ഇൻഡക്‌സിന്‌ കുടും​ബ​ത്തി​നു പ്രയോ​ജ​നം​ചെ​യ്യാൻ കഴിയുന്ന വിധം

¹ .കുടും​ബാം​ഗ​ങ്ങ​ളെ​ക്കു​റി​ച്ചു സംസാ​രി​ക്കവേ 1 തിമൊ​ഥെ​യോസ്‌ 5:4 ഇങ്ങനെ പ്രസ്‌താ​വി​ക്കു​ന്നു: “അവർ ആദ്യം തങ്ങളുടെ സ്വന്തം കുടും​ബ​ത്തിൽ ദൈവി​ക​ഭക്തി ആചരി​ക്കാൻ പഠിക്കട്ടെ.” തീർച്ച​യാ​യും കുടും​ബാം​ഗ​ങ്ങ​ളോ​ടു​ളള നമ്മുടെ ഇടപെ​ട​ലു​ക​ളിൽ ദൈവി​ക​ഭ​ക്തി​യു​ടെ ആചരണം പഠിക്കേണ്ട ഒന്നാണ്‌. ഇതിൽ നമുക്ക്‌ ദിവ്യ​മാർഗ്ഗ​നിർദ്ദേശം ആവശ്യ​മാണ്‌. കാരണം കുടും​ബാം​ഗ​ങ്ങൾക്കു​വേ​ണ്ടി​യു​ളള കരുതൽ നമ്മുടെ ക്രിസ്‌തീ​യ​ക​ട​പ്പാ​ടി​ന്റെ ഭാഗമാണ്‌. വാച്ച്‌റ​റവർ പബ്ലി​ക്കേ​ഷൻസ്‌ ഇൻഡക്‌സിന്‌ കുടും​ബ​ജീ​വി​ത​ത്തിൽ സംജാ​ത​മാ​കുന്ന വിവിധ സാഹച​ര്യ​ങ്ങൾക്കു​ളള മാർഗ്ഗ​നിർദ്ദേശം കണ്ടെത്താൻ നമ്മെ സഹായി​ക്കാൻ കഴിയും.

² ഒരു പുരു​ഷ​നും സ്‌ത്രീ​യും വിവാ​ഹി​ത​രാ​കു​മ്പോൾ ഒരു കുടും​ബം ആസ്‌തി​ക്യ​ത്തിൽവ​രു​ന്നു. (ഉല്‌പ. 2:24) നിങ്ങൾ വിവാ​ഹ​ത്തെ​ക്കു​റി​ച്ചു സഗൗരവം പരിചി​ന്തി​ക്കു​ന്നു​ണ്ടോ? “വിവാഹം” എന്ന തലക്കെ​ട്ടിൻകീ​ഴിൽ നിങ്ങൾ “ഒരു ഇണയെ തെര​ഞ്ഞെ​ടു​ക്കൽ” എന്ന ഉപതല​ക്കെട്ടു കാണും. ചില​പ്പോൾ പ്രയാ​സ​മു​ളള ഈ ഉദ്യമം​സം​ബ​ന്ധിച്ച്‌ സഹായ​ക​മായ ബുദ്ധി​യു​പ​ദേ​ശ​ത്തി​ലേക്ക്‌ പരാമർശ​നങ്ങൾ നിങ്ങളെ നയിക്കും. ഇൻഡക്‌സിന്‌ “ഭർത്താ​വി​ന്റെ പങ്ക്‌” “ഭാര്യ​യു​ടെ പങ്ക്‌” എന്നിങ്ങ​നെ​യു​ളള ഉപതല​ക്കെ​ട്ടു​ക​ളു​മുണ്ട്‌, ഓരോ​ന്നും വിവാ​ഹി​ത​രാ​യ​വർക്കും വിവാ​ഹം​ചെ​യ്യാ​നാ​ഗ്ര​ഹി​ക്കു​ന്ന​വർക്കും പ്രയോ​ജ​ന​ക​രായ വിവര​ങ്ങ​ളു​ടെ പരാമർശ​നങ്ങൾ പ്രദാ​നം​ചെ​യ്യു​ന്നു. കൂടാതെ, “ആശയവി​നി​മയം” “അടുപ്പം” “സമാധാ​നം” എന്നിങ്ങ​നെ​യു​ളള ഉപതല​ക്കെ​ട്ടു​കൾ വിവാ​ഹത്തെ സമ്പന്നമാ​ക്കാൻക​ഴി​യുന്ന വിവര​ങ്ങ​ളി​ലേക്കു വിരൽചൂ​ണ്ടു​ന്നു. പ്രയാ​സങ്ങൾ പൊന്തി​വ​രു​മ്പോൾ “പ്രശ്‌നങ്ങൾ” എന്ന ഉപതല​ക്കെ​ട്ടിന്‌ അവ എങ്ങനെ പരിഹ​രി​ക്കാ​മെ​ന്നു​ളള ഫലകര​മായ ബുദ്ധി​യു​പ​ദേ​ശ​ത്തി​ലേക്ക്‌ നിങ്ങളെ നയിക്കാൻക​ഴി​യും.

³ മക്കൾ യഹോ​വ​യിൽനി​ന്നു​ളള ഒരു അവകാ​ശ​മാ​കു​ന്നു. (സങ്കീ. 127:3) മാതാ​പി​താ​ക്കൾക്ക്‌ “യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വൽക്ക​ര​ണ​ത്തി​ലും” എങ്ങനെ തങ്ങളുടെ മക്കളെ വളർത്താൻക​ഴി​യും? (എഫേ. 6:4) യഹോവ തന്റെ വചനവും വിശ്വ​സ്‌ത​നായ അടിമ​വർഗ്ഗ​വും മുഖേന പ്രദാ​നം​ചെ​യ്യുന്ന മാർഗ്ഗ​നിർദ്ദേശം സുപ്ര​ധാ​ന​മാണ്‌. മാതാ​പി​താ​ക്കൾക്ക്‌ തങ്ങളുടെ മക്കളുടെ വിചാ​ര​ങ്ങ​ളി​ലേ​ക്കും ആവശ്യ​ങ്ങ​ളി​ലേ​ക്കു​മു​ളള ഉൾക്കാഴ്‌ച ആവശ്യ​മാണ്‌. “കുട്ടികൾ” “യുവജ​നങ്ങൾ” എന്നിങ്ങ​നെ​യു​ളള ഇൻഡക്‌സ്‌ തലക്കെ​ട്ടു​ക​ളി​ലൂ​ടെ സഹായ​ക​മായ ബുദ്ധി​യു​പ​ദേ​ശ​വും നിർദ്ദേ​ശ​ങ്ങ​ളും കണ്ടെത്താൻക​ഴി​യും. എന്നാൽ അവരുടെ ഇളംഹൃ​ദ​യ​ങ്ങ​ളിൽ യഹോ​വ​യു​ടെ നിയമം ഉദ്‌ബോ​ധി​പ്പി​ക്കു​ന്ന​തു​സം​ബ​ന്ധി​ച്ചെന്ത്‌? “കുട്ടി​യു​ടെ പരിശീ​ലനം” എന്ന തലക്കെട്ട്‌ മക്കളെ വളർത്തു​ന്ന​തി​ന്റെ സകല വശങ്ങളും സംബന്ധിച്ച ഗ്രാഹ്യ​ത്തോ​ടു​കൂ​ടിയ ചർച്ചക​ളി​ലേക്കു നയിക്കു​ന്നു, അവയിൽ യഹോ​വ​യു​മാ​യി ഒരു വ്യക്തി​പ​ര​മായ ബന്ധം വളർത്താ​നും സത്യത്തി​നു​വേണ്ടി ഒരു ആകാംക്ഷ വളർത്താ​നും അവരെ എങ്ങനെ സഹായി​ക്കാ​മെ​ന്നു​ള​ളത്‌ ഉൾപ്പെ​ടു​ന്നു.—1 പത്രോ. 2:2.

⁴ കുടും​ബ​വി​ജ​യ​ത്തിന്‌ മുന്നമേ ക്രമീ​ക​രി​ക്ക​പ്പെ​ടുന്ന കുടുംബ ബൈബിൾചർച്ചകൾ അത്യന്താ​പേ​ക്ഷി​ത​മാണ്‌. (ആവ. 6:6-9; യെശ. 54:13; എഫേ. 5:25, 26) ആസ്വാ​ദ്യ​മായ കുടും​ബ​ചർച്ചകൾ നടത്തു​ന്ന​തു​സം​ബ​ന്ധിച്ച ആശയങ്ങ​ളു​ടെ പരാമർശ​നങ്ങൾ “കുടും​ബങ്ങൾ” എന്ന തലക്കെ​ട്ടിൻകീ​ഴിൽ കണ്ടെത്താൻക​ഴി​യും. നിലവി​ലു​ളള ഇൻഡക്‌സിൽ “ബൈബി​ള​ദ്ധ്യ​യനം” എന്ന ഉപതല​ക്കെ​ട്ടിന്‌ “അത്‌ ഫലകര​മാ​ക്കൽ,” “അത്‌ ആസ്വാ​ദ്യ​മാ​ക്കൽ,” “അത്‌ രസകര​മാ​ക്കൽ” എന്നിങ്ങ​നെ​യു​ളള ഉപ ഉപതല​ക്കെ​ട്ടു​കൾ ഉണ്ട്‌. കൂടാതെ, ചില​പ്പോ​ഴൊ​ക്കെ യഹോ​വ​യു​ടെ സാക്ഷി​ക​ളു​ടെ ജീവി​ത​ക​ഥ​ക​ളി​ലൊന്ന്‌ പരിചി​ന്തി​ക്കാൻ പാടില്ലേ? “മുഴു​സമയ ശുശ്രൂഷ” എന്ന തലക്കെ​ട്ടിൻകീ​ഴിൽ “ഞാൻ ഒരിക്ക​ലും ഖേദി​ച്ചി​ട്ടി​ല്ലാത്ത ഒരു തെര​ഞ്ഞെ​ടുപ്പ്‌,” “എന്റെ ഹൃദയ​ത്തി​ന്റെ അപേക്ഷകൾ സ്വീക​രി​ക്കൽ” എന്നിങ്ങ​നെ​യു​ളള തലക്കെ​ട്ടു​ക​ളോ​ടു​കൂ​ടിയ ജീവി​ത​ക​ഥ​ക​ളി​ലേക്ക്‌ നിങ്ങൾ നയിക്ക​പ്പെ​ടും. അങ്ങനെ​യു​ളള മററു വിവര​ണങ്ങൾ “മിഷന​റി​മാർ” എന്നതിൻകീ​ഴിൽ പട്ടിക​പ്പെ​ടു​ത്തി​യി​ട്ടുണ്ട്‌. ഒരു പൂർണ്ണ​മായ പട്ടിക “യഹോ​വ​യു​ടെ സാക്ഷി​ക​ളു​ടെ ജീവി​ത​ക​ഥകൾ” എന്നതിൻകീ​ഴിൽ കണ്ടെത്ത​പ്പെ​ടു​ന്നു.

⁵ വാച്ച്‌റ​റവർ പബ്ലി​ക്കേ​ഷൻസ്‌ ഇൻഡക്‌സ്‌ കുടും​ബ​ജീ​വി​ത​ത്തി​നു​ളള ബുദ്ധി​യു​പ​ദേ​ശ​വും ആശയങ്ങ​ളും ശേഖരി​ക്കു​ന്ന​തി​നു​ളള അത്ഭുത​ക​ര​മായ ഒരു പണിയാ​യു​ധ​മാണ്‌. അത്‌ കുടും​ബ​ത്തി​നു​ള​ളി​ലെ നിങ്ങളു​ടെ ഉത്തരവാ​ദി​ത്തങ്ങൾ നിറ​വേ​റ​റു​ന്ന​തിൽ വലിയ ഉല്ലാസം കണ്ടെത്താൻ നിങ്ങളെ സഹായി​ക്കട്ടെ.