ക്രമമു​ളള ദിനച​ര്യ​യിൽ മുന്നേ​റു​ന്ന​തിൽ തുടരുക

¹ ഫിലി​പ്യ​യി​ലെ സഭയോട്‌ അപ്പോ​സ്‌ത​ല​നായ പൗലോ​സിന്‌ ഒരു പ്രത്യേക മമതയു​ണ്ടാ​യി​രു​ന്നു. അപ്പോ​സ്‌ത​ല​നി​ലൂ​ടെ​യാ​യി​രു​ന്നു ആ സഭ രൂപീ​കൃ​ത​മാ​യത്‌. അവർ ദയാപൂർവം ചെയ്‌ത ഭൗതിക സഹായ​ങ്ങ​ളെ​പ്രതി അദ്ദേഹ​ത്തി​നു നന്ദിയു​ണ്ടാ​യി​രു​ന്നു. അവരുടെ നല്ല മാതൃ​കയെ അദ്ദേഹം പ്രശം​സി​ച്ചു.—2 കൊരി. 8:1-6.

² ആഴമായ സ്‌നേ​ഹ​ത്താൽ പ്രേരി​ത​മാ​യി​രു​ന്നു അപ്പോ​സ്‌ത​ലന്റെ ഫിലി​പ്യർക്കു​ളള ലേഖനം. ഉൾക്കാഴ്‌ച [ഇംഗ്ലീഷ്‌] പുസ്‌തകം, വാല്യം 2, പേജ്‌ 631-ൽ ഇങ്ങനെ റിപ്പോർട്ടു ചെയ്യുന്നു: “കൂടുതൽ വിവേചന തേടി​ക്കൊ​ണ്ടും ജീവന്റെ വചനത്തിൻമേൽ ഒരു ഉറപ്പായ പിടി, കൂടുതൽ ശക്തമായ വിശ്വാ​സം, ലഭിക്കാ​നു​ളള പ്രതി​ഫ​ല​ത്തിൽ പ്രത്യാശ തേടി​ക്കൊ​ണ്ടും തങ്ങളുടെ ഉത്തമ നടത്തയിൽ തുടരാൻ ലേഖന​ത്തി​ലു​ട​നീ​ളം അദ്ദേഹം ഫിലിപ്യ സഭയെ പ്രോ​ത്സാ​ഹി​പ്പി​ക്കു​ന്നു.” അവർ ഊഷ്‌മ​ള​ത​യോ​ടെ പ്രതി​ക​രി​ച്ചു. അങ്ങനെ അവർക്കും അപ്പോ​സ്‌ത​ല​നും ഇടയിൽ സ്‌നേ​ഹ​ത്തി​ല​ധി​ഷ്‌ഠി​ത​മായ ഒരു ഐക്യം വളർന്നു​വന്നു. ഇന്നു നമ്മുടെ കാര്യ​ത്തിൽ പൗലോ​സി​ന്റെ വാക്കു​കൾക്കു പ്രത്യേക അർഥമുണ്ട്‌. അദ്ദേഹ​ത്തി​ന്റെ മുന്നറി​യി​പ്പി​നെ​ക്കു​റി​ച്ചു, വിശേ​ഷിച്ച്‌ ഫിലി​പ്പി​യർ 3:15-17-ൽ പ്രസ്‌താ​വി​ച്ചി​രി​ക്കു​ന്ന​തി​നെക്കു​റി​ച്ചു ശ്രദ്ധാ​പൂർവം ധ്യാനി​ക്കാൻ ഇതു നമുക്കു മതിയായ കാരണം നൽകുന്നു.

³ ഒരു പക്വത​യു​ളള മാനസി​ക​ഭാ​വം അത്യാ​വ​ശ്യം: ഫിലി​പ്പി​യർ 3:15-ൽ വർഷങ്ങ​ളു​ടെ അനുഭ​വ​സ​മ്പ​ത്തു​ളള ഒരു മനുഷ്യൻ എന്നനി​ല​യി​ലാണ്‌ പൗലോസ്‌ എഴുതി​യത്‌. അവരുടെ ആത്മീയ പുരോ​ഗ​തി​യെ അംഗീ​ക​രിച്ച അദ്ദേഹം പക്വത​യു​ളള ക്രിസ്‌ത്യാ​നി​ക​ളെന്ന നിലയി​ലു​ളള ശരിയായ മാനസി​ക​ഭാ​വ​ത്തിൽ തുടരാൻ അവരോട്‌ ആവശ്യ​പ്പെട്ടു. യേശു പ്രകട​മാ​ക്കിയ താഴ്‌മ​യും വിലമ​തി​പ്പും അവരുടെ മാനസി​ക​ഭാ​വ​ത്തിൽ പ്രതി​ഫ​ലി​ക്കു​ന്നി​ട​ത്തോ​ളം കാലം അവർ ‘ജീവന്റെ വചനം പ്രമാ​ണി​ച്ചു​കൊണ്ട്‌ അനിന്ദ്യ​രും പരമാർഥി​ക​ളും ദൈവ​ത്തി​ന്റെ നിഷ്‌ക​ള​ങ്ക​മ​ക്കളു’മായി​രി​ക്കു​ന്ന​തിൽ തുടരു​മാ​യി​രു​ന്നു. (ഫിലി. 2:14, 15) നാം ആ വാക്കുകൾ വായി​ക്കു​മ്പോൾ, പൗലോസ്‌ നമ്മോടു സംസാ​രി​ക്കു​ക​യാ​ണെന്നു നമുക്കു തോന്നണം. അങ്ങനെ നമ്മുടെ പദവി​ക​ളോ​ടു താഴ്‌മ​യോ​ടു​കൂ​ടി​യു​ളള വിലമ​തി​പ്പു പ്രകട​മാ​ക്കി​ക്കൊണ്ട്‌ യേശു​വിന്‌ ഉണ്ടായി​രുന്ന അതേ മാനസി​ക​ഭാ​വം ഉണ്ടാകാൻ നാം ആത്മാർഥ​മാ​യി ആഗ്രഹി​ക്കു​ന്നു. ഇതിനും മററു കാര്യ​ങ്ങൾക്കു​മു​ളള സഹായം അഭ്യർഥി​ച്ചു​കൊണ്ട്‌ നാം പ്രാർഥ​ന​യിൽ യഹോ​വ​യോ​ടു നിരന്തരം യാചി​ക്കു​ന്നു.—ഫിലി. 4:6, 7.

⁴ ഫിലി​പ്പി​യർ 3:16 സൂചി​പ്പി​ക്കു​ന്ന​തു​പോ​ലെ, പുരോ​ഗതി പ്രാപി​ക്കാൻ നാമെ​ല്ലാ​വ​രും പരി​ശ്ര​മി​ക്കണം. പുരോ​ഗതി എന്ന പദത്തി​നർഥം “മുന്നോ​ട്ടു നീങ്ങുക, അഭിവൃ​ദ്ധി വരുത്തുക” എന്നൊ​ക്കെ​യാണ്‌. പുരോ​ഗതി നേടു​ന്ന​വ​രായ ആളുകൾ “പുതിയ ആശയങ്ങ​ളി​ലോ കണ്ടെത്ത​ലു​ക​ളി​ലോ അവസര​ങ്ങ​ളി​ലോ” താത്‌പ​ര്യ​മു​ള​ള​വ​രാ​യി​രി​ക്കും. ക്രിസ്‌ത്യാ​നി​ത്വം ഒരിക്ക​ലും വളർച്ച മുരടി​ച്ച​ത​ല്ലെ​ന്നും അതു പ്രസം​ഗി​ക്കു​ന്നവർ മുന്നോ​ട്ടു പൊയ്‌ക്കൊ​ണ്ടി​രി​ക്ക​ണ​മെ​ന്നും ഫിലി​പ്യർ മനസ്സി​ലാ​ക്ക​ണ​മെന്ന്‌ പൗലോസ്‌ ആഗ്രഹി​ച്ചു. ആത്മപരി​ശോ​ധന നടത്തൽ, തങ്ങളുടെ ബലഹീ​ന​തകൾ അംഗീ​ക​രി​ക്കൽ, കൂടുതൽ ചെയ്യാ​നോ ഇപ്പോൾ ചെയ്‌തു​കൊ​ണ്ടി​രി​ക്കു​ന്ന​തി​ന്റെ ഗുണം മെച്ച​പ്പെ​ടു​ത്താ​നോ ഉളള അവസര​ങ്ങൾക്കാ​യി എത്തിപ്പി​ടി​ക്കൽ എന്നിവ​യി​ലൂ​ടെ പുരോ​ഗ​തി​ക്കാ​യു​ളള അവരുടെ ആവേശം പ്രകട​മാ​കു​മാ​യി​രു​ന്നു. ഇന്നു യഹോ​വ​യു​ടെ ഭൗതിക സ്ഥാപനം പുരോ​ഗതി നേടി മുന്നോ​ട്ടു നീങ്ങി​ക്കൊ​ണ്ടി​രി​ക്കു​ക​യാണ്‌. അതിന്റെ പ്രവർത്തന വ്യാപ്‌തി​യും ദൈവ​വ​ച​നത്തെ സംബന്ധിച്ച അതിന്റെ ഗ്രാഹ്യ​വും മുമ്പെ​ന്ന​ത്തേ​ക്കാ​ളു​മു​പ​രി​യാ​യി വർധി​ച്ചു​കൊ​ണ്ടി​രി​ക്കു​ന്നു. നാം ഓരോ​രു​ത്ത​രും അതി​നൊ​പ്പി​ച്ചു നീങ്ങണം. അതിനാ​യി അതിന്റെ സകല ക്രമീ​ക​ര​ണ​ങ്ങ​ളിൽനി​ന്നും പ്രയോ​ജനം നേടു​ക​യും അതിന്റെ വേലയിൽ പൂർണ​മാ​യി പങ്കുപ​റ​റു​ക​യും വേണം.

⁵ ക്രമമു​ളള ദിനചര്യ പുരോ​ഗ​തി​ക്കാ​വ​ശ്യം: “ഇതേ ദിനച​ര്യ​യിൽ ക്രമമു​ള​ള​വ​രാ​യി നടക്കു​ന്ന​തിൽ തുടരാൻ” പൗലോസ്‌ തന്റെ സഹോ​ദ​രൻമാ​രോട്‌ ആഹ്വാനം ചെയ്‌തു​കൊ​ണ്ടേ​യി​രു​ന്നു. (ഫിലി​പ്യർ 3:16, NW) ക്രമമു​ള​ള​വ​രാ​യി​രി​ക്കുക എന്നു​വെ​ച്ചാൽ അർഥം നാം വ്യക്തി​ക​ളെ​യോ വസ്‌തു​ക്ക​ളെ​യോ പരസ്‌പര ബന്ധത്തിന്റെ അടിസ്ഥാ​ന​ത്തിൽ ഉചിത​മായ സ്ഥാനത്തു പ്രതി​ഷ്‌ഠി​ക്ക​ണ​മെ​ന്നും നന്നായി പെരു​മാ​റ​ണ​മെ​ന്നു​മാണ്‌. യഹോ​വ​യു​ടെ സ്ഥാപന​ത്തോ​ടും അന്യോ​ന്യ​വും പററി​നി​ന്നു​കൊണ്ട്‌ ഫിലി​പ്യ​യി​ലെ ക്രിസ്‌ത്യാ​നി​കൾ സ്വയം ഉചിത​മായ സ്ഥാനത്തു നിന്നു. സ്‌നേ​ഹ​ത്തി​ന്റെ നിയമ​ത്താൽ ഭരിക്ക​പ്പെ​ടു​ന്ന​താ​യി​രു​ന്നു അവരുടെ ജീവിതം. (യോഹ. 15:17; ഫിലി. 2:1, 2) “സുവി​ശേ​ഷ​ത്തി​ന്നു യോഗ്യ​മാം​വണ്ണം മാത്രം നടപ്പിൻ” എന്നു പൗലോസ്‌ അവരോട്‌ ആഹ്വാനം ചെയ്‌തു. (ഫിലി. 1:27) ക്രമവും ഉത്തമ പെരു​മാ​റ​റ​വും ഇന്നത്തെ ക്രിസ്‌ത്യാ​നി​കൾക്കും ഉണ്ടായി​രി​ക്ക​ണ​മെ​ന്നത്‌ അതു​പോ​ലെ​തന്നെ പ്രധാ​ന​മാണ്‌.

⁶ ദിനചര്യ എന്നത്‌ അംഗീ​ക​രി​ക്ക​പ്പെട്ട ഒരു നടപടി​ക്ര​മ​ത്തി​ന്റെ പതിവാ​യു​ളള ആചരണ​മാണ്‌. അതു​കൊണ്ട്‌, സംഗതി​കൾ ചെയ്യ​പ്പെ​ടുന്ന ആചാര​മു​റ​യു​മാ​യി ഇതിന്‌ അടുത്ത ബന്ധമുണ്ട്‌. ഒരു ദിനചര്യ ഉണ്ടായി​രി​ക്കു​ന്നതു നമുക്കു പ്രയോ​ജ​ന​മാ​യി​രി​ക്കാം. കാരണം അടുത്ത​താ​യി എന്തു ചെയ്യണ​മെന്നു തീരു​മാ​നി​ക്കാൻ നമുക്കു നിന്നു ചിന്തി​ക്കേ​ണ്ടി​വ​രില്ല. ശീലമാ​ക്കി പിൻപ​റ​റി​പ്പോ​രുന്ന ഒരു ക്രമം നാം നേര​ത്തെ​തന്നെ നടപ്പാ​ക്കി​ക്ക​ഴി​ഞ്ഞു.

⁷ ആരോ​ഗ്യ​ക​ര​മായ, പ്രയോ​ജ​ന​ക​ര​മായ, ദൈവ​ഭ​ക്തി​യു​ളള സ്വഭാ​വ​ങ്ങ​ളും ആചാര​രീ​തി​ക​ളും ഉൾപ്പെ​ട്ട​താണ്‌ ക്രമമു​ളള ഒരു ദിവ്യാ​ധി​പത്യ ദിനചര്യ. നമ്മെത്തന്നെ ആത്മീയ​മാ​യി പടുത്തു​യർത്തുക, മററു​ള​ള​വരെ സഹായി​ക്കുക, സാധ്യ​മെ​ങ്കിൽ യഹോ​വ​യു​ടെ സേവന​ത്തിൽ കൂടുതൽ ചെയ്യുക എന്നിവ​യാ​യി​രി​ക്കും അതിന്റെ ലക്ഷ്യങ്ങൾ. ഈ ലക്ഷ്യങ്ങൾ കൈവ​രി​ക്കു​ന്ന​തിൽ വിജയി​ക്കാൻ വ്യക്തി​പ​ര​മായ പഠനം, യോഗ​ങ്ങ​ളിൽ ക്രമമാ​യി പങ്കുപ​ററൽ, പ്രസം​ഗ​വേ​ല​യിൽ പങ്കെടു​ക്കൽ എന്നിവ​യുൾപ്പെ​ടുന്ന ഒരു ദിനചര്യ മെന​ഞ്ഞെ​ടു​ക്കു​ന്ന​തും നിലനിർത്തു​ന്ന​തും ആവശ്യ​മാണ്‌.

⁸ ക്രമമു​ളള ദിനച​ര്യ​യി​ലുൾപ്പെ​ടുന്ന അത്യാ​വശ്യ ഘടകങ്ങൾ: “സൂക്ഷ്‌മ പരിജ്ഞാ​ന​വും പൂർണ​മായ വിവേചന”യുമാണ്‌ ഒരു ഘടകം. (ഫിലി. 1:9, NW) വ്യക്തി​പ​ര​മായ പഠനം നമ്മുടെ വിശ്വാ​സത്തെ ആഴമു​ള​ള​താ​ക്കു​ന്നു, സത്യ​ത്തോ​ടു​ളള നമ്മുടെ വിലമ​തി​പ്പി​നെ ബലിഷ്‌ഠ​മാ​ക്കു​ന്നു, ഉത്തമ പ്രവൃ​ത്തി​കൾക്കാ​യി നമ്മെ പ്രചോ​ദി​പ്പി​ക്കു​ന്നു. എന്നിരു​ന്നാ​ലും, തങ്ങളുടെ പഠന സ്വഭാ​വ​ങ്ങ​ളിൽ സ്ഥിരത​യു​ള​ള​വ​രാ​യി​രി​ക്കാൻ ചിലർക്കു ബുദ്ധി​മു​ട്ടു​ണ്ടാ​യി​ട്ടുണ്ട്‌. അതിനു പറയുന്ന ഒരു പ്രധാന കാരണം സമയമില്ല എന്നതാണ്‌.

⁹ ദിവസേന ബൈബിൾ വായി​ക്കു​ന്ന​തി​ന്റെ പ്രയോ​ജനം എത്ര പറഞ്ഞാ​ലും അധിക​മാ​വില്ല. ഏതുത​ര​ത്തി​ലും “പ്രയോ​ജ​ന​മു​ളള”താണ്‌ അതിന്റെ പ്രബോ​ധനം. (2 തിമൊ​ഥെ​യൊസ്‌ 3:16, 17) നമ്മുടെ ദിനച​ര്യ​യിൽ ബൈബിൾ പഠനത്തി​നു​ളള സമയം നമു​ക്കെ​ങ്ങനെ കണ്ടെത്താ​നാ​വും? ദിവസേന രാവിലെ ഏതാനും മിനി​റ​റു​കൾ നേരത്തെ എഴു​ന്നേ​റ​റു​കൊണ്ട്‌ അതു ചെയ്യാ​നാ​കു​മെന്ന്‌ ചിലർ മനസ്സി​ലാ​ക്കി​യി​രി​ക്കു​ന്നു. അപ്പോൾ മനസ്സ്‌ ഉൻമേ​ഷ​പൂ​രി​ത​മാ​യി​രി​ക്കും. രാത്രി കിടക്കു​ന്ന​തി​നു​മുമ്പ്‌ ഏതാനും മിനി​റ​റു​കൾ വായി​ക്കു​ന്ന​താണ്‌ നല്ലതെന്നു മററു ചിലർക്കു തോന്നു​ന്നു. പകൽസ​മയം വീട്ടിൽത്തന്നെ ചെലവ​ഴി​ക്കുന്ന ഭാര്യ​മാർക്കാ​ണെ​ങ്കിൽ, ഉച്ചകഴി​ഞ്ഞു​ളള സമയം, ജോലി​യിൽനി​ന്നോ സ്‌കൂ​ളിൽനി​ന്നോ മററം​ഗങ്ങൾ തിരി​ച്ചു​വ​രു​ന്ന​തി​നു​മു​മ്പു​ളള സമയം, ഉപയോ​ഗി​ക്കാം. സാധാരണ ബൈബിൾ വായന​യ്‌ക്കു പുറമേ, ചിലർ വാരം​തോ​റു​മു​ളള തങ്ങളുടെ പതിവു വായന​യിൽ പ്രഘോ​ഷകർ പുസ്‌ത​ക​വും ഉൾപ്പെ​ടു​ത്തി​യി​ട്ടുണ്ട്‌.

¹⁰ നാം പുതിയ സ്വഭാ​വങ്ങൾ ശീലി​ക്കു​മ്പോൾ, അവ നമ്മുടെ മുൻ സ്വഭാ​വ​ങ്ങൾക്കു വിരു​ദ്ധ​മാ​കാ​നു​ളള സാധ്യ​ത​യുണ്ട്‌. മുമ്പൊ​ക്കെ അനാവശ്യ പ്രവർത്ത​ന​ങ്ങൾക്കു​വേണ്ടി നമുക്കു ലഭിക്കുന്ന സമയം ചെലവി​ടാൻ നാം ചായ്‌വു​ള​ള​വ​രാ​യി​രു​ന്നി​രി​ക്കാം. ആ ശീലത്തിൽനി​ന്നു കുതറി​മാ​റുക എളുപ്പമല്ല. നമ്മുടെ പഠന സ്വഭാ​വ​ങ്ങ​ളെ​ക്കു​റിച്ച്‌ ആരും നമ്മോടു കൽപ്പി​ക്കാൻ പോകു​ന്നില്ല. ഈ കാര്യ​ത്തിൽ നാം എന്തു ചെയ്യുന്നു എന്നു നാം കണക്കു​ബോ​ധി​പ്പി​ക്കേ​ണ്ട​തു​മില്ല. നമ്മുടെ പഠന സ്വഭാ​വ​ങ്ങ​ളു​ടെ സ്ഥിരത ഏറിയ​പ​ങ്കും ആശ്രയി​ച്ചി​രി​ക്കു​ന്നത്‌ “കൂടുതൽ പ്രാധാ​ന്യ​മു​ളള സംഗതി​ക​ളോ”ടുളള നമ്മുടെ വിലമ​തി​പ്പിൻമേ​ലും “അനു​യോ​ജ്യ സമയം” വിലയ്‌ക്കു വാങ്ങാ​നു​ളള നമ്മുടെ മനസ്സൊ​രു​ക്ക​ത്തിൻമേ​ലു​മാണ്‌.—ഫിലി. 1:10; എഫേ. 5:16, NW.

¹¹ ആവശ്യ​മായ പ്രബോ​ധ​ന​വും പ്രോ​ത്സാ​ഹ​ന​വും നൽകി​ക്കൊണ്ട്‌ ക്രിസ്‌തീയ യോഗങ്ങൾ നമ്മുടെ ആത്മീയ പുരോ​ഗ​തി​യിൽ മർമ​പ്ര​ധാ​ന​മായ പങ്കു വഹിക്കു​ന്നു. അതു​കൊണ്ട്‌, നമ്മുടെ ക്രമമു​ളള ദിനച​ര്യ​യു​ടെ മറെറാ​രു അനിവാ​ര്യ ഭാഗമാ​ണു യോഗ​ങ്ങൾക്കു​ളള ഹാജരാ​കൽ. ഇതിന്റെ പ്രാധാ​ന്യം പൗലോസ്‌ ഊന്നി​പ്പ​റ​യു​ക​യു​ണ്ടാ​യി. നമ്മുടെ ഇഷ്ടത്തി​ന​നു​സ​രി​ച്ചു ചെയ്യാ​വുന്ന ഒന്നല്ല അത്‌.—എബ്രാ. 10:24, 25.

¹² നമ്മുടെ വാരം​തോ​റു​മു​ളള പ്രവർത്തന പട്ടിക ആസൂ​ത്രണം ചെയ്യു​മ്പോൾ നമു​ക്കെ​ങ്ങ​നെ​യാ​ണു ക്രമം കാട്ടാ​നാ​വുക? ചിലർ വ്യക്തി​പ​ര​മായ കാര്യങ്ങൾ ചെയ്യാ​നാ​യി പ്രത്യേക സമയം ക്രമീ​ക​രി​ക്കു​ന്നു. എന്നിട്ട്‌ ശേഷി​ക്കുന്ന സമയം യോഗ​ങ്ങൾക്കാ​യി മാററി​വെ​ക്കു​ന്നു. എന്നാൽ അത്‌ നേരേ​മ​റി​ച്ചാ​യി​രി​ക്കണം. നമ്മുടെ വാരം​തോ​റു​മു​ളള യോഗ​ങ്ങൾക്കാ​ണു മുൻഗണന ലഭി​ക്കേ​ണ്ടത്‌. മററുളള പ്രവർത്ത​നങ്ങൾ അതിനു പിന്നാ​ലെ​യാ​യി​രി​ക്കണം.

¹³ ക്രമമാ​യി യോഗ​ങ്ങൾക്കു ഹാജരാ​ക​ണ​മെ​ങ്കിൽ നല്ല ആസൂ​ത്ര​ണ​വും കുടുംബ സഹകര​ണ​വും ആവശ്യ​മാണ്‌. ഇടദി​വ​സ​ങ്ങ​ളിൽ നമ്മിൽ മിക്കവർക്കും നല്ല തിരക്കു​പി​ടിച്ച പട്ടിക​യാ​ണു​ള​ളത്‌. അതു​കൊ​ണ്ടു​തന്നെ സമയമു​ണ്ടാ​ക്കു​ക​യെ​ന്നാൽ വലിയ ബുദ്ധി​മു​ട്ടാ​ണു​താ​നും. അപ്പോൾ ഇതിനർഥം, സാധ്യ​മാ​കു​മെ​ങ്കിൽ വൈകു​ന്നേ​രത്തെ ഭക്ഷണം കുറച്ചു നേര​ത്തെ​യാ​ക്കണം. അങ്ങനെ​യാ​വു​മ്പോൾ, ഭക്ഷണം കഴിക്കാ​നും ഒരുങ്ങാ​നും യോഗങ്ങൾ ആരംഭി​ക്കു​ന്ന​തി​നു​മു​മ്പു​തന്നെ എത്തി​ച്ചേ​രാ​നും ആവശ്യ​ത്തി​നു സമയം ലഭിക്കും. ഇക്കാര്യ​ത്തിൽ കുടും​ബാം​ഗ​ങ്ങൾക്കു പലവി​ധ​ത്തിൽ സഹകരി​ക്കാൻ കഴിയും.

¹⁴ ക്രമമു​ളള ദിനച​ര്യ​യിൽ മുന്നേ​റു​ന്ന​തിൽ തുടര​ണ​മെ​ങ്കിൽ, ക്രമമായ വയൽസേ​വനം ഒഴിവാ​ക്കാൻ പാടില്ല. രാജ്യ​സ​ന്ദേശം പ്രസം​ഗി​ക്കാ​നു​ളള നമ്മുടെ ഭാരിച്ച ഉത്തരവാ​ദി​ത്വം നാമെ​ല്ലാ​വ​രും തിരി​ച്ച​റി​യു​ന്നുണ്ട്‌. നമ്മെ യഹോ​വ​യു​ടെ സാക്ഷി​ക​ളാ​ക്കി​ത്തീർക്കു​ന്നത്‌ ഈ സംഗതി​യാണ്‌. (യെശ. 43:10) അത്‌ ഇന്നു നടക്കുന്ന ഏററവും അടിയ​ന്തി​ര​വും പ്രയോ​ജ​ന​ക​ര​വു​മായ വേലയാ​യ​തു​കൊണ്ട്‌, അതിനെ നമ്മുടെ ദിനച​ര്യ​യു​ടെ ഒരു യാദൃ​ച്ഛിക ഭാഗമാ​യി വീക്ഷി​ക്കാൻ യാതൊ​രു കാരണ​വ​ശാ​ലും കഴിയില്ല. പൗലോസ്‌ അനുശാ​സി​ക്കു​ന്ന​തു​പോ​ലെ, “ദൈവ​ത്തിന്‌ അവന്റെ നാമത്തെ ഏററു​പ​റ​യുന്ന അധരഫ​ല​മെന്ന സ്‌തോ​ത്ര​യാ​ഗം നമുക്ക്‌ എല്ലായ്‌പോ​ഴും അർപ്പി​ക്കാം.”—എബ്രാ. 13:15, NW.

¹⁵ ഓരോ ആഴ്‌ച​യി​ലും നാം നമ്മുടെ പ്രവർത്തനം ആസൂ​ത്രണം ചെയ്യു​മ്പോൾ വയൽസേ​വ​ന​ത്തി​നാ​യി പ്രത്യേക സമയം മാററി​വെ​ക്കണം. ഓരോ ആഴ്‌ച​യി​ലും സഭ പല വയൽസേ​വ​ന​യോ​ഗങ്ങൾ ക്രമീ​ക​രി​ച്ചി​രി​ക്കാ​നി​ട​യുണ്ട്‌. ഏതി​ലെ​ല്ലാം പങ്കെടു​ക്കാൻ സാധി​ക്കു​മെന്നു നാം തീരു​മാ​നി​ക്കു​കയേ വേണ്ടൂ. മാസി​ക​ക​ളും മററു സാഹി​ത്യ​ങ്ങ​ളും സഹിതം വീടു​തോ​റു​മു​ളള വേല, മടക്കസ​ന്ദർശ​നങ്ങൾ നടത്തൽ, ബൈബി​ള​ധ്യ​യ​നങ്ങൾ നിർവ​ഹി​ക്കൽ എന്നിങ്ങനെ സേവന​ത്തി​ന്റെ ഓരോ വശത്തും പങ്കുപ​റ​റാൻ ശ്രമി​ക്കു​ന്നതു നല്ലതാണ്‌. സാഹി​ത്യ​ങ്ങൾ കയ്യി​ലേന്തി സംഭാ​ഷണം ആരംഭി​ക്കാ​നു​ളള അവസര​ങ്ങൾക്കാ​യി തക്കം നോക്കി​യി​രു​ന്നു​കൊണ്ട്‌ അനൗപ​ചാ​രിക സാക്ഷീ​ക​രണം നടത്താൻ നാം മുന്ന​മേ​തന്നെ പരിപാ​ടി​യി​ടു​ക​പോ​ലും ചെയ്‌തേ​ക്കാം. സാധാ​ര​ണ​ഗ​തി​യിൽ നാം മററു​ള​ള​വ​രോ​ടൊ​പ്പം പോകു​ന്ന​തു​കൊണ്ട്‌, നാം അവരുടെ പട്ടിക എപ്രകാ​ര​മാ​ണെന്ന്‌ അന്വേ​ഷി​ക്കണം. അങ്ങനെ രണ്ടു കൂട്ടർക്കും സൗകര്യ​പ്ര​ദ​മായ ക്രമീ​ക​രണം നടത്താൻ നമുക്കാ​വും.

¹⁶ പ്രദേ​ശത്തു വിപ്ര​തി​പ​ത്തി​യു​ണ്ടെ​ങ്കി​ലും നമ്മുടെ പ്രസംഗ ദിനചര്യ നിലനിർത്തി​യേ തീരൂ. വളരെ കുറച്ച്‌ ആളുകളേ അനുകൂ​ല​മാ​യി പ്രതി​ക​രി​ക്കു​ക​യു​ള​ളൂ​വെന്നു നമുക്കു മുന്ന​മേ​തന്നെ അറിയാം. (മത്തായി 13:15; 24:9) ‘മത്സരി​ക​ളും മയമി​ല്ലാ​ത്ത​വ​രും കഠിന​ഹൃ​ദ​യ​രു​മാ​യി’രുന്ന ആളുക​ളോ​ടു പ്രസം​ഗി​ക്കാ​നാണ്‌ എസെക്കി​യേൽ നിയു​ക്ത​നാ​യത്‌. ‘അവരുടെ നെററി കഠിന​മാ​യി​രി​ക്കു​ന്ന​തു​പോ​ലെ​തന്നെ അവന്റെ നെററി​യെ തീക്കല്ലി​നെ​ക്കാൾ കടുപ്പ​മു​ളള വജ്രം​പോ​ലെ’യാക്കു​ന്ന​തി​നു സഹായി​ക്കാ​മെന്നു യഹോവ എസെക്കി​യേ​ലി​നോ​ടു വാഗ്‌ദാ​നം ചെയ്‌തു. (എസെ. 2:3, 4; 3:7-9, NW) അതു​കൊണ്ട്‌, സേവനം ക്രമമാ​യി നടത്താൻ സ്ഥിരോ​ത്സാ​ഹം ആവശ്യ​മാണ്‌.

¹⁷ അനുക​രി​ക്കാൻ നല്ല മാതൃ​കകൾ: നേതൃ​ത്വ​മെ​ടു​ക്കാൻ ആരെങ്കി​ലു​മു​ള​ള​പ്പോൾ നാമെ​ല്ലാം വയൽസേ​വനം ഏറെ നന്നായി നിർവ​ഹി​ക്കു​ന്നു. പൗലോ​സും കൂട്ടരും ഒരു നല്ല മാതൃക വെച്ചു. തന്നെ അനുക​രി​ക്കാൻ അദ്ദേഹം മററു​ള​ള​വരെ പ്രോ​ത്സാ​ഹി​പ്പി​ക്കു​ക​യും ചെയ്‌തു. (ഫിലി. 3:17) ആത്മീയ​മാ​യി സ്വയം ബലിഷ്‌ഠ​നാ​യി നിൽക്കാൻ അത്യാ​വ​ശ്യ​മായ എല്ലാ ഘടകങ്ങ​ളും അദ്ദേഹ​ത്തി​ന്റെ ദിനച​ര്യ​യിൽ ഉൾപ്പെ​ട്ടി​രു​ന്നു.

¹⁸ ഇന്നു നല്ല മാതൃ​ക​ക​ളാൽ നാമും അനുഗൃ​ഹീ​ത​രാണ്‌. “നിങ്ങ​ളോ​ടു ദൈവ​വ​ചനം പ്രസം​ഗി​ച്ച​വ​രാ​യി നിങ്ങളു​ടെ ഇടയിൽ നേതൃ​ത്വം എടുക്കു​ന്ന​വരെ ഓർത്തു​കൊൾക, അവരുടെ നടത്ത എങ്ങനെ പരിണ​മി​ക്കു​ന്നു​വെന്ന്‌ വിചി​ന്തനം ചെയ്യു​മ്പോൾ അവരുടെ വിശ്വാ​സത്തെ അനുക​രി​ക്കുക” [NW] എന്നു പൗലോസ്‌ എബ്രായർ 13:7-ലൂടെ നമ്മെ പ്രോ​ത്സാ​ഹി​പ്പി​ക്കു​ന്നു. തീർച്ച​യാ​യും ക്രിസ്‌തു​വാ​ണു നമ്മുടെ മാതൃക. എങ്കിലും നേതൃ​ത്വ​മെ​ടു​ക്കു​ന്ന​വ​രു​ടെ വിശ്വാ​സം നമുക്ക്‌ അനുക​രി​ക്കാം. പൗലോ​സി​നെ​പ്പോ​ലെ, മൂപ്പൻമാർ മററു​ള​ള​വർക്കു നല്ല മാതൃ​ക​ക​ളാ​യി​രി​ക്കേണ്ട ആവശ്യ​ത്തെ​ക്കു​റിച്ച്‌ ബോധ​വാൻമാ​രാ​യി​രി​ക്കണം. അവരുടെ വ്യക്തി​പ​ര​മായ സാഹച​ര്യ​ങ്ങൾക്കു വ്യത്യാ​സ​മു​ണ്ടാ​യേ​ക്കാ​മെ​ങ്കി​ലും രാജ്യ​താ​ത്‌പ​ര്യ​ങ്ങളെ ഒന്നാം സ്ഥാനത്തു വെക്കുന്ന ക്രമമു​ളള ഒരു ദിനചര്യ താൻ നിലനിർത്തു​ന്നു​വെന്നു പ്രകടി​പ്പി​ക്കാൻ ഓരോ​രു​ത്തർക്കും കഴിയണം. ലൗകി​ക​വും കുടും​ബ​പ​ര​വു​മായ ഉത്തരവാ​ദി​ത്വ​ങ്ങൾ ഉണ്ടായി​രു​ന്നാ​ലും വ്യക്തി​പ​ര​മായ പഠനം, യോഗ​ങ്ങ​ളിൽ പങ്കുപ​ററൽ, വയൽസേ​വ​ന​ത്തിൽ നേതൃ​ത്വ​മെ​ടു​ക്കൽ എന്നിവ​യിൽ ചെയ്‌തു തഴക്കംവന്ന ശീലങ്ങൾ മൂപ്പൻമാർക്കു​ണ്ടാ​യി​രി​ക്കണം. മൂപ്പൻമാർ ‘തങ്ങളുടെ കുടും​ബ​ത്തി​നു​മേൽ നന്നായി മേൽവി​ചാ​രണ നടത്തുന്ന’വരാ​ണെന്ന്‌ തെളിവു കൊടു​ക്കു​മ്പോൾ, ക്രമമു​ളള ദിനച​ര്യ​യിൽ പ്രവർത്തി​ച്ചു​കൊ​ണ്ടേ​യി​രി​ക്കാൻ അതു സഭയിലെ സകലർക്കും പ്രോ​ത്സാ​ഹ​ന​മാ​കും.—1 തിമോ. 3:4, 5, NW.

¹⁹ പുതിയ സേവന​വർഷ​ത്തേ​ക്കു​ളള ലാക്കുകൾ: നമ്മുടെ വ്യക്തി​പ​ര​മായ ദിനച​ര്യ​യെ​ക്കു​റി​ച്ചു വിചി​ന്തനം ചെയ്യാൻ പററിയ സമയമാ​ണു പുതിയ സേവന​വർഷ​ത്തി​ന്റെ ആരംഭം. കഴിഞ്ഞ വർഷത്തെ നമ്മുടെ പ്രവർത്ത​ന​ത്തി​ന്റെ പുനര​വ​ലോ​കനം എന്താണു പ്രകട​മാ​ക്കു​ന്നത്‌? നമ്മുടെ പ്രവർത്ത​ന​ത്തി​ന്റെ അളവു നിലനിർത്താ​നോ സാധ്യ​മെ​ങ്കിൽ വർധി​പ്പി​ക്കാ​നോ കഴിഞ്ഞു​വോ? വ്യക്തി​പ​ര​മായ പഠനത്തിൽ നാം കൂടുതൽ ആഴത്തിൽ മുഴു​കി​യി​രി​ക്കാം. കൂടുതൽ ക്രമമാ​യി നാം യോഗ​ങ്ങ​ളിൽ പങ്കെടു​ത്തി​രി​ക്കാം, അല്ലെങ്കിൽ സഹായ പയനി​യ​റാ​യി പേർ ചാർത്തി​ക്കൊണ്ട്‌ വയൽസേ​വനം വർധി​പ്പി​ച്ചി​രി​ക്കാം. നമ്മുടെ സഭയി​ലോ കുടും​ബ​ത്തി​ലോ മററു​ള​ള​വർക്കു​വേണ്ടി നാം ചെയ്‌തു​കൊ​ടുത്ത ചില സവിശേഷ കാരു​ണ്യ​പ്ര​വർത്ത​നങ്ങൾ ചൂണ്ടി​പ്പ​റ​യാൻ നമുക്കു കഴി​ഞ്ഞേ​ക്കാം. അങ്ങനെ​യെ​ങ്കിൽ, ദൈവത്തെ പ്രീതി​പ്പെ​ടു​ത്തുന്ന വഴിയിൽ നാം നടന്നു​വെന്ന്‌ ആഹ്ലാദി​ക്കാ​നു​ളള വക നമുക്കുണ്ട്‌. അതു “കൂടുതൽ തികവിൽ ചെയ്‌തു​കൊ​ണ്ടി​രി​ക്കാൻ” നമുക്കു മതിയായ കാരണ​മുണ്ട്‌.—1 തെസ. 4:1, NW.

²⁰ നമ്മുടെ ദിനചര്യ സ്ഥിരത​യി​ല്ലാ​ത്തത്‌, അല്ലെങ്കിൽ വല്ലപ്പോ​ഴു​മു​ള​ളത്‌ ആയിരു​ന്നെ​ങ്കി​ലോ? നമ്മുടെ ആത്മീയ​തയെ അത്‌ എങ്ങനെ ബാധിച്ചു? എന്തെങ്കി​ലും കാരണ​ത്താൽ നമ്മുടെ പുരോ​ഗതി തടസ്സ​പ്പെ​ട്ടു​വോ? യഹോ​വ​യു​ടെ സഹായ​ത്തി​നു​ളള യാചന​യോ​ടെ​യാ​ണു പുരോ​ഗതി ആരംഭി​ക്കു​ന്നത്‌. (ഫിലി. 4:6, 13) കുടും​ബ​ത്തി​ലെ മററു​ള​ള​വ​രു​മാ​യി നിങ്ങളു​ടെ ആവശ്യങ്ങൾ ചർച്ച ചെയ്യുക. നിങ്ങളു​ടെ ദിനച​ര്യ​യിൽപ്പെ​ടുന്ന കാര്യങ്ങൾ ക്രമീ​ക​രി​ക്കാൻ അവരുടെ സഹായം അഭ്യർഥി​ക്കുക. നിങ്ങൾക്കു വല്ല പ്രശ്‌ന​ങ്ങ​ളു​മു​ണ്ടെ​ങ്കിൽ മൂപ്പൻമാ​രു​ടെ സഹായം തേടുക. നാം ആത്മാർഥ​മായ ശ്രമം ചെയ്‌ത്‌ യഹോ​വ​യു​ടെ നിർദേ​ശ​ത്തോ​ടു പ്രതി​ക​രി​ക്കു​ന്നെ​ങ്കിൽ, നാം “നിഷ്‌ക്രി​യ​രോ ഫലശൂ​ന്യ​രോ ആകുന്നത്‌” ഒഴിവാ​ക്കു​മെന്ന്‌ നമുക്ക്‌ ഉറപ്പാ​ക്കാ​വു​ന്ന​താണ്‌.—2 പത്രോസ്‌ 1:5-8, NW.

²¹ ക്രമമു​ളള ദിനച​ര്യ​യിൽ നടക്കു​ന്നതു നിങ്ങളു​ടെ പ്രവർത്ത​ന​ങ്ങളെ സാരവ​ത്താ​ക്കുന്ന അനു​ഗ്ര​ഹങ്ങൾ കൈവ​രു​ത്തും. ക്രമമു​ളള ദിനച​ര്യ​യിൽ മുന്നേ​റാൻ നിങ്ങൾ ദൃഢനി​ശ്ചയം ചെയ്യു​മ്പോൾ “പ്രവർത്ത​ന​ത്തിൽ മാന്ദ്യം കാണി​ക്ക​രുത്‌. ആത്മാവി​നാൽ ജ്വലി​ക്കുക. യഹോ​വയെ ശുശ്രൂ​ഷി​ക്കു​വിൻ.” (റോമ. 12:11, NW) ഈ വിഷയ​ത്തെ​ക്കു​റി​ച്ചു കൂടുതൽ വിശദ​മാ​യി അറിയാൻ 1985 മേയ്‌ 1 വീക്ഷാ​ഗോ​പു​രം [ഇംഗ്ലീഷ്‌] പേജ്‌ 13-17 കാണുക.