ഭാവി സുരക്ഷി​ത​മാ​ക്കാൻ എന്തു സഹായി​ക്കും?

മുൻലേ​ഖ​ന​ങ്ങ​ളിൽ കണ്ടതു​പോ​ലെ ഭാവി സുരക്ഷി​ത​മാ​ക്കാൻ ഇന്ന്‌ ആളുകൾ പലതും ചെയ്‌തു​നോ​ക്കു​ന്നുണ്ട്‌. വിധി​യിൽ വിശ്വ​സി​ക്കു​ന്ന​തും വിദ്യാ​ഭ്യാ​സ​വും സമ്പത്തും നേടാൻ നോക്കു​ന്ന​തും ആളുകൾക്കു നന്മ ചെയ്യു​ന്ന​തും ഒക്കെ അതിൽ ചിലതാണ്‌. എന്നാൽ ഇതെല്ലാം ഒരു തെറ്റായ മാപ്പ്‌ ഉപയോ​ഗിച്ച്‌ ഒരു സ്ഥലത്തേക്കു പോകാൻ ശ്രമി​ക്കു​ന്ന​തു​പോ​ലെ​യാണ്‌. അതിനർഥം നമുക്ക്‌ ഭാവി സുരക്ഷി​ത​മാ​ക്കാൻ ഒരു സഹായ​വും ഇല്ലെന്നാ​ണോ? അല്ല!

ഉന്നതമായ ഒരു ഉറവിൽനി​ന്നുള്ള സഹായം

സാധാരണ ഒരു തീരു​മാ​നം എടു​ക്കേ​ണ്ടി​വ​രു​മ്പോൾ നമ്മളെ​ക്കാൾ പ്രായ​വും അറിവും ഉള്ള ആളുക​ളോട്‌ നമ്മൾ അഭി​പ്രാ​യം ചോദി​ക്കാ​റുണ്ട്‌. ഭാവി സുരക്ഷി​ത​മാ​ക്കു​ന്ന​തി​നെ​ക്കു​റിച്ച്‌ ചിന്തി​ക്കു​മ്പോ​ഴും നമുക്ക്‌ ഇതുതന്നെ ചെയ്യാൻ കഴിയും. നമ്മളെ​ക്കാൾ വളരെ അറിവുള്ള, പ്രായ​മുള്ള ഒരാളു​ടെ സഹായം തേടാം. അങ്ങനെ ഒരാളു​ടെ സഹായം നമുക്കുണ്ട്‌. അദ്ദേഹ​ത്തി​ന്റെ നിർദേ​ശങ്ങൾ ഏതാണ്ട്‌ 3,500 വർഷങ്ങൾക്കു മുമ്പ്‌ എഴുതി​ത്തു​ട​ങ്ങിയ ഒരു പുസ്‌ത​ക​ത്തിൽ നമുക്കു കാണാ​നാ​കും. ആ വിശുദ്ധ എഴുത്തു​ക​ളു​ടെ സമാഹാ​ര​മാണ്‌ ബൈബിൾ.

ബൈബി​ളിൽ വിശ്വ​സി​ക്കാ​നാ​കു​ന്നത്‌ എന്തു​കൊ​ണ്ടാണ്‌? കാരണം അതിന്റെ എഴുത്തു​കാ​രൻ ഈ പ്രപഞ്ച​ത്തി​ലെ ഏറ്റവും പ്രായ​മുള്ള, ഏറ്റവും ജ്ഞാനി​യായ വ്യക്തി​യാണ്‌. അദ്ദേഹത്തെ വിളി​ച്ചി​രി​ക്കു​ന്നത്‌ “പുരാ​ത​ന​കാ​ലം​മു​തലേ ഉള്ളവൻ,” “നിത്യ​ത​മു​തൽ നിത്യ​ത​വരെ” ഉള്ളവൻ എന്നൊ​ക്കെ​യാണ്‌. (ദാനി​യേൽ 7:9; സങ്കീർത്തനം 90:2) ‘ആകാശ​ത്തി​ന്റെ സ്രഷ്ടാ​വായ, ഭൂമിയെ നിർമിച്ച സത്യ​ദൈ​വ​മാണ്‌’ ആ വ്യക്തി. (യശയ്യ 45:18) ആ ദൈവം​തന്നെ തന്റെ പേര്‌ യഹോവ എന്നാ​ണെന്ന്‌ പറഞ്ഞി​ട്ടുണ്ട്‌.—സങ്കീർത്തനം 83:18.

ഏതെങ്കി​ലും ഒരു വംശമോ സംസ്‌കാ​ര​മോ കൂടുതൽ മികച്ച​താ​ണെന്ന്‌ ബൈബിൾ പറയു​ന്നില്ല, കാരണം അതിന്റെ എഴുത്തു​കാ​രൻ മുഴു​മ​നു​ഷ്യ​രു​ടെ​യും സ്രഷ്ടാ​വാണ്‌. എല്ലാ കാലത്തും പ്രയോ​ജനം ചെയ്യുന്ന, എല്ലാ ദേശക്കാ​രെ​യും സഹായി​ക്കുന്ന വിവര​ങ്ങ​ളാണ്‌ അതിലു​ള്ളത്‌. ഇത്രയ​ധി​കം ഭാഷക​ളിൽ ഇത്ര വ്യാപ​ക​മാ​യി വിതരണം ചെയ്‌തി​ട്ടുള്ള മറ്റൊരു പുസ്‌ത​ക​മില്ല.a അതിനർഥം എവി​ടെ​യുള്ള ഒരാൾക്കും അതിലെ വിവരങ്ങൾ പെട്ടെന്നു മനസ്സി​ലാ​ക്കാ​നും അതിൽനിന്ന്‌ പ്രയോ​ജനം നേടാ​നും കഴിയും എന്നാണ്‌. ബൈബിൾ പറയുന്ന ഈ കാര്യം ശരിയാ​ണെന്ന്‌ അതു തെളി​യി​ക്കു​ന്നു:

‘ദൈവം പക്ഷപാ​ത​മു​ള്ള​വനല്ല. ഏതു ജനതയിൽപ്പെട്ട ആളാ​ണെ​ങ്കി​ലും, ദൈവത്തെ ഭയപ്പെട്ട്‌ ശരിയാ​യതു പ്രവർത്തി​ക്കുന്ന മനുഷ്യ​നെ ദൈവം അംഗീ​ക​രി​ക്കു​ന്നു.’ —പ്രവൃ​ത്തി​കൾ 10:34, 35.

സ്‌നേ​ഹ​മുള്ള മാതാ​പി​താ​ക്കൾ മക്കൾക്കു ശരിയായ കാര്യങ്ങൾ പറഞ്ഞു​കൊ​ടു​ക്കു​ന്ന​തു​പോ​ലെ നമ്മുടെ സ്‌നേ​ഹ​മുള്ള പിതാ​വായ യഹോവ തന്റെ വചനമായ ബൈബി​ളി​ലൂ​ടെ നമുക്ക്‌ ആവശ്യ​മായ സഹായം തരുന്നു. (2 തിമൊ​ഥെ​യൊസ്‌ 3:16) ദൈവ​ത്തി​ന്റെ വാക്കുകൾ നിങ്ങൾക്ക്‌ ഉറപ്പാ​യും വിശ്വ​സി​ക്കാം. കാരണം ദൈവ​മാ​ണു നമ്മളെ​യെ​ല്ലാം ഉണ്ടാക്കി​യത്‌. നമുക്ക്‌ ഏറ്റവും നല്ലത്‌ എന്താ​ണെന്നു പറഞ്ഞു​ത​രാ​നും ആ ദൈവ​ത്തി​നാ​ണു കഴിയു​ന്നത്‌.

അത്തര​മൊ​രു ഭാവി ലഭിക്കാൻ നിങ്ങൾ എന്താണു ചെയ്യേ​ണ്ടത്‌? അടുത്ത ലേഖനം നോക്കുക.