അവരെ സഹായി​ക്കാ​നുള്ള ഒരു മാർഗം

സത്യ​ക്രി​സ്‌ത്യാ​നി​കൾ സുവാർത്ത വ്യാപി​പ്പി​ച്ചു​കൊണ്ട്‌ പരസ്യ ശുശ്രൂ​ഷ​യിൽ പങ്കെടു​ക്കു​ന്നു. (ഫിലി. 2:17) അതിനുള്ള ഒരു മാർഗം എന്ന നിലയിൽ 20 ഭാഷക​ളി​ലാ​യി ചില അടിസ്ഥാന ലഘുപ​ത്രി​കകൾ, ലഘു​ലേ​ഖകൾ, ലേഖനങ്ങൾ എന്നിവ ഇന്റർനെ​റ്റി​ലെ www.watchtower.org എന്ന വെബ്‌​സൈ​റ്റിൽ ലഭ്യമാ​യി​രു​ന്നി​ട്ടുണ്ട്‌. ഇത്‌, യഹോ​വ​യു​ടെ സാക്ഷി​കൾക്ക്‌ പുതിയ പ്രസി​ദ്ധീ​ക​ര​ണങ്ങൾ വിതരണം ചെയ്യാ​നാ​യി രൂപകൽപ്പന ചെയ്‌തി​ട്ടുള്ള ഒന്നല്ല. യഹോ​വ​യു​ടെ സാക്ഷികൾ ബൈബി​ളിൽനിന്ന്‌ എന്തു പഠിപ്പി​ക്കു​ന്നു എന്നതു സംബന്ധിച്ച്‌ പൊതു​ജ​ന​ത്തിന്‌ കൃത്യ​മായ വിവരം ലഭ്യമാ​ക്കുക എന്നതാണ്‌ ഇതിന്റെ ഉദ്ദേശ്യം.

അടുത്ത​യി​ടെ, ശ്രദ്ധേ​യ​മായ ഒരു പ്രസി​ദ്ധീ​ക​രണം കൂടെ നമ്മുടെ ഔദ്യോ​ഗിക വെബ്‌​സൈ​റ്റിൽ ഉൾപ്പെ​ടു​ത്തു​ക​യു​ണ്ടാ​യി. ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യാണ്‌ അത്‌. 220-ലധികം ഭാഷക​ളിൽ അതു ലഭ്യമാ​ക്കി​യി​രി​ക്കു​ന്നു. കൂടാതെ, 2004 ജനുവരി 1, ജനുവരി 8 ലക്കങ്ങൾ മുതൽ എല്ലാ ഭാഷക​ളി​ലും വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും അവസാന പേജിൽ നമ്മുടെ വെബ്‌ അഡ്രസ്സ്‌ നൽകാൻ തുടങ്ങി.

ഈ ഉപകരണം നിങ്ങൾക്ക്‌ എങ്ങനെ ഉപയോ​ഗി​ക്കാ​നാ​കും? താത്‌പ​ര്യ​മു​ള്ള​താ​യി കാണ​പ്പെ​ടു​ന്നെ​ങ്കി​ലും മറ്റൊരു ഭാഷ മാത്രം മനസ്സി​ലാ​കുന്ന ഒരു വ്യക്തിയെ നിങ്ങൾ കണ്ടുമു​ട്ടി​യേ​ക്കാം. അദ്ദേഹ​ത്തിന്‌ ഇന്റർനെറ്റ്‌ സൗകര്യ​മു​ണ്ടെ​ങ്കിൽ വീക്ഷാ​ഗോ​പു​ര​ത്തി​ന്റെ​യോ ഉണരുക!യുടെ​യോ പിൻപേ​ജി​ലുള്ള വെബ്‌ അഡ്രസ്സ്‌ നിങ്ങൾക്കു ശ്രദ്ധയിൽ പെടു​ത്താ​വു​ന്ന​താണ്‌. അദ്ദേഹ​ത്തി​ന്റെ ഭാഷയി​ലുള്ള സാഹി​ത്യ​വു​മാ​യി നിങ്ങൾ മടങ്ങി​ച്ചെ​ല്ലു​ന്ന​തു​വരെ, വെബ്‌​സൈ​റ്റിൽ തന്റെ സ്വന്തം ഭാഷയി​ലുള്ള ആവശ്യം ലഘുപ​ത്രിക പരി​ശോ​ധി​ക്കാൻ ഒരുപക്ഷേ അദ്ദേഹ​ത്തി​നു സാധി​ക്കും. അല്ലെങ്കിൽ, ആ വ്യക്തി​യു​ടെ ഭാഷ ഉപയോ​ഗി​ക്കുന്ന ഒരു സഭയ്‌ക്കോ കൂട്ടത്തി​നോ ആ മടക്കസ​ന്ദർശനം കൈമാ​റാൻ നിങ്ങൾക്കു കഴി​ഞ്ഞേ​ക്കും.