ഉൾക്കാ​ഴ്‌ച​യോ​ടെ പ്രസം​ഗി​ക്കു​ക

¹ ഉൾക്കാഴ്‌ച ഉണ്ടായി​രി​ക്കു​ന്ന​തിന്‌ നാം ആരോടു പ്രസം​ഗി​ക്കു​ന്നു​വോ അവരെ​ക്കു​റി​ച്ചു ചിലകാ​ര്യ​ങ്ങൾ ഗ്രഹി​ച്ചി​രി​ക്കേണ്ട ആവശ്യം ഉണ്ട്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ആളുക​ളു​ടെ ഹൃദയ​ങ്ങ​ളി​ലെ​ത്തു​ന്ന​തി​ലെ നമ്മുടെ വിജയം അവർക്ക്‌ ആകർഷ​ക​മായ ഒരു വിധത്തിൽ രാജ്യ​സ​ന്ദേശം അവതരി​പ്പി​ക്കു​ന്ന​തി​ലെ നമ്മുടെ കഴിവി​നെ ആശ്രയി​ച്ചാ​ണി​രി​ക്കു​ന്നത്‌. ജനുവരി മാസത്തിൽ സഭയ്‌ക്ക്‌ അപ്പോ​ഴും കൈവ​ശ​മു​ണ്ടാ​യി​രു​ന്നേ​ക്കാ​വുന്ന വ്യത്യസ്‌ത ബൈബി​ള​ധ്യ​യന പുസ്‌ത​കങ്ങൾ നാം സമർപ്പി​ക്കു​ന്ന​താണ്‌. അല്ലെങ്കിൽ നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ എന്ന പുസ്‌തകം പ്രസാ​ധ​കർക്ക്‌ ഉപയോ​ഗി​ക്കാ​വു​ന്ന​താണ്‌, തെലു​ങ്കി​ലൊ​ഴി​കെ മറ്റു ഭാഷക​ളി​ലൊ​ന്നി​ലും ഇതു പ്രത്യേക നിരക്കിൽ സമർപ്പി​ക്കാ​നു​ള്ള​ത​ല്ലെ​ങ്കിൽ തന്നെയും. പിൻവ​രുന്ന നിർദേ​ശങ്ങൾ സഹായ​ക​ര​മാ​യി​രു​ന്നേ​ക്കാം.

² “സുവാർത്ത—നിങ്ങളെ സന്തുഷ്ട​രാ​ക്കാൻ” എന്ന പുസ്‌ത​ക​മാ​ണു സമർപ്പ​ണ​ത്തി​നാ​യി നിങ്ങൾ തിര​ഞ്ഞെ​ടു​ക്കു​ന്ന​തെ​ങ്കിൽ 4-ാം പേജിലെ ചിത്രം പരാമർശി​ച്ചു​കൊ​ണ്ടു നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

◼“ഈ ചിത്രം ഭൂമിയെ സംബന്ധിച്ച ദൈ​വോ​ദ്ദേ​ശ്യ​ത്തെ​ക്കു​റി​ച്ചു ബൈബിൾ പഠിപ്പി​ക്കു​ന്ന​തെ​ന്താ​ണെ​ന്ന​തി​നെപ്പറ്റി​യുള്ള ഒരു കലാകാ​രന്റെ ചിത്രീ​ക​ര​ണ​മാണ്‌. ഒരു പറുദീ​സാ ഭൂമി​യിൽ ജീവി​ക്കു​ന്ന​തി​നു നിങ്ങളും നിങ്ങളു​ടെ കുടും​ബ​വും എന്തു ചെയ്യേ​ണ്ട​തു​ണ്ടെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] യഥാർഥ സമാധാ​ന​വും സുരക്ഷി​ത​ത്വ​വും പെട്ടെ​ന്നു​തന്നെ ഭൂവ്യാ​പ​ക​മാ​യി ഒരു യാഥാർഥ്യ​മാ​യി​ത്തീ​രു​മെ​ന്നും പറുദീസ പുനഃ​സ്ഥാ​പി​ക്ക​പ്പെ​ടു​മെ​ന്നും ബൈബിൾ പ്രകട​മാ​ക്കു​ന്നു. [സങ്കീർത്തനം 37:10, 11 വായി​ക്കുക.] ദൈവം ചെയ്യു​ന്ന​തിൽനി​ന്നു പ്രയോ​ജനം നേടു​ന്ന​തി​നു നിങ്ങൾ എന്തു ചെയ്യണ​മെന്നു കാണി​ച്ചു​ത​രാൻ ഈ പുസ്‌ത​ക​ത്തി​നു കഴിയും. നിങ്ങൾക്ക്‌ ഈ പ്രതി​യു​ണ്ടാ​യി​രി​ക്കാൻ ഞാൻ ആഗ്രഹി​ക്കു​ന്നു.” എന്നിട്ട്‌ ഒരുപക്ഷേ പ്രത്യേക നിരക്കിൽ സമർപ്പി​ക്കുന്ന മറ്റൊരു പുസ്‌ത​ക​ത്തോ​ടൊ​പ്പം ഈ പുസ്‌തകം സമർപ്പി​ക്കുക.

³ “ഈ ജീവിതം മാത്ര​മാ​ണോ ഉള്ളത്‌?” എന്ന പുസ്‌തകം വിശേ​ഷ​വൽക്ക​രി​ക്കു​ന്നു​വെ​ങ്കിൽ നിങ്ങൾക്ക്‌ ഇപ്രകാ​രം എന്തെങ്കി​ലും പറയാ​വു​ന്ന​താണ്‌:

◼“ലോക​ത്തി​ലു​ട​നീ​ളം ദശലക്ഷങ്ങൾ സന്തുഷ്ടി​ക്കു​വേണ്ടി അതിയാ​യി കാംക്ഷി​ക്കു​ന്നു. അതു കണ്ടെത്തു​ന്ന​തി​നുള്ള ശ്രമങ്ങ​ളെ​ല്ലാ​മു​ണ്ടാ​യി​രു​ന്നി​ട്ടും അവരതിൽ പരാജ​യ​പ്പെ​ടു​ന്ന​താ​യി കാണ​പ്പെ​ടു​ന്നു. ഏതാനും വർഷങ്ങൾ ജീവിച്ച്‌, കുട്ടി​കളെ വളർത്തി, മരണം തങ്ങളെ കീഴട​ക്കു​ന്ന​തി​നു മുമ്പായി നല്ലതി​നു​വേണ്ടി പ്രത്യാ​ശി​ക്കു​ന്ന​തി​നുള്ള ഒന്നായി മാത്രം അനേക​രും ജീവനെ കണക്കാ​ക്കു​ന്നു.” എന്നിട്ട്‌ 153-ാം പേജിലെ 3 മുതൽ 154-ാം പേജിലെ 2 വരെയുള്ള ഖണ്ഡിക​ക​ളിൽനി​ന്നു ചില ആശയങ്ങൾ പങ്കു​വെ​ക്കുക. സങ്കീർത്തനം 37:11 വായി​ക്കുക. ദൈവ​ത്തി​ന്റെ ഉദ്ദേശ്യം 150-ാം പേജിൽ വിവരി​ച്ചി​രി​ക്കുന്ന പ്രകാ​ര​മുള്ള ഒരു പുതിയ ലോകം, ഒരു പറുദീസ, സൃഷ്ടി​ക്കു​ക​യാ​ണെന്നു ചുരു​ക്ക​മാ​യി വിവരി​ക്കുക. “ആ വർണന സംബന്ധി​ച്ചു നിങ്ങൾക്ക്‌ എന്തു തോന്നു​ന്നു?” എന്നതു​പോ​ലുള്ള ഒരു ചോദ്യം ചോദി​ച്ചു​കൊ​ണ്ടു വീട്ടു​കാ​രന്റെ അഭി​പ്രാ​യം ആരായുക. പ്രതി​ക​ര​ണ​ത്തി​നാ​യി അനുവ​ദി​ക്കുക. ആ പുസ്‌തകം മാത്ര​മാ​യി 8 രൂപയ്‌ക്കോ മറ്റൊരു പഴയ പുസ്‌ത​ക​ത്തോ​ടൊ​പ്പം 16 രൂപ സംഭാ​വ​ന​യ്‌ക്കോ സമർപ്പി​ക്കുക.

⁴ വീട്ടു​കാ​രനു ബൈബിൾ പരിജ്ഞാ​ന​ത്തി​ന്റെ ഒരു പശ്ചാത്ത​ല​മു​ണ്ടെ​ങ്കിൽ, “നിന്റെ രാജ്യം വരേണമേ” എന്ന പുസ്‌തകം ഉപയോ​ഗി​ക്കാ​വു​ന്ന​താണ്‌. പരിഹ​രി​ക്ക​പ്പെ​ടാത്ത ഏതെങ്കി​ലും സാമൂ​ഹിക പ്രശ്‌നം സംബന്ധിച്ച വാർത്ത​യെ​ക്കു​റി​ച്ചു പറഞ്ഞു​കൊണ്ട്‌ ഇപ്രകാ​രം ചോദി​ക്കുക:

◼“ലോക​നേ​താ​ക്കൾക്ക്‌ എന്നെങ്കി​ലും ഈ പ്രശ്‌നം പരിഹ​രി​ക്കാൻ കഴിയു​മെന്നു നിങ്ങൾക്കു തോന്നു​ന്നു​ണ്ടോ? [വീട്ടു​കാ​രന്റെ പ്രതി​ക​ര​ണ​ത്തി​നാ​യി അനുവ​ദി​ക്കു​ക​യും അതു സ്വീക​രി​ക്കു​ക​യും ചെയ്യുക.] ഇത്തരം പ്രശ്‌നങ്ങൾ നിലവി​ലി​ല്ലാത്ത ഒരു ലോക​ത്തിൽ ജീവി​ക്കു​ന്നതു നാമെ​ല്ലാം വിലമ​തി​ക്കും. നാം പ്രാർഥി​ക്കുന്ന ദൈവ​ത്തി​ന്റെ ഗവൺമെ​ന്റിൻകീ​ഴി​ലുള്ള ഭരണത്തിൽ ഇതൊരു യാഥാർഥ്യ​മാ​യി​ത്തീ​രും.” സമാധാ​ന​വും സുരക്ഷി​ത​ത്വ​വും ഒടുവിൽ എങ്ങനെ യാഥാർഥ്യ​മാ​യി​ത്തീ​രു​മെന്നു കാണി​ക്കാൻ യെശയ്യാ​വു 32:17, 18 വായി​ക്കുക. 5-ാം പേജിൽ ആരംഭി​ക്കുന്ന ഒന്നാം ഖണ്ഡിക വായി​ക്കു​ക​യും, ഭൂമിയെ സംബന്ധി​ച്ചു ദൈവം വാഗ്‌ദാ​നം ചെയ്‌തി​രി​ക്കു​ന്നത്‌ ആസന്നഭാ​വി​യിൽ നിവൃ​ത്തി​യേ​റു​മെ​ന്ന​തി​ന്റെ തിരു​വെ​ഴു​ത്തു​പ​ര​മായ തെളി​വു​കൾ പുസ്‌തകം പ്രദാനം ചെയ്യു​ന്നു​വെന്നു വിവരി​ക്കു​ക​യും ചെയ്യുക. ആ പുസ്‌തകം മാത്രം അല്ലെങ്കിൽ ഉചിത​മെന്നു തോന്നു​ന്ന​പക്ഷം മറ്റൊരു പുസ്‌ത​ക​വും ചേർത്തു സമർപ്പി​ക്കുക.

⁵ “നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ” എന്ന പുസ്‌തകം ഉപയോ​ഗി​ച്ചു​കൊണ്ട്‌ ഒരു ഹ്രസ്വ​മായ അവതരണം നടത്താൻ ആഗ്രഹി​ക്കു​ന്നു​വെ​ങ്കിൽ പുസ്‌ത​ക​ത്തി​ന്റെ 4-ാം പേജി​ലേക്കു തുറന്ന്‌ ഇപ്രകാ​രം ചോദി​ക്കാ​വു​ന്ന​താണ്‌:

◼“കുടും​ബ​ക്ര​മീ​ക​ര​ണ​ത്തിന്‌ അതിന്റെ മൂല്യ​ങ്ങ​ളു​ടെ​മേ​ലുള്ള ഇന്നത്തെ ആക്രമ​ണത്തെ അതിജീ​വി​ക്കാൻ കഴിയു​മോ?” വീട്ടു​കാ​രന്റെ പ്രതി​ക​രണം ശ്രദ്ധി​ക്കുക, എന്നിട്ട്‌ 5-ാം പേജിലെ ഒന്നാം ഖണ്ഡിക വായി​ക്കുക. 15 രൂപ സംഭാ​വ​നക്ക്‌ പുസ്‌തകം സമർപ്പി​ക്കുക. (തെലുങ്ക്‌ പതിപ്പ്‌ 8 രൂപയു​ടെ പ്രത്യേക നിരക്കിൽ സമർപ്പി​ക്കാ​വു​ന്ന​താണ്‌.)

⁶ നാം കണ്ടുമു​ട്ടു​ന്ന​വ​രു​ടെ ആവശ്യ​ങ്ങ​ളും താത്‌പ​ര്യ​ങ്ങ​ളും വിവേ​ചി​ച്ച​റി​യാൻ നല്ല ഉൾക്കാഴ്‌ച നമ്മെ പ്രാപ്‌ത​രാ​ക്കും. സദൃശ​വാ​ക്യ​ങ്ങൾ 16:23 ഇപ്രകാ​രം ഉറപ്പു തരുന്നു: “ജ്ഞാനി​യു​ടെ ഹൃദയം അവന്റെ വായെ പഠിപ്പി​ക്കു​ന്നു; അവന്റെ അധരങ്ങൾക്കു വിദ്യ വർദ്ധി​പ്പി​ക്കു​ന്നു.”