തയ്യാറാ​കൽ—വിജയ​ത്തി​നുള്ള താക്കോൽ

¹ ശുശ്രൂ​ഷ​ക്കു​വേണ്ടി നേരത്തെ തയ്യാറാ​കു​ന്നതു വയൽ സേവന​ത്തിൽ പങ്കുപ​റ്റു​ന്ന​തി​നെ​ക്കു​റിച്ച്‌ ഒരുവനു തോന്നി​യേ​ക്കാ​വുന്ന ഏതു സന്ദേഹ​വും തരണം​ചെ​യ്യാൻ സഹായി​ക്കും. വാതി​ലു​കളെ സമീപി​ക്കു​മ്പോൾ വീട്ടു​കാ​ര​നോട്‌ എന്താണു നിങ്ങൾ പറയേ​ണ്ട​തെന്നു നിങ്ങൾ അറിഞ്ഞി​രി​ക്കും. നേരി​ട്ടേ​ക്കാ​വുന്ന വെല്ലു​വി​ളി​ക​ളെ​ക്കു​റി​ച്ചു നിങ്ങൾക്ക്‌ ആശങ്ക ഉണ്ടായി​രി​ക്കേ​ണ്ട​തില്ല. ശുശ്രൂ​ഷ​യിൽ നല്ലൊരു ശ്രമം നടത്തി​യെന്നു നിങ്ങൾക്ക്‌ അറിയാ​വു​ന്ന​തി​നാൽ സേവനം കഴിഞ്ഞു വീട്ടി​ലേക്കു മടങ്ങി​പ്പോ​രു​മ്പോൾ പ്രോ​ത്സാ​ഹി​പ്പി​ക്ക​പ്പെ​ട്ട​താ​യി നിങ്ങൾക്കു തോന്നും. അതേ, നമ്മുടെ പ്രസംഗ-പഠിപ്പി​ക്കൽ പ്രാപ്‌തി​കൾക്കു മൂർച്ച​കൂ​ട്ടാ​നുള്ള താക്കോൽ ആണ്‌ കൂലങ്ക​ഷ​മായ തയ്യാറാ​കൽ.

² “സമാധാ​ന​സു​വി​ശേ​ഷ​ത്തി​ന്നാ​യുള്ള ഒരുക്കം കാലിന്നു ചെരിപ്പാ”ക്കാൻ ഉദ്‌ബോ​ധി​പ്പി​ച്ചു​കൊണ്ട്‌ പൗലോസ്‌ തയ്യാറാ​ക​ലി​നെ ഊന്നി​പ്പ​റഞ്ഞു. (എഫേ. 6:15) നമ്മുടെ മനസ്സി​നെ​യും ഹൃദയ​ത്തെ​യും ഒരുക്കു​ന്ന​തും ഒരു ക്രിയാ​ത്മക വീക്ഷണ​വും മനസ്സൊ​രു​ക്ക​വും ആർജി​ക്കു​ന്ന​തും ഇതിൽ ഉൾപ്പെ​ടു​ന്നു. മറ്റുള്ള​വ​രു​മാ​യി സത്യം പങ്കുവ​യ്‌ക്കാൻ നാം തയ്യാറാ​യി​രി​ക്കു​മ്പോൾ, നമ്മെ സന്തുഷ്ട​രാ​ക്കുന്ന രാജ്യ ഫലത്താൽ നമ്മുടെ വേലക്കു പ്രതി​ഫലം ലഭിക്കും.—പ്രവൃ. 20:35.

³ പ്രസംഗ വേലക്കാ​യി എങ്ങനെ തയ്യാറാ​കാം: സൗകര്യ​പ്ര​ദ​മെന്നു നാം വിചാ​രി​ക്കുന്ന ഒരു അവതരണം തിര​ഞ്ഞെ​ടു​ക്കുക. ഒരുപക്ഷേ ന്യായ​വാ​ദം പുസ്‌ത​ക​ത്തിൽ നിർദേ​ശി​ച്ചി​രി​ക്കു​ന്ന​വ​യിൽനി​ന്നോ നമ്മുടെ രാജ്യ ശുശ്രൂ​ഷ​യു​ടെ അവസാന പേജിൽ കാണു​ന്ന​വ​യിൽനി​ന്നോ തിര​ഞ്ഞെ​ടു​ക്കാം. നിങ്ങളു​ടെ പ്രധാന ആശയം എടുത്തു​കാ​ട്ടു​ന്ന​തിന്‌ ഏതു പദങ്ങൾക്ക്‌ അല്ലെങ്കിൽ പദസമു​ച്ച​യ​ത്തിന്‌ ഊന്നൽ നൽകു​മെന്നു തീരു​മാ​നി​ച്ചു​കൊ​ണ്ടു നിങ്ങൾ ഉപയോ​ഗി​ക്കാൻ ഉദ്ദേശി​ക്കുന്ന തിരു​വെ​ഴു​ത്തി​നു ശ്രദ്ധാ​പൂർവ​ക​മായ ചിന്തനൽകുക. അവതരണം കാണാ​പ്പാ​ഠം പഠി​ക്കേ​ണ്ട​തില്ല. മറിച്ച്‌, ആശയം മനസ്സിൽ പിടി​ക്കുക, എന്നിട്ടു നിങ്ങളു​ടെ സ്വന്തം വാക്കു​ക​ളിൽ, വീട്ടു​കാ​രന്‌ ആകർഷ​ക​മാ​യി​രി​ക്കു​മെന്നു നിങ്ങൾ വിചാ​രി​ക്കുന്ന വിധത്തിൽ അതു പ്രകടി​പ്പി​ക്കു​ന്ന​താണ്‌ ഏറ്റവും നല്ലത്‌.

⁴ നിങ്ങൾ സമർപ്പി​ക്കാൻ ഉദ്ദേശി​ക്കുന്ന പ്രസി​ദ്ധീ​ക​രണം പരി​ശോ​ധി​ച്ചു രസകര​മായ ഏതാനും സംസാര ആശയങ്ങൾ തിര​ഞ്ഞെ​ടു​ക്കുക. നിങ്ങളു​ടെ പ്രദേ​ശത്തെ ആളുകൾക്കു രസകര​മാ​യി​രി​ക്കു​മെന്നു നിങ്ങൾ വിചാ​രി​ക്കുന്ന എന്തെങ്കി​ലും തിര​ഞ്ഞെ​ടു​ക്കുക. പുരുഷൻ, സ്‌ത്രീ, പ്രായ​മു​ള്ള​യാൾ, ചെറു​പ്പ​ക്കാ​രൻ എന്നിങ്ങ​നെ​യുള്ള വ്യത്യസ്‌ത വീട്ടു​കാർക്കാ​യി നിങ്ങളു​ടെ അവതരണം എങ്ങനെ ക്രമ​പ്പെ​ടു​ത്താ​മെ​ന്ന​തി​നും ശ്രദ്ധ നൽകുക.

⁵ നിങ്ങൾ പരിശീ​ല​ന​യോ​ഗം നടത്തി​നോ​ക്കി​യി​ട്ടു​ണ്ടോ? ഏത്‌ അവതര​ണ​മാ​യി​രി​ക്കും ഫലപ്രദം എന്നു ചർച്ച​ചെ​യ്യാൻ നിങ്ങളു​ടെ കുടു​ബാം​ഗ​ങ്ങ​ളു​മാ​യോ മറ്റു പ്രസാ​ധ​ക​രു​മാ​യോ ഒന്നിച്ചു കൂടുക. എന്നിട്ട്‌, എല്ലാവ​രു​ടെ​യും മനസ്സിൽ അവ നന്നായി പതി​യേ​ണ്ട​തിന്‌ ഉച്ചത്തിൽ പരിശീ​ലി​ക്കുക. യഥാർഥ സാഹച​ര്യ​ങ്ങ​ളെ​യും നിങ്ങളു​ടെ പ്രദേ​ശത്തു നേരി​ടേണ്ടി വന്നേക്കാ​വുന്ന എതിർപ്പു​ക​ളെ​യും അനുക​രി​ക്കാൻ ശ്രമി​ക്കുക. ഇത്തരത്തി​ലുള്ള പരിശീ​ലനം നിങ്ങളു​ടെ സംസാ​ര​ത്തി​ലെ ഒഴുക്കു മെച്ച​പ്പെ​ടു​ത്തു​ക​യും പ്രസം​ഗ​ത്തി​ലെ ഫലപ്ര​ദ​ത്വം വർധി​പ്പി​ക്കു​ക​യും നിങ്ങളു​ടെ ആത്മവി​ശ്വാ​സം കെട്ടു​പണി ചെയ്യു​ക​യും ചെയ്യും.

⁶ അവതരണം തയ്യാറാ​കു​ന്ന​തി​നും പരിശീ​ലി​ക്കു​ന്ന​തി​നും പുറമെ, ‘ഞാൻ ധരിക്കാൻ ഉദ്ദേശി​ക്കുന്ന വസ്‌ത്രം ശുശ്രൂ​ഷക്കു യോജി​ച്ച​താ​ണോ? ഞാൻ ഉപയോ​ഗി​ക്കാൻ ഉദ്ദേശി​ക്കുന്ന സാഹി​ത്യ​മുൾപ്പെടെ എനിക്കാ​വ​ശ്യ​മു​ള്ള​തെ​ല്ലാം എന്റെ ബാഗിൽ ഉണ്ടോ? അതു നല്ല അവസ്ഥയി​ലാ​ണോ? എനിക്ക്‌ എന്റെ ന്യായ​വാ​ദം പുസ്‌ത​ക​വും ലഘു​ലേ​ഖ​ക​ളും വീടു​തോ​റു​മുള്ള രേഖക​ളും പേനയും ഉണ്ടോ?’ എന്നു നിങ്ങൾ നിങ്ങ​ളോ​ടു​തന്നെ ചോദി​ക്കണം. മുൻകൂ​ട്ടി​യുള്ള ചിന്താ​പൂർവ​ക​മായ ആസൂ​ത്രണം സേവന​ത്തിൽ കൂടുതൽ ഉത്‌പാ​ദ​ന​ക്ഷ​മ​മായ ഒരു ദിവസം സംഭാ​വ​ന​ചെ​യ്യും.

⁷ നമ്മെത്തന്നെ ഒരുക്കു​ന്ന​തി​നു നമുക്കു കഴിയു​ന്ന​തി​ന്റെ പരമാ​വധി ചെയ്‌ത​ശേഷം, വിജയ​പ്ര​ദ​രാ​യി​രി​ക്കാൻ നമ്മെ സഹായി​ക്കു​ന്ന​തി​നു യഹോ​വ​യു​ടെ ആത്മാവി​നാ​യി നാം പ്രാർഥി​ക്കണം. (1 യോഹ. 5:14, 15) നമ്മുടെ “ശുശ്രൂഷ നിറപ​ടി​യാ​യി നിവർത്തിക്ക”വേ തയ്യാറാ​ക​ലി​നു സൂക്ഷ്‌മ​ശ്രദ്ധ നൽകു​ന്നത്‌ വേലയിൽ കൂടു​ത​ലായ സന്തോഷം കണ്ടെത്തു​ന്ന​തിൽ കലാശി​ക്കും.—2 തിമൊ. 4:5.