വയൽശു​ശ്രൂ​ഷ​യിൽ പൂർണ്ണ​ദേ​ഹി​യോ​ടെ പ്രവർത്തി​ക്കു​ക

ഭാഗം 4: നമ്മുടെ ശുശ്രൂഷ ഫലപ്ര​ദ​മാ​യി നിറ​വേ​റ​റു​ന്ന​തിന്‌ സംഘടി​പ്പി​ക്ക​പ്പെ​ട്ടി​രി​ക്കു​ന്നു

¹ പൂർണ്ണ​ദേ​ഹി​യോ​ടെ​യു​ളള ഒരു പരസ്യ ശുശ്രൂ​ഷക്ക്‌ വ്യക്തി​പ​ര​മായ നല്ല സംഘാ​ടനം ആവശ്യ​മാണ്‌. യേശു ഇന്നത്തെ നമ്മുടെ ശുശ്രൂ​ഷാ​വേ​ലക്ക്‌ ഒരു ശ്രദ്ധേ​യ​മായ മാതൃക വെച്ചു. (ലൂക്കോ. 10:1, 2; പ്രവൃ. 1:8) ഒന്നാം നൂററാ​ണ്ടി​ലെ അവന്റെ ശിഷ്യൻമാർ തങ്ങളുടെ ശുശ്രൂഷ നിറ​വേ​റ​റിയ വിധത്തിൽനി​ന്നും നമുക്ക്‌ പഠിക്കാൻ കഴിയും. (പ്രവൃ. 5:42; 2 തിമൊ. 4:5) എന്നാൽ മെച്ചമാ​യി സംഘടി​ത​രാ​കാ​നും ഇന്ന്‌ സമാന​മായ നല്ല ഫലങ്ങൾ ആസ്വദി​ക്കാ​നും നിങ്ങൾക്ക്‌ എങ്ങനെ കഴിയും?

² വയൽസേ​വ​ന​ത്തിന്‌ സമയം പട്ടിക​പ്പെ​ടു​ത്തുക: നമ്മുടെ ശുശ്രൂഷ നമ്മുടെ ജീവി​ത​ത്തി​ലെ ആകസ്‌മി​ക​മൊ യാദൃ​ച്ഛി​ക​മൊ ആയ ഒരു വശമല്ല. നമ്മുടെ ശുശ്രൂഷ നിറ​വേ​റ​റു​ന്ന​തിന്‌ നാം വിനി​യോ​ഗി​ക്കുന്ന സമയത്തി​ന്റെ അളവ്‌ അവസര​ത്തിന്‌ വിട്ടു​കൊ​ടു​ക്കാൻ കഴിയു​ന്നതല്ല. നമ്മുടെ ശുശ്രൂഷ ഫലപ്ര​ദ​മാ​യി സംഘടി​പ്പി​ക്കു​ന്ന​തിന്‌ നാം അതിന്റെ വിവിധ വശങ്ങൾക്ക്‌ സമയം നീക്കി​വെ​ക്കണം. (എഫേ. 5:15, 16) അനേകം പ്രസാ​ധകർ ഓരോ മാസവും തങ്ങൾ എത്ര മണിക്കൂർ ശുശ്രൂ​ഷ​ക്കു​വേണ്ടി വിനി​യോ​ഗി​ക്കു​മെന്ന്‌ ഒരു ലാക്കു​വെ​ക്കു​ന്നത്‌ സഹായ​ക​മാ​ണെന്ന്‌ കണ്ടെത്തു​ന്നു. ഇത്‌ സാധാ​ര​ണ​യാ​യി ഓരോ വാരത്തി​ലും വയൽസേ​വ​ന​ത്തിൽ ഏർപ്പെ​ട​ത്ത​ക്ക​വണ്ണം തങ്ങളുടെ കാര്യാ​ദി​കൾ ക്രമീ​ക​രി​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു. ക്രിസ്‌തീയ മാതാ​പി​താ​ക്കൾ തങ്ങളുടെ കുട്ടികൾ വയൽ ശുശ്രൂ​ഷ​യു​ടെ വിവിധ വശങ്ങളിൽ ക്രമമാ​യി പങ്കെടു​ക്കു​ന്ന​തിന്‌ സമയം പട്ടിക​പ്പെ​ടു​ത്താൻ അവരെ സഹായി​ക്കണം.—ആവ. 6:7; സദൃ. 22:6.

³ ഉദ്ദേശ്യ​പൂർണ്ണ​മായ ലാക്കുകൾ വെക്കുക: യഥാർത്ഥ​മായ ലാക്കുകൾ ലക്ഷ്യമി​ടു​ന്ന​തിന്‌ നിങ്ങൾക്ക്‌ ചിലത്‌ പ്രദാനം ചെയ്യും. നിങ്ങളു​ടെ ലാക്ക്‌ സാക്ഷാ​ത്‌ക്ക​രി​ക്ക​പ്പെ​ടു​മ്പോൾ നിങ്ങൾ സാഫല്യ​ത്തി​ന്റെ സന്തോഷം അനുഭ​വി​ക്കും. (സദൃ. 13:12) അപ്പോ​സ്‌ത​ല​നായ പൗലോസ്‌ ഇപ്രകാ​രം ഉദ്‌ബോ​ധി​പ്പി​ച്ചു: “ഏതായാ​ലും, നാം പുരോ​ഗതി നേടി​യി​രി​ക്കുന്ന അളവിൽ, അതേ ക്രമത്തിൽ നമുക്ക്‌ ചിട്ടയാ​യി തുടർന്നു​ന​ട​ക്കാം.” (ഫിലി. 3:16) നിങ്ങളു​ടെ ആത്മീയ​മായ പുരോ​ഗ​തി​യു​ടെ എല്ലാ വശങ്ങളു​ടെ​യും കാര്യ​ത്തി​ലെ​ന്ന​പോ​ലെ, നിങ്ങളു​ടെ വയൽ പ്രവർത്തനം ഒരു ചിട്ടയായ ക്രമത്തിന്‌ തെളിവു നൽകണം.

⁴ ദൃഷ്ടാ​ന്ത​ത്തിന്‌ നിങ്ങൾക്ക്‌ ലഘു​ലേ​ഖ​ക​ളു​ടെ​യും ഹാൻഡ്‌ബി​ല്ലു​ക​ളു​ടെ​യും ഒരു വിപു​ല​മായ ശേഖര​മു​ണ്ടോ? നിങ്ങൾ പുതിയ മാസി​കകൾ ആവശ്യാ​നു​സ​രണം കൈവശം സൂക്ഷി​ച്ചി​ട്ടു​ണ്ടോ, അവ നല്ല നിലയി​ലാ​ണോ? നിങ്ങൾ താൽപ്പ​ര്യം രേഖ​പ്പെ​ടു​ത്തു​ന്ന​തിന്‌ ഒന്നും ആളില്ലാ ഭവനങ്ങൾ രേഖ​പ്പെ​ടു​ത്തു​ന്ന​തിന്‌ മറെറാ​ന്നും ഉപയോ​ഗി​ച്ചു​കൊണ്ട്‌ വീടു​തോ​റു​മു​ളള രേഖകൾ നന്നായി ഉപയോ​ഗി​ക്കു​ന്നു​ണ്ടോ?

⁵ ശുശ്രൂ​ഷ​യിൽ പങ്കെടു​ക്കു​ന്ന​തി​നു മുമ്പ്‌ പുതിയ സംഭാ​ഷ​ണ​വി​ഷയം പുനര​വ​ലോ​കനം ചെയ്യു​ന്ന​തിന്‌ സമയ​മെ​ടു​ക്കുക. സമർപ്പി​ക്ക​പ്പെ​ടുന്ന പ്രസി​ദ്ധീ​ക​ര​ണ​ത്തി​ലെ സംസാ​രാ​ശ​യങ്ങൾ വേർതി​രി​ക്കുക, അവ താൽപ്പ​ര്യം ജനിപ്പി​ക്ക​ത്ത​ക്ക​വണ്ണം ഉപയോ​ഗി​ക്കു​ന്ന​തിന്‌ ഒരുങ്ങു​ക​യും ചെയ്യുക. കൂടാതെ, തിരു​വെ​ഴു​ത്തു​ക​ളിൽ നിന്ന്‌ ന്യായ​വാ​ദം ചെയ്യൽ എന്ന വയൽസേവന കൈപ്പു​സ്‌തകം ഉപയോ​ഗി​ക്കു​ന്ന​തിന്‌ തയ്യാറാ​യി​രി​ക്ക​യും ചെയ്യുക. ഫോൺ വിളി​കൾക്കി​ട​യിൽപോ​ലും അതിന്റെ ധാരാളം നിർദ്ദേ​ശ​ങ്ങ​ളിൽ കുറെ പെട്ടെന്ന്‌ പരാമർശി​ക്കാൻ കഴിയും. പ്രാ​യോ​ഗി​ക​മായ ഈ ആശയങ്ങൾ ബാധക​മാ​ക്കു​ന്നത്‌ നിങ്ങളു​ടെ ശുശ്രൂ​ഷ​യു​ടെ ഫലപ്ര​ദ​ത്വ​ത്തെ അഭിവൃ​ദ്ധി​പ്പെ​ടു​ത്തും.

⁶ ഈ അന്ത്യ നാളു​ക​ളിൽ “സുവാർത്ത​യു​ടെ വിശുദ്ധ വേല”യിൽ ഒരു പൂർണ്ണ​മായ പങ്കുണ്ടാ​യി​രി​ക്കു​ന്നത്‌ ഒരു അനു​ഗ്ര​ഹ​ക​ര​മായ പദവി​യാണ്‌. (റോമ. 15:16) സാധ്യ​മായ ഏററവും നല്ല സാക്ഷ്യം, “അധരഫലം,” നൽകി​ക്കൊണ്ട്‌ നാം നമ്മുടെ ശുശ്രൂഷ നിറ​വേ​റ​റാൻ കഠിന​ശ്രമം ചെയ്യണം. (എബ്രാ. 13:15; ഹോശയ 14:2 താരത​മ്യ​പ്പെ​ടു​ത്തുക.) ഇതു ചെയ്യു​ന്ന​തിന്‌, നമുക്ക്‌ വയൽസേ​വ​ന​ത്തിൽ ക്രമമായ ഒരു പങ്കുണ്ടാ​യി​രി​ക്കാൻ പട്ടിക​യു​ണ്ടാ​ക്കു​ക​യും യഹോ​വ​യു​ടെ സ്‌തു​തി​ക്കു​വേണ്ടി നമ്മുടെ ശുശ്രൂഷ നിറ​വേ​റ​റാൻ നമ്മെ പ്രാപ്‌ത​രാ​ക്കുന്ന ന്യായ​മായ ലാക്കുകൾ സ്ഥാപി​ക്കു​ക​യും ചെയ്യാം.