക്ക​പ്പെ​ടു​മെന്നു ദാനീ​യേൽ 7:25 പറയുന്നു. പിന്നീട്‌, ‘കാല​ത്തെ​യും കാലങ്ങ​ളെ​യും കാലാർദ്ധ​ത്തെ​യും’ അഥവാ 3 1⁄2 കാലങ്ങളെ കുറി​ച്ചും അതിന്റെ പാരമ്യം “വിശു​ദ്ധ​ജ​ന​ത്തി​ന്റെ ബലത്തെ തകർത്തു​കള”യലായി​രി​ക്കു​മെ​ന്ന​തി​നെ കുറി​ച്ചും ദാനീ​യേൽ 12:7 മുൻകൂ​ട്ടി​പ്പ​റ​യു​ന്നു.

അങ്ങനെ, ദാനീ​യേൽ 7:25, ദാനീ​യേൽ 12:7 എന്നിവി​ട​ങ്ങ​ളി​ലും വെളി​പ്പാ​ടു 11:2, 3, വെളി​പ്പാ​ടു 13:5 എന്നിവി​ട​ങ്ങ​ളി​ലും സാമ്യ​മുള്ള കാലഘ​ട്ടത്തെ പ്രതി​പാ​ദി​ക്കുന്ന പ്രവച​നങ്ങൾ നമുക്കുണ്ട്‌. ഇവയു​ടെ​യെ​ല്ലാം നിവൃത്തി 1914-18 കാലഘ​ട്ട​ത്തി​ലു​ണ്ടാ​യ​താ​യി ഞങ്ങളുടെ പ്രസി​ദ്ധീ​ക​ര​ണ​ങ്ങ​ളെ​ല്ലാം പ്രകട​മാ​ക്കി​യി​ട്ടുണ്ട്‌. എന്നാൽ ഈ പ്രവച​ന​ങ്ങ​ളിൽ ഓരോ​ന്നും വെവ്വേറെ എടുത്തു വിശദീ​ക​രി​ച്ച​പ്പോൾ ആരംഭ​ത്തി​ന്റെ​യും അവസാ​ന​ത്തി​ന്റെ​യും തീയതി​കൾക്ക്‌ അൽപ്പസ്വൽപ്പം വ്യത്യാ​സങ്ങൾ വന്നിട്ടുണ്ട്‌.

എന്നിരു​ന്നാ​ലും, “ഈ സമാന്തര പ്രവച​ന​ങ്ങ​ളെ​ല്ലാം നിവൃ​ത്തി​യേ​റി​യത്‌ എങ്ങനെ​യാണ്‌?” എന്ന്‌ 1993 നവംബർ 1 വീക്ഷാ​ഗോ​പു​രം ചോദി​ക്കു​ക​യു​ണ്ടാ​യി. അതേ, ദാനീ​യേൽ 7:25, ദാനീ​യേൽ 12:7 എന്നിവി​ട​ങ്ങ​ളി​ലും വെളി​പ്പാ​ടു 11:3-ലും സൂചി​പ്പി​ച്ചി​രി​ക്കുന്ന 3 1⁄2 കാലങ്ങ​ളു​ടെ പ്രവച​ന​ങ്ങളെ “സമാന്തര പ്രവചനങ്ങ”ളായി​ട്ടാണ്‌ കരുതി​യി​രി​ക്കു​ന്നത്‌. അതു​കൊണ്ട്‌, അവയുടെ ആരംഭ​ത്തി​നും അവസാ​ന​ത്തി​നും തമ്മിൽ സാമ്യ​മു​ണ്ടാ​യി​രി​ക്കും.

ദൈവ​ത്തി​ന്റെ അഭിഷി​ക്തർക്കു​ണ്ടായ ഉപദ്രവം (ദാനീ​യേൽ 7:25) 1918 ജൂണിൽ എങ്ങനെ അതിന്റെ പാരമ്യ​ത്തി​ലെ​ത്തി​യെന്ന്‌ അവസാ​ന​ത്തെ​പ്പ​ററി പറയവേ മാസിക പ്രകട​മാ​ക്കി. ആ മാസത്തി​ലാ​യി​രു​ന്നു ജെ. എഫ്‌. റതർഫോർഡി​നെ​യും വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ മററു ഡയറക്ടർമാ​രെ​യും “വ്യാജ​കു​റ​റാ​രോ​പ​ണങ്ങൾ ചുമത്തി ദീർഘ​കാ​ല​ത്തേക്കു തടവി​ലാ​ക്കി”യത്‌. ദാനീ​യേൽ 12:7-ൽ പറഞ്ഞി​രി​ക്കു​ന്ന​തു​പോ​ലെ, ആ സംഭവം തീർച്ച​യാ​യും “വിശു​ദ്ധ​ജ​ന​ത്തി​ന്റെ ബലത്തെ തകർത്തു​കള”യലായി​രു​ന്നു.

1918 മുതൽ പിന്നോട്ട്‌ എണ്ണിയാൽ 3 1⁄2 കാലങ്ങ​ളു​ടെ ആരംഭ​ത്തിന്‌ നാം 1914 ഡിസം​ബ​റിൽ എത്തുന്നു. 1914 എന്ന വർഷത്തി​ന്റെ അവസാന മാസത്തിൽ ഭൂമി​യി​ലു​ണ്ടാ​യി​രുന്ന ദൈവ​ത്തി​ന്റെ അഭിഷി​ക്തർ അടുത്ത വർഷ​ത്തേ​ക്കുള്ള വാർഷി​ക​വാ​ക്യ​മാ​യി പഠിച്ചത്‌ ഇതായി​രു​ന്നു: “‘നിങ്ങൾക്ക്‌ എന്റെ പാനപാ​ത്ര​ത്തിൽനി​ന്നു കുടി​ക്കാ​നാ​വു​മോ?’—മത്തായി 20:20-23.” അത്‌ അറിയിച്ച ലേഖനം ഈ മുന്നറി​യി​പ്പു കൊടു​ത്തു: “ആർക്കറി​യാം, 1915-ൽ കുഞ്ഞാ​ടി​ന്റെ വിശ്വസ്‌ത അനുഗാ​മി​കൾക്കു ചില​പ്പോൾ പ്രത്യേക വിചാ​ര​ണ​യോ കഷ്ടപ്പാ​ടി​ന്റെ പാനപാ​ത്ര​മോ മാന​ക്കേ​ടോ ഉണ്ടാ​യേ​ക്കാം!” 3 1⁄2 കാലങ്ങ​ളു​ടെ ഈ കാലഘ​ട്ടത്തെ സംബന്ധി​ച്ചു ദാനി​യേൽ 7:25 [NW] മുൻകൂ​ട്ടി​പ്പ​റ​ഞ്ഞ​തു​പോ​ലെ, ‘പരമോ​ന്ന​തന്റെ വിശു​ദ്ധ​രു​ടെ നേരേ​യുള്ള ഉപദ്രവം ആരംഭി​ക്കു​ക​യും അതു തുടരു​ക​യും ചെയ്‌തു.’ അപ്പോൾ രാഷ്‌ട്രങ്ങൾ ഒന്നാം ലോക​മ​ഹാ​യു​ദ്ധ​ത്തിൽ മുങ്ങി​ത്തു​ടി​ക്കു​ക​യാ​യി​രു​ന്നു. അതുമൂ​ലം ന്യായീ​ക​രി​ക്കാ​നാ​വാത്ത ഉപദ്ര​വങ്ങൾ വരുത്തി​ക്കൂ​ട്ടുക എന്നത്‌ അവർക്കു കൂടുതൽ എളുപ്പ​മാ​യി. അപ്പോൾ ചുരുക്കം ഇതാണ്‌: ദാനീ​യേൽ 7:25, 12:7 എന്നിവി​ട​ങ്ങ​ളി​ലെ​യും വെളി​പ്പാ​ടു 11:3-ലെയും 3 1⁄2 വർഷങ്ങ​ളു​ടെ അഥവാ 42 മാസങ്ങ​ളു​ടെ സമാന്തര പ്രവച​ന​ങ്ങ​ളു​ടെ നിവൃത്തി 1914 ഡിസംബർ മുതൽ 1918 ജൂൺ വരെയാ​യി​രു​ന്നു.

വെളി​പ്പാ​ടു 11:3-ലെ നിവൃ​ത്തി​യു​ടെ തീയതി​യിൽ വന്ന ചെറിയ പരിഷ്‌ക​ര​ണ​ത്തി​ന്റെ കാരണം ഇതു വ്യക്തമാ​ക്കു​ന്നു. ഭാവി​യിൽ നാം വെളി​പാട്‌ പാരമ്യം പുസ്‌തകം പഠിക്കു​ക​യും ഉപയോ​ഗി​ക്കു​ക​യും ചെയ്യു​മ്പോൾ ഈ പരിഷ്‌ക​രണം നമുക്ക്‌ ഓർമി​ക്കാ​വു​ന്ന​താണ്‌.

[അടിക്കു​റിപ്പ്‌]