ബൈബി​ളി​ലു​ളള താത്‌പ​ര്യം വർധി​പ്പി​ക്കാൻമ​ട​ങ്ങി​ച്ചെ​ല്ലുക

¹ സുവാർത്ത​യിൽ ലേശം താത്‌പ​ര്യം കാണി​ക്കു​ക​യും എന്നാൽ നാം സന്ദർശി​ക്കുന്ന സമയത്തു സംസാ​രി​ക്കാൻ സമയമി​ല്ലാ​ത്ത​വി​ധം വളരെ തിരക്കി​ലാ​യി​രി​ക്കു​ക​യും ചെയ്യുന്ന ആളുകളെ നാം ചില​പ്പോൾ വയൽസേ​വ​ന​ത്തിൽ കണ്ടുമു​ട്ടാ​റുണ്ട്‌. അവരു​മാ​യി രാജ്യ​സ​ന്ദേശം പങ്കുവ​യ്‌ക്കാൻ മറെറാ​രു സമയത്തു മടങ്ങി​ച്ചെ​ല്ലാൻ നാം ശ്രമി​ക്കാ​റു​ണ്ടോ? അല്ലെങ്കിൽ ഒരു വീട്ടു​കാ​ര​നു​മാ​യി നാം രസകര​മായ സംഭാ​ഷണം നടത്തി, എന്നാൽ അദ്ദേഹം സാഹി​ത്യ​മൊ​ന്നും സ്വീക​രി​ക്കു​ന്നില്ല. സത്യ​ത്തെ​ക്കു​റിച്ച്‌ അദ്ദേഹ​ത്തോ​ടു കൂടുതൽ സംസാ​രി​ക്കാൻ നാം മടങ്ങി​ച്ചെ​ല്ലു​മോ?

² നമ്മുടെ പ്രദേശം പൂർണ​മാ​യി പ്രവർത്തി​ച്ചു​തീർക്കു​ന്ന​തും നാം കണ്ടെത്തി​യേ​ക്കാ​വുന്ന എല്ലാ താത്‌പ​ര്യ​ക്കാ​രെ​യും പിന്തു​ടർന്നു ചെല്ലു​ന്ന​തും പ്രധാ​ന​മാണ്‌. പുസ്‌ത​ക​മോ മാസി​ക​ക​ളോ സ്വീക​രി​ക്കുന്ന ആളുകൾക്കു മാത്രമേ നാം മടക്കസ​ന്ദർശ​നങ്ങൾ നടത്താ​റു​ളേളാ? അങ്ങനെ​യെ​ങ്കിൽ താത്‌പ​ര്യ​മു​ളള പലരെ​യും നാം അവഗണി​ക്കു​ക​യാ​യി​രി​ക്കും ചെയ്യു​ന്നത്‌. സാഹി​ത്യം സ്വീക​രി​ക്കാ​ഞ്ഞ​തു​കൊ​ണ്ടു മാത്രം കൂടു​ത​ലായ ആത്മീയ പ്രോ​ത്സാ​ഹ​ന​ത്തിന്‌ അയോ​ഗ്യ​രെന്ന്‌ ആരെയും വിധി​ക്കാൻ നാം തീർച്ച​യാ​യും ആഗ്രഹി​ക്കു​ന്നില്ല. (റോമർ 14:4 താരത​മ്യം ചെയ്യുക.) ഒരുപക്ഷേ, നമ്മുടെ സന്ദർശ​ന​ത്തി​നു​ശേഷം വീട്ടു​കാ​രൻ നാം പറഞ്ഞതി​നെ​ക്കു​റി​ച്ചു ചിന്തി​ക്കു​ക​യോ അദ്ദേഹത്തെ സന്ദർശി​ക്കാൻ നാം നടത്തിയ ശ്രമത്തെ വിലമ​തി​ക്കാൻ ഇടയാ​കു​ക​യോ ചെയ്‌തേ​ക്കാം. നാം മടങ്ങി​ച്ചെ​ല്ലു​മ്പോൾ അദ്ദേഹം കൂടുതൽ അനുകൂല മനോ​ഭാ​വം ഉളളവ​നാ​യി​രു​ന്നേ​ക്കാം.

³ തിരക്കി​ലാ​യി​രുന്ന ഒരാൾക്കു മടക്കസ​ന്ദർശനം നടത്തു​മ്പോൾ നിങ്ങൾ ഇപ്രകാ​രം പറഞ്ഞേ​ക്കാം:

◼“നിങ്ങളെ വീണ്ടും കണ്ടതിൽ സന്തോ​ഷ​മുണ്ട്‌. കഴിഞ്ഞ തവണ ഞാൻ ഇവിടെ വന്നപ്പോൾ നിങ്ങൾക്കു സമയം ഇല്ലാഞ്ഞ​തി​നാൽ നമുക്കു സംസാ​രി​ക്കാൻ കഴിഞ്ഞില്ല. നിങ്ങൾ തിരക്കു​ളള ഒരു വ്യക്തി​യാ​ണെന്ന്‌ എനിക്ക​റി​യാം, ഞാൻ ചുരു​ക്ക​മാ​യി പറയാം. നിങ്ങൾക്കും നിങ്ങൾ സ്‌നേ​ഹി​ക്കു​ന്ന​വർക്കും നല്ല ആരോ​ഗ്യം ഉണ്ടായി​രി​ക്കു​ന്നതു സംബന്ധി​ച്ചു നിങ്ങൾ ചിന്തയു​ള​ള​വ​നാ​യി​രി​ക്കാ​നി​ട​യുണ്ട്‌. ആകട്ടെ, സകല രോഗ​വും അവസാ​നി​പ്പി​ക്കു​മെന്നു ദൈവം വാഗ്‌ദാ​നം ചെയ്‌തി​രി​ക്കു​ന്ന​താ​യി നിങ്ങൾ മനസ്സി​ലാ​ക്കി​യി​ട്ടു​ണ്ടോ? അത്‌ അത്ഭുത​ക​ര​മാ​യി​രി​ക്കു​ക​യി​ല്ലേ? [പ്രതി​ക​ര​ണ​ത്തിന്‌ അനുവ​ദി​ക്കുക.] ‘നോക്കൂ! ഞാൻ സകലവും പുതു​താ​ക്കു​ന്നു’ എന്നു പേരുളള ഈ ലഘുപ​ത്രി​ക​യു​ടെ 4-ാം ഖണ്ഡിക​യി​ലു​ളള ആശയം ശ്രദ്ധി​ക്കുക.” സമയം അനുവ​ദി​ക്കു​ന്ന​പക്ഷം ഖണ്ഡിക വായി​ക്കു​ക​യും പുതിയ ലോക​ത്തി​ലെ അവസ്ഥകളെ വർണി​ക്കുന്ന 4-ാം പേജിന്റെ അടിഭാ​ഗത്തു കൊടു​ത്തി​രി​ക്കുന്ന തിരു​വെ​ഴു​ത്തു​ക​ളിൽ ഒന്നു പരിചി​ന്തി​ക്കു​ക​യും ചെയ്യുക. വീട്ടു​കാ​രൻ സ്വീകാ​ര്യ​ക്ഷ​മ​ത​യു​ള​ള​വ​നാ​ണെ​ങ്കിൽ, ഒരു ഭവന ബൈബി​ള​ധ്യ​യനം തുടങ്ങാൻ നിങ്ങൾക്കു കഴി​ഞ്ഞേ​ക്കാം.

⁴ ഒരു ലഘുലേഖ സ്വീക​രി​ച്ച​യാ​ളെ വീണ്ടും സന്ദർശി​ക്കു​മ്പോൾ ഏതാണ്ടി​തു​പോ​ലെ നിങ്ങൾക്കു പറയാൻ കഴിയും:

◼“കഴിഞ്ഞ പ്രാവ​ശ്യം ഞാൻ നിങ്ങളെ കണ്ടപ്പോൾ യഥാർഥ​ത്തിൽ ആർ ലോകത്തെ ഭരിക്കു​ന്നു? എന്ന ഈ ലഘു​ലേ​ഖ​യു​ടെ ഒരു പ്രതി നിങ്ങൾ സ്വീക​രി​ച്ചി​രു​ന്നു. സാത്താൻ ഈ ലോകത്തെ ഭരിക്കു​ന്നു എന്നുള​ളത്‌ അംഗീ​ക​രി​ക്കാൻ പ്രയാ​സ​മു​ള​ള​താ​യി നിങ്ങൾക്കു തോന്നു​ന്നു​ണ്ടോ? [പ്രതി​ക​ര​ണ​ത്തിന്‌ അനുവ​ദി​ക്കുക.] ആറാം പേജിലെ ഒന്നാമത്തെ ഖണ്ഡിക ശ്രദ്ധി​ക്കുക.” ഖണ്ഡിക വായി​ച്ചിട്ട്‌ ഇങ്ങനെ ചോദി​ക്കുക: “സാത്താൻ നമ്മെ വഞ്ചിക്കാൻ ആഗ്രഹി​ക്കു​ന്നത്‌ എന്തു​കൊ​ണ്ടാണ്‌?” വീട്ടു​കാ​രൻ മറുപടി പറഞ്ഞ​ശേഷം മൂന്നാം പേജിലെ നാലാം ഖണ്ഡിക ഒന്നിച്ചു പരിചി​ന്തി​ക്കുക. നിങ്ങൾ ഒന്നുകിൽ ലഘുലേഖ പൂർണ​മാ​യി തുടർന്നു പരിചി​ന്തി​ച്ചേ​ക്കാം, അല്ലെങ്കിൽ നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും? എന്ന ലഘുപ​ത്രിക പരിച​യ​പ്പെ​ടു​ത്തി​യിട്ട്‌ 18-ാം പേജിലെ ഉപതല​ക്കെ​ട്ടിൻ കീഴുളള വിവരങ്ങൾ ചർച്ച ചെയ്‌തേ​ക്കാം.

⁵ ക്രിയാ​ത്മക മനോ​ഭാ​വം ഉളളവ​രാ​യി​രി​ക്കു​ന്ന​തി​നും, പ്രസം​ഗ​വേ​ല​യിൽ നാം കണ്ടെത്തു​ന്ന​വ​രു​ടെ താത്‌പ​ര്യം പരിമി​ത​മാ​ണെ​ങ്കിൽപ്പോ​ലും അതു പിന്തു​ട​രു​ന്ന​തി​നും നല്ല കാരണ​മുണ്ട്‌. മററു​ള​ള​വ​രെ​ക്കു​റി​ച്ചു കരുതൽ പ്രകട​മാ​ക്കു​ന്ന​തും സത്യം പഠിക്കു​ന്ന​തിന്‌ അവരെ സഹായി​ക്കാൻ പ്രേരി​ത​നാ​യി​ത്തീ​രു​ന്ന​തും പ്രധാ​ന​മാണ്‌. യഹോ​വ​യു​ടെ സ്ഥാപനം സാഹി​ത്യ​വും, മററു​ള​ള​വരെ തങ്ങളുടെ ആത്മീയ ആവശ്യം സംബന്ധി​ച്ചു ബോധ​വാൻമാ​രാ​ക്കു​ന്ന​തിൽ നമ്മെ സഹായി​ക്കാൻ കഴിയുന്ന നിർദിഷ്ട അവതര​ണ​ങ്ങ​ളും പ്രദാനം ചെയ്യുന്നു.—മത്താ. 5:3.

⁶ അൽപ്പ​മെ​ങ്കി​ലും താത്‌പ​ര്യ​മു​ളള ഒരാളു​മാ​യി നിങ്ങൾ ഒരു നല്ല സംഭാ​ഷണം നടത്തി​യെ​ങ്കിൽ, ആ താത്‌പ​ര്യം നട്ടുവ​ളർത്താൻ മടക്കസ​ന്ദർശനം നടത്താ​തി​രി​ക്ക​രുത്‌. അത്‌ ഒരു ബൈബി​ള​ധ്യ​യനം തുടങ്ങി​ക്കൊണ്ട്‌ ഒരുവനെ ജീവനി​ലേ​ക്കു​ളള പാതയിൽ ആക്കി​വെ​ക്കു​ന്ന​തിൽ കലാശി​ച്ചേ​ക്കാം. ജീവര​ക്ഷാ​ക​ര​മായ ഈ വേലയിൽ ബോധ​പൂർവം തുടർന്നു പങ്കുപ​റ​റാൻ ഞങ്ങൾ എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു.—1 തിമൊ. 4:16.