രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ബൈബിൾസ​ത്യം ഒരു കുടും​ബത്തെ ഒന്നിപ്പി​ക്കു​ന്നു

ഇന്നു ലോക​ത്തി​ന്റെ പല ഭാഗങ്ങ​ളി​ലും കുടുംബ ഐക്യം മിക്കവാ​റും കഴിഞ്ഞ​കാ​ല​സം​ഗ​തി​യാണ്‌. എന്നിരു​ന്നാ​ലും, കുടും​ബ​ത്തി​ലെ ഐക്യ​ത്തി​ന്റെ രഹസ്യം ബൈബിൾ വെളി​പ്പെ​ടു​ത്തു​ന്നുണ്ട്‌. യേശു​വി​ന്റെ ഈ വാക്കുകൾ പരിചി​ന്തി​ക്കുക: “എന്റെ ഈ വചനങ്ങളെ കേട്ടു ചെയ്യു​ന്നവൻ ഒക്കെയും പാറമേൽ വീടു പണിത ബുദ്ധി​യുള്ള മനുഷ്യ​നോ​ടു തുല്യ​നാ​കു​ന്നു.” (മത്തായി 7:24) ഈ വാക്കുകൾ ബാധക​മാ​ക്കി​ക്കൊ​ണ്ടും ഒരുമ​യുള്ള കുടും​ബത്തെ കെട്ടി​പ്പ​ടു​ക്കാ​നുള്ള അടിസ്ഥാ​ന​മാ​യി ബൈബിൾ ഉപയോ​ഗി​ച്ചു​കൊ​ണ്ടും യഹോ​വ​യു​ടെ സാക്ഷി​ക​ളു​ടെ ഇടയിലെ ആയിര​ക്ക​ണ​ക്കി​നു കുടും​ബങ്ങൾ ഐക്യം നേടി​യി​ട്ടുണ്ട്‌. പിൻവ​രുന്ന അനുഭവം പ്രകട​മാ​ക്കു​ന്ന​തു​പോ​ലെ അത്തരം ഐക്യം മററു​ള്ള​വ​രും നേടു​ന്നുണ്ട്‌.

ദാനി​യേൽ ഫ്രാൻസിൽ സൈനി​ക​സേ​വ​ന​ത്തിൽ ഏർപ്പെ​ട്ടി​രി​ക്കെ ഒരു ബൈബിൾ വാങ്ങാൻ ഒരു സൈനിക പുരോ​ഹി​തൻ നിർദേ​ശി​ച്ചു. അതനു​സ​രി​ച്ചു ദാനി​യേൽ ഒരു ബൈബിൾ വാങ്ങി അതു ക്രമമാ​യി വായി​ക്കാൻ തുടങ്ങി. കുറെ കാലം കഴിഞ്ഞ​പ്പോൾ അദ്ദേഹ​ത്തി​നു തഹീതി​യി​ലേക്കു മാററം കിട്ടി. ദാനി​യേ​ലി​ന്റെ സഹപട്ടാ​ള​ക്കാ​രിൽ ചിലർ അഡ്‌വെൻറി​സ്‌ററ്‌ മതക്കാ​രാ​യി​രു​ന്നു, മററു ചിലർ മോർമൺ മതക്കാ​രും. അവരുടെ സംഭാ​ഷ​ണങ്ങൾ പലപ്പോ​ഴും മതം എന്ന വിഷയ​ത്തി​ലേക്കു തിരി​യു​മാ​യി​രു​ന്നു. ഒരു ദിവസം ഒരു ഉന്നത സൈനി​കോ​ദ്യോ​ഗസ്ഥൻ ദാനി​യേ​ലി​നെ യഹോ​വ​യു​ടെ സാക്ഷി​ക​ളിൽ ഒരുവ​ളാ​യി​രുന്ന തന്റെ ഭാര്യക്കു പരിച​യ​പ്പെ​ടു​ത്തി​ക്കൊ​ടു​ത്തു. ദാനി​യേ​ലി​ന്റെ പല ചോദ്യ​ങ്ങൾക്കും ഉത്തരം കൊടു​ത്തു​കൊണ്ട്‌ അവർ ഒരു ഉച്ചകഴിഞ്ഞ സമയം മുഴു​വ​നും ചെലവ​ഴി​ച്ചു. അവർ അദ്ദേഹത്തെ തഹീതി​യി​ലെ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭകളി​ലൊ​ന്നു​മാ​യി ബന്ധപ്പെ​ടു​ത്തി​ക്കൊ​ടു​ത്തു. പെട്ടെ​ന്നു​തന്നെ അദ്ദേഹം ഒരു ക്രമമായ ബൈബി​ള​ധ്യ​യനം തുടങ്ങി.

ഫ്രാൻസിൽ താമസി​ച്ചി​രുന്ന ദാനി​യേ​ലി​ന്റെ മാതാ​പി​താ​ക്കൾ വളരെ ആത്മാർഥ​ത​യുള്ള കത്തോ​ലി​ക്ക​രാ​യി​രു​ന്നു. ഒരു സ്‌കൂൾ ഉപദേ​ഷ്ടാ​വാ​യി​രുന്ന അദ്ദേഹ​ത്തി​ന്റെ പിതാ​വിന്‌ കത്തോ​ലി​ക്കാ സ്‌കൂ​ളിൽ മതപ്ര​ബോ​ധ​ന​ത്തി​ന്റെ ചുമത​ല​യു​ണ്ടാ​യി​രു​ന്നു. താൻ പഠിച്ചു​കൊ​ണ്ടി​രുന്ന വില​യേ​റിയ ആത്മീയ മുത്തു​ക​ളിൽ ചിലതു തന്റെ മാതാ​പി​താ​ക്ക​ളു​മാ​യി പങ്കുവ​യ്‌ക്കാൻ ആഗ്രഹിച്ച ദാനി​യേൽ അവർക്കുള്ള എഴുത്തു​ക​ളിൽ ബൈബി​ളാ​ശ​യങ്ങൾ ക്രമേണ ഉൾപ്പെ​ടു​ത്താൻ തുടങ്ങി.

ആരംഭ​ത്തിൽ ദാനി​യേ​ലി​ന്റെ മാതാ​വി​നു വളരെ സന്തോഷം തോന്നി, എന്നാൽ തന്റെ മകന്റെ കത്തുക​ളി​ലൊ​ന്നിൽ യഹോവ എന്ന നാമം കണ്ടപ്പോൾ അവർ ഞെട്ടി​പ്പോ​യി. ഏതാനും ദിവസ​ങ്ങൾക്കു​ശേഷം യഹോ​വ​യു​ടെ സാക്ഷി​കളെ “ആപത്‌ക​ര​മായ ഒരു മതവി​ഭാഗ”മായി അവതരി​പ്പിച്ച ഒരു റേഡി​യോ പരിപാ​ടി അവർ കേട്ടു. ഉടൻതന്നെ സാക്ഷി​ക​ളു​മാ​യുള്ള സകല ബന്ധങ്ങളും വിച്‌ഛേ​ദി​ക്കാൻ ആവശ്യ​പ്പെ​ട്ടു​കൊണ്ട്‌ അവർ ദാനി​യേ​ലിന്‌ എഴുതി. എന്നിരു​ന്നാ​ലും, ദാനി​യേൽ ബൈബിൾ പഠനത്തിൽ തുടർന്നു പുരോ​ഗ​മി​ക്കു​ക​യും സൈനി​ക​സേ​വനം നിറുത്തി ഫ്രാൻസി​ലേക്കു മടങ്ങി​പ്പോ​കാൻ പെട്ടെ​ന്നു​തന്നെ ക്രമീ​ക​ര​ണങ്ങൾ നടത്തു​ക​യും ചെയ്‌തു.

സ്വന്തരാ​ജ്യ​ത്തു തിരി​ച്ചെ​ത്തിയ ദാനി​യേൽ തന്റെ മാതാ​വു​മാ​യി നീണ്ട ബൈബിൾ ചർച്ചകൾ നടത്തി​ക്കൊ​ണ്ടു വൈകു​ന്നേ​ര​ങ്ങ​ളോ​രോ​ന്നും—ചില​പ്പോൾ രാത്രി വൈകി​യും—ചെലവ​ഴി​ച്ചു. ഒടുവിൽ ദാനി​യേ​ലി​നോ​ടൊ​പ്പം രാജ്യ​ഹാ​ളിൽ പോകാൻ അവർ സമ്മതിച്ചു. അവർ ആദ്യത്തെ യോഗം സംബന്ധി​ച്ച​പ്പോൾ സ്വന്തമായ ബൈബിൾ പഠനം തുടങ്ങ​ത്ത​ക്ക​വണ്ണം അത്ര​യേറെ മതിപ്പു​ള​വാ​യി. അവർ സത്വര​പു​രോ​ഗതി വരുത്തു​ക​യും പെട്ടെ​ന്നു​തന്നെ സ്‌നാ​പ​ന​മേൽക്കു​ക​യും ചെയ്‌തു.

ദാനി​യേ​ലി​ന്റെ പിതാവ്‌ സഹിഷ്‌ണു​ത​യുള്ള ഒരാളാ​യി​രു​ന്നു, എന്നാൽ തൊഴിൽസം​ബ​ന്ധ​വും മതപര​വു​മായ പ്രവർത്ത​ന​ങ്ങ​ളിൽ വളരെ സമർപ്പി​ത​നു​മാ​യി​രു​ന്നു അദ്ദേഹം. എന്നിട്ടും, ഒരവസ​ര​ത്തിൽ അദ്ദേഹം ഭാര്യ​യെ​യും ദാനി​യേ​ലി​നെ​യും ഒരു ഡിസ്‌ട്രി​ക്‌ററ്‌ കൺ​വെൻ​ഷനു ഡ്രൈ​വു​ചെ​യ്‌തു കൊണ്ടു​പോ​യി. അത്‌ ജൂലൈ 14 ആയിരു​ന്നു, നഗരത്തി​ലെ ബാസ്‌റ​റിൽ ദിന പരേഡ്‌ വീക്ഷി​ക്ക​ണ​മെ​ന്നാ​യി​രു​ന്നു അദ്ദേഹ​ത്തി​ന്റെ മനസ്സിൽ. അതിനാ​യി കാത്തി​രി​ക്കു​മ്പോൾ, ആകാംക്ഷ നിമിത്തം കൺ​വെൻ​ഷൻ ഹാളിന്റെ ഉള്ളൊന്നു കാണാൻ അദ്ദേഹം തീരു​മാ​നി​ച്ചു. യഹോ​വ​യു​ടെ ജനത്തിന്റെ ഇടയിൽ കണ്ട ക്രമവും സമാധാ​ന​വും അയാളിൽ മതിപ്പു​ള​വാ​ക്കി. കൺ​വെൻ​ഷ​നി​ലെ പല ഡിപ്പാർട്ടു​മെൻറി​ലൂ​ടെ​യും അദ്ദേഹം നടന്ന​പ്പോൾ എല്ലാവ​രും അദ്ദേഹത്തെ “സഹോ​ദരൻ” എന്നു വിളി​ച്ചു​കൊ​ണ്ടി​രു​ന്നു. ബാസ്‌റ​റിൽ ദിന പരേഡി​നെ​ക്കു​റിച്ച്‌ അദ്ദേഹം പാടേ മറന്നു​പോ​യി. കൺ​വെൻ​ഷൻ തീരു​ന്ന​തു​വരെ അദ്ദേഹം അവിടെ തങ്ങുക​യും ചെയ്‌തു. അദ്ദേഹം ഒരു ബൈബി​ള​ധ്യ​യനം ആവശ്യ​പ്പെ​ടു​ക​യും സത്യം പഠിക്കു​ന്ന​തിൽ സത്വര പുരോ​ഗതി വരുത്തു​ക​യും ചെയ്‌തു. പക്ഷേ, കൂടുതൽ പഠിച്ച​പ്പോൾ അദ്ദേഹ​ത്തി​നു തന്റെ ജോലി​യിൽ കൂടുതൽ അസ്വസ്ഥത തോന്നി​ത്തു​ടങ്ങി. അതു​കൊണ്ട്‌ 58-ാമത്തെ വയസ്സിൽ അദ്ദേഹം ജോലി ഉപേക്ഷി​ച്ചു. ഇപ്പോൾ ആ കുടും​ബ​ത്തി​ലെ എല്ലാവ​രും സമർപ്പി​ച്ചു സ്‌നാ​പ​ന​മേ​റ​റ​വ​രാണ്‌. അവർ ഒരുമ​യോ​ടെ യഹോ​വയെ സേവി​ക്കു​ക​യും ചെയ്യുന്നു.

ദാനി​യേ​ലി​ന്റെ കുടും​ബത്തെ ഒന്നിപ്പി​ച്ചത്‌ ബൈബിൾസ​ത്യ​മാ​യി​രു​ന്നു. അതു പഠിക്കു​ക​യും മുഴു​ഹൃ​ദ​യ​ത്തോ​ടെ ബാധക​മാ​ക്കു​ക​യും ചെയ്‌താൽ അതിനു മററു കുടും​ബ​ങ്ങ​ളെ​യും ഒന്നിപ്പി​ക്കാ​നാ​കും.