ഗിലെ​യാദ്‌ ബിരു​ദ​ധാ​രി​കൾ “കൊടു​ക്കു​ന്ന​തിൽ അധികം സന്തുഷ്ടി” കണ്ടെത്തു​ന്നു

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​നാല്‌ മാർച്ച്‌ 6 ഞായർ. യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​ന​ത്തുള്ള ബെഥേൽകു​ടും​ബ​ത്തി​നും അതിഥി​കൾക്കും ഉത്സവ​പ്ര​തീ​തി. വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ 96-ാമത്തെ ക്ലാസ്സിന്റെ ബിരു​ദ​ദാ​ന​മാ​ണു സംഭവം. രണ്ടു പതിറ​റാ​ണ്ടോ​ള​മാ​യി യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തിൽ സേവി​ക്കുന്ന കാൾ എഫ്‌. ക്ലൈൻ ആയിരു​ന്നു പരിപാ​ടി​യു​ടെ അധ്യക്ഷൻ. ഉദ്‌ഘാ​ട​ന​പ്ര​സം​ഗം നടത്തി​ക്കൊണ്ട്‌, 46 വിദ്യാർഥി​ക​ളോ​ടാ​യി അദ്ദേഹം പറഞ്ഞു: “സ്വീക​രി​ക്കു​ന്ന​തി​ലു​ള്ള​തി​നെ​ക്കാൾ കൊടു​ക്കു​ന്ന​തിൽ അധികം സന്തുഷ്ടി​യുണ്ട്‌ എന്നു യേശു പറഞ്ഞി​രി​ക്കു​ന്നു. നിങ്ങളു​ടെ മിഷനറി നിയമ​ന​ത്തി​ന്റെ കാര്യ​ത്തി​ലും സ്ഥിതി അങ്ങനെ​തന്നെ—നിങ്ങൾ എന്തുമാ​ത്രം കൊടു​ക്കു​ന്നു​വോ നിങ്ങൾ അത്രമാ​ത്രം സന്തുഷ്ട​രാ​യി​രി​ക്കും.”—പ്രവൃ​ത്തി​കൾ 20:35.

പ്രബോ​ധനം—വിടവാ​ങ്ങൽവ​ച​ന​ങ്ങ​ളി​ലൂ​ടെ

പിന്നെ വിദ്യാർഥി​കൾക്കു​വേ​ണ്ടി​യുള്ള പ്രസം​ഗ​ങ്ങ​ളു​ടെ ഒരു പരമ്പര​ത​ന്നെ​യാ​യി​രു​ന്നു. സർവീസ്‌ ഡിപ്പാർട്ടു​മെൻറ്‌ കമ്മിറ​റി​യി​ലെ ലിയോൻ വീവർ “സഹിഷ്‌ണുത യഹോ​വയെ മഹത്ത്വ​പ്പെ​ടു​ത്തു​ന്നു” എന്ന വിഷയത്തെ കുറിച്ചു വിശദ​മാ​യി പ്രസം​ഗി​ച്ചു. നാമെ​ല്ലാം പരി​ശോ​ധ​ന​കളെ അഭിമു​ഖീ​ക​രി​ക്കു​ന്നു. (2 കൊരി​ന്ത്യർ 6:3-5) “സമ്മർദ​ത്തിൻ കീഴി​ലാ​കു​മ്പോൾ നമ്മിൽത്തന്നെ ആശ്രയി​ക്കുക വളരെ എളുപ്പ​മാണ്‌” എന്നു നിരീ​ക്ഷിച്ച വീവർ സഹോ​ദരൻ വിദ്യാർഥി​കളെ ഇങ്ങനെ ഓർമ​പ്പെ​ടു​ത്തി: “മനുഷ്യർക്കു സാധാ​ര​ണ​മായ ഏതു പരി​ശോ​ധന നേരി​ട്ടാ​ലും, യഹോവ അതു ശ്രദ്ധി​ക്കാ​തി​രി​ക്കില്ല. നിങ്ങൾക്കു സഹിക്കാ​വു​ന്ന​തി​ന​പ്പു​റം പരീക്ഷി​ക്ക​പ്പെ​ടാൻ അവൻ നിങ്ങളെ ഒരിക്ക​ലും അനുവ​ദി​ക്ക​യില്ല.”—1 കൊരി​ന്ത്യർ 10:13, NW.

“നിങ്ങളു​ടെ നിയമ​നത്തെ എന്നും മതി​പ്പോ​ടെ കാത്തു​കൊ​ള്ളുക” എന്ന ശീർഷ​ക​ത്തി​ലുള്ള അടുത്ത പ്രസംഗം നിർവ​ഹി​ച്ചത്‌ ഭരണസം​ഘാം​ഗ​മായ ലൈമൻ സ്വിംഗൾ ആയിരു​ന്നു. എവിടെ ജീവി​ക്കും, എന്തു വേല ചെയ്യും എന്നിങ്ങ​നെ​യുള്ള കാര്യങ്ങൾ ഇസ്രാ​യേൽ ജനത എല്ലായ്‌പോ​ഴും സ്വയം തീരു​മാ​നി​ക്കു​ക​യാ​യി​രു​ന്നില്ല. ഓരോ ഗോ​ത്ര​ത്തി​നും പ്രദേശം വിഭാ​ഗി​ച്ചു​കൊ​ടു​ക്കു​ക​യാ​യി​രു​ന്നു. ലേവ്യർക്കും നിർദിഷ്ട വേല സംബന്ധിച്ച നിയമനം കൊടു​ക്കു​ക​യാ​യി​രു​ന്നു. അതു​പോ​ലെ​തന്നെ ഇന്നും മിഷന​റി​മാർ, ബെഥേൽകു​ടും​ബാം​ഗങ്ങൾ എന്നിങ്ങനെ പ്രത്യേക മുഴു​സ​മ​യ​സേ​വ​ന​ത്തി​ലു​ള്ളവർ തങ്ങൾ എവിടെ ജീവി​ക്കും, എന്തു വേല ചെയ്യും എന്നൊ​ന്നും സ്വയം തീരു​മാ​നി​ക്കു​ന്നില്ല. നിയമ​നത്തെ സംബന്ധിച്ച്‌ ഒരുവൻ സന്ദിഗ്‌ധാ​വ​സ്ഥ​യി​ലാ​ണെ​ങ്കി​ലോ? “നമ്മുടെ വിശ്വാ​സ​ത്തി​ന്റെ മുഖ്യ കാര്യ​സ്ഥ​നായ യേശു​ക്രി​സ്‌തു​വിൽ ഏകാ​ഗ്ര​മാ​യി നോക്കി അവന്റെ മാതൃ​ക​യെ​ക്കു​റി​ച്ചു സസൂക്ഷ്‌മം പരിചി​ന്തി​ക്കുക. അങ്ങനെ​യെ​ങ്കിൽ നിങ്ങൾ തളരാൻപോ​കു​ന്നില്ല,” സ്വിംഗൾ സഹോ​ദരൻ പറഞ്ഞു.—എബ്രായർ 12:2, 3, NW.

“ലക്ഷ്യത്തിൽ ദൃഷ്ടി​പ​തി​പ്പിച്ച്‌ നില​കൊ​ള്ളുക” എന്ന വിഷയ​വു​മാ​യി വന്ന വാച്ച്‌ടവർ ഫാംസി​ലെ ലെനാർഡ്‌ പിയേ​ഴ്‌സൻ പറഞ്ഞത്‌ ഇങ്ങനെ​യാ​യി​രു​ന്നു: “നിങ്ങളു​ടെ പക്കൽ ചില​പ്പോൾ ഏററവും മികച്ച ക്യാമ​റ​യു​ണ്ടാ​വാം. പകർത്താൻ ഒരു ഉഗ്രൻ ദൃശ്യ​വും അതിനു പററിയ ഒരു പശ്ചാത്ത​ല​വും. എന്നാൽപ്പോ​ലും കിട്ടു​ന്നത്‌ ഒരു മോശം​ചി​ത്ര​മാ​കാം—ക്യാമറ ഫോക്ക​സ്സാ​യി​ല്ലെ​ങ്കിൽ.” വിശാ​ല​കോണ (wide-angle) ലെൻസി​ന്റെ കാര്യ​ത്തി​ലെ​ന്ന​പോ​ലെ, നമ്മുടെ ദൃഷ്ടി​യിൽ ലോക​വ്യാ​പ​ക​മാ​യി നടക്കുന്ന പ്രസം​ഗ​വേല ഉൾപ്പെ​ട്ടി​രി​ക്കണം. ആകമാ​ന​ചി​ത്രം നാം ഒരിക്ക​ലും മറന്നു​ക​ള​യ​രുത്‌. “തങ്ങളിൽത്തന്നെ ശ്രദ്ധ കേന്ദ്രീ​ക​രി​ക്കു​ന്നവർ നിയമ​ന​ത്തിൽ അസന്തു​ഷ്ട​രാ​യി​രി​ക്കും” എന്നു പിയേ​ഴ്‌സൻ പറഞ്ഞു. “യഹോ​വ​യി​ലും ചെയ്യാൻ അവൻ ഏൽപ്പി​ച്ചി​രി​ക്കുന്ന വേലയി​ലും ശ്രദ്ധ കേന്ദ്രീ​ക​രി​ക്കു​ന്നവർ വിജയി​ക്കും.”

“നന്ദിയു​ള്ള​വ​രാ​യി​രി​ക്കാൻ ധാരാളം സംഗതി​കൾ” എന്ന വിഷയ​ത്തെ​ക്കു​റി​ച്ചു പ്രസം​ഗിച്ച ഭരണസം​ഘ​ത്തി​ലെ മറെറാ​രം​ഗ​മായ ജോൺ ഇ. ബാർ വിദ്യാർഥി​കൾക്കാ​യി ഈ മുന്നറി​യി​പ്പു കൊടു​ത്തു: “യഹോ​വ​യോ​ടുള്ള നിങ്ങളു​ടെ കൃതജ്ഞ​താ​ബോ​ധം ഒരിക്ക​ലും നഷ്ടപ്പെ​ടു​ത്ത​രുത്‌. അതു സംതൃ​പ്‌തി​യു​ടെ ഏററവും വലിയ ഉറവു​ക​ളിൽ ഒന്നാണ്‌. അതിനു നിങ്ങളു​ടെ നിയമനം ഇന്നതാ​യി​രി​ക്ക​ണ​മെ​ന്നില്ല.” നന്ദി തുളു​മ്പുന്ന ഒരു മനോ​ഭാ​വ​ത്താൽ പ്രചോ​ദി​ത​മാ​യി ദാവീദ്‌ എഴുതി: “മനോ​ഹ​ര​മായ പ്രദേ​ശ​ത്താണ്‌ എനിക്കു​വേണ്ടി അളവു​നൂൽ വീണി​രി​ക്കു​ന്നത്‌: വാസ്‌ത​വ​ത്തിൽ എനിക്ക്‌ എന്റെ അവകാശം ഇഷ്ടപ്പെട്ടു.” (സങ്കീർത്തനം 16:6, NW) “നിങ്ങളു​ടെ അനുദി​ന​ജീ​വി​ത​ത്തിൽ യഹോ​വ​യു​മാ​യി അടുത്താണ്‌ എന്നു തോന്നു​മ്പോൾ നിങ്ങൾക്കു​ള്ളത്‌ അത്തര​മൊ​രു മുതൽക്കൂ​ട്ടാണ്‌,” ബാർ സഹോ​ദരൻ പറഞ്ഞു. “നിങ്ങൾക്ക്‌ ഏററവും ഇഷ്ടപ്പെട്ട, നന്ദി സ്‌ഫു​രി​ക്കുന്ന ഒന്നായി അതിനെ നിങ്ങൾ വീക്ഷി​ക്കു​ന്നി​ട​ത്തോ​ളം കാലം യഹോവ നിങ്ങളിൽനിന്ന്‌ ആ ബന്ധം ഒരിക്ക​ലും എടുത്തു​ക​ള​യില്ല.”

അടുത്ത​താ​യി പ്രസം​ഗി​ച്ചത്‌ ഗിലെ​യാദ്‌ അധ്യാ​പ​ക​നായ ജാക്ക്‌ റെഡ്‌ഫോർഡ്‌ ആയിരു​ന്നു. “നിങ്ങളുടെ നാവിനെ എങ്ങനെ ഉപയോ​ഗി​ക്കും?” എന്നതാ​യി​രു​ന്നു അദ്ദേഹ​ത്തി​ന്റെ വിഷയം. എന്തൊരു നാശന​ഷ്ട​മാണ്‌ ചിന്താ​ശൂ​ന്യ​മായ സംസാ​രം​കൊണ്ട്‌ ഉണ്ടാവുക! (സദൃശ​വാ​ക്യ​ങ്ങൾ 18:21) നാവിനെ നിയ​ന്ത്ര​ണാ​ധീ​ന​മാ​ക്കാൻ എങ്ങനെ കഴിയും? റെഡ്‌ഫോർഡ്‌ സഹോ​ദ​രന്റെ ഉത്തരം ഇതായി​രു​ന്നു: “മനസ്സിനെ പരിശീ​ലി​പ്പി​ക്കു​ക​യാണ്‌ ആദ്യം ചെയ്യേ​ണ്ടത്‌. കാരണം നാവു പ്രതി​ഫ​ലി​പ്പി​ക്കു​ന്നതു മനസ്സി​നെ​യും ഹൃദയ​ത്തെ​യു​മാണ്‌.” (മത്തായി 12:34-37) ഇക്കാര്യ​ത്തിൽ ഒന്നാന്തരം മാതൃ​ക​യാണ്‌ യേശു​വി​ന്റേത്‌. അവൻ യഹോ​വ​യു​ടെ നാമത്തെ മഹത്ത്വീ​ക​രി​ക്കാൻവേണ്ടി നാവിനെ ഉപയോ​ഗി​ച്ചു. “യഹോ​വ​യു​ടെ വചനങ്ങൾ കേൾക്കാ​നാ​യി ഇന്ന്‌ ആളുകൾക്കു വലിയ വിശപ്പുണ്ട്‌.” എന്നാൽ “ആ വചനങ്ങൾ നിങ്ങൾക്ക്‌ അറിയാം. ‘പഠിപ്പി​ക്ക​പ്പെ​ട്ട​വ​രു​ടെ നാവ്‌’ നിങ്ങൾക്കുണ്ട്‌. അതു​കൊണ്ട്‌, യഹോ​വക്കു മുഴു​വ​നാ​യി അർപ്പി​ത​മായ മനസ്സും ഹൃദയ​വും നിങ്ങളു​ടെ നാവിനെ എല്ലായ്‌പോ​ഴും നയിക്കു​മാ​റാ​കട്ടെ” എന്ന്‌ റെഡ്‌ഫോർഡ്‌ സഹോ​ദരൻ ക്ലാസ്സി​നോ​ടു പറഞ്ഞു.—യെശയ്യാവ്‌ 50:4, NW.

പ്രാർഥ​ന​യു​ടെ പ്രാധാ​ന്യ​ത്തിന്‌ ഊന്നൽ കൊടു​ക്കു​ന്ന​താ​യി​രു​ന്നു “യഹോ​വ​യു​ടെ സന്നിധാ​ന​ത്തി​ലെ​ന്ന​പോ​ലെ നിങ്ങൾ നടക്കു​ന്നു​വോ?” എന്ന പ്രസംഗം. സ്‌കൂ​ളി​ന്റെ രജിസ്‌റ്ര​റാ​റായ യുളീ​സീസ്‌ ഗ്ലാസ്‌ ഇങ്ങനെ പ്രസ്‌താ​വി​ച്ചു: “കുടും​ബം പുലർത്താൻ കഠിനാ​ധ്വാ​നം ചെയ്യുന്ന ഒരു പിതാവ്‌. പക്ഷേ, കുടും​ബ​ത്തോട്‌ ഒരു വാക്കു സംസാ​രി​ക്കാ​റില്ല. ലാളനാ​പ്ര​ക​ട​ന​ങ്ങ​ളു​മില്ല. അങ്ങനെ​യാ​വു​മ്പോൾ കുടും​ബാം​ഗങ്ങൾ വിചാ​രി​ക്കും, അദ്ദേഹത്തെ ഭരിക്കു​ന്നതു സ്‌നേ​ഹമല്ല, വിരസ​മായ വെറും ഉത്തരവാ​ദി​ത്വ ബോധ​മാണ്‌ എന്ന്‌. നമ്മുടെ കാര്യ​വും അങ്ങനെ​തന്നെ. ദൈവ​സേ​വ​ന​ത്തിൽ നാം തിരക്കു​ള്ള​വ​രാ​യി​രു​ന്നേ​ക്കാം. പക്ഷേ, പ്രാർഥി​ക്കു​ന്നി​ല്ലെ​ങ്കിൽ, നാം അർപ്പി​ത​രാ​യി​രി​ക്കു​ന്നത്‌ സ്‌നേ​ഹ​നി​ധി​യായ സ്വർഗീയ പിതാ​വി​നോട്‌ എന്നതി​നെ​ക്കാൾ ജോലി​യോ​ടാ​യി​രി​ക്കും.”

“ജനസമൂ​ഹങ്ങൾ ദൈവ​ജ​ന​വു​മാ​യി സഹവസി​ക്കു​ന്ന​തി​ന്റെ കാരണം” എന്നതാ​യി​രു​ന്നു ഭരണസം​ഘ​ത്തി​ലെ തിയോ​ഡോർ ജരസ്സിന്റെ പ്രസം​ഗ​വി​ഷയം. ഓരോ വർഷവും ലക്ഷക്കണ​ക്കിന്‌ ആളുകൾ യഹോ​വ​യു​ടെ സ്ഥാപന​ത്തി​ലേക്കു പററം​പ​റ​റ​മാ​യി വന്നു​ചേ​രു​ന്നു. (സെഖര്യാ​വു 8:23) യഹോ​വ​യു​ടെ സാക്ഷി​കളെ ദൈവ​ജ​ന​മാ​യി തിരി​ച്ച​റി​യി​ക്കു​ന്നത്‌ എന്താണ്‌? ഒന്ന്‌, അവർ മുഴു ബൈബി​ളി​നെ​യും ദൈവ​വ​ച​ന​മാ​യി അംഗീ​ക​രി​ക്കു​ന്നു. (2 തിമൊ​ഥെ​യൊസ്‌ 3:16) രണ്ട്‌, അവർ രാഷ്‌ട്രീ​യ​മാ​യി നിഷ്‌പ​ക്ഷ​രാണ്‌. (യോഹ​ന്നാൻ 17:16) മൂന്ന്‌, അവർ ദൈവ​നാ​മ​ത്തി​നു സാക്ഷ്യം വഹിക്കു​ന്നു. (യോഹ​ന്നാൻ 17:26) നാല്‌, അവർ ആത്മത്യാ​ഗ​പ​ര​മായ സ്‌നേഹം പ്രകടി​പ്പി​ക്കു​ന്നു. (യോഹ​ന്നാൻ 13:35; 15:13) ഇത്രയും തെളി​വു​ള്ള​പ്പോൾ, ‘അന്ധകാ​ര​ത്തിൽനി​ന്നു തന്റെ അത്ഭുത​പ്ര​കാ​ശ​ത്തി​ലേക്കു നമ്മെ വിളി​ച്ച​വന്റെ സൽഗു​ണ​ങ്ങളെ’ നമുക്കു സധൈ​ര്യം ‘ഘോഷി’ക്കാവു​ന്ന​താണ്‌.—1 പത്രൊസ്‌ 2:9.

കോരി​ത്ത​രി​പ്പി​ക്കുന്ന ഈ പ്രസം​ഗ​ങ്ങൾക്കു​ശേഷം 46 വിദ്യാർഥി​കൾക്കും ബിരുദം ലഭിച്ചു. ഗോള​ത്തി​നു ചുററു​മുള്ള 16 രാജ്യങ്ങൾ അവരുടെ നിയമ​ന​ത്തിൽപ്പെ​ടു​ന്നു.

ഉച്ചതി​രി​ഞ്ഞുള്ള ബഹുവി​ധ​പ​രി​പാ​ടി

ഉച്ചതി​രിഞ്ഞ്‌, ബെഥേൽ കമ്മിറ​റി​യം​ഗ​മായ ഡോണാൾഡ്‌ ക്രെബ്‌സ്‌ വീക്ഷാ​ഗോ​പുര അധ്യയ​ന​സം​ഗ്രഹം നിർവ​ഹി​ച്ചു. അതിനു​ശേഷം, “ജ്ഞാനം തെരു​വിൽനിന്ന്‌ ഉച്ചത്തിൽ വിളി​ച്ച​റി​യി​ക്കു​ന്നു” എന്ന ശീർഷ​ക​ത്തിൽ ബിരു​ദ​ധാ​രി​ക​ളു​ടേ​തായ ഒരു പരിപാ​ടി അരങ്ങേറി. (സുഭാ​ഷി​തങ്ങൾ 1:20, പി.ഒ.സി. ബൈബിൾ) തെരു​വി​ലും ബിസി​നസ്സ്‌ മേഖല​യി​ലും സാക്ഷീ​ക​രി​ച്ച​പ്പോൾ ഫലസി​ദ്ധി​യു​ണ്ടായ അനുഭ​വങ്ങൾ അവർ സ്‌റേ​റ​ജിൽ പുനരാ​വി​ഷ്‌ക​രി​ച്ചു. അനൗപ​ചാ​രി​ക​മാ​യി സാക്ഷീ​ക​രി​ക്കാൻ ധൈര്യം സംഭരി​ക്കു​ന്ന​വരെ യഹോവ സത്യമാ​യും അനു​ഗ്ര​ഹി​ക്കു​ന്നു. ഒരു ബിരു​ദ​ധാ​രി പറഞ്ഞു: “ദൂതൻമാ​രായ കൊയ്‌ത്തു​കാ​രു​ടെ കയ്യിലെ അരിവാ​ളു​ക​ളാണ്‌ നാം എന്നു ചിന്തി​ക്കാ​നാണ്‌ എനിക്കി​ഷ്ടം. നമ്മുടെ വൈദ​ഗ്‌ധ്യ​ങ്ങൾക്കു മൂർച്ച​യേ​റു​ന്ന​ത​നു​സ​രിച്ച്‌ കൂടുതൽ വേല ചെയ്യാൻ ആ ദൂതൻമാർക്കു നമ്മെ ഉപയോ​ഗി​ക്കാ​നാ​വും.” (താരത​മ്യം ചെയ്യുക: വെളി​പ്പാ​ടു 14:6.) വിദ്യാർഥി​ക​ളു​ടെ പരിപാ​ടി​യിൽ സ്‌​ളൈഡ്‌ പ്രദർശ​ന​വും ഉണ്ടായി​രു​ന്നു. അതാകട്ടെ, ബൊളീ​വിയ, മാൾട്ട, തയ്‌വാൻ എന്നിവി​ട​ങ്ങ​ളി​ലേക്കു സദസ്യർ ഒരു പഠനസ​ഞ്ചാ​രം നടത്തിയ പ്രതീ​തി​യു​ള​വാ​ക്കി. ഈ ക്ലാസ്സിലെ ബിരു​ദ​ധാ​രി​കൾ നിയമ​നം​കി​ട്ടി​പ്പോ​കുന്ന രാജ്യ​ങ്ങ​ളിൽ ഈ മൂന്നു രാജ്യ​ങ്ങ​ളു​മുണ്ട്‌.

അടുത്ത​താ​യി, 17 വർഷമാ​യി മിഷനറി സേവന​ത്തി​ലാ​യി​രുന്ന വാലസ്സ്‌ ലിവറൻസ്‌, ജെയിൻ ലിവറൻസ്‌ എന്നിവ​രു​മൊ​ത്തുള്ള ഒരു അഭിമു​ഖ​മാ​യി​രു​ന്നു. 1993 ഒക്‌ടോ​ബ​റിൽ വാച്ച്‌ടവർ ഫാംസി​ലേക്കു ക്ഷണിച്ചു​വ​രു​ത്തി​യ​താ​യി​രു​ന്നു അവരെ. ഇപ്പോൾ അവിടെ ലിവറൻസ്‌ സഹോ​ദരൻ ഒരു ഗിലെ​യാദ്‌ അധ്യാ​പ​ക​നാണ്‌.

“അർഹി​ക്കു​ന്ന​വരെ അവരുടെ വാർധ​ക്യ​വർഷ​ങ്ങ​ളിൽ ബഹുമാ​നി​ക്കൽ” എന്ന നാലു ഭാഗങ്ങ​ളുള്ള ഒരു പരിപാ​ടി​യാ​യി​രു​ന്നു തുടർന്നു നടന്നത്‌. പ്രായം​ചെ​ല്ലു​ന്തോ​റും തങ്ങൾ പ്രയോ​ജ​ന​ര​ഹി​ത​രാണ്‌, പരിത്യ​ജി​ക്ക​പ്പെ​ട്ട​വ​രാണ്‌ എന്ന്‌ ആളുകൾ ചിന്തി​ക്കു​ന്നു. ഇത്‌ അവരുടെ ആത്മവി​ശ്വാ​സത്തെ അലട്ടി​യേ​ക്കാം. (സങ്കീർത്തനം 71:9) ഹൃദയത്തെ തൊട്ടു​ണർത്തുന്ന ഇതിന്റെ അവതരണം സഭയിലെ സകലർക്കും പ്രായ​മേ​റിയ വിശ്വ​സ്‌തരെ എങ്ങനെ പിന്തു​ണ​ക്കാ​നാ​വും എന്നു പ്രകട​മാ​ക്കി.

ഗീതവും സമാപ​ന​പ്രാർഥ​ന​യും കഴിഞ്ഞ​പ്പോൾ ജേഴ്‌സി സിററി അസംബ്ലി ഹാളി​ലും മററു പാർശ്വ​ഹാ​ളു​ക​ളി​ലു​മാ​യി ഹാജരാ​യി​രുന്ന 6,220 പേരും നവോൻമേ​ഷി​ത​രാ​യി. നമ്മുടെ പ്രാർഥ​ന​യിൽ പുതു​താ​യി നിയമനം ലഭിച്ച ഈ ബിരു​ദ​ധാ​രി​ക​ളു​മുണ്ട്‌. കൊടു​ക്കു​ന്ന​തിൽനി​ന്നു കൈവ​രുന്ന കൂടു​ത​ലായ സന്തുഷ്ടി അവർ തുടർന്നും അനുഭ​വി​ക്കു​മാ​റാ​കട്ടെ.

[26-ാം പേജിലെ ചതുരം]

ക്ലാസ്സിന്റെ സ്ഥിതി​വി​വ​ര​ക്ക​ണ​ക്കു​കൾ

പ്രതിനിധാനം ചെയ്‌ത രാജ്യ​ങ്ങ​ളു​ടെ എണ്ണം: 9

നിയമിച്ചയക്കപ്പെട്ട രാജ്യ​ങ്ങ​ളു​ടെ എണ്ണം: 16

വിദ്യാർഥികളുടെ എണ്ണം: 46

ശരാശരി പ്രായം: 33.85

സത്യത്തിലെ ശരാശരി വർഷം: 16.6

മുഴുസമയ ശുശ്രൂ​ഷ​യി​ലെ ശരാശരി വർഷം: 12.2

[27-ാം പേജിലെ ചതുരം]

മാൾട്ടയ്‌ക്കു സവിശേഷ ശ്രദ്ധ

മാൾട്ടയിൽ അനേക​വർഷ​ങ്ങ​ളാ​യി ക്രൈ​സ്‌ത​വ​ലോ​കം ബൈബിൾസ​ത്യം മൂടി​വെ​ച്ചി​രി​ക്കു​ക​യാ​യി​രു​ന്നു. 1947-ലെ എട്ടാമത്തെ ക്ലാസ്സിൽനി​ന്നു ബിരുദം നേടിയ ഫ്രെഡ​റിക്‌ സ്‌മെ​ഡ്‌ലി, പീററർ ബ്രൈ​ഡെൽ എന്നിവ​രാണ്‌ അവി​ടേക്ക്‌ അയയ്‌ക്ക​പ്പെട്ട അവസാ​നത്തെ ഗിലെ​യാദ്‌ മിഷന​റി​മാർ. പക്ഷേ, എത്തി​ച്ചേർന്ന്‌ അധികം താമസി​യാ​തെ അറസ്‌റ​റു​ചെ​യ്യ​പ്പെട്ട അവർ മാൾട്ട​യിൽനി​ന്നു പുറത്താ​ക്ക​പ്പെട്ടു. യഹോ​വ​യു​ടെ സാക്ഷി​ക​ളു​ടെ 1948-ലെ വാർഷിക പുസ്‌തകം [ഇംഗ്ലീഷ്‌] ഇങ്ങനെ റിപ്പോർട്ടു ചെയ്യുന്നു: “റോമൻ കത്തോ​ലി​ക്കാ പുരോ​ഹി​ത​മേ​ധാ​വി​ത്വ​ത്തി​ന്റെ എതിർപ്പു​മൂ​ലം, ഈ രണ്ടു മിഷന​റി​മാർക്ക്‌ തങ്ങളുടെ ശുശ്രൂ​ഷാ​പ​ര​മായ കർത്തവ്യ​ങ്ങ​ളിൽ വ്യാപ​രി​ക്കാൻ ലഭിച്ച​ത്ര​യും സമയം കോട​തി​ക​ളി​ലും രാജ്യത്തെ ഉദ്യോ​ഗ​സ്‌ഥൻമാ​രു​ടെ കൂടെ​യും ചെലവ​ഴി​ക്കേ​ണ്ടി​വന്നു. മാൾട്ട കത്തോ​ലി​ക്കർക്കു​ള്ള​താണ്‌, വേറെ ആരായാ​ലും പോയേ മതിയാ​വൂ എന്നാണു പുരോ​ഹി​തൻമാർ പറയു​ന്നത്‌.” എന്നാൽ അതിനു​ശേഷം 45 വർഷം പിന്നിട്ട ഇപ്പോൾ 96-ാമത്തെ ഗിലെ​യാദ്‌ ക്ലാസ്സിൽനി​ന്നു നാലു മിഷന​റി​മാ​രെ​യാണ്‌ മാൾട്ട​യി​ലേക്ക്‌ അയച്ചി​രി​ക്കു​ന്നത്‌.

[26-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരുദം നേടുന്ന 96-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്‌റ​റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) ഏയ്‌ല​ഴ്‌സ്‌ പി.; ഗിസ്സി എം.; സ്സെൽമൻ എസ്‌.; സൂസ്‌പെ​രേഗി ജെ.; റോ എസ്സ്‌.; ജാക്‌സൻ കെ.; സ്‌കോട്ട്‌ ടി. (2) ലിയർ ടി.; ഗാർസിയ ഐ.; ഗാർസിയ ജെ.; ഫെർണാ​ണ്ടസ്‌ എ.; ഡേവി​ഡ്‌സൻ എൽ.; ലീഡമൻ പി.; ഗിബ്‌സൻ എൽ.; ഹ്‌വേ​റസ്‌ സി. (3) ഫൗററ്‌സ്‌ സി.; പാസ്‌ട്രേന ജി.; ക്ലോസൻ ഡി.; ഫെർണാ​ണ്ടസ്‌ എൽ.; വോൾസ്‌ എം.; ഡ്രെസെൻ എം.; പാസ്‌ട്രേന എഫ്‌.; ബർക്‌സ്‌ ജെ. (4) ബർക്‌സ്‌ ഡി.; സ്‌കോട്ട്‌ എസ്‌.; ജാക്‌സൻ എം.; മൊറേ എച്ച്‌.; ഹ്‌വേ​റസ്‌ എൽ.; സൂസ്‌പെ​രേഗി എ.; ബ്രോർഷൊൻ സി.; റോ സി.; (5) സ്സെൽമൻ കെ.; ലീഡമൻ പി.; ഡേവി​ഡ്‌സൻ സി.; മൊറേ എസ്‌.; വോൾസ്‌ ഡി.; ഡ്രെസെൻ ഡി.; സ്‌കാ​ഫെ​സ്‌മാ ജി.; ലിയർ എസ്‌. (6) ക്ലോയ്‌സൻ ടി.; ഗിബ്‌സൻ ടി.; ഗിസ്സി സി.; ഏയ്‌ല​ഴ്‌സ്‌ ഡി.; ഫൗററ്‌സ്‌ ആർ.; സ്‌കാ​ഫെ​സ്‌മാ എസ്‌.; ബ്രോർഷൊൻ എൽ.