ആശ്രയ​യോ​ഗ്യ​മായ മാർഗ​നിർദേശം നിങ്ങൾക്ക്‌ എവിടെ കണ്ടെത്താം?

“യഹോവേ, മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല എന്നു ഞാൻ അറിയു​ന്നു. യഹോവേ, . . . എന്നെ . . . ശിക്ഷി​ക്കേ​ണമേ.”—യിരെ​മ്യാ​വു 10:23, 24.

ഏതാണ്ട്‌ 25 നൂററാ​ണ്ടു​കൾക്കു മുമ്പ്‌ ബൈബിൾ എഴുത്തു​കാ​ര​നായ യിരെ​മ്യാവ്‌ ആ വാക്കുകൾ എഴുതി. മാനുഷ മാർഗ​നിർദേ​ശ​ത്തി​ന്റെ ആയിര​ക്ക​ണ​ക്കി​നു​വർഷ​ങ്ങ​ളി​ലെ ബാധക​മാ​ക്ക​ലി​നു​ശേ​ഷ​മുള്ള ശോച​നീയ അവസ്ഥ ഈ പ്രസ്‌താ​വ​ന​യു​ടെ സത്യതയെ അനി​ഷേ​ധ്യം തെളി​യി​ക്കു​ന്നു. എന്നാൽ ‘നമുക്ക്‌ ആശ്രയ​യോ​ഗ്യ​മായ മാർഗ​നിർദേശം എവിടെ കണ്ടെത്താ​നാ​വും’ എന്നു നിങ്ങൾ ചോദി​ച്ചേ​ക്കാം.

മുകളിൽ ഉദ്ധരി​ച്ചി​രി​ക്കുന്ന തിരു​വെ​ഴുത്ത്‌ വിശ്വ​സ​നീ​യ​മായ മാർഗ​ദർശ​ന​ത്തി​ന്റെ​യും മനുഷ്യ​ന്റേ​തി​നെ​ക്കാൾ വളരെ ശ്രേഷ്‌ഠ​മായ മാർഗ​നിർദേ​ശ​ത്തി​ന്റെ​യും ഉറവി​ലേക്കു വിരൽ ചൂണ്ടുന്നു—മമനു​ഷ്യ​ന്റെ നിർമാ​താ​വായ യഹോ​വ​യാം ദൈവ​മാ​ണത്‌. മമനു​ഷ്യ​ന്റെ ഘടന​യെ​ക്കു​റി​ച്ചും അവന്റെ ആവശ്യ​ങ്ങ​ളെ​ക്കു​റി​ച്ചും നമ്മുടെ സ്രഷ്ടാ​വി​നെ​ക്കാ​ള​ധി​കം ആർക്കും അറിഞ്ഞു​കൂ​ടാ എന്നതു തീർച്ച​യാണ്‌. എന്നാൽ, അത്തരം മാർഗ​നിർദേ​ശ​വും മാർഗ​ദർശ​ന​വും പ്രദാനം ചെയ്യു​ന്ന​തിൽ ദൈവം തത്‌പ​ര​നാ​ണോ? അവിടുന്ന്‌ അത്‌ എപ്രകാ​ര​മാ​ണു ചെയ്യു​ന്നത്‌? അതു നമ്മുടെ നാളു​ക​ളിൽ പ്രാ​യോ​ഗി​ക​മാ​ണോ?

ദിവ്യ മാർഗ​നിർദേശം കൈ​ക്കൊ​ള്ളാൻ നിർമി​ക്ക​പ്പെ​ട്ടി​രി​ക്കു​ന്നു

മനുഷ്യ​നെ മൃഗങ്ങ​ളിൽനി​ന്നു വേർപെ​ടു​ത്തുന്ന ഒരു മുഖ്യ​മായ വ്യത്യാ​സം മനുഷ്യ മസ്‌തി​ഷ്‌ക​ത്തി​ന്റെ പ്രവർത്ത​ന​ങ്ങ​ളി​ലും ഘടനയി​ലും പ്രാപ്‌തി​യി​ലും കേന്ദ്രീ​കൃ​ത​മാ​യി​രി​ക്കു​ന്നു​വെ​ന്നതു സുവി​ദി​ത​മാണ്‌. മൃഗങ്ങ​ളിൽ മസ്‌തി​ഷ്‌ക​പ​ര​മായ ഏതാണ്ട്‌ എല്ലാ പ്രവർത്ത​ന​ങ്ങ​ളും​തന്നെ സഹജജ്ഞാ​നം എന്നു വിളി​ക്ക​പ്പെ​ടുന്ന ഒന്നിൽ സംവി​ധാ​നം ചെയ്യ​പ്പെ​ട്ടി​രി​ക്ക​യാണ്‌. മനുഷ്യ​രു​ടെ കാര്യ​ത്തിൽ സംഗതി ഇതല്ല.—സദൃശ​വാ​ക്യ​ങ്ങൾ 30:24-28.

മൃഗങ്ങ​ളു​ടെ മസ്‌തി​ഷ്‌ക​ങ്ങ​ളിൽനി​ന്നു വ്യത്യ​സ്‌ത​മാ​യി നിശ്ചിത പ്രോ​ഗ്രാം കൂടാ​തെ​യാ​ണ​ത്രേ മനുഷ്യ മസ്‌തി​ഷ്‌ക​ത്തി​ന്റെ വലി​യോ​രു ഭാഗം സ്ഥിതി​ചെ​യ്യു​ന്നത്‌. ദൈവം മനുഷ്യർക്ക്‌ ഇച്ഛാസ്വാ​ത​ന്ത്ര്യ​ത്തി​നുള്ള പ്രാപ്‌തി നൽകി. അത്‌ ബുദ്ധി​പൂർവ​ക​മായ തീരു​മാ​നങ്ങൾ എടുക്കു​ന്ന​തി​നും സ്‌നേഹം, മഹാമ​ന​സ്‌കത, നിസ്വാർഥത, നീതി, ജ്ഞാനം എന്നിങ്ങനെ ശ്രേഷ്‌ഠ​മായ ഗുണങ്ങൾ പ്രകടി​പ്പി​ക്കു​ന്ന​തി​നും അവരെ പ്രാപ്‌ത​രാ​ക്കു​ന്നു.

അത്തരം മാനസിക പ്രാപ്‌തി​കൾ ഏററവും നല്ലരീ​തി​യിൽ എങ്ങനെ ഉപയോ​ഗി​ക്കാ​മെ​ന്ന​തി​നു​വേണ്ട ഏതെങ്കി​ലും​ത​ര​ത്തി​ലുള്ള മാർഗ​നിർദേശം നൽകാതെ ദൈവം മനുഷ്യ​നെ സൃഷ്ടി​ക്കു​മെന്നു ചിന്തി​ക്കു​ന്നതു യുക്തി​യാ​ണോ? ദൈവം ആദ്യമ​നു​ഷ്യർക്കു സ്‌പഷ്ട​മായ മാർഗ​നിർദേശം നൽകി. (ഉല്‌പത്തി 2:15-17, 19; 3:8, 9) പാപത്തി​ലേ​ക്കുള്ള മമനു​ഷ്യ​ന്റെ വീഴ്‌ച​ക്കു​ശേ​ഷം​പോ​ലും യഹോവ വിശ്വ​സ്‌ത​രായ പുരു​ഷൻമാ​രെ​യും സ്‌ത്രീ​ക​ളെ​യും തുടർന്നു നയിച്ചു​പോ​ന്നി​രി​ക്കു​ന്നു, വിശേ​ഷി​ച്ചും, തന്റെ നിശ്വസ്‌ത വചനമായ ബൈബി​ളി​ലൂ​ടെ. (സങ്കീർത്തനം 119:105) ഇത്‌ തങ്ങളുടെ ഇച്ഛാസ്വാ​ത​ന്ത്ര്യം ബുദ്ധി​പൂർവം ഉപയോ​ഗി​ച്ചു​കൊ​ണ്ടു ജീവി​ത​ത്തി​ന്റെ ദൈനം​ദിന പ്രശ്‌ന​ങ്ങളെ വിജയ​പൂർവം നേരി​ടാൻ മനുഷ്യർക്ക്‌ ഇടനൽകി​യി​രി​ക്കു​ന്നു.

ബൈബി​ളി​ന്റെ ദിവ്യ ഗ്രന്ഥകർത്തൃ​ത്വം

ബൈബി​ളി​നെ മാർഗ​നിർദേ​ശ​ത്തി​ന്റെ ഒരു ആശ്രയ​യോ​ഗ്യ​മായ ഉറവി​ട​മാ​ക്കി​ത്തീർക്കു​ന്നത്‌ എന്താണ്‌? സൃഷ്ടി​കർത്താ​വി​നു മാത്രം പ്രദാനം ചെയ്യാ​നാ​കുന്ന വിവരങ്ങൾ അത്‌ അവതരി​പ്പി​ക്കു​ന്നു​വെ​ന്ന​താണ്‌ ഒരു സംഗതി. മനുഷ്യ​ജീ​വി​തം തുടങ്ങു​ന്ന​തി​നു വളരെ മുമ്പുള്ള സംഭവ​ങ്ങ​ളു​ടെ ചരിത്രം അതു രേഖ​പ്പെ​ടു​ത്തു​ന്നു. ദൃഷ്ടാ​ന്ത​ത്തിന്‌, മനുഷ്യ​ജീ​വൻ നിലനിർത്താൻ അനു​യോ​ജ്യ​മാം​വി​ധം ഭൂമി എങ്ങനെ യഥാ​ക്ര​മ​മാ​യി തയ്യാറാ​ക്ക​പ്പെ​ട്ടു​വെ​ന്നു​ള്ള​തി​ന്റെ ചരിത്രം അതു പ്രദാനം ചെയ്യുന്നു. (ഉല്‌പത്തി 1-ഉം 2-ഉം അധ്യാ​യങ്ങൾ) ഇതു ബൈബി​ളിൽ 3,000-ത്തിലേറെ വർഷങ്ങൾക്കു മുമ്പു രേഖ​പ്പെ​ടു​ത്തി​യ​താ​ണെ​ങ്കിൽപ്പോ​ലും ആധുനിക ശാസ്‌ത്രീയ സങ്കൽപ്പ​ങ്ങ​ളു​മാ​യി ഇതു ചേർച്ച​യി​ലാണ്‌.

ഭൂമി ഉരുണ്ട​താ​ണെന്നു മനുഷ്യ​വർഗം മൊത്ത​ത്തിൽ അംഗീ​ക​രി​ക്കു​ന്ന​തി​നു വളരെ മുമ്പു ബൈബിൾ ഇപ്രകാ​രം പ്രഖ്യാ​പി​ച്ചു: “ഉത്തരദി​ക്കി​നെ [ദൈവം] ശൂന്യ​ത്തിൻമേൽ വിരി​ക്കു​ന്നു; ഭൂമിയെ നാസ്‌തി​ത്വ​ത്തിൻമേൽ തൂക്കുന്നു.” (ഇയ്യോബ്‌ 26:7) കൂടാതെ, “അവൻ ഭൂമണ്ഡ​ല​ത്തിൻമീ​തെ അധിവ​സി​ക്കു​ന്നു; അതിലെ നിവാ​സി​കൾ വെട്ടു​ക്കി​ളി​ക​ളെ​പ്പോ​ലെ ഇരിക്കു​ന്നു” എന്നു ബൈബിൾ വെളി​പ്പെ​ടു​ത്തു​ന്നു. (യെശയ്യാ​വു 40:22) സ്രഷ്ടാ​വായ ദൈവ​ത്തി​നു​മാ​ത്രമേ ഈ വിശദാം​ശം പ്രദാനം ചെയ്യാ​നാ​കു​മാ​യി​രു​ന്നു​ള്ളൂ.

വരാൻപോ​കു​ന്ന കാര്യ​ങ്ങളെ മുൻകൂ​ട്ടി​ക്കാ​ണു​ന്ന​തി​നുള്ള കഴിവ്‌ മനുഷ്യർക്കു നൽകി​യി​ട്ടുള്ള ഒരു ദാനമല്ല. മറിച്ച്‌, ബൈബി​ളി​ന്റെ താളു​ക​ളി​ലൂ​ടെ സ്രഷ്ടാവ്‌ ഭാവി മുൻകൂ​ട്ടി​പ്പ​റ​യു​ന്നു. “ഞാൻ തന്നേ ദൈവം, എന്നെ​പ്പോ​ലെ ഒരുത്ത​നു​മില്ല, ആരംഭ​ത്തി​ങ്കൽ തന്നേ അവസാ​ന​വും പൂർവ്വ​കാ​ലത്തു തന്നേ മേലാൽ സംഭവി​പ്പാ​നു​ള്ള​തും ഞാൻ പ്രസ്‌താ​വി​ക്കു​ന്നു” എന്നു തന്നേക്കു​റിച്ച്‌ എഴുതു​വാൻ പ്രവാ​ച​ക​നായ യശയ്യാ​വി​നെ ദൈവം നിശ്വ​സ്‌ത​നാ​ക്കി.—യെശയ്യാ​വു 46:9, 10.

ബൈബി​ളിന്‌ ആരംഭ​ത്തി​ങ്കൽത്തന്നെ അവസാ​ന​വും വിസ്‌മ​യാ​വ​ഹ​മായ കൃത്യ​ത​യോ​ടെ മുൻകൂ​ട്ടി​പ്പ​റ​യാ​നാ​കു​മെന്ന്‌ അതു പ്രകട​മാ​ക്കി​യി​രി​ക്കു​ന്നു. ദൃഷ്ടാ​ന്ത​ത്തിന്‌, മാനവ ചരി​ത്ര​ത്തി​ന്റെ ആയിര​ക്ക​ണ​ക്കി​നു​വർഷ​ങ്ങ​ളി​ലെ പ്രധാന ലോക​ശ​ക്തി​ക​ളു​ടെ ഉത്ഭവവും വീഴ്‌ച​യും സ്വഭാ​വ​വി​ശേ​ഷ​ങ്ങ​ളും അതു മുൻകൂ​ട്ടി​പ്പ​റഞ്ഞു. ശ്രദ്ധേ​യ​മായ ഈ പ്രവച​നങ്ങൾ അവ നിവർത്തി​യാ​കു​ന്ന​തി​നു നൂററാ​ണ്ടു​കൾക്കു മുമ്പ്‌ എഴുത​പ്പെ​ട്ട​താണ്‌. ചില പ്രവച​നങ്ങൾ ആയിര​ക്ക​ണ​ക്കി​നു വർഷങ്ങൾക്കു​മുമ്പ്‌ എഴുത​പ്പെട്ടു. അങ്ങനെ ബൈബിൾ ആധുനിക നാളിലെ സംഭവ​ങ്ങ​ളും അവയുടെ അന്തിമ ഫലവും കൃത്യ​ത​യോ​ടെ മുൻകൂ​ട്ടി​പ്പ​റ​യു​ന്നു. അർമ​ഗെ​ദോ​നിൽ, “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”ത്തിൽ അപൂർണ മനുഷ്യ​നിർമിത ഗവൺമെൻറു​കൾ നശിക്കു​മ്പോൾ അതിജീ​വ​ന​ത്തി​നുള്ള മാർഗം ചൂണ്ടി​ക്കാ​ട്ടു​ന്നു​വെന്ന കാരണ​ത്താ​ലും ബൈബിൾ അനന്യ​മാണ്‌. ദൈവ​പു​ത്ര​നായ യേശു​ക്രി​സ്‌തു​വി​ന്റെ കരങ്ങളി​ലുള്ള ദൈവ​രാ​ജ്യം ആ മഹത്തായ വേല നിർവ​ഹി​ക്കും.—വെളി​പ്പാ​ടു 16:14, 16; 17:9-18; ദാനീ​യേൽ 2-ഉം 8-ഉം അധ്യാ​യങ്ങൾ.

എല്ലായ്‌പോ​ഴും പ്രയോ​ജ​ന​കരം—ഒരിക്ക​ലും ദ്രോ​ഹ​ക​ര​മല്ല

വെറും മനുഷ്യ​ജ്ഞാ​നം അപൂർണ​മാണ്‌; അതു​കൊണ്ട്‌, മനുഷ്യ ബുദ്ധ്യു​പ​ദേശം നല്ല ഉദ്ദേശ്യ​ത്തോ​ടെ നൽക​പ്പെ​ടു​ന്നു​വെ​ങ്കിൽപ്പോ​ലും എല്ലായ്‌പോ​ഴും പ്രയോ​ജ​ന​പ്ര​ദമല്ല. ബൈബിൾ ബുദ്ധ്യു​പ​ദേ​ശ​ത്തി​ന്റെ സംഗതി​യിൽ സ്ഥിതി അതല്ല. “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഇപ്രകാ​രം അരുളി​ച്ചെ​യ്യു​ന്നു: അയ്യോ, നീ എന്റെ കല്‌പ​ന​കളെ കേട്ടനു​സ​രി​ച്ചെ​ങ്കിൽ കൊള്ളാ​യി​രു​ന്നു! എന്നാൽ നിന്റെ സമാധാ​നം നദി​പോ​ലെ​യും നിന്റെ നീതി സമു​ദ്ര​ത്തി​ലെ തിര​പോ​ലെ​യും ആകുമാ​യി​രു​ന്നു” എന്നു ദൈവം​തന്നെ അരുളി​ച്ചെ​യ്യു​ന്നു.—യെശയ്യാ​വു 48:17, 18.

ജീവി​ത​ത്തിൽ മുൻഗ​ണ​നകൾ വയ്‌ക്കു​ന്ന​തി​നും ശ്രേഷ്‌ഠ​മായ മൂല്യ​ങ്ങ​ളോ​ടു പററി​നിൽക്കു​ന്ന​തി​നും ദിവ്യ മാർഗ​നിർദേശം നമ്മെ സഹായി​ക്കു​ന്നു. ആധുനിക സമുദാ​യം ഭൗതിക നേട്ടങ്ങൾക്കും ലക്ഷ്യങ്ങൾക്കും ഊന്നൽ കൊടു​ക്കു​മ്പോൾ, “കാണു​ന്ന​തി​നെ അല്ല, കാണാ​ത്ത​തി​നെ അത്രേ ഞങ്ങൾ നോക്കി​ക്കൊ​ണ്ടി​രി​ക്കു​ന്നു; കാണു​ന്നതു താല്‌ക്കാ​ലി​കം, കാണാ​ത്ത​തോ നിത്യം” എന്ന വസ്‌തുത നമുക്ക്‌ എത്ര മൂല്യ​വ​ത്താണ്‌ എന്നു ബൈബിൾ ഊന്നി​പ്പ​റ​യു​ന്നു. (2 കൊരി​ന്ത്യർ 4:18) ഇങ്ങനെ, ജീവി​ത​ത്തിൽ ഏററവും നല്ല ലാക്കുകൾ വെക്കു​വാൻ, അതായത്‌, ദൈവ​ഹി​തം ചെയ്യു​ന്ന​തി​നോ​ടുള്ള ബന്ധത്തിൽ ആത്മീയ ലാക്കു​ക​ളും നീതി​യുള്ള പുതിയ വ്യവസ്ഥി​തി​യിൽ നിത്യ​ജീ​വൻ നേടുക എന്ന ആത്യന്തി​ക​മായ ലാക്കും വെക്കു​വാൻ നാം പ്രോ​ത്സാ​ഹി​ക്ക​പ്പെ​ടു​ക​യാണ്‌.

ഉന്നതമായ ഈ ലാക്കുകൾ പിന്തു​ട​രു​വാൻ ക്രിസ്‌ത്യാ​നി പ്രയത്‌നി​ക്കു​മ​ള​വിൽ ഈ ദുഷ്ട വ്യവസ്ഥി​തി​യിൽ സാധ്യ​മായ ഏററവും നല്ല ജീവിതം നയിക്കു​വാൻ ബൈബി​ളി​ന്റെ ബുദ്ധ്യു​പ​ദേ​ശങ്ങൾ അയാളെ സഹായി​ക്കു​ന്നു. ആധുനിക മാനുഷ ജ്ഞാനം, അല്‌പം വേല ചെയ്‌ത്‌ അധികം കൂലി​വാ​ങ്ങാ​നുള്ള തത്ത്വശാ​സ്‌ത്രത്തെ പ്രോ​ത്സാ​ഹി​പ്പി​ക്കു​ന്ന​തി​നു പ്രേര​ണ​ചെ​ലു​ത്തു​ന്നു. മറിച്ച്‌, “മടിയുള്ള കൈ​കൊ​ണ്ടു പ്രവർത്തി​ക്കു​ന്നവൻ ദരി​ദ്ര​നാ​യ്‌തീ​രു​ന്നു; ഉത്സാഹി​യു​ടെ കയ്യോ സമ്പത്തു​ണ്ടാ​ക്കു​ന്നു” എന്നു ബൈബിൾ പറയുന്നു. “സകലത്തി​ലും നല്ലവരാ​യി നടപ്പാൻ ഇച്ഛിക്ക​കൊ​ണ്ടു ഞങ്ങൾക്കു നല്ല മനസ്സാക്ഷി ഉണ്ടെന്നു ഞങ്ങൾ ഉറച്ചി​രി​ക്കു​ന്നു” എന്നു പൗലോസ്‌ എബ്രായ ക്രിസ്‌ത്യാ​നി​കൾക്ക്‌ എഴുതി.—സദൃശ​വാ​ക്യ​ങ്ങൾ 10:4; എബ്രായർ 13:18.

കുടുംബ ക്രമീ​ക​ര​ണ​ത്തി​നു​വേണ്ട പ്രാ​യോ​ഗിക ബുദ്ധ്യു​പ​ദേ​ശ​വും ബൈബിൾ നൽകുന്നു. വിവാ​ഹ​ക്ര​മീ​ക​ര​ണ​ത്തിൽ ഭർത്താ​വി​ന്റെ​യും ഭാര്യ​യു​ടെ​യും പങ്കി​നെ​ക്കു​റി​ച്ചും മക്കളെ വളർത്തു​ന്ന​തി​നും വിദ്യാ​ഭ്യാ​സം നൽകു​ന്ന​തി​നു​മുള്ള ശരിയായ വിധ​ത്തെ​ക്കു​റി​ച്ചും അതു പ്രത്യേ​ക​മാ​യി സമർഥി​ക്കു​ന്നു. “ഭർത്താ​ക്കൻമാർ സ്വന്തം ശരീരത്തെ എന്നപോ​ലെ, ഭാര്യ​മാ​രെ സ്‌നേ​ഹി​ക്കണം. . . . ഭാര്യ ഭർത്താ​വി​നെ ആദരി​ക്കണം. മക്കളേ, കർത്താ​വിൽ മാതാ​പി​താ​ക്കളെ അനുസ​രി​ക്കുക. പിതക്കൻമാ​രേ, നിങ്ങളു​ടെ മക്കളെ നിങ്ങൾ പ്രകോ​പി​പ്പി​ക്ക​രുത്‌; കർത്താ​വി​ന്റെ ശിക്ഷണ​ത്തി​ലും ഉപദേ​ശ​ത്തി​ലും അവരെ വളർത്തുക” എന്ന്‌ അതു പറയുന്നു. സൃഷ്ടി​കർത്താ​വി​ന്റെ ശ്രേഷ്‌ഠ​മായ ഉപദേശം പിൻപ​റ​റു​ന്നത്‌ കുടും​ബ​ത്തിൽ സ്ഥിരത​യും സന്തുഷ്ടി​യും ഗണ്യമായ അളവിൽ പ്രദാ​നം​ചെ​യ്യും.—എഫേ​സോ​സു​കാർ 5:21–6:4, ഓശാന ബൈബിൾ.

ദൈവ​ത്തി​ന്റെ മാർഗ​നിർദേശം പിന്തു​ട​രു​ന്ന​വർക്ക്‌ ഒരു സുരക്ഷിത ഭാവി

മനുഷ്യ​വർഗ​ത്തി​ന്റെ സകല പ്രശ്‌ന​ങ്ങൾക്കു​മുള്ള ദൈവ​ത്തി​ന്റെ പരിഹാ​ര​മെ​ന്തെന്ന്‌ ദൈവ​ത്തി​ന്റെ ലിഖിത വചനം ചൂണ്ടി​ക്കാ​ട്ടു​ന്നു. വളരെ പെട്ടെന്നു യഹോ​വ​യാം ദൈവം ഇപ്പോ​ഴത്തെ വ്യവസ്ഥി​തി​യെ അതിന്റെ സകലവിധ വേദന​യും അനീതി​യും കഷ്ടതയും സഹിതം തുടച്ചു​മാ​ററി അതിനു​പ​കരം പുതിയ വ്യവസ്ഥി​തി സ്ഥാപി​ക്കും. ബൈബിൾ ഇതു 2 പത്രൊസ്‌ 3:7-10-ൽ വർണി​ക്കു​ന്നു, 13-ാം വാക്യം പിൻവ​രു​ന്ന​പ്ര​കാ​രം കൂട്ടി​ച്ചേർക്കു​ന്നു: “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.” മനുഷ്യ​വർഗ​ത്തി​നു ലഭ്യമാ​കുന്ന ഏററവും നല്ല സുവാർത്ത​യാ​യി ഇതു സ്ഥാനം പിടി​ച്ചി​രി​ക്കു​ന്നു. ബൈബിൾ അവതരി​പ്പി​ക്കു​ന്ന​തും യഹോ​വ​യു​ടെ സാക്ഷികൾ 200-ലധികം രാജ്യ​ങ്ങ​ളി​ലും സമുദ്ര ദ്വീപു​ക​ളി​ലും പ്രസം​ഗി​ക്കു​ന്ന​തു​മായ കൃത്യ​മായ സന്ദേശ​വും ഇതുത​ന്നെ​യാണ്‌.

മുഴു​ഭൂ​മി​യി​ലും ദൈവ​ത്തി​ന്റെ ഹിതം ചെയ്യ​പ്പെ​ടു​മ്പോൾ സ്രഷ്ടാ​വായ ദൈവ​ത്തി​ന്റെ അതി​ശ്രേ​ഷ്‌ഠ​മായ മാർഗ​നിർദേശം പിൻപ​റ​റു​ന്ന​തിൽനി​ന്നു മുഴു മനുഷ്യ​കു​ടും​ബ​വും പ്രയോ​ജ​ന​മ​നു​ഭ​വി​ക്കും. ഭക്ഷ്യക്ഷാ​മം, കുററ​കൃ​ത്യ​ങ്ങൾ, മയക്കു​മ​രു​ന്നു​കൾ എന്നിവ വീണ്ടും ഒരിക്ക​ലും അവിടെ ഉണ്ടായി​രി​ക്കു​ക​യില്ല. രോഗം, വാർധ​ക്യം, മരണം എന്നിവ മനുഷ്യ​വർഗത്തെ മേലാൽ ഒരിക്ക​ലും ബാധി​ക്കു​ക​യില്ല. നമ്മുടെ ആദ്യ മാതാ​പി​താ​ക്കൾ മത്സരി​ക്കു​ന്ന​തി​നു​മുമ്പ്‌ അവർക്കു​ണ്ടാ​യി​രുന്ന പൂർണ​ത​യി​ലേക്കു മനുഷ്യ​വർഗം ഉയർത്ത​പ്പെ​ടും.

ദിവ്യ മാർഗ​നിർദേ​ശ​ത്തിൽ തങ്ങളുടെ ആശ്രയം വയ്‌ക്കുന്ന ആളുക​ളു​ടെ അവസ്ഥയെക്കുറിച്ചു ബൈബി​ളി​ലെ അവസാ​നത്തെ പുസ്‌തകം എത്ര നന്നായി സംക്ഷേ​പി​ച്ചു​പ​റ​യു​ന്നു! വെളി​പ്പാ​ടു 21:4, 5 പറയുന്നു: “[ദൈവം] അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.” “ഇതാ, ഞാൻ സകലവും പുതു​താ​ക്കു​ന്നു” എന്നു പറഞ്ഞു​കൊ​ണ്ടു നമ്മുടെ സ്രഷ്ടാവ്‌ അതിന്‌ ഉറപ്പു​നൽകു​ന്നു. “ഈ വചനം വിശ്വാ​സ​യോ​ഗ്യ​വും സത്യവും ആകുന്നു” എന്ന്‌ അവിടുന്ന്‌ കൂട്ടി​ച്ചേർക്കു​ന്നു.

നാം ഈ അനു​ഗ്ര​ഹങ്ങൾ പ്രാപി​ക്കാൻത​ക്ക​വണ്ണം ദൈവം നമ്മിൽനി​ന്നു പ്രതീ​ക്ഷി​ക്കു​ന്ന​തെ​ന്താണ്‌? ദൈവം “സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും ഇച്ഛിക്കു​ന്നു” എന്ന്‌ അപ്പോ​സ്‌ത​ല​നായ പൗലോസ്‌ വിശദീ​ക​രി​ക്കു​ന്നു. (1 തിമൊ​ഥെ​യൊസ്‌ 2:4) ബൈബി​ളി​ന്റെ സമൂല പഠനത്തി​ലൂ​ടെ സത്യത്തി​ന്റെ ആ സൂക്ഷ്‌മ പരിജ്ഞാ​നം നേടി​യെ​ടു​ക്കാൻ യഹോ​വ​യു​ടെ സാക്ഷികൾ നിങ്ങളെ ആത്മാർഥ​മാ​യി ക്ഷണിക്കു​ന്നു. ദിവ്യ​ഹി​ത​ത്തെ​ക്കു​റി​ച്ചു ശുഷ്‌കാ​ന്തി​യോ​ടെ പഠിക്കു​മ്പോൾ ദിവ്യ ജ്ഞാനമാണ്‌ ആപത്‌ക​ര​മായ ഈ കാലങ്ങ​ളിൽ ആശ്രയ​യോ​ഗ്യ​മായ ഒരേ ഒരു മാർഗ​നിർദേ​ശ​മെന്നു നിങ്ങൾക്കും അനുഭ​വ​ത്തി​ലൂ​ടെ കണ്ടെത്താ​വു​ന്ന​താണ്‌. കാലത്തി​ന്റെ അടിയ​ന്തി​രത അതു പിന്തു​ട​രു​ന്നത്‌ എന്നത്തേ​തി​നെ​ക്കാൾ നിർബ​ന്ധി​ത​മാ​ക്കി​ത്തീർക്കു​ന്നു!