ദൈവ​ത്തി​ന്റെ സമാധാന രാജ്യ​ത്തിൽതാ​ത്‌പ​ര്യം വളർത്തി​യെ​ടു​ക്കുക

¹ ഫെബ്രു​വരി മാസക്കാ​ലത്ത്‌ നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം നാം പ്രത്യേ​ക​വ​ത്‌ക​രി​ക്കു​ന്ന​താ​യി​രി​ക്കും. ദൈവ​രാ​ജ്യ​ത്തോ​ടും അതു നിവർത്തി​ക്കാൻ പോകുന്ന സംഗതി​യോ​ടും വിലമ​തി​പ്പു വളർത്തി​യെ​ടു​ക്കാൻ ആത്മാർഥ​ഹൃ​ദ​യരെ സഹായി​ക്കുക എന്നതാ​യി​രി​ക്കണം നമ്മുടെ ലക്ഷ്യം. ഈ ഉദ്ദേശ്യ​ത്തിൽ വീക്ഷണ​ചോ​ദ്യ​ങ്ങൾ നമ്മെ സഹായി​ക്കും.

² സൗഹൃ​ദ​പൂർവം അഭിവാ​ദനം ചെയ്‌ത​ശേഷം ഏതാണ്ട്‌ ഇതു​പോ​ലെ നാം പറഞ്ഞേ​ക്കാം:

◼“ഭൂവ്യാ​പ​ക​മാ​യി ഭരണ​ക്ര​മ​ങ്ങ​ളിൽ ഞെട്ടി​ക്കുന്ന മാററങ്ങൾ ഉണ്ടായി​ക്കൊ​ണ്ടി​രി​ക്കു​ക​യാണ്‌. സമാധാ​നം എന്ന ലാക്ക്‌ മിക്ക​പ്പോ​ഴും പരാമർശി​ക്ക​പ്പെ​ടു​ന്നു. യഥാർഥ സമാധാ​നം എന്നെങ്കി​ലും കൈവ​രി​ക്കാൻ കഴിയു​മെന്നു നിങ്ങൾക്കു തോന്നു​ന്നു​ണ്ടോ? [അഭി​പ്രാ​യം പറയാൻ അനുവ​ദി​ക്കുക.] സമാധാ​നം കൈവ​രു​ത്താൻ അനേക​മാ​ളു​കൾ പ്രത്യാ​ശാ​നിർഭരം മാനു​ഷ​ഭ​ര​ണാ​ധി​കാ​രി​ക​ളി​ലേക്കു നോക്കു​ന്നു​വെ​ങ്കി​ലും, സമാധാ​നം കൈവ​രു​ത്താൻ ദൈവം വാഗ്‌ദത്തം ചെയ്യുന്ന വിധം സങ്കീർത്ത​നങ്ങൾ 46:9-ൽ പരാമർശി​ച്ചി​രി​ക്കു​ന്നതു ശ്രദ്ധി​ക്കുക. [വായി​ക്കുക.] ദൈവ​ത്തി​ന്റെ നടപടി ഭൂമി​യിൽ എന്തു മാററങ്ങൾ വരുത്തു​മെ​ന്നാ​ണു നിങ്ങൾ കരുതു​ന്നത്‌? [വീട്ടു​കാ​രന്റെ പ്രതി​ക​രണം ശ്രദ്ധി​ക്കുക, എന്നിട്ട്‌ സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ കാണി​ക്കുക.] ഇവിടെ ചിത്രീ​ക​രി​ച്ചി​രി​ക്കുന്ന കാര്യത്തെ നിങ്ങൾക്കു വിഭാവന ചെയ്യാൻ കഴിയു​മോ?” “ദൈവ​ത്തി​ന്റെ പുതിയ ലോക​ത്തി​ലെ ജീവിതം” എന്ന ഉപതല​ക്കെ​ട്ടിൻ കീഴി​ലു​ളള വിവരങ്ങൾ പരിചി​ന്തി​ക്കുക. സാഹച​ര്യം അനുവ​ദി​ക്കു​ന്ന​പക്ഷം ന്യായ​വാ​ദം പുസ്‌ത​ക​ത്തി​ന്റെ 227-32 പേജു​ക​ളിൽ “ദൈവ​ത്തി​ന്റെ രാജ്യം എന്തു കൈവ​രു​ത്തും?” എന്ന ചോദ്യ​ത്തിൻ കീഴിലെ കൂടു​ത​ലായ വിവരങ്ങൾ പരിചി​ന്തി​ക്കാ​വു​ന്ന​താണ്‌. അല്ലെങ്കിൽ 13-ാം അധ്യാ​യ​ത്തി​ലേക്കു വീട്ടു​കാ​രന്റെ ശ്രദ്ധ തിരി​ച്ചു​കൊണ്ട്‌ എന്നേക്കും ജീവി​ക്കാൻ പുസ്‌തകം നമുക്കു നേരിട്ടു സമർപ്പി​ക്കാൻ കഴിയും. “ദൈവ​ത്താ​ലു​ളള ഒരു ഗവൺമെൻറ്‌ ഈ മാററങ്ങൾ വരുത്തു​മെന്നു നിങ്ങൾ കരുതു​ന്നു​വോ?” എന്നു ചോദി​ച്ചു​കൊണ്ട്‌ നിങ്ങൾ ചർച്ച ഉപസം​ഹ​രി​ച്ചേ​ക്കാം. വീട്ടു​കാ​രൻ താത്‌പ​ര്യം കാണി​ക്കു​ന്നെ​ങ്കിൽ മടക്കസ​ന്ദർശനം നടത്താൻ ക്രമീ​ക​രണം ചെയ്യണം.

³ അല്ലെങ്കിൽ നാം ഇങ്ങനെ പറഞ്ഞേ​ക്കാം:

◼“ദിവസ​വും നമുക്കു നേരി​ടേ​ണ്ടി​വ​രുന്ന അസ്വസ്ഥ​മാ​ക്കുന്ന പ്രശ്‌നങ്ങൾ സംബന്ധിച്ച്‌ വളരെ​യ​ധി​കം ഉത്‌കണ്‌ഠ പ്രകട​മാ​ക്ക​പ്പെ​ട്ടി​ട്ടുണ്ട്‌. ഈ പ്രശ്‌ന​ങ്ങ​ളിൽനിന്ന്‌ എന്തെങ്കി​ലും ആശ്വാസം ലഭിക്കു​മെന്ന പ്രത്യാശ ഉളളതാ​യി നിങ്ങൾക്കു തോന്നു​ന്നു​ണ്ടോ? [അഭി​പ്രാ​യം പറയാൻ അനുവ​ദി​ക്കുക.] നമ്മുടെ വിഷമാ​വ​സ്ഥ​യു​ടെ നേർക്കു ദൈവം ഉദാസീ​നത കാട്ടു​ന്നു​വെന്നു നിങ്ങൾക്കു തോന്നി​യേ​ക്കാം. എന്നാൽ, വെളി​പ്പാ​ടു 21:3, 4-ൽ അവിടുന്ന്‌ എന്താണു വാഗ്‌ദത്തം ചെയ്യു​ന്ന​തെന്നു ശ്രദ്ധി​ക്കുക.” ആ വാക്യങ്ങൾ വായി​ക്കുക. ഈ ഘട്ടത്തിൽ എന്നേക്കും ജീവി​ക്കാൻ പുസ്‌ത​ക​മോ ഈ ലോകം അതിജീ​വി​ക്കു​മോ? എന്ന ലഘു​ലേ​ഖ​യോ പ്രത്യേ​ക​വ​ത്‌ക​രി​ക്കാ​വു​ന്ന​താണ്‌. ലഘു​ലേ​ഖ​യാ​ണു സമർപ്പി​ക്കു​ന്ന​തെ​ങ്കിൽ “ഈ ലോക​ത്തി​ന്റെ ഭാവി” എന്ന തലക്കെ​ട്ടിൻ കീഴിൽ 2-ഉം 3-ഉം പേജു​ക​ളി​ലാ​യി നൽകി​യി​രി​ക്കുന്ന വിവരങ്ങൾ പരിചി​ന്തി​ക്കാ​വു​ന്ന​താണ്‌. സാധ്യ​മെ​ങ്കിൽ, ഒരുപക്ഷേ “ദൈവം ദുഷ്ടത അനുവ​ദി​ച്ചി​രി​ക്കു​ന്നത്‌ എന്തു​കൊണ്ട്‌?” എന്ന ചോദ്യം ഉന്നയി​ച്ച​ശേഷം അപ്പോൾത്തന്നെ എന്നേക്കും ജീവി​ക്കാൻ പുസ്‌തകം സമർപ്പി​ക്കുക. ഈ പുസ്‌ത​ക​ത്തി​ലെ 11-ാം അധ്യായം ചൂണ്ടി​ക്കാ​ട്ടി​യിട്ട്‌ അടുത്ത സന്ദർശ​ന​ത്തിൽ അതു ചർച്ച ചെയ്യാൻ ക്രമീ​ക​രണം ചെയ്യുക.

⁴ വീട്ടു​കാ​രൻ വളരെ തിരക്കു​ള​ള​വ​നാ​ണെ​ങ്കിൽ അടുത്ത കാലത്തെ മാസി​ക​ക​ളി​ലൊ​ന്നി​ലെ തിര​ഞ്ഞെ​ടുത്ത ലേഖന​ത്തിൽനിന്ന്‌ ഒരു പ്രത്യേക വിഷയ​ത്തെ​ക്കു​റിച്ച്‌ അഭി​പ്രാ​യം പറഞ്ഞു​കൊണ്ട്‌ ആ ലേഖനം ഹ്രസ്വ​മാ​യി പ്രത്യേ​ക​വ​ത്‌ക​രി​ക്കാൻ നിങ്ങൾ ആഗ്രഹി​ച്ചേ​ക്കാം.

ഒരുപക്ഷേ ഇങ്ങനെ പറഞ്ഞു​കൊണ്ട്‌ മാസിക പരിച​യ​പ്പെ​ടു​ത്താൻ നിങ്ങൾക്കു കഴിയും:

◼“ഈ ലേഖനം ഈ വിഷയ​ത്തെ​ക്കു​റി​ച്ചു കൂടു​ത​ലാ​യി പറയുന്നു. [നേരത്തെ തിര​ഞ്ഞെ​ടുത്ത ഒന്നോ രണ്ടോ വാചകങ്ങൾ വായി​ക്കുക.] നിങ്ങൾക്കും നിങ്ങളു​ടെ കുടും​ബ​ത്തി​നും പ്രോ​ത്സാ​ഹ​ജ​ന​ക​മെന്നു തീർച്ച​യാ​യും തെളി​യുന്ന കൂടു​ത​ലായ ആശയങ്ങൾ ഈ ലേഖനം പ്രദാനം ചെയ്യുന്നു. നിങ്ങൾ ഈ വിഷയ​ത്തിൽ താത്‌പ​ര്യ​മു​ള​ള​വ​നാ​ണെന്നു തോന്നു​ന്ന​തു​കൊണ്ട്‌ ഈ ലക്കവും ഇതിന്റെ കൂട്ടു​മാ​സി​ക​യും കൂടി 6.00 രൂപ സംഭാ​വ​ന​യ്‌ക്കു നിങ്ങൾക്കു തന്നിട്ടു പോകാൻ ഞങ്ങൾക്കു സന്തോ​ഷ​മുണ്ട്‌.”

⁵ മനുഷ്യ​വർഗത്തെ നേരി​ടുന്ന പ്രശ്‌ന​ങ്ങ​ളു​ടെ ഉത്തരങ്ങൾക്കു​വേണ്ടി എവി​ടേക്കു തിരി​യ​ണ​മെന്ന കാര്യം വരു​മ്പോൾ ആളുകൾ ഇന്നു മിക്ക​പ്പോ​ഴും ആശയക്കു​ഴ​പ്പ​മു​ള​ള​വ​രാണ്‌. ഭാവി സംബന്ധിച്ച വ്യക്തമായ ഒരു പ്രത്യാശ അവരോ​ടൊ​ത്തു പങ്കുവ​യ്‌ക്കാ​നു​ളള പദവി നമുക്കുണ്ട്‌. (പ്രവൃ​ത്തി​കൾ 17:27) അതു​കൊണ്ട്‌, സമാധാ​ന​ത്തി​ന്റെ യഥാർഥ ഉറവി​ട​മായ ദൈവ​രാ​ജ്യ​ത്തി​ലേക്കു നമുക്ക്‌ ഉത്സാഹ​ത്തോ​ടെ ആളുക​ളു​ടെ ശ്രദ്ധ തിരി​ച്ചു​വി​ടാം.