സേവന​ത്തി​ന്റെ ഒരു നല്ല പദവി

¹ യഥാർത്ഥ മൂല്യ​ത്തെ​ക്കു​റിച്ച്‌ ആറുവർഷത്തെ കോ​ളേജ്‌ ജീവി​ത​ത്തിൽനി​ന്നു പഠിച്ച​തി​നെ​ക്കാൾ വളരെ​ക്കൂ​ടു​തൽ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും വായന​യാൽ അദ്ദേഹം പഠിച്ചു​വെന്ന്‌ ഒരു വായന​ക്കാ​രൻ പറഞ്ഞു. ഒരു ചുരു​ങ്ങിയ കാലം ഈ മാസി​കകൾ വായി​ച്ച​ശേഷം ആത്മാർത്ഥ​രായ വായന​ക്കാർ വിലമ​തി​പ്പി​ന്റെ അത്തരം ഹൃദ​യോ​ഷ്‌മ​ള​മായ അഭി​പ്രായ പ്രകട​നങ്ങൾ നടത്തു​ന്നത്‌ അസാധാ​ര​ണമല്ല. അവയ്‌ക്കു യഥാർത്ഥ​ത്തിൽ മൂല്യം കല്‌പി​ക്കു​ന്ന​വർക്കു നമ്മുടെ മാസി​കകൾ ക്രമമാ​യി ലഭ്യമാ​ക്കു​ന്ന​തിൽ നാം എത്ര പദവി​യു​ള​ള​വ​രാണ്‌!

² സത്യത്തിൽ താത്‌പ​ര്യം ഉണ്ടെങ്കി​ലും അനേകം ആളുക​ളും ഒരു ഭവന ബൈബി​ള​ദ്ധ്യ​യനം സ്വീക​രി​ക്കുന്ന പടി​യോ​ളം പുരോ​ഗ​മി​ച്ചി​ട്ടില്ല. എന്നാൽ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ഓരോ പുതിയ ലക്കവു​മാ​യി ആരെങ്കി​ലും ക്രമമാ​യി അവരെ സന്ദർശി​ക്കു​ന്നു​വെ​ങ്കിൽ അവരുടെ താത്‌പ​ര്യം നട്ടുവ​ളർത്താൻ കഴി​ഞ്ഞേ​ക്കും. ഉവ്വ്‌, ഒരു മാസി​കാ​റൂ​ട്ടിൽ വിശ്വ​സ്‌ത​മാ​യി മാസിക എത്തിച്ചു​കൊ​ടു​ക്കു​ന്നത്‌ ഒടുവിൽ ഒരു ക്രമമായ ബൈബി​ള​ദ്ധ്യ​യ​ന​ത്തി​നു സമ്മതി​ക്കാൻ ആളുകളെ പ്രേരി​പ്പി​ച്ചി​ട്ടുണ്ട്‌.

³ നാം ആദ്യം മാസിക വായി​ക്കു​ക​യും നമ്മുടെ പട്ടിക​യി​ലു​ളള ഓരോ വ്യക്തി​ക്കും പ്രത്യേ​കാൽ താത്‌പ​ര്യ​മു​ളള നിശ്ചിത ആശയങ്ങൾ ശ്രദ്ധി​ക്കു​ക​യും ചെയ്യു​ന്ന​തി​നാൽ ഒരു മാസി​കാ​റൂട്ട്‌ ഉണ്ടായി​രി​ക്കു​ന്നതു വഴി നാം വ്യക്തി​പ​ര​മാ​യി പ്രയോ​ജനം അനുഭ​വി​ക്കു​ന്നു.

⁴ ആദ്യമാ​യി മാസിക സ്വീക​രി​ക്കു​മ്പോൾ ഒരു വ്യക്തി താത്‌പ​ര്യം പ്രകടി​പ്പി​ക്കു​ന്നു​വെ​ങ്കിൽ നമ്മുടെ മാസി​ക​യിൽ എല്ലാ ദ്വൈ​വാ​ര​ത്തി​ലും ശ്രദ്ധേ​യ​മായ ലേഖനങ്ങൾ പ്രത്യ​ക്ഷ​പ്പെ​ടു​മെ​ന്നും അവ എത്തിച്ചു​കൊ​ടു​ക്കാൻ നിങ്ങൾ സന്തോ​ഷ​മു​ള​ള​വ​നാ​ണെ​ന്നും നിങ്ങൾക്കു വ്യക്തമാ​ക്കാൻ കഴിയും. ഒരു ക്രമമായ അടിസ്ഥാ​ന​ത്തിൽ പിന്തു​ട​രു​ന്ന​തിന്‌ ഉറപ്പു​വ​രു​ത്തുക, വീട്ടു​കാ​ര​നു​മാ​യി ബൈബിൾ വിഷയങ്ങൾ സംസാ​രി​ക്കു​ന്ന​തി​നു​ളള അവസരങ്ങൾ പ്രയോ​ജ​ന​പ്പെ​ടു​ത്തി​ക്കൊ​ണ്ടു തന്നെ. നിങ്ങൾ സേവന​ത്തി​ന്റെ ഈ നല്ല പദവി ആസ്വദി​ക്കു​മെന്നു ഞങ്ങൾക്ക​റി​യാം.