നിങ്ങളു​ടെ പ്രാർഥ​നകൾ എങ്ങനെ ധന്യമാ​ക്കാം?

യഹോ​വ​യാം ദൈവ​ത്തി​ന്റെ സ്‌നേ​ഹ​പു​ര​സ്സ​ര​മായ കരുത​ലു​ക​ളിൽ അനുപ​മ​മായ ഒരു സംഗതി​യാ​ണു പ്രാർഥന. എതിരാ​ളി​കൾ നിങ്ങളു​ടെ ബൈബി​ളു​കൾ പിടി​ച്ചെ​ടു​ക്കു​ക​യോ സഹാരാ​ധ​ക​രു​മൊ​ത്തുള്ള യോഗ​ങ്ങ​ളിൽനി​ന്നു നിങ്ങളെ തടയു​ക​യോ ചെയ്‌തേ​ക്കാം. എന്നാൽ നിങ്ങ​ളെ​ക്കൊ​ണ്ടു പ്രാർഥി​പ്പി​ക്കാ​തി​രി​ക്കാൻ ആരു വിചാ​രി​ച്ചാ​ലും നടക്കില്ല. പ്രാർഥ​ന​യു​ടെ മൂല്യം എത്ര പറഞ്ഞാ​ലും അധിക​മാ​വില്ല. അപ്പോൾ ഈ പദവിയെ മതി​പ്പോ​ടെ കാത്തു​കൊ​ള്ളേ​ണ്ട​തും അതിൽനി​ന്നു മുഴു​പ്ര​യോ​ജ​ന​വും നേടേ​ണ്ട​തും നാം ഓരോ​രു​ത്തരെ സംബന്ധി​ച്ചും എത്ര പ്രധാ​ന​മാണ്‌. നിങ്ങളു​ടെ പ്രാർഥ​നയെ ധന്യമാ​ക്കാൻ നിങ്ങളെ സഹായി​ക്കാൻ എന്തിനു കഴിയും?

ബൈബിൾ ഒരു പ്രാർഥ​നാ​പു​സ്‌ത​കമല്ല. എങ്കിലും, അതു പ്രാർഥ​നയെ സംബന്ധിച്ച മനുഷ്യ​വർഗ​ത്തി​ന്റെ ഏററവും മഹത്തായ പുസ്‌ത​ക​മാ​ണെന്നു പറയാം. എബ്രായ തിരു​വെ​ഴു​ത്തു​ക​ളിൽമാ​ത്രം 150-ലധികം പ്രാർഥ​ന​ക​ളുണ്ട്‌. ചിലതു ഹ്രസ്വ​മെ​ങ്കിൽ മററുള്ളവ ദീർഘ​മാണ്‌. വിജയാ​ഹ്ലാ​ദ​ങ്ങ​ളി​ലോ വിപത്തു​ക​ളി​ലോ രാജാ​ക്കൻമാ​രോ തടവു​കാ​രോ പരസ്യ​മാ​യോ സ്വകാ​ര്യ​മാ​യോ നടത്തിയ പ്രാർഥ​നകൾ. സങ്കീർത്തനം 65:2-ൽ ദാവീദ്‌ പാടി​യ​തു​പോ​ലെ, ‘സകല ജഡവും പ്രാർത്ഥന കേൾക്കു​ന്ന​വ​നായ’ യഹോ​വ​യി​ലേക്കു തിരി​യു​ന്നു. ഇത്രമാ​ത്രം വ്യത്യസ്‌ത പ്രാർഥ​നകൾ രേഖ​പ്പെ​ടു​ത്താൻ ദൈവം ബൈബി​ളെ​ഴു​ത്തു​കാ​രെ നിശ്വ​സ്‌ത​രാ​ക്കി​യത്‌ എന്തു​കൊണ്ട്‌?

ആ ചോദ്യ​ത്തിന്‌ ഉത്തരം ലഭിക്കാൻ 2 തിമൊ​ഥെ​യൊസ്‌ 3:16 പരിചി​ന്തി​ക്കുക. ‘എല്ലാതി​രു​വെ​ഴു​ത്തും ദൈവ​ശ്വാ​സീ​യ​വും പ്രയോ​ജ​ന​പ്ര​ദ​വു​മാ​കു​ന്നു’ എന്ന്‌ അതു പറയുന്നു. അങ്ങനെ, തിരു​വെ​ഴു​ത്തു പ്രവച​ന​ങ്ങ​ളും തത്ത്വങ്ങ​ളും ചരി​ത്ര​വും നമുക്കു ലഭിച്ചി​രി​ക്കു​ന്ന​തു​പോ​ലെ, നമ്മെ നയിക്കു​ന്ന​തി​നു ബൈബിൾ പ്രാർഥ​ന​യും നമുക്കാ​യി രേഖ​പ്പെ​ടു​ത്തി​യി​രി​ക്കു​ന്നു. ഈ പ്രാർഥ​നകൾ നമുക്കു പ്രയോ​ജ​ന​മാ​യി​ത്തീ​രു​ന്ന​തെ​ങ്ങനെ?

തിരു​വെ​ഴു​ത്തു​പ​ര​മായ പ്രാർഥ​ന​കളെ അടുത്തു പരി​ശോ​ധി​ച്ചു​കൊണ്ട്‌, നമ്മു​ടേ​തി​നോ​ടു സമാന​മായ സാഹച​ര്യ​ങ്ങ​ളിൽ നടത്തിയ പ്രാർഥ​ന​കളെ നമുക്കു തിരി​ച്ച​റി​യാം. രൂപത്തി​ലും ഭാവത്തി​ലും പ്രാർഥ​ന​കൾക്ക്‌ എത്ര വ്യത്യാ​സ​മു​ണ്ടെന്നു നമുക്കു മനസ്സി​ലാ​ക്കാം. അതിലു​പരി, സ്‌തു​തി​ക്കു​ന്ന​തി​നും കൃതജ്ഞ​ത​യർപ്പി​ക്കു​ന്ന​തി​നു​മുള്ള പുതിയ വാക്കുകൾ കണ്ടെത്തു​ക​യും നമ്മുടെ അപേക്ഷ​കൾക്കും യാചന​കൾക്കും ജീവൻതു​ടി​ക്കുന്ന വാക്കുകൾ സംഘടി​പ്പി​ക്കു​ക​യും ചെയ്യും. ചുരു​ക്കി​പ്പ​റ​ഞ്ഞാൽ, നമ്മുടെ പ്രാർഥ​നയെ ധന്യമാ​ക്കാൻ ബൈബിൾപ്രാർഥ​നകൾ നമ്മെ സഹായി​ക്കും.

യേശു​വി​ന്റെ അമ്മയാ​യി​ത്തീർന്ന മറിയ, ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന ഒരു പ്രാർഥ​ന​യിൽ ഉപയോ​ഗി​ച്ചി​രി​ക്കുന്ന വാക്കു​ക​ളിൽനി​ന്നു പ്രയോ​ജനം നേടിയ ഒരു വ്യക്തി​യാ​ണെന്നു തോന്നു​ന്നു. മറിയ അവളുടെ ബന്ധുവായ എലിസ​ബെ​ത്തി​നെ സന്ദർശിച്ച സമയം. രണ്ടു​പേ​രും ദിവ്യ​സ​ഹാ​യ​ത്താൽ ഓരോ പുത്രനെ വീതം ഗർഭം​ധ​രി​ച്ചി​രി​ക്കു​ക​യാ​യി​രു​ന്നു അപ്പോൾ. ദൈവ​ത്തി​നു സ്‌തു​തി​യും കൃതജ്ഞ​ത​യും അർപ്പിച്ച മറിയ​യു​ടെ ചില വാക്കു​കൾക്ക്‌ എബ്രായ തിരു​വെ​ഴു​ത്തു​ക​ളി​ലുള്ള ഒരു പ്രാർഥ​ന​യി​ലെ വാക്കു​ക​ളു​മാ​യി എടുത്തു​പ​റ​യത്തക്ക സാമ്യ​മുണ്ട്‌. ശമുവേൽ പ്രവാ​ച​കന്റെ അമ്മയായ ഹന്നാ നടത്തിയ പ്രാർഥന മറിയ​യ്‌ക്കു പരിചി​ത​മാ​യി​രു​ന്നു​വെന്നു തോന്നു​ന്നു. 1,000-ത്തിലധി​കം വർഷങ്ങൾക്കു​മുമ്പ്‌ ഹന്നായ്‌ക്കും ഒരു പുത്രൻ ജനിച്ചത്‌ ദൈവ​സ​ഹാ​യ​ത്താ​ലാ​യി​രു​ന്നു. തന്റെതന്നെ വികാ​രങ്ങൾ പ്രതി​ഫ​ലി​ച്ചി​രു​ന്ന​തി​നാൽ, മറിയ ഈ പ്രാർഥ​ന​യെ​ക്കു​റി​ച്ചു ധ്യാനി​ച്ചി​രി​ക്കു​മോ?—1 ശമൂവേൽ 2:1-10; ലൂക്കൊസ്‌ 1:46-55.

നിങ്ങളു​ടെ കാര്യ​മോ? നിങ്ങളു​ടേ​തി​നു സമാന​മായ സാഹച​ര്യ​ത്തിൽ നടത്തിയ ഒരു ബൈബിൾ പ്രാർഥന ഓർക്കാൻ നിങ്ങൾക്കു കഴിയു​മോ? അത്തരം പ്രാർഥ​നകൾ കണ്ടെത്തി വായി​ക്കു​ന്ന​തും അവയെ​ക്കു​റി​ച്ചു ധ്യാനി​ക്കു​ന്ന​തും ദൈവ​വു​മാ​യുള്ള നിങ്ങളു​ടെ ആശയവി​നി​മ​യത്തെ ധന്യമാ​ക്കാൻ നിങ്ങളെ സഹായി​ക്കും. അടുത്ത ലേഖന​ത്തിൽ, വിശുദ്ധ തിരു​വെ​ഴു​ത്തു​ക​ളിൽനി​ന്നുള്ള മൂന്നു പ്രാർഥ​നകൾ പരി​ശോ​ധി​ക്കാൻ ഞങ്ങൾ നിങ്ങളെ ക്ഷണിക്കു​ക​യാണ്‌. വ്യത്യസ്‌ത സാഹച​ര്യ​ങ്ങ​ളിൽ അർപ്പി​ക്ക​പ്പെ​ട്ട​താണ്‌ ആ പ്രാർഥ​നകൾ. ഒരുപക്ഷേ, നിങ്ങളു​ടേ​തു​മാ​യി അവയ്‌ക്കു സാമ്യ​മു​ണ്ടാ​യേ​ക്കാം.