ബൈബിൾ പ്രത്യാ​ശ​യും മാർഗ​നിർദേ​ശ​വും പ്രദാനം ചെയ്യുന്നു

¹ “ഭൂമി​യി​ലെ സന്തുഷ്‌ടി—അത്‌ അല്‌പ​കാ​ല​ത്തേ​ക്കു​പോ​ലും ആസ്വദി​ക്കുക സാധ്യ​മാ​ണെന്നു തോന്നു​ക​യില്ല. രോഗ​വും വാർധ​ക്യ​വും വിശപ്പും കുററ​കൃ​ത്യ​വും മിക്ക​പ്പോ​ഴും ജീവി​തത്തെ ദുരി​ത​പൂർണ​മാ​ക്കു​ന്നു—ഇവ ചുരുക്കം ചില പ്രശ്‌നങ്ങൾ മാത്ര​മാണ്‌. അതു​കൊണ്ട്‌, ഭൂമി​യി​ലെ പറുദീ​സ​യിൽ എന്നേക്കും ജീവി​ക്കു​ന്ന​തി​നെ​ക്കു​റി​ച്ചുള്ള സംസാരം സത്യം സംബന്ധി​ച്ചു കണ്ണടച്ചു​ക​ള​യ​ലാ​ണെന്നു നിങ്ങൾ പറഞ്ഞേ​ക്കാം. അതി​നെ​ക്കു​റി​ച്ചു സംസാ​രി​ക്കു​ന്നതു സമയത്തി​ന്റെ പാഴാ​ക്ക​ലാ​ണെന്ന്‌, എന്നേക്കു​മുള്ള ജീവിതം വെറു​മൊ​രു സ്വപ്‌ന​മാ​ണെന്ന്‌, നിങ്ങൾ വിചാ​രി​ച്ചേ​ക്കാം.”

² നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം ആരംഭി​ക്കു​ന്നത്‌ ഇങ്ങനെ​യാണ്‌. പതിന്നാ​ലു വർഷം മുമ്പു പ്രസ്‌തുത പുസ്‌തകം പ്രസി​ദ്ധീ​ക​രി​ച്ച​പ്പോ​ഴ​ത്തെ​ക്കാൾ അതിന്റെ മുഖവുര ഇന്നു കൂടുതൽ പ്രസക്ത​മാണ്‌. ബൈബിൾ മാർഗ​നിർദേശം തരുന്നു​വെ​ന്നും തങ്ങളെ ഭാര​പ്പെ​ടു​ത്തുന്ന എല്ലാ പ്രശ്‌ന​ങ്ങൾക്കും ഒരു പരിഹാ​രം വാഗ്‌ദാ​നം ചെയ്യു​ന്നു​വെ​ന്നും ആളുകൾ അറി​യേ​ണ്ട​തുണ്ട്‌. എന്നേക്കും ജീവി​ക്കാൻ പുസ്‌തകം നൽകി​കൊണ്ട്‌ ആളുകളെ സഹായി​ക്കാ​നാ​യി​രി​ക്കും നാം ഡിസം​ബ​റിൽ പരി​ശ്ര​മി​ക്കു​ന്നത്‌. ഒരു വ്യക്തിക്കു കേവലം സാഹി​ത്യം നൽകി​യി​ട്ടു​പോ​രു​ന്നത്‌ അയാൾ രാജ്യ​പ്ര​ത്യാ​ശ സ്വീക​രി​ക്കു​മെ​ന്ന​തി​നു തീർച്ച​യാ​യും യാതൊ​രു ഉറപ്പും നൽകു​ന്നില്ല. ബൈബി​ള​ധ്യ​യനം ആരംഭി​ക്കുക എന്ന ലക്ഷ്യത്തിൽ നാം മടക്കസ​ന്ദർശ​നങ്ങൾ നടത്തണം. നാം അപ്രകാ​രം ശ്രമം ചെലു​ത്തു​ന്നു​വെ​ങ്കിൽ സഹായം ലഭിക്കു​മെന്ന ഉറപ്പുണ്ട്‌. (മത്താ. 28:19, 20) അനു​യോ​ജ്യ​മായ ചില അവതര​ണങ്ങൾ ഇവിടെ നൽകി​യി​രി​ക്കു​ന്നു:

³ പ്രായ​മുള്ള ഒരു വ്യക്തിയെ കണ്ടുമു​ട്ടു​ന്നെ​ങ്കിൽ ഈ സമീപനം പരീക്ഷി​ച്ചു​നോ​ക്കാ​വു​ന്ന​താണ്‌:

◼“ഞാൻ ഒന്നു ചോദി​ച്ചോ​ട്ടെ: നിങ്ങളു​ടെ ചെറു​പ്പ​കാ​ലത്ത്‌, സമൂഹ​ത്തി​ലെ ആളുകൾ പരസ്‌പരം പെരു​മാ​റി​യി​രു​ന്ന​തെ​ങ്ങ​നെ​യാണ്‌? [പ്രതി​ക​രി​ക്കാൻ അനുവ​ദി​ക്കുക.] കാര്യങ്ങൾ ഇപ്പോൾ വളരെ​യേറെ വ്യത്യ​സ്‌ത​മാണ്‌, അല്ലേ? പ്രസ്‌തുത മാറ്റത്തി​ന്റെ കാരണം എന്താ​ണെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] നാം വാസ്‌ത​വ​ത്തിൽ ബൈബി​ളി​ലെ ഒരു പ്രവച​ന​ത്തി​ന്റെ നിവൃത്തി കാണു​ക​യാണ്‌. [2 തിമൊ​ഥെ​യൊസ്‌ 3:1-5 വായി​ക്കുക.] ഇന്നത്തെ ലോക​ത്തി​ന്റെ അവസ്ഥയെ കൃത്യ​മാ​യി വിവരി​ക്കു​ന്ന​തി​നു പുറമേ, ബൈബിൾ സമീപ ഭാവി​യിൽ ഒരു മെച്ചപ്പെട്ട ലോകം വാഗ്‌ദാ​നം ചെയ്യുന്നു. ബൈബി​ളി​ലെ വളരെ​യേറെ പ്രവച​നങ്ങൾ നിവൃ​ത്തി​യേ​റി​യി​രി​ക്കുന്ന സ്ഥിതിക്ക്‌, ഭാവി സംബന്ധിച്ച്‌ അതു പറയു​ന്ന​തും സത്യമാ​യി​ത്തീ​രു​മെന്ന വിശ്വാ​സം നമുക്കുണ്ട്‌. ബൈബി​ളിൽ നൽകി​യി​രി​ക്കുന്ന അത്തര​മൊ​രു വാഗ്‌ദാ​നം ദൈവ​ത്തി​ന്റെ മാർഗ​നിർദേ​ശ​ത്തിൻ കീഴി​ലുള്ള ഒരു ലോക​ഗ​വൺമെൻറി​നെ​ക്കു​റി​ച്ചുള്ള​താണ്‌.” എന്നേക്കും ജീവി​ക്കാൻ പുസ്‌ത​ക​ത്തി​ന്റെ 122-ാം പേജെ​ടുത്ത്‌ 2-ാം ഖണ്ഡിക വായി​ക്കുക. ഭാവി സംബന്ധി​ച്ചു ബൈബിൾ എന്തു പ്രത്യാ​ശ​യാണ്‌ വെച്ചു​നീ​ട്ടു​ന്ന​തെന്നു പഠിക്കാൻ കഴി​യേ​ണ്ട​തി​നു പുസ്‌തകം വാങ്ങാൻ വീട്ടു​കാ​രനെ പ്രോ​ത്സാ​ഹി​പ്പി​ക്കുക.

⁴ നിങ്ങൾ “എന്നേക്കും ജീവി​ക്കാൻ” പുസ്‌തകം നൽകിയ പ്രായ​മുള്ള ഒരു വ്യക്തിക്കു മടക്കസ​ന്ദർശനം നടത്തു​മ്പോൾ ഇങ്ങനെ പറയാ​വു​ന്ന​താണ്‌:

◼“ഏതാനും വർഷം മുമ്പത്തെ ലോക​ത്തി​ന്റെ അവസ്ഥ​യോ​ടു താരത​മ്യ​പ്പെ​ടു​ത്തു​മ്പോൾ ആധുനിക സമൂഹം അനേക വിധങ്ങ​ളിൽ കൂടുതൽ വഷളാ​യി​രി​ക്കു​ന്നു​വെന്നു കഴിഞ്ഞ തവണ സംസാ​രി​ച്ച​പ്പോൾ നാം സമ്മതിച്ചു. എന്നാൽ, ഭാവി​യി​ലെ വളരെ മെച്ചപ്പെട്ട ഒരു ലോക​ത്തെ​ക്കു​റി​ച്ചുള്ള പ്രതീ​ക്ഷകൾ ബൈബിൾ പ്രതി​പാ​ദി​ക്കു​ന്നു​വെന്നു നിങ്ങൾക്കു കാണി​ച്ചു​ത​രു​ന്ന​തി​നാ​ണു ഞാൻ മടങ്ങി​വ​ന്നി​രി​ക്കു​ന്നത്‌. [വെളി​പ്പാ​ടു 21:3, 4 വായി​ക്കുക.] മെച്ചപ്പെട്ട അവസ്ഥക​ളിൽ ജീവി​ക്കാൻ നാമെ​ല്ലാം ആഗ്രഹി​ക്കു​ന്ന​തി​നാൽ, ഈ വിഷയ​ത്തെ​ക്കു​റി​ച്ചു ബൈബി​ളി​നു മറ്റെ​ന്തൊ​ക്കെ​യാ​ണു പറയാ​നു​ള്ള​തെന്നു നാം പരി​ശോ​ധി​ക്കണം.” എന്നേക്കും ജീവി​ക്കാൻ പുസ്‌ത​ക​ത്തി​ന്റെ 19-ാം അധ്യായം തുറന്ന്‌ 1 മുതൽ 3 വരെയുള്ള ഖണ്ഡികൾ വായി​ക്കുക. ഒരു സൗജന്യ ബൈബി​ള​ധ്യ​യനം വാഗ്‌ദാ​നം ചെയ്യുക.

⁵ ഒരു ചെറു​പ്പ​ക്കാ​ര​നു​മാ​യി നിങ്ങൾ സംഭാ​ഷ​ണ​ത്തിൽ ഏർപ്പെ​ടു​ന്നെ​ങ്കിൽ, ഇങ്ങനെ പറയാ​വു​ന്ന​താണ്‌:

◼“നിങ്ങ​ളോട്‌ ഒരു ചോദ്യം ചോദി​ക്കാൻ ഞാൻ ആഗ്രഹി​ക്കു​ന്നു: ഒരു ചെറു​പ്പ​ക്കാ​ര​നെന്ന നിലയിൽ, ഭാവിയെ സംബന്ധി​ച്ചു ശുഭാ​പ്‌തി​വി​ശ്വാ​സ​മു​ണ്ടാ​യിരി​ക്കാൻ കാരണ​മു​ണ്ടെന്നു നിങ്ങൾ വിചാ​രി​ക്കു​ന്നു​വോ? ഭാവി​യെ​ക്കു​റി​ച്ചു നിങ്ങൾക്ക്‌ എന്തു തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] സന്തോ​ഷ​ക​ര​മെന്നു പറയട്ടെ, ഭാവി​യെ​ക്കു​റി​ച്ചു ശുഭാ​പ്‌തി​വി​ശ്വാ​സ​മു​ണ്ടാ​യിരി​ക്കാൻ യഥാർഥ കാരണ​മുണ്ട്‌. [സങ്കീർത്തനം 37:10, 11 വായി​ക്കുക.] ബൈബി​ളി​നെ​യും അതിന്റെ ഉള്ളടക്ക​ത്തെ​യും സംബന്ധിച്ച്‌ ആളുകൾക്കു വിഭിന്ന അഭി​പ്രാ​യങ്ങൾ ഉള്ളതി​നാൽ, നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന ഈ പുസ്‌തകം ഞങ്ങൾ പ്രസി​ദ്ധീ​ക​രി​ച്ചി​രി​ക്കു​ന്നു. ബൈബിൾ പറയു​ന്നതു വിശ്വ​സി​ക്കു​ന്ന​തിന്‌ ഇതു നമുക്കു നൽകുന്ന ന്യായങ്ങൾ ശ്രദ്ധി​ക്കുക. [56-ാം പേജിലെ 27-ാം ഖണ്ഡിക​യു​ടെ ആദ്യത്തെ മൂന്നു വാചക​ങ്ങ​ളും 28-ാം ഖണ്ഡിക മുഴു​വ​നും വായി​ക്കുക.] ബൈബിൾ പറയു​ന്ന​തിൽ വിശ്വാ​സം അർപ്പി​ക്കാ​മെന്നു നമുക്കു ബോധ്യ​മാ​യാൽ, ഭാവി​യെ​ക്കു​റി​ച്ചു നമുക്ക്‌ ഒരു സുനി​ശ്ചിത പ്രത്യാശ കൈവ​രു​ന്നു. ഈ പുസ്‌ത​ക​ത്തി​ന്റെ ഒരു പ്രതി വാങ്ങി വായി​ക്കാൻ ഞാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു.”

⁶ “എന്നേക്കും ജീവി​ക്കാൻ” പുസ്‌തകം സ്വീക​രിച്ച ഒരു ചെറു​പ്പ​ക്കാ​രനെ കാണാൻ നിങ്ങൾ മടങ്ങി​പ്പോ​കു​മ്പോൾ, ഇങ്ങനെ പറഞ്ഞു​കൊണ്ട്‌ തുടങ്ങാ​വു​ന്ന​താണ്‌:

◼“ഭാവി​യെ​ക്കു​റി​ച്ചു നിങ്ങൾ എത്ര താത്‌പ​ര്യ​മു​ള്ള​വ​നാ​ണെന്നു പറഞ്ഞതു ഞാൻ വിലമ​തി​ച്ചു. സന്തുഷ്ട​വും സുരക്ഷി​ത​വു​മായ ഒരു ഭാവി നമുക്കു വാഗ്‌ദാ​നം ചെയ്യുന്ന ഒരു ബൈബിൾ വാക്യം ഞാൻ നിങ്ങളെ കാണി​ച്ചത്‌ ഓർമി​ക്കു​മ​ല്ലോ. ഇതാ മറ്റൊന്ന്‌. [വെളി​പ്പാ​ടു 21:3, 4 വായി​ക്കുക.] ബൈബിൾ ദൈവ​ത്താൽ നിശ്വ​സ്‌ത​മാ​ക്ക​പ്പെട്ട ഒരു വിശുദ്ധ ഗ്രന്ഥമാ​ണെ​ന്നു​ള്ള​തി​നു ഞാൻ നിങ്ങൾക്കു നൽകി​യി​ട്ടു​പോയ പുസ്‌തകം ബോധ്യം​വ​രു​ത്തുന്ന തെളിവു നൽകുന്നു. അതു വളരെ അർഥവ​ത്തായ ഒരു വസ്‌തു​ത​യാണ്‌. ദൈവ​ത്തെ​ക്കു​റി​ച്ചു ബൈബിൾ പറയു​ന്നതു നമുക്കു സ്വീക​രി​ക്കാ​നാ​വു​മെന്ന്‌ അത്‌ അർഥമാ​ക്കും. [47-ാം പേജിലെ 1-ഉം 2-ഉം ഖണ്ഡികൾ വായി​ക്കുക.] ഇഷ്ടമെ​ങ്കിൽ, നിങ്ങ​ളോ​ടൊ​പ്പം സൗജന്യ​മാ​യി ബൈബിൾ പഠിക്കാൻ എനിക്കു സന്തോ​ഷ​മേ​യു​ള്ളൂ.” അധ്യയ​ന​ത്തി​നു സമ്മതി​ക്കു​ന്നെ​ങ്കിൽ, വ്യക്തി​യു​ടെ കൈവശം ബൈബി​ളു​ണ്ടോ​യെന്നു ചോദി​ക്കുക. അദ്ദേഹ​ത്തിന്‌ ബൈബിൾ ഇല്ലെങ്കിൽ, പുതി​യ​ലോക ഭാഷാ​ന്ത​ര​മോ അദ്ദേഹം ഇഷ്ടപ്പെ​ടുന്ന ഭാഷയി​ലുള്ള ഒരു ബൈബി​ളോ കൊണ്ടു​വ​രാ​മെന്നു പറയുക.

⁷ ജീവി​ത​പ്ര​ശ്‌ന​ങ്ങളെ നേരി​ടാ​നുള്ള മാർഗ​നിർദേ​ശ​ത്തി​നാ​യി എങ്ങോട്ടു തിരി​യ​ണ​മെന്ന്‌ അറിയി​ല്ലാത്ത ഒരു വ്യക്തി ഈ സമീപ​ന​ത്തോ​ടു പ്രതി​ക​രി​ച്ചേ​ക്കാം:

◼“മിക്കവാ​റും എല്ലാവ​രും​തന്നെ ഗൗരവ​മേ​റിയ പ്രശ്‌ന​ങ്ങളെ അഭിമു​ഖീ​ക​രി​ക്കുന്ന ഒരു കാലത്താ​ണു നാം ജീവി​ക്കു​ന്നത്‌. ഒട്ടേറെ പേർ മാർഗ​നിർദേ​ശ​ത്തി​നാ​യി എല്ലാത്തരം ഉപദേ​ഷ്ടാ​ക്ക​ളി​ലേ​ക്കും തിരി​യു​ന്നു. ചിലർ സഹായ​ത്തി​നാ​യി പ്രകൃ​ത്യ​തീത ശക്തിക​ളി​ലേക്കു നോക്കു​ന്നു. നമുക്കു വാസ്‌ത​വ​ത്തിൽ പ്രയോ​ജനം ചെയ്യുന്ന യുക്തി​സ​ഹ​മായ ബുദ്ധ്യു​പ​ദേശം എവിടെ കണ്ടെത്താ​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] നാമെ​ല്ലാ​വ​രും മനസ്സി​ലാ​ക്കേണ്ട ഒരു പ്രധാന വസ്‌തുത ബൈബിൾ പ്രസ്‌താ​വി​ക്കു​ന്നു.” യിരെ​മ്യാ​വു 10:23 വായി​ക്കുക. നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തി​ന്റെ 29-ാം അധ്യായം തുറന്ന്‌ 3-ാം ഖണ്ഡിക വായി​ക്കുക. “ബൈബി​ളിൽ പ്രതി​പാ​ദി​ച്ചി​രി​ക്കുന്ന തത്ത്വങ്ങൾ പിൻപ​റ്റു​ന്ന​തി​നാൽ എങ്ങനെ നമ്മുടെ ജീവി​ത​ത്തി​ന്റെ ഗുണനി​ല​വാ​രം ഇപ്പോൾത്തന്നെ മെച്ച​പ്പെ​ടു​ത്താ​നാ​വു​മെ​ന്നും ദൈവ​രാ​ജ്യ​ത്തിൻ കീഴിൽ നമ്മുടെ പ്രശ്‌ന​ങ്ങ​ളെ​ല്ലാം എങ്ങനെ ഉൻമൂ​ലനം ചെയ്യ​പ്പെ​ടു​മെ​ന്നും മനസ്സി​ലാ​ക്കാൻ ഈ പുസ്‌തകം നിങ്ങളെ സഹായി​ക്കും. നിങ്ങൾ ഇതു വായി​ക്കാൻ ഇഷ്ടപ്പെ​ടു​ന്നു​വോ?” പുസ്‌തകം നൽകുക.

⁸ മാർഗ​നിർദേ​ശ​ത്തി​നാ​യുള്ള മമനു​ഷ്യ​ന്റെ ആവശ്യ​ത്തെ​ക്കു​റി​ച്ചാണ്‌ ആദ്യ സന്ദർശ​ന​ത്തിൽ നിങ്ങൾ സംസാ​രി​ച്ച​തെ​ങ്കിൽ, മടക്കസ​ന്ദർശ​ന​ത്തിൽ ഇങ്ങനെ പറഞ്ഞു​കൊണ്ട്‌ നിങ്ങൾക്കു ചർച്ച തുടരാ​വു​ന്ന​താണ്‌:

◼“ജീവി​ത​പ്ര​ശ്‌ന​ങ്ങളെ വിജയ​പ്ര​ദ​മാ​യി നേരി​ട​ണ​മെ​ങ്കിൽ ദൈവ​ത്തിൽനി​ന്നുള്ള മാർഗ​നിർദേശം ആവശ്യ​മാ​ണെന്ന്‌ ആദ്യം കണ്ടുമു​ട്ടി​യ​പ്പോൾ നാം സമ്മതിച്ചു. ഞാൻ നിങ്ങൾക്കു തന്നിട്ടു​പോയ പുസ്‌ത​ക​ത്തി​ന്റെ ഉപസം​ഹാ​ര​ത്തിൽ അതു സംബന്ധി​ച്ചു കൊടു​ത്തി​രി​ക്കുന്ന അഭി​പ്രാ​യങ്ങൾ നിങ്ങൾ വിലമ​തി​ക്കു​മെന്നു ഞാൻ വിചാ​രി​ക്കു​ന്നു. [എന്നേക്കും ജീവി​ക്കാൻ പുസ്‌ത​ക​ത്തി​ന്റെ 255-ാം പേജിലെ 14-15 ഖണ്ഡികൾ വായി​ക്കുക.] ഒരു സൗജന്യ ഭവന​ബൈ​ബി​ള​ധ്യ​യന കോഴ്‌സ്‌ നിങ്ങൾക്കു വാഗ്‌ദാ​നം ചെയ്യാൻ എനിക്കു സന്തോ​ഷ​മേ​യു​ള്ളൂ. ഇപ്പോൾതന്നെ അതു നിങ്ങളെ പ്രകടി​പ്പി​ച്ചു കാണി​ക്കാൻ ഞാൻ തയ്യാറാണ്‌.”

⁹ ദൈവ​വ​ച​ന​ത്തി​നും അതിന്റെ മാർഗ​നിർദേ​ശ​ത്തി​നും നമ്മുടെ ജീവി​ത​ത്തി​ലുള്ള മൂല്യം വിലമ​തി​ക്കാൻ പ്രായ​മു​ള്ള​വ​രെ​യും ചെറു​പ്പ​ക്കാ​രെ​യും നാം ഒരു​പോ​ലെ സഹായി​ക്കവേ യഹോവ നമ്മുടെ ശ്രമങ്ങളെ അനു​ഗ്ര​ഹി​ക്കും.—സങ്കീ. 119:105.