ജീവനി​ലേക്കു നയിക്കുന്ന പരിജ്ഞാ​നം സമ്പാദി​ക്കാൻ മറ്റുള്ള​വരെ സഹായി​ക്കു​ക

¹ ‘അവൻ (ദൈവം) സകലമ​നു​ഷ്യ​രും. . .സത്യത്തി​ന്റെ പരിജ്ഞാ​ന​ത്തി​ലെ​ത്താൻ ഇച്ഛിക്കു​ന്നു’ എന്ന്‌ അപ്പോ​സ്‌ത​ല​നായ പൗലോസ്‌ വിശദീ​ക​രി​ച്ചു. (1 തിമോ. 2:4) ആ പരിജ്ഞാ​നം ഉൾക്കൊ​ള്ളാൻ മറ്റുള്ള​വരെ നമു​ക്കെ​ങ്ങനെ സഹായി​ക്കാൻ കഴിയും? നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​ത്താൽ താത്‌പ​ര്യം ഉണർത്ത​പ്പെ​ട്ട​വർക്കു മടക്ക സന്ദർശങ്ങൾ നടത്തു​ന്ന​താണ്‌ ഒരു മാർഗം. ഈ പ്രസി​ദ്ധീ​ക​രണം വ്യക്തവും ലളിത​വും നന്നായി തിര​ഞ്ഞെ​ടു​ത്ത​തു​മായ പദങ്ങളി​ലൂ​ടെ ബൈബിൾസ​ത്യം അവതരി​പ്പി​ക്കു​ന്നു. എല്ലാ തരത്തി​ലു​മുള്ള ആളുകൾക്കും ഇതിന്റെ പഠനത്തി​ലൂ​ടെ ജീവനി​ലേക്കു നയിക്ക​പ്പെ​ടാൻ കഴിയും. നമ്മോ​ടൊത്ത്‌ ഇതു പഠിക്കാൻ മറ്റുള്ള​വരെ പ്രോ​ത്സാ​ഹി​പ്പി​ക്കു​ന്ന​തി​നാ​യി നമു​ക്കെന്തു പറയാൻ കഴിയും?

² ഒരു പ്രാ​യോ​ഗിക സഹായി എന്നനി​ല​യിൽ ബൈബി​ളി​നെ നിങ്ങൾ പരിച​യ​പ്പെ​ടു​ത്തി​യി​ട്ടു​ള്ള​വ​രു​ടെ അടു​ത്തേക്ക്‌ ഒരു അധ്യയനം വാഗ്‌ദാ​നം ചെയ്യു​ന്ന​തി​നാ​യി മടങ്ങി​പ്പോ​കാൻ കഴിയും, ഒരുപക്ഷേ ഇങ്ങനെ പറഞ്ഞു​കൊണ്ട്‌:

◼“മാർഗ​ദർശ​ന​ത്തി​ന്റെ ഒരു പ്രാ​യോ​ഗിക ഉറവെ​ന്ന​നി​ല​യിൽ നമുക്ക്‌ എന്തു​കൊ​ണ്ടു ബൈബി​ളി​നെ ആശ്രയി​ക്കാൻ കഴിയു​മെന്നു മുമ്പു ഞാൻ ഇവിടെ വന്നപ്പോൾ നാം ചർച്ച​ചെ​യ്യു​ക​യു​ണ്ടാ​യി. ബൈബിൾ ദൈവ​നി​ശ്വ​സ്‌ത​മാ​ണെന്ന്‌ അത്‌ അവകാ​ശ​പ്പെ​ടു​ന്നു. ആയതി​നാൽ, അതിന്റെ ഒരു എഴുത്തു​കാ​രൻ പ്രസ്‌താ​വി​ച്ച​തു​പോ​ലെ അത്‌ ആശ്വാ​സ​ത്തി​ന്റെ​യും പ്രത്യാ​ശ​യു​ടെ​യും സുനി​ശ്ചിത ഉറവാണ്‌. [റോമർ 15:4 വായി​ക്കുക.] നമ്മുടെ സംഭാ​ഷ​ണ​ത്തി​ന്റെ ഒടുവിൽ, ബൈബി​ളിൽ അടങ്ങി​യി​രി​ക്കുന്ന പരിജ്ഞാ​ന​ത്തിൽനി​ന്നു വ്യക്തി​പ​ര​മാ​യി നമു​ക്കെ​ങ്ങനെ പ്രയോ​ജനം നേടാൻ കഴിയും? എന്ന ചോദ്യം ഞാൻ ഉന്നയി​ച്ചി​രു​ന്നു.” പരിജ്ഞാ​നം പുസ്‌ത​ക​ത്തി​ന്റെ 11-ാം പേജിലെ 18-ാം ഖണ്ഡിക വായി​ക്കുക. എല്ലായി​ട​ത്തു​മുള്ള ആളുകളെ നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം ഉൾക്കൊ​ള്ളു​ന്ന​തി​നു സഹായി​ച്ചു​കൊ​ണ്ടു യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ഏതാണ്ട്‌ അഞ്ചു ദശലക്ഷം ബൈബിൾ അധ്യയ​നങ്ങൾ നടത്തു​ന്നു​വെന്നു ചൂണ്ടി​ക്കാ​ട്ടുക. അധ്യയനം എങ്ങനെ നടത്തു​ന്നു​വെ​ന്ന​തി​ന്റെ ഒരു ഹ്രസ്വ പ്രകടനം വാഗ്‌ദാ​നം ചെയ്യുക. എന്നിട്ട്‌ ഒന്നാം അധ്യാ​യ​ത്തി​ന്റെ ആദ്യത്തെ അഞ്ചു ഖണ്ഡികകൾ അതിനാ​യി ഉപയോ​ഗി​ക്കുക.

³ നിങ്ങൾ ആദ്യം ചർച്ച​ചെയ്‌ത വിഷയം പ്രാർഥന ആയിരു​ന്നു​വെ​ങ്കിൽ, ഒരു ബൈബി​ള​ധ്യ​യനം തുടങ്ങാ​നുള്ള ശ്രമത്തിൽ ഈ സമീപനം നിങ്ങൾക്കു പരീക്ഷി​ക്കാ​വു​ന്ന​താണ്‌:

◼“നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​ത്തിൽനി​ന്നു പ്രാർഥ​നയെ കുറിച്ചു നമ്മൾ ചർച്ച​ചെയ്‌ത വിവരം താങ്കൾ ആസ്വദി​ച്ചു​വെന്നു ഞാൻ വിചാ​രി​ക്കു​ന്നു. ദൈവ​ത്തോ​ടു പ്രാർഥി​ക്കു​ന്ന​വർക്ക്‌ എങ്ങനെ അവനെ ശ്രദ്ധി​ക്കാൻ കഴിയു​മെന്നു നിങ്ങളു​മൊ​ത്തു പരിചി​ന്തി​ക്കാൻ മടങ്ങി​വ​രാ​മെന്നു ഞാൻ വാഗ്‌ദാ​നം ചെയ്‌തി​രു​ന്നു. 158-ാം പേജിൽ പ്രസ്‌താ​വി​ച്ചി​രി​ക്കു​ന്നത്‌ എന്താ​ണെന്നു ശ്രദ്ധി​ക്കുക. [18-ാം ഖണ്ഡിക വായി​ക്കുക.] അങ്ങനെ, വ്യക്തി​പ​ര​മാ​യി ബൈബിൾ പഠിക്കു​ന്ന​തി​നാൽ നാം ദൈവ​ത്തി​നു നമ്മോടു പറയാ​നു​ള്ളതു ശ്രദ്ധി​ക്കു​ക​യാണ്‌. അതു ചെയ്യു​ന്നതു നമ്മെ ദൈവ​ത്തോട്‌ അടുപ്പി​ക്കു​ക​യും നാം പ്രാർഥി​ക്കുന്ന അനുദിന പ്രശ്‌ന​ങ്ങളെ കൈകാ​ര്യം ചെയ്യാൻ നമ്മെ സഹായി​ക്കു​ക​യും ചെയ്യുന്നു. നിങ്ങ​ളോ​ടൊ​പ്പം ബൈബിൾ പഠിക്കാൻ എനിക്കു സന്തോ​ഷ​മുണ്ട്‌.” വ്യക്തിക്കു സമ്മതമാ​ണെ​ങ്കിൽ, പരിജ്ഞാ​നം പുസ്‌ത​ക​ത്തി​ന്റെ ആദ്യ അധ്യായം മുതൽ ആരംഭി​ക്കുക.

⁴ അധ്യയനം ആരംഭി​ക്കു​ന്ന​തി​നു നേരി​ട്ടുള്ള സമീപ​ന​മാണ്‌ നിങ്ങൾ ഉപയോ​ഗി​ച്ച​തെ​ങ്കിൽ ആദ്യ ചർച്ചയെ പിന്തു​ട​രു​ന്ന​തി​നു നിങ്ങൾക്കി​ങ്ങനെ പറയാ​വു​ന്ന​താണ്‌:

◼“ഞങ്ങളുടെ സൗജന്യ ബൈബി​ള​ധ്യ​യന പരിപാ​ടി​യെ​ക്കു​റി​ച്ചു നിങ്ങ​ളോ​ടു കൂടുതൽ പറയാൻ ആഗ്രഹി​ച്ച​തു​കൊ​ണ്ടു വീണ്ടും നിങ്ങളെ സന്ദർശി​ക്കു​ന്ന​തി​നു ഞാൻ ഒരു പ്രത്യേക ശ്രമം നടത്തി. പഠനസ​ഹാ​യി​യാ​യി ഞങ്ങൾ ഉപയോ​ഗി​ക്കുന്ന നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന ഈ പുസ്‌ത​ക​ത്തി​ന്റെ ഒരു പ്രതി ഞാൻ നിങ്ങൾക്കു നൽകി​യി​രു​ന്നു. ദൈവ​വ​ചനം പരിചി​ന്തി​ക്കാൻ ഇതു നമ്മെ പ്രോ​ത്സാ​ഹി​പ്പി​ക്കു​ന്ന​തെ​ങ്ങ​നെ​യെന്നു ശ്രദ്ധി​ക്കുക. [22-ാം പേജിലെ 23-ാം ഖണ്ഡിക വായി​ക്കുക.] നിങ്ങളു​ടെ കോപ്പി കൊണ്ടു​വ​രാ​മെ​ങ്കിൽ നമുക്ക്‌ ഒരുപക്ഷേ കഴിഞ്ഞ പ്രാവ​ശ്യം നിറു​ത്തി​യി​ട​ത്തു​നി​ന്നു തടർന്നു പഠിക്കാൻ കഴിയും.” പ്രഥമ സന്ദർശ​ന​ത്തിൽ അധ്യയനം ആരംഭി​ച്ചി​രു​ന്നി​ല്ലെ​ങ്കിൽ നിങ്ങൾക്ക്‌ ഇങ്ങനെ പറയാം: “ഞങ്ങൾ ബൈബിൾ പഠിക്കു​ന്നത്‌ എങ്ങനെ​യാ​ണെന്നു പ്രകടി​പ്പി​ക്കാൻ ഒരുപക്ഷേ പറ്റിയ സമയമാ​യി​രി​ക്കാം ഇത്‌.” ഏതാനും ഖണ്ഡികകൾ പരിചി​ന്തി​ച്ച​ശേഷം അടുത്ത അധ്യയ​ന​ത്തി​നാ​യി മടങ്ങി​ച്ചെ​ല്ലു​ന്ന​തിന്‌ ഒരു സുനി​ശ്ചിത സമയം ക്രമീ​ക​രി​ക്കുക.

⁵ പരിജ്ഞാ​നം പുസ്‌തകം ഫലപ്ര​ദ​മാ​യി ഉപയോ​ഗി​ക്കു​ന്നതു മറ്റുള്ള​വ​രു​ടെ അനു​ഗ്ര​ഹ​ത്തി​നാ​യി സൂക്ഷ്‌മ​പ​രി​ജ്ഞാ​നം വ്യാപി​പ്പി​ക്കാൻ നമ്മെ പ്രാപ്‌ത​രാ​ക്കും. (സദൃ. 15:7) അത്തരം പരിജ്ഞാ​നം നേരായ ഹൃദയ​മു​ള്ള​വർക്ക്‌ ആനന്ദം കൈവ​രു​ത്തും. യഹോ​വ​യു​ടെ നീതി​യോ​ടു യോജി​പ്പിൽ ജീവി​ക്കു​ന്ന​തിന്‌ അത്‌ അവർക്കൊ​രു ശക്തമായ പ്രചോ​ദ​ന​മാ​യി​രി​ക്കും, അത്‌ ആത്യന്തി​ക​മാ​യി നിത്യ​ജീ​വ​നി​ലേ​ക്കും നയിക്കു​ന്നു.