അക്രമ​ത്തി​നു ശാശ്വ​ത​മായ അന്ത്യം—എങ്ങനെ?

ഐക്യ​നാ​ടു​ക​ളി​ലെ നിരവധി നഗരങ്ങൾ അക്രമ​ത്തി​ന്റെ തിരത്തള്ളൽ നിയ​ന്ത്രി​ക്കു​ന്ന​തി​നു പുതു​മ​യുള്ള ഒരു ആശയം പരീക്ഷി​ച്ചു​നോ​ക്കി—തിരി​ച്ചേൽപ്പി​ക്കുന്ന തോക്കു​കൾക്കു പകരം പണമോ സാധന​ങ്ങ​ളോ കൊടു​ക്കുക, യാതൊ​രു ചോദ്യ​വും ഇല്ലാതെ. ഫലമെ​ന്താ​യി​രു​ന്നു? സെൻറ്‌ ലൂയിസ്‌ നഗരം 3,41,000 ഡോളർ ചെലവാ​ക്കി 8,500 തോക്കു​കൾ ശേഖരി​ച്ചു. ന്യൂ​യോർക്ക്‌ നഗരത്തി​ലെ സമാന​മായ ഒരു പരിപാ​ടി ആയിര​ത്തി​ല​ധി​കം തോക്കു​കൾ പിടി​ച്ചെ​ടു​ത്തു.

ഇതി​നെ​ല്ലാം കുററ​കൃ​ത്യ​ത്തിൻമേൽ എന്തു ഫലമു​ണ്ടാ​യി? പരിതാ​പ​ക​ര​മെന്നു പറയട്ടെ, വളരെ കുറച്ചു​മാ​ത്രം. സെൻറ്‌ ലൂയിസ്‌ നഗരത്തിൽ അടുത്ത വർഷം തോക്കി​നോ​ടു ബന്ധപ്പെട്ട നരഹത്യ​കൾ ഒരു സർവകാല അത്യു​ച്ച​ത്തി​ലെത്തി. ന്യൂ​യോർക്ക്‌ നഗരത്തിൽ, കണക്കാ​ക്ക​പ്പെ​ട്ട​പ്ര​കാ​രം ഇപ്പോ​ഴും തെരു​ക്ക​ളിൽ 20 ലക്ഷം തോക്കു​ക​ളുണ്ട്‌. ഐക്യ​നാ​ടു​ക​ളിൽ സ്വകാര്യ ഉടമസ്ഥ​ത​യിൽ ഏതാണ്ട്‌ 20 കോടി തോക്കു​ക​ളുണ്ട്‌, ഓരോ പുരു​ഷ​നും സ്‌ത്രീ​ക്കും കുട്ടി​ക്കും ഏതാണ്ട്‌ ഒന്നുവീ​തം. മററു ദേശങ്ങ​ളിൽ, തോക്കി​നോ​ടു ബന്ധപ്പെട്ട അക്രമം ഭീതി​ദ​മായ തോതിൽ വർധി​ക്കു​ക​യാണ്‌. ബ്രിട്ട​നിൽ “1983-നും 1993-നുമി​ട​യ്‌ക്ക്‌, പൊലീസ്‌ രേഖ​പ്പെ​ടു​ത്തിയ, തോക്കു​കൾ ഉൾപ്പെട്ട കുററ​കൃ​ത്യ​ങ്ങ​ളു​ടെ എണ്ണം ഏതാണ്ടി​ര​ട്ടിച്ച്‌ 14,000 ആയിത്തീർന്നു” എന്നു ദി ഇക്കണോ​മി​സ്‌ററ്‌ പറയുന്നു. നരഹത്യ​യു​ടെ നിരക്ക്‌ ആപേക്ഷി​ക​മാ​യി കുറവാ​ണെ​ങ്കി​ലും ആ രാജ്യത്തു പത്തുല​ക്ഷ​ത്തോ​ളം നിയമ​വി​രു​ദ്ധ​മായ ആയുധ​ങ്ങ​ളുണ്ട്‌.

തീർച്ച​യാ​യും, ആ ഭയങ്കര എണ്ണങ്ങളി​ലെ ഏതൊരു കുറയ്‌ക്ക​ലും മുന്നോ​ട്ടുള്ള ഒരു ചുവടു​വ​യ്‌പാണ്‌. എന്നുവ​രി​കി​ലും, മുകളിൽ വർണി​ച്ച​തു​പോ​ലുള്ള നടപടി​കൾ അക്രമ​ത്തി​ന്റെ മൂല കാരണ​ങ്ങ​ളിൽ അശേഷം എത്തുന്നില്ല. ആ കാരണങ്ങൾ എന്തൊ​ക്കെ​യാണ്‌? അനേകം ഘടകങ്ങൾ എടുത്തു​പ​റ​യ​പ്പെ​ട്ടി​ട്ടുണ്ട്‌, എന്നാൽ അവയിൽ ചിലത്‌ അടിസ്ഥാ​ന​പ​ര​മാണ്‌. കുടും​ബ​സ്ഥി​ര​ത​യു​ടെ​യും ധാർമി​ക​ബോ​ധ​ന​ത്തി​ന്റെ​യും അഭാവം, ഉൾപ്പെ​ട​ലി​ന്റെ ഒരു ബോധ​ത്തി​നു​വേണ്ടി മുഷ്‌ക​ര​സം​ഘ​ങ്ങ​ളിൽ ചേരാൻ അനേകം യുവജ​ന​ങ്ങളെ പ്രേരി​പ്പി​ച്ചി​രി​ക്കു​ന്നു. വൻലാ​ഭ​ങ്ങ​ളു​ടെ ആകർഷണം അക്രമ​ത്തി​ലേക്കു തിരി​യാൻ അനേകരെ പ്രേരി​പ്പി​ക്കു​ന്നു. അനീതി അക്രമാ​സക്ത മാർഗ​ങ്ങ​ളി​ലൂ​ടെ കാര്യ​ങ്ങൾക്കു പരിഹാ​രം കാണാൻ മററു ചിലരെ തള്ളിവി​ടു​ന്നു. ദേശം, വർഗം, ജീവി​ത​നില എന്നിവ​സം​ബ​ന്ധിച്ച അഭിമാ​നം ആളുകൾ മററു​ള്ള​വ​രു​ടെ കഷ്ടപ്പാ​ടി​നെ അവഗണി​ക്കാ​നി​ട​യാ​ക്കു​ന്നു. ഇവ അനായാസ പരിഹാ​ര​മാർഗ​ങ്ങ​ളി​ല്ലാത്ത, ആഴത്തിൽ വേരോ​ടി​യി​ട്ടുള്ള ഘടകങ്ങ​ളാണ്‌.

എന്തു ചെയ്യാ​നാ​വും?

കൂടുതൽ പൊലീസ്‌, കൂടുതൽ കർക്കശ​മായ തടവു​ശി​ക്ഷകൾ, തോക്കു​നി​യ​ന്ത്രണം, വധശിക്ഷ എന്നിവ​യെ​ല്ലാം കുററ​കൃ​ത്യ​ത്തെ​യും അക്രമ​ത്തെ​യും നിയ​ന്ത്രി​ക്കാ​നുള്ള വഴിക​ളാ​യി നിർദേ​ശി​ക്ക​പ്പെ​ടു​ക​യും പരീക്ഷി​ക്ക​പ്പെ​ടു​ക​യും ചെയ്‌തി​ട്ടുണ്ട്‌. അവയ്‌ക്കു വ്യത്യ​സ്‌ത​തോ​തി​ലുള്ള വിജയം ലഭിച്ചി​ട്ടുണ്ട്‌, എന്നാൽ സങ്കടക​ര​മായ വസ്‌തുത അക്രമം ഇപ്പോ​ഴും വളരെ​യ​ധി​ക​മാ​യി നമ്മോ​ടൊ​ത്തുണ്ട്‌ എന്നതാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ഈ നടപടി​കൾ കേവലം ലക്ഷണങ്ങൾക്കുള്ള ചികിത്സ മാത്ര​മാണ്‌.

മറിച്ച്‌, അക്രമം അവസാ​നി​പ്പി​ക്കു​ന്ന​തി​നുള്ള താക്കോൽ വിദ്യാ​ഭ്യാ​സ​മാ​ണെന്ന്‌ അനേകം വിദഗ്‌ധർ വിചാ​രി​ക്കു​ന്നു. ഈ ആശയം നല്ലതാ​ണെ​ങ്കി​ലും, അക്രമം വിദ്യാ​ഭ്യാ​സാ​വ​സ​രങ്ങൾ പരിമി​ത​മാ​യി​രി​ക്കുന്ന രാഷ്‌ട്ര​ങ്ങ​ളിൽ ഒതുങ്ങി​നിൽക്കു​ന്നി​ല്ലെന്നു നാം കുറി​ക്കൊ​ള്ളേ​ണ്ടി​യി​രി​ക്കു​ന്നു. യഥാർഥ​ത്തിൽ, ഏററവും അക്രമാ​സ​ക്ത​മായ രാഷ്‌ട്ര​ങ്ങ​ളിൽ ചിലത്‌ ഏററവും ഉയർന്ന വിദ്യാ​ഭ്യാ​സ​നി​ല​വാ​ര​ങ്ങ​ളു​ള്ള​വ​യാ​ണെ​ന്നും തോന്നു​ന്നു. കേവലം വിദ്യാ​ഭ്യാ​സമല്ല, ശരിയായ തരം വിദ്യാ​ഭ്യാ​സ​മാണ്‌ ആവശ്യ​മാ​യി​രി​ക്കു​ന്നത്‌ എന്നു കാണാൻ പ്രയാ​സ​മില്ല. അത്‌ ഏതു തരമാ​യി​രി​ക്കും? സമാധാ​ന​പ്രേ​മി​ക​ളും നേരു​ള്ള​വ​രു​മായ വ്യക്തി​ക​ളാ​യി​രി​ക്കാൻ ജനങ്ങളെ പഠിപ്പി​ക്കാൻ കഴിവുള്ള ആരെങ്കി​ലും ഉണ്ടോ?

“ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ. അയ്യോ, നീ എന്റെ കല്‌പ​ന​കളെ കേട്ടനു​സ​രി​ച്ചെ​ങ്കിൽ കൊള്ളാ​യി​രു​ന്നു! എന്നാൽ നിന്റെ സമാധാ​നം നദി​പോ​ലെ​യും നിന്റെ നീതി സമു​ദ്ര​ത്തി​ലെ തിര​പോ​ലെ​യും ആകുമാ​യി​രു​ന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.) (യെശയ്യാ​വു 48:17, 18) സമാധാ​ന​പ്രേ​മി​ക​ളും നീതി​നി​ഷ്‌ഠ​രു​മാ​യി​രി​ക്കാൻ യഹോ​വ​യാം ദൈവം ജനങ്ങളെ പഠിപ്പി​ക്കു​ന്നത്‌ എങ്ങനെ​യാണ്‌? മുഖ്യ​മാ​യി അവന്റെ വചനമായ ബൈബി​ളി​ലൂ​ടെ.

ദൈവ​വ​ച​ന​ത്തി​ന്റെ ശക്തി

ബൈബിൾ തീർച്ച​യാ​യും കാലഹ​ര​ണ​പ്പെ​ട്ട​തും അപ്രസ​ക്ത​വു​മായ പഴങ്കഥ​ക​ളു​ടെ​യും പഴമൊ​ഴി​ക​ളു​ടെ​യും വെറു​മൊ​രു സമാഹാ​രമല്ല. അതിൽ മനുഷ്യ​വർഗ​ത്തി​ന്റെ സ്രഷ്ടാ​വിൽനി​ന്നുള്ള തത്ത്വങ്ങ​ളും ആശയങ്ങ​ളും അടങ്ങി​യി​രി​ക്കു​ന്നു. അവൻ തന്റെ പരമോ​ന്ന​ത​മായ അനുകൂ​ല​സ്ഥാ​ന​ത്തു​നിന്ന്‌ ഏതൊ​രാ​ളെ​ക്കാ​ളും മെച്ചമാ​യി മനുഷ്യ​പ്ര​കൃ​തി മനസ്സി​ലാ​ക്കു​ന്നു. “ആകാശം ഭൂമി​ക്കു​മീ​തെ ഉയർന്നി​രി​ക്കു​ന്ന​തു​പോ​ലെ എന്റെ വഴികൾ നിങ്ങളു​ടെ വഴിക​ളി​ലും എന്റെ വിചാ​രങ്ങൾ നിങ്ങളു​ടെ വിചാ​ര​ങ്ങ​ളി​ലും ഉയർന്നി​രി​ക്കു​ന്നു” എന്നു യഹോ​വ​യാം ദൈവം പറയുന്നു.—യെശയ്യാ​വു 55:9.

ഈ കാരണ​ത്താൽ അപ്പോ​സ്‌ത​ല​നായ പൗലോസ്‌ “ദൈവ​ത്തി​ന്റെ വചനം ജീവനും ചൈത​ന്യ​വു​മു​ള്ള​താ​യി ഇരുവാ​യ്‌ത​ല​യുള്ള ഏതു വാളി​നെ​ക്കാ​ളും മൂർച്ച​യേ​റി​യ​തും പ്രാണ​നെ​യും ആത്മാവി​നെ​യും സന്ധിമ​ജ്ജ​ക​ളെ​യും വേറു​വി​ടു​വി​ക്കും​വരെ തുളെ​ച്ചു​ചെ​ല്ലു​ന്ന​തും ഹൃദയ​ത്തി​ലെ ചിന്തന​ങ്ങ​ളെ​യും ഭാവങ്ങ​ളെ​യും വിവേ​ചി​ക്കു​ന്ന​തും ആകുന്നു” എന്നു സാക്ഷ്യ​പ്പെ​ടു​ത്തു​ന്നു. (എബ്രായർ 4:12) അതേ, ദൈവ​വ​ച​ന​ത്തിന്‌ ഒരു വ്യക്തി​യു​ടെ ഹൃദയ​ത്തി​ലേ​ക്കി​റങ്ങി അതിനെ തൊട്ടു​ണർത്തി അയാളു​ടെ ചിന്തക്കും പെരു​മാ​റ​റ​ത്തി​നും മാററം​വ​രു​ത്താ​നുള്ള ശക്തിയുണ്ട്‌. ഇന്ന്‌ ആളുക​ളു​ടെ അക്രമാ​സക്ത വഴികൾക്കു മാററം​വ​രു​ത്താൻ ആവശ്യ​മാ​യി​രി​ക്കു​ന്നത്‌ ഇതല്ലേ?

ഇപ്പോൾ 230-ൽപ്പരം ദേശങ്ങ​ളിൽ 50 ലക്ഷത്തോ​ളം വരുന്ന യഹോ​വ​യു​ടെ സാക്ഷികൾ തീർച്ച​യാ​യും ദൈവ​വ​ച​ന​ത്തി​നു ജീവി​ത​ങ്ങളെ രൂപാ​ന്ത​ര​പ്പെ​ടു​ത്തി മെച്ച​പ്പെ​ടു​ത്താ​നുള്ള കഴിവു​ണ്ടെ​ന്നു​ള്ള​തി​ന്റെ ജീവി​ക്കുന്ന തെളി​വാണ്‌. അവരുടെ ഇടയിൽ ഏതു ദേശത്തി​ലും ഭാഷയി​ലും വർഗത്തി​ലും നിന്നുള്ള ആളുക​ളുണ്ട്‌. അവർ എല്ലാ ജീവിത തുറക​ളി​ലും സാമൂ​ഹി​ക​പ​ശ്ചാ​ത്ത​ല​ങ്ങ​ളി​ലും നിന്നു വന്നവരു​മാണ്‌. അവരിൽ ചിലർ അക്രമാ​സ​ക്ത​വും പ്രക്ഷു​ബ്ധ​വു​മായ ജീവിതം നയിച്ചി​രു​ന്നു. എന്നാൽ അങ്ങനെ​യുള്ള ഘടകങ്ങൾ അവരുടെ മധ്യേ ശത്രു​ത​യും വൈര​വും വിവേ​ച​ന​വും വിദ്വേ​ഷ​വും ജനിപ്പി​ക്കാൻ അനുവ​ദി​ക്കു​ന്ന​തി​നു​പ​കരം അവർ ലോക​വ്യാ​പ​ക​മാ​യി ഈ പ്രതി​ബ​ന്ധ​ങ്ങളെ തരണം​ചെ​യ്യാൻ പഠിക്കു​ക​യും സമാധാ​ന​പ്രേ​മ​വും ഐക്യ​വു​മുള്ള ആളുക​ളാ​യി​ത്തീ​രു​ക​യും ചെയ്‌തി​രി​ക്കു​ന്നു. ഇതു സാധ്യ​മാ​ക്കി​യി​രി​ക്കു​ന്നത്‌ എന്താണ്‌?

അക്രമം അവസാ​നി​പ്പി​ക്കുന്ന ഒരു പ്രസ്ഥാനം

യഹോ​വ​യു​ടെ സാക്ഷികൾ ദൈവ​വ​ച​ന​മായ ബൈബി​ളിൽ വെളി​പ്പെ​ടു​ത്തി​യി​രി​ക്കുന്ന ദൈ​വോ​ദ്ദേ​ശ്യ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം നേടാൻ മററു​ള്ള​വരെ സഹായി​ക്കു​ന്ന​തി​നു പ്രതി​ജ്ഞാ​ബ​ദ്ധ​രാണ്‌. ഭൂമി​യു​ടെ ഏതു മുക്കി​ലും അവർ യഹോ​വ​യു​ടെ വഴിക​ളെ​ക്കു​റി​ച്ചു പഠിക്കാ​നും അവനാൽ പഠിപ്പി​ക്ക​പ്പെ​ടാ​നും ആഗ്രഹി​ക്കു​ന്ന​വരെ തിരഞ്ഞു​കൊ​ണ്ടി​രി​ക്ക​യാണ്‌. അവരുടെ ശ്രമങ്ങൾ ഫലം കായി​ക്കു​ന്നു. ഒരു അത്യത്ഭു​ത​ക​ര​മായ പ്രവച​ന​ത്തി​നു നിവൃത്തി ഉണ്ടാകു​ന്നു എന്നതാണ്‌ ഈ വിദ്യാ​ഭ്യാ​സ​പ്ര​സ്ഥാ​ന​ത്തി​ന്റെ ഫലം.

“അന്ത്യകാ​ലത്തു . . . അനേക വംശങ്ങ​ളും ചെന്നു: വരുവിൻ, നമുക്കു യഹോ​വ​യു​ടെ പർവ്വത​ത്തി​ലേക്കു, യാക്കോ​ബിൻ ദൈവ​ത്തി​ന്റെ ആലയത്തി​ലേക്കു കയറി​ച്ചെ​ല്ലാം; അവൻ നമുക്കു തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കയും ചെയ്യും എന്നു പറയും” എന്ന്‌ എഴുതാൻ പ്രവാ​ച​ക​നായ യെശയ്യാവ്‌ ഏതാണ്ടു 2,700 വർഷം മുമ്പ്‌ നിശ്വ​സ്‌ത​നാ​യി.—യെശയ്യാ​വു 2:2, 3.

യഹോ​വ​യാൽ പഠിപ്പി​ക്ക​പ്പെ​ടു​ന്ന​തും അവന്റെ പാതക​ളിൽ നടക്കു​ന്ന​തും ആളുക​ളു​ടെ ജീവി​ത​ത്തിൽ അത്ഭുത​ക​ര​മായ മാററങ്ങൾ ഉളവാ​ക്കാൻ പര്യാ​പ്‌ത​മാണ്‌. ആ മാററ​ങ്ങ​ളി​ലൊന്ന്‌ അതേ പ്രവച​ന​ത്തിൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്നു: “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതി​ക്കു​നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല.” (യെശയ്യാ​വു 2:4) അനേക​മാ​ളു​കൾ ഈ തിരു​വെ​ഴു​ത്തു വായി​ച്ചി​ട്ടുണ്ട്‌. യഥാർഥ​ത്തിൽ, ഈ വാക്യം ന്യൂ​യോർക്ക്‌ നഗരത്തിൽ ഐക്യ​രാ​ഷ്‌ട്ര ചത്വര​ത്തി​ലെ ഒരു ചുവരിൽ കൊത്തി​വെ​ച്ചി​ട്ടുണ്ട്‌. ഐക്യ​രാ​ഷ്‌ട്രങ്ങൾ കാംക്ഷി​ക്കു​ന്ന​തും എന്നാൽ നേടു​ന്ന​തിൽ പരാജ​യ​പ്പെ​ട്ടി​രി​ക്കു​ന്ന​തു​മാ​യ​തി​ന്റെ ഒരു ഓർമി​പ്പി​ക്ക​ലാ​ണത്‌. യുദ്ധത്തി​ന്റെ​യും അക്രമ​ത്തി​ന്റെ​യും ഈ നിർമാർജനം ഏതെങ്കി​ലും മനുഷ്യ​നിർമിത രാഷ്‌ട്രീ​യ​സ്ഥാ​പനം നേടേ​ണ്ടതല്ല. അതു യഹോ​വ​യാം ദൈവ​ത്തി​നു​മാ​ത്രം ചെയ്യാ​നാ​വുന്ന ഒരു സംഗതി​യാണ്‌. അവൻ അത്‌ എങ്ങനെ സാധി​ക്കും?

എല്ലാവ​രും ‘യഹോ​വ​യു​ടെ പർവത​ത്തി​ലേക്കു കയറി​ച്ചെ​ല്ലാ​നും’ ‘അവന്റെ വഴിക​ളെ​ക്കു​റി​ച്ചു പഠിപ്പി​ക്ക​പ്പെ​ടാ​നും’ ‘അവന്റെ പാതക​ളിൽ നടക്കാനു’മുള്ള ക്ഷണത്തിനു ചെവി​കൊ​ടു​ക്കു​ക​യി​ല്ലെ​ന്നതു സ്‌പഷ്ട​മാണ്‌; എല്ലാവ​രും “തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു”തീർക്കാൻ സന്നദ്ധരാ​കു​ക​യു​മില്ല. അങ്ങനെ​യു​ള്ള​വരെ സംബന്ധി​ച്ചു യഹോവ എന്തു ചെയ്യും? അവൻ എക്കാല​ത്തും അവസര​ത്തി​ന്റെ വാതിൽ തുറന്നു​വെ​ക്കു​ക​യോ അവർ മാററം​വ​രു​ത്താൻ കാത്തി​രി​ക്ക​യോ ഇല്ല. അക്രമ​ത്തിന്‌ അറുതി​വ​രു​ത്തു​ന്ന​തിന്‌, യഹോവ തങ്ങളുടെ അക്രമ​മാർഗ​ങ്ങൾക്കു ശാഠ്യം​പി​ടി​ക്കു​ന്ന​വർക്കും അറുതി​വ​രു​ത്തും.

മർമ​പ്ര​ധാ​ന​മായ ഒരു പാഠം

നോഹ​യു​ടെ നാളിൽ ദൈവം ചെയ്‌തത്‌ ഇന്നത്തെ നമുക്കു മുന്നറി​യി​പ്പി​ന്റെ ഒരു പാഠമാണ്‌. എങ്ങനെ​യുള്ള ലോക​മാണ്‌ അന്നു സ്ഥിതി​ചെ​യ്‌തി​രു​ന്ന​തെന്നു ബൈബിൾരേഖ പ്രകട​മാ​ക്കു​ന്നു: “ഭൂമി ദൈവ​ത്തി​ന്റെ മുമ്പാകെ വഷളായി; ഭൂമി അതി​ക്ര​മം​കൊ​ണ്ടു നിറഞ്ഞി​രു​ന്നു.” ഈ കാരണ​ത്താൽ, “സകലജ​ഡ​ത്തി​ന്റെ​യും അവസാനം എന്റെ മുമ്പിൽ വന്നിരി​ക്കു​ന്നു; ഭൂമി അവരാൽ അതി​ക്ര​മം​കൊ​ണ്ടു നിറഞ്ഞി​രി​ക്കു​ന്നു; ഞാൻ അവരെ ഭൂമി​യോ​ടു​കൂ​ടെ നശിപ്പി​ക്കും” എന്നു ദൈവം നോഹയെ അറിയി​ച്ചു.—ഉല്‌പത്തി 6:11, 13.

നാം ഒരു പ്രധാ​ന​പ്പെട്ട ആശയം കുറി​ക്കൊ​ള്ളേ​ണ്ട​തുണ്ട്‌. ആ തലമു​റ​യു​ടെ​മേൽ പ്രളയം വരുത്തി​യ​പ്പോൾ, ദൈവം നോഹ​യെ​യും അവന്റെ കുടും​ബ​ത്തെ​യും സംരക്ഷി​ച്ചു. എന്തു​കൊണ്ട്‌? ബൈബിൾ ഉത്തരം നൽകുന്നു: “നോഹ നീതി​മാ​നും തന്റെ തലമു​റ​യിൽ നിഷ്‌ക​ള​ങ്ക​നു​മാ​യി​രു​ന്നു; നോഹ ദൈവ​ത്തോ​ടു​കൂ​ടെ നടന്നു.” (ഉല്‌പത്തി 6:9; 7:1) അക്കാലത്തു ജീവിച്ച സകലരും അവശ്യം അക്രമാ​സ​ക്ത​രാ​യി​രു​ന്നി​ല്ലെ​ങ്കി​ലും നോഹ​യും അവന്റെ കുടും​ബ​വും മാത്രമേ “ദൈവ​ത്തോ​ടു​കൂ​ടെ നടന്നു”ള്ളു. തന്നിമി​ത്തം ആ അക്രമാ​സ​ക്ത​ലോ​ക​ത്തിന്‌ അറുതി​വ​രു​ത്തി​യ​പ്പോൾ അവർ അതിജീ​വി​ച്ചു.

ഭൂമി വീണ്ടും “അതി​ക്ര​മം​കൊ​ണ്ടു നിറഞ്ഞു”വരുന്ന​താ​യി നാം കാണു​മ്പോൾ അതു ദൈവം ഗൗനി​ക്കാ​തെ പോകു​ന്നി​ല്ലെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. നോഹ​യു​ടെ നാളിൽ അവൻ ചെയ്‌ത​തു​പോ​ലെ, അവൻ പെട്ടെ​ന്നു​തന്നെ നടപടി​യെ​ടു​ക്കു​ക​യും അക്രമ​ത്തിന്‌ അവസാനം വരുത്തു​ക​യും ചെയ്യും—ശാശ്വ​ത​മാ​യി. എന്നാൽ ഇപ്പോൾ ‘സത്യ​ദൈ​വ​ത്തോ​ടു​കൂ​ടെ നടക്കാൻ’ പഠിക്കു​ന്ന​വർക്ക്‌, സമാധാ​ന​ത്തി​നു​വേ​ണ്ടി​യുള്ള അവന്റെ വലിയ വിദ്യാ​ഭ്യാ​സ​പ്ര​സ്ഥാ​ന​ത്തോ​ടു പ്രതി​ക​രി​ക്കു​ന്ന​വർക്ക്‌, അവൻ ഒരു സുരക്ഷാ​മാർഗം ഒരുക്കി​ക്കൊ​ടു​ക്കു​ക​യും ചെയ്യും.

യഹോവ സങ്കീർത്ത​ന​ക്കാ​ര​നി​ലൂ​ടെ ഈ ഉറപ്പു​നൽകു​ന്നു: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല. എന്നാൽ സൗമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.”—സങ്കീർത്തനം 37:10, 11.

“നമുക്കു യഹോ​വ​യു​ടെ പർവ്വത​ത്തി​ലേക്കു, യാക്കോ​ബിൻ ദൈവ​ത്തി​ന്റെ ആലയത്തി​ലേക്കു കയറി​ച്ചെ​ല്ലാം; അവൻ നമുക്കു തന്റെ വഴികളെ ഉപദേ​ശി​ച്ചു​ത​രി​ക​യും നാം അവന്റെ പാതക​ളിൽ നടക്കയും ചെയ്യും” എന്നു പറയു​ന്ന​വ​രോ​ടു ചേരാൻ നിങ്ങൾക്കു കഴിയ​ത്ത​ക്ക​വണ്ണം നിങ്ങ​ളോ​ടൊ​ത്തു ബൈബിൾ പഠിക്കു​ന്ന​തി​നു യഹോ​വ​യു​ടെ സാക്ഷി​കൾക്കു സന്തോ​ഷ​മാ​യി​രി​ക്കും. (യെശയ്യാ​വു 2:3) അങ്ങനെ ചെയ്യു​ന്ന​തി​നാൽ, നിങ്ങൾക്കു സകല ദുഷ്ടത​യു​ടെ​യും അക്രമ​ത്തി​ന്റെ​യും അവസാനം കാണു​ന്ന​വ​രിൽ ഉൾപ്പെ​ടാൻ കഴിയും. നിങ്ങൾക്കു ‘സമാധാ​ന​സ​മൃ​ദ്ധി​യിൽ പരമാ​നന്ദം’ കണ്ടെത്താൻ കഴിയും.

[5-ാം പേജിലെ ചിത്ര​ത്തിന്‌ കടപ്പാട]

Reuters/Bettmann