ലളിത​വും ഫലപ്ര​ദ​വു​മായ അവതര​ണ​ങ്ങൾ

¹ യേശു ലളിത​വും വളച്ചു​കെ​ട്ടി​ല്ലാ​ത്ത​തു​മായ ഒരു വിധത്തിൽ രാജ്യ​ദൂ​തു ഘോഷി​ച്ചു. ചെമ്മരി​യാ​ടു​തു​ല്യർ സത്യം കേൾക്കു​മ്പോൾ അനുകൂ​ല​മാ​യി പ്രതി​ക​രി​ക്കു​മെന്ന്‌ യേശു​വിന്‌ അറിയാ​മാ​യി​രു​ന്നു. ആളുകൾ അവരുടെ ചിന്തയി​ലും താത്‌പ​ര്യ​ങ്ങ​ളി​ലും ന്യായ​വാ​ദം ചെയ്യാ​നു​ളള പ്രാപ്‌തി​യി​ലും വ്യത്യ​സ്‌ത​രാ​ണെ​ന്നും യേശു​വിന്‌ അറിയാ​മാ​യി​രു​ന്നു. തദനു​സ​രണം, അവിടുന്ന്‌ തന്റെ ശ്രോ​താ​ക്ക​ളു​ടെ ശ്രദ്ധ പിടി​ച്ചെ​ടു​ക്കു​ന്ന​തി​നും അവരുടെ ഹൃദയ​ങ്ങളെ സ്‌പർശി​ക്കു​ന്ന​തി​നും സങ്കീർണ്ണ​മ​ല്ലാത്ത വിവി​ധ​തരം മുഖവു​ര​ക​ളും ചോദ്യ​ങ്ങ​ളും ദൃഷ്ടാ​ന്ത​ങ്ങ​ളും ഉപയോ​ഗി​ച്ചു. നമുക്ക്‌ അവിടു​ത്തെ ദൃഷ്ടാന്തം അനുക​രി​ക്കാ​നും ലളിത​വും ഫലപ്ര​ദ​വു​മായ അവതര​ണങ്ങൾ നന്നായി ഉപയോ​ഗി​ക്കാ​നും കഴിയും.

² ന്യായ​വാ​ദം പുസ്‌തകം ഫലപ്ര​ദ​മാ​യി ഉപയോ​ഗി​ക്കുക: ന്യായ​വാ​ദം പുസ്‌ത​ക​ത്തി​ന്റെ 11-ാം പേജിൽ “തൊഴിൽ⁄പാർപ്പിടം” എന്ന തലക്കെ​ട്ടിൻകീ​ഴിൽ കൊടു​ത്തി​രി​ക്കുന്ന ഒന്നാമത്തെ മുഖവുര കാലോ​ചി​ത​വും അവതരി​പ്പി​ക്കാൻ എളുപ്പ​മു​ള​ള​തും ആണ്‌.

നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼ “എല്ലാവർക്കും തൊഴി​ലും പാർപ്പി​ട​വും ഉണ്ടായി​രി​ക്കു​മെന്ന്‌ ഉറപ്പു​വ​രു​ത്താൻ എന്തു​ചെ​യ്യാൻ കഴിയും എന്നതി​നെ​പ്പ​ററി ഞങ്ങൾ നിങ്ങളു​ടെ അയൽക്കാ​രു​മാ​യി സംസാ​രി​ക്കു​ക​യാ​യി​രു​ന്നു. മാനുഷ ഗവൺമെൻറു​കൾക്ക്‌ ഇതു സാധി​ക്കും എന്നു പ്രതീ​ക്ഷി​ക്കു​ന്നതു ന്യായ​യു​ക്ത​മാ​ണെന്നു നിങ്ങൾ വിശ്വ​സി​ക്കു​ന്നു​വോ? . . . എന്നാൽ ഈ പ്രശ്‌നങ്ങൾ പരിഹ​രി​ക്കേ​ണ്ട​തെ​ങ്ങ​നെ​യെന്ന്‌ അറിയാ​വുന്ന ഒരാളുണ്ട്‌; അതു മനുഷ്യ​വർഗ്ഗ​ത്തി​ന്റെ സ്രഷ്ടാ​വാണ്‌.” യെശയ്യാ​വു 65:21-23 വായി​ക്കുക. അതിനു​ശേഷം അതേക്കു​റിച്ച്‌ എന്തു​തോ​ന്നു​ന്നു​വെന്നു വീട്ടു​കാ​ര​നോ​ടു നിങ്ങൾക്കു ചോദി​ക്കാൻ കഴിയും.

³ പന്ത്രണ്ടാം പേജിൽ “അനീതി⁄കഷ്ടപ്പാട്‌” എന്ന തലക്കെ​ട്ടിൻകീ​ഴി​ലെ മുഖവുര ഇന്ന്‌ അനേക​രിൽ പ്രതി​ക​രണം ഉളവാ​ക്കും.

നിങ്ങൾക്ക്‌ ഇപ്രകാ​രം ചോദി​ക്കാൻ കഴിയും:

◼ “മനുഷ്യർ അനുഭ​വി​ക്കുന്ന അനീതി​യും കഷ്ടപ്പാ​ടും സംബന്ധി​ച്ചു ദൈവം വാസ്‌ത​വ​ത്തിൽ കരുത​ലു​ള​ള​വ​നാ​ണോ എന്നു നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ?” ഉത്തരം പറയാൻ വീട്ടു​കാ​രനെ അനുവ​ദി​ക്കുക, അനന്തരം സഭാ​പ്ര​സം​ഗി 4:1-ഉം സങ്കീർത്തനം 72:12-14-ഉം വായി​ക്കുക. അതിനു​ശേഷം എന്നേക്കും ജീവി​ക്കാൻ പുസ്‌ത​ക​ത്തി​ന്റെ 150-3 പേജു​ക​ളി​ലെ ചിത്ര​ങ്ങ​ളി​ലേക്കു മറിച്ച്‌ ഇന്നത്തെ ലോകാ​വ​സ്ഥകൾ എങ്ങനെ ബൈബിൾപ്ര​വ​ച​ന​ത്തി​ന്റെ നിവൃ​ത്തി​യാ​യി​രി​ക്കു​ന്നു​വെന്നു ചുരു​ക്ക​മാ​യി കാണി​ച്ചു​കൊ​ടു​ത്തു​കൊണ്ട്‌ നിങ്ങൾക്ക്‌ അതു വിശേ​ഷ​വൽക്ക​രി​ക്കാൻ കഴിയും. അനന്തരം മനുഷ്യ​വർഗ്ഗ​ത്തി​ന്റെ അനു​ഗ്ര​ഹ​ത്തി​നാ​യി ദൈവം കൂടു​ത​ലാ​യി വീണ്ടും എന്തു മുൻകൂ​ട്ടി പറഞ്ഞി​ട്ടു​ണ്ടെന്നു കാണി​ക്കു​ന്ന​തി​നു 161-2 പേജു​ക​ളി​ലേക്കു മറിക്കുക. ഏതുവ​ശ​മാണ്‌ അയാൾ ഏററവും അധികം ഇഷ്ടപ്പെ​ടു​ന്ന​തെന്നു വീട്ടു​കാ​ര​നോ​ടു ചോദി​ക്കുക.

⁴ വീട്ടു​കാ​ര​നു​മാ​യി ഒരു ഹ്രസ്വ​ചർച്ച നടത്തി​യ​ശേഷം, എന്നേക്കും ജീവി​ക്കാൻ പുസ്‌ത​ക​ത്തെ​ക്കാൾ ഒരു മാസി​ക​യി​ലെ ലേഖന​ത്തി​ലേ​ക്കോ ഒരു ലഘുപ​ത്രി​ക​യി​ലേ​ക്കോ ലഘു​ലേ​ഖ​യി​ലേ​ക്കോ അയാളു​ടെ ശ്രദ്ധ തിരി​ക്കു​ന്ന​താ​യി​രി​ക്കും കൂടുതൽ അനു​യോ​ജ്യ​മെന്നു നിങ്ങൾ തീരു​മാ​നി​ച്ചേ​ക്കാം.

ദൃഷ്ടാന്തത്തിന്‌, ഈ ലേഖന​ത്തി​ന്റെ 2-ാം ഖണ്ഡിക​യി​ലെ മുഖവുര ഉപയോ​ഗി​ച്ച​ശേഷം നിങ്ങൾ ഇപ്രകാ​രം പറഞ്ഞേ​ക്കാം:

◼ “നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും? എന്ന ഈ ലഘുപ​ത്രിക നാം അനുദിന ജീവി​ത​ത്തിൽ അഭിമു​ഖീ​ക​രി​ക്കുന്ന പ്രശ്‌നങ്ങൾ പരിഹ​രി​ക്കു​ന്ന​തി​നു ദൈവം എന്തു ചെയ്യു​മെന്നു വാഗ്‌ദത്തം ചെയ്‌തി​രി​ക്കു​ന്നു എന്ന കാര്യം വ്യക്തമാ​യി വിശദീ​ക​രി​ക്കു​ക​യും നമുക്ക്‌ അതിൽനിന്ന്‌ എങ്ങനെ പ്രയോ​ജനം അനുഭ​വി​ക്കാ​മെന്നു കാണി​ച്ചു​ത​രു​ക​യും ചെയ്യുന്നു.” അനന്തരം ലഘുപ​ത്രി​ക​യു​ടെ 18-ഉം 19-ഉം പേജു​ക​ളി​ലേക്കു മറിക്കു​ക​യും യഹോവ ചെയ്‌തി​രി​ക്കുന്ന മഹത്തായ വാഗ്‌ദ​ത്ത​ങ്ങ​ളി​ലേക്കു ശ്രദ്ധ ക്ഷണിക്കു​ക​യും ചെയ്യുക.

⁵ അല്ലെങ്കിൽ 3-ാം ഖണ്ഡിക​യി​ലെ മുഖവുര ഉപയോ​ഗി​ച്ച​ശേഷം സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ വിശേ​ഷ​വൽക്ക​രി​ക്കാൻ കഴിയും.

നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

◼ “ഇന്നത്തെ ലോക​ത്തിൽ വളരെ​യ​ധി​കം ദുരി​ത​വും കുഴപ്പ​വും ഉണ്ട്‌. ദൈവം മനുഷ്യ​വർഗ്ഗ​ത്തിന്‌ അത്ഭുത​ക​ര​മായ ഒരു മാററം കൈവ​രു​ത്തു​മെ​ന്നും യുദ്ധവും ഭക്ഷ്യക്ഷാ​മ​വും ആരോ​ഗ്യ​പ്ര​ശ്‌ന​ങ്ങ​ളും പെട്ടെ​ന്നു​തന്നെ കഴിഞ്ഞ​കാ​ല​സം​ഗ​തി​ക​ളാ​യി​രി​ക്കു​മെ​ന്നും വാഗ്‌ദത്തം ചെയ്‌തി​ട്ടു​ള​ള​താ​യി ഈ ലഘുലേഖ കാണി​ച്ചു​ത​രു​ന്നു.” ലഘു​ലേ​ഖ​യു​ടെ 3-ാം പേജിലെ രണ്ടാം ഖണ്ഡിക വായി​ക്കുക.

⁶ ആളുക​ളി​ലു​ളള നമ്മുടെ ആത്മാർത്ഥ​മായ താത്‌പ​ര്യ​ത്തോ​ടൊ​പ്പം ഹൃദയത്തെ സ്‌പർശി​ക്കുന്ന ലളിത​വും ഫലപ്ര​ദ​വു​മായ അവതര​ണം​കൂ​ടെ ആകു​മ്പോൾ അതു ചെമ്മരി​യാ​ടു​തു​ല്യ​രെ തീർച്ച​യാ​യും ആകർഷി​ക്കും.—യോഹ. 10:16.