ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ പുതിയ പുസ്‌ത​ക​ത്തി​ന്റെ പ്രകാ​ശ​ന​ത്തിൽ എല്ലാവ​രും പുളകി​ത​രാ​യി പുതിയ പുസ്‌തകം ദൈവ​പ​രി​ജ്ഞാ​നത്തെ വിശേ​ഷ​വൽക്ക​രി​ക്കു​ന്നു

¹ “സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ മുഴു പരിപാ​ടി​ക​ളി​ലും നാം എത്രമാ​ത്രം ആഹ്ലാദി​ച്ചു! ശനിയാഴ്‌ച ഉച്ചതി​രിഞ്ഞ്‌, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുതിയ പുസ്‌ത​കത്തെ സംബന്ധി​ച്ചുള്ള അറിയി​പ്പും പിന്നാലെ അതുമാ​യി ബന്ധപ്പെട്ട വിവര​ങ്ങ​ളും കേട്ട​പ്പോൾ നമ്മുടെ സന്തോഷം കവി​ഞ്ഞൊ​ഴു​കി. ദൈവ​ത്തെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും കുറി​ച്ചുള്ള, ദൈവ​ത്തി​നു മാത്രം നൽകാൻ കഴിയുന്ന പരിജ്ഞാ​നം ഭൂമി​യി​ലെ ദശലക്ഷ​ക്ക​ണ​ക്കിന്‌ ആളുകൾക്ക്‌ ആവശ്യ​മാണ്‌.—സദൃ. 2:1-6; യോഹ. 17:3

² ഈ പുസ്‌ത​ക​ത്തി​ന്റെ ഭാഗങ്ങൾ പ്രസം​ഗകൻ എത്ര വ്യക്തമാ​യി വിവരി​ച്ചു! ശ്രദ്ധപി​ടി​ച്ചു​പ​റ്റുന്ന തലക്കെ​ട്ടു​കൾ, പ്രാ​യോ​ഗിക ദൃഷ്ടാ​ന്തങ്ങൾ, സത്യത്തി​ന്റെ ക്രിയാ​ത്മ​ക​മായ അവതരണം, സങ്കീർണ​മ​ല്ലാത്ത ചോദ്യ​ങ്ങൾ, ഓരോ അധ്യാ​യ​ത്തി​ന്റെ​യും അവസാ​ന​മുള്ള “നിങ്ങളു​ടെ പരിജ്ഞാ​നം പരി​ശോ​ധി​ക്കുക” എന്ന ചതുരം എന്നിവ ഇതു വായി​ക്കുന്ന എല്ലാവ​രെ​യും ആകർഷി​ക്കുന്ന സവി​ശേ​ഷ​ത​ക​ളിൽ പെട്ടവ​യാണ്‌. എന്നാൽ നമ്മുടെ ബൈബിൾ വിദ്യാർഥി​കൾ ബൈബിൾ പഠിപ്പി​ക്ക​ലു​കൾ സംബന്ധി​ച്ചുള്ള മൗലി​ക​ത​ത്ത്വ​ങ്ങൾ ത്വരി​ത​ഗ​തി​യിൽ ആർജി​ക്കവേ വിശേ​ഷാൽ പ്രയോ​ജ​ന​മ​നു​ഭ​വി​ക്കും.

³ ശനിയാ​ഴ്‌ച​ത്തെ​യും ഞായറാ​ഴ്‌ച​ത്തെ​യും സമാപന പ്രസം​ഗ​ങ്ങ​ളിൽ, ഈ പുതിയ പുസ്‌തകം കുടും​ബാ​ധ്യ​യ​ന​ത്തിന്‌ ഉപയോ​ഗി​ക്കാൻ നാം പ്രോ​ത്സാ​ഹി​പ്പി​ക്ക​പ്പെട്ടു. സാധ്യ​ത​യ​നു​സ​രി​ച്ചു നാം ഇപ്പോ​ഴേ​ക്കും ഇതിന്റെ ഉള്ളടക്ക​വു​മാ​യി പരിച​യ​ത്തി​ലാ​യി​ട്ടു​ണ്ടാ​വും. ഈ പുതിയ പുസ്‌തകം വയലിൽ സമർപ്പി​ക്കു​മ്പോൾ മനസ്സിൽ പിടി​ക്കേണ്ട ആശയങ്ങൾ നിങ്ങൾ ചർച്ച ചെയ്‌തി​ട്ടു​ണ്ടെ​ന്നു​ള്ള​തി​ലും സംശയ​മില്ല.

⁴ പുനര​വ​ലോ​ക​ന​ത്തി​നുള്ള ആശയങ്ങൾ: “മനുഷ്യ​വർഗ​ത്തിന്‌ എന്തു​കൊ​ണ്ടാണ്‌ ദൈവ പരിജ്ഞാ​നം ആവശ്യ​മാ​യി​രി​ക്കു​ന്നത്‌” എന്ന വിഷയം അവതരി​പ്പി​ച്ച​പ്പോൾ പ്രസം​ഗകൻ ഊന്നി​പ്പറഞ്ഞ അനേക ആശയങ്ങൾ നിങ്ങൾ ഓർക്കു​ന്നു​ണ്ടാ​വും. പിൻവ​രു​ന്നവ അവയിൽ ഉൾപ്പെ​ടു​ന്നു: (1) ബൈബിൾ അധ്യയ​നങ്ങൾ നടത്താൻ നിങ്ങൾ ഈ പുസ്‌തകം ഉപയോ​ഗി​ക്കു​മ്പോൾ പ്രധാന ആശയങ്ങളെ മൂടി​ക്ക​ള​യുന്ന അനുബന്ധ വിഷയങ്ങൾ ഉൾപ്പെ​ടു​ത്തു​ന്നതു ജ്ഞാനമല്ല, ഓരോ അധ്യാ​യ​ത്തി​ലും ഈ പുസ്‌തകം തെളി​യി​ക്കു​ന്നതു മാത്രം കൈമാ​റു​ന്ന​തിൽ ശ്രദ്ധ​കേ​ന്ദ്രീ​ക​രി​ക്കുക. (2) അധ്യാ​യങ്ങൾ മിതമായ ദൈർഘ്യം ഉള്ളവയാ​യ​തി​നാൽ സാധാ​ര​ണ​ഗ​തി​യിൽ ഓരോ പ്രാവ​ശ്യ​വും പഠിക്കു​മ്പോൾ ഓരോ​ന്നു വീതം പൂർത്തീ​ക​രി​ക്കു​വാൻ നിങ്ങൾക്കു കഴിയും. (3) ഓരോ അധ്യാ​യ​ത്തി​ന്റെ​യും അവസാ​ന​മുള്ള “നിങ്ങളു​ടെ പരിജ്ഞാ​നം പരി​ശോ​ധി​ക്കുക” എന്ന ശീർഷ​ക​മുള്ള ചതുര​ത്തി​ലെ ചോദ്യ​ങ്ങൾ സംക്ഷി​പ്‌ത​മായ ഒരു പുനര​വ​ലോ​കനം പ്രദാനം ചെയ്യും.

⁵ ബൈബി​ള​ധ്യ​യ​ന​ങ്ങ​ളി​ലെ ഉപയോ​ഗം: തങ്ങളുടെ ബൈബി​ള​ധ്യ​യ​നങ്ങൾ ഈ പുതിയ പുസ്‌ത​ക​ത്തി​ലേക്കു മാറ്റു​ന്നത്‌ ഉചിത​മാ​ണോ എന്നു ചുരുക്കം ചില പ്രസാ​ധകർ അന്വേ​ഷി​ച്ചി​ട്ടുണ്ട്‌. ഇപ്പോൾ പഠിച്ചു​കൊ​ണ്ടി​രി​ക്കുന്ന പുസ്‌ത​ക​ത്തി​ന്റെ നല്ലൊരു ഭാഗം നിങ്ങൾ പിന്നി​ട്ടി​ട്ടു​ണ്ടെ​ങ്കിൽ, ആ പ്രസി​ദ്ധീ​ക​ര​ണ​ത്തി​ന്റെ പഠനം പൂർത്തി​യാ​ക്കു​ന്നതു പ്രാ​യോ​ഗി​ക​മാ​യി​രി​ക്കും. അങ്ങനെ​യ​ല്ലെ​ങ്കിൽ, പരിജ്ഞാ​നം പുസ്‌ത​ക​ത്തി​ലേക്കു മാറാൻ ശുപാർശ​ചെ​യ്യ​പ്പെ​ടു​ന്നു. ബൈബി​ള​ധ്യ​യനം ആരംഭി​ക്കാൻ നിങ്ങൾ ഒരു ലഘുപ​ത്രി​ക​യോ ഒരു ട്രാക്‌റ്റോ ആണ്‌ ഉപയോ​ഗി​ച്ച​തെ​ങ്കിൽ പുതിയ പുസ്‌തകം ഉചിത​മായ സമയത്തു പരിച​യ​പ്പെ​ടു​ത്തു​ക​യും അധ്യയ​ന​ത്തി​നാ​യി ഉപയോ​ഗി​ക്കു​ക​യും ചെയ്യുക. പരിജ്ഞാ​നം പുസ്‌ത​ക​ത്തി​ന്റെ ഉപയോ​ഗ​ത്തെ​ക്കു​റി​ച്ചുള്ള കൂടുതൽ വിവരങ്ങൾ വരുന്ന മാസങ്ങ​ളി​ലെ നമ്മുടെ രാജ്യ ശുശ്രൂ​ഷ​യിൽ പ്രത്യ​ക്ഷ​പ്പെ​ടു​ന്ന​താ​യി​രി​ക്കും.

⁶ നിത്യ​ജീ​വ​നി​ലേക്കു നയിക്കുന്ന പരിജ്ഞാ​ന​ത്തെ​ക്കു​റി​ച്ചു മറ്റുള്ള​വരെ പഠിപ്പി​ക്കാൻ നമ്മെ സഹായി​ക്കു​ന്ന​തി​നു യഹോവ ഈ പുതിയ പുസ്‌തകം പ്രദാനം ചെയ്‌തി​രി​ക്കു​ന്നു. ഇപ്പോൾ നാം നന്നായി തയ്യാറാ​കേ​ണ്ട​തുണ്ട്‌, മാത്രമല്ല ഇനിയും ശേഷി​ക്കുന്ന വേലയിൽ ഒരു പൂർണ പങ്കു നമുക്ക്‌ ഉണ്ടായി​രി​ക്കു​ക​യും വേണം.