മറ്റുള്ള​വ​രു​മാ​യി കുടും​ബ​സ​ന്തു​ഷ്ടി​യു​ടെ രഹസ്യം പങ്കു​വെ​ക്കൽ

¹ മാനവ സമുദാ​യ​ത്തി​ന്റെ അടിസ്ഥാന ഘടകമാ​ണു കുടും​ബം. ഗ്രാമ​ങ്ങ​ളും നഗരങ്ങ​ളും സംസ്ഥാ​ന​ങ്ങ​ളും രാഷ്‌ട്ര​ങ്ങൾത​ന്നെ​യും ഉണ്ടാകു​ന്നതു കുടും​ബ​ങ്ങ​ളാ​ലാണ്‌. ഇന്ന്‌ കുടുംബ ഘടകം മുമ്പൊ​രി​ക്ക​ലും ഉണ്ടായി​രു​ന്നി​ട്ടി​ല്ലാ​ത്ത​വി​ധം സമ്മർദ​ങ്ങളെ അഭിമു​ഖീ​ക​രി​ക്കു​ന്നു. ശക്തമായ സ്വാധീന ഘടകങ്ങൾ കുടുംബ ജീവി​ത​ത്തി​ന്റെ നിലനിൽപ്പി​നു​തന്നെ ഭീഷണി​യാണ്‌. കുടും​ബ​ക്ര​മീ​ക​ര​ണ​ത്തി​ന്റെ രൂപകൽപ്പി​താ​വായ യഹോവ, കുടും​ബ​സ​ന്തു​ഷ്ടി കണ്ടെത്താൻ തക്കവണ്ണം നമുക്കു നിർദേ​ശങ്ങൾ പ്രദാനം ചെയ്‌തി​രി​ക്കു​ന്ന​തിൽ നാം എത്ര നന്ദിയു​ള്ള​വ​രാണ്‌! അവന്റെ മാർഗ​നിർദേ​ശങ്ങൾ പിന്തു​ട​രു​ന്നവർ, പ്രശ്‌നങ്ങൾ ലഘൂക​രി​ക്ക​പ്പെ​ടു​ന്ന​തും വിജയ​പ്ര​ദ​മായ കുടുംബ ഘടകം ഉരുത്തി​രി​യു​ന്ന​തും കാണുന്നു. സെപ്‌റ്റം​ബ​റിൽ കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌തകം മറ്റുള്ള​വ​രു​മാ​യി പങ്കിടു​ന്ന​തി​നുള്ള പദവി നമുക്കുണ്ട്‌. കുടും​ബ​ജീ​വി​ത​വു​മാ​യി ബന്ധപ്പെട്ട വിഷയ​ങ്ങ​ളു​മാ​യി ആളുകളെ സമീപി​ക്കാൻ മുൻക​യ്യെ​ടു​ക്കുക. സൗഹൃ​ദ​ഭാ​വ​വും ശുഭാ​പ്‌തി​വി​ശ്വാ​സ​വും വിവേ​ച​ന​യു​മു​ള്ള​വ​രാ​യി​രി​ക്കുക. നിങ്ങൾക്ക്‌ എന്തു പറയാ​വു​ന്ന​താണ്‌?

² ഇത്തര​മൊ​രു ചോദ്യ​മു​ന്ന​യി​ച്ചു​കൊ​ണ്ടു തുടക്ക​മി​ടാം:

■“അനേകം കുടും​ബ​ങ്ങ​ളെ​യും സംബന്ധി​ച്ചി​ട​ത്തോ​ളം ജീവിത സമ്മർദ​ങ്ങളെ നേരി​ടു​ന്നതു ദുഷ്‌ക​ര​മാ​യി​രി​ക്കു​ന്ന​താ​യി നിങ്ങൾ ശ്രദ്ധി​ച്ചി​ട്ടു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] അനേകർ ഭവനത്തി​നു​ള്ളിൽ ബുദ്ധി​മു​ട്ടു​കൾ അനുഭ​വി​ക്കു​ന്ന​താ​യി റിപ്പോർട്ടു​കൾ സൂചി​പ്പി​ക്കു​ന്നു. കൂടുതൽ കെട്ടു​റ​പ്പും സന്തുഷ്ടി​യും കണ്ടെത്താൻ കുടും​ബ​ങ്ങളെ എന്തു സഹായി​ക്കു​മെ​ന്നാ​ണു നിങ്ങളു​ടെ അഭി​പ്രാ​യം? [പ്രതി​ക​രി​ക്കാൻ അനുവ​ദി​ക്കുക.] കുടുംബ ക്രമീ​ക​ര​ണ​ത്തി​നു തുടക്ക​മി​ട്ടതു ദൈവ​മാ​യ​തി​നാൽ അവൻ നൽകിയ മാർഗ​നിർദേ​ശങ്ങൾ പരിചി​ന്തി​ക്കു​ന്നതു ന്യായ​യു​ക്ത​മാ​യി​രി​ക്കു​ക​യി​ല്ലേ? [2 തിമൊ​ഥെ​യൊസ്‌ 3:16, 17 വായി​ക്കുക.] പ്രയോ​ജ​ന​പ്ര​ദ​മായ അത്തരം പ്രബോ​ധനം കുടും​ബ​സ​ന്തു​ഷ്ടി​യു​ടെ രഹസ്യം എന്ന ഈ പുസ്‌ത​ക​ത്തിൽ വിവരി​ച്ചി​രി​ക്കു​ന്നു.” വീട്ടു​കാ​രന്റെ അഭി​പ്രാ​യ​ത്തിൽ സർവസാ​ധാ​ര​ണ​മാ​യി​രി​ക്കുന്ന ഒരു കുടുംബ പ്രശ്‌ന​മെ​ന്താ​ണെന്ന്‌ ആരായുക. അതേ പ്രശ്‌ന​ത്തെ​ക്കു​റി​ച്ചു ചർച്ച​ചെ​യ്യുന്ന അധ്യായം കാണി​ച്ചിട്ട്‌ പുസ്‌തകം സമർപ്പി​ക്കുക.

³ മടക്കസ​ന്ദർശ​ന​ത്തിൽ ഒരു ബൈബി​ള​ധ്യ​യനം തുടങ്ങാൻ ലക്ഷ്യമി​ട്ടു​കൊണ്ട്‌ ഇങ്ങനെ പറയാ​വു​ന്ന​താണ്‌:

■“കുടും​ബ​ജീ​വി​തം സംബന്ധി​ച്ചു നിങ്ങൾ പറഞ്ഞ വിഷയ​ത്തെ​ക്കു​റി​ച്ചു ഞാൻ ചിന്തിച്ചു. നിങ്ങൾ ഇഷ്ടപ്പെ​ടു​മെന്ന്‌ എനിക്കു തോന്നിയ ഒരു ലഘുപ​ത്രിക ഞാൻ കൊണ്ടു​വ​ന്നി​ട്ടുണ്ട്‌. [ആവശ്യം ലഘുപ​ത്രിക കാണി​ച്ചിട്ട്‌ 16-ാം പേജെ​ടുത്ത്‌ തുടക്ക​ത്തി​ലുള്ള ആറു ചോദ്യ​ങ്ങൾ വായി​ക്കുക.] കുടും​ബ​ത്തി​ലെ ഓരോ അംഗവും കുടും​ബ​സ​ന്തു​ഷ്ടി​ക്കാ​യി തങ്ങളുടെ പങ്കു നിർവ​ഹി​ക്കേ​ണ്ട​തുണ്ട്‌. ഏതാനും മിനി​റ്റു​കൾ ചെലവ​ഴി​ക്കാ​മെ​ങ്കിൽ ഈ വിവര​ത്തിൽനി​ന്നു പരമാ​വധി പ്രയോ​ജ​ന​മ​നു​ഭ​വി​ക്കു​ന്ന​തെ​ങ്ങനെ​യെന്നു ഞാൻ കാണി​ച്ചു​ത​രാം.” എന്നിട്ട്‌ 8-ാം പാഠം പഠിക്കാൻ തുടങ്ങുക.

⁴ ഒരു പ്രശ്‌ന​ത്തെ​പ്പറ്റി പരാമർശി​ച്ചു​കൊണ്ട്‌ ചർച്ച തുടങ്ങു​ന്ന​താണ്‌ മറ്റൊരു വിധം, ഒരുപക്ഷേ നിങ്ങൾക്കി​ങ്ങനെ പറയാം:

■“സന്തുഷ്ടി​യും സംതൃ​പ്‌തി​യും എല്ലാവ​രും ആഗ്രഹി​ക്കു​ന്നു​ണ്ടെ​ങ്കി​ലും വാസ്‌ത​വ​ത്തിൽ അനേകം കുടും​ബ​ങ്ങ​ളി​ലും അതില്ലാ​ത്ത​താ​യി കാണ​പ്പെ​ടു​ന്നു. യഥാർഥ സന്തുഷ്ടി കണ്ടെത്താൻ അവരെ എന്തു സഹായി​ക്കു​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] ഇന്ന്‌ കുടും​ബ​ങ്ങ​ളിൽ ഏതു തരം പ്രശ്‌ന​ങ്ങ​ളാ​യി​രി​ക്കും ഉണ്ടായി​രി​ക്കു​ന്ന​തെന്നു ദീർഘ​നാൾമു​മ്പേ ബൈബിൾ വെളി​പ്പെ​ടു​ത്തി​യി​ട്ടുണ്ട്‌. [2 തിമൊ​ഥെ​യൊസ്‌ 3:1-3 വായി​ക്കുക.] എങ്കിലും, ഇത്തരം പ്രശ്‌നങ്ങൾ പരിഹ​രിച്ച്‌ നിലനിൽക്കുന്ന സന്തുഷ്ടി കണ്ടെത്താൻ എന്തു ചെയ്യണ​മെ​ന്നും ബൈബിൾ പറയു​ന്നുണ്ട്‌. അതിന്റെ തത്ത്വങ്ങൾ കുടും​ബ​സ​ന്തു​ഷ്ടി​യു​ടെ രഹസ്യം എന്ന ഈ പുസ്‌ത​ക​ത്തിൽ കൊടു​ത്തി​രി​ക്കു​ന്നു.” എന്നിട്ട്‌, ഉചിത​മായ ഒരധ്യാ​യ​ത്തി​ന്റെ ഒടുവിൽ കൊടു​ത്തി​രി​ക്കുന്ന പുനര​വ​ലോ​കന ചതുരം വായിച്ചു കേൾപ്പി​ച്ച​ശേഷം പുസ്‌തകം സമർപ്പി​ക്കുക.

⁵ മടങ്ങി​ച്ചെ​ല്ലു​മ്പോൾ അധ്യയനം തുടങ്ങാൻ “ആവശ്യം” ലഘുപ​ത്രിക ഉപയോ​ഗി​ക്കുക. നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

■“കുടും​ബ​ജീ​വി​ത​ത്തി​നു ബാധക​മായ ബൈബിൾ തത്ത്വങ്ങൾ പരി​ശോ​ധി​ക്കാൻ നിങ്ങൾ മനസ്സൊ​രു​ക്കം കാട്ടി​യ​തിൽ വളരെ സന്തോ​ഷ​മുണ്ട്‌. ബൈബിൾ നൽകുന്ന പ്രാ​യോ​ഗിക ബുദ്ധ്യു​പ​ദേശം പിൻപ​റ്റു​ന്നത്‌ ഉത്തമ ഫലങ്ങൾ കൈവ​രു​ത്തു​ന്ന​താ​യി അനുഭ​വങ്ങൾ തെളി​യി​ക്കു​ന്നു. അത്‌ എന്തു​കൊ​ണ്ടെ​ന്ന​തി​ന്റെ ഒരു ലളിത​മായ വിശദീ​ക​രണം ഇതാ.” ആവശ്യം ലഘുപ​ത്രി​ക​യു​ടെ 1-ാം പാഠത്തി​ന്റെ ആദ്യ ഖണ്ഡിക വായി​ക്കുക. അതോ​ടൊ​പ്പം സങ്കീർത്തനം 1:1-3-ഓ യെശയ്യാ​വു 48:17, 18-ഓ ഉൾപ്പെ​ടു​ത്തുക. സാഹച​ര്യ​മ​നു​വ​ദി​ക്കു​ന്നെ​ങ്കിൽ പാഠത്തി​ന്റെ ബാക്കി ഭാഗവും പരിചി​ന്തി​ക്കുക. അടുത്ത പാഠം ഒരുമി​ച്ചു പഠിക്കാൻ മടങ്ങി​വ​രാ​മെന്നു പറയുക.

⁶ ശക്തമായ മതവി​ശ്വാ​സ​മു​ണ്ടെ​ങ്കി​ലും ബൈബി​ളി​ന്റെ ഉപദേ​ശത്തെ അവശ്യം വിലമ​തി​ക്കാ​ത്ത​വ​രു​മാ​യി സംസാ​രി​ക്കു​മ്പോൾ നിങ്ങൾക്കു ഹ്രസ്വ​മായ ഈ അവതരണം നടത്താ​വു​ന്ന​താണ്‌:

■“മതവി​ശ്വാ​സം എന്തുത​ന്നെ​യാ​യി​രു​ന്നാ​ലും, കുടും​ബങ്ങൾ ഇന്ന്‌ അനേകം പ്രശ്‌നങ്ങൾ അഭിമു​ഖീ​ക​രി​ക്കു​ന്നു​വെന്നു മിക്കയാ​ളു​ക​ളും സമ്മതി​ക്കും. ചിലർ ഉപദേ​ശ​ത്തി​നാ​യി തങ്ങളുടെ വിശു​ദ്ധ​ഗ്ര​ന്ഥ​ങ്ങ​ളി​ലേക്കു തിരി​യു​ന്നു. എങ്കിലും ദുഃഖ​ക​ര​മെന്നു പറയട്ടെ, ഇന്നു മിക്ക യുവജ​ന​ങ്ങ​ളും മതഗ്ര​ന്ഥ​ങ്ങളെ അപ്രസ​ക്ത​മാ​യി വീക്ഷി​ക്കു​ന്നു. ഏറ്റവും നല്ലരീ​തി​യിൽ ജീവിതം നയി​ക്കേ​ണ്ട​തി​നു നമ്മുടെ സ്രഷ്ടാവ്‌ നമുക്ക്‌ എന്തെങ്കി​ലും നിർദേ​ശങ്ങൾ നൽകി​യി​ട്ടു​ണ്ടാ​യി​രി​ക്കു​മെന്നു നിങ്ങൾ വിചാ​രി​ക്കു​ന്നു​വോ? കുടും​ബ​ജീ​വി​ത​ത്തോ​ടുള്ള ബന്ധത്തിൽപ്പോ​ലും ദൈവ​ത്തെ​യും മതത്തെ​യും ഗൗരവ​പൂർവം കരു​തേ​ണ്ടത്‌ എത്ര പ്രധാ​ന​മാ​ണെന്നു കാണി​ക്കുന്ന ഒരു പുസ്‌തകം എന്റെ പക്കലുണ്ട്‌.” എന്നിട്ട്‌, പുസ്‌തകം സമർപ്പി​ക്കുക.

⁷ അല്ലെങ്കിൽ നിങ്ങൾക്കു ലളിത​മാ​യി ഇങ്ങനെ പറയാ​വു​ന്ന​താണ്‌:

■“ലോക​വ്യാ​പ​ക​മാ​യി കുടുംബ പ്രശ്‌നങ്ങൾ വർധി​ച്ചു​വ​രു​ക​യാണ്‌. സമൂഹ​ത്തി​ലെ ഉത്തരവാ​ദി​ത്ത​പ്പെ​ട്ട​യാ​ളു​കൾ അതേക്കു​റി​ച്ചു വളരെ ഉത്‌ക​ണ്‌ഠ​യു​ള്ള​വ​രാണ്‌. ലോക​വ്യാ​പ​ക​മാ​യി ഫലപ്ര​ദ​മെന്നു തെളിഞ്ഞ ഈ പുസ്‌തകം നിങ്ങൾക്കു നൽകാൻ ഞാൻ ആഗ്രഹി​ക്കു​ന്നു. കാരണം അത്‌ കുടും​ബ​ത്തി​നു പ്രയോ​ജനം ചെയ്യുന്ന ചില സാർവ​ത്രിക തത്ത്വങ്ങൾ ബാധക​മാ​ക്കാൻ ആളുകളെ സഹായി​ക്കു​ന്നു. അതിലെ ആശയങ്ങൾ ഒരു മതത്തി​ലെ​യോ സംസ്‌കാ​ര​ത്തി​ലെ​യോ ആളുകളെ ഉദ്ദേശി​ച്ചു​ള്ളതല്ല. അതു​കൊണ്ട്‌, നിങ്ങളു​ടെ വ്യക്തി​പ​ര​മായ അഭി​പ്രാ​യ​മെ​ന്താ​യി​രു​ന്നാ​ലും ഈ പുസ്‌ത​ക​ത്തിൽ നിങ്ങൾ പ്രാ​യോ​ഗിക നിർദേ​ശങ്ങൾ കണ്ടെത്തു​മെന്ന്‌ എനിക്ക്‌ ഉറപ്പുണ്ട്‌.”

⁸ കുടും​ബ​സ​ന്തു​ഷ്ടി​യു​ടെ രഹസ്യം—അതായത്‌, ദൈവ​വ​ച​ന​ത്തിൽ നൽകി​യി​രി​ക്കുന്ന നിർദേ​ശങ്ങൾ പിൻപ​റ്റു​ക​യെന്ന സംഗതി—മറ്റുള്ള​വ​രു​മാ​യി പങ്കിടു​ന്ന​തി​നു നമുക്കു പരമാ​വധി ശ്രമി​ക്കാം.—സങ്കീ. 19:7-10.