യോഗ​ങ്ങൾക്കു ഹാജരാ​കൽ—ഗൗരവ​മു​ളള ഒരു ഉത്തരവാ​ദി​ത്വം

¹ യോഗ​ങ്ങ​ളിൽ ഹാജരാ​കു​ന്ന​തി​നെ എത്ര ഗൗരവ​ത്തോ​ടെ​യാ​ണു നിങ്ങൾ വീക്ഷി​ക്കു​ന്നത്‌? അതു ചിന്തി​പ്പി​ക്കുന്ന ഒരു ചോദ്യ​മാണ്‌, അല്ലേ? നാം യോഗ​ങ്ങളെ വിലമ​തി​ക്കു​ന്നു​വെന്നു നമ്മിൽ മിക്കവർക്കും തോന്നു​ന്നു​ണ്ടെ​ന്നു​ള​ള​തി​നു സംശയ​മില്ല. എന്നാൽ അടുത്ത കാലത്തു ചില സഭകളി​ലെ യോഗ​ഹാ​ജർ കുറഞ്ഞ​താ​യി റിപ്പോർട്ടു​കൾ സൂചി​പ്പി​ക്കു​ന്നു. കാരണം എന്തായി​രി​ക്കും? അനാവ​ശ്യ​മായ ലൗകിക ജോലി, ക്ഷീണം, ഗൃഹ​ജോ​ലി, നിസ്സാ​ര​മായ ഒരസുഖം, അല്ലെങ്കിൽ അൽപ്പം മോശ​മായ കാലാവസ്ഥ എന്നിവ യോഗ​ങ്ങ​ളിൽ ക്രമമാ​യി സംബന്ധി​ക്കാ​നു​ളള നമ്മുടെ കടമയെ തടസ്സ​പ്പെ​ടു​ത്താൻ നമ്മിൽ ചിലർ അനുവ​ദി​ക്കു​ന്നു​ണ്ടോ? (ആവ. 31:12) ഇതു തിരു​വെ​ഴുത്ത്‌ ആവശ്യ​പ്പെ​ടുന്ന ഒരു സംഗതി ആയതു​കൊ​ണ്ടു പിൻവ​രുന്ന ചോദ്യ​ത്തി​നു നമ്മിൽ ഓരോ​രു​ത്ത​രും പ്രാർഥ​നാ​പൂർവ​ക​മായ പരിഗണന കൊടു​ക്കണം. യോഗ​ങ്ങ​ളിൽ ഹാജരാ​കു​ന്ന​തി​നെ എത്ര ഗൗരവ​ത്തോ​ടെ​യാ​ണു ഞാൻ വീക്ഷി​ക്കു​ന്നത്‌?

² നമ്മുടെ സഹോ​ദ​ര​ങ്ങ​ളിൽ ചിലർ യോഗ​ങ്ങ​ളിൽ സംബന്ധി​ക്കാൻ പൊടി നിറഞ്ഞ വഴിക​ളി​ലൂ​ടെ മണിക്കൂ​റു​ക​ളോ​ളം കാൽന​ട​യാ​ത്ര ചെയ്യു​ക​യും മുതലകൾ നിറഞ്ഞ നദികൾ കുറുകെ കടക്കു​ക​യും ചെയ്യുന്നു. കടുത്ത ആരോ​ഗ്യ​പ്ര​ശ്‌നങ്ങൾ, ശാരീ​രിക ദൗർബ​ല്യ​ങ്ങൾ, ജോലി​സ്ഥ​ലത്തെ ഞെരു​ക്കുന്ന ജോലി​ഭാ​രം, അല്ലെങ്കിൽ സ്‌കൂ​ളിൽ നിർബ​ന്ധ​മാ​യി ആവശ്യ​പ്പെ​ടുന്ന നിയമ​നങ്ങൾ എന്നീ കാര്യ​ങ്ങ​ളൊ​ക്കെ ഉണ്ടായി​രു​ന്നി​ട്ടും ഒരിക്ക​ലും യോഗങ്ങൾ “ഉപേക്ഷി​ക്കാത്ത” വിശ്വ​സ്‌ത​രാ​യവർ നിങ്ങളു​ടെ സ്വന്തം സഭയിൽ ഉണ്ടായി​രി​ക്കാം. (ലൂക്കോ. 2:37, NW) യോഗ​ങ്ങ​ളിൽ സംബന്ധി​ക്കാൻ അവർ ഇത്ര ശ്രമം ചെയ്യു​ന്നത്‌ എന്തു​കൊ​ണ്ടാണ്‌? കാരണം സമ്മർദ​പൂ​രി​ത​മായ ഈ ലോക​ത്തി​ലെ വെല്ലു​വി​ളി​കളെ തങ്ങളുടെ സ്വന്തം ശക്തി​കൊണ്ട്‌ തരണം ചെയ്യാ​നാ​വി​ല്ലെന്ന്‌ അവർക്ക​റി​യാം. ദൈവം പ്രദാനം ചെയ്യുന്ന ശക്തിയിൽ അവർ ആശ്രയി​ക്കേ​ണ്ട​തുണ്ട്‌.—2 കൊരി. 12:9, 10.

³ ആദിമ ക്രിസ്‌ത്യാ​നി​കൾ വെച്ച മാതൃ​കയെ നാം ഇന്നു പിൻപ​റ​റു​ന്നു, അവർ പ്രാർഥി​ക്കാ​നും അനുഭ​വങ്ങൾ പങ്കുവ​യ്‌ക്കാ​നും ദൈവ​വ​ചനം പഠിക്കാ​നു​മാ​യി ക്രമമാ​യി കൂടി​വ​ന്നി​രു​ന്നു. (പ്രവൃ. 4:23-30; 11:4-18; കൊലൊ. 4:16) ബൈബിൾ പ്രവചനം, പഠിപ്പി​ക്കൽ അതു​പോ​ലെ​തന്നെ ദൈവിക നടത്ത, ക്രിസ്‌തീയ ധാർമിക നിലവാ​രങ്ങൾ എന്നിവ സംബന്ധി​ച്ചു​ളള പ്രബോ​ധ​ന​ത്തോ​ടൊ​പ്പം തിരു​വെ​ഴു​ത്തു തത്ത്വങ്ങ​ളു​ടെ സൂക്ഷ്‌മ​മായ ബാധക​മാ​ക്ക​ലി​ലൂ​ടെ ഇപ്പോൾ നമ്മുടെ ജീവി​തത്തെ മെച്ച​പ്പെ​ടു​ത്തു​ന്നതു സംബന്ധിച്ച ബുദ്ധ്യു​പ​ദേ​ശ​വും നമുക്കു ലഭിക്കു​ന്നു. (1 തിമൊ. 4:8) അതു മാത്രമല്ല, പ്രശ്‌ന​ങ്ങൾക്കും കഷ്ടപ്പാ​ടി​നും ഒരു നാൾ അവസാ​ന​മു​ണ്ടാ​കു​മെ​ന്നു​ളള നമ്മുടെ പ്രത്യാ​ശ​യെ​ക്കു​റി​ച്ചും നാം ഓർമി​പ്പി​ക്ക​പ്പെ​ടു​ന്നു. ഈ പ്രത്യാ​ശയെ ഓജസ്സു​റ​റ​താ​ക്കി നിർത്തു​ന്നത്‌ എത്ര അടിയ​ന്തി​ര​മാണ്‌.—എബ്രാ. 6:19.

⁴ യോഗ​ങ്ങ​ളിൽ ഹാജരാ​കു​ന്ന​തി​നെ നിങ്ങളു​ടെ കുടും​ബം എത്ര ഗൗരവ​ത്തോ​ടെ​യാ​ണു വീക്ഷി​ക്കു​ന്നത്‌? ഭക്ഷണസ​മ​യ​വും ലൗകിക ജോലി​യും പോ​ലെ​തന്നെ നിങ്ങളു​ടെ പട്ടിക​യി​ലെ ഒരു ഭാഗമാ​ണോ അതും? യോഗ​ങ്ങ​ളു​ളള രാത്രി​ക​ളിൽ യോഗ​ത്തി​നു പോക​ണ​മോ വേണ്ടയോ എന്നതു സംബന്ധി​ച്ചു നിങ്ങൾ സംവാദം നടത്തു​ന്നു​വോ? അതോ സഹോ​ദ​ര​ങ്ങ​ളു​മാ​യു​ളള ക്രമമായ സഹവാസം നിങ്ങളു​ടെ കുടും​ബത്തെ സംബന്ധി​ച്ചി​ട​ത്തോ​ളം നിർബ​ന്ധ​മായ ഒരു കാര്യ​മാ​ണോ? തങ്ങൾ വളരുന്ന പ്രായ​ത്തി​ലാ​യി​രു​ന്ന​പ്പോൾ തങ്ങളുടെ മാതാ​പി​താ​ക്കൾ വെച്ച മാതൃ​കയെ അനേകം പ്രസാ​ധ​ക​രും ഓർക്കു​ന്നു. “ഡാഡിയെ സംബന്ധിച്ച ഒരു സംഗതി, മുഴു​കു​ടും​ബ​വും യോഗ​ങ്ങൾക്കു പോ​യെന്ന്‌ അദ്ദേഹം ഉറപ്പു​വ​രു​ത്തു​മാ​യി​രു​ന്നു എന്നതാണ്‌. ആർക്കെ​ങ്കി​ലും ഒരാൾക്ക്‌ അസുഖ​മാ​യാൽ, ആ വ്യക്തി​യോ​ടൊ​പ്പം ഞങ്ങളി​ലൊ​രാൾ വീട്ടിൽ കഴിയു​മാ​യി​രു​ന്നു, എന്നാൽ ബാക്കി​യു​ള​ളവർ യോഗ​ത്തി​നു പോകു​മാ​യി​രു​ന്നു!” എന്ന്‌ ഒരു മൂപ്പൻ താത്‌പ​ര്യ​പൂർവം ഓർക്കു​ന്നു.

⁵ ഓരോ സഭാ​യോ​ഗ​ത്തി​ന്റെ​യും മൂല്യ​ത്തെ​ക്കു​റി​ച്ചു നമ്മുടെ രാജ്യ ശുശ്രൂ​ഷ​യു​ടെ വരും​ല​ക്ക​ങ്ങ​ളിൽ ഞങ്ങൾ ചർച്ച ചെയ്യു​ന്ന​താണ്‌. ഈ ആത്മീയ കരുത​ലു​ക​ളോ​ടു​ളള വിലമ​തി​പ്പു വർധി​പ്പി​ക്കാൻ സഹായി​ക്കു​ക​യെന്ന ലക്ഷ്യത്തി​ലാണ്‌ ഇത്‌. നിങ്ങളു​ടെ യോഗ​ഹാ​ജർ കുറേ​ക്കൂ​ടെ ക്രമമു​ള​ള​താ​ക്കേ​ണ്ട​തു​ണ്ടെ​ങ്കിൽ നിങ്ങൾക്ക്‌ എന്താണു നഷ്ടമാ​യി​ക്കൊ​ണ്ടി​രി​ക്കു​ന്ന​തെന്നു മനസ്സി​ലാ​ക്കാൻ ആ ലേഖനങ്ങൾ നിങ്ങളെ സഹായി​ക്കു​മെന്നു ഞങ്ങൾക്കു​റ​പ്പുണ്ട്‌. യോഗങ്ങൾ നടത്തു​ന്ന​വർക്കു​ളള സഹായ​ക​മായ ഓർമി​പ്പി​ക്ക​ലു​ക​ളും അതു​പോ​ലെ​തന്നെ യോഗ​ങ്ങൾക്കു​വേണ്ടി തയ്യാറാ​കു​മ്പോ​ഴും അവയിൽ പങ്കുപ​റ​റു​മ്പോ​ഴും നമു​ക്കെ​ല്ലാ​വർക്കും ബാധക​മാ​ക്കാൻ കഴിയുന്ന നിർദേ​ശ​ങ്ങ​ളും അവയിൽ ഉണ്ടായി​രി​ക്കും. നിങ്ങളു​ടെ യോഗ​ഹാ​ജ​രി​ന്റെ രീതി​യെ​ക്കു​റിച്ച്‌ ഒരു കുടും​ബ​മെന്ന നിലയിൽ ഒന്നിച്ചി​രു​ന്നു നിങ്ങൾക്ക്‌ എന്തു​കൊ​ണ്ടു പരിചി​ന്തി​ച്ചു​കൂ​ടാ? എന്നിട്ട്‌, നിങ്ങളു​ടെ പട്ടിക​യിൽ ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തുക. ക്രമമായ യോഗ​ഹാ​ജർ നമ്മുടെ ദിവ്യാ​ധി​പത്യ വിദ്യാ​ഭ്യാ​സ​ത്തി​ന്റെ ഒരു സുപ്ര​ധാ​ന​ഭാ​ഗ​മാണ്‌, അവയെ വളരെ ഗൗരവ​ത്തോ​ടെ വീക്ഷി​ക്കേ​ണ്ട​തു​മാണ്‌.