ക്രമമായ യോഗ​ഹാ​ജർ—നാം ഉറച്ചു നിൽക്കു​ന്ന​തിന്‌ അത്യാ​വ​ശ്യം

¹ “വിശ്വാ​സ​ത്തിൽ ആരോ​ഗ്യ​മു​ള്ള​വ​രാ​യി” നിലനിൽക്കാൻ അപ്പോ​സ്‌ത​ല​നായ പൗലോസ്‌ പ്രോ​ത്സാ​ഹി​പ്പി​ച്ചു. (തീത്തൊ. 1:9, 13) സഭാ​യോ​ഗ​ങ്ങ​ളിൽ ആരോ​ഗ്യാ​വ​ഹ​മായ ആശയങ്ങൾ നാം പരിചി​ന്തി​ക്കു​ന്നു. കൂടാതെ “പിശാ​ചി​ന്റെ തന്ത്രങ്ങ​ളോ​ടു എതിർത്തു​നി​ല്‌പാൻ” നമ്മെ പ്രാപ്‌ത​രാ​ക്കുന്ന ആത്മീയ പടച്ചട്ട എങ്ങനെ പൂർണ​മാ​യി ധരിക്കാൻ കഴിയു​മെ​ന്നതു സംബന്ധി​ച്ചു നാം പ്രബോ​ധി​പ്പി​ക്ക​പ്പെ​ടു​ന്നു.—എഫെ. 6:11; ഫിലി. 4:8.

² നമുക്കാ​വ​ശ്യ​മു​ള്ളവ യോഗങ്ങൾ പ്രദാനം ചെയ്യുന്നു: നാം ഉറച്ചു നിൽക്കു​ന്ന​തിന്‌ സഭാ​യോ​ഗ​ങ്ങൾക്കു ക്രമമാ​യി ഹാജരാ​കേ​ണ്ടത്‌ അത്യാ​വ​ശ്യ​മാണ്‌. (1 കൊരി. 16:13) ദൈവ​ത്തി​നു കൃതജ്ഞ​ത​യും സ്‌തു​തി​യും കരേറ്റു​ന്ന​തി​നും സഭക്കും അതിന്റെ ആവശ്യ​ങ്ങൾക്കും​വേണ്ടി അപേക്ഷി​ക്കു​ന്ന​തി​നും യോഗ​ങ്ങ​ളിൽ പ്രാർഥ​നകൾ അർപ്പി​ക്ക​പ്പെ​ടു​ന്നു. (ഫിലി. 4:6, 7) രാജ്യ​ഗീ​ത​ങ്ങ​ളിൽ പങ്കു​ചേ​രു​ന്നതു നമ്മെ ഉന്നമി​പ്പി​ക്കു​ക​യും യഹോ​വയെ ആരാധി​ക്കു​മ്പോൾ നമ്മുടെ വികാ​ര​ങ്ങ​ളും വിചാ​ര​ങ്ങ​ളും പ്രകടി​പ്പി​ക്കു​ന്ന​തി​നു നമ്മെ പ്രാപ്‌ത​രാ​ക്കു​ക​യും ചെയ്യുന്നു. (എഫെ. 5:19, 20) രാജ്യ​ഹാ​ളിൽ യോഗ​ത്തി​നു മുൻപും ശേഷവു​മുള്ള സൗഹൃ​ദ​സ​ഹ​വാ​സങ്ങൾ നമ്മെ പ്രോ​ത്സാ​ഹി​പ്പി​ക്കു​ന്നു, കെട്ടു​പണി ചെയ്യുന്നു, നവോൻമേ​ഷ​പ്ര​ദ​രാ​ക്കു​ന്നു.—1 തെസ്സ. 5:11.

³ കഴിഞ്ഞ ഏപ്രി​ലി​ലെ “വ്യാജ​മ​ത​ത്തി​ന്റെ അന്ത്യം ആസന്നം” എന്ന പ്രത്യേക പ്രസംഗം, മഹാബാ​ബി​ലോ​നിൽനി​ന്നു പുറത്തു​വ​രു​ന്ന​തിന്‌ ഉടനടി നടപടി സ്വീക​രി​ക്കേ​ണ്ട​തി​ന്റെ അടിയ​ന്തി​രത സത്യസ്‌നേ​ഹി​ക​ളു​ടെ മനസ്സിൽ തീവ്ര​മാ​യി പതിപ്പി​ച്ചു. (വെളി. 18:4) ജൂൺ, ജൂലൈ മാസങ്ങ​ളിൽ നടത്തിയ നീതി​മാൻമാ​രു​ടെ പാതയെ പ്രകാ​ശ​മാ​ന​മാ​ക്കിയ ഒളിമി​ന്ന​ലു​ക​ളെ​പ്പ​റ്റി​യുള്ള മൂന്നു വീക്ഷാ​ഗോ​പുര അധ്യയ​ന​ലേ​ഖ​ന​ങ്ങ​ളു​ടെ പഠനം എത്ര ഉത്തേജ​ക​മാ​യി​രു​ന്നു! (സദൃ. 4:18) ആ യോഗ​ങ്ങ​ളിൽ ഹാജരാ​കാ​തി​രു​ന്നെ​ങ്കിൽ നമുക്ക്‌ എന്തു നഷ്ടം ഉണ്ടാകു​മാ​യി​രു​ന്നു​വെന്നു ചിന്തി​ക്കുക.

⁴ നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ എന്ന പുസ്‌തകം അതിന്റെ 76-ാം പേജിൽ ചൂണ്ടി​ക്കാ​ട്ടുന്ന പ്രകാരം മുഴു​സ​ഭ​യു​ടെ​യും തുടർച്ച​യായ വിദ്യാ​ഭ്യാ​സ​ത്തി​നുള്ള ഒരു കരുത​ലാണ്‌ ദിവ്യാ​ധി​പത്യ ശുശ്രൂ​ഷാ​സ്‌കൂൾ. ഇപ്പോൾ ഇംഗ്ലീഷ്‌ ഭാഷയി​ലുള്ള പട്ടിക, പ്രഘോ​ഷകർ പുസ്‌ത​ക​ത്തി​ന്റെ ഉപയോ​ഗ​ത്തി​ലൂ​ടെ സ്ഥാപന​ത്തി​ന്റെ ആധുനി​ക​കാല ചരി​ത്ര​വു​മാ​യി അടുത്തു പരിച​യ​ത്തി​ലാ​കാൻ നമ്മെ സഹായി​ക്കു​ന്നു. നാം വിട്ടു​ക​ള​യ​രു​താത്ത ഒന്നാണ്‌ ഈ വിദ്യാ​ഭ്യാ​സം.

⁵ ശുശ്രൂ​ഷ​യിൽ കൂടുതൽ ഫലപ്ര​ദ​രാ​യി​രി​ക്കാൻ നമ്മുടെ സേവന​യോ​ഗം നമ്മെ സജ്ജരാ​ക്കു​ന്നു. രാജ്യ​വാർത്ത നമ്പർ 34-ന്റെ വിപു​ല​മായ വിതര​ണ​ത്തിൽ പങ്കെടു​ക്കു​ന്ന​തി​നുള്ള നിർദേ​ശങ്ങൾ ലഭിച്ച യോഗ​ത്താൽ ഇതു വ്യക്തമാ​യി തെളി​യി​ക്ക​പ്പെട്ടു. ലോക​വ്യാ​പ​ക​മാ​യി ലഭിച്ച അഭൂത​പൂർവ​മായ ഫലങ്ങളിൽ കാണു​ന്ന​തു​പോ​ലെ ഈ വേലയു​ടെ​മേൽ യഹോ​വ​യു​ടെ അനു​ഗ്ര​ഹങ്ങൾ സമൃദ്ധ​മാ​യി ഉണ്ടായി​രു​ന്നു. (2 കൊരി​ന്ത്യർ 9:6, 7 താരത​മ്യം ചെയ്യുക.) യോഗ​ങ്ങൾക്കു ക്രമമാ​യി ഹാജരാ​കു​ന്ന​വർക്കു ലഭിച്ച പ്രോ​ത്സാ​ഹ​ന​വും സഹായ​വും നിമിത്തം ആ പ്രചാ​ര​ണ​പ​രി​പാ​ടി ഊർജ​സ്വ​ല​മാ​യി നടന്നു.

⁶ സഭാപു​സ്‌ത​കാ​ധ്യ​യ​ന​ത്തിൽ, വെളി​പാട്‌ പാരമ്യം പുസ്‌ത​ക​ത്തി​ന്റെ സഹായ​ത്താൽ ദൈവ​വ​ച​ന​ത്തിൽനി​ന്നു നാം പഠിക്കുന്ന കാര്യ​ങ്ങ​ളാൽ നമ്മുടെ അടിയ​ന്തി​ര​താ​ബോ​ധം വർധി​ക്കു​ന്നു. ലോക​രം​ഗത്തു സംഭവങ്ങൾ പെട്ടെന്നു മാറി​വ​രു​മ്പോൾ വെളി​പാ​ടി​ലെ ആഴമേ​റിയ പ്രവച​ന​ങ്ങ​ളു​ടെ നിവൃത്തി നാം ഗ്രഹി​ക്കേ​ണ്ട​തുണ്ട്‌.

⁷ ക്രമമായ യോഗ​ഹാ​ജ​രി​നു മുൻഗണന കൊടു​ക്കുക: നമ്മുടെ സഹോ​ദ​രങ്ങൾ പീഡനങ്ങൾ സഹിക്കുന്ന പല രാജ്യ​ങ്ങ​ളി​ലും വാരം​തോ​റും കൂടി​വ​രേ​ണ്ടത്‌ തങ്ങൾക്ക്‌ അപ്പോ​ഴും എത്ര ജീവത്‌പ്ര​ധാ​ന​മാ​ണെന്ന്‌ അവർ തിരി​ച്ച​റി​യു​ന്നു. ഉദാഹ​ര​ണ​ത്തിന്‌, ബുറൂണ്ടി, റുവാണ്ട, ലൈബീ​രിയ, ബോസ്‌നിയ, ഹെർട്‌സെ​ഗോ​വിന എന്നിവി​ട​ങ്ങ​ളിൽ ധാരാളം പുതി​യവർ യോഗ​ങ്ങൾക്കു ഹാജരാ​കു​ന്നു. മൊത്തം ഹാജർ പ്രസാ​ധ​ക​രു​ടെ എണ്ണത്തിന്റെ രണ്ടോ മൂന്നോ ഇരട്ടി​യാണ്‌. ഇപ്രകാ​രം ഏകാത്മാ​വിൽ ഉറച്ചു​നിൽക്കാൻ യഹോവ സഹോ​ദ​ര​ങ്ങളെ സഹായി​ക്കു​ന്നു.—ഫിലി. 1:27; എബ്രാ. 10:23-25.

⁸ ക്രമമായ യോഗ​ഹാ​ജ​രി​നെ അവഗണി​ക്കുന്ന ഏതൊ​രാ​ളും ആ പ്രവണ​തയെ തിരു​ത്തു​ന്ന​തി​നു നടപടി സ്വീക​രി​ക്കണം. (സഭാ. 4:9-12) ഉറച്ചു​നിൽക്കു​ന്ന​തിന്‌ ക്രമമായ യോഗ​ഹാ​ജ​രിൽനി​ന്നു ലഭിക്കുന്ന പക്വത​യു​ള്ള​വ​രു​മൊ​ത്തുള്ള പരസ്‌പര ആശയ കൈമാ​റ്റം ആവശ്യ​മാണ്‌.—റോമ. 1:11.