നിങ്ങൾ ഏതു തരത്തി​ലു​ളള ആത്മാവാ​ണു പ്രകട​മാ​ക്കു​ന്നത്‌?

¹ ഫിലിപ്യ സഭയ്‌ക്കു​ളള തന്റെ കത്ത്‌ പൗലോസ്‌ ഈ ഉദ്‌ബോ​ധ​ന​ത്തോ​ടെ ഉപസം​ഹ​രി​ച്ചു: “കർത്താ​വായ യേശു​ക്രി​സ്‌തു​വി​ന്റെ കൃപ നിങ്ങളു​ടെ ആത്മാവി​നോ​ടു​കൂ​ടെ ഇരിക്കു​മാ​റാ​കട്ടെ.” (ഫിലി. 4:23) സുവാർത്ത പ്രസം​ഗി​ക്കു​ന്ന​തി​ലെ അവരുടെ യഥാർഥ താത്‌പ​ര്യ​ത്തെ​യും അതു​പോ​ലെ​തന്നെ മററു​ള​ള​വ​രു​ടെ നൻമയി​ലു​ളള ഊഷ്‌മ​ള​വും സ്‌നേ​ഹ​പൂർവ​ക​വു​മായ കരുത​ലി​നെ​യും അവൻ അഭിന​ന്ദി​ച്ചു.—ഫിലി. 1:3-5; 4:15, 16.

² നമ്മുടെ സഭയിൽ അതേ ആത്മാവു പ്രകടി​പ്പി​ക്കുക എന്നുള​ളതു നമ്മുടെ ആഗ്രഹ​മാ​യി​രി​ക്കണം. എല്ലാവ​രും തീക്ഷ്‌ണ​ത​യും ദയയും അതിഥി​സ​ത്‌കാ​ര​പ്രി​യ​വും കാണി​ക്കു​മ്പോൾ, നിരീ​ക്ഷ​കർക്കു വ്യക്തമാ​യി​ത്തീ​രുന്ന ഒരു ആത്മാവ്‌ അതു സൃഷ്ടി​ക്കു​ന്നു. ക്രിയാ​ത്മ​ക​വും സ്‌നേ​ഹ​പു​ര​സ്സ​ര​വു​മായ ആത്മാവ്‌ ഐക്യ​വും ആത്മീയ പുരോ​ഗ​തി​യും കൈവ​രു​ത്തു​ന്നു. (1 കൊരി. 1:10) ഒരു നിഷേ​ധാ​ത്മക മനോ​ഭാ​വം നിരു​ത്സാ​ഹ​വും ഊർജ​സ്വ​ല​ത​യി​ല്ലാ​യ്‌മ​യും ഉളവാ​ക്കു​ന്നു.—വെളി. 3:15, 16.

³ മൂപ്പൻമാർ നേതൃ​ത്വം എടുക്കു​ന്നു: ഒരു നല്ല, ക്രിയാ​ത്മ​ക​മായ ആത്മാവ്‌ തങ്ങളിൽത്ത​ന്നെ​യും സഭയ്‌ക്കു​ള​ളി​ലും നിലനിർത്തു​ന്ന​തി​നു​ളള ഉത്തരവാ​ദി​ത്വം മൂപ്പൻമാർക്കുണ്ട്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ അവരുടെ മനോ​ഭാ​വ​ത്തി​നും നടത്തയ്‌ക്കും സഭയെ സ്വാധീ​നി​ക്കാൻ കഴിയും. വയൽസേ​വ​ന​ത്തിൽ തീക്ഷ്‌ണ​ത​യു​ള​ള​വ​രും, ഊഷ്‌മ​ള​മായ പുഞ്ചി​രി​യോ​ടും ദയാപൂർവ​ക​മായ വാക്കോ​ടും കൂടെ നമ്മെ അഭിവാ​ദനം ചെയ്യുന്ന, വ്യക്തി​പ​ര​മാ​യോ പ്ലാററ്‌ഫോ​മിൽനി​ന്നോ ബുദ്ധ്യു​പ​ദേശം കൊടു​ക്കു​ന്ന​തിൽ ക്രിയാ​ത്മ​ക​രും കെട്ടു​പ​ണി​ചെ​യ്യു​ന്ന​വ​രും ആയ മൂപ്പൻമാ​രു​ള​ള​തിൽ നാം വിലമ​തി​പ്പു​ള​ള​വ​രാണ്‌.—എബ്രാ. 13:7.

⁴ സഭ സൗഹൃ​ദ​മു​ള​ള​തും അതിഥി​സ​ത്‌കാര പ്രിയ​മു​ള​ള​തും തീക്ഷ്‌ണ​ത​യു​ള​ള​തും ആത്മീയ മനഃസ്ഥി​തി​യു​ള​ള​തും ആക്കിത്തീർക്കു​ന്ന​തിൽ തീർച്ച​യാ​യും നാമെ​ല്ലാ​വ​രും നമ്മുടെ പങ്കുവ​ഹി​ക്കണം. വ്യക്തി​പ​ര​മാ​യി നമുക്ക്‌ മററു​ള​ള​വ​രു​മാ​യു​ളള സഹവാ​സ​ത്തിൽ ഊഷ്‌മ​ള​ത​യും സ്‌നേ​ഹ​വും പ്രകട​മാ​ക്കാൻ കഴിയും. (1 കൊരി. 16:14) പ്രായം, വർഗം, വിദ്യാ​ഭ്യാ​സം അല്ലെങ്കിൽ സാമ്പത്തിക സ്ഥിതി എന്നിവ​യിൽ ഒരു തിരി​ച്ചു​വ്യ​ത്യാ​സ​വും നമ്മു​ടെ​യി​ട​യിൽ ഉണ്ടായി​രി​ക്ക​രുത്‌. (താരത​മ്യം ചെയ്യുക: എഫെസ്യർ 2:21.) നമ്മുടെ പ്രത്യാശ നിമിത്തം നമുക്കു സന്തോ​ഷ​ത്തി​ന്റെ ആത്മാവും ഉദാര​മായ ആതി​ഥ്യോ​പ​ചാ​ര​വും ശുശ്രൂ​ഷ​യിൽ തീക്ഷ്‌ണ​ത​യും പ്രകട​മാ​ക്കാൻ കഴിയും.—റോമ. 12:13; കൊലൊ. 3:22, 23.

⁵ പുതി​യവർ ഉൾപ്പെടെ, നമ്മോ​ടൊ​പ്പം സഹവസി​ക്കുന്ന എല്ലാവർക്കും സ്വാഗതം ചെയ്യ​പ്പെ​ടു​ന്ന​താ​യി അനുഭ​വ​പ്പെ​ടു​ന്ന​തി​നു പുറമേ സഹോ​ദ​ര​വർഗ​ത്തി​ന്റെ സ്‌നേ​ഹ​വും ഭക്തിയും കൂടെ അനുഭ​വ​പ്പെ​ടണം. നമ്മുടെ ശുശ്രൂ​ഷ​യാ​ലും നല്ല ക്രിസ്‌തീയ ഗുണങ്ങൾ പ്രകട​മാ​ക്കു​ന്ന​തി​നാ​ലും സഭ “സത്യത്തി​ന്റെ തൂണും അടിസ്ഥാ​നവു”മാണെന്നു നാം തെളിവു കൊടു​ക്കു​ക​യാ​ണു ചെയ്യു​ന്നത്‌. (1 തിമൊ. 3:15) നമ്മുടെ ഹൃദയ​ത്തെ​യും മാനസിക ശക്തിക​ളെ​യും സംരക്ഷി​ക്കുന്ന “ദൈവ​സ​മാ​ധാന”ത്താൽ നാം ആത്മീയ സുരക്ഷി​ത​ത്വം ആസ്വദി​ക്കു​ക​യും ചെയ്യുന്നു. (ഫിലി. 4:6, 7) കർത്താ​വായ യേശു​ക്രി​സ്‌തു​വി​ലൂ​ടെ​യു​ളള യഹോ​വ​യു​ടെ അനർഹദയ ആസ്വദി​ക്കു​മെന്ന്‌ ഉറപ്പാ​ക്കുന്ന തരം ആത്മാവു പ്രകടി​പ്പി​ക്കു​ന്ന​തിൽ നമു​ക്കെ​ല്ലാം ശുഷ്‌കാ​ന്തി​യോ​ടെ പരി​ശ്ര​മി​ക്കാം.—2 തിമൊ. 4:22.