മടക്ക സന്ദർശ​ന​ങ്ങ​ളു​ടെ ഉത്തരവാ​ദി​ത്വം സ്വീക​രി​ക്കു​ക

¹ മടക്ക സന്ദർശ​നങ്ങൾ നടത്തു​ന്ന​തിൽ സാധ്യ​മാ​കു​ന്ന​ട​ത്തോ​ളം പൂർണ്ണ​മാ​യി പങ്കെടു​ക്കു​ന്ന​തിന്‌ പ്രേര​ക​മായ അനേകം കാരണങ്ങൾ ഉണ്ട്‌. പൗലോസ്‌ ചെയ്‌ത​തു​പോ​ലെ​തന്നെ നാം ചെയ്യേ​ണ്ട​തിന്‌ നമ്മെ ഏർപ്പി​ച്ചി​രി​ക്കുന്ന വേല പൂർണ്ണ​മാ​യി നിറ​വേ​റ​റു​ന്ന​തിന്‌ നാം ആഗ്രഹി​ക്കു​ന്നു. (പ്രവൃ. 20:21, 24) താൽപ്പ​ര്യ​മു​ളള എല്ലാ ആളുക​ളെ​യും പൂർണ്ണ​മാ​യും നാം വീണ്ടും സന്ദർശി​ക്കു​ന്നെ​ങ്കിൽ നാം നമ്മുടെ ശുശ്രൂഷ പൂർണ്ണ​മാ​യി നിറ​വേ​റ​റു​ന്ന​തിന്‌ കഠിന യത്‌നം ചെയ്യവേ ഒരു നല്ല മനസ്സാക്ഷി കാത്തു സൂക്ഷി​ക്കും.—2 തിമൊ. 4:5.

² അറിവ്‌ നമ്മെ ഉത്തരവാ​ദി​ത്വ​മു​ള​ള​വ​രാ​ക്കി​ത്തീർക്കു​ന്നു: ജീവി​തങ്ങൾ അപകട​ത്തി​ലാണ്‌ എന്ന വസ്‌തുത നമ്മെ മടക്ക സന്ദർസ​നങ്ങൾ നടത്തു​ന്ന​തിന്‌ ജാഗ്ര​ത​യു​ള​ള​വ​രാ​യി​രി​ക്കാൻ പ്രേരി​പ്പി​ക്കണം. (യോഹ. 17:3) യഹോ​വ​യു​ടെ ന്യായ​വി​ധി​യെ​യും അർമ്മ​ഗെ​ദ്ദോ​ന്റെ സാമീ​പ്യ​ത്തെ​യും കുറി​ച്ചു​ളള നമ്മുടെ അറിവ്‌ നമ്മെ ദുഷ്ടൻമാർക്ക്‌ മുന്നറി​യിപ്പ്‌ കൊടു​ക്കു​ന്ന​തി​നു മാത്രമല്ല, എന്നാൽ ‘ഭൂമി​യിൽ സംഭവി​ക്കുന്ന മ്ലേച്ഛ കാര്യങ്ങൾ നിമിത്തം നെടു​വീർപ്പി​ട്ടു കരയു​ന്ന​വരെ’ സഹായി​ക്കു​ന്ന​തി​നും നമ്മെ പ്രചോ​ദി​പ്പി​ക്കും. (യെഹെ. 9:4) അവരെ യഹോ​വ​യു​ടെ ദൃശ്യ​സ്ഥാ​പ​ന​ത്തോട്‌ സഹവാ​സ​ത്തിൽ കൊണ്ടു​വ​രേ​ണ്ട​തുണ്ട്‌.

³ ആളുകൾക്ക്‌ സത്യം കൃത്യ​മാ​യി മനസ്സി​ലാ​ക്കു​ന്ന​തിന്‌ സഹായം ആവശ്യ​മാണ്‌. (പ്രവൃ. 8:30, 31; 18:26) മടങ്ങി​ച്ചെ​ല്ലു​ന്ന​തി​നും വിതക്ക​പ്പെട്ട സത്യത്തി​ന്റെ വിത്തുകൾ “നനക്കു​ന്ന​തി​നു”മുളള നമ്മുടെ ഉത്തരവാ​ദി​ത്വം നാം സ്വീക​രി​ക്കു​ന്ന​തി​നു​ളള മറെറാ​രു കാരണം ഇതാണ്‌. യഹോ​വ​യെ​ക്കു​റി​ച്ചും അവന്റെ അത്ഭുത​ക​ര​മായ ഉദ്ദേശ്യ​ങ്ങ​ളെ​ക്കു​റി​ച്ചു​മു​ളള സൂക്ഷ്‌മ പരിജ്ഞാ​നം സമ്പാദി​ക്കാൻ സഹായി​ക്കു​ന്ന​തിന്‌ ആരെങ്കി​ലും നമ്മുടെ അടുക്കൽ പലപ്രാ​വ​ശ്യം മടങ്ങി​വ​ന്നി​ല്ലാ​യി​രു​ന്നെ​ങ്കിൽ നമ്മൾതന്നെ എത്രമാ​ത്രം ആത്മീയ പുരോ​ഗതി വരുത്തു​മാ​യി​രു​ന്നു?—മത്താ. 7:12.

⁴ സ്‌നേ​ഹ​വും തീക്ഷ്‌ണ​ത​യും പ്രകടി​പ്പി​ക്കുക: മടക്ക സന്ദർശ​നങ്ങൾ നടത്തു​ന്നത്‌ ആളുക​ളോ​ടു​ളള നമ്മുടെ സ്‌നേഹം പ്രകട​മാ​ക്കു​ന്ന​തി​നു​ളള ഒരു നല്ല മാർഗ്ഗ​മാണ്‌. നിരന്തര പയനി​യ​റാ​യി സേവി​ക്കുന്ന അന്ധനായ ഒരു സഹോ​ദരൻ ഇപ്രകാ​രം പറഞ്ഞു: “എന്റെ സ്‌നാ​പ​ന​ത്തി​നു​ശേഷം എപ്പോ​ഴും എന്റെ ആഗ്രഹം ഞാൻ ബൈബി​ളിൽനിന്ന്‌ പഠിച്ചത്‌ മററു​ള​ള​വ​രോട്‌ പറയുക എന്നതാ​യി​രു​ന്നു. എന്റെ അംഗ​വൈ​ക​ല്യം ഇതു ചെയ്യു​ന്ന​തിൽനിന്ന്‌ എന്നെ തടഞ്ഞില്ല എന്നതിൽ ഞാൻ സന്തുഷ്ട​നാ​യി​രു​ന്നു. . . . തെരു​വി​ലെ ഓരോ ഭവനത്തി​ന്റെ​യും ഒരു മാനസ്സി​ക​രേഖ സൂക്ഷി​ക്കു​ന്ന​തി​നും ഞാൻ പഠിച്ചു, ഈ വിധത്തിൽ എനിക്ക്‌ ബൈബി​ള​ദ്ധ്യ​യ​ന​ത്തിൽ താൽപ്പ​ര്യ​മു​ളള ആളുകൾക്ക്‌ മടക്ക സന്ദർശ​നങ്ങൾ നടത്താൻ കഴിഞ്ഞി​രു​ന്നു.” അന്ധനായ ഈ സഹോ​ദ​രന്‌ യഥാർത്ഥ​ത്തിൽ തന്റെ ഹൃദയം​കൊണ്ട്‌ കാണാൻ കഴിയും, അദ്ദേഹം മടക്ക സന്ദർശ​നങ്ങൾ നടത്തു​ക​യും തന്റെ ക്രിസ്‌തീയ സ്‌നേഹം പ്രകടി​പ്പി​ക്കു​ക​യും ചെയ്യു​ന്ന​തിൽ നിന്ന്‌ പുറ​കോ​ട്ടു മാറി​നി​ന്നില്ല.

⁵ മടക്കസ​ന്ദർശ​നങ്ങൾ നടത്തു​മ്പോൾ മിക്ക​പ്പോ​ഴും നമുക്ക്‌ ബൈബിൾ നന്നായി ഉപയോ​ഗി​ക്കു​ന്ന​തി​നും നമ്മിലു​ളള പ്രത്യാ​ശ​യെ​ക്കു​റിച്ച്‌ ന്യായ​വാ​ദം ചെയ്യു​ന്ന​തി​നും അവസര​മുണ്ട്‌. (1 പത്രോ. 3:15) ഇത്‌ വീട്ടു​കാ​രനെ സഹായി​ക്കുക മാത്രമല്ല, പിന്നെ​യോ സത്യ​ത്തോ​ടു​ളള നമ്മുടെ തന്നെ തീക്ഷ്‌ണ​ത​യും വിലമ​തി​പ്പും ജ്വലി​പ്പി​ക്കും. മററു യാതൊ​രു​വി​ധ​ത്തി​ലും ലഭിക്കാൻ കഴിയാത്ത സന്തോഷം മടക്ക സന്ദർശ​നങ്ങൾ കൈവ​രു​ത്തും. ആ സന്തോ​ഷ​ത്തി​ന്റെ മേൻമ ഒരിക്ക​ലും കുറ​യേ​ണ്ട​തില്ല. അത്‌ നാം തീക്ഷ്‌ണ​ത​യോ​ടെ മടക്ക സന്ദർശ​നങ്ങൾ നടത്തു​ന്ന​തി​നാൽ ക്രമമാ​യി പുതു​ക്കാൻ കഴിയും.—സദൃ. 10:22.

⁶ മടക്ക സന്ദർശ​നങ്ങൾ നിർവ​ഹി​ക്കു​ന്ന​തി​നു​ളള നമ്മുടെ ഉത്തരവാ​ദി​ത്വം നാം ഗൗരവ​മാ​യി എടുക്കണം. യഹോ​വ​യു​ടെ ജനം നൻമയാ​യത്‌ മററു​ള​ള​വ​രിൽ നിന്ന്‌ തടഞ്ഞു​വെ​ക്കു​ക​യില്ല, ഇത്‌ 1991 സേവന​വർഷത്തെ നമ്മുടെ ലോക​വ്യാ​പക പ്രവർത്ത​ന​ത്തിൽ നിന്ന്‌ കാണാൻ കഴിയും. (സദൃ. 3:27) നാം 34,49,26,952 മടക്ക സന്ദർശ​ന​ങ്ങ​ളും 39,47,261 ഭവന​ബൈ​ബി​ള​ദ്ധ്യ​യ​ന​ങ്ങ​ളും നടത്തു​ക​യു​ണ്ടാ​യി. 3,00,945 പുതിയ ശിഷ്യൻമാർ തങ്ങളെ​ത്തന്നെ യഹോ​വക്ക്‌ സമർപ്പി​ക്കു​ക​യും സ്‌നാ​പനം ഏൽക്കു​ക​യും ചെയ്‌തു. മടക്ക സന്ദർശ​നങ്ങൾ നിർവ​ഹി​ക്കു​ന്ന​തി​നു​ളള നമ്മുടെ ഉത്തരവാ​ദി​ത്വം സ്വീക​രി​ക്കു​ന്ന​തി​നു​ളള നമ്മുടെ മനസ്സൊ​രു​ക്കം ഇല്ലായി​രു​ന്നെ​ങ്കിൽ ഈ അത്ഭുത​ക​ര​മായ വർദ്ധന ഒരിക്ക​ലും സംഭവി​ക്ക​യി​ല്ലാ​യി​രു​ന്നു.—1 തെസ്സ. 2:8.