മാതാ​പി​താ​ക്കളേ, നിങ്ങളു​ടെ കുട്ടി​കൾക്കു വിശേ​ഷ​വി​ധ​മായ ശ്രദ്ധ ആവശ്യ​മാണ്‌

“നിന്റെ മക്കൾ നിന്റെ മേശെക്കു ചുററും ഒലിവു​തൈ​കൾപോ​ലെ​യും ഇരിക്കും.”സങ്കീർത്തനം 128:3.

1. ചെടികൾ വളർത്തു​ന്ന​തും കുട്ടി​കളെ സംരക്ഷി​ക്കു​ന്ന​തും തമ്മിൽ എങ്ങനെ താരത​മ്യം ചെയ്യാ​വു​ന്ന​താണ്‌?

കുട്ടികൾ പലവി​ധ​ങ്ങ​ളി​ലും ചെടി​ക​ളെ​പ്പോ​ലെ വളർന്നു പുഷ്ടി പ്രാപി​ക്കു​ന്നു. അതു​കൊണ്ട്‌ ബൈബിൾ ഒരുവന്റെ ഭാര്യയെ “ഫലപ്ര​ദ​മായ മുന്തി​രി​വള്ളി” എന്നു വിളി​ക്കു​ക​യും മക്കളെ “[തന്റെ] മേശെക്കു ചുററും ഒലിവു​തൈക”ളോടു സാദൃ​ശ്യ​പ്പെ​ടു​ത്തു​ക​യും ചെയ്യു​ന്ന​തിൽ അതിശ​യി​ക്കാ​നില്ല. (സങ്കീർത്തനം 128:3) പിഞ്ചു സസ്യങ്ങൾ നട്ടുവ​ളർത്തു​ന്നത്‌ അത്ര എളുപ്പ​മ​ല്ലെന്ന്‌ ഒരു കർഷകൻ നിങ്ങ​ളോ​ടു പറയും വിശേ​ഷി​ച്ചും, കാലാ​വ​സ്ഥ​യും മണ്ണും പ്രതി​കൂ​ല​മായ ഒരു സാഹച​ര്യ​ത്തി​ലാ​യി​രി​ക്കു​മ്പോൾ. അതേ​പോ​ലെ​തന്നെ, ദുർഘ​ട​മായ ഈ “അന്ത്യകാ​ലത്തു” നന്നായി പെരു​മാ​റാൻ പഠിച്ച ദൈവ​ഭ​യ​മുള്ള യുവാ​ക്ക​ളാ​യി കുട്ടി​കളെ വളർത്തി​ക്കൊ​ണ്ടു​വ​രു​ക​യെ​ന്നതു വളരെ പ്രയാ​സ​ക​ര​മായ സംഗതി​യാണ്‌.—2 തിമൊ​ഥെ​യൊസ്‌ 3:1-5.

2. ഒരു നല്ല വിള​വെ​ടു​പ്പി​നു മിക്ക​പ്പോ​ഴും എന്താണ്‌ ആവശ്യ​മാ​യി​രി​ക്കു​ന്നത്‌?

² കർഷകന്‌ ഒരു നല്ല വിള​വെ​ടു​പ്പു ലഭിക്കു​ന്ന​തി​നു ഫലഭൂ​യി​ഷ്‌ഠ​മായ മണ്ണ്‌, സൂര്യ​പ്ര​കാ​ശം, വെള്ളം എന്നിവ ആവശ്യ​മാണ്‌. കൃഷി​ചെ​യ്യു​ക​യും കളപറി​ക്ക​യും ചെയ്യു​ന്ന​തി​നു​പു​റമേ ചെടിയെ കീടങ്ങ​ളിൽനി​ന്നും മററു രോഗ​ബാ​ധ​യിൽനി​ന്നും സംരക്ഷി​ക്കാൻ ക്രമീ​ക​രണം ചെയ്യേ​ണ്ട​തും ആവശ്യ​മാ​യി​ട്ടുണ്ട്‌. വളരു​ന്ന​ഘ​ട്ടം​മു​തൽ വിള​വെ​ടു​പ്പു​വരെ അയാൾക്ക്‌ അനേകം പ്രശ്‌ന​ങ്ങളെ നേരി​ടേ​ണ്ട​താ​യി വന്നേക്കാം. വിളവ്‌ മോശ​മാ​യി​ത്തീ​രു​ന്നത്‌ എത്ര സങ്കടക​ര​മായ സംഗതി​യാണ്‌! എന്നാൽ, കഠിനാധ്വാനത്തിനു​ശേ​ഷ​മുള്ള ഒരു നല്ല വിള​വെ​ടുപ്പ്‌ ഒരു കർഷകനെ എത്ര സംതൃ​പ്‌ത​നാ​ക്കും!—യെശയ്യാ​വു 60:20-22; 61:3.

3. പ്രാധാ​ന്യ​ത്തി​ന്റെ കാര്യ​ത്തിൽ ചെടി​ക​ളെ​യും കുട്ടി​ക​ളെ​യും എങ്ങനെ താരത​മ്യം ചെയ്യാ​വു​ന്ന​താണ്‌, എപ്രകാ​ര​മുള്ള ശ്രദ്ധയാ​ണു കുട്ടി​കൾക്കു ലഭി​ക്കേ​ണ്ടത്‌?

³ വിജയ​പ്ര​ദ​വും ഫലദാ​യ​ക​വു​മായ മനുഷ്യ ജീവിതം ഒരു കർഷകന്റെ വിള​വെ​ടു​പ്പി​നെ​ക്കാൾ തീർച്ച​യാ​യും വില​യേ​റി​യ​താണ്‌. അതു​കൊണ്ട്‌ ഒരു കുട്ടിയെ വിജയ​പ്ര​ദ​മായ രീതി​യിൽ വളർത്തി​യെ​ടു​ക്കാൻ സമൃദ്ധ​മായ വിള​വെ​ടു​പ്പിന്‌ വേണ്ടതി​നെ​ക്കാൾ കൂടുതൽ സമയവും ശ്രമങ്ങ​ളും ആവശ്യ​മാ​യി​വ​രു​മെ​ന്ന​തിൽ അതിശ​യി​ക്കാ​നില്ല. (ആവർത്ത​ന​പു​സ്‌തകം 11:18-21) ജീവി​ത​മാ​കുന്ന പൂവാ​ടി​യിൽ നട്ടിരി​ക്കുന്ന ഒരു പിഞ്ചു​കു​ഞ്ഞി​നെ സ്‌നേ​ഹ​ത്തോ​ടെ നനയ്‌ക്കു​ക​യും പോഷി​പ്പി​ക്കു​ക​യും അതിനു​ചു​ററം ഉറപ്പുള്ള വേലി​കെ​ട്ടു​ക​യും ചെയ്യേ​ണ്ടത്‌ ആവശ്യ​മാണ്‌. ഇങ്ങനെ ചെയ്യു​ന്ന​പക്ഷം പുഴു​ക്കു​ത്തു​പി​ടിച്ച ധാർമിക നിലവാ​ര​ങ്ങ​ളുള്ള ഒരു ലോക​ത്തിൽപോ​ലും അതിന്‌ ആത്മീയ​മാ​യി പൂത്തു​ല​യു​ന്ന​തി​നു കഴിയും. എന്നാൽ ഉപദ്ര​വി​ക്കു​ക​യോ പീഡി​പ്പി​ക്കു​ക​യോ ചെയ്യു​ക​യാ​ണെ​ങ്കിൽ കുട്ടി ആന്തരി​ക​മാ​യി ക്ഷയിക്കു​ന്ന​തി​നും ഒരുപക്ഷേ ആത്മീയ​മാ​യി മരിക്കു​ന്ന​തി​നും ഇടയാ​യേ​ക്കാം. (കൊ​ലൊ​സ്സ്യർ 3:21; താരത​മ്യം ചെയ്യുക: യിരെ​മ്യാ​വു 2:21; 12:2.) വാസ്‌ത​വ​ത്തിൽ, സകല കുട്ടി​കൾക്കും വിശേ​ഷ​വി​ധ​മായ ശ്രദ്ധ ആവശ്യ​മാണ്‌!

ശൈശ​വം​മു​തൽ ദിവ​സേ​ന​യുള്ള ശ്രദ്ധ

4. എപ്രകാ​ര​മുള്ള ശ്രദ്ധയാ​ണു കുട്ടി​കൾക്കു “ശൈശവം മുതലേ” ആവശ്യ​മാ​യി​രി​ക്കു​ന്നത്‌?

⁴ നവജാ​ത​ശി​ശു​വി​നു മാതാ​പി​താ​ക്കൾ നിതാന്ത ശ്രദ്ധ നൽകേ​ണ്ട​തുണ്ട്‌. എന്നിരു​ന്നാ​ലും, കുട്ടിക്കു ശാരീ​രി​ക​വും ഭൗതി​ക​വു​മായ ശ്രദ്ധ മാത്രമേ ദിവസേന ആവശ്യ​മു​ള്ളോ? ദൈവ​ത്തി​ന്റെ സേവക​നാ​യി​രുന്ന തിമൊ​ഥെ​യോ​സിന്‌ അപ്പോ​സ്‌ത​ല​നായ പൗലോസ്‌ പിൻവ​രുന്ന പ്രകാരം എഴുതി: “രക്ഷപ്രാ​പി​ക്കാൻ നിന്നെ പ്രബോ​ധി​പ്പി​ക്കുന്ന വിശു​ദ്ധ​ലി​ഖി​തങ്ങൾ ബാല്യം [ശൈശവം, NW] മുതലേ നിനക്കു പരിച​യ​മു​ണ്ട​ല്ലോ.” (2 തിമൊ. 3:15, ഓശാന ബൈബിൾ) അതു​കൊണ്ട്‌, മാതാ​പി​താ​ക്ക​ളിൽനി​ന്നു ശൈശ​വം​മു​തലേ തിമൊ​ഥെ​യോ​സി​നു ലഭിച്ച സംരക്ഷണം ആത്മീയ​മായ വിധത്തി​ലു​ള്ള​തു​കൂ​ടി ആയിരു​ന്നു. എന്നാൽ എപ്പോ​ഴാ​ണു ശൈശവം ആരംഭി​ക്കു​ന്നത്‌?

5, 6. (എ) ഗർഭസ്ഥ​ശി​ശു​ക്ക​ളെ​പ്പ​ററി ബൈബിൾ എന്താണു പറയു​ന്നത്‌? (ബി) ഗർഭസ്ഥ​ശി​ശു​ക്ക​ളു​ടെ ക്ഷേമത്തിൽ മാതാ​പി​താ​ക്കൾ തത്‌പ​ര​രാ​യി​രി​ക്ക​ണ​മെന്ന്‌ എന്തു സൂചി​പ്പി​ക്കു​ന്നു?

⁵ പൗലോസ്‌ ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു പദം (ബ്രീ​ഫോസ്‌) ഗർഭസ്ഥ​ശി​ശു​വി​നും ഉപയോ​ഗി​ച്ചി​ട്ടുണ്ട്‌. യോഹ​ന്നാൻ സ്‌നാ​പ​കന്റെ അമ്മയാ​യി​രുന്ന എലീശ​ബെത്ത്‌ അവളുടെ ബന്ധുവായ മറിയ​യോട്‌ ഇങ്ങനെ പറഞ്ഞു: “നിന്റെ വന്ദനസ്വ​രം എന്റെ ചെവി​യിൽ വീണ​പ്പോൾ പിള്ള (ബ്രീ​ഫോസ്‌) എന്റെ ഗർഭത്തിൽ ആനന്ദം​കൊ​ണ്ടു തുള്ളി.” (ലൂക്കൊസ്‌ 1:44) അങ്ങനെ, അജാത​രെ​പ്പോ​ലും ശിശുക്കൾ എന്നു വിളി​ക്കു​ന്നു. ഗർഭപാ​ത്ര​ത്തി​നു വെളി​യിൽ നടക്കുന്ന സംഭവ​ങ്ങ​ളോ​ടു പ്രതി​ക​രി​ക്കാൻ അവർക്കു കഴിയു​മെന്നു ബൈബിൾ പ്രകട​മാ​ക്കു​ന്നു. അങ്ങനെ​യെ​ങ്കിൽ, ഇന്നു മിക്ക​പ്പോ​ഴും പ്രോ​ത്സാ​ഹി​പ്പി​ക്ക​പ്പെ​ടുന്ന പ്രസവ​പൂർവ ശുശ്രൂ​ഷ​യിൽ അജാത​ശി​ശു​ക്ക​ളു​ടെ ആത്മീയ ക്ഷേമത്തി​നാ​വ​ശ്യ​മായ ശ്രദ്ധയും ഉൾപ്പെ​ടു​ത്തേ​ണ്ട​തു​ണ്ടോ?

⁶ ഇതു പരിചി​ന്ത​നാർഹ​മായ ഒരു സംഗതി​യാണ്‌. കാരണം, അജാത​ശി​ശു​ക്കൾ ശ്രവി​ക്കുന്ന കാര്യങ്ങൾ അവരെ അനുകൂ​ല​മാ​യോ പ്രതി​കൂ​ല​മാ​യോ ബാധി​ച്ചേ​ക്കാം. ഒരു സംഗീത സംവി​ധാ​യകൻ പരിശീ​ലനം നടത്തി​യി​രുന്ന വ്യത്യസ്‌ത സംഗീത ലയരേ​ഖകൾ, പ്രത്യേ​കി​ച്ചും കമ്പിവാ​ദ്യം, അദ്ദേഹ​ത്തിന്‌ അസാധാ​ര​ണ​മാം​വി​ധം പരിച​യ​മു​ള്ള​താ​യി കണ്ടെത്തി. അദ്ദേഹം ഈ സംഗീ​ത​ര​ച​ന​യു​ടെ പേര്‌ കമ്പിവാ​ദ്യ​ക്കാ​രി​യായ അമ്മയോ​ടു സൂചി​പ്പി​ച്ചു. അദ്ദേഹത്തെ ഗർഭി​ണി​യാ​യി​രു​ന്ന​പ്പോൾ പരിശീ​ലനം ചെയ്‌തി​രുന്ന സംഗീ​ത​രചന ഇതുത​ന്നെ​യാ​യി​രു​ന്നു​വെന്ന്‌ അവർ പ്രത്യു​ത്തരം നൽകി. സമാന​മാ​യി, ഗർഭസ്ഥ​ശി​ശു​ക്ക​ളു​ടെ മാതാക്കൾ പതിവാ​യി ടിവി സോപ്പ്‌ ഓപ്പറകൾ [soap operas] കാണു​ന്നത്‌ അവരെ പ്രതി​കൂ​ല​മാ​യി ബാധി​ച്ചേ​ക്കാം. തത്‌ഫ​ല​മാ​യി, ഒരു വൈദ്യ​ശാ​സ്‌ത്ര മാസിക “ഭ്രൂണ​ഘ​ട്ട​ത്തി​ലെ സോപ്പ്‌ ആസക്തി”യെക്കു​റി​ച്ചു പറഞ്ഞു.

7. (എ) അനേകം മാതാ​പി​താ​ക്ക​ളും തങ്ങളുടെ അജാത​ശി​ശു​ക്ക​ളു​ടെ ക്ഷേമത്തിൽ എപ്രകാ​ര​മാ​ണു ശ്രദ്ധ നൽകി​യി​ട്ടു​ള്ളത്‌? (ബി) ഒരു കുട്ടിക്ക്‌ എന്തെല്ലാം പ്രാപ്‌തി​ക​ളുണ്ട്‌?

⁷ ശിശു​ക്കൾക്കു പ്രോ​ത്സാ​ഹ​ജ​ന​ക​മായ പ്രചോ​ദനം നൽകു​ന്ന​തി​ന്റെ പ്രയോ​ജ​നങ്ങൾ അനേകം മാതാ​പി​താ​ക്കൾ തിരി​ച്ച​റി​ഞ്ഞി​രി​ക്കു​ന്നു. അതു​കൊണ്ട്‌, കുട്ടി ജനിക്കു​ന്ന​തി​നു​മു​മ്പു​തന്നെ അനേകം മാതാ​പി​താ​ക്കൾ അതിനെ വായി​ച്ചും പാടി​യും കേൾപ്പി​ക്കു​ക​യും അതി​നോ​ടു സംസാ​രി​ക്കു​ക​യും ചെയ്യാൻ തുടങ്ങു​ന്നു. നിങ്ങൾക്കും അപ്രകാ​രം ചെയ്യാ​വു​ന്ന​താണ്‌. നിങ്ങളു​ടെ ശിശു​വി​നു വാക്കുകൾ മനസ്സി​ലാ​യെ​ന്നി​രി​ക്കില്ല. എന്നാൽ നിങ്ങളു​ടെ സാന്ത്വ​ന​ദാ​യ​ക​മായ ശബ്ദത്താ​ലും സ്‌നേ​ഹ​പു​ര​സ്സ​ര​മായ ഈണത്താ​ലും പ്രയോ​ജ​ന​മ​നു​ഭ​വി​ക്കാൻ അതിന്‌ കഴി​ഞ്ഞേ​ക്കും. ജനന​ശേഷം, നിങ്ങൾ വിചാ​രി​ക്കു​ന്ന​തി​ലും നേരത്തെ കുട്ടി നിങ്ങളു​ടെ ശബ്ദം തിരി​ച്ച​റി​യാൻ തുടങ്ങും. നിരന്തരം ശ്രവി​ക്കു​ന്ന​തി​ന്റെ ഫലമായി വെറും രണ്ടോ മൂന്നോ വർഷങ്ങൾക്കു​ള്ളിൽ ഒരു കുട്ടി വിഷമം​പി​ടിച്ച ഭാഷ പഠി​ച്ചെ​ടു​ക്കു​ന്നു. ഒരു കുഞ്ഞിനു ബൈബിൾ സത്യത്തി​ന്റെ “നിർമല ഭാഷ”യും പഠിക്കാ​നാ​രം​ഭി​ക്കാ​വു​ന്ന​താണ്‌.—സെഫന്യാ​വു 3:9.

8. (എ) തിമൊ​ഥെ​യോ​സി​നു വിശു​ദ്ധ​ലി​ഖി​തങ്ങൾ “ശൈശവം മുതലേ” അറിയാ​മാ​യി​രു​ന്നു എന്നു പറയു​മ്പോൾ ബൈബിൾ വാസ്‌ത​വ​ത്തി​ലെ​ന്താണ്‌ അർഥമാ​ക്കു​ന്നത്‌? (ബി) തിമൊ​ഥെ​യോ​സി​ന്റെ കാര്യ​ത്തിൽ എന്തു സംഗതി സത്യ​മെന്നു തെളിഞ്ഞു?

⁸ തിമൊ​ഥെ​യോസ്‌ ‘വിശു​ദ്ധ​ലി​ഖി​തങ്ങൾ ശൈശവം മുതലേ അറിഞ്ഞി​രു​ന്നു’ എന്നു പറഞ്ഞ​പ്പോൾ പൗലോസ്‌ എന്താണ്‌ അർഥമാ​ക്കി​യത്‌? തിമൊഥെയോസി​നു കുട്ടി​ക്കാ​ലം മുതൽക്കല്ല മറിച്ച്‌, ശൈശ​വ​കാ​ലം മുതൽക്കേ ആത്മീയ പരിശീ​ലനം ലഭിച്ചി​രു​ന്നു​വെ​ന്നാണ്‌ അദ്ദേഹം സ്‌പഷ്ട​മാ​യും അർഥമാ​ക്കി​യത്‌. ഇത്‌ പൊതു​വേ നവജാ​ത​ശി​ശു​ക്കളെ കുറി​ക്കുന്ന ബ്രീ​ഫോസ്‌ എന്ന ഗ്രീക്കു പദത്തിന്റെ അർഥ​ത്തോ​ടു ചേർച്ച​യി​ലാണ്‌. (ലൂക്കൊസ്‌ 2:12, 16; പ്രവൃ​ത്തി​കൾ 7:19) തിമൊ​ഥെ​യോ​സിന്‌ ഓർമി​ക്കാൻ കഴിയുന്ന കാലം മുതൽ അദ്ദേഹ​ത്തി​ന്റെ അമ്മ യൂനീ​ക്ക​യിൽനി​ന്നും വലിയമ്മ ലോവീ​സിൽനി​ന്നും ആത്മീയ നിർദേശം ലഭിച്ചു. (2 തിമൊ​ഥെ​യൊസ്‌ 1:5) ‘മുള പോകും വഴിയേ മരം വളരൂ’ എന്ന പഴഞ്ചൊ​ല്ലു തിമൊ​ഥെ​യോ​സി​നു തീർച്ച​യാ​യും ബാധക​മാ​യി​രു​ന്നു. ‘നടക്കേ​ണ്ടുന്ന വഴിയിൽ അവൻ അഭ്യസി​പ്പി​ക്ക​പ്പെട്ടു.’ തത്‌ഫ​ല​മാ​യി, അദ്ദേഹം ദൈവ​ത്തി​ന്റെ ഒരു മികച്ച സേവക​നാ​യി​ത്തീർന്നു.—സദൃശ​വാ​ക്യ​ങ്ങൾ 22:6; ഫിലി​പ്പി​യർ 2:19-22.

വിശേ​ഷ​വി​ധ​മായ ശ്രദ്ധ ആവശ്യ​മാണ്‌

9. (എ) മാതാ​പി​താ​ക്കൾ എന്തു ചെയ്യു​ന്നത്‌ ഒഴിവാ​ക്കണം, എന്തു​കൊണ്ട്‌? (ബി) ഒരു കുട്ടി വളരു​ന്ന​തോ​ടൊ​പ്പം മാതാ​പി​താ​ക്കൾ എന്തു​ചെ​യ്യേ​ണ്ട​തുണ്ട്‌, അവർ ഏതു ദൃഷ്ടാന്തം അനുക​രി​ക്കേ​ണ്ട​തുണ്ട്‌?

⁹ കുട്ടി​ക​ളും ചെടി​ക​ളെ​പ്പോ​ലെ​യാണ്‌. അവർക്കെ​ല്ലാം ഒരേ സ്വഭാ​വ​വി​ശേ​ഷ​ങ്ങളല്ല ഉള്ളത്‌. തന്നെയു​മല്ല, ഒരേത​ര​ത്തി​ലുള്ള സംരക്ഷണ വിധങ്ങ​ളോട്‌ സകലരും പ്രതി​ക​രി​ക്കു​ന്നില്ല. ബുദ്ധി​യുള്ള മാതാ​പി​താ​ക്കൾ വ്യത്യാ​സ​ങ്ങളെ പരിഗ​ണ​ന​യി​ലെ​ടു​ക്കു​ക​യും ഒരു കുട്ടിയെ മറെറാ​രു കുട്ടി​യു​മാ​യി തുലനം ചെയ്യു​ന്നത്‌ ഒഴിവാ​ക്കു​ക​യും ചെയ്യും. (താരത​മ്യം ചെയ്യുക: ഗലാത്യർ 6:4.) നിങ്ങളു​ടെ കുട്ടികൾ നല്ല യുവാ​ക്ക​ളാ​യി പൂവണി​യു​ന്ന​തിന്‌ മററു​ള്ള​വ​രിൽനിന്ന്‌ അവരെ വേർതി​രി​ച്ചു​കാ​ട്ടുന്ന വ്യക്തി​പ​ര​മായ സവി​ശേ​ഷ​തകൾ നിരീ​ക്ഷി​ക്കേ​ണ്ടത്‌ ആവശ്യ​മാണ്‌. നിങ്ങൾ നല്ലതു വളർത്തി​യെ​ടു​ക്കു​ക​യും മോശ​മാ​യതു പറിച്ചു​ക​ള​യു​ക​യും ചെയ്യേ​ണ്ട​തു​മുണ്ട്‌. ഒരു ബലഹീനത അല്ലെങ്കിൽ ഒരുപക്ഷേ, സത്യസ​ന്ധ​ത​യി​ല്ലായ്‌മ, ഭൗതി​ക​ത്വം, സ്വാർഥത എന്നിവ​പോ​ലുള്ള തെററായ പ്രവണത കണ്ടുപി​ടി​ക്കു​ന്ന​പക്ഷം നിങ്ങ​ളെ​ന്തു​ചെ​യ്യും? ദയാപു​ര​സ്സരം തിരു​ത്തുക. അങ്ങനെ​യാണ്‌ യേശു തന്റെ ശിഷ്യൻമാ​രു​ടെ ബലഹീ​ന​തകൾ തിരു​ത്തി​യത്‌. (മർക്കൊസ്‌ 9:33-37) പ്രത്യേ​കി​ച്ചും, ഓരോ കുട്ടി​യേ​യും അവന്റെ കഴിവു​ക​ളേ​യും നല്ല ഗുണഗ​ണ​ങ്ങ​ളെ​യും​പ്രതി ക്രമമാ​യി പ്രശം​സി​ക്കുക.

10. കുട്ടി​കൾക്കു വിശേ​ഷ​വി​ധ​മാ​യി എന്താണ്‌ ആവശ്യ​മാ​യി​രി​ക്കു​ന്നത്‌, അത്‌ എപ്രകാ​രം പ്രദാനം ചെയ്യാ​വു​ന്ന​താണ്‌?

¹⁰ സ്‌നേ​ഹ​പൂർവ​മുള്ള വ്യക്തി​പ​ര​മായ താത്‌പ​ര്യ​മാ​ണു കുട്ടി​കൾക്കു വിശേ​ഷി​ച്ചും ആവശ്യ​മാ​യി​രി​ക്കു​ന്നത്‌. യേശു​വി​ന്റെ ശുശ്രൂ​ഷ​യു​ടെ തിരക്കു​പി​ടിച്ച അവസാ​ന​ദി​ന​ങ്ങ​ളിൽപോ​ലും ചെറിയ കുട്ടി​കൾക്ക്‌ അത്തരം വിശേ​ഷ​വി​ധ​മായ ശ്രദ്ധ നൽകു​ന്ന​തിന്‌ അവിടുന്ന്‌ സമയം കണ്ടെത്തി. (മർക്കൊസ്‌ 10:13-16, 32) മാതാ​പി​താ​ക്കളേ, ആ മാതൃക പിന്തു​ട​രു​വിൻ! നിങ്ങളു​ടെ കുട്ടി​ക​ളോ​ടൊ​പ്പം ചെലവി​ടു​ന്ന​തി​നു നിസ്വാർഥ​മാ​യി സമയം കണ്ടെത്തുക. അവരോട്‌ ആത്മാർഥ​മായ സ്‌നേഹം പ്രകടി​പ്പി​ക്കു​ന്ന​തിൽ സന്ദേഹി​ക്ക​രുത്‌. യേശു ചെയ്‌ത​മാ​തി​രി അവരുടെ തോളിൽ കയ്യിടുക. അവരെ ഊഷ്‌മ​ള​ത​യോ​ടും വാത്സല്യ​ത്തോ​ടും​കൂ​ടി പുണരു​ക​യും ചുംബി​ക്കു​ക​യും ചെയ്യുക. നന്നായി പെരു​മാ​റാൻ പരിശീ​ലി​പ്പി​ക്ക​പ്പെട്ട യുവ പ്രായ​ക്കാ​രു​ടെ മാതാ​പി​താ​ക്ക​ളോട്‌ മററുള്ള മാതാ​പി​താ​ക്കൾക്ക്‌ എന്ത്‌ ഉപദേ​ശ​മാ​ണു നൽകാ​നു​ള്ളത്‌ എന്നു ചോദി​ക്കു​ക​യു​ണ്ടാ​യി. ‘അകമഴി​ഞ്ഞു സ്‌നേ​ഹി​ക്കുക,’ ‘ഒന്നിച്ചു സമയം ചെലവി​ടുക,’ ‘പരസ്‌പര ബഹുമാ​നം വളർത്തി​യെ​ടു​ക്കുക,’ ‘താത്‌പ​ര്യ​പൂർവം അവർക്കു ചെവി​കൊ​ടു​ക്കുക,’ ‘പ്രസം​ഗി​ക്കു​ന്ന​തി​നു പകരം മാർഗ​നിർദേശം പകർന്നു​കൊ​ടു​ക്കുക,’ ‘പരമാർഥ​ത​യു​ള്ള​വ​രാ​യി​രി​ക്കുക’ എന്നിങ്ങ​നെ​യാ​യി​രു​ന്നു അനേക​രു​ടെ​യും പ്രതി​ക​രണം.

11. (എ) കുട്ടി​കൾക്കു വിശേ​ഷ​വി​ധ​മായ ശ്രദ്ധ നൽകു​ന്ന​തി​നെ മാതാ​പി​താ​ക്കൾ എങ്ങനെ വീക്ഷി​ക്കേ​ണ്ട​തുണ്ട്‌? (ബി) മാതാ​പി​താ​ക്കൾക്ക്‌ തങ്ങളുടെ കുട്ടി​ക​ളു​മാ​യി മൂല്യ​വ​ത്തായ ആശയവി​നി​മ​യങ്ങൾ എപ്പോൾ ആസ്വദി​ക്കാൻ കഴി​ഞ്ഞേ​ക്കാം?

¹¹ അപ്രകാ​രം വിശേ​ഷ​വി​ധ​മായ ശ്രദ്ധ ചെലു​ത്തു​ന്നത്‌ ആനന്ദക​ര​മാ​യി​രി​ക്കാ​വു​ന്ന​താണ്‌. “ഞങ്ങളുടെ രണ്ട്‌ ആൺമക്കൾ ചെറു​പ്പ​മാ​യി​രു​ന്ന​പ്പോൾ അവരെ കിടത്തി​യു​റ​ക്കാൻ ക്രമീ​ക​രി​ക്കു​ന്ന​തും വായി​ച്ചു​കേൾപ്പി​ക്കു​ന്ന​തും കിടക്ക​വി​രി​ക്കു​ള്ളി​ലാ​ക്കു​ന്ന​തും അവരോ​ടൊ​പ്പം പ്രാർഥി​ക്കു​ന്ന​തു​മൊ​ക്കെ ഒരു രസമാ​യി​രു​ന്നു” എന്നു വിജയം നേടാൻ കഴിഞ്ഞ ഒരു പിതാവ്‌ പറഞ്ഞു. അത്തരം സമയങ്ങൾ പ്രോ​ത്സാ​ഹ​ജ​ന​ക​മായ ആശയവി​നി​യമം നടത്താൻ മാതാ​പി​താ​ക്കൾക്കും കുട്ടി​ക്കും അവസരം പ്രദാനം ചെയ്യുന്നു. (താരത​മ്യം ചെയ്യുക: റോമർ 1:11, 12.) “വാലി”യെ അനു​ഗ്ര​ഹി​ക്ക​ണേ​യെന്നു തങ്ങളുടെ മൂന്നു വയസ്സു​കാ​രൻ ദൈവ​ത്തോ​ടു പ്രാർഥി​ക്കു​ന്ന​താ​യി ഒരു ദമ്പതികൾ കേട്ടു. തുടർന്നുള്ള രാത്രി​ക​ളി​ലും അവൻ “വാലി”ക്കുവേണ്ടി പ്രാർഥി​ച്ചു. മലാവി​യിൽ അപ്പോൾ ദുരി​ത​മ​നു​ഭ​വി​ച്ചു​കൊ​ണ്ടി​രുന്ന സഹോ​ദ​ര​ങ്ങ​ളെ​യാണ്‌ അവൻ അർഥമാ​ക്കി​യ​തെന്നു മനസ്സി​ലാ​ക്കി​യ​പ്പോൾ ആ മാതാ​പി​താ​ക്കൾ വളരെ പ്രോ​ത്സാ​ഹി​ത​രാ​യി. ഒരു സ്‌ത്രീ അനുസ്‌മ​രി​ക്കു​ന്നു: എനിക്കു നാലു​വ​യസ്സു മാത്രം പ്രായ​മു​ണ്ടാ​യി​രു​ന്ന​പ്പോൾ അമ്മ പാത്രം കഴുകി​ക്കൊ​ണ്ടി​രി​ക്കെ ഞാൻ കസേര​യു​ടെ മുകളിൽ കയറി​നിന്ന്‌ അതു തുടയ്‌ക്കുന്ന സമയത്തു തിരു​വെ​ഴു​ത്തു​കൾ മനപ്പാ​ഠ​മാ​ക്കു​ന്ന​തി​നും രാജ്യ​ഗീ​തങ്ങൾ പാടു​ന്ന​തി​നും അമ്മ എന്നെ സഹായി​ക്കു​മാ​യി​രു​ന്നു.’ നിങ്ങളു​ടെ കുഞ്ഞു​ങ്ങ​ളു​മാ​യി മൂല്യ​വ​ത്തായ സംഭാ​ഷ​ണ​ങ്ങ​ളിൽ ഏർപ്പെ​ടു​ന്ന​തിന്‌ ഉചിത​മായ സമയ​മേ​തെന്നു നിങ്ങൾക്കു ചിന്തി​ക്കാൻ കഴിയു​മോ?

12. ക്രിസ്‌തീയ മാതാ​പി​താ​ക്കൾ തങ്ങളുടെ കുട്ടി​കൾക്കു ബുദ്ധി​പൂർവം എന്തു പ്രദാനം ചെയ്യും, ഇതിനാ​യി എന്തു മാർഗങ്ങൾ ഉപയോ​ഗി​ക്കാ​വു​ന്ന​താണ്‌?

¹² വിവേ​ക​മുള്ള മാതാ​പി​താ​ക്കൾ ഒരു നിരന്തര ബൈബി​ള​ധ്യ​യ​ന​ത്തി​നുള്ള ക്രമീ​ക​രണം ചെയ്യും. ചോ​ദ്യോ​ത്ത​ര​രീ​തി​യിൽ നിങ്ങൾ ഇതു നിർവ​ഹി​ച്ചേ​ക്കാം. എന്നാൽ നിങ്ങളു​ടെ ഇളയ കുട്ടി​കളെ പ്രത്യേ​കം മനസ്സിൽ വച്ചു​കൊണ്ട്‌ അധ്യയന രീതി​യിൽ ചില മാററങ്ങൾ വരുത്തി അതിൽ രസകര​മായ സംഭാ​ഷ​ണങ്ങൾ ഉൾപ്പെ​ടു​ത്താൻ സാധി​ക്കു​മോ? ബൈബിൾ രംഗങ്ങ​ളു​ടെ ചിത്രങ്ങൾ വരക്കു​ക​യോ ബൈബിൾ കഥകൾ പറയു​ക​യോ നിങ്ങൾ കുട്ടി​യോ​ടു തയ്യാറാ​ക്കാൻ പറഞ്ഞി​രി​ക്കുന്ന കാര്യ​ത്തി​ന്റെ റിപ്പോർട്ടു ശ്രദ്ധി​ക്കു​ക​യോ ചെയ്യു​ന്ന​തും നിങ്ങൾക്ക്‌ ഇതിൽ ഉൾപ്പെ​ടു​ത്താം. ദൈവ​വ​ചനം കുട്ടികൾ കാംക്ഷി​ക്ക​ത്ത​ക്ക​വി​ധം നിങ്ങളാ​ലാ​കു​ന്നി​ട​ത്തോ​ളം അതിനെ സ്വാദു​ള്ള​താ​ക്കി​ത്തീർക്കുക. (1 പത്രൊസ്‌ 2:2, 3) ‘പിള്ളേർ ചെറു​താ​യി​രു​ന്ന​പ്പോൾ ഞങ്ങൾ അവരോ​ടൊ​പ്പം തറയി​ലൂ​ടെ ഇഴയു​മാ​യി​രു​ന്നു. ബൈബി​ളി​ലെ പ്രശസ്‌ത​രായ ആളുക​ളു​ടെ രംഗം അഭിന​യി​ച്ചു കാണി​ക്കു​ക​യും ചെയ്യു​മാ​യി​രു​ന്നു. പിള്ളേർക്ക്‌ അത്‌ വളരെ ഇഷ്ടമാ​യി​രു​ന്നു’ എന്ന്‌ ഒരു പിതാവ്‌ പറഞ്ഞു.

13. പരിശീ​ലന സെഷനു​കൾക്ക്‌ എത്ര മൂല്യ​മുണ്ട്‌, ഇങ്ങനെ​യുള്ള സമയത്തു നിങ്ങൾക്ക്‌ എന്തെല്ലാം പരിശീ​ലി​ക്കാ​വു​ന്ന​താണ്‌?

¹³ പരിശീ​ലന സെഷനു​കൾ നടത്തു​ന്നത്‌ യഥാർഥ ജീവിത സാഹച​ര്യ​ങ്ങളെ നേരി​ടാൻ ചെറു​പ്പ​ക്കാ​രെ സഹായി​ച്ചേ​ക്കാം. കുസറോ കുട്ടി​ക​ളിൽ ഒരാൾ—നാസി പീഡന കാലത്ത്‌ അവർ 11 പേരും വിശ്വ​സ്‌ത​ത​യോ​ടെ നില​കൊ​ണ്ടു—തന്റെ മാതാ​പി​താ​ക്ക​ളെ​ക്കു​റി​ച്ചു പിൻവ​രു​ന്ന​പ്ര​കാ​രം പറഞ്ഞു: “എങ്ങനെ പെരു​മാ​റ​ണ​മെ​ന്നും ബൈബിൾ ഉപയോ​ഗി​ച്ചു​കൊണ്ട്‌ എങ്ങനെ ഞങ്ങളെ​ത്തന്നെ സംരക്ഷി​ക്ക​ണ​മെ​ന്നും അവർ ഞങ്ങൾക്കു കാണി​ച്ചു​തന്നു. [1 പത്രൊസ്‌ 3:15] മിക്ക​പ്പോ​ഴും​തന്നെ ഞങ്ങൾ ചോ​ദ്യോ​ത്ത​ര​രീ​തി​യിൽ പരിശീ​ലന സെഷനു​കൾ നടത്തി​യി​രു​ന്നു.” എന്തു​കൊണ്ട്‌ നിങ്ങൾക്കും അതു​പോ​ലെ ചെയ്‌തു​കൂ​ടാ? മാതാ​വോ പിതാ​വോ ആരെങ്കി​ലു​മൊ​രാൾ വീട്ടു​കാ​ര​നാ​യി നടിച്ചു​കൊണ്ട്‌ ശുശ്രൂ​ഷ​യ്‌ക്കു​വേണ്ടി പരിശീ​ലനം നടത്താ​നാ​കും. അതുമല്ല, യഥാർഥ ജീവിത പ്രശ്‌ന​ങ്ങളെ എങ്ങനെ നേരി​ടാ​മെന്നു കാണി​ക്കുന്ന രംഗങ്ങ​ളും പരിശീ​ലന സെഷനിൽ ഉൾപ്പെ​ടു​ത്താ​വു​ന്ന​താണ്‌. (സദൃശ​വാ​ക്യ​ങ്ങൾ 1:10-15) “പ്രയാ​സ​ക​ര​മായ സാഹച​ര്യ​ങ്ങളെ അഭിമു​ഖീ​ക​രി​ക്കു​ന്ന​തി​നാ​യി പരിശീ​ലനം നടത്തു​ന്നതു കുട്ടി​യു​ടെ കഴിവി​നെ​യും ആത്മവി​ശ്വാ​സ​ത്തെ​യും വളർത്തി​യെ​ടു​ക്കും” എന്ന്‌ ഒരു വ്യക്തി വിശദീ​ക​രി​ച്ചു. “നിങ്ങളു​ടെ കുട്ടിക്ക്‌ സിഗര​റേറാ മദ്യമോ മയക്കു​മ​രു​ന്നോ വാഗ്‌ദാ​നം ചെയ്യുന്ന ഒരു സുഹൃ​ത്താ​യി പരിശീ​ലന സമയത്തു നിങ്ങൾക്ക്‌ അഭിന​യി​ക്കാൻ കഴിയും.” ഇത്തരം സാഹച​ര്യ​ങ്ങ​ളിൽ നിങ്ങളു​ടെ കുട്ടി എങ്ങനെ പ്രതി​ക​രി​ക്കു​മെന്നു മനസ്സി​ലാ​ക്കാൻ ഈ സെഷനു​കൾ നിങ്ങളെ സഹായി​ക്കും.

14. നിങ്ങളു​ടെ കുട്ടി​ക​ളു​മാ​യി സ്‌നേ​ഹ​നിർഭ​ര​വും ദയാപു​ര​സ്സ​ര​വു​മായ ചർച്ചകൾ വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁴ നിങ്ങളു​ടെ കുട്ടി​യു​മാ​യി ആശയവി​നി​യമം നടത്തു​മ്പോൾ പിൻവ​രുന്ന വാക്കു​ക​ളു​ടെ ലേഖകൻ ചെയ്‌ത​തി​നു സമാന​മായ രീതി​യിൽ സംഭാ​ഷണം നടത്തുക: “മകനേ, എന്റെ ഉപദേശം മറക്കരു​തു; നിന്റെ ഹൃദയം എന്റെ കല്‌പ​ന​കളെ കാത്തു​കൊ​ള്ളട്ടെ. അവ ദീർഘാ​യു​സ്സും ജീവകാ​ല​വും സമാധാ​ന​വും നിനക്കു വർദ്ധി​പ്പി​ച്ചു​ത​രും.” (സദൃശ​വാ​ക്യ​ങ്ങൾ 3:1, 2) നിങ്ങൾ അനുസ​രണം ആവശ്യ​പ്പെ​ടു​ന്നത്‌ അതു കുട്ടിക്കു സമാധാ​ന​വും ദീർഘാ​യു​സ്സും—വാസ്‌ത​വ​ത്തിൽ ദൈവ​ത്തി​ന്റെ സമാധാ​ന​പൂർണ​മായ പുതിയ ലോക​ത്തിൽ നിത്യ​ജീ​വൻതന്നെ—പ്രദാനം ചെയ്യു​മെന്ന കാരണ​ത്താ​ലാണ്‌ എന്നു സ്‌നേ​ഹ​പു​ര​സ്സരം വിശദീ​ക​രി​ച്ചാൽ അതു നിങ്ങളു​ടെ കുട്ടി​യു​ടെ ഹൃദയത്തെ സ്‌പർശി​ക്കു​ക​യി​ല്ലേ? ദൈവ​വ​ച​ന​ത്തിൽനി​ന്നും ന്യായ​വാ​ദം ചെയ്യു​മ്പോൾ നിങ്ങളു​ടെ കുട്ടി​യു​ടെ വ്യക്തി​ത്വ​ത്തെ മാനി​ക്കുക. ഇതു പ്രാർഥ​നാ​പൂർവം ചെയ്യുക. യഹോവ നിങ്ങളു​ടെ ശ്രമങ്ങളെ അനു​ഗ്ര​ഹി​ക്കും. സ്‌നേ​ഹ​നിർഭ​ര​വും ദയാപു​ര​സ്സ​ര​വു​മായ അത്തരം ബൈബി​ള​ധി​ഷ്‌ഠിത ചർച്ചകൾ നല്ല ഫലങ്ങൾ ഉളവാ​ക്കു​ക​യും നിത്യ​മായ പ്രയോ​ജ​നങ്ങൾ കൈവ​രു​ത്തു​ക​യും ചെയ്യും.—സദൃശ​വാ​ക്യ​ങ്ങൾ 22:6.

15. പ്രശ്‌നങ്ങൾ പരിഹ​രി​ക്കാൻ മാതാ​പി​താ​ക്കൾക്കു കുട്ടി​കളെ എങ്ങനെ സഹായി​ക്കാം?

¹⁵ മേൽപ്പ​റ​ഞ്ഞ​പ്ര​കാ​ര​മുള്ള ആശയവി​നി​യമം നിങ്ങളു​ടെ നിർദിഷ്ട അധ്യയ​ന​സ​മ​യ​ത്തു​തന്നെ നടക്കു​ന്നി​ല്ലെ​ങ്കിൽപോ​ലും മററുള്ള കാര്യ​ങ്ങ​ളാൽ നിങ്ങളു​ടെ ശ്രദ്ധ പതറാൻ അനുവ​ദി​ക്ക​രുത്‌. നിങ്ങളു​ടെ കുട്ടി എന്തു പറയു​ന്നു​വെ​ന്ന​തിൽ മാത്രമല്ല അത്‌ എങ്ങനെ അവതരി​പ്പി​ക്കു​ന്നു എന്നതി​ലും ശ്രദ്ധ ചെലു​ത്തുക. “നിങ്ങളു​ടെ കുട്ടി​യു​ടെ നേരെ നോക്കുക. അവനിൽ മുഴു ശ്രദ്ധയും ചെലു​ത്തുക. നിങ്ങൾ കേട്ടാൽമാ​ത്രം പോരാ ഗ്രഹി​ക്കേ​ണ്ട​തും ആവശ്യ​മാണ്‌. ഇങ്ങനെ കൂടു​ത​ലായ ശ്രദ്ധ ചെലു​ത്തുന്ന മാതാ​പി​താ​ക്കൾക്കു കുട്ടി​ക​ളു​ടെ ജീവി​ത​ത്തിൽ ഗണ്യമായ മാററം വരുത്താ​നാ​കും” എന്ന്‌ ഒരു വിദഗ്‌ധൻ പറഞ്ഞു. കുട്ടികൾ ഇന്നു സ്‌കൂ​ളി​ലും മററി​ട​ങ്ങ​ളി​ലും ഗൗരവ​ത​ര​മായ പ്രശ്‌നങ്ങൾ അഭിമു​ഖീ​ക​രി​ക്കു​ന്നു. മാതാ​വോ പിതാ​വോ എന്ന നിലയിൽ കുട്ടി​യു​ടെ ഉള്ളു മനസ്സി​ലാ​ക്കുക. ദൈവം വീക്ഷി​ക്കു​ന്ന​തു​പോ​ലെ കാര്യ​ങ്ങളെ വീക്ഷി​ക്കാൻ അവനെ സഹായി​ക്കുക. പ്രശ്‌നത്തെ എങ്ങനെ പരിഹ​രി​ക്ക​ണ​മെന്നു തിട്ടമി​ല്ലെ​ങ്കിൽ തിരു​വെ​ഴു​ത്തു​ക​ളി​ലും “വിശ്വ​സ്‌ത​നും ബുദ്ധി​മാ​നും ആയ ദാസൻ” മുഖാ​ന്തരം പ്രദാനം ചെയ്യുന്ന പ്രസി​ദ്ധീ​ക​ര​ണ​ങ്ങ​ളി​ലും ഗവേഷണം നടത്തുക. (മത്തായി 24:45) പ്രശ്‌നങ്ങൾ പരിഹ​രി​ക്കു​ന്ന​തിന്‌ ആവശ്യ​മുള്ള വിശേ​ഷ​വി​ധ​മായ എല്ലാ ശ്രദ്ധയും ഏതു വിധേ​ന​യും നിങ്ങളു​ടെ കുട്ടിക്കു നൽകുക.

ഒരുമി​ച്ചു ചെലവി​ടുന്ന സമയത്തെ വിലമ​തി​ക്കു​ക

16, 17. (എ) യുവജ​ന​ങ്ങൾക്ക്‌ ഇന്നു വിശേ​ഷ​വി​ധ​മായ ശ്രദ്ധയും പ്രബോ​ധ​ന​വും പ്രത്യേ​കിച്ച്‌ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌? (ബി) മാതാ​പി​താ​ക്കൾ ശിക്ഷണം നൽകു​മ്പോൾ കുട്ടികൾ അറിഞ്ഞി​രി​ക്കേ​ണ്ട​തെന്ത്‌?

¹⁶ വിശേ​ഷ​വി​ധ​മായ ശ്രദ്ധ എന്നത്തേ​ക്കാ​ളു​മ​ധി​ക​മാ​യി ഇന്ന്‌ യുവജ​ന​ങ്ങൾക്ക്‌ ആവശ്യ​മാണ്‌. എന്തുകൊ​ണ്ടെ​ന്നാൽ, നാം “അന്ത്യകാല”ത്താണു ജീവി​ക്കു​ന്നത്‌ തന്നെയു​മല്ല, ഇവ “ദുർഘ​ട​സ​മയങ്ങ”ളും ആണ്‌. (2 തിമൊ​ഥെ​യൊസ്‌ 3:1-5; മത്തായി 24:3-14) “ജ്ഞാനി​യു​ടെ ജീവനെ പാലിക്കു”ന്ന യഥാർഥ ജ്ഞാനം ഉളവാ​ക്കുന്ന സംരക്ഷണം മാതാ​പി​താ​ക്കൾക്കും കുട്ടി​കൾക്കും ഒരു​പോ​ലെ ആവശ്യ​മാണ്‌. (സഭാ​പ്ര​സം​ഗി 7:12) ദൈവിക ജ്ഞാനം എന്നു പറയു​ന്ന​തിൽ ബൈബി​ള​ധി​ഷ്‌ഠി​ത​മായ അറിവി​ന്റെ ശരിയായ ബാധക​മാ​ക്കൽ ഉൾപ്പെ​ട്ടി​രി​ക്കു​ന്നു. അതു​കൊണ്ട്‌, കുട്ടി​കൾക്കു ദൈവ​വ​ച​ന​ത്തിൽനി​ന്നുള്ള നിരന്തര പ്രബോ​ധനം ആവശ്യ​മാണ്‌. ആകയാൽ, നിങ്ങളു​ടെ കുട്ടി​ക​ളു​മൊ​ത്തു തിരു​വെ​ഴു​ത്തു​കൾ പഠിക്കുക. അവരോട്‌ യഹോ​വ​യെ​പ്പ​ററി പറയുക. അവിടു​ത്തെ നിബന്ധ​നകൾ സസൂക്ഷ്‌മം വിശദീ​ക​രി​ക്കുക. അവിടു​ത്തെ മഹത്തായ വാഗ്‌ദ​ത്ത​ങ്ങ​ളു​ടെ നിവൃ​ത്തി​യിൽ ശുഭ​പ്ര​തീക്ഷ നട്ടുവ​ളർത്തുക. വീട്ടി​ലി​രി​ക്കു​മ്പോ​ഴും കുട്ടി​ക​ളോ​ടൊ​പ്പം നടക്കു​മ്പോ​ഴും, അതേ, ഉചിത​മായ എല്ലാ സന്ദർഭ​ങ്ങ​ളി​ലും അത്തരം കാര്യ​ങ്ങ​ളെ​ക്കു​റി​ച്ചു പറയുക.—ആവർത്ത​ന​പു​സ്‌തകം 6:4-7.

¹⁷ എല്ലാ ചെടി​ക​ളും ഒരേ അവസ്ഥയിൽ തഴച്ചു​വ​ള​രു​ക​യി​ല്ലെന്നു കർഷകർക്ക​റി​യാം. ചെടി​കൾക്കു വിശേ​ഷ​വി​ധ​മായ ശ്രദ്ധ നൽകേ​ണ്ടത്‌ ആവശ്യ​മാണ്‌. സമാന​മാ​യി, കുട്ടി​ക​ളും വ്യത്യ​സ്‌ത​രാണ്‌. അവർക്ക്‌ വിശേ​ഷ​വി​ധ​മായ ശ്രദ്ധയും നിർദേ​ശ​വും ശിക്ഷണ​വും ആവശ്യ​മാണ്‌. ദൃഷ്ടാ​ന്ത​ത്തിന്‌ ഒരു കുട്ടി​യു​ടെ തെററായ നിലപാ​ടി​നു വിരാമം കുറി​ക്കു​ന്ന​തിന്‌ മാതാ​പി​താ​ക്കൾ, താൻ അനുമതി നൽകു​ന്നി​ല്ലെന്നു ദ്യോ​തി​പ്പി​ക്കുന്ന ഒരു നോട്ടം നോക്കി​യാൽ ധാരാളം മതിയാ​വും. എന്നാൽ മറെറാ​രു കുട്ടിക്ക്‌ അതിലും കട്ടിയായ ശിക്ഷണം ആവശ്യ​മാ​ണെന്നു വന്നേക്കാം. എങ്കിലും, ചില വാക്കു​ക​ളോ പ്രവൃ​ത്തി​ക​ളോ നിങ്ങളെ അസന്തു​ഷ്ട​രാ​ക്കി​യ​തി​നു കാരണ​മെ​ന്തെന്ന്‌ നിങ്ങളു​ടെ കുട്ടികൾ ഓരോ​രു​ത്ത​രും അറിഞ്ഞി​രി​ക്കേ​ണ്ട​താ​വ​ശ്യ​മാണ്‌. ശിക്ഷണം നിലനിർത്തു​ന്ന​തി​നു മാതാ​പി​താ​ക്കൾ പരസ്‌പരം സഹകരി​ക്കേ​ണ്ട​താ​വ​ശ്യ​മാണ്‌. (എഫെസ്യർ 6:4) ക്രിസ്‌തീയ മാതാ​പി​താ​ക്കൾ തിരു​വെ​ഴു​ത്തു​ക​ളു​മാ​യി നിരക്കുന്ന വ്യക്തമായ മാർഗ​നിർദേശം നൽകേ​ണ്ടത്‌ പ്രത്യേ​കി​ച്ചും പ്രധാ​ന​മാണ്‌.

18, 19. ക്രിസ്‌തീയ മാതാ​പി​താ​ക്കൾക്കു കുട്ടി​ക​ളെ​ക്കു​റി​ച്ചുള്ള ഉത്തരവാ​ദി​ത്വ​മെന്ത്‌, ആ വേല നന്നായി ചെയ്‌താൽ എന്തു ഫലം ലഭിക്കാൻ ഇടയുണ്ട്‌?

¹⁸ ഉചിത​മായ സമയത്താ​യി​രി​ക്കണം കർഷകന്റെ നടീലും വളർത്ത​ലു​മൊ​ക്കെ. അയാൾ കാലതാ​മസം വരുത്തു​ക​യോ കൃഷി അവഗണി​ക്കു​ക​യോ ചെയ്യു​ക​യാ​ണെ​ങ്കിൽ വളരെ മോശ​മായ വിളവേ ലഭിക്കു​ക​യു​ള്ളൂ. ചില​പ്പോൾ ഒട്ടും​തന്നെ കിട്ടി​യെ​ന്നും വരില്ല. കൊള്ളാം, നിങ്ങളു​ടെ കുട്ടികൾ വളർന്നു​കൊ​ണ്ടി​രി​ക്കുന്ന, വിശേ​ഷ​വി​ധ​മായ ശ്രദ്ധ ആവശ്യ​മുള്ള “ചെടികൾ” ആണ്‌. അത്തരം ശ്രദ്ധ ആവശ്യ​മാ​യി​രി​ക്കു​ന്നത്‌ അടുത്ത മാസമോ അടുത്ത വർഷമോ അല്ല മറിച്ച്‌ ഇപ്പോ​ഴാണ്‌. ദൈവ​വ​ച​ന​ത്തി​നു ചേർച്ച​യിൽ അവരുടെ ആത്മീയത വളർത്തി​യെ​ടു​ക്കു​ന്ന​തി​നുള്ള അവസരങ്ങൾ കൈവി​ട്ടു​പോ​കാൻ അനുവ​ദി​ക്ക​രുത്‌. ആത്മീയ​മാ​യി കരിഞ്ഞു​ണങ്ങി കൊഴി​യാൻ ഇടയാ​ക്കുന്ന ലൗകി​ക​ചി​ന്തകൾ പിഴു​തു​മാ​റ​റു​ന്ന​തി​നു ലഭിക്കുന്ന ഓരോ അവസര​ത്തെ​യും പ്രയോ​ജ​ന​പ്പെ​ടു​ത്തുക. നിങ്ങളു​ടെ കുട്ടി​ക​ളോ​ടൊ​പ്പം ചെലവി​ടാൻ ലഭിക്കുന്ന മണിക്കൂ​റു​ക​ളും ദിനങ്ങ​ളും വില​യേ​റി​യ​താ​യി കണക്കി​ടുക കാരണം, ഈ സമയങ്ങൾ പെട്ടെന്നു കടന്നു​പോ​കും. യഹോ​വ​യു​ടെ വിശ്വ​സ്‌ത​സേ​വകർ എന്നനി​ല​യിൽ ഒരു സന്തുഷ്ട ജീവിതം നയിക്കു​ന്ന​തി​നാ​വ​ശ്യ​മായ ദൈവിക ഗുണങ്ങൾ നിങ്ങളു​ടെ സന്തതി​യിൽ നട്ടുവ​ളർത്താൻ കഠിന​ശ്രമം ചെയ്യുക. (ഗലാത്യർ 5:22, 23; കൊ​ലൊ​സ്സ്യർ 3:12-14) ഇതു മറെറാ​രാൾ ചെയ്യേ​ണ്ടതല്ല, നിങ്ങൾ ചെയ്യേണ്ട ജോലി​യാണ്‌. അപ്രകാ​രം ചെയ്യു​ന്ന​തി​നു ദൈവ​ത്തി​നു നിങ്ങളെ സഹായി​ക്കാ​നാ​കും.

¹⁹ നിങ്ങളു​ടെ കുട്ടി​കൾക്കു സമ്പന്നമായ ആത്മീയ പൈതൃ​കം നൽകുക. അവരോ​ടൊ​പ്പം പഠിക്കു​ക​യും ആരോ​ഗ്യാ​വ​ഹ​മായ വിനോ​ദ​വേള ആസ്വദി​ക്കു​ക​യും ചെയ്യുക. നിങ്ങളു​ടെ കുട്ടി​കളെ ക്രിസ്‌തീയ യോഗ​ത്തി​നു കൂട്ടി​ക്കൊ​ണ്ടു​പോ​കു​ക​യും രാജ്യ പ്രസം​ഗ​വേ​ല​യിൽ അവരെ നിങ്ങ​ളോ​ടൊ​പ്പം കൊണ്ടു​പോ​കു​ക​യും ചെയ്യുക. യഹോ​വ​യു​ടെ അംഗീ​കാ​രം നേടു​വാൻ യോഗ്യ​ത​യുള്ള വ്യക്തി​ത്വം നിങ്ങളു​ടെ പ്രിയ മക്കളിൽ വളർത്തി​യെ​ടു​ക്കണം. പിൻവ​രുന്ന വർഷങ്ങ​ളിൽ അവർ നിങ്ങൾക്കു വളരെ​യ​ധി​കം സന്തുഷ്ടി കൈവ​രു​ത്താ​നി​ട​യുണ്ട്‌. “നീതി​മാ​ന്റെ അപ്പൻ ഏററവും ആനന്ദി​ക്കും; ജ്ഞാനി​യു​ടെ ജനകൻ അവനിൽ സന്തോ​ഷി​ക്കും. നിന്റെ അമ്മയപ്പൻമാർ സന്തോ​ഷി​ക്കട്ടെ; നിന്നെ പ്രസവി​ച്ചവൾ ആനന്ദി​ക്കട്ടെ” എന്നതു വാസ്‌ത​വം​തന്നെ.—സദൃശ​വാ​ക്യ​ങ്ങൾ 23:24, 25.

സമൃദ്ധ​മായ ഫലം

20. കൗമാ​ര​പ്രാ​യ​ക്കാ​രു​ടെ വിജയം​വ​രിച്ച മാതാ​വോ പിതാ​വോ ആയിരി​ക്കു​ന്ന​തി​നുള്ള താക്കോൽ എന്ത്‌?

²⁰ കുട്ടി​കളെ വളർത്തി​ക്കൊ​ണ്ടു​വ​രുക എന്നത്‌ ഒരു വിഷമം​പി​ടിച്ച, ദീർഘ​കാല നിയോ​ഗ​മാണ്‌. ‘നിന്റെ മേശെക്കു ചുററു​മുള്ള ഒലിവു​തൈക’ളായ ഇവരെ രാജ്യ​ഫലം ഉത്‌പാ​ദി​പ്പി​ക്കുന്ന ദൈവ​ഭ​യ​മുള്ള യുവാ​ക്ക​ളാ​യി വളർത്തി​യെ​ടു​ക്കു​ന്നത്‌ ഒരു 20 വത്സര പദ്ധതി​യാ​ണെന്നു പറയ​പ്പെ​ട്ടി​രി​ക്കു​ന്നു. (സങ്കീർത്തനം 128:3; യോഹ​ന്നാൻ 15:8) കുട്ടികൾ കൗമാ​ര​പ്രാ​യ​ത്തി​ലേക്കു കടക്കു​മ്പോൾ ഈ പദ്ധതി മിക്ക​പ്പോ​ഴും കൂടുതൽ പ്രയാ​സ​ക​ര​മാ​യി​ത്തീ​രും. ആ ഘട്ടത്തിൽ കുട്ടി​ക​ളു​ടെ​മേ​ലുള്ള സമ്മർദം ഏറുക​യും തങ്ങളുടെ ശ്രമങ്ങൾ തീവ്ര​മാ​ക്കേ​ണ്ട​തു​ണ്ടെന്നു മാതാ​പി​താ​ക്കൾ തിരി​ച്ച​റി​യു​ക​യും ചെയ്യും. എന്നാൽ, വിജയ​ത്തി​ന്റെ താക്കോൽ ഇതു തന്നെയാണ്‌—ശ്രദ്ധയു​ള്ള​വ​രും ഊഷ്‌മ​ള​ത​യു​ള്ള​വ​രും ധാരണ​യു​ള്ള​വ​രും ആയിരി​ക്കുക. നിങ്ങളു​ടെ കുട്ടി​കൾക്കു വ്യക്തി​പ​ര​മായ ശ്രദ്ധ ആവശ്യ​മാ​ണെ​ന്നത്‌ ഓർക്കുക. അവരുടെ ക്ഷേമത്തിൽ ആത്മാർഥ​ത​യോ​ടെ സ്‌നേ​ഹ​നിർഭ​ര​മായ താത്‌പ​ര്യ​മെ​ടു​ത്തു​കൊണ്ട്‌ അത്തരം ശ്രദ്ധ നിങ്ങൾക്കു നൽകാ​വു​ന്ന​താണ്‌. അവരെ സഹായി​ക്കു​ന്ന​തി​നു നിങ്ങൾ നിങ്ങ​ളെ​ത്തന്നെ വിട്ടു​കൊ​ടു​ക്കണം. അതായത്‌, അവർക്കു വാസ്‌ത​വ​ത്തിൽ ആവശ്യ​മായ നിങ്ങളു​ടെ സമയവും സ്‌നേ​ഹ​വും പരിഗ​ണ​ന​യും പ്രദാനം ചെയ്യണ​മെ​ന്നു​തന്നെ.

21. കുട്ടി​കൾക്കു വിശേ​ഷ​വി​ധ​മായ ശ്രദ്ധ നൽകു​ന്നത്‌ എന്തു ഫലം ഉളവാ​ക്കി​യേ​ക്കാം?

²¹ യഹോവ ഏൽപ്പി​ച്ചി​രി​ക്കുന്ന വില​യേ​റിയ ഉത്‌പന്നം സംരക്ഷി​ക്കു​ന്ന​തി​നു നിങ്ങൾ ചെയ്‌ത ശ്രമങ്ങൾക്കുള്ള പ്രതി​ഫലം ഏതൊരു കർഷക​ന്റെ​യും സമൃദ്ധ​മായ വിള​വെ​ടു​പ്പി​നെ​ക്കാ​ളും വളരെ​യേറെ സംതൃ​പ്‌തി​ദാ​യ​ക​മാ​യി​രി​ക്കാ​വു​ന്ന​താണ്‌. (സങ്കീർത്തനം 127:3-5) അതു​കൊ​ണ്ടു മാതാ​പി​താ​ക്കളേ, നിങ്ങളു​ടെ കുട്ടി​കൾക്കു വിശേ​ഷ​വി​ധ​മായ ശ്രദ്ധ നൽകു​ന്ന​തിൽ തുടരുക. അവരുടെ നൻമയ്‌ക്കും നമ്മുടെ സ്വർഗീ​യ​പി​താ​വായ യഹോ​വ​യു​ടെ മഹത്ത്വ​ത്തി​നു​മാ​യി അപ്രകാ​രം ചെയ്യുക.

നിങ്ങൾ എങ്ങനെ ഉത്തരം നൽകും?

◻ ചെടികൾ വളർത്തു​ന്ന​തും കുട്ടി​കളെ സംരക്ഷി​ക്കു​ന്ന​തും തമ്മിൽ എങ്ങനെ താരത​മ്യം ചെയ്യാ​വു​ന്ന​താണ്‌?

◻ ഒരു കുട്ടിക്ക്‌ ശൈശവം മുതൽക്കേ ഏതു വിധത്തി​ലുള്ള ശ്രദ്ധ ദിവസേന ലഭി​ക്കേ​ണ്ട​തുണ്ട്‌?

◻ വിശേ​ഷ​വി​ധ​മായ എന്തു ശ്രദ്ധ കുട്ടി​കൾക്ക്‌ ആവശ്യ​മാണ്‌, അതു നൽകാ​വുന്ന വിധ​മേത്‌?

◻ നിങ്ങളു​ടെ കുട്ടിക്കു വിശേ​ഷ​വി​ധ​മായ ശ്രദ്ധ നൽകേ​ണ്ടത്‌ എന്തു​കൊണ്ട്‌?