“നിങ്ങളു​ടെ കുടും​ബം കെട്ടു​പ​ണി​ചെ​യ്യുക”

¹ ലോക​വ്യാ​പ​ക​മാ​യി എല്ലാ സംസ്‌കാ​ര​ങ്ങ​ളി​ലും കുടും​ബ​ജീ​വി​തം ശിഥി​ല​മാ​യി​ക്കൊ​ണ്ടി​രി​ക്കു​ക​യാ​ണെന്ന കാര്യ​ത്തിൽ യാതൊ​രു സംശയ​വു​മില്ല. സാത്താന്റെ ലോകം വഞ്ചനയി​ലും അധാർമി​ക​ത​യി​ലും കിടന്നു​രു​ളു​ക​യാണ്‌. (1 യോഹ. 5:19) അതു നാം ‘നമ്മുടെ കുടും​ബം കെട്ടു​പ​ണി​ചെയ്യു’ന്നതി​ന്റെ​യും മറ്റുള്ള​വരെ അതു ചെയ്യാൻ പഠിപ്പി​ക്കു​ന്ന​തി​ന്റെ​യും അടിയ​ന്തി​ര​ത​യ്‌ക്ക്‌ അടിവ​ര​യി​ടു​ന്നു.—സദൃ. 24:3, 27, NW.

² ബൈബിൾ തത്ത്വങ്ങൾ സംരക്ഷണം: ബൈബിൾ തത്ത്വങ്ങ​ളു​ടെ ബാധക​മാ​ക്ക​ലി​ലാ​ണു യഥാർഥ കുടും​ബ​സ​ന്തു​ഷ്ടി​യു​ടെ രഹസ്യം കുടി​കൊ​ള്ളു​ന്നത്‌. ശക്തമായ ആ തത്ത്വങ്ങൾ കുടും​ബ​ത്തി​ലെ ഓരോ അംഗത്തി​നും ജീവി​ത​ത്തി​ന്റെ എല്ലാ തുറക​ളി​ലും പ്രയോ​ജനം കൈവ​രു​ത്തു​ന്നു. അവ ബാധക​മാ​ക്കുന്ന കുടും​ബം സന്തുഷ്ടി മാത്രമല്ല ദൈവ​സ​മാ​ധാ​ന​വും ആസ്വദി​ക്കും.—യെശയ്യാ​വു 32:17, 18 താരത​മ്യം ചെയ്യുക.

³ നമ്മുടെ കുടും​ബം കെട്ടു​പ​ണി​ചെ​യ്യു​ന്ന​തി​നു സഹായ​ക​മാ​യി​രി​ക്കുന്ന തത്ത്വങ്ങൾ, കുടും​ബ​സ​ന്തു​ഷ്ടി​യു​ടെ രഹസ്യം എന്ന പുതിയ പുസ്‌ത​ക​ത്തിൽ സംഗ്ര​ഹി​ച്ചി​രി​ക്കു​ന്നു. കുടും​ബാം​ഗങ്ങൾ ഓർത്തി​രി​ക്കേണ്ട തത്ത്വങ്ങൾക്ക്‌ ഊന്നൽ നൽകുന്ന സഹായ​ക​മായ പഠിപ്പി​ക്കൽച​തു​രം ഓരോ അധ്യാ​യ​ത്തി​ന്റെ​യും ഒടുവിൽ നൽകി​യി​രി​ക്കു​ന്നു. ആ ചതുര​ങ്ങ​ളിൽ മിക്കതും പിൻവ​രുന്ന ചോദ്യ​ത്തോ​ടെ തുടങ്ങു​ന്നു: “ഈ ബൈബിൾ തത്ത്വങ്ങൾക്ക്‌ . . . എങ്ങനെ സഹായി​ക്കാ​നാ​വും?” അവ ദൈവ​ത്തി​ന്റെ ചിന്താ​ഗ​തി​യി​ലേക്കു ശ്രദ്ധ ക്ഷണിക്കു​ന്നു. തന്മൂലം ചർച്ചയ്‌ക്കു വിധേ​യ​മാ​യി​രി​ക്കുന്ന വിഷയ​ത്തെ​ക്കു​റിച്ച്‌ അവന്റെ ചിന്താ​ഗതി മനസ്സി​ലാ​ക്കാൻ നമുക്കു കഴിയു​ന്നു.—യെശ. 48:17.

⁴ ആ പുസ്‌തകം നന്നായി അപഗ്ര​ഥി​ക്കുക. വ്യത്യസ്‌ത പ്രശ്‌നങ്ങൾ പൊന്തി​വ​രു​മ്പോൾ സഹായി​ച്ചേ​ക്കാ​വുന്ന തത്ത്വങ്ങൾ അതി​ലെ​വി​ടെ​യാ​ണെന്നു കണ്ടുപി​ടി​ക്കാൻ പഠിക്കുക. ആ പുസ്‌തകം ഇത്തരം വിവരങ്ങൾ ചർച്ച​ചെ​യ്യു​ന്നു: ഒരു പ്രതി​ശ്രുത ഇണയുടെ കാര്യം പരിചി​ന്തി​ക്കു​മ്പോൾ ഒരാൾ എന്തെല്ലാം സംഗതി​കൾ ശ്രദ്ധി​ക്കണം? (അധ്യായം 2), നിലനിൽക്കുന്ന വിവാ​ഹ​സ​ന്തു​ഷ്ടി​ക്കു മർമ​പ്ര​ധാ​ന​മായ രണ്ടു താക്കോ​ലു​കൾ ഏവ? (അധ്യായം 3), മാതാ​പി​താ​ക്കൾക്കു കൗമാ​ര​പ്രാ​യ​ത്തി​ലുള്ള മക്കളെ ഉത്തരവാ​ദി​ത്വ​ബോ​ധ​വും ദൈവ​ഭ​യ​വു​മുള്ള മുതിർന്ന​വ​രാ​യി എങ്ങനെ വളർത്തി​ക്കൊ​ണ്ടു​വ​രാൻ കഴിയും? (അധ്യായം 6), നശീകരണ സ്വാധീ​ന​ങ്ങ​ളിൽനി​ന്നു കുടും​ബത്തെ സംരക്ഷി​ക്കാ​വുന്ന വിധം (അധ്യായം 8), മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങളെ സഹായി​ക്കുന്ന തത്ത്വങ്ങൾ (അധ്യായം 9), മദ്യാ​സ​ക്തി​യാ​ലും അക്രമ​ത്താ​ലും വലയുന്ന കുടും​ബ​ങ്ങൾക്ക്‌ ആത്മീയ സഹായം (അധ്യായം 12), വിവാ​ഹ​ബന്ധം തകർച്ച​യു​ടെ വക്കിലാ​യി​രി​ക്കു​മ്പോൾ ചെയ്യേ​ണ്ടത്‌ (അധ്യായം 13), വൃദ്ധ മാതാ​പി​താ​ക്കളെ ബഹുമാ​നി​ക്കു​ന്ന​തി​നു ചെയ്യാ​വു​ന്നത്‌ (അധ്യായം 15), ഒരുവന്റെ കുടും​ബ​ത്തി​നു നിലനിൽക്കുന്ന ഭാവി സുരക്ഷി​ത​മാ​ക്കാ​വുന്ന വിധം (അധ്യായം 16).

⁵ പുതിയ പുസ്‌തകം പരമാ​വധി പ്രയോ​ജ​ന​പ്പെ​ടു​ത്തുക: നിങ്ങളി​തു​വരെ കുടും​ബ​സ​ന്തു​ഷ്ടി പുസ്‌ത​ക​ത്തി​ന്റെ അധ്യയനം നടത്തി​യി​ട്ടി​ല്ലെ​ങ്കിൽ ഒരു കുടും​ബ​മെന്ന നിലയിൽ അതു ചെയ്യരു​തോ? മാത്രമല്ല, നിങ്ങളു​ടെ കുടും​ബം പുതിയ പ്രശ്‌ന​ങ്ങ​ളെ​യോ വെല്ലു​വി​ളി​ക​ളെ​യോ അഭിമു​ഖീ​ക​രി​ക്കു​മ്പോ​ഴെ​ല്ലാം അവയെ​ക്കു​റി​ച്ചു ചർച്ച ചെയ്യുന്ന അധ്യാ​യങ്ങൾ പുനര​വ​ലോ​കനം ചെയ്യു​ക​യും അതിലെ ബുദ്ധ്യു​പ​ദേ​ശങ്ങൾ എങ്ങനെ ബാധക​മാ​ക്ക​ണ​മെന്നു പ്രാർഥ​നാ​പൂർവം പരിചി​ന്തി​ക്കു​ക​യും ചെയ്യുക. അതിനു​പു​റമേ, മാർച്ചിൽ വയൽശു​ശ്രൂ​ഷ​യ്‌ക്ക്‌ നിർലോ​ഭം സമയം മാറ്റി​വ​യ്‌ക്കുക. അങ്ങനെ, കുടും​ബ​സ​ന്തു​ഷ്ടി​യു​ടെ രഹസ്യം പരമാ​വധി ആളുകൾക്കു സമർപ്പി​ക്കു​ന്ന​തി​നു നിങ്ങൾക്കു പരി​ശ്ര​മി​ക്കാ​നാ​കും.

⁶ ദൈവ​ഭക്തി ആചരി​ക്കുന്ന കുടും​ബങ്ങൾ ആത്മീയ​മാ​യി ബലിഷ്‌ഠ​വും ഏകീകൃ​ത​വും ആയിരി​ക്കു​മെന്നു മാത്രമല്ല സാത്താന്റെ ആക്രമ​ണ​ങ്ങളെ ചെറു​ത്തു​നിൽക്കാൻ സുസജ്ജ​വു​മാ​യി​രി​ക്കും. (1 തിമൊ. 4:7, 8; 1 പത്രൊ. 5:8, 9) കുടും​ബ​ത്തി​ന്റെ കാരണ​ഭൂ​ത​നിൽനി​ന്നു ദിവ്യ പ്രബോ​ധനം ലഭിക്കു​ന്ന​തിൽ നാം എത്ര നന്ദിയു​ള്ള​വ​രാണ്‌!