അനുക​രി​ക്കാൻ താഴ്‌മ​യു​ടെ മാതൃ​ക​കൾ

“നിന്റെ താഴ്‌മ എന്നെ വലിയ​വ​നാ​ക്കും.”—സങ്കീർത്തനം 18:35, NW.

1. വാച്ച്‌ ടവർ സൊ​സൈ​റ​റി​യു​ടെ ഒരു മുൻപ്ര​സി​ഡൻറിൽ താഴ്‌മ​യു​ടെ എന്തു തെളിവു കാണാ​വു​ന്ന​താണ്‌?

ജോസഫ്‌ എഫ്‌. റതർഫോർഡി​ന്റെ ആകാരം ആരിലും മതിപ്പു​ള​വാ​ക്കു​ന്ന​താ​യി​രു​ന്നു, ഉയരം ആറടി​യി​ല​ധി​കം, തൂക്കമാ​കട്ടെ 90 കിലോ​ഗ്രാ​മി​നു മേലും. ഘനഗാം​ഭീ​ര്യ​മുള്ള തന്റെ സ്വരമാ​കട്ടെ മുമ്പൊ​രി​ക്ക​ലും ചെയ്‌തി​ട്ടി​ല്ലാത്ത വിധം യഹോ​വ​യു​ടെ നാമത്തെ പരസ്യ​മാ​ക്കു​ന്ന​തി​നു മാത്രമല്ല, ക്രൈ​സ്‌തവ ലോക​ത്തി​ലെ മതനേ​താ​ക്ക​ളു​ടെ പൊള്ള​ത്തരം തുറന്നു​കാ​ട്ടു​ന്ന​തി​നും അദ്ദേഹം ഉപയോ​ഗ​പ്പെ​ടു​ത്തി. അവരുടെ മതത്തെ അദ്ദേഹം “ഒരു കെണി എന്നും കപടപ​ദ്ധതി” എന്നും വിശേ​ഷി​പ്പി​ച്ചു. പക്ഷേ പ്രസം​ഗങ്ങൾ ശക്തിമ​ത്താ​യി​രു​ന്നെ​ങ്കി​ലും ലോക ആസ്ഥാന ബെഥേൽ കുടും​ബ​ത്തോ​ടൊ​പ്പം പ്രാർഥി​ക്കും​നേരം, ഡാഡി​യോ​ടു സംസാ​രി​ക്കുന്ന ഒരു കൊച്ചു​കു​ട്ടി​യെ​പ്പോ​ലെ​യാണ്‌ അദ്ദേഹം കാണ​പ്പെ​ട്ടത്‌. അതു സ്രഷ്ടാ​വി​നോട്‌ ഉണ്ടായി​രുന്ന അദ്ദേഹ​ത്തി​ന്റെ ഉററബ​ന്ധ​ത്തി​നും താഴ്‌മ​യ്‌ക്കും തെളി​വാ​യി​രു​ന്നു. അതേ, അദ്ദേഹം ഒരു കൊച്ചു​കു​ട്ടി​യെ​പ്പോ​ലെ താഴ്‌മ​യു​ള്ള​വ​നാ​യി​രു​ന്നു.—മത്തായി 18:3, 4.

2. യഹോ​വ​യു​ടെ ദാസൻമാർക്കു ലോക​ത്തി​ലെ വ്യക്തി​ക​ളു​മാ​യി ഒരു സാമ്യ​വു​മി​ല്ലാ​ത്തത്‌ ഏതു പ്രത്യേക കാര്യ​ത്തി​ലാണ്‌?

² നിസ്സം​ശ​യ​മാ​യി, യഹോ​വ​യാം ദൈവ​ത്തി​ന്റെ യഥാർഥ ദാസൻമാ​രെ​ല്ലാ​വ​രും താഴ്‌മ​യു​ള്ള​വ​രാണ്‌. ഈ കാര്യ​ത്തിൽ അവർക്കു ലോക​ത്തി​ലെ ആളുക​ളു​മാ​യി ഒരു സാമ്യ​വു​മില്ല. ലോകം ഇപ്പോൾ മുമ്പെ​ങ്ങും കണ്ടിട്ടി​ല്ലാ​ത്ത​വി​ധം അഹങ്കാ​രി​ക​ളായ വ്യക്തി​ക​ളെ​ക്കൊ​ണ്ടു നിറഞ്ഞി​രി​ക്കു​ക​യാണ്‌. ഉന്നതർ, കരുത്തർ, സമ്പന്നർ, അഭ്യസ്‌ത​വി​ദ്യർ, എന്തിന്‌, ദരി​ദ്ര​രിൽത്തന്നെ അനേക​രും മററു പലവി​ധ​ങ്ങ​ളിൽ പിന്നോ​ക്കാ​വ​സ്ഥ​യിൽ കഴിയു​ന്നവർ പോലും ദുരഭി​മാ​നി​ക​ളാണ്‌.

3. അഹങ്കാ​ര​ത്തി​ന്റെ ഫലങ്ങളെ സംബന്ധിച്ച്‌ എന്തു പറയാ​വു​ന്ന​താണ്‌?

³ അഹങ്കാരം സൃഷ്ടി​ക്കുന്ന സ്‌പർധ​യ്‌ക്കും ദുരി​ത​ത്തി​നും കയ്യും കണക്കു​മില്ല. അഖിലാ​ണ്ഡ​ത്തി​ലെ സകല കഷ്ടങ്ങൾക്കും തുടക്കം കുറി​ക്കാൻ കാരണം​തന്നെ ഒരു ദൂതൻ അഹങ്കാ​രി​യാ​യി​ത്തീർന്ന​താണ്‌, ന്യായാ​നു​സൃ​തം സ്രഷ്ടാ​വായ യഹോ​വ​യാം ദൈവം​മാ​ത്രം അർഹി​ക്കുന്ന ആരാധ​ന​യാണ്‌ അവൻ ആഗ്രഹി​ച്ചത്‌. (മത്തായി 4:9, 10) അതിനും​പു​റമേ, ആദ്യ സ്‌ത്രീ​യായ ഹവ്വായു​ടെ അഹങ്കാ​ര​ത്തി​നു കുളിർമ​യേ​കി​ക്കൊണ്ട്‌ അവളെ വശീക​രി​ക്കു​ന്ന​തിൽ സ്വയം പിശാ​ചും സാത്താ​നു​മാ​ക്കി​യവൻ വിജയി​ച്ചു. വിലക്ക​പ്പെട്ട കനി ഭക്ഷിച്ചാൽ നൻമതിൻമ​ക​ളെ​ക്കു​റി​ച്ചുള്ള അറിവു നേടി ദൈവ​ത്തെ​പ്പോ​ലെ​യാ​കു​മെന്ന്‌ അവൻ അവളോ​ടു വാഗ്‌ദാ​നം ചെയ്‌തു. താഴ്‌മ​യു​ള്ള​വ​ളാ​യി​രു​ന്നെ​ങ്കിൽ ‘ദൈവ​ത്തെ​പ്പോ​ലെ​യാ​കാൻ ഞാൻ എന്തിന്‌ ആഗ്രഹി​ക്കണം?’ എന്ന്‌ അവൾ പറഞ്ഞേനേ. (ഉല്‌പത്തി 3:4, 5) മനുഷ്യ​വർഗം ഭൗതി​ക​വും മാനസി​ക​വും ധാർമി​ക​വു​മാ​യി എത്തി​ച്ചേർന്നി​രി​ക്കുന്ന സങ്കടക​ര​മായ അവസ്ഥ പരിചി​ന്തി​ച്ചു നോക്കു​മ്പോൾ മനുഷ്യ​രു​ടെ ഭാഗത്തെ അഹങ്കാ​ര​ത്തിന്‌ എന്തു ന്യായീ​ക​ര​ണ​മാ​ണു​ള്ളത്‌! “അഹംഭാവ”ത്തെയും “ഗർവ്വി”നെയും യഹോവ വെറു​ക്കു​ന്നു എന്നു വായി​ക്കു​ന്ന​തിൽ നമുക്ക്‌ അത്ഭുത​പ്പെ​ടാ​നില്ല! (സുഭാ​ഷി​തങ്ങൾ 8:13, പി.ഒ.സി. ബൈ.) സകല അഹങ്കാ​രി​കൾക്കും നേർവി​പ​രീ​ത​മായ മാതൃ​കകൾ ദൈവ​വ​ച​ന​മായ ബൈബി​ളിൽ കാണ​പ്പെ​ടു​ന്നുണ്ട്‌.

യഹോ​വ​യാം ദൈവം താഴ്‌മ​യു​ള്ള​വൻ

4. യഹോവ താഴ്‌മ​യു​ള്ള​വ​നാ​ണെന്ന്‌ ഏതു തിരു​വെ​ഴു​ത്തു​കൾ പ്രകട​മാ​ക്കു​ന്നു?

⁴ അത്യു​ന്ന​ത​നും അഖിലാണ്ഡ പരമാ​ധി​കാ​രി​യും നിത്യ​ത​യു​ടെ രാജാ​വു​മായ യഹോ​വ​യാം ദൈവം താഴ്‌മ​യു​ള്ള​വ​നാണ്‌. (ഉല്‌പത്തി 14:22) അങ്ങനെ​യാ​യി​രി​ക്കുക സാധ്യ​മാ​ണോ? അതേ തീർച്ച​യാ​യും! “നിന്റെ രക്ഷ എന്ന പരിചയെ നീ എനിക്കു തന്നിരി​ക്കു​ന്നു; നിന്റെ വലങ്കൈ എന്നെ താങ്ങി നിന്റെ സൗമ്യത [“താഴ്‌മ,” NW] എന്നെ വലിയ​വ​നാ​ക്കി​യി​രി​ക്കു​ന്നു” എന്ന്‌ ദാവീദ്‌ പറഞ്ഞതാ​യി സങ്കീർത്തനം 18:35-ൽ രേഖ​പ്പെ​ടു​ത്തി​യി​രി​ക്കു​ന്നു. സ്‌പഷ്ട​മാ​യും, യഹോ​വ​യു​ടെ താഴ്‌മ​യാ​ണു ദാവീ​ദി​നെ മഹാനാ​ക്കി​യത്‌ എന്നു ദാവീദ്‌ സമ്മതി​ച്ചു​പ​റ​യു​ന്നു. ഇനിയും, യഹോവ “താഴോ​ട്ടി​റങ്ങി ആകാശ​ത്തെ​യും ഭൂമി​യെ​യും നോക്കു​ന്നു” എന്നു സങ്കീർത്തനം 113:6, [NW]-ൽ നാം വായി​ക്കു​ന്നു. “നോക്കാൻ കുനി​യു​ന്നു” (ന്യൂ ഇൻറർനാ​ഷണൽ വേർഷൻ) എന്നും “തീരെ താഴേക്കു നോക്കാൻ തിരു​വു​ള്ളം തോന്നു​ന്നു” (ദ ന്യൂ ഇംഗ്ലീഷ്‌ ബൈബിൾ) എന്നും നാം മററു പരിഭാ​ഷ​ക​ളിൽ വായി​ക്കു​ന്നു.

5. യഹോ​വ​യു​ടെ താഴ്‌മയെ സാക്ഷ്യ​പ്പെ​ടു​ത്തുന്ന സംഭവങ്ങൾ ഏതെല്ലാം?

⁵ സോ​ദോം, ഗൊ​മോറ എന്നീ ദുഷ്ട നഗരങ്ങളെ നശിപ്പി​ക്കാൻ ഉദ്ദേശി​ക്കു​ന്ന​തി​ലെ തന്റെ നീതിയെ കുറിച്ചു സംവാദം നടത്താൻ അബ്രാ​ഹാ​മി​നെ അനുവ​ദി​ച്ചു​കൊണ്ട്‌ അബ്രാ​ഹാ​മു​മാ​യി ഇടപെ​ട്ട​വി​ധ​ത്തിൽ യഹോവ തീർച്ച​യാ​യും താഴേ​ക്കി​റ​ങ്ങി​വന്നു.a (ഉല്‌പത്തി 18:23-32) ഒരു സമയത്തു വിഗ്ര​ഹാ​രാ​ധന നിമി​ത്ത​വും മറെറാ​രി​ക്കൽ മത്സരം നിമി​ത്ത​വും ഇസ്രയേൽ ജനതയെ വെച്ചു​പൊ​റു​പ്പി​ക്കേ​ണ്ട​തി​ല്ലെന്ന തന്റെ തീരു​മാ​നം യഹോവ അറിയി​ച്ച​പ്പോൾ മോശ, മറെറാ​രു മനുഷ്യ​നോ​ടു സംസാ​രി​ക്കു​ന്ന​തു​പോ​ലെ, ഓരോ സന്ദർഭ​ത്തി​ലും യഹോ​വ​യു​മാ​യി ന്യായ​വാ​ദം നടത്തി. ഓരോ പ്രാവ​ശ്യ​വും യഹോവ പ്രതി​ക​രി​ച്ചത്‌ അനുകൂ​ല​മാ​യി​ട്ടാ​യി​രു​ന്നു. തന്റെ ജനമായ ഇസ്ര​യേ​ലി​നെ സംബന്ധിച്ച മോശ​യു​ടെ യാചനകൾ അംഗീ​ക​രി​ച്ചു​കൊ​ടു​ത്തതു യഹോ​വ​യു​ടെ ഭാഗത്തെ താഴ്‌മയെ പ്രകട​മാ​ക്കി. (പുറപ്പാ​ടു 32:9-14; സംഖ്യാ​പു​സ്‌തകം 14:11-20) മനുഷ്യ​രോ​ടു വ്യക്തി​ഗ​ത​മാ​യി ഇടപെ​ടു​ന്ന​തിൽ യഹോവ പ്രകട​മാ​ക്കിയ താഴ്‌മ​യു​ടെ മററു ദൃഷ്ടാ​ന്തങ്ങൾ, ന്യായാ​ധി​പൻമാർ 6:36-40-ലും യോനാ 4:9-11-ലും രേഖ​പ്പെ​ടു​ത്തി​യി​രി​ക്കുന്ന പ്രകാരം, ഗിദ​യോ​നോ​ടും യോനാ​യോ​ടും ഉണ്ടായി​രുന്ന അവിടു​ത്തെ ബന്ധങ്ങളിൽനി​ന്നു കാണാ​വു​ന്ന​താണ്‌.

6. യഹോ​വ​യു​ടെ ഏതു സ്വഭാ​വ​വി​ശേ​ഷ​മാണ്‌ അവിടു​ത്തെ താഴ്‌മയെ കൂടു​ത​ലാ​യി വെളി​പ്പെ​ടു​ത്തു​ന്നത്‌?

⁶ വാസ്‌ത​വ​ത്തിൽ, “കോപ​ത്തി​നു താമസ​മു​ള്ളവ”നെന്നു യഹോ​വ​യെ​ക്കു​റി​ച്ചു ചുരു​ങ്ങി​യത്‌ ഒൻപത്‌ പ്രാവ​ശ്യ​മെ​ങ്കി​ലും പറഞ്ഞി​രി​ക്കു​ന്നു.b ആയിര​ക്ക​ണ​ക്കി​നു വർഷങ്ങ​ളിൽ അപൂർണ മനുഷ്യ​സൃ​ഷ്ടി​ക​ളു​മാ​യി ഇടപ്പെ​ട്ട​തിൽ യഹോവ ദീർഘ​ക്ഷ​മ​യു​ള്ള​വ​നും കോപ​ത്തി​നു താമസ​മു​ള്ള​വ​നു​മാ​യി​രു​ന്നു എന്നത്‌ അവിടു​ന്നു താഴ്‌മ​യു​ള്ള​വ​നാ​ണെ​ന്ന​തി​ന്റെ മറെറാ​രു തെളി​വാണ്‌. അഹങ്കാ​രി​കൾ അക്ഷമരാണ്‌, നൊടി​യി​ട​ക്കു​ള്ളിൽ അവർ കോപം പ്രകടി​പ്പി​ക്കു​ന്നു, ദീർഘ​ക്ഷ​മ​യു​മാ​യി അവർക്ക്‌ ഒരു ബന്ധവു​മില്ല. അപൂർണ മനുഷ്യ​രു​ടെ അഹങ്കാ​രത്തെ യഹോ​വ​യു​ടെ താഴ്‌മ എത്രയ്‌ക്കു പരിഹാ​സ്യ​മാ​ക്കു​ന്നു! ‘പ്രിയ മക്കൾ എന്നപോ​ലെ ദൈവത്തെ അനുക​രി​ക്കാൻ’ നമ്മോട്‌ ആവശ്യ​പ്പെ​ട്ടി​രി​ക്കു​ന്ന​തി​നാൽ അവിടു​ന്നു താഴ്‌മ​യു​ള്ളവൻ ആയിരി​ക്കു​ന്ന​തു​പോ​ലെ നാമും താഴ്‌മ​യു​ള്ളവർ ആയിരി​ക്കണം.—എഫെസ്യർ 5:1.

ക്രിസ്‌തു​വി​ന്റെ താഴ്‌മ​യു​ടെ ദൃഷ്ടാന്തം

7, 8. യേശു​വി​ന്റെ താഴ്‌മ​യെ​പ്പ​ററി തിരു​വെ​ഴു​ത്തു​കൾ എന്തു പറയുന്നു?

⁷ നമുക്ക്‌ അനുക​രി​ക്കാ​നുള്ള താഴ്‌മ​യു​ടെ ഏററവും ശ്രദ്ധേ​യ​മായ രണ്ടാമത്തെ ദൃഷ്ടാന്തം 1 പത്രൊസ്‌ 2:21-ൽ പരാമർശി​ച്ചി​ട്ടുണ്ട്‌: “അതിന്നാ​യി​ട്ട​ല്ലോ നിങ്ങളെ വിളി​ച്ചി​രി​ക്കു​ന്നതു. ക്രിസ്‌തു​വും നിങ്ങൾക്കു വേണ്ടി കഷ്ടം അനുഭ​വി​ച്ചു, നിങ്ങൾ അവന്റെ കാൽച്ചു​വടു പിന്തു​ട​രു​വാൻ ഒരു മാതൃക വെച്ചേച്ചു പോയി​രി​ക്കു​ന്നു.” മനുഷ്യ​നാ​യി ഭൂമി​യി​ലേക്കു വരുന്ന​തി​നു വളരെ​ക്കാ​ലം മുമ്പു​തന്നെ അവിടു​ത്തെ​ക്കു​റി​ച്ചു സെഖര്യാ​വു 9:9-ൽ ഇങ്ങനെ പ്രവചി​ച്ചു പറഞ്ഞി​രു​ന്നു: “യെരൂ​ശ​ലേം​പു​ത്രി​യേ, ആർപ്പി​ടുക! ഇതാ, നിന്റെ രാജാവു നിന്റെ അടുക്കൽ വരുന്നു; അവൻ നീതി​മാ​നും ജയശാ​ലി​യും താഴ്‌മ​യു​ള്ള​വ​നും ആയി കഴുത​പ്പു​റത്തു . . . കയറി​വ​രു​ന്നു.” യേശു​ക്രി​സ്‌തു അഹങ്കാ​രി​യാ​യി​രു​ന്നെ​ങ്കിൽ വെറു​മൊ​രു ആരാധ​നാ​ക്രി​യ​യ്‌ക്കു പകരമാ​യി ലോക​ത്തി​ലെ സകല രാജ്യ​ങ്ങ​ളും തരാമെന്ന പിശാ​ചി​ന്റെ വാഗ്‌ദാ​നം അവിടുന്ന്‌ എളുപ്പം സ്വീക​രി​ക്കു​മാ​യി​രു​ന്നു. (മത്തായി 4:9, 10) തന്റെ പഠിപ്പി​ക്ക​ലി​ന്റെ സകല മഹത്ത്വ​വും യഹോ​വ​യാം ദൈവ​ത്തി​നു കൊടു​ത്തു​കൊ​ണ്ടും അവിടു​ന്നു തന്റെ താഴ്‌മ പ്രകട​മാ​ക്കി, അത്‌ ഇങ്ങനെ പറഞ്ഞു​കൊ​ണ്ടാ​യി​രു​ന്നു: “നിങ്ങൾ മനുഷ്യ​പു​ത്രനെ ഉയർത്തി​ക്ക​ഴി​യു​മ്പോൾ, ഞാൻ ഞാൻത​ന്നെ​യെ​ന്നും ഞാൻ സ്വമേ​ധയാ ഒന്നും പ്രവർത്തി​ക്കു​ന്നില്ല, പ്രത്യുത, എന്റെ പിതാവ്‌ എന്നെ പഠിപ്പി​ച്ച​തു​പോ​ലെ ഇക്കാര്യ​ങ്ങൾ ഞാൻ സംസാ​രി​ക്കു​ന്നു​വെ​ന്നും നിങ്ങൾ മനസ്സി​ലാ​ക്കും.”—യോഹ​ന്നാൻ 8:28, പി.ഒ.സി. ബൈ.

⁸ “ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു ആശ്വാസം കണ്ടെത്തു”മെന്ന്‌ അവിടു​ത്തേക്ക്‌ ഉചിത​മാ​യി തന്റെ ശ്രോ​താ​ക്ക​ളോ​ടു പറയാൻ സാധിച്ചു. (മത്തായി 11:29) ഒരു മനുഷ്യ​നാ​യി അപ്പോ​സ്‌ത​ലൻമാ​രോ​ടൊ​ത്തു ചെലവ​ഴിച്ച അവസാ​നത്തെ സായാഹ്ന വേളയിൽ അവരുടെ പാദങ്ങൾ കഴുകി​ക്കൊണ്ട്‌ അവിടു​ന്നു കാഴ്‌ച​വെ​ച്ചതു താഴ്‌മ​യു​ടെ എന്തൊ​രു​ത്തമ മാതൃ​ക​യാണ്‌! (യോഹ​ന്നാൻ 13:3-15) യേശു​വി​നെ ഒരു മാതൃ​ക​യാ​ക്കി അവതരി​പ്പി​ച്ചു​കൊ​ണ്ടു ക്രിസ്‌ത്യാ​നി​കൾക്കു “താഴ്‌മ”യുണ്ടാ​യി​രി​ക്ക​ണ​മെന്ന്‌ അപ്പോ​സ്‌ത​ല​നായ പൗലോസ്‌ ഫിലി​പ്പി​യർ 2:3-8-ൽ ഇങ്ങനെ ബുദ്ധ്യു​പ​ദേ​ശി​ക്കു​ന്നതു തികച്ചും ഉചിത​മാണ്‌: “ക്രിസ്‌തു​യേ​ശു​വി​ലുള്ള ഭാവം തന്നേ നിങ്ങളി​ലും ഉണ്ടായി​രി​ക്കട്ടെ. അവൻ ദൈവ​രൂ​പ​ത്തിൽ ഇരിക്കെ ദൈവ​ത്തോ​ടുള്ള സമത്വം മുറുകെ പിടി​ച്ചു​കൊ​ള്ളേണം എന്നു വിചാ​രി​ക്കാ​തെ ദാസരൂ​പം എടുത്തു മനുഷ്യ​സാ​ദൃ​ശ്യ​ത്തി​ലാ​യി തന്നെത്താൻ ഒഴിച്ചു വേഷത്തിൽ മനുഷ്യ​നാ​യി വിളങ്ങി തന്നെത്താൻ താഴ്‌ത്തി മരണ​ത്തോ​ളം ക്രൂശി​ലെ മരണ​ത്തോ​ളം തന്നേ, അനുസ​ര​ണ​മു​ള്ള​വ​നാ​യി​ത്തീർന്നു.” തന്റെ ജീവി​ത​ത്തി​ലെ ഏററവും വലിയ പ്രതി​സ​ന്ധി​ഘ​ട്ടത്തെ അഭിമു​ഖീ​ക​രി​ച്ച​പ്പോൾ അവിടു​ന്നു തന്റെ പിതാ​വി​നോ​ടു താഴ്‌മ​യോ​ടെ പ്രാർഥി​ച്ചു: “എങ്കിലും ഞാൻ ഇച്ഛിക്കും​പോ​ലെ അല്ല, നീ ഇച്ഛിക്കും​പോ​ലെ ആകട്ടെ.” (മത്തായി 26:39) തീർച്ച​യാ​യും, അവിടു​ത്തെ കാൽപ്പാ​ടു​കൾ അടുത്തു പിൻപ​റ​റി​ക്കൊ​ണ്ടു നാം യേശു​ക്രി​സ്‌തു​വി​ന്റെ അനുകാ​രി​ക​ളാ​ക​ണ​മെ​ങ്കിൽ നാം താഴ്‌മ​യു​ള്ള​വ​രാ​യി​രു​ന്നേ പററൂ.

അപ്പോ​സ്‌ത​ല​നായ പൗലോസ്‌—താഴ്‌മ​യു​ടെ ഒരു ഉത്തമ മാതൃക

9-12. ഏതെല്ലാം വിധങ്ങ​ളി​ലാണ്‌ അപ്പോ​സ്‌ത​ല​നായ പൗലോസ്‌ താഴ്‌മ​യു​ടെ ദൃഷ്ടാ​ന്തങ്ങൾ വെച്ചി​രി​ക്കു​ന്നത്‌?

⁹ “ഞാൻ ക്രിസ്‌തു​വി​ന്റെ അനുകാ​രി​യാ​യി​രി​ക്കു​ന്ന​തു​പോ​ലെ നിങ്ങളും എന്റെ അനുകാ​രി​കൾ ആകുവിൻ” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. (1 കൊരി​ന്ത്യർ 11:1) നമുക്ക്‌ അനുക​രി​ക്കാൻ താഴ്‌മ​യു​ടെ മറെറാ​രു മാതൃക വെച്ചു​ത​ന്നു​കൊണ്ട്‌ അപ്പോ​സ്‌ത​ല​നായ പൗലോസ്‌ താഴ്‌മ പ്രകട​മാ​ക്കി യേശു​ക്രി​സ്‌തു​വി​നെ അനുക​രി​ച്ചു​വോ? അങ്ങനെ അദ്ദേഹം ചെയ്‌തു​വെന്നു തീർത്തും പറയാം. ഒന്നാമ​താ​യി, താൻ യേശു​ക്രി​സ്‌തു​വി​ന്റെ ഒരടി​മ​യാ​ണെന്ന്‌ അദ്ദേഹം താഴ്‌മ​യോ​ടെ സമ്മതി​ക്കു​ന്നു. (ഫിലി​പ്പി​യർ 1:1) “പൂർണ്ണ​വി​ന​യ​ത്തോ​ടും കണ്ണുനീ​രോ​ടും യഹൂദൻമാ​രു​ടെ ഗൂഢാ​ലോ​ച​ന​യാൽ എനിക്കു​ണ്ടായ പരീക്ഷ​ണ​ങ്ങ​ളോ​ടു​കൂ​ടി ഞാൻ കർത്താ​വി​നു ശുശ്രൂ​ഷ​ചെ​യ്‌തു”വെന്ന്‌ അദ്ദേഹം എഫേസൂ​സി​ലെ മൂപ്പൻമാ​രോ​ടു പറഞ്ഞു. (അപ്പ. പ്രവർത്ത​നങ്ങൾ 20:17-19, പി.ഒ.സി. ബൈ.) അദ്ദേഹം താഴ്‌മ​യു​ള്ള​വ​നാ​യി​രു​ന്നി​ല്ലെ​ങ്കിൽ റോമർ 7:18, 19-ൽ കാണുന്ന ഈ വാക്കുകൾ അദ്ദേഹം ഒരിക്ക​ലും എഴുതു​മാ​യി​രു​ന്നില്ല: “എന്റെ ജഡത്തിൽ നൻമ വസിക്കു​ന്നില്ല എന്നു ഞാൻ അറിയു​ന്നു; . . . ഞാൻ ചെയ്‌വാൻ ഇച്ഛിക്കുന്ന നൻമ ചെയ്യു​ന്നി​ല്ല​ല്ലോ; ഇച്ഛിക്കാത്ത തിൻമ​യ​ത്രേ പ്രവർത്തി​ക്കു​ന്നതു.”

¹⁰ 1 കൊരി​ന്ത്യർ 2:3-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം “ഞാൻ ബലഹീ​ന​ത​യോ​ടും ഭയത്തോ​ടും വളരെ നടുക്ക​ത്തോ​ടും​കൂ​ടെ നിങ്ങളു​ടെ ഇടയിൽ ഇരുന്നു” എന്നു കൊരി​ന്ത്യ​യി​ലെ ക്രിസ്‌ത്യാ​നി​കൾക്കു പൗലോസ്‌ എഴുതി​യ​തി​ലും പ്രകട​മാ​കു​ന്നത്‌ അദ്ദേഹ​ത്തി​ന്റെ താഴ്‌മ​തന്നെ. ക്രിസ്‌ത്യാ​നി​യാ​കു​ന്ന​തി​നു മുമ്പത്തെ തന്റെ ജീവി​ത​ഗ​തി​യെ താഴ്‌മ​യോ​ടെ പരാമർശി​ച്ചു​കൊണ്ട്‌ അദ്ദേഹം എഴുതി: “മുമ്പെ ഞാൻ ദൂഷക​നും ഉപദ്ര​വി​യും നിഷ്‌ഠൂ​ര​നും ആയിരു​ന്നു. . . . ക്രിസ്‌തു​യേശു പാപി​കളെ രക്ഷിപ്പാൻ ലോക​ത്തിൽ വന്നു . . . ആ പാപി​ക​ളിൽ ഞാൻ ഒന്നാമൻ.”—1 തിമൊ​ഥെ​യൊസ്‌ 1:13, 15.

¹¹ തന്റെ ശ്രമങ്ങൾക്കു​ണ്ടായ സകല വിജയ​ങ്ങൾക്കും കാരണം യഹോ​വ​യാം ദൈവ​മാ​ണെന്നു പറഞ്ഞതിൽ അദ്ദേഹ​ത്തി​ന്റെ താഴ്‌മ കൂടു​ത​ലാ​യി പ്രകട​മാ​കു​ന്നു. തന്റെ ശുശ്രൂ​ഷ​യെ​ക്കു​റിച്ച്‌ “ഞാൻ നട്ടു, അപ്പൊ​ല്ലോസ്‌ നനെച്ചു, ദൈവ​മ​ത്രേ വളരു​മാ​റാ​ക്കി​യത്‌. ആകയാൽ വളരു​മാ​റാ​ക്കുന്ന ദൈവ​മ​ല്ലാ​തെ നടുന്ന​വ​നും നനെക്കു​ന്ന​വ​നും ഏതുമില്ല” എന്നായി​രു​ന്നു അദ്ദേഹം എഴുതി​യത്‌. (1 കൊരി​ന്ത്യർ 3:6, 7) നല്ലൊരു സാക്ഷ്യം കൊടു​ക്കാൻ കഴി​യേ​ണ്ട​തി​നു തനിക്കു​വേണ്ടി പ്രാർഥി​ക്ക​ണ​മെന്ന്‌ അദ്ദേഹം സഹോ​ദ​രൻമാ​രോട്‌ ആവശ്യ​പ്പെ​ടു​ക​യും ചെയ്‌തു. ഇതു നാം എഫെസ്യർ 6:18-20-ൽ വായി​ക്കു​ന്നു: “എനിക്കും​വേണ്ടി പ്രാർത്ഥ​ന​യിൽ പൂർണ്ണ സ്ഥിരത കാണി​പ്പിൻ . . . സുവി​ശേ​ഷ​ത്തി​ന്റെ മർമ്മം പ്രാഗ​ത്ഭ്യ​ത്തോ​ടെ അറിയി​പ്പാൻ . . . ഞാൻ സംസാ​രി​ക്കേ​ണ്ടും​വണ്ണം അതിൽ പ്രാഗ​ത്ഭ്യ​ത്തോ​ടെ സംസാ​രി​ക്കേ​ണ്ട​തി​ന്നും പ്രാർത്ഥി​പ്പിൻ.”

¹² മററ്‌ അപ്പോ​സ്‌ത​ലൻമാ​രോ​ടു സഹകരി​ച്ചു പ്രവർത്തി​ച്ച​പ്പോ​ഴും പൗലോസ്‌ താഴ്‌മ പ്രകടി​പ്പി​ക്കു​ക​യാ​ണു ചെയ്‌തത്‌: “യാക്കോ​ബും കേഫാ​വും യോഹ​ന്നാ​നും ഞങ്ങൾ ജാതി​ക​ളു​ടെ ഇടയി​ലും അവർ പരി​ച്ഛേ​ദ​ന​ക്കാ​രു​ടെ ഇടയി​ലും സുവി​ശേഷം അറിയി​പ്പാ​ന്ത​ക്ക​വണ്ണം എനിക്കും ബർന്നബാ​സി​ന്നും കൂട്ടാ​യ്‌മ​യു​ടെ വലങ്കൈ തന്നു.” (ഗലാത്യർ 2:9) ആലയത്തി​ലേക്കു നാലു യുവാ​ക്കളെ അനുയാ​ത്ര ചെയ്‌തു​കൊ​ണ്ടും അവരുടെ വ്രതാ​നു​ഷ്‌ഠാ​ന​ത്തി​ന്റെ ചെലവു​കൾ വഹിച്ചു​കൊ​ണ്ടും യെരൂ​ശ​ലേം സഭയിലെ മൂപ്പൻമാ​രു​മാ​യി സഹകരി​ച്ചു പ്രവർത്തി​ക്കാ​നുള്ള തന്റെ മനസ്സൊ​രു​ക്ക​വും അദ്ദേഹം പ്രകട​മാ​ക്കി.—പ്രവൃ​ത്തി​കൾ 21:23-26.

13. പൗലോ​സി​ന്റെ താഴ്‌മയെ കൂടുതൽ ശ്രദ്ധേ​യ​മാ​ക്കി​യ​തെന്ത്‌?

¹³ യഹോ​വ​യാം ദൈവം പൗലോ​സി​നെ ഉപയോ​ഗി​ച്ചത്‌ എത്ര ശക്തമാ​യി​ട്ടാ​യി​രു​ന്നു എന്നു മനസ്സി​ലാ​ക്കു​മ്പോ​ഴാ​ണു പൗലോ​സി​ന്റെ താഴ്‌മ കൂടുതൽ ശ്രദ്ധേ​യ​മാ​കു​ന്നത്‌. ഉദാഹ​ര​ണ​ത്തിന്‌, “ദൈവം പൌ​ലോസ്‌ മുഖാ​ന്തരം അസാധാ​ര​ണ​മായ വീര്യ​പ്ര​വൃ​ത്തി​കളെ ചെയ്യി”ച്ചുവെന്നു നാം വായി​ക്കു​ന്നു. (പ്രവൃ​ത്തി​കൾ 19:11, 12) അതിലു​പരി, അദ്ദേഹ​ത്തിന്‌ അസാധാ​രണ ദർശന​ങ്ങ​ളും വെളി​പാ​ടു​ക​ളും നൽക​പ്പെട്ടു. (2 കൊരി​ന്ത്യർ 12:1-7) ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളി​ലെ 27-ൽ 14 പുസ്‌ത​ക​ങ്ങ​ളും (വാസ്‌ത​വ​ത്തിൽ എഴുത്തു​ക​ളും) എഴുതാൻ നിശ്വ​സ്‌ത​നാ​ക്ക​പ്പെ​ട്ടതു പൗലോ​സാ​യി​രു​ന്നു എന്നത്‌ ഗൗനി​ക്കുക. അവയൊ​ന്നും അദ്ദേഹത്തെ തലക്കന​മു​ള്ള​വ​നാ​ക്കി​യില്ല. അദ്ദേഹം താഴ്‌മ​യു​ള്ള​വ​നാ​യി തുടർന്നു.

ആധുനിക നാളിലെ മാതൃ​ക​കൾ

14-16. (എ) വാച്ച്‌ ടവർ സൊ​സൈ​റ​റി​യു​ടെ ആദ്യത്തെ പ്രസി​ഡൻറ്‌ താഴ്‌മ​യു​ടെ ഒരു ഉത്തമ മാതൃ​ക​യാ​യി​രു​ന്ന​തെ​ങ്ങനെ? (ബി) അദ്ദേഹ​ത്തി​ന്റെ മാതൃക ആരു​ടേ​തിൽനി​ന്നു കടകവി​രു​ദ്ധ​മാണ്‌?

¹⁴ “നിങ്ങ​ളോ​ടു ദൈവ​വ​ചനം പ്രസം​ഗി​ച്ചു നിങ്ങളെ നടത്തി​യ​വരെ ഓർത്തു​കൊൾവിൻ; അവരുടെ ജീവാ​വ​സാ​നം ഓർത്തു അവരുടെ വിശ്വാ​സം അനുക​രി​പ്പിൻ” എന്ന പൗലോ​സി​ന്റെ ബുദ്ധ്യു​പ​ദേശം എബ്രായർ 13:7-ൽ നാം വായി​ക്കു​ന്നു. ഈ തത്ത്വ​ത്തോ​ടുള്ള ചേർച്ച​യിൽ ആധുനിക നാളിലെ ഒരു മാതൃ​ക​യാ​യി വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ ആദ്യ പ്രസി​ഡൻറായ ചാൾസ്‌ റെറയ്‌സ്‌ റസ്സലിനെ എടുക്കാം, അദ്ദേഹ​ത്തി​ന്റെ വിശ്വാ​സം നമുക്ക്‌ അനുക​രി​ക്കാ​വു​ന്ന​താണ്‌. അദ്ദേഹം താഴ്‌മ​യുള്ള ഒരു മനുഷ്യ​നാ​യി​രു​ന്നോ? തീർച്ച​യാ​യും ആയിരു​ന്നു! അദ്ദേഹം 6 വാല്യ​ങ്ങ​ളി​ലാ​യി എഴുതിയ തിരു​വെ​ഴു​ത്തു​ക​ളു​ടെ പഠനങ്ങൾ [ഇംഗ്ലീഷ്‌] എന്ന ഗ്രന്ഥത്തി​ന്റെ 3,000 പേജു​ക​ളിൽ ഒരിട​ത്തും തന്നേപ്പ​ററി പറയു​ന്നേ​യില്ല എന്ന സംഗതി അനേകർക്കും അറിവു​ള്ള​താണ്‌. ഇപ്പോൾ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ പ്രസി​ദ്ധീ​ക​ര​ണങ്ങൾ പിൻപ​റ​റുന്ന തത്ത്വവും ഇതുതന്നെ, ലേഖന​ങ്ങ​ളു​ടെ എഴുത്തു​കാ​രെ തിരി​ച്ച​റി​യി​ച്ചു​കൊണ്ട്‌ അവ മനുഷ്യ​രി​ലേക്കു ശ്രദ്ധ തിരി​ച്ചു​വി​ടു​ന്നില്ല.

¹⁵ “റസ്സൽവാ​ദം” (“Russellism”) എന്തെന്നോ “റസ്സലു​കാ​രൻ” (“Russellite”) ആരെന്നോ തനിക്ക്‌ ഒരു പിടി​പാ​ടു​മി​ല്ലെന്ന്‌ ഒരിക്കൽ വീക്ഷാ​ഗോ​പു​ര​ത്തിൽ എഴുതി​ക്കൊണ്ട്‌ റസ്സൽ അവയെ പൂർണ​മാ​യും തള്ളിക്ക​ളഞ്ഞു, അദ്ദേഹ​ത്തി​ന്റെ എതിരാ​ളി​ക​ളു​ടേ​താ​യി​രു​ന്നു ആ പദപ്ര​യോ​ഗങ്ങൾ. “ഞങ്ങളുടെ വേല . . . വളരെ നാളു​ക​ളാ​യി ചിതറി​ക്കി​ട​ക്കുന്ന സത്യത്തി​ന്റെ ശകലങ്ങൾ കോർത്തി​ണക്കി അതു കർത്താ​വി​ന്റെ ജനത്തിന്‌ എത്തിച്ചു​കൊ​ടു​ക്കാ​നാ​യി​രു​ന്നു—പുതി​യ​താ​യി​ട്ടോ തങ്ങളു​ടേ​താ​യി​ട്ടോ അല്ല മറിച്ച്‌ കർത്താ​വി​ന്റേ​താ​യിട്ട്‌. . . . ഞങ്ങളുടെ എളിയ കഴിവു​കളെ ഉപയോ​ഗ​പ്പെ​ടു​ത്താൻ കർത്താവു തിരു​മ​ന​സ്സായ പ്രസ്‌തുത വേല പുനർനിർമാ​ണ​ത്തി​ന്റെ​യും പുനഃ​ക്ര​മീ​ക​ര​ണ​ത്തി​ന്റെ​യും പൊരു​ത്ത​പ്പെ​ടു​ത്ത​ലി​ന്റെ​യു​മാ​യി​രു​ന്നു, പുതു​താ​യി ആരംഭം കുറിച്ച ഒരു വേലയാ​യി​ട്ടാ​യി​രു​ന്നില്ല.” സത്യമാ​യും, അപ്പോ​സ്‌ത​ല​നായ പൗലോ​സി​ന്റെ 1 കൊരി​ന്ത്യർ 3:5-7-ൽ കാണുന്ന വികാരം അദ്ദേഹം ഇവിടെ പ്രകടി​പ്പി​ക്കു​ക​യാ​യി​രു​ന്നു.

¹⁶ അദ്ദേഹ​ത്തി​ന്റെ മനോ​ഭാ​വം ചാൾസ്‌ ഡാർവിൻ പ്രകട​മാ​ക്കിയ മനോ​ഭാ​വ​ത്തി​നു നേർവി​പ​രീ​ത​മാ​യി​രു​ന്നു. 1859-ൽ പുറത്തി​റ​ക്കിയ ഒറിജിൻ ഓഫ്‌ സ്‌പീ​ഷീസ്‌ എന്ന പുസ്‌ത​ക​ത്തി​ന്റെ ആദ്യ പതിപ്പിൽ പരിണാ​മ​ത്തെ​ക്കു​റി​ച്ചു തനിക്കു മുമ്പു​ണ്ടാ​യി​രു​ന്നവർ പറഞ്ഞി​ട്ടുള്ള കാര്യങ്ങൾ അവഗണി​ച്ചു​കൊണ്ട്‌ ഡാർവിൻ “എന്റെ” സിദ്ധാന്തം എന്നു പലവട്ടം പരാമർശി​ച്ചു. മുമ്പ്‌ അനേകർ പരിണാ​മ​സ​ങ്ക​ല്‌പം ആവിഷ്‌ക​രി​ച്ചി​ട്ടു​ണ്ടാ​യി​രു​ന്നു; ഒരു കാരണ​വ​ശാ​ലും അത്‌ ഉത്ഭവി​ച്ചത്‌ ഡാർവി​നിൽനി​ന്നല്ല എന്നു സൂചി​പ്പി​ച്ചു​കൊണ്ട്‌ അക്കാലത്തെ ഒരു അറിയ​പ്പെ​ടുന്ന എഴുത്തു​കാ​ര​നാ​യി​രുന്ന സാമുവൽ ബട്ട്‌ളർ ഡാർവി​നെ രൂക്ഷമാ​യി വിമർശി​ച്ചി​രു​ന്നു.

17. റതർഫോർഡ്‌ സഹോ​ദ​രന്റെ താഴ്‌മ​യു​ടെ മററു ദൃഷ്ടാ​ന്തങ്ങൾ ഏതെല്ലാം?

¹⁷ ആധുനിക നാളിൽ യഹോവ ശക്തമായി ഉപയോ​ഗിച്ച മറെറാ​രു വിശ്വസ്‌ത ദാസനാ​യി​രു​ന്നു ആരംഭ​ത്തിൽ സൂചി​പ്പിച്ച ജോസഫ്‌ എഫ്‌. റതർഫോർഡ്‌. ബൈബിൾ സത്യത്തി​ന്റെ, വിശേ​ഷിച്ച്‌ യഹോ​വ​യു​ടെ നാമത്തി​ന്റെ ഒരു ധീരനായ വക്താവാ​യി​രു​ന്നു അദ്ദേഹം. ന്യായാ​ധി​പ​നായ റതർഫോർഡ്‌ എന്നു വ്യാപ​ക​മാ​യി അറിയ​പ്പെ​ട്ടി​രു​ന്നെ​ങ്കി​ലും ഹൃദയ​ത്തിൽ അദ്ദേഹം താഴ്‌മ​യുള്ള മനുഷ്യ​നാ​യി​രു​ന്നു. ഉദാഹ​ര​ണ​ത്തിന്‌, 1925-ൽ ക്രിസ്‌ത്യാ​നി​കൾക്കു പ്രതീ​ക്ഷി​ക്കാ​വു​ന്നതു സംബന്ധിച്ച്‌ അദ്ദേഹം ഒരിക്കൽ ഉപദേ​ശ​പ​ര​മായ ചില പ്രസ്‌താ​വ​നകൾ നടത്തു​ക​യു​ണ്ടാ​യി. തന്റെ പ്രതീ​ക്ഷ​യ്‌ക്കൊ​ത്തു കാര്യങ്ങൾ സംഭവി​ക്കാ​തെ​പോ​യ​പ്പോൾ തനിക്ക്‌ അബദ്ധം പററി​പ്പോ​യെന്ന്‌ അദ്ദേഹം ബ്രുക്ലിൻ ബെഥേൽ കുടും​ബ​ത്തോ​ടു താഴ്‌മ​യോ​ടെ സമ്മതിച്ചു പറഞ്ഞു. മുഴു​വി​വ​ര​വും ലഭിക്കു​ന്ന​തി​നു മുമ്പ്‌ ഒരു സഹക്രി​സ്‌ത്യാ​നി​യെ കുററ​പ്പെ​ടു​ത്തി​യ​തിന്‌ മത്തായി 5:23, 24-ന്റെ വെളി​ച്ച​ത്തിൽ പരസ്യ​മാ​യും രഹസ്യ​മാ​യും റതർഫോർഡ്‌ സഹോ​ദരൻ ക്ഷമ യാചി​ക്കു​ന്നതു താൻ പലവുരു കേട്ടി​ട്ടു​ണ്ടെന്ന്‌ അദ്ദേഹ​ത്തോ​ടു വളരെ അടുത്ത ബന്ധമു​ണ്ടാ​യി​രുന്ന ഒരു അഭിഷിക്ത ക്രിസ്‌ത്യാ​നി സാക്ഷി​പ്പെ​ടു​ത്തി. അധികാ​ര​സ്ഥാ​ന​ത്തി​രി​ക്കുന്ന ഒരാൾ തനിക്കു കീഴ്‌പെ​ട്ടി​രി​ക്കു​ന്ന​വ​രോ​ടു ക്ഷമായാ​ചനം നടത്താൻ ആവശ്യ​മാ​യി​രി​ക്കു​ന്നതു താഴ്‌മ​യാണ്‌. സഭയി​ലോ സഞ്ചാര​വേ​ല​യി​ലോ സൊ​സൈ​റ​റി​യു​ടെ ഏതെങ്കി​ലും ബ്രാഞ്ചു​ക​ളി​ലോ എവി​ടെ​യാ​യാ​ലും മേൽവി​ചാ​ര​കൻമാർക്കുള്ള ഒരു ഉത്തമ മാതൃ​ക​യാ​ണു റതർഫോർഡ്‌ സഹോ​ദരൻ വച്ചിരി​ക്കു​ന്നത്‌.

18. സൊ​സൈ​റ​റി​യു​ടെ മൂന്നാ​മത്തെ പ്രസി​ഡൻറി​ന്റെ മനസ്സിന്റെ എളിമ പ്രകട​മാ​ക്കുന്ന ഏതു പ്രസ്‌താ​വ​ന​യാണ്‌ അദ്ദേഹം നടത്തി​യത്‌?

¹⁸ വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​റ​റി​യു​ടെ മൂന്നാ​മത്തെ പ്രസി​ഡൻറായ നാഥാൻ എച്ച്‌. നോർ, യഹോ​വ​യു​ടെ ജനത്തി​നി​ട​യിൽ ഉന്നതസ്ഥാ​നം വഹിച്ചി​രു​ന്നെ​ങ്കി​ലും, സ്ഥാനം നിമിത്തം താൻ ഉന്നതനാ​ണെന്ന്‌ അദ്ദേഹ​ത്തി​നും തോന്നി​യില്ല. സംഘാടക വൈഭ​വ​ത്തി​ലും പരസ്യ​പ്ര​സം​ഗ​ത്തി​ലും അദ്ദേഹം മററാ​രെ​ക്കാ​ളും മുന്നി​ലാ​യി​രു​ന്നെ​ങ്കി​ലും മററു​ള്ള​വ​രു​ടെ വേല​യോട്‌ അദ്ദേഹ​ത്തിന്‌ ആഴമായ ആദരവു​ണ്ടാ​യി​രു​ന്നു. റൈറ​റിങ്‌ ഡിപ്പാർട്ടു​മെൻറി​ലെ ഒരംഗത്തെ അദ്ദേഹ​ത്തി​ന്റെ ഓഫീ​സിൽ സന്ദർശി​ക്കവേ നോർ സഹോ​ദരൻ ഇപ്രകാ​രം പറഞ്ഞു: “ഇവി​ടെ​യാണ്‌ ഏററവും പ്രധാ​ന​പ്പെ​ട്ട​തും എന്നാൽ ഏററവും പ്രയാ​സ​മേ​റി​യ​തു​മായ വേല നടക്കു​ന്നത്‌. അതു​കൊ​ണ്ടാണ്‌ ഈ വേലയിൽ ഞാൻ തീരെ കുറച്ചു ചെയ്യു​ന്നത്‌.” അതെ, ‘ഒരു വ്യക്തി മനസ്സിന്റെ എളിമ​യോ​ടെ മററു​ള്ളവർ തന്നെക്കാൾ ശ്രേഷ്‌ഠ​രാ​ണെന്നു പരിഗ​ണി​ക്കണ’മെന്ന ഫിലി​പ്പി​യർ 2:3-ലെ ബുദ്ധ്യു​പ​ദേശം അദ്ദേഹം ഇവിടെ താഴ്‌മ​യോ​ടെ ബാധക​മാ​ക്കു​ക​യാ​യി​രു​ന്നു. സൊ​സൈ​റ​റി​യു​ടെ പ്രസി​ഡൻറാ​യി സേവി​ക്കു​ന്നതു പ്രധാ​ന​മാ​യി​രു​ന്നെ​ങ്കി​ലും മററു വേലക​ളും പ്രധാ​ന​മാ​യി​രു​ന്നു എന്ന്‌ അദ്ദേഹം മനസ്സി​ലാ​ക്കി. അങ്ങനെ തോന്നാ​നും അതു വ്യക്തമാ​യി പറയാ​നും കഴിഞ്ഞത്‌ അദ്ദേഹ​ത്തി​നു താഴ്‌മ ഉണ്ടായി​രു​ന്ന​തു​കൊ​ണ്ടാണ്‌. എല്ലാവർക്കും, വിശി​ഷ്യാ മേൽനോ​ട്ട​ത്തി​ന്റേ​തായ പ്രമുഖ സ്ഥാനങ്ങ​ളു​ള്ള​വർക്ക്‌, അദ്ദേഹം അനുക​രി​ക്കാ​നുള്ള മറെറാ​രു ഉത്തമ മാതൃ​ക​യാ​യി​രു​ന്നു.

19, 20. (എ) സൊ​സൈ​റ​റി​യു​ടെ നാലാ​മത്തെ പ്രസി​ഡൻറ്‌ വെച്ച താഴ്‌മ​യു​ടെ ദൃഷ്ടാ​ന്ത​മെന്ത്‌? (ബി) നാം താഴ്‌മ പ്രകട​മാ​ക്കു​ന്ന​തിന്‌ അടുത്ത ലേഖനം എന്തു സഹായം നൽകും?

¹⁹ സൊ​സൈ​റ​റി​യു​ടെ നാലാ​മത്തെ പ്രസി​ഡൻറാ​യി​രുന്ന ഫ്രെഡ്‌ ഡബ്ലിയു. ഫ്രാൻസും താഴ്‌മ​യു​ടെ മറെറാ​രു ഉത്‌കൃഷ്ട മാതൃ​ക​യാ​യി​രു​ന്നു. 32 വർഷം സൊ​സൈ​റ​റി​യു​ടെ വൈസ്‌ പ്രസി​ഡൻറാ​യി​രു​ന്ന​പ്പോൾ മാസി​ക​കൾക്കും കൺ​വെൻ​ഷൻപ​രി​പാ​ടി​കൾക്കും വേണ്ടി അദ്ദേഹം വളരെ​യ​ധി​കം എഴുതി​യി​രു​ന്നു; എങ്കിലും ഇക്കാര്യ​ത്തിൽ അദ്ദേഹം ശ്രദ്ധ തന്നിൽ പതിക്കാൻ ഒരിക്ക​ലും ശ്രമി​ക്കാ​തെ എല്ലായ്‌പോ​ഴും പിന്നണി​യിൽത്തന്നെ നിന്നു. താരത​മ്യം ചെയ്യാൻ നമുക്കി​വി​ടെ ഒരു പുരാതന ദൃഷ്ടാ​ന്ത​മുണ്ട്‌. റബ്ബായിൽവെച്ച്‌ യോവാബ്‌ അമോ​ന്യ​രെ പരാജ​യ​പ്പെ​ടു​ത്തി​യ​പ്പോൾ ആ വിജയ​ത്തി​ന്റെ ബഹുമതി ലഭിക്കു​ന്നത്‌ ദാവീദ്‌ രാജാ​വി​നാ​യി​രി​ക്ക​ണ​മെന്ന്‌ അദ്ദേഹം ഉറപ്പു​വ​രു​ത്തി.—2 ശമൂവേൽ 12:26-28.

²⁰ സത്യമാ​യും, നാം താഴ്‌മ​യു​ള്ള​വ​രാ​യി​രി​ക്കാൻ ശക്തമായ കാരണങ്ങൾ നിരത്തുന്ന അനേകം ഉത്തമ മാതൃ​കകൾ കഴിഞ്ഞ​കാ​ല​ത്തും ഇപ്പോ​ഴും നമുക്കുണ്ട്‌. എന്നിരു​ന്നാ​ലും, താഴ്‌മ​യു​ള്ള​വ​രാ​യി​രി​ക്കാൻ നമുക്കു കൂടു​ത​ലായ കാരണ​ങ്ങ​ളുണ്ട്‌, ഇവയും താഴ്‌മ​യു​ള്ള​വ​രാ​യി​രി​ക്കാൻ നമുക്കുള്ള സഹായ​ങ്ങ​ളും അടുത്ത ലേഖന​ത്തിൽ പരിചി​ന്തി​ക്ക​പ്പെ​ടും.

[അടിക്കു​റിപ്പ്‌]

നിങ്ങൾ ഓർമി​ക്കു​ന്നു​വോ?

◻ അഹങ്കാ​ര​ത്തി​ന്റെ ഫലങ്ങ​ളെന്ത്‌?

◻ താഴ്‌മ​യു​ടെ ഏററവും ശ്രേഷ്‌ഠ​മായ മാതൃക വെച്ചി​രി​ക്കു​ന്നത്‌ ആരാണ്‌?

◻ താഴ്‌മ​യു​ടെ ഏററവും ശ്രേഷ്‌ഠ​മായ രണ്ടാമത്തെ മാതൃക ആരാ​ണെ​ന്നത്‌ എങ്ങനെ​യ​റി​യാം?

◻ അപ്പോ​സ്‌ത​ല​നായ പൗലോസ്‌ താഴ്‌മ​യു​ടെ ഏത്‌ ഉത്തമ മാതൃക വെച്ചു?

◻ താഴ്‌മ​യു​ടെ കാര്യ​ത്തിൽ നമുക്കുള്ള പ്രമു​ഖ​മായ ആധുനി​ക​കാല മാതൃ​കകൾ ഏതെല്ലാം?

[15-ാം പേജിലെ ചിത്രം]

യേശു താഴ്‌മ​യു​ടെ ഒരു ശ്രേഷ്‌ഠ​മായ പ്രകടനം കാഴ്‌ച​വെ​ച്ചു

[16-ാം പേജിലെ ചിത്രം]

പൗലോസ്‌ താഴ്‌മ​യു​ടെ ഒരു ഉത്തമ മാതൃക വെച്ചു

[17-ാം പേജിലെ ചിത്രം]

റസ്സൽ സഹോ​ദരൻ താൻ എഴുതിയ സംഗതി​കൾക്കുള്ള മഹത്ത്വ​മെ​ടു​ത്തി​ല്ല