വീടു​തോ​റും നമ്മുടെ മാസി​കകൾ ഉപയോ​ഗി​ക്കൽ

¹ ഉണരുക!യുടെ ഉദ്ദേശ്യം ഓരോ ലക്കത്തി​ന്റെ​യും നാലാം പേജിൽ വ്യക്തമാ​യി പ്രസ്‌താ​വി​ച്ചി​ട്ടുണ്ട്‌: “ഈ മാസിക 1914-ലെ സംഭവങ്ങൾ കണ്ട തലമുറ നീങ്ങി​പ്പോ​കു​ന്ന​തി​നു​മുമ്പ്‌ സമാധാ​ന​പൂർണ​വും സുരക്ഷി​ത​വു​മായ ഒരു പുതിയ ലോകം ഉണ്ടാകു​മെ​ന്നു​ളള സ്രഷ്ടാ​വി​ന്റെ വാഗ്‌ദ​ത്ത​ത്തിൽ വിശ്വാ​സം കെട്ടു​പ​ണി​ചെ​യ്യു​ന്നു.” തീർച്ച​യാ​യും ഇപ്രകാ​ര​മു​ളള ഒരു മാസിക നമ്മുടെ വീടു​തോ​റു​മു​ളള ശുശ്രൂ​ഷ​യിൽ പരമാ​വധി വ്യാപ​ക​മായ വിതരണം അർഹി​ക്കു​ന്ന​താണ്‌!

² ഉണരുക! ആത്മീയ​മാ​യി ചായ്‌വി​ല്ലാ​തി​രു​ന്നേ​ക്കാ​വുന്ന ആളുക​ളു​ടെ താത്‌പ​ര്യ​ത്തെ ഉണർത്തു​ന്ന​തി​നു​ളള ഉത്‌കൃ​ഷ്ട​മായ ഒരു മാർഗ​മാണ്‌. ഓരോ ലക്കവും വായി​ക്കു​മ്പോൾ മററു​ള​ള​വ​രു​മാ​യി പങ്കിടു​ന്ന​തി​നു പററിയ ആശയങ്ങൾക്കു​വേണ്ടി തിരയുക. ചില പ്രസാ​ധകർ തങ്ങളുടെ വ്യക്തി​പ​ര​മായ പ്രതി​യിൽ കുറി​ച്ചി​ടു​ക​യും ആ നിർദിഷ്ട ലക്കവു​മാ​യി വയൽ സേവന​ത്തി​നു പോകു​ന്ന​തി​നു മുമ്പു വീട്ടു​കാ​രു​മാ​യി പങ്കിടാൻ പ്രത്യേക ആശയം മനസ്സിൽ ഉണ്ടായി​രി​ക്കു​ന്ന​തിന്‌ കുറി​ച്ചിട്ട ഭാഗങ്ങൾ പുനഃ​പ​രി​ശോ​ധി​ക്കു​ക​യും ചെയ്യുന്നു.

³ നാം ഉപയോ​ഗി​ക്കുന്ന ഉണരുക!യിൽ ചർച്ച​ചെ​യ്‌തി​രി​ക്കുന്ന ഒരു വിഷയത്തെ കേന്ദ്രീ​ക​രിച്ച്‌ ഒരു അഭി​പ്രാ​യം പറഞ്ഞു​കൊ​ണ്ടു നമുക്കു നമ്മുടെ അവതരണം തുടങ്ങാ​വു​ന്ന​താണ്‌.

വീട്ടുകാരൻ താത്‌പ​ര്യം കാണി​ക്കു​ന്നു​വെ​ങ്കിൽ ഒരുപക്ഷേ ഇപ്രകാ​രം പറഞ്ഞു​കൊ​ണ്ടു നമുക്കു മാസിക പരിച​യ​പ്പെ​ടു​ത്താ​വു​ന്ന​താണ്‌:

◼“ഉണരുക!യിലെ ഈ ലേഖനം ഈ വിഷയ​ത്തെ​ക്കു​റി​ച്ചു കൂടു​ത​ലായ വിശദാം​ശ​ങ്ങ​ളി​ലേക്കു കടന്നു​ചെ​ല്ലു​ന്നു.” എന്നിട്ട്‌ നേര​ത്തെ​തന്നെ തിര​ഞ്ഞെ​ടു​ത്തു​വ​ച്ചി​രി​ക്കുന്ന ഒന്നോ രണ്ടോ വാചകങ്ങൾ വായി​ച്ചിട്ട്‌ ഇങ്ങനെ തുടരുക: “നിങ്ങൾക്ക്‌ ഈ വിഷയ​ത്തിൽ താത്‌പ​ര്യ​മു​ണ്ടെന്നു തോന്നു​ന്ന​തി​നാൽ ഈ ലേഖന​വും ഉണരുക!യുടെ ഈ ലക്കത്തിൽ നൽകി​യി​ട്ടു​ളള സമയോ​ചി​ത​മായ മററു ലേഖന​ങ്ങ​ളും വായി​ക്കാൻ ആഗ്രഹി​ക്കു​ന്നു​വോ? അങ്ങനെ​യെ​ങ്കിൽ, ഇതും ഇതിന്റെ കൂട്ടു​മാ​സി​ക​യായ വീക്ഷാ​ഗോ​പു​ര​വും 6 രൂപ സംഭാ​വ​ന​യ്‌ക്കു നിങ്ങൾക്കു തരുന്ന​തിൽ എനിക്കു സന്തോ​ഷ​മുണ്ട്‌.”

⁴ വീട്ടു​കാ​രൻ ആത്മീയ കാര്യ​ങ്ങ​ളിൽ വ്യക്തമായ താത്‌പ​ര്യം പ്രകട​മാ​ക്കു​ന്നു​വെ​ങ്കിൽ അന്ത്യനാ​ളു​ക​ളെ​പ്പ​ററി പറയുന്ന 2 തിമൊ​ഥെ​യൊസ്‌ 3:1-5 പോ​ലെ​യു​ളള തിരു​വെ​ഴു​ത്തു​കൾ പരാമർശി​ക്കാ​വു​ന്ന​താണ്‌. അതിനു​ശേഷം, നമ്മുടെ മാസി​ക​യിൽ അയാളു​ടെ താത്‌പ​ര്യം ഉണർത്താൻ അടുത്ത കാലത്തെ വീക്ഷാ​ഗോ​പു​ര​ത്തി​ന്റെ 2-ാം പേജിൽനിന്ന്‌ “വീക്ഷാ​ഗോ​പു​ര​ത്തി​ന്റെ ഉദ്ദേശ്യം” എന്നു തുടങ്ങുന്ന ഭാഗം നേരിട്ടു വായി​ക്കാ​വു​ന്ന​താണ്‌. എന്നിട്ട്‌ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും അടുത്ത​കാ​ലത്തെ ലക്കങ്ങൾ അയാൾക്കു സമർപ്പി​ക്കുക.

⁵ ആളുകൾക്കു മതങ്ങളിൽ താത്‌പ​ര്യ​മു​ണ്ടെന്നു തോന്നുന്ന ചില പ്രദേ​ശ​ങ്ങ​ളിൽ, മാസിക കാണി​ക്കു​ന്ന​തി​നു പകരം നിങ്ങൾ ഇങ്ങനെ പറഞ്ഞേ​ക്കാം:

◼“ഈ സമുദാ​യ​ത്തിൽ, ഞങ്ങളുടെ മതത്തിൽനി​ന്നു തികച്ചും വ്യത്യ​സ്‌ത​മായ മതങ്ങൾ ആചരി​ക്കുന്ന ആളുകളെ ഞങ്ങൾ കാണുന്നു. ദൈവ​ത്തി​നു​വേ​ണ്ടി​യു​ളള മനുഷ്യ​വർഗ​ത്തി​ന്റെ അന്വേ​ഷണം വ്യത്യസ്‌ത ഗതികൾ സ്വീക​രി​ച്ചി​ട്ടുണ്ട്‌. [പ്രവൃ​ത്തി​കൾ 17:26, 27 വായി​ക്കുക.] ആളുകൾ പൊതു​വെ സ്വയം ദൈവത്തെ അന്വേ​ഷി​ക്കു​ന്ന​തി​നു പകരം തങ്ങളുടെ മാതാ​പി​താ​ക്ക​ളു​ടെ മതം പിന്തു​ട​രു​ന്നു​വെ​ന്ന​തി​നോ​ടു നിങ്ങൾ യോജി​ക്കു​ന്നു​വോ? [പ്രതി​ക​ര​ണ​ത്തിന്‌ അനുവ​ദി​ക്കുക.] അതേ ആശയമാണ്‌ ദൈവ​ത്തി​നു​വേ​ണ്ടി​യു​ളള മനുഷ്യ​വർഗ​ത്തി​ന്റെ അന്വേ​ഷണം എന്ന ഈ പുസ്‌ത​ക​ത്തി​ന്റെ ഒന്നാമത്തെ അധ്യാ​യ​ത്തിൽ കൊടു​ത്തി​രി​ക്കു​ന്നത്‌. [എട്ടാം പേജിൽ 12-ാമത്തെ ഖണ്ഡിക​യി​ലു​ളള വിവരങ്ങൾ പ്രദീ​പ്‌ത​മാ​ക്കുക.] മററു മതങ്ങ​ളെ​ക്കു​റി​ച്ചു പഠിക്കു​ന്നത്‌ ഉദ്‌ബോ​ധ​ക​വും വിദ്യാ​ഭ്യാ​സ​പ​ര​വു​മാണ്‌. ഈ പുസ്‌തകം ലോക​ത്തി​ലെ പ്രമുഖ മതങ്ങളു​ടെ ഉദ്‌ഭ​വ​ത്തെ​യും ആചാര​ങ്ങ​ളെ​യും ഉപദേ​ശ​ങ്ങ​ളെ​യും കുറിച്ചു വിശദീ​ക​രി​ക്കു​ന്നു.” സമയം അനുവ​ദി​ക്കു​ന്ന​തു​പോ​ലെ വീട്ടു​കാ​രനെ പുസ്‌ത​ക​ത്തി​ലെ അധ്യാ​യ​ങ്ങ​ളു​ടെ ലിസ്‌റ​റും ഒന്നോ രണ്ടോ ചിത്ര​ങ്ങ​ളും കാണി​ച്ചു​കൊ​ടു​ക്കുക.

⁶ നാം വീടു​തോ​റും പോകു​മ്പോൾ, ആളുകളെ ആത്മീയ​മാ​യി പുരോ​ഗ​മി​ക്കു​വാൻ സഹായി​ക്കു​ന്ന​തി​നു​ളള ലോക​ത്തി​ലെ ഏററവും നല്ല രണ്ട്‌ ഉപകര​ണ​ങ്ങ​ളായ വീക്ഷാ​ഗോ​പു​ര​വും ഉണരുക!യും നമ്മുടെ പക്കലുണ്ട്‌ എന്നു നമുക്ക്‌ ഓർമി​ക്കാം. ഈ മാസി​ക​ക​ളി​ലു​ളള വീട്ടു​കാ​രു​ടെ താത്‌പ​ര്യ​ത്തെ വർധി​പ്പി​ക്കു​ന്ന​തി​നും എല്ലാ സന്ദർഭ​ങ്ങ​ളി​ലും അവ സമർപ്പി​ക്കു​ന്ന​തി​നും നമുക്കു പ്രയത്‌നി​ക്കാം.