നാം അതു വീണ്ടും ചെയ്യു​മോ?—സഹായ പയനി​യ​റി​ങ്ങി​നുള്ള ആഹ്വാനം ഒരിക്കൽക്കൂ​ടി

¹ നാം വീണ്ടും എന്തു ചെയ്യു​മോ എന്ന്‌? സ്‌മാ​ര​ക​കാ​ലത്ത്‌ നാം സഹായ പയനി​യ​റിങ്‌ ചെയ്യു​മോ? 1997 ഫെബ്രു​വരി ലക്കം നമ്മുടെ രാജ്യ ശുശ്രൂ​ഷ​യു​ടെ തടിച്ച അക്ഷരത്തി​ലുള്ള തലക്കെ​ട്ടോ​ടു​കൂ​ടിയ അനുബന്ധം നമ്മു​ടെ​യെ​ല്ലാം ശ്രദ്ധ ആകർഷി​ക്കു​ക​യു​ണ്ടാ​യി: “ആവശ്യ​മുണ്ട്‌—4,000 സഹായ പയനി​യർമാ​രെ.” ആ ക്ഷണം നിങ്ങൾ ഗൗരവ​പൂർവം എടുക്കു​മെന്ന്‌ ഞങ്ങൾക്ക്‌ ഉറപ്പു​ണ്ടാ​യി​രു​ന്നു. മാർച്ച്‌, ഏപ്രിൽ, മേയ്‌ എന്നീ മൂന്നു മാസങ്ങ​ളി​ലാ​യി 4,250-ഓളം പ്രസാ​ധകർ സഹായ പയനി​യർമാ​രാ​യി പ്രവർത്തി​ച്ചു​വെന്ന്‌ ഞങ്ങളുടെ സർവേ വ്യക്തമാ​ക്കി, അത്‌ അത്യന്തം സന്തോ​ഷ​ക​ര​മായ കാര്യ​മാ​യി​രു​ന്നു. 1997 ഏപ്രി​ലിൽ മാത്രം 2,093 പേർ സഹായ പയനിയർ സേവന​ത്തിൽ ഏർപ്പെട്ടു! ആ സംഖ്യ​യോട്‌ അതേ മാസം റിപ്പോർട്ടു ചെയ്‌ത 797 നിരന്തര പയനി​യർമാ​രെ​യും 288 പ്രത്യേക പയനി​യർമാ​രെ​യും കൂട്ടി​യാൽ, മൊത്തം പ്രസാ​ധ​ക​രു​ടെ 18-ലധികം ശതമാനം പയനി​യർസേ​വ​ന​ത്തിൽ ഏർപ്പെ​ട്ട​താ​യി നാം കാണുന്നു. ഈ സ്‌മാ​ര​ക​കാ​ലത്ത്‌ നാം അതു വീണ്ടും ചെയ്യു​മോ?

² കഴിഞ്ഞ വർഷം തങ്ങളുടെ വയൽപ്ര​വർത്തനം വർധി​പ്പി​ക്കു​ന്ന​തി​നാ​യി പ്രത്യേക ശ്രമം ചെയ്‌ത എല്ലാവ​രെ​യും ഞങ്ങൾ ഊഷ്‌മ​ള​മാ​യി അഭിന​ന്ദി​ക്കു​ന്നു. നിങ്ങ​ളെ​ല്ലാ​വ​രും യഹോ​വ​യാം ദൈവ​ത്തോ​ടും അയൽക്കാ​ര​നോ​ടു​മുള്ള നിസ്വാർഥ സ്‌നേ​ഹ​ത്താൽ പ്രേരി​ത​രാ​യി​രു​ന്നു​വെന്നു വ്യക്തമാണ്‌. (ലൂക്കൊ. 10:27; 2 പത്രൊ. 1:5-8) വ്യത്യസ്‌ത ജീവി​ത​തു​റ​ക​ളി​ലുള്ള പ്രസാ​ധകർ സഹായ പയനി​യ​റിങ്‌ നടത്താൻ സമയം കണ്ടെത്തി. ഒരു സഭയി​ലാ​ണെ​ങ്കിൽ, ഒരേ മാസം​തന്നെ 51 പ്രസാ​ധകർ പയനി​യ​റിങ്‌ നടത്തി. അതിൽ മിക്ക മൂപ്പന്മാ​രും 15 മാസം പ്രായ​മുള്ള ഒരു പെൺകു​ഞ്ഞി​ന്റെ അമ്മയും പയനി​യ​റിങ്‌ നടത്തു​ന്ന​തി​നാ​യി തന്റെ ജോലി ഉപേക്ഷിച്ച്‌ അംശകാല ജോലി കണ്ടെത്തിയ ഒരു സഹോ​ദ​രി​യും മുമ്പൊ​രി​ക്ക​ലും പയനി​യ​റിങ്‌ നടത്തി​യി​ട്ടി​ല്ലാഞ്ഞ പ്രായ​മുള്ള ഒരു സഹോ​ദ​രി​യും ഉണ്ടായി​രു​ന്നു. ഒരു സർക്കിട്ട്‌ മേൽവി​ചാ​രകൻ എഴുതി: “പ്രസം​ഗ​വേ​ല​യിൽ വമ്പിച്ച ശ്രമം ചെയ്യ​പ്പെ​ടു​ന്നുണ്ട്‌. . . . അത്‌ പ്രദേ​ശ​ത്തി​ന്മേൽ നല്ല സ്വാധീ​നം ചെലു​ത്തു​ന്ന​തോ​ടൊ​പ്പം സഭകളി​ലെ ഉത്സാഹം വർധി​ക്കു​ന്ന​തി​നും ഇടയാ​ക്കു​ന്നു. സഹോ​ദ​രങ്ങൾ പരസ്‌പരം അടുത്ത​റി​യു​ന്ന​തും അതു​പോ​ലെ ശുശ്രൂ​ഷ​യിൽ നല്ല ഫലങ്ങൾ കാണു​ന്ന​തും ആസ്വദി​ക്കു​ന്നു.”

³ ചെറു​പ്പ​ക്കാ​രെ​യും ഒഴിവാ​ക്കി​യില്ല. 13 വയസ്സുള്ള സ്‌നാ​പ​ന​മേൽക്കാത്ത ഒരു പ്രസാ​ധിക യഹോ​വയ്‌ക്കുള്ള തന്റെ സമർപ്പ​ണത്തെ പ്രതീ​ക​പ്പെ​ടു​ത്താൻ കഴിയുന്ന സമയത്തി​നാ​യി ആകാം​ക്ഷാ​പൂർവം കാത്തി​രി​ക്കു​ക​യാ​യി​രു​ന്നു. ഫെബ്രു​വ​രി​യിൽ സ്‌നാ​പ​ന​മേ​റ്റ​ശേഷം മാർച്ചിൽ സഹായ പയനി​യ​റിങ്‌ നടത്താ​നുള്ള തന്റെ ആഗ്രഹം പ്രകടി​പ്പി​ച്ചു​കൊണ്ട്‌ അവൾ എഴുതി: “ഇപ്പോൾ എനിക്കു തടസ്സമാ​യി യാതൊ​ന്നും ഇല്ലാതി​രു​ന്ന​തി​നാൽ, ഞാൻ പെട്ടെ​ന്നു​തന്നെ അപേക്ഷാ​ഫാ​റം പൂരി​പ്പി​ച്ചു കൊടു​ത്തു. . . . പയനി​യ​റി​ങ്ങി​നുള്ള നിങ്ങളു​ടെ സ്‌നേ​ഹ​പൂർവ​ക​മായ ക്ഷണം ഇല്ലായി​രു​ന്നെ​ങ്കിൽ ഞങ്ങൾ ആസ്വദിച്ച ആ അനേകം നല്ല അനുഭ​വങ്ങൾ ഒരിക്ക​ലും യാഥാർഥ്യ​മാ​കു​മാ​യി​രു​ന്നില്ല. പ്രതി​ക​രിച്ച . . . അനേക​രി​ലൊ​രാ​ളാ​യി​രി​ക്കു​ന്നതി​നുള്ള പദവി ലഭിച്ച​തിൽ ഞാൻ യഹോ​വ​യോ​ടു നന്ദിയു​ള്ള​വ​ളാണ്‌.” വീണ്ടും ഇതു ചെയ്യു​ന്ന​തിന്‌ അവൾ ലക്ഷ്യം വെച്ചി​ട്ടുണ്ട്‌.

⁴ ഒരുപക്ഷേ, കഴിഞ്ഞ മാർച്ചിൽ സഹായ പയനിയർ പ്രവർത്ത​ന​ത്തിൽ ഏർപ്പെട്ട 1,715 പേരി​ലോ, ഏപ്രി​ലി​ലെ 2,093 പേരി​ലോ മേയിലെ 1,523 പേരി​ലോ ഒരാളാ​യി​രു​ന്നി​രി​ക്കാം നിങ്ങളും. ഈ വർഷം നിങ്ങൾ അതു വീണ്ടും ചെയ്യു​മോ? കഴിഞ്ഞ വേനൽക്കാ​ലത്ത്‌ നിങ്ങൾക്കു പയനി​യ​റിങ്‌ നടത്താൻ കഴിഞ്ഞി​ല്ലെ​ന്നു​വ​രി​കി​ലും ഈ വർഷം നിങ്ങൾക്ക​തി​നു കഴിയു​മോ? കഴിഞ്ഞ ഏപ്രിൽ മാസത്തിൽ സഹായ പയനി​യ​റിങ്‌ ചെയ്‌ത​വ​രു​ടെ സംഖ്യ​യായ 2,093-നെ മറിക​ട​ക്കാൻ നമുക്കാ​കു​മോ? ഇന്ത്യയിൽ ഇതേവരെ ഏറ്റവും കൂടുതൽ സഹായ പയനി​യർമാർ ഉണ്ടായി​രു​ന്നി​ട്ടുള്ള മാസമാ​ണത്‌.

⁵ ഏപ്രി​ലി​ലും മേയി​ലും ശ്രദ്ധ കേന്ദ്രീ​ക​രി​ക്കുക: ഈ വർഷത്തെ സ്‌മാ​രകം ഏപ്രിൽ 11 ശനിയാഴ്‌ച​യാണ്‌, അത്‌ ഏപ്രി​ലി​നെ ശുശ്രൂ​ഷ​യിൽ വർധിച്ച പ്രവർത്ത​ന​ത്തി​നുള്ള ഉത്തമ മാസമാ​ക്കു​ന്നു. (2 കൊരി. 5:14, 15) മാസത്തി​ലെ ആദ്യത്തെ 11 ദിവസം, സാധ്യ​മാ​കു​ന്നത്ര താത്‌പ​ര്യ​ക്കാ​രെ സ്‌മാ​ര​ക​ത്തി​നു ക്ഷണിക്കു​ന്ന​തി​ലാ​യി​രി​ക്കും നാം ശ്രദ്ധ കേന്ദ്രീ​ക​രി​ക്കുക. നിങ്ങൾ സഹായ പയനി​യ​റിങ്‌ നടത്താൻ തീരു​മാ​നി​ക്കു​ന്നെ​ങ്കിൽ, തുടങ്ങുന്ന തീയതിക്ക്‌ വളരെ മുന്നമേ തന്നെ ദയവായി നിങ്ങളു​ടെ അപേക്ഷ സമർപ്പി​ക്കുക.—1 കൊരി. 14:40.

⁶ മേയ്‌ മാസത്തിന്‌ അഞ്ചു വാരാ​ന്ത്യ​ങ്ങ​ളു​ള്ള​തി​നാൽ മുഴു​സമയ ലൗകിക ജോലി​യിൽ ഏർപ്പെ​ട്ടി​രി​ക്കുന്ന പ്രസാ​ധകർ ആ മാസം സഹായ പയനി​യ​റിങ്‌ നടത്തു​ന്നത്‌ കൂടുതൽ എളുപ്പ​മാ​ണെന്നു കണ്ടെത്തി​യേ​ക്കാം. കൂടാതെ മിക്ക കുട്ടി​കൾക്കും മേയിൽ സ്‌കൂൾ അവധി​യാ​യി​രി​ക്കും. അഞ്ചു വാരാ​ന്ത്യ​ങ്ങ​ളിൽ ഓരോ​ന്നി​ലും വയൽസേ​വ​ന​ത്തിൽ പത്തു മണിക്കൂർ വീതം ചെലവ​ഴി​ക്കു​ന്നെ​ങ്കിൽ 60 മണിക്കൂർ ലക്ഷ്യത്തി​ലെ​ത്തി​ച്ചേ​രു​ന്ന​തിന്‌ ആ മാസം കൂടു​ത​ലാ​യി പത്തു മണിക്കൂർകൂ​ടി പ്രവർത്തി​ച്ചാൽ മതിയാ​കും.

⁷ ഏപ്രിൽ, മേയ്‌ മാസങ്ങ​ളിൽ നമ്മുടെ സാഹി​ത്യ​സ​മർപ്പണം വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും വരിസം​ഖ്യ​യാ​യി​രി​ക്കും. ഇത്‌ നമ്മിൽ കൂടു​തൽപേരെ പയനി​യ​റിങ്‌ നടത്താൻ പ്രോ​ത്സാ​ഹി​പ്പി​ക്കേ​ണ്ട​താണ്‌. നാം അങ്ങനെ പറയു​ന്ന​തെ​ന്തു​കൊണ്ട്‌? ശുശ്രൂ​ഷ​യിൽ മാസി​കകൾ അവതരി​പ്പി​ക്കു​ന്നത്‌ എളുപ്പ​വും അതുപ​യോ​ഗി​ച്ചു പ്രവർത്തി​ക്കു​ന്നത്‌ ആസ്വാ​ദ്യ​വു​മാണ്‌. സേവന​ത്തി​ന്റെ എല്ലാ മണ്ഡലങ്ങ​ളി​ലും—വീടു​തോ​റു​മോ കടകൾതോ​റു​മോ ഉള്ള വേലയി​ലും അതു​പോ​ലെ​തന്നെ തെരു​വി​ലോ പാർക്കിങ്‌ സ്ഥലങ്ങളി​ലോ പാർക്കു​ക​ളി​ലോ മറ്റ്‌ അനൗപ​ചാ​രിക അവസര​ങ്ങ​ളി​ലോ ഒക്കെ ആളുകളെ സമീപി​ക്കു​മ്പോ​ഴും—അവ ഫലകര​മാ​യി ഉപയോ​ഗി​ക്കാൻ കഴിയും. ഏറ്റവും പ്രധാനം, വീക്ഷാ​ഗോ​പു​ര​വും ഉണരുക!യും രാജ്യ​സ​ത്യ​ത്തെ ഉയർത്തി​പ്പി​ടി​ക്കു​ന്നു​വെ​ന്ന​താണ്‌. ദൈവ​രാ​ജ്യം ഭരിക്കു​ന്നു​വെന്നു തെളി​യി​ച്ചു​കൊണ്ട്‌ അവ ബൈബിൾ പ്രവച​ന​ത്തി​ന്റെ നിവൃ​ത്തി​യി​ലേക്കു ശ്രദ്ധ ക്ഷണിക്കു​ന്നു. ആളുക​ളു​ടെ യഥാർഥ ആവശ്യങ്ങൾ പ്രതി​പാ​ദി​ക്കു​ന്ന​തി​നാൽ അവ വായന​ക്കാ​രു​ടെ ജീവി​തത്തെ സ്വാധീ​നി​ക്കു​ക​യും ചെയ്യുന്നു. ഈ വില​യേ​റിയ ആനുകാ​ലിക പ്രസി​ദ്ധീ​ക​ര​ണങ്ങൾ നമ്മുടെ ജീവി​തത്തെ എങ്ങനെ സ്വാധീ​നി​ച്ചി​രി​ക്കു​ന്നു​വെന്ന്‌ ചിന്തി​ക്കു​ന്നെ​ങ്കിൽ ഏപ്രി​ലി​ലും മേയി​ലും അവ ഏറെ വിപു​ല​മാ​യി വിതരണം ചെയ്യു​ന്ന​തിന്‌ നാം പ്രേരി​ത​രാ​യി​ത്തീ​രും.

⁸ ഊർജി​ത​മായ ഈ മാസി​കാ​വേ​ലയ്‌ക്കുള്ള തയ്യാ​റെ​ടു​പ്പെ​ന്ന​നി​ല​യിൽ പിൻവ​രുന്ന ലേഖനങ്ങൾ പുനര​വ​ലോ​കനം ചെയ്യു​ക​വഴി നിങ്ങൾ പ്രയോ​ജനം അനുഭ​വി​ക്കും: “വീക്ഷാ​ഗോ​പു​ര​വും ഉണരുക!യും സത്യത്തി​ന്റെ സമയോ​ചി​ത​മായ പത്രി​കകൾ” (1994 ജനുവരി 1 വീക്ഷാ​ഗോ​പു​രം), “നമ്മുടെ മാസി​കകൾ ഏറ്റവും നന്നായി ഉപയോ​ഗ​പ്പെ​ടു​ത്തുക” (1996 ജനുവ​രി​യി​ലെ നമ്മുടെ രാജ്യ ശുശ്രൂഷ), “സ്വന്തം മാസികാ അവതരണം തയ്യാറാ​ക്കുക” (1996 ഒക്ടോ​ബ​റി​ലെ നമ്മുടെ രാജ്യ ശുശ്രൂഷ).

⁹ മൂപ്പന്മാർ നേതൃ​ത്വ​മെ​ടു​ക്കു​ന്നു: കഴിഞ്ഞ വേനൽക്കാല മാസങ്ങ​ളിൽ പയനി​യ​റിങ്‌ നടത്തിയ എല്ലാ പ്രസാ​ധ​ക​രു​ടെ​യും പ്രയോ​ജ​ന​ത്തി​നാ​യി ഒരു സഭയിലെ മൂപ്പന്മാർ മാസത്തി​ലെ ഒരു ശനിയാഴ്‌ച മുഴു​സ​ഭ​യു​ടെ​യും പ്രത്യേക സേവന​ദി​വ​സ​മാ​യി നീക്കി​വെച്ചു. സാക്ഷീ​ക​ര​ണ​ത്തി​ന്റെ വിവിധ വശങ്ങളിൽ പങ്കെടു​ക്കു​ന്ന​തിന്‌ സഭയിലെ എല്ലാവർക്കും അവസരം ലഭിക്ക​ത്ത​ക്ക​വണ്ണം ആ ദിവസം പല വ്യത്യസ്‌ത സമയങ്ങ​ളി​ലാ​യി കൂടി​വ​രു​ന്ന​തി​നുള്ള ക്രമീ​ക​ര​ണങ്ങൾ ചെയ്‌തു. ബിസി​നസ്‌ സ്ഥലങ്ങളി​ലെ പ്രവർത്ത​ന​വും തെരു​വു​സാ​ക്ഷീ​ക​ര​ണ​വും വീടു​തോ​റും​പോ​കു​ന്ന​തും മടക്കസ​ന്ദർശ​നങ്ങൾ നടത്തു​ന്ന​തും കത്തുകൾ എഴുതു​ന്ന​തും ടെല​ഫോ​ണി​ലൂ​ടെ സാക്ഷീ​ക​രി​ക്കു​ന്ന​തു​മെ​ല്ലാം അതിൽ ഉൾപ്പെ​ട്ടി​രു​ന്നു. പ്രതി​ക​രണം ശ്രദ്ധേ​യ​മാ​യി​രു​ന്നു. ആ ദിവസം 117 പ്രസാ​ധകർ വയൽസേ​വ​ന​ത്തിൽ പങ്കെടു​ത്തു. അവർ മൊത്തം 521 മണിക്കൂർ ശുശ്രൂ​ഷ​യിൽ ചെലവ​ഴി​ച്ചു, മാസി​ക​ക​ളും ലഘുപ​ത്രി​ക​ക​ളും പുസ്‌ത​ക​ങ്ങ​ളും എല്ലാം കൂടി 617 സമർപ്പ​ണ​ങ്ങ​ളും! ശനിയാഴ്‌ചത്തെ ഉത്സാഹം ഞായറാഴ്‌ച​യും നീണ്ടു​നി​ന്നു, ആ ആഴ്‌ചത്തെ പരസ്യ​യോ​ഗ​ത്തി​നും വീക്ഷാ​ഗോ​പുര അധ്യയ​ന​ത്തി​നും റെക്കോർഡി​ന​ടുത്ത ഹാജരു​ണ്ടാ​യി​രു​ന്നു.

¹⁰ ഏപ്രിൽ, മേയ്‌ മാസങ്ങ​ളി​ലെ എല്ലാ സേവന​യോ​ഗ​ത്തി​ലും തുടർന്നു വരുന്ന ആഴ്‌ചത്തെ വയൽസേ​വ​ന​യോ​ഗം എവിടെ, എപ്പോൾ ആയിരി​ക്കും നടത്തുക എന്നതു സംബന്ധിച്ച്‌ സഭയെ അറിയി​ക്കണം. പ്രത്യേ​കിച്ച്‌ പതിവിൽനി​ന്നു വ്യത്യസ്‌ത​മാ​യി കൂടു​ത​ലായ എന്തെങ്കി​ലും ക്രമീ​ക​ര​ണ​മു​ണ്ടെ​ങ്കിൽ. സാഹച​ര്യം അനുവ​ദി​ക്കു​ന്ന​തു​പോ​ലെ, നിരന്തര പയനി​യർമാ​രും സഹായ പയനി​യർമാ​ര​ല്ലാത്ത പ്രസാ​ധ​ക​രും ഈ ക്രമീ​ക​ര​ണത്തെ പിന്തു​ണയ്‌ക്കാൻ പ്രോ​ത്സാ​ഹി​പ്പി​ക്കു​ന്നു.

¹¹ കൂടെ​ക്കൂ​ടെ പ്രവർത്തി​ക്കാത്ത പ്രദേ​ശ​ങ്ങ​ളിൽ പ്രവർത്തി​ക്കാ​നുള്ള ക്രമീ​ക​ര​ണങ്ങൾ ചെയ്യു​ന്ന​തിന്‌ സേവന​മേൽവി​ചാ​രകൻ പ്രദേ​ശങ്ങൾ നിയമി​ക്കുന്ന സഹോ​ദ​ര​നു​മാ​യി ആസൂ​ത്രണം നടത്തേ​ണ്ട​താണ്‌. ആളില്ലാ​ഭ​വ​ന​ങ്ങൾക്കും തെരു​വി​ലും കടകൾതോ​റു​മുള്ള സാക്ഷീ​ക​ര​ണ​ത്തി​നും കൂടു​ത​ലായ ശ്രദ്ധ നൽകാ​വു​ന്ന​താണ്‌. സായാ​ഹ്ന​സാ​ക്ഷീ​ക​ര​ണ​ത്തിന്‌ ഊന്നൽ കൊടു​ക്കാ​വു​ന്ന​താണ്‌. വിശേ​ഷിച്ച്‌, ആ മാസങ്ങ​ളിൽ പകലിനു ദൈർഘ്യം കൂടു​ത​ലുള്ള സ്ഥിതിക്ക്‌. വർധിച്ച പ്രവർത്തനം മുന്നിൽ കണ്ടു​കൊണ്ട്‌ ഏപ്രിൽ, മേയ്‌ മാസങ്ങ​ളി​ലേക്ക്‌ വേണ്ടത്ര മാസി​ക​കൾക്ക്‌ ഓർഡർ നൽകണം.

¹² പല പ്രസാ​ധ​കർക്കും യോഗ്യത നേടാം: സഹായ പയനി​യർസേവന അപേക്ഷാ​ഫാ​റ​ത്തി​ന്റെ ആദ്യ വാചകം ഇങ്ങനെ പറയുന്നു: “യഹോ​വ​യോ​ടുള്ള എന്റെ സ്‌നേ​ഹ​വും അവനെ​യും അവന്റെ സ്‌നേ​ഹ​പൂർവ​ക​മായ ഉദ്ദേശ്യ​ങ്ങ​ളെ​യും കുറിച്ചു പഠിക്കു​ന്ന​തിന്‌ ആളുകളെ സഹായി​ക്കു​ന്ന​തി​നുള്ള ആഗ്രഹ​വും നിമിത്തം ഒരു സഹായ പയനി​യ​റാ​യി പേർചാർത്തി​ക്കൊണ്ട്‌ വയൽസേ​വ​ന​ത്തി​ലുള്ള എന്റെ പങ്കു വർധി​പ്പി​ക്കാൻ ഞാൻ ആഗ്രഹി​ക്കു​ന്നു.” യഹോ​വ​യോ​ടുള്ള സ്‌നേ​ഹ​വും മറ്റുള്ള​വരെ ആത്മീയ​മാ​യി സഹായി​ക്കു​ന്ന​തി​നുള്ള ആഗ്രഹ​വു​മാണ്‌ നമ്മുടെ സമർപ്പ​ണ​ത്തി​ന്റെ അടിസ്ഥാ​നം. (1 തിമൊ. 4:8, 10) സഹായ പയനി​യ​റിങ്‌ നടത്താൻ യോഗ്യ​നാ​യി​ത്തീ​രു​ന്ന​തിന്‌, ഒരാൾ സ്‌നാ​പ​ന​മേറ്റ, നല്ല ധാർമിക നിലയുള്ള വ്യക്തി​യാ​യി​രി​ക്കു​ക​യും ആ മാസം ശുശ്രൂ​ഷ​യിൽ 60 മണിക്കൂർ പ്രവർത്തി​ക്കാൻ സാധി​ക്കുന്ന നിലയി​ലാ​യി​രി​ക്കു​ക​യും വേണം. നാമെ​ല്ലാം നമ്മുടെ സാഹച​ര്യ​ങ്ങൾ ശ്രദ്ധാ​പൂർവം പരിഗ​ണി​ച്ചാൽ, മുമ്പൊ​രി​ക്ക​ലും പയനി​യ​റിങ്‌ നടത്തി​യി​ട്ടി​ല്ലാത്ത നമ്മിൽ ചിലർക്കെ​ങ്കി​ലും ഈ വർഷം ഏപ്രി​ലി​ലോ മേയി​ലോ അങ്ങനെ ചെയ്യാൻ കഴിയു​മോ?

¹³ തങ്ങളു​ടേ​തി​നു സമാന​മായ സാഹച​ര്യ​ങ്ങ​ളുള്ള മറ്റുള്ളവർ സഹായ പയനി​യർമാ​രാ​യി പേർചാർത്തു​ന്നതു കാണു​മ്പോൾ തങ്ങൾക്കും പയനി​യ​റിങ്‌ നടത്താൻ സാധി​ക്കു​മെന്ന്‌ സഭയിൽ പലരും തിരി​ച്ച​റി​ഞ്ഞേ​ക്കാം. സ്‌കൂൾ കുട്ടി​ക​ളും പ്രായ​മാ​യ​വ​രും മുഴു​സമയ ലൗകിക ജോലി​ക്കാ​രും മൂപ്പന്മാ​രോ ശുശ്രൂ​ഷാ​ദാ​സ​ന്മാ​രോ ആയിരി​ക്കു​ന്ന​വ​രും മറ്റുള്ള​വ​രും വിജയ​ക​ര​മാ​യി സഹായ പയനി​യ​റിങ്‌ നടത്തി​യി​ട്ടുണ്ട്‌. രണ്ടു കുട്ടി​ക​ളുള്ള, മുഴു​സമയ ജോലി​ക്കാ​രി​യായ ഒരു വീട്ടമ്മ ഒരു മാസം 60 മണിക്കൂർ പ്രവർത്തി​ച്ചു. സഹായ പയനി​യ​റിങ്‌ നടത്തിയ ആ മാസം അവർ 108 മാസി​കകൾ സമർപ്പി​ക്കു​ക​യും 3 ബൈബി​ള​ധ്യ​യ​നങ്ങൾ ആരംഭി​ക്കു​ക​യും ചെയ്‌തു. അവർക്ക്‌ അതെങ്ങനെ ചെയ്യാൻ കഴിഞ്ഞു? ഉച്ചയ്‌ക്കത്തെ ഇടവേ​ള​യിൽ അവർ ജോലി​സ്ഥ​ല​ത്തി​ന​ടു​ത്തുള്ള പ്രദേ​ശ​ങ്ങ​ളിൽ പ്രവർത്തി​ച്ചു, കത്തുക​ളി​ലൂ​ടെ സാക്ഷീ​ക​രി​ച്ചു, പാർക്കിങ്‌ സ്ഥലങ്ങളി​ലും തെരു​വി​ലും സാക്ഷീ​ക​രണം നടത്തി. കൂടാതെ സഭയോ​ടൊത്ത്‌ വയൽസേ​വ​ന​ത്തിൽ ചെലവ​ഴി​ച്ചു​കൊണ്ട്‌ അവർ തന്റെ പ്രതി​വാര അവധി​ദി​വസം പരമാ​വധി പ്രയോ​ജ​ന​പ്പെ​ടു​ത്തി. എത്തി​ച്ചേ​രാൻ കഴിയാത്ത ഒരു ലക്ഷ്യമാ​യി അവർ സഹായ പയനി​യ​റി​ങ്ങി​നെ ആദ്യ​മൊ​ക്കെ കണക്കാ​ക്കി​യി​രു​ന്നെ​ങ്കി​ലും മറ്റുള്ള​വ​രിൽനി​ന്നുള്ള പ്രോ​ത്സാ​ഹ​ന​വും പ്രാ​യോ​ഗി​ക​മായ ഒരു പട്ടിക​യും ലഭിച്ച​പ്പോൾ തടസ്സങ്ങൾ തരണം ചെയ്യാൻ അവർക്കു സാധിച്ചു.

¹⁴ യേശു തന്റെ ശിഷ്യ​ന്മാർക്ക്‌ ഉറപ്പു നൽകി: “എന്റെ നുകം മൃദു​വും എന്റെ ചുമടു ലഘുവും ആകുന്നു.” (മത്താ. 11:30) 1995 ആഗസ്റ്റ്‌ 15 ലക്കം വീക്ഷാ​ഗോ​പു​ര​ത്തി​ലെ ഒരു പ്രോ​ത്സാ​ഹ​ജ​ന​ക​മായ ലേഖന​ത്തി​ന്റെ തലക്കെ​ട്ടാ​യി​രു​ന്നു അത്‌. വളരെ സമ്മർദ​മുള്ള ഒരു മുഴു​സമയ ലൗകിക ജോലി​ക്കാ​രി​യായ ഒരു സഹോ​ദ​രി​യെ​ക്കു​റിച്ച്‌ ആ ലേഖനം പറയു​ക​യു​ണ്ടാ​യി. സഹായ പയനി​യർസേ​വനം തീർച്ച​യാ​യും തനിക്കു​ള്ളതല്ല എന്ന്‌ അവർ വിചാ​രി​ച്ചോ? ഇല്ല. മറിച്ച്‌, എല്ലാ മാസവും സഹായ പയനി​യ​റിങ്‌ ചെയ്യാൻ തക്കവണ്ണം അവർ കാര്യാ​ദി​കൾ ക്രമീ​ക​രി​ച്ചു. എന്തു​കൊണ്ട്‌? എന്തു​കൊ​ണ്ടെ​ന്നാൽ സമനില പാലി​ക്കാൻ വാസ്‌ത​വ​ത്തിൽ പയനി​യ​റിങ്‌ തന്നെ സഹായി​ച്ച​താ​യി അവർ വിചാ​രി​ച്ചു. തന്റെ തിര​ക്കേ​റിയ ജീവി​ത​ത്തിൽ അവർക്ക്‌ സന്തോ​ഷ​ത്തി​നുള്ള ഏറ്റവും വലിയ ഉറവ്‌ ബൈബിൾ സത്യം പഠിക്കാൻ ആളുകളെ സഹായി​ക്കു​ക​യും ദൈവാം​ഗീ​കാ​രം നേടാൻ തക്കവണ്ണം അവർ ജീവി​ത​ത്തിൽ മാറ്റങ്ങൾ വരുത്തു​ന്നതു കാണു​ക​യും ചെയ്യു​ന്ന​താ​യി​രു​ന്നു.—സദൃ. 10:22.

¹⁵ പയനി​യ​റി​ങ്ങി​നാ​യി ഒരുവൻ വ്യക്തി​പ​ര​മാ​യി ചെയ്യുന്ന ത്യാഗ​ങ്ങ​ളു​ടെ​യും ക്രമീ​ക​ര​ണ​ങ്ങ​ളു​ടെ​യും ഫലമായി സമൃദ്ധ​മായ അനു​ഗ്ര​ഹങ്ങൾ ലഭിക്കു​ന്നു. സഹായ പയനി​യ​റിങ്‌ നടത്തി​യ​പ്പോൾ തനിക്കു​ണ്ടായ അനുഭ​വ​ത്തെ​ക്കു​റിച്ച്‌ ഒരു സഹോ​ദരി എഴുതി: “എന്റെ മനസ്സിനെ എന്നിൽത്തന്നെ കേന്ദ്രീ​ക​രി​ക്കാ​തെ മറ്റുള്ള​വരെ സഹായി​ക്കു​ന്ന​തിൽ കൂടുതൽ കേന്ദ്രീ​ക​രി​ക്കാൻ അതെന്നെ സഹായി​ച്ചു. . . . ചെയ്യാൻ സാധി​ക്കുന്ന എല്ലാവർക്കും ഞാനതു ശുപാർശ ചെയ്യുന്നു.”

¹⁶ അതിന്‌ നല്ലൊരു പട്ടിക ആവശ്യ​മാണ്‌: 1997 ഫെബ്രു​വരി ലക്കം നമ്മുടെ രാജ്യ ശുശ്രൂ​ഷ​യിൽ കൊടു​ത്തി​രുന്ന മാതൃകാ പട്ടിക ഈ അനുബ​ന്ധ​ത്തി​ന്റെ അവസാന പേജിൽ കൊടു​ത്തി​ട്ടുണ്ട്‌. ഒരുപക്ഷേ ഇതി​ലേ​തെ​ങ്കി​ലും നിങ്ങളു​ടെ സാഹച​ര്യ​ത്തി​നു യോജി​ക്കു​ന്ന​താ​യി​രി​ക്കാം. അതു പുനര​വ​ലോ​കനം ചെയ്യവേ, നിങ്ങളു​ടെ പ്രതി​മാസ പ്രവർത്ത​ന​ക്ര​മങ്ങൾ വിലയി​രു​ത്തുക. ആ മാസം നിങ്ങളു​ടെ ഭവന​ത്തോ​ടു ബന്ധപ്പെട്ട ഏതെല്ലാം കാര്യങ്ങൾ നിങ്ങൾക്കു മുൻകൂ​ട്ടി ചെയ്‌തു തീർക്കു​ക​യോ തത്‌കാ​ല​ത്തേക്കു മാറ്റി​വെ​ക്കു​ക​യോ ചെയ്യാൻ കഴിയും? ഉല്ലാസ​ത്തി​നും വിനോ​ദ​ത്തി​നും അതു​പോ​ലുള്ള മറ്റു കാര്യ​ങ്ങൾക്കു​മാ​യി ചെലവ​ഴി​ക്കുന്ന കുറേ സമയ​മെ​ങ്കി​ലും നിങ്ങൾക്കു മാറ്റി​വെ​ക്കാ​നാ​കു​മോ? മൊത്തം ആവശ്യ​മാ​യി​രി​ക്കുന്ന 60 മണിക്കൂ​റി​നെ​ക്കു​റി​ച്ചു ചിന്തി​ക്കു​ന്ന​തി​നു പകരം ദൈനം​ദിന അടിസ്ഥാ​ന​ത്തി​ലോ പ്രതി​വാര അടിസ്ഥാ​ന​ത്തി​ലോ നിങ്ങളു​ടെ പട്ടിക തയ്യാറാ​ക്കുക. ദിവസ​വും 2 മണിക്കൂർ അല്ലെങ്കിൽ ഒരു വാരത്തിൽ 15 മണിക്കൂർ ആണ്‌ സഹായ പയനി​യ​റി​ങ്ങിന്‌ ആവശ്യ​മാ​യി​രി​ക്കു​ന്നത്‌. കൊടു​ത്തി​രി​ക്കുന്ന മാതൃകാ പട്ടിക കാണുക, വ്യക്തി​പ​ര​മായ സേവന പട്ടിക​യെന്ന നിലയിൽ നിങ്ങൾക്കും നിങ്ങളു​ടെ കുടും​ബ​ത്തി​നും ഏറ്റവും അനു​യോ​ജ്യ​മാ​യത്‌ ഏതെന്ന്‌ ഒരു പെൻസിൽ ഉപയോ​ഗിച്ച്‌ അടയാ​ള​പ്പെ​ടു​ത്തുക.

¹⁷ കഴിഞ്ഞ വർഷം ശുശ്രൂ​ഷ​യിൽ സഭ പ്രകട​മാ​ക്കിയ നല്ല പ്രതി​ക​ര​ണ​വും കൂടു​ത​ലായ പിന്തു​ണ​യും ഒരു നിരന്തര പയനി​യ​റു​ടെ ഉത്സാഹത്തെ വർധി​പ്പി​ച്ചു. അവർ എഴുതി: “സഹായ പയനി​യ​റി​ങ്ങി​നെ പിന്തു​ണയ്‌ക്കു​ന്ന​തി​നാ​യി കൂടു​ത​ലായ ശ്രമം ചെയ്യാ​നുള്ള നിങ്ങളു​ടെ സ്‌നേ​ഹ​പൂർവ​ക​മായ പ്രോ​ത്സാ​ഹ​ന​ത്തി​നു വളരെ നന്ദി. . . . മുമ്പൊ​രി​ക്ക​ലും പയനി​യ​റിങ്ങ്‌ നടത്തി​യി​ട്ടി​ല്ലാത്ത പലർക്കും തങ്ങളെ​ക്കൊണ്ട്‌ അതു സാധി​ക്കും എന്നു മനസ്സി​ലാ​ക്കാൻ നിങ്ങൾ നിർദേ​ശിച്ച പട്ടിക സഹായി​ച്ചു. . . . യഹോ​വ​യു​ടെ സ്ഥാപന​ത്തി​ന്റെ ഭാഗമാ​യി​രി​ക്കു​ന്ന​തി​ലും വിശ്വസ്‌ത​നും വിവേ​കി​യു​മായ അടിമ​യു​ടെ സ്‌നേ​ഹ​പൂർവ​ക​മായ നേതൃ​ത്വം പിൻപ​റ്റു​ന്ന​തി​ലും ഞാൻ വളരെ​യ​ധി​കം സന്തുഷ്ട​യാണ്‌.” എന്തായാ​ലും, അഞ്ചു വാരാ​ന്ത്യ​ങ്ങ​ളുള്ള ആഗസ്റ്റ്‌ മാസത്തിൽ സഹായ പയനി​യർമാ​രാ​യി പ്രവർത്തി​ക്കു​ന്ന​തി​നു നമുക്കു വീണ്ടും നോക്കി​പ്പാർത്തി​രി​ക്കാം. ആഗസ്റ്റിൽ സേവന​വർഷം അവസാ​നി​ക്കവേ, ശുശ്രൂ​ഷ​യിൽ എല്ലാവർക്കും പരമാ​വധി പങ്കുണ്ടാ​യി​രി​ക്കാൻ തക്കവണ്ണം നമുക്കു കൂട്ടായ ശ്രമം ചെയ്യാ​വു​ന്ന​താണ്‌.

¹⁸ സദൃശ​വാ​ക്യ​ങ്ങൾ 21:5 നമുക്ക്‌ ഉറപ്പു നൽകുന്നു: “ഉത്സാഹി​യു​ടെ വിചാ​രങ്ങൾ സമൃദ്ധി​ഹേ​തു​കങ്ങൾ ആകുന്നു.” സദൃശ​വാ​ക്യ​ങ്ങൾ 16:3 നമ്മെ പ്രോ​ത്സാ​ഹി​പ്പി​ക്കു​ന്നു: “നിന്റെ പ്രവൃ​ത്തി​കളെ യഹോ​വെക്കു സമർപ്പിക്ക; എന്നാൽ നിന്റെ ഉദ്ദേശങ്ങൾ സാധി​ക്കും.” അതേ, നമ്മുടെ തീരു​മാ​ന​ങ്ങ​ളിൽ യഹോ​വയെ പ്രാർഥ​നാ​പൂർവം ഉൾപ്പെ​ടു​ത്തു​ന്ന​തി​നാ​ലും വിജയി​ക്കു​ന്ന​തി​നുള്ള സഹായ​ത്തി​നാ​യി അവനിൽ പൂർണ​മാ​യി ആശ്രയി​ക്കു​ന്ന​തി​നാ​ലും സഹായ പയനി​യ​റിങ്‌ ചെയ്യു​ന്നതു സംബന്ധിച്ച നമ്മുടെ ആസൂ​ത്ര​ണ​ത്തിൽ നമുക്കു ക്രിയാ​ത്മക മനോ​ഭാ​വ​മു​ള്ള​വ​രാ​യി​രി​ക്കാൻ കഴിയും. ഒന്നോ രണ്ടോ മാസം നമ്മുടെ സഹായ പയനി​യ​റിങ്‌ പട്ടിക എത്ര വിജയ​ക​ര​മാ​യി​രു​ന്നു എന്നു കണ്ടിട്ട്‌, സഹായ പയനിയർ അപേക്ഷാ ഫാറത്തിൽ കൊടു​ത്തി​രി​ക്കുന്ന, “വീണ്ടും ഒരറി​യി​പ്പു​ണ്ടാ​കു​ന്ന​തു​വരെ തുടർച്ച​യാ​യി ഒരു സഹായ പയനി​യ​റാ​യി സേവി​ക്കാൻ ആഗ്രഹി​ക്കു​ന്നെ​ങ്കിൽ ഇവിടെ അടയാ​ള​പ്പെ​ടു​ത്തുക” എന്ന ചതുര​ത്തിൽ നിങ്ങൾക്ക്‌ അടയാ​ള​പ്പെ​ടു​ത്താൻ കഴി​ഞ്ഞേ​ക്കും.

¹⁹ “ഞാൻ ചെയ്യുന്ന പ്രവൃത്തി എന്നിൽ വിശ്വ​സി​ക്കു​ന്ന​വ​നും ചെയ്യും; . . . അതിൽ വലിയ​തും അവൻ ചെയ്യും” എന്ന്‌ യേശു പ്രവചി​ച്ചു. (യോഹ. 14:12) ഈ പ്രവച​ന​ത്തി​ന്റെ മഹത്തായ നിവൃത്തി നടക്കവേ ദൈവ​ത്തി​ന്റെ കൂട്ടു​വേ​ല​ക്കാ​രാ​യി പ്രവർത്തി​ക്കു​ന്ന​തി​നുള്ള സന്തോ​ഷ​ക​ര​മായ പദവി​യാ​ണു നമുക്കു​ള്ളത്‌. മുമ്പെ​ന്ന​ത്തെ​ക്കാൾ കൂടുതൽ തീക്ഷ്‌ണ​ത​യോ​ടെ സുവാർത്ത പ്രസം​ഗി​ക്കു​ന്ന​തി​നുള്ള സമയം ഇപ്പോ​ഴാണ്‌. ഈ വേലയ്‌ക്കാ​യി നാം അവസ​രോ​ചിത സമയം വിലയ്‌ക്കു വാങ്ങേ​ണ്ട​തുണ്ട്‌. (1 കൊരി. 3:9; കൊലൊ. 4:5) സാധ്യ​മാ​കു​മ്പോ​ഴെ​ല്ലാം സഹായ പയനിയർ സേവന​ത്തിൽ പങ്കെടു​ക്കു​ന്നത്‌ രാജ്യ​ഘോ​ഷ​ക​രെന്ന നിലയിൽ നമ്മുടെ പങ്കു നിർവ​ഹി​ക്കു​ന്ന​തി​നുള്ള ഏറ്റവും നല്ല മാർഗ​മാണ്‌. ഈ സ്‌മാ​ര​ക​കാ​ലത്ത്‌ സഹായ പയനി​യർമാ​രിൽനി​ന്നുള്ള ഈ സ്‌തു​തി​ഗീ​തം എത്ര ഗംഭീ​ര​മാ​യി​രി​ക്കും എന്നു കാണാൻ ഞങ്ങൾ ആകാം​ക്ഷാ​പൂർവം കാത്തി​രി​ക്കു​ന്നു. (സങ്കീ. 27:6) കഴിഞ്ഞ വേനൽക്കാല മാസങ്ങ​ളി​ലെ ഫലം​വെച്ചു നോക്കു​മ്പോൾ ഞങ്ങൾ ചിന്തി​ക്കു​ക​യാണ്‌, ‘നാം അതു വീണ്ടും ചെയ്യു​മോ?’ എന്ന്‌. ഉവ്വ്‌ എന്നതിൽ ഞങ്ങൾക്ക്‌ പൂർണ​വി​ശ്വാ​സ​മുണ്ട്‌!

[3-ാം പേജിലെ ചിത്രം]

നിങ്ങൾക്ക്‌ സഹായ പയനി​യ​റാ​യി​രി​ക്കാൻ കഴിയു​മോ?

“നിങ്ങളു​ടെ വ്യക്തി​പ​ര​മായ സാഹച​ര്യ​ങ്ങൾ എന്തായി​രു​ന്നാ​ലും, നിങ്ങൾ സ്‌നാ​പ​ന​മേ​റ്റ​യാ​ളാ​ണെ​ങ്കിൽ, നല്ല ധാർമി​ക​നില ഉണ്ടെങ്കിൽ, വയൽശു​ശ്രൂ​ഷ​യിൽ ഒരു മാസം 60 മണിക്കൂർ ചെലവ​ഴി​ക്കു​ക​യെന്ന വ്യവസ്ഥ പാലി​ക്കു​ന്ന​തി​നു ക്രമീ​ക​രി​ക്കാൻ കഴിയു​മെ​ങ്കിൽ, ഒരു സഹായ പയനി​യ​റെന്ന നിലയിൽ ഒന്നോ അധിക​മോ മാസങ്ങ​ളിൽ സേവി​ക്കാൻ കഴിയു​മെന്നു വിശ്വ​സി​ക്കു​ക​യും ചെയ്യു​ന്നു​വെ​ങ്കിൽ, ഈ സേവന​പ​ദ​വി​ക്കു വേണ്ടി​യുള്ള നിങ്ങളു​ടെ അപേക്ഷ പരിഗ​ണി​ക്കാൻ സഭാമൂ​പ്പ​ന്മാർക്കു സന്തോ​ഷ​മു​ണ്ടാ​യി​രി​ക്കും.”—നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ, പേജ്‌ 113.

[6-ാം പേജിലെ ചിത്രം]

സഹായ പയനിയർ പട്ടികകൾ

ഓരോ ആഴ്‌ച​യും 15 മണിക്കൂർ വയൽസേ​വനം പട്ടിക​പ്പെ​ടു​ത്താ​നുള്ള വിധങ്ങ​ളു​ടെ മാതൃ​ക​കൾ

രാവിലെ—തിങ്കൾമു​തൽ ശനിവരെ

ഏതെങ്കിലും ദിവസ​ത്തി​നു പകരമാ​യി ഞായറാഴ്‌ച ഉപയോ​ഗി​ക്കാം

ദിവസം സമയഘട്ടം മണിക്കൂർ

തിങ്കൾ രാവിലെ 2 ¹/2

ചൊവ്വ രാവിലെ 2 ¹/2

ബുധൻ രാവിലെ 2 ¹/2

വ്യാഴം രാവിലെ 2 ¹/2

വെള്ളി രാവിലെ 2 ¹/2

ശനി രാവിലെ 2 ¹/2

മൊത്തം മണിക്കൂർ: 15

രണ്ടു മുഴു​ദി​വ​സ​വും

ആഴ്‌ചയിലെ ഏതെങ്കി​ലും രണ്ടു ദിവസം തിര​ഞ്ഞെ​ടു​ക്കാം

ദിവസം സമയഘട്ടം മണിക്കൂർ

ബുധൻ മുഴു​ദി​വ​സ​വും 7 ¹/2

ശനി മുഴു​ദി​വ​സ​വും 7 ¹/2

മൊത്തം മണിക്കൂർ: 15

രണ്ടു സായാ​ഹ്ന​ങ്ങ​ളും വാരാ​ന്ത്യ​വും

വാരത്തിലെ ഏതെങ്കി​ലും രണ്ടു സായാ​ഹ്നങ്ങൾ തിര​ഞ്ഞെ​ടു​ക്കാം

ദിവസം സമയഘട്ടം മണിക്കൂർ

തിങ്കൾ സായാഹ്നം 1 ¹/2

ബുധൻ സായാഹ്നം 1 ¹/2

ശനി മുഴു​ദി​വ​സ​വും 8

ഞായർ അരദി​വസം 4

മൊത്തം മണിക്കൂർ: 15

വാരത്തിലെ ഉച്ചകഴി​ഞ്ഞുള്ള സമയവും ശനിയാഴ്‌ച​യും

ഏതെങ്കിലും ദിവസ​ത്തി​നു പകരമാ​യി ഞായറാഴ്‌ച ഉപയോ​ഗി​ക്കാം

ദിവസം സമയഘട്ടം മണിക്കൂർ

തിങ്കൾ ഉച്ചകഴിഞ്ഞ്‌ 2

ചൊവ്വ ഉച്ചകഴിഞ്ഞ്‌ 2

ബുധൻ ഉച്ചകഴിഞ്ഞ്‌ 2

വ്യാഴം ഉച്ചകഴിഞ്ഞ്‌ 2

വെള്ളി ഉച്ചകഴിഞ്ഞ്‌ 2

ശനി മുഴു​ദി​വ​സ​വും 5

മൊത്തം മണിക്കൂർ: 15

എന്റെ വ്യക്തി​പ​ര​മായ സേവന പട്ടിക

ഓരോ സമയഘ​ട്ട​ത്തി​ലും എത്ര മണിക്കൂ​റെന്നു തീരു​മാ​നി​ക്കു​ക

ദിവസം സമയഘട്ടം മണിക്കൂർ

തിങ്കൾ

ചൊവ്വ

ബുധൻ

വ്യാഴം

വെള്ളി

ശനി

ഞായർ

മൊത്തം മണിക്കൂർ: 15