വയൽശു​ശ്രൂ​ഷ​യിൽ പൂർണ്ണ​ദേ​ഹി​യോ​ടെ പ്രവർത്തി​ക്കു​ക

ഭാഗം 5: പൂർണ്ണ​ദേ​ഹി​യോ​ടെ​യു​ളള സേവന​ത്തി​ന്റെ സമൃദ്ധ​മായ പ്രയോ​ജ​ന​ങ്ങൾ

¹ യഹോവ മുഴു​ദേ​ഹി​യോ​ടെ സേവി​ക്കുന്ന തന്റെ ദാസൻമാർക്ക്‌ സമൃദ്ധ​മായ പ്രയോ​ജ​നങ്ങൾ സീമാ​തീ​ത​മാ​യി ലഭ്യമാ​ക്കി​യി​രി​ക്കു​ന്നു. (സങ്കീ. 116:12) നമുക്ക്‌ നമ്മുടെ ശുശ്രൂ​ഷ​യിൽ യഹോ​വ​യിൽനിന്ന്‌ പൂർണ്ണ അളവി​ലു​ളള അനു​ഗ്ര​ഹങ്ങൾ എങ്ങനെ ആസ്വദി​ക്കാൻ കഴിയും? നമുക്കു​വേണ്ടി ഏതനു​ഗ്ര​ഹങ്ങൾ കരുതി​യി​രി​ക്കു​ന്നു? നമുക്ക്‌ അവന്റെ അംഗീ​കാ​ര​വും ആനുകൂ​ല്യ​വും ഉറപ്പു​വ​രു​ത്തു​ന്ന​തിന്‌ നാം എന്തു ചെയ്യണം?

² വ്യക്തി​പ​ര​മായ പ്രയത്‌നം ആവശ്യം: നിങ്ങൾ ദൈവ​ദ​ത്ത​മായ പ്രയോ​ജ​നങ്ങൾ അനുഭ​വി​ക്കു​ന്ന​തി​ന്റെ വ്യാപ്‌തി അധിക​മാ​യും ദൈ​വേഷ്ടം ചെയ്യു​ന്ന​തി​നു​ളള നിങ്ങളു​ടെ വ്യക്തി​പ​ര​മായ പ്രയത്‌ന​ങ്ങളെ ആശ്രയി​ച്ചി​രി​ക്കു​ന്നു. ശുശ്രൂ​ഷയെ സംബന്ധിച്ച്‌ പൗലോസ്‌ എഴുതി: “ഓരോ​രു​ത്തർക്കും അവനവന്റെ അദ്ധ്വാ​ന​മ​നു​സ​രിച്ച്‌ അവനവന്റെ പ്രതി​ഫലം ലഭിക്കും.” (1 കൊരി. 3:8) അതു​കൊണ്ട്‌ നമുക്ക്‌ ശുശ്രൂ​ഷ​യിൽ നമ്മാൽ സാദ്ധ്യ​മാ​കു​ന്ന​ട​ത്തോ​ളം പൂർണ്ണ​മായ പങ്കുവ​ഹി​ക്കാം. അപ്പോ​സ്‌ത​ല​നായ പൗലോ​സിന്‌ അനേകം ആളുകളെ, മുഴു സഭക​ളെ​പ്പോ​ലും, ദൈവ​ത്തെ​ക്കു​റിച്ച്‌ അറിയു​ന്ന​തിന്‌ സഹായി​ക്കു​ന്ന​തി​ലു​ളള വ്യക്തി​പ​ര​മായ പ്രതി​ഫ​ല​മു​ണ്ടാ​യി​രു​ന്നു. വിശ്വാ​സ​ത്തി​ലു​ളള അവരുടെ ദൃഢത നിരീ​ക്ഷി​ച്ച​തിൽ അവൻ എത്രമാ​ത്രം സന്തോഷം അനുഭ​വി​ച്ചു! (1 തെസ്സ. 2:19, 20) ഒരു പക്ഷേ, നിങ്ങളു​ടെ സാഹച​ര്യ​ങ്ങൾ ശുശ്രൂ​ഷ​യിൽ പൗലോ​സി​നെ​പ്പോ​ലെ പൂർണ്ണ​മാ​യി ഉൾപ്പെ​ടു​ന്ന​തിന്‌ അനുവ​ദി​ക്ക​യി​ല്ലാ​യി​രി​ക്കാം. എന്നിരു​ന്നാ​ലും, ഒരു വ്യക്തി​യെ​യോ ചെമ്മരി​യാ​ടു​തു​ല്യ​രായ ഒരു കുടും​ബ​ത്തെ​പോ​ലു​മോ ജീവനി​ലേ​ക്കു​ളള വഴിയിൽ ദൃഢമാ​യി ഉറപ്പി​ക്കാൻ സഹായി​ക്കു​ന്നത്‌ സമൃദ്ധ​മായ അനു​ഗ്ര​ഹ​മാ​യി​രി​ക്ക​യി​ല്ല​യോ? വീടു​തോ​റു​മു​ളള ശുശ്രൂ​ഷ​യിൽ കഠിന​വേല ചെയ്യു​ന്ന​തി​നും മടക്കസ​ന്ദർശ​ന​ങ്ങ​ളാ​ലും ബൈബിൾ അദ്ധ്യയ​ന​ങ്ങ​ളാ​ലും പിന്തു​ട​രു​ന്ന​തി​നും എന്തോരു പ്രോ​ത്സാ​ഹനം!

³ കൂടു​ത​ലായ പ്രയോ​ജ​നങ്ങൾ: മുഴു​ദേ​ഹി​യോ​ടെ​യു​ളള സേവന​ത്തി​ന്റെ ഒരു അമൂല്യ​മായ പ്രയോ​ജനം, ഒരു കൂട്ടു​വേ​ല​ക്കാ​രൻ എന്ന നിലയിൽ ഒരുവൻ യഹോ​വ​യോ​ടും യേശു​ക്രി​സ്‌തു​വി​നോ​ടും കൂടുതൽ അടുപ്പി​ക്ക​പ്പെ​ടു​ന്നു എന്നതാണ്‌. (മത്താ. 11:29, 30; 1 കൊരി. 3:9) നിങ്ങളെ ശുശ്രൂ​ഷ​യിൽ ദൈവ​ത്തി​ന്റെ ആത്മാവ്‌ സഹായി​ക്കു​ന്നു​വെ​ന്ന​റി​യു​ന്ന​തിൽ എത്ര സന്തോ​ഷ​മുണ്ട്‌! (മത്താ. 10:20; യോഹ. 14:26) അതുകൂ​ടാ​തെ, സഭയിലെ മററു​ള​ള​വ​രോ​ടൊ​ത്തു​നിന്ന്‌ ഉത്സാഹ​പൂർവം പ്രവർത്തി​ക്കു​ന്നത്‌ നമ്മുടെ സ്‌നേ​ഹ​ത്തി​ന്റെ​യും ഐക്യ​ത്തി​ന്റെ​യും ബന്ധത്തെ ശക്തീക​രി​ക്കു​ന്നു.

⁴ ഈ അന്ത്യനാ​ളു​ക​ളിൽ യഹോവ തന്റെ ഇഷ്ടം നിറ​വേ​റ​റാൻ ഉപയോ​ഗി​ക്കുന്ന സ്ഥാപനത്തെ നാം പൂർണ്ണ​മാ​യി പിന്താ​ങ്ങു​ന്നി​ല്ലെ​ങ്കിൽ നമുക്ക്‌ അവനിൽനി​ന്നു​ളള മുഴു​പ്ര​യോ​ജ​ന​ങ്ങ​ളും ആസ്വദി​ക്കാൻ കഴിയു​ക​യില്ല. (2 രാജാ. 10:15 താരത​മ്യം ചെയ്യുക.) നാം ദൈവ​ത്തി​ന്റെ സരണി​യി​ലൂ​ടെ നമുക്കു ലഭിക്കുന്ന മാർഗ്ഗ​നിർദ്ദേ​ശങ്ങൾ അടുത്തും മുഴു​ഹൃ​ദ​യ​ത്തോ​ടെ​യും പിൻപ​റ​റു​ക​യും സഭാ​പ്ര​വർത്ത​ന​ങ്ങ​ളിൽ സജീവ​മാ​യി ഉൾപ്പെ​ടു​ക​യും ചെയ്യു​മ്പോൾ നാം സാത്താന്റെ കുടി​ല​മായ ഉപായ​ങ്ങ​ളിൽനിന്ന്‌ ആത്മീയ​മാ​യി സംരക്ഷി​ക്ക​പ്പെ​ടു​ന്നു. ശുശ്രൂ​ഷ​യിൽ കൂടുതൽ ഉൽപ്പാ​ദ​ക​മായ പങ്കുണ്ടാ​യി​രി​ക്കു​ന്ന​തിന്‌ നാം പ്രാപ്‌ത​രാ​യി​ത്തീ​രു​ന്നു.

⁵ വയൽശു​ശ്രൂ​ഷ​യിൽ പൂർണ്ണ​ദേ​ഹി​യോ​ടെ പ്രവർത്തി​ക്കുക എന്ന അഞ്ചുഭാ​ഗ​ങ്ങ​ളു​ളള ലേഖന​ങ്ങ​ളു​ടെ ഈ പരമ്പര, ഉൾപ്പെ​ട്ടി​രി​ക്കുന്ന അനേകം വസ്‌തു​തകൾ പ്രദീ​പ്‌ത​മാ​ക്കി​യി​രി​ക്കു​ന്നു. പൂർണ്ണ​ദേ​ഹി​യോ​ടെ പ്രവർത്തി​ക്കാൻ ഒരു വ്യക്തിയെ പ്രേരി​പ്പി​ക്കുന്ന യഹോ​വ​യോ​ടു​ളള വിലമ​തിപ്പ്‌ കെട്ടു​പ​ണി​ചെ​യ്യു​ന്ന​തി​നു​ളള താക്കോ​ലു​കൾ എന്തെല്ലാ​മെന്ന്‌ നിങ്ങൾ ഓർമ്മി​ക്കു​ന്നു​വോ? (ഓഗസ്‌ററ്‌) വയൽശു​ശ്രൂ​ഷ​യിൽ ഉൽസാഹം കെട്ടു​പ​ണി​ചെ​യ്യു​ന്ന​തിന്‌ തയ്യാറാ​കൽ അത്യാ​വ​ശ്യ​മാ​യി​രി​ക്കു​ന്ന​തെ​ന്തു​കൊണ്ട്‌? നമുക്ക്‌ എങ്ങനെ തയ്യാറാ​കാൻ കഴിയും? (സെപ്‌റ​റം​ബർ) അനുഭ​വ​സ​മ്പ​ന്ന​രായ പ്രസാ​ധ​കർക്ക്‌ പൂർണ്ണ​ദേ​ഹി​യോ​ടെ പ്രവർത്തി​ക്കാൻ മററു​ള​ള​വരെ എങ്ങനെ സഹായി​ക്കാൻ കഴിയും? (ഒക്‌ടോ​ബർ) വ്യക്തി​പ​ര​മായ നല്ല സംവി​ധാ​ന​ത്തിന്‌ ശുശ്രൂ​ഷ​യിൽ പൂർണ്ണ​ദേ​ഹി​യോ​ടെ പ്രവർത്തി​ക്കാൻ നമ്മെ എങ്ങനെ സഹായി​ക്കാൻ കഴിയും? (നവംബർ) നിങ്ങൾ ഈ നിർദ്ദേ​ശങ്ങൾ ബാധക​മാ​ക്കു​ന്നു​ണ്ടോ?

⁶ യഹോ​വയെ അനുസ​രി​ക്കു​ന്ന​തി​നാൽ നമുക്ക്‌ പ്രയോ​ജനം ലഭിക്കു​ന്ന​തിന്‌ അവൻ ആഗ്രഹി​ക്കു​ന്നു. (യെശ. 48:17) കൂടാതെ, പൂർണ്ണ​ദേ​ഹി​യോ​ടെ​യു​ളള സേവന​ത്തി​ന്റെ പ്രയോ​ജ​നങ്ങൾ നിങ്ങളെ ശ്രദ്ധി​ക്കു​ന്ന​വ​രി​ലേ​ക്കും വ്യാപി​ക്കു​ന്നു. (1 തിമൊ. 4:15, 16) ചെയ്യുന്ന വേലയിൽ നിങ്ങൾ ദത്തശ്ര​ദ്ധ​രാ​യി​രി​ക്കു​മ്പോൾ യഹോവ അതു നിരീ​ക്ഷി​ക്കു​ക​യും നിത്യ​ജീ​വന്റെ “അവകാ​ശ​മെന്ന തക്ക പ്രതി​ഫലം നിങ്ങൾക്കു ലഭിക്കു”കയും ചെയ്യും.—കൊലോ. 3:23, 24.