നിങ്ങൾ ഓർമി​ക്കു​ന്നു​വോ?

വീക്ഷാഗോപുരത്തിന്റെ സമീപ​കാല ലക്കങ്ങൾ വായി​ച്ചതു നിങ്ങൾ വിലമ​തി​ച്ചു​വോ? കൊള്ളാം, പിൻവ​രുന്ന ചോദ്യ​ങ്ങൾക്ക്‌ ഉത്തരം നൽകാൻ നിങ്ങൾക്കു കഴിയു​മോ​യെന്നു കാണുക:

◻ “ആരുടെ പാപങ്ങൾ നിങ്ങൾ മോചി​ക്കു​ന്നു​വോ [“ക്ഷമിക്കു​ന്നു​വോ,” NW] അവർക്കു മോചി​ക്ക​പ്പെ​ട്ടി​രി​ക്കു​ന്നു” എന്ന യേശു​വി​ന്റെ വാക്കുകൾ ക്രിസ്‌ത്യാ​നി​കൾക്കു പാപങ്ങൾ മോചി​ക്കാൻ കഴിയു​മെന്ന്‌ അർഥമാ​ക്കു​ന്നു​വോ? (യോഹ​ന്നാൻ 20:23)

ക്രിസ്‌ത്യാനികൾക്കു പൊതു​വേ, അല്ലെങ്കിൽ സഭകളി​ലെ നിയമിത മൂപ്പന്മാർക്കു പോലും, പാപങ്ങൾ മോചി​ക്കു​ന്ന​തി​നുള്ള ദിവ്യാ​ധി​കാ​ര​മു​ണ്ടെന്നു നിഗമനം ചെയ്യു​ന്ന​തി​നു തിരു​വെ​ഴു​ത്തു​പ​ര​മായ യാതൊ​രു അടിസ്ഥാ​ന​വു​മില്ല. എന്നാൽ, അപ്പോ​സ്‌ത​ല​ന്മാർക്ക്‌ ആത്മാവി​ന്റെ പ്രവർത്ത​ന​ത്തി​ലൂ​ടെ പാപങ്ങൾ മോചി​ക്കു​ന്ന​തി​നോ നിലനിർത്തു​ന്ന​തി​നോ ഉള്ള പ്രത്യേക അധികാ​രം ഉണ്ടായി​രു​ന്നു​വെന്നു യേശു​വി​ന്റെ വാക്കു​ക​ളു​ടെ സന്ദർഭം സൂചി​പ്പി​ക്കു​ന്ന​താ​യി തോന്നു​ന്നു. (പ്രവൃ​ത്തി​കൾ 5:1-11-ഉം 2 കൊരി​ന്ത്യർ 12:12-ഉം കാണുക.)—4/15, പേജ്‌ 28.

◻ 1864-ൽ ആദ്യമാ​യി പ്രസി​ദ്ധീ​ക​രിച്ച ജെ. ജെ. സ്റ്റ്യുവാർട്ട്‌ പെറോ​ണി​ന്റെ സങ്കീർത്ത​ന​പു​സ്‌തക പരിഭാഷ സംബന്ധി​ച്ചു ശ്രദ്ധേ​യ​മാ​യി​രി​ക്കു​ന്ന​തെന്ത്‌?

“ശൈലി​യി​ലും വാക്യാം​ശ ഘടനയി​ലും എബ്രായ രൂപ​ത്തോട്‌ അടുത്തു” പറ്റിനിൽക്കാൻ തന്റെ പരിഭാ​ഷ​യിൽ പെറോൺ ശ്രമിച്ചു. അങ്ങനെ ചെയ്യവേ, “യഹോവ” എന്ന രൂപത്തി​ലുള്ള ദിവ്യ​നാ​മ​ത്തി​ന്റെ പുനഃ​സ്ഥി​തീ​ക​ര​ണത്തെ അദ്ദേഹം അനുകൂ​ലി​ച്ചു.—4/15, പേജ്‌ 31.

◻ ലോക​ത്തി​ലെ ഗവൺമെൻറു​ക​ളോ​ടുള്ള ഇടപെ​ട​ലു​കൾ സംബന്ധിച്ച്‌ യേശു തന്റെ അനുഗാ​മി​കൾക്ക്‌ എന്തു മാർഗ​നിർദേശം പ്രദാനം ചെയ്‌തു?

“കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു ദൈവ​ത്തി​ന്നും കൊടു​പ്പിൻ” എന്നു യേശു പറഞ്ഞു. (മത്തായി 22:21) അവൻ ഇങ്ങനെ​യും പറഞ്ഞു: “[അധികാ​ര​ത്തിൻ കീഴുള്ള] ഒരുത്തൻ നിന്നെ ഒരു നാഴിക വഴി പോകു​വാൻ നിർബ്ബ​ന്ധി​ച്ചാൽ രണ്ടു അവനോ​ടു​കൂ​ടെ പോക.” (മത്തായി 5:41) മനുഷ്യ​ബ​ന്ധ​ങ്ങ​ളി​ലാ​കട്ടെ, ദൈവ​നി​യ​മ​ത്തോ​ടു ചേർച്ച​യി​ലുള്ള ഗവൺമെൻറ്‌ വ്യവസ്ഥ​ക​ളി​ലാ​കട്ടെ, നിയമാ​നു​സൃത ആവശ്യ​ങ്ങൾക്കു മനസ്സാലേ കീഴ്‌പെ​ടുക എന്ന തത്ത്വം യേശു ഇവിടെ ഉദാഹ​രി​ക്കു​ക​യാ​യി​രു​ന്നു. (ലൂക്കൊസ്‌ 6:27-31; യോഹ​ന്നാൻ 17:14, 15)—5/1, പേജ്‌ 12.

◻ ‘സത്യത്തിൽ നടക്കുക’യെന്നാൽ എന്തർഥ​മാ​ക്കു​ന്നു? (സങ്കീർത്തനം 86:11)

ദൈവത്തിന്റെ വ്യവസ്ഥകൾ അനുസ​രി​ക്കു​ന്ന​തും വിശ്വ​സ്‌ത​ത​യോ​ടെ​യും ആത്മാർഥ​ത​യോ​ടെ​യും അവനെ സേവി​ക്കു​ന്ന​തും ഇതിൽ ഉൾപ്പെ​ടു​ന്നു. (സങ്കീർത്തനം 25:4, 5; യോഹ​ന്നാൻ 4:23, 24)—5/15, പേജ്‌ 18.

◻ നിനെ​വേ​യി​ലേക്കു യഹോവ യോനാ​യെ അയച്ചതി​നാൽ എന്താണു സാധി​ച്ചത്‌?

യോനായുടെ നിനെ​വേ​യി​ലെ പ്രസം​ഗ​പ്ര​വർത്തനം അനുതാ​പ​മുള്ള നിനെ​വേ​ക്കാ​രും വിശ്വാ​സ​വും താഴ്‌മ​യും തീരെ​യി​ല്ലാ​തി​രുന്ന ശാഠ്യ​ക്കാ​രായ ഇസ്രാ​യേ​ല്യ​രും തമ്മിലുള്ള വൈപ​രീ​ത്യം പ്രകട​മാ​ക്കാ​നു​തകി. (ആവർത്ത​ന​പു​സ്‌തകം 9:6, 13; യോനാ 3:4-10 താരത​മ്യം ചെയ്യുക.)—5/15, പേജ്‌ 28.

◻ ഉല്‌പത്തി 3:15-ൽ പരാമർശി​ക്കുന്ന സർപ്പം ആര്‌, “സ്‌ത്രീ” ആര്‌?

സർപ്പം ഒരു താണ പാമ്പല്ല, മറിച്ച്‌ അതിനെ ഉപയോ​ഗിച്ച പിശാ​ചായ സാത്താ​നാണ്‌. (വെളി​പ്പാ​ടു 12:9) “സ്‌ത്രീ” ഹവ്വായല്ല, മറിച്ച്‌ ഭൂമി​യി​ലെ തന്റെ ആത്മാഭി​ഷിക്ത ദാസന്മാ​രു​ടെ അമ്മയായ യഹോ​വ​യു​ടെ സ്വർഗീയ സ്ഥാപന​മാണ്‌. (ഗലാത്യർ 4:26)—6/1, പേജ്‌ 9.

◻ മഹാബാ​ബി​ലോ​നു പുറത്തു​ക​ടന്നു സുരക്ഷി​ത​ത്വം കണ്ടെത്താൻ ഒരുവന്‌ എങ്ങനെ കഴിയും? (വെളി​പ്പാ​ടു 18:4)

വ്യാജമത സംഘട​ന​ക​ളിൽനി​ന്നും കൂടാതെ അവയുടെ ആചാര​ങ്ങ​ളിൽനി​ന്നും അവ സൃഷ്ടി​ക്കുന്ന മനോ​ഭാ​വ​ങ്ങ​ളിൽനി​ന്നും അയാൾ തന്നെത്തന്നെ പൂർണ​മാ​യി വേർപെ​ടു​ത്തി​യിട്ട്‌ യഹോ​വ​യു​ടെ ദിവ്യാ​ധി​പത്യ സ്ഥാപന​ത്തി​നു​ള്ളിൽ സുരക്ഷി​ത​ത്ത്വം കണ്ടെത്തണം. (എഫെസ്യർ 5:7-11)—6/1, പേജ്‌ 18.

◻ തിരു​വെ​ഴു​ത്തു​ക​ളിൽ കൂടെ​ക്കൂ​ടെ കഴുകനെ പരാമർശി​ച്ചി​രി​ക്കു​ന്നത്‌ എന്തു​കൊണ്ട്‌?

ജ്ഞാനം, ദിവ്യ സംരക്ഷണം, വേഗം തുടങ്ങി​യ​വയെ പ്രതീ​ക​വ​ത്‌ക​രി​ക്കാൻ ബൈബിൾ എഴുത്തു​കാർ കഴുകന്റെ സ്വഭാ​വ​ഗു​ണ​ങ്ങളെ പരാമർശി​ച്ചി​രി​ക്കു​ന്നു.

◻ ഭൗമിക പ്രത്യാ​ശ​യുള്ള ഇന്നത്തെ ദൈവ​ദാ​സർക്ക്‌ ആത്മാഭി​ഷിക്ത ക്രിസ്‌ത്യാ​നി​കൾക്കുള്ള അത്രയും ദൈവാ​ത്മാ​വു​ണ്ടെന്നു നമുക്കു പറയാൻ സാധി​ക്കു​മോ?

അടിസ്ഥാനപരമായി പറഞ്ഞാൽ, ഉത്തരം ഉവ്വ്‌ എന്നാണ. ഇരു വർഗങ്ങൾക്കും ദൈവ​ത്തി​ന്റെ ആത്മാവു തുല്യ​മായ അളവിൽ ലഭ്യമാണ്‌, അറിവും ഗ്രാഹ്യ​വും ഇരു കൂട്ടർക്കും ഒരേ​പോ​ലെ ലഭിക്കു​ന്നു, അതു​പോ​ലെ​തന്നെ അതു ഗ്രഹി​ക്കു​ന്ന​തി​നുള്ള തുല്യ അവസര​ങ്ങ​ളും.—6/15, പേജ്‌ 31.

◻ യെരു​ശ​ലേ​മി​ലെ ആലയത്തിൽ ഇസ്രാ​യേല്യ പുരോ​ഹി​തൻമാർ നിർവ​ഹി​ച്ചി​രുന്ന വിശു​ദ്ധ​സേ​വനം പരി​ശോ​ധി​ക്കു​ന്നത്‌ നമുക്കി​ന്നു പ്രയോ​ജ​ന​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

അപ്രകാരം ചെയ്യു​ന്ന​തി​നാൽ പാപി​ക​ളായ മനുഷ്യർക്കു ദൈവ​വു​മാ​യി അനുര​ഞ്‌ജ​ന​ത്തിൽ വരാൻ കഴിയുന്ന യഹോ​വ​യു​ടെ കരുണാ​മ​യ​മായ ക്രമീ​ക​ര​ണത്തെ നാം കൂടുതൽ തിക​വോ​ടെ വിലമ​തി​ക്കാ​നി​ട​യാ​കും. (എബ്രായർ 10:1-7)—7/1, പേജ്‌ 8.

◻ യെരു​ശ​ലേ​മിൽ പണിയ​പ്പെട്ട രണ്ടാമത്തെ ആലയത്തി​നു ശലോ​മോൻ പണിക​ഴി​പ്പിച്ച ആലയ​ത്തെ​ക്കാൾ കൂടുതൽ മഹത്ത്വം ലഭിച്ച​തെ​ങ്ങനെ?

രണ്ടാമത്തെ ആലയം ശലോ​മോ​ന്റെ ആലയ​ത്തെ​ക്കാൾ 164 വർഷം കൂടുതൽ നിലനി​ന്നു. വളരെ​യ​ധി​കം രാജ്യ​ങ്ങ​ളിൽനി​ന്നാ​യി കൂടുതൽ ആളുകൾ അതിന്റെ പ്രാകാ​ര​ങ്ങ​ളിൽ തടിച്ചു​കൂ​ടു​ക​യും ചെയ്‌തു. കൂടുതൽ പ്രധാ​ന​മാ​യി, ദൈവ​പു​ത്ര​നായ യേശു​ക്രി​സ്‌തു ആലയത്തി​ന്റെ പ്രാകാ​ര​ങ്ങ​ളിൽ വെച്ചു പഠിപ്പി​ച്ചു​വെ​ന്ന​തി​ന്റെ മഹത്തായ സവി​ശേ​ഷ​ത​യും രണ്ടാമത്തെ ആലയത്തി​നു​ണ്ടാ​യി​രു​ന്നു.—7/1, പേജുകൾ 12, 13.

◻ ദൈവം തന്റെ ആത്മീയ ആലയം അസ്‌തി​ത്വ​ത്തി​ലേക്കു കൊണ്ടു​വ​ന്ന​തെ​പ്പോൾ?

ഇതു പൊ.യു. 29-ൽ യേശു​വി​ന്റെ സ്‌നാപന പ്രാർഥ​ന​യ്‌ക്കു ദൈവം തന്റെ അംഗീ​കാ​രം പ്രകട​മാ​ക്കി​യ​പ്പോ​ഴാ​യി​രു​ന്നു. (മത്തായി 3:16, 17) യേശു​വി​ന്റെ ശരീര​ത്തി​ന്റെ സമർപ്പണം ദൈവം സ്വീക​രി​ച്ചു​വെ​ന്നത്‌, ഒരു ആത്മീയ അർഥത്തിൽ, യെരു​ശ​ലേം ദേവാ​ല​യ​ത്തിൽ ഉണ്ടായി​രു​ന്ന​തി​നെ​ക്കാൾ വലിയ ഒരു യാഗപീ​ഠം പ്രവർത്ത​ന​ത്തിൽ വന്നിരി​ക്കു​ന്നു​വെന്ന്‌ അർഥമാ​ക്കി.—7/1, പേജുകൾ 14, 15.

◻ നാം എന്തു​കൊണ്ട്‌ ക്ഷമിക്കു​ന്ന​വ​രാ​യി​രി​ക്കണം?

നാം ക്രിസ്‌തീയ ഐക്യം നിലനിർത്ത​ണ​മെ​ങ്കിൽ ക്ഷമാപണം നടത്തിയ കുറ്റക്കാ​ര​നോ​ടു ക്ഷമി​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. വൈരാ​ഗ്യ​വും വിദ്വേ​ഷ​വും വെച്ചു​കൊ​ണ്ടി​രി​ക്കു​ന്ന​തും നമ്മുടെ മനസ്സമാ​ധാ​നം കവർന്നു​ക​ള​യും. നാം ക്ഷമിക്കു​ന്ന​വ​ര​ല്ലെ​ങ്കിൽ, യഹോ​വ​യാം ദൈവം മേലാൽ നമ്മുടെ പാപങ്ങൾ ക്ഷമിക്കാത്ത ഒരു ദിവസം ഉണ്ടായി​രി​ക്കു​ന്ന​തി​ന്റെ അപകട​മുണ്ട്‌. (മത്തായി 6:14, 15)—7/15, പേജ്‌ 18.

◻ ഇസ്രാ​യേ​ല്യർക്ക്‌ വിശു​ദ്ധ​രാ​യി​ത്തീ​രാൻ കഴിയു​മാ​യി​രു​ന്ന​തെ​ങ്ങനെ?

വിശുദ്ധ ദൈവ​മായ യഹോ​വ​യു​മാ​യി ഒരു അടുത്ത ബന്ധം ഉണ്ടായി​രി​ക്കു​ന്ന​തി​നാ​ലും അവന്റെ നിർമ​ലാ​രാ​ധ​ന​യിൽ ഏർപ്പെ​ടു​ന്ന​തി​നാ​ലും മാത്ര​മാ​യി​രു​ന്നു വിശുദ്ധി സാധ്യ​മാ​യി​രു​ന്നത്‌. വിശു​ദ്ധി​യിൽ, ശാരീ​രി​ക​വും ആത്മീയ​വു​മായ ശുദ്ധി​യിൽ, “അതിപ​രി​ശുദ്ധ”നെ ആരാധി​ക്കു​ന്ന​തിന്‌ അവനെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം അവർക്ക്‌ ആവശ്യ​മാ​യി​രു​ന്നു. (സദൃശ​വാ​ക്യ​ങ്ങൾ 2:1-6; 9:10, NW)—8/1, പേജ്‌ 11.