നിങ്ങൾക്ക്‌ “തക്കസമ​യത്ത്‌ ഭക്ഷണം” ലഭിക്കു​ന്നു​ണ്ടോ?

മാനവചരിത്രത്തിലെ ഏറ്റവും ദുർഘ​ട​മായ കാലത്താണ്‌ നാം ജീവി​ക്കു​ന്നത്‌. (2 തിമൊ. 3:1-5) യഹോ​വ​യോ​ടുള്ള നമ്മുടെ സ്‌നേ​ഹ​വും അവന്റെ നീതി​യുള്ള നിലവാ​ര​ങ്ങൾക്ക്‌ ചേർച്ച​യിൽ ജീവി​ക്കാ​നുള്ള നമ്മുടെ നിശ്ചയ​ദാർഢ്യ​വും അനുദി​നം മാറ്റു​രയ്‌ക്ക​പ്പെ​ടു​ന്നു. ഈ ദുഷ്‌ക​ര​മായ നാളുകൾ യേശു മുൻകൂ​ട്ടി​ക്കണ്ടു. തന്റെ അനുഗാ​മി​കൾക്ക്‌ അവസാ​ന​ത്തോ​ളം സഹിച്ചു​നിൽക്കാൻ ആവശ്യ​മായ പ്രോ​ത്സാ​ഹനം താൻ ലഭ്യമാ​ക്കു​മെന്ന്‌ അവൻ അവർക്ക്‌ ഉറപ്പ്‌ കൊടു​ത്തു. (മത്താ. 24:3, 13; 28:20) അവരെ ബലിഷ്‌ഠ​രാ​യി നിലനി​റു​ത്താൻ “തക്കസമ​യത്ത്‌ ഭക്ഷണം” പ്രദാനം ചെയ്യുന്ന വിശ്വസ്‌ത​നായ ഒരു അടിമയെ അവൻ നിയമി​ച്ചു.—മത്താ. 24:45, 46.

1919-ൽ വിശ്വസ്‌ത​നായ അടിമയെ നിയമി​ച്ചാ​ക്കി​യ​തു​മു​തൽ സകല ഭാഷക​ളിൽനി​ന്നു​മാ​യി ദശലക്ഷ​ങ്ങൾവ​രുന്ന “വീട്ടു​കാർ” ദൈവ​ത്തി​ന്റെ സംഘട​ന​യി​ലേക്ക്‌ വന്നു​ചേർന്നി​രി​ക്കു​ന്നു. അവർക്കെ​ല്ലാം​തന്നെ ആത്മീയ​പ​രി​പോ​ഷണം ലഭിക്കു​ക​യും ചെയ്യുന്നു. (മത്താ. 24:14; വെളി. 22:17) എങ്കിലും, എല്ലാ ഭാഷക​ളി​ലും ഒരേ അളവിൽ വിവരങ്ങൾ ലഭ്യമല്ല, അതു​പോ​ലെ എല്ലാ വ്യക്തി​കൾക്കും ഇലക്‌ട്രോ​ണിക്‌ രൂപത്തി​ലുള്ള നമ്മുടെ പ്രസി​ദ്ധീ​ക​ര​ണങ്ങൾ എത്തുപാ​ടി​ല​ല്ല​താ​നും. ഉദാഹ​ര​ണ​ത്തിന്‌, jw.org വെബ്‌സൈ​റ്റിൽ മാത്രം പ്രസി​ദ്ധീ​ക​രി​ക്കുന്ന വീഡി​യോ​ക​ളും ലേഖന​ങ്ങ​ളും അനേകർക്കും അപ്രാ​പ്യ​മാണ്‌. അതിന്റെ അർഥം, ആത്മീയ​മാ​യി ബലിഷ്‌ഠ​രാ​യി നിലനിൽക്കാൻ വേണ്ടത്ര ആഹാരം ചിലർക്കെ​ങ്കി​ലും ലഭിക്കു​ന്നില്ല എന്നാണോ? ഉത്തരങ്ങൾക്കാ​യി നമുക്ക്‌ നാലു സുപ്ര​ധാ​ന​ചോ​ദ്യ​ങ്ങൾ പരിചി​ന്തി​ക്കാം.

1 യഹോവ നൽകുന്ന ഭക്ഷണത്തി​ന്റെ മുഖ്യ​ചേ​രുവ എന്താണ്‌?

കല്ല്‌ അപ്പമാ​ക്കാൻ സാത്താൻ യേശു​വി​നെ പ്രലോ​ഭി​പ്പി​ച്ച​പ്പോൾ യേശു ഇങ്ങനെ മറുപടി പറഞ്ഞു: “മനുഷ്യൻ അപ്പം​കൊ​ണ്ടു മാത്രമല്ല, യഹോ​വ​യു​ടെ വായിൽനി​ന്നു വരുന്ന സകല വചനം​കൊ​ണ്ടും ജീവി​ക്കേ​ണ്ട​താ​കു​ന്നു.” (മത്താ. 4:3, 4) യഹോ​വ​യു​ടെ വചനങ്ങൾ ബൈബി​ളി​ലാണ്‌ രേഖ​പ്പെ​ടു​ത്തി​യി​രി​ക്കു​ന്നത്‌. (2 പത്രോ. 1:20, 21) അതു​കൊണ്ട്‌, നമ്മുടെ ആത്മീയ​ഭ​ക്ഷ​ണ​ത്തി​ലെ പ്രധാ​ന​ചേ​രുവ ബൈബി​ളാണ്‌.—2 തിമൊ. 3:16, 17.

വിശുദ്ധ തിരു​വെ​ഴു​ത്തു​ക​ളു​ടെ പുതിയ ലോക ഭാഷാ​ന്തരം പൂർണ​മാ​യോ ഭാഗി​ക​മാ​യോ 120-ലധികം ഭാഷക​ളിൽ യഹോ​വ​യു​ടെ സംഘടന പ്രസി​ദ്ധീ​ക​രി​ച്ചി​രി​ക്കു​ന്നു. വർഷ​ന്തോ​റും കൂടുതൽ ഭാഷക​ളി​ലേക്ക്‌ അത്‌ വിവർത്തനം ചെയ്യ​പ്പെ​ട്ടു​കൊ​ണ്ടി​രി​ക്കു​ക​യു​മാണ്‌. ഈ പരിഭാ​ഷയ്‌ക്കു പുറമേ മറ്റു ബൈബിൾഭാ​ഷാ​ന്ത​ര​ങ്ങ​ളു​ടെ കോടി​ക്ക​ണ​ക്കിന്‌ പ്രതികൾ ആയിര​ക്ക​ണ​ക്കിന്‌ ഭാഷക​ളിൽ പൂർണ​മാ​യോ ഭാഗി​ക​മാ​യോ ലഭ്യമാണ്‌. വിസ്‌മ​യ​ക​ര​മായ ഈ നേട്ടം, “സകലതരം മനുഷ്യ​രും രക്ഷ പ്രാപി​ക്ക​ണ​മെ​ന്നും സത്യത്തി​ന്റെ പരിജ്ഞാ​ന​ത്തിൽ എത്തണമെ”ന്നും ഉള്ള യഹോ​വ​യു​ടെ ഹിതത്തി​നു ചേർച്ച​യി​ലാണ്‌. (1 തിമൊ. 2:3, 4) “(യഹോ​വ​യു​ടെ) ദൃഷ്ടി​യിൽനി​ന്നു മറഞ്ഞി​രി​ക്കു​ന്ന​താ​യി ഒരു സൃഷ്ടി​പോ​ലു​മില്ല” എന്നതി​നാൽ, “ആത്മീയ ആവശ്യ​ത്തെ​ക്കു​റി​ച്ചു ബോധ​മുള്ള” സകല​രെ​യും അവൻ തന്റെ സംഘട​ന​യി​ലേക്ക്‌ ആകർഷി​ക്കു​മെ​ന്നും അവർക്ക്‌ ആത്മീയാ​ഹാ​രം പ്രദാനം ചെയ്യു​മെ​ന്നും നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—എബ്രാ. 4:13; മത്താ. 5:3, 6; യോഹ. 6:44; 10:14.

2 ആത്മീയാ​ഹാ​രം നൽകു​ന്ന​തിൽ നമ്മുടെ പ്രസി​ദ്ധീ​ക​ര​ണങ്ങൾ എന്ത്‌ പങ്കു വഹിക്കു​ന്നു?

ശക്തമായ വിശ്വാ​സം നട്ടുവ​ളർത്തു​ന്ന​തിന്‌ ബൈബിൾ വായി​ക്കു​ന്ന​തു​മാ​ത്രം മതിയാ​കു​ക​യില്ല. അതിലു​പരി, താൻ വായി​ക്കു​ന്നത്‌ എന്താ​ണെന്ന്‌ ഒരു വ്യക്തി മനസ്സി​ലാ​ക്കു​ക​യും പഠിക്കുന്ന കാര്യങ്ങൾ പ്രാവർത്തി​ക​മാ​ക്കു​ക​യും വേണം. (യാക്കോ. 1:22-25) ഒന്നാം നൂറ്റാ​ണ്ടി​ലെ ഒരു എത്യോ​പ്യൻ ഷണ്ഡൻ ഈ വസ്‌തുത തിരി​ച്ച​റി​ഞ്ഞു. അദ്ദേഹം ദൈവ​വ​ചനം വായി​ച്ചു​കൊ​ണ്ടി​രു​ന്ന​പ്പോൾ സുവി​ശേ​ഷ​ക​നായ ഫിലി​പ്പോസ്‌ ഇങ്ങനെ ചോദി​ച്ചു: “വായി​ക്കു​ന്നതു നീ ഗ്രഹി​ക്കു​ന്നു​വോ?” ഷണ്ഡന്റെ മറുപടി ഇതായി​രു​ന്നു: “ആരെങ്കി​ലും പൊരുൾ തിരി​ച്ചു​ത​രാ​തെ ഞാൻ എങ്ങനെ ഗ്രഹി​ക്കും?” (പ്രവൃ. 8:26-31) തുടർന്ന്‌, ദൈവ​വ​ച​ന​ത്തി​ന്റെ സൂക്ഷ്‌മ​പ​രി​ജ്ഞാ​നം നേടാൻ ഫിലി​പ്പോസ്‌ ഷണ്ഡനെ സഹായി​ച്ചു. മനസ്സി​ലാ​ക്കിയ കാര്യങ്ങൾ അദ്ദേഹ​ത്തി​ന്റെ ഹൃദയത്തെ സ്‌പർശി​ച്ചു; അദ്ദേഹം സ്‌നാ​ന​മേറ്റു. (പ്രവൃ. 8:32-38) സമാന​മാ​യി, നമ്മുടെ ബൈബി​ള​ധിഷ്‌ഠിത പ്രസി​ദ്ധീ​ക​ര​ണങ്ങൾ സത്യത്തി​ന്റെ സൂക്ഷ്‌മ​പ​രി​ജ്ഞാ​നം നേടാൻ നമ്മെയും സഹായി​ച്ചി​രി​ക്കു​ന്നു. അവ നമ്മുടെ അന്തരം​ഗ​ങ്ങളെ തൊട്ടു​ണർത്തു​ക​യും പഠിച്ച കാര്യങ്ങൾ പ്രാവർത്തി​ക​മാ​ക്കാൻ നമ്മെ പ്രചോ​ദി​പ്പി​ക്കു​ക​യും ചെയ്‌തി​രി​ക്കു​ന്നു.—കൊലോ. 1:9, 10.

തന്റെ ദാസർക്ക്‌ ഭക്ഷിക്കാ​നും പാനം​ചെ​യ്യാ​നും സമൃദ്ധ​മായ ആത്മീയ​വി​ഭ​വങ്ങൾ നമ്മുടെ പ്രസി​ദ്ധീ​ക​ര​ണ​ങ്ങ​ളി​ലൂ​ടെ യഹോവ ഉദാര​മാ​യി നൽകി​യി​രി​ക്കു​ന്നു. (യെശ. 65:13) ഉദാഹ​ര​ണ​ത്തിന്‌, 210-ലധികം ഭാഷക​ളിൽ പ്രസി​ദ്ധീ​ക​രി​ക്കുന്ന വീക്ഷാ​ഗോ​പു​രം മാസിക ബൈബിൾപ്ര​വ​ച​നങ്ങൾ വിശദീ​ക​രി​ക്കു​ക​യും ആഴമേ​റിയ ആത്മീയ​സ​ത്യ​ങ്ങ​ളെ​ക്കു​റി​ച്ചുള്ള നമ്മുടെ ഗ്രാഹ്യം വർധി​പ്പി​ക്കു​ക​യും ബൈബിൾത​ത്ത്വ​ങ്ങൾക്കു ചേർച്ച​യിൽ ജീവി​ക്കാൻ നമ്മെ പ്രചോ​ദി​പ്പി​ക്കു​ക​യും ചെയ്യുന്നു. 100-ഓളം ഭാഷക​ളി​ലുള്ള ഉണരുക! മാസിക യഹോ​വ​യു​ടെ സൃഷ്ടി​ക്രി​യ​ക​ളെ​ക്കു​റി​ച്ചുള്ള നമ്മുടെ ജ്ഞാനം വിശാ​ല​മാ​ക്കു​ക​യും ബൈബി​ളി​ലെ പ്രാ​യോ​ഗിക ബുദ്ധി​യു​പ​ദേശം എങ്ങനെ ബാധക​മാ​ക്കാം എന്നു കാണി​ച്ചു​ത​രി​ക​യും ചെയ്യുന്നു. (സദൃ. 3:21-23; റോമ. 1:20) വിശ്വസ്‌ത​നായ അടിമ 680-ലധികം ഭാഷക​ളിൽ ബൈബി​ള​ധിഷ്‌ഠിത വിവരങ്ങൾ ലഭ്യമാ​ക്കു​ന്നു! ബൈബിൾ വായി​ക്കാൻ ദിവസ​വും നിങ്ങൾ സമയം മാറ്റി​വെ​ക്കു​ന്നു​ണ്ടോ? ഓരോ പുതിയ മാസി​ക​യും, വർഷാ​വർഷം നിങ്ങളു​ടെ ഭാഷയിൽ പ്രകാ​ശനം ചെയ്യ​പ്പെ​ടുന്ന എല്ലാ പുതിയ പ്രസി​ദ്ധീ​ക​ര​ണ​ങ്ങ​ളും നിങ്ങൾ വായി​ക്കു​ന്നു​ണ്ടോ?

പ്രസി​ദ്ധീ​ക​ര​ണങ്ങൾ ഉത്‌പാ​ദി​പ്പി​ക്കു​ന്ന​തി​നു പുറമേ, നമ്മുടെ യോഗ​ങ്ങ​ളി​ലും സമ്മേള​ന​ങ്ങ​ളി​ലും കൺ​വെൻ​ഷ​നു​ക​ളി​ലും നടത്താ​നുള്ള പ്രസം​ഗ​ങ്ങ​ളു​ടെ ബൈബി​ള​ധിഷ്‌ഠിത ബാഹ്യ​രേ​ഖ​ക​ളും യഹോ​വ​യു​ടെ സംഘടന തയ്യാറാ​ക്കു​ന്നു. ഈ കൂടി​വ​ര​വു​ക​ളിൽ അവതരി​പ്പി​ക്ക​പ്പെ​ടുന്ന പ്രസം​ഗങ്ങൾ, നാടകങ്ങൾ, അവതര​ണങ്ങൾ, അഭിമു​ഖങ്ങൾ എന്നിവ നിങ്ങൾ ആസ്വദി​ക്കാ​റു​ണ്ടോ? അതെ, സമൃദ്ധ​മായ ഒരു ആത്മീയ​വി​രു​ന്നു​ത​ന്നെ​യാണ്‌ യഹോവ നമുക്ക്‌ നൽകു​ന്നത്‌!—യെശ. 25:6.

3 സംഘടന പുറത്തി​റ​ക്കുന്ന എല്ലാ പ്രസി​ദ്ധീ​ക​ര​ണ​ങ്ങ​ളും നിങ്ങളു​ടെ ഭാഷയിൽ ലഭ്യമ​ല്ലെ​ങ്കിൽ അതിന്റെ അർഥം ആവശ്യ​മായ ആത്മീയ​പോ​ഷണം നിങ്ങൾക്ക്‌ കിട്ടാതെ പോകു​ന്നു എന്നാണോ?

അല്ല എന്നാണ്‌ ഉത്തരം. യഹോ​വ​യു​ടെ ദാസരിൽ ചിലർക്ക്‌ ചില സമയങ്ങ​ളിൽ മറ്റുള്ള​വ​രെ​ക്കാൾ കൂടുതൽ ആത്മീയാ​ഹാ​രം ലഭ്യമാ​യേ​ക്കാം എന്നത്‌ നമ്മെ ആശ്ചര്യ​പ്പെ​ടു​ത്തേ​ണ്ട​തില്ല. എന്തു​കൊ​ണ്ടില്ല? അപ്പൊസ്‌ത​ല​ന്മാ​രു​ടെ കാര്യ​മെ​ടു​ക്കുക. ഒന്നാം നൂറ്റാ​ണ്ടി​ലെ മറ്റുപല ശിഷ്യ​ന്മാർക്കും ലഭിച്ച​തി​നെ​ക്കാൾ കൂടുതൽ പ്രബോ​ധനം അവർക്കു ലഭിച്ചു. (മർക്കോ. 4:10; 9:35-37) അപ്പോൾപ്പോ​ലും മറ്റു ശിഷ്യ​ന്മാർക്ക്‌ പോഷണം കുറഞ്ഞു​പോ​യില്ല; അവർക്കും ആവശ്യ​മാ​യത്‌ ലഭിക്കു​ക​തന്നെ ചെയ്‌തു.—എഫെ. 4:20-24; 1 പത്രോ. 1:8.

യേശു ഭൂമി​യി​ലാ​യി​രു​ന്ന​പ്പോൾ പറഞ്ഞതും ചെയ്‌ത​തും ആയ ഒട്ടനവധി കാര്യങ്ങൾ സുവി​ശേ​ഷ​വി​വ​ര​ണ​ങ്ങ​ളിൽ രേഖ​പ്പെ​ടു​ത്തി​യി​ട്ടില്ല എന്നതും ശ്രദ്ധേ​യ​മാണ്‌. അപ്പൊസ്‌ത​ല​നായ യോഹ​ന്നാൻ എഴുതി: “യേശു ചെയ്‌ത മറ്റു പല കാര്യ​ങ്ങ​ളു​മുണ്ട്‌. അവ വിശദ​മാ​യി എഴുതി​യാൽ എഴുതിയ ചുരു​ളു​കൾ ലോക​ത്തിൽത്ത​ന്നെ​യും ഒതുങ്ങു​ക​യി​ല്ലെന്നു ഞാൻ കരുതു​ന്നു.” (യോഹ. 21:25) ഒന്നാം നൂറ്റാ​ണ്ടി​ലെ ക്രിസ്‌തു​ശി​ഷ്യ​ന്മാർക്ക്‌ പൂർണ​മ​നു​ഷ്യ​നായ യേശു​വി​നെ​ക്കു​റിച്ച്‌ നമ്മെക്കാൾ അറിവ്‌ ഉണ്ടായി​രു​ന്നെ​ങ്കി​ലും മർമ​പ്ര​ധാ​ന​മായ എന്തെങ്കി​ലും നമുക്ക്‌ നഷ്ടമാ​യി​ട്ടില്ല. യേശു​വി​ന്റെ കാൽച്ചു​വടു പിന്തു​ട​രാൻ ആവശ്യ​മാ​യത്ര അറിവ്‌ അവനെ​ക്കു​റിച്ച്‌ നമുക്കു ലഭ്യമാ​ണെന്ന്‌ യഹോവ ഉറപ്പു​വ​രു​ത്തി​യി​രി​ക്കു​ന്നു.—1 പത്രോ. 2:21.

ഇനിയും, ഒന്നാം നൂറ്റാ​ണ്ടി​ലെ സഭകൾക്ക്‌ അപ്പൊസ്‌ത​ല​ന്മാർ എഴുതിയ കത്തുക​ളെ​ക്കു​റിച്ച്‌ ചിന്തി​ക്കുക. പൗലോ​സി​ന്റെ കത്തുക​ളിൽ കുറഞ്ഞ​പക്ഷം ഒന്നെങ്കി​ലും ബൈബി​ളിൽ ഉൾപ്പെ​ടു​ത്തി​യി​ട്ടില്ല. (കൊലോ. 4:16) ആ കത്ത്‌ ലഭ്യമ​ല്ലാ​ത്ത​തു​കൊ​ണ്ടു​മാ​ത്രം നമുക്കുള്ള ആത്മീയ​പോ​ഷ​ണ​ത്തിന്‌ എന്തെങ്കി​ലും കുറവു സംഭവി​ച്ചി​ട്ടു​ണ്ടോ? ഒരിക്ക​ലു​മില്ല. നമുക്ക്‌ എന്താണ്‌ ആവശ്യ​മെന്ന്‌ യഹോ​വയ്‌ക്ക്‌ അറിയാം; നമ്മെ ആത്മീയ​മാ​യി ശക്തരാക്കി നിറു​ത്താൻ മതിയാ​യ​തെ​ല്ലാം അവൻ നമുക്ക്‌ തന്നിട്ടുണ്ട്‌.—മത്താ. 6:8.

ഇന്ന്‌, യഹോ​വ​യു​ടെ ദാസരു​ടെ ചില കൂട്ടങ്ങൾക്ക്‌ മറ്റുള്ള​വ​രെ​ക്കാൾ കൂടുതൽ ആത്മീയ​ഭ​ക്ഷണം ലഭ്യമാണ്‌. ഏതാനും പ്രസി​ദ്ധീ​ക​ര​ണങ്ങൾ മാത്രം ലഭ്യമായ ഒരു ഭാഷയാ​ണോ നിങ്ങളു​ടേത്‌? അങ്ങനെ​യെ​ങ്കിൽ, യഹോവ നിങ്ങളു​ടെ കാര്യ​ത്തി​ലും കരുത​ലു​ള്ള​വ​നാ​ണെന്ന്‌ ഉറപ്പു​ള്ള​വ​രാ​യി​രി​ക്കുക. ലഭ്യമാ​യി​ട്ടുള്ള വിവരങ്ങൾ നന്നായി പഠിക്കുക. സാധ്യ​മെ​ങ്കിൽ നിങ്ങളു​ടെ​തന്നെ ഭാഷയി​ലുള്ള യോഗ​ങ്ങ​ളിൽ പങ്കെടു​ക്കുക. യഹോവ നിങ്ങളെ ആത്മീയ​മാ​യി ബലിഷ്‌ഠ​രാ​യി നിലനി​റു​ത്തും എന്നതിന്‌ യാതൊ​രു സംശയ​വും വേണ്ടാ.—സങ്കീ. 1:2; എബ്രാ. 10:24, 25.

4 jw.org-യിൽ പ്രസി​ദ്ധീ​ക​രി​ക്കുന്ന വിവരങ്ങൾ നിങ്ങളു​ടെ എത്തുപാ​ടി​ല​ല്ലെ​ങ്കിൽ നിങ്ങൾ ആത്മീയ​മാ​യി ദുർബ​ല​രാ​യി​ത്തീ​രു​മോ?

നമ്മുടെ വെബ്‌സൈ​റ്റിൽ മാസി​ക​ക​ളും മറ്റു ബൈബിൾപഠന സഹായി​ക​ളും നാം പ്രസി​ദ്ധീ​ക​രി​ക്കു​ന്നുണ്ട്‌. ദമ്പതി​മാർക്കും കുട്ടി​ക​ളു​ള്ള​വർക്കും യുവജ​ന​ങ്ങൾക്കും സഹായ​ക​മായ വിവര​ങ്ങ​ളും വെബ്‌സൈ​റ്റിൽ ലഭ്യമാണ്‌. കുടും​ബാ​രാ​ധ​നാ​വേ​ള​യിൽ ഈ വിവരങ്ങൾ പരിചി​ന്തി​ക്കു​ക​വഴി കുടും​ബങ്ങൾ പ്രയോ​ജനം നേടുന്നു. ഇതിനു പുറമേ, ഗിലെ​യാദ്‌ ബിരു​ദ​ദാ​ന​ച്ച​ടങ്ങ്‌, വാർഷി​ക​യോ​ഗം എന്നിങ്ങ​നെ​യുള്ള പ്രത്യേക പരിപാ​ടി​ക​ളു​ടെ റിപ്പോർട്ട്‌ വെബ്‌സൈ​റ്റിൽ നൽകാ​റുണ്ട്‌. യഹോ​വ​യു​ടെ ജനത്തെ ബാധി​ക്കുന്ന പ്രകൃ​തി​ദു​ര​ന്ത​ങ്ങ​ളെ​യും കോട​തി​വി​ധി​ക​ളെ​യും മറ്റു സംഭവ​വി​കാ​സ​ങ്ങ​ളെ​യും സംബന്ധി​ച്ചുള്ള വാർത്തകൾ ആഗോ​ള​സ​ഹോ​ദ​ര​വർഗത്തെ അറിയി​ക്കാ​നും നമ്മുടെ വെബ്‌സൈറ്റ്‌ സഹായി​ക്കു​ന്നു. (1 പത്രോ. 5:8, 9) നമ്മുടെ വേലയ്‌ക്ക്‌ നിയ​ന്ത്ര​ണ​മോ നിരോ​ധ​ന​മോ ഉള്ള ദേശങ്ങ​ളിൽപ്പോ​ലും സുവാർത്ത എത്തിക്കാൻ സഹായി​ച്ചു​കൊണ്ട്‌ പ്രസം​ഗ​പ്ര​വർത്ത​ന​ത്തിൽ ശക്തമായ ഒരു ഉപകര​ണ​മാ​യും അതു വർത്തി​ക്കു​ന്നു.

നമ്മുടെ വെബ്‌സൈറ്റ്‌ നിങ്ങളു​ടെ എത്തുപാ​ടി​ലാ​ണെ​ങ്കി​ലും അല്ലെങ്കി​ലും നിങ്ങൾക്ക്‌ ആത്മീയ​മാ​യി ബലിഷ്‌ഠ​രാ​യി നിലനിൽക്കാ​നാ​കും. ‘വീട്ടു​കാ​രിൽ’ ഓരോ​രു​ത്ത​രെ​യും ആത്മീയ​മാ​യി പരി​പോ​ഷി​പ്പി​ക്കാൻ ആവശ്യ​മാ​യത്ര അച്ചടിച്ച വിവരങ്ങൾ ഉത്‌പാ​ദി​പ്പി​ക്കാൻ അടിമ കഠിനാ​ധ്വാ​നം ചെയ്‌തി​രി​ക്കു​ന്നു. അതു​കൊണ്ട്‌, കേവലം jw.org വെബ്‌സൈറ്റ്‌ ഉപയോ​ഗി​ക്കാ​നാ​യി മാത്രം ഓരോ ക്രിസ്‌ത്യാ​നി​യും എന്തെങ്കി​ലും ഇലക്‌ട്രോ​ണിക്‌ ഉപകരണം വാങ്ങാൻ നിർബ​ന്ധി​ത​നാ​കേ​ണ്ട​തില്ല. ഇന്റർനെറ്റ്‌ സൗകര്യ​മി​ല്ലാത്ത സഹോ​ദ​ര​ങ്ങൾക്ക്‌, വെബ്‌സൈ​റ്റിൽ പ്രസി​ദ്ധീ​ക​രി​ച്ചി​ട്ടുള്ള ചില വിവര​ങ്ങ​ളു​ടെ ഏതാനും പേജുകൾ പ്രി​ന്റെ​ടുത്ത്‌ കൊടു​ക്കാൻ ചിലർ വ്യക്തി​പ​ര​മായ ക്രമീ​ക​ര​ണങ്ങൾ ചെയ്‌തേ​ക്കാം, എന്നാൽ അങ്ങനെ ചെയ്യാൻ സഭകൾക്ക്‌ കടപ്പാട്‌ തോ​ന്നേ​ണ്ട​തില്ല.

നമ്മുടെ ആത്മീയാ​വ​ശ്യ​ങ്ങൾക്കു​വേണ്ടി കരുതും എന്ന തന്റെ വാഗ്‌ദാ​നം യേശു ഇന്ന്‌ നിറ​വേ​റ്റി​ക്കൊ​ണ്ടി​രി​ക്കു​ന്നു. നാം അതിൽ അവനോട്‌ അത്യധി​കം നന്ദിയു​ള്ള​വ​രാണ്‌. ഈ ദുഷ്‌ക​ര​നാ​ളു​ക​ളു​ടെ പരിസ​മാപ്‌തി അതിശീ​ഘ്രം അടുത്തു​വ​രവെ, യഹോവ നമുക്ക്‌ ‘തക്കസമ​യത്ത്‌ ആത്മീയ​ഭ​ക്ഷണം’ നൽകു​ന്ന​തിൽ തുടരു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.