ആവശ്യ​മുണ്ട്‌—4,000 സഹായ പയനി​യർമാ​രെ

നിങ്ങൾക്കു സഹായ പയനി​യ​റിങ്‌ ചെയ്യാ​നാ​കു​മോ, മാർച്ചിൽ? ഏപ്രി​ലിൽ? മേയിൽ?

¹ “1,000 പ്രസം​ഗ​കരെ ആവശ്യ​മുണ്ട്‌.” 1881 ഏപ്രിൽ ലക്കം വീക്ഷാ​ഗോ​പു​ര​ത്തിൽ (ഇംഗ്ലീഷ്‌) പ്രസി​ദ്ധീ​ക​രിച്ച ലേഖന​ത്തി​ന്റെ ശീർഷ​ക​മാ​യി​രു​ന്നു അത്‌. “കർത്താവു തന്റെ സത്യ​ത്തെ​ക്കു​റി​ച്ചുള്ള പരിജ്ഞാ​നം ഭരമേൽപ്പി​ച്ചി​രുന്ന” സകല സമർപ്പിത സ്‌ത്രീ​പു​രു​ഷൻമാ​രോ​ടും തങ്ങൾക്കാ​വു​ന്നത്ര സമയം ബൈബിൾ സത്യം പ്രചരി​പ്പി​ക്കു​ന്ന​തിൽ പങ്കെടു​ക്കാ​നുള്ള അഭ്യർഥന അതിൽ ഉൾപ്പെ​ട്ടി​രു​ന്നു. തങ്ങളുടെ സമയത്തി​ന്റെ പകുതി​യോ അതില​ധി​ക​മോ കർത്താ​വി​ന്റെ വേലയ്‌ക്കാ​യി മാറ്റി​വെ​ക്കാൻ കഴിയുന്ന എല്ലാവ​രെ​യും കോൽപോർട്ടർ സുവി​ശേ​ഷ​ക​രാ​യി—ഇന്നത്തെ പയനി​യർമാ​രു​ടെ മുന്നോ​ടി​കൾ—സ്വമേ​ധയാ സേവി​ക്കാൻ പ്രോ​ത്സാ​ഹി​പ്പി​ച്ചു.

² 1800-കളിൽനി​ന്നു കാലത്തി​നു മാറ്റം​വ​ന്നെ​ങ്കി​ലും ഒരു യാഥാർഥ്യം മാറ്റമി​ല്ലാ​തെ തുടരു​ന്നു—സുവാർത്ത പ്രചരി​പ്പി​ക്കു​ന്ന​തിൽ കഴിയു​ന്നത്ര സമയം ചെലവ​ഴി​ക്കാൻ ദൈവ​ത്തി​ന്റെ സമർപ്പിത ദാസൻമാർ ആഗ്രഹി​ക്കു​ന്നു. രാജ്യ​ശു​ശ്രൂ​ഷ​യിൽ കൂടു​ത​ലായ സമയം ചെലവ​ഴി​ക്കേ​ണ്ടി​വ​രു​ന്ന​തി​നാൽ, സഹായ പയനി​യർമാ​രാ​യി സേവി​ക്കു​ന്നത്‌ തങ്ങളുടെ ഫലപ്ര​ദ​ത്വം മെച്ച​പ്പെ​ടു​ത്താൻ സഭാ​പ്ര​സാ​ധ​കരെ സഹായി​ക്കു​ന്നു.—കൊലൊ. 4:17; 2 തിമൊ. 4:5.

³ സഹായ പയനി​യ​റിങ്‌ ആരംഭി​ച്ച​കാ​ലം മുതൽ ലോക​വ്യാ​പ​ക​മാ​യി ശതസഹ​സ്ര​ക്ക​ണ​ക്കി​നു സഹോ​ദ​രീ​സ​ഹോ​ദ​രൻമാർ അത്‌ ആസ്വദി​ച്ചി​രി​ക്കു​ന്നു. കേവലം 14,000 പ്രസാ​ധകർ ഉണ്ടായി​രുന്ന 1994 ഏപ്രി​ലിൽ, സഹായ പയനി​യർമാ​രു​ടെ അത്യുച്ചം ഏകദേശം 2,000-ത്തിൽ എത്തി​ച്ചേ​രുന്ന അളവോ​ളം പയനിയർ ശുശ്രൂ​ഷ​യു​ടെ ഈ വശത്തോ​ടുള്ള ഉത്സാഹം ഇന്ത്യയിൽ വളർന്നു! അന്നോളം, ഇന്ത്യയിൽ ഏറ്റവു​മ​ധി​കം പ്രവർത്ത​നം​നടന്ന മാസമാ​യി​രു​ന്നു അത്‌. അന്നു ശുശ്രൂ​ഷ​യു​ടെ ഓരോ വശങ്ങളും പുതിയ അത്യു​ച്ച​ങ്ങ​ളിൽ എത്തി​ച്ചേർന്നു. ശുശ്രൂ​ഷ​യിൽ ചെലവ​ഴിച്ച 3,33,489 മണിക്കൂർ, സമർപ്പി​ക്ക​പ്പെട്ട 71,998 ചെറു​പു​സ്‌ത​കങ്ങൾ, 3,235 വരിസം​ഖ്യ​കൾ എന്നിവ ആ അത്യു​ച്ച​ങ്ങ​ളിൽ ഉൾപ്പെ​ട്ടി​രു​ന്നു. ഈ മൂന്ന്‌ അത്യു​ച്ചങ്ങൾ അന്നുമു​ത​ലുള്ള രണ്ടു വർഷത്തിൽ മെച്ച​പ്പെ​ട്ടി​ട്ടില്ല. ഇപ്പോൾ ഈ രാജ്യത്ത്‌ 17,000 പ്രസാ​ധ​ക​രുണ്ട്‌. അതു​കൊണ്ട്‌ 1994-ലെ നല്ല പ്രവർത്ത​നത്തെ വെല്ലാ​നുള്ള—ഇരുമ​ട​ങ്ങായ പ്രവർത്ത​ന​ത്തി​നു പോലു​മുള്ള—സാധ്യത തീർച്ച​യാ​യും നിലനിൽക്കു​ന്നു.

⁴ മാർച്ച്‌, ഏപ്രിൽ, മേയ്‌ എന്നിവ​യിൽ ഒന്നോ അതില​ധി​ക​മോ മാസങ്ങ​ളിൽ സഹായ പയനി​യ​റിങ്‌ ലക്ഷ്യം​വെ​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നു. എന്തു​കൊണ്ട്‌ മാർച്ചു​മാ​സം ഉൾപ്പെ​ടു​ത്തണം? കാരണം ഈ വർഷം ക്രിസ്‌തു​വി​ന്റെ മരണത്തി​ന്റെ സ്‌മാ​രകം മാർച്ച്‌ 23 ഞായറാ​ഴ്‌ച​യാണ്‌. സ്‌മാ​ര​ക​ത്തി​നു മുമ്പുള്ള വാരങ്ങ​ളിൽ നമുക്കു ചെയ്യാൻ കഴിയുന്ന ഏറ്റവും മെച്ചമായ സംഗതി നമ്മുടെ കർത്താ​വും രക്ഷിതാ​വു​മായ യേശു​ക്രി​സ്‌തു ഏർപ്പെ​ടു​ത്തിയ രാജ്യ​പ്ര​സംഗ വേലയിൽ ഉത്സാഹ​പൂർവം പങ്കെടു​ക്കു​ന്ന​താണ്‌. മാർച്ചിൽ ഒരു വലിയ സാക്ഷ്യ​ക്കൂ​മ്പാ​രം പടുത്തു​യർത്തു​ന്ന​തോ​ടൊ​പ്പം, ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആഘോ​ഷി​ക്കു​ന്ന​തി​നു നമ്മോ​ടൊ​ത്തു കൂടി​വ​രാൻ ഒട്ടനവധി താത്‌പ​ര്യ​ക്കാ​രെ നമുക്കു ക്ഷണിക്കാ​വു​ന്ന​തു​മാണ്‌. കുടും​ബ​സ​ന്തു​ഷ്ടി​യു​ടെ രഹസ്യം എന്ന പുതിയ പുസ്‌തകം നാം ആദ്യമാ​യി വിശേ​ഷ​വ​ത്‌ക​രി​ക്കു​ന്നതു മാർച്ചി​ലാ​യി​രി​ക്കും, ആ വിധത്തി​ലും മാർച്ചു​മാ​സം പ്രത്യേ​ക​ത​യർഹി​ക്കു​ന്നു. അതിനും പുറമെ, മാർച്ചു​മാ​സ​ത്തിൽ അഞ്ചു ശനിയാ​ഴ്‌ച​യും അഞ്ചു ഞായറാ​ഴ്‌ച​യു​മു​ള്ള​തി​നാൽ വയൽസേ​വ​ന​ത്തിൽ തീവ്ര​മായ വാരാ​ന്ത്യ​പ്ര​വർത്ത​ന​ത്തിന്‌ അവസര​മുണ്ട്‌. തീർച്ച​യാ​യും, കണ്ടെത്തിയ താത്‌പ​ര്യ​ത്തെ പിന്തു​ടർന്ന്‌, ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക ഉപയോ​ഗി​ച്ചു​കൊണ്ട്‌ ഏപ്രി​ലി​ലും മേയി​ലും പുതിയ ഭവന​ബൈ​ബി​ള​ധ്യ​യ​നങ്ങൾ തുടങ്ങാൻ ശുശ്രൂ​ഷ​യി​ലെ തുടർച്ച​യായ ഒരു തീക്ഷ്‌ണ​ശ്രമം നമ്മെ സഹായി​ക്കും. നാം നമ്മുടെ പ്രദേശം പൂർണ​മാ​യി പ്രവർത്തി​ച്ചു​തീർക്കു​ക​യും ചെയ്യും, വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും നിലവി​ലുള്ള കാലോ​ചിത ലക്കങ്ങൾ ഉപയോ​ഗി​ച്ചു​കൊ​ണ്ടു വാരാ​ന്ത്യ​ങ്ങ​ളിൽ പ്രത്യേ​കി​ച്ചും.

⁵ സഹായ പയനി​യ​റി​ങ്ങി​നു യോഗ്യ​ത​യു​ള്ളത്‌ ആർക്ക്‌?: നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ പുസ്‌ത​ക​ത്തി​ന്റെ 118-ാം പേജ്‌ വിശദീ​ക​രി​ക്കു​ന്നു: “നിങ്ങളു​ടെ വ്യക്തി​പ​ര​മായ സാഹച​ര്യ​ങ്ങൾ എന്തായി​രു​ന്നാ​ലും, നിങ്ങൾ സ്‌നാ​പ​ന​പ്പെ​ട്ട​യാ​ളാ​ണെ​ങ്കിൽ, നല്ല ധാർമ്മി​ക​നില ഉണ്ടെങ്കിൽ, വയൽശു​ശ്രൂ​ഷ​യിൽ ഒരു മാസം 60 മണിക്കൂർ ചെലവ​ഴി​ക്കു​ക​യെന്ന വ്യവസ്ഥ പാലി​ക്കു​ന്ന​തിന്‌ ക്രമീ​ക​രി​ക്കാൻ കഴിയു​മെ​ങ്കിൽ, ഒരു സഹായ പയനി​യ​റെന്ന നിലയിൽ ഒന്നോ അധിക​മോ മാസങ്ങ​ളിൽ സേവി​ക്കാൻ കഴിയു​മെന്നു വിശ്വ​സി​ക്കു​ക​യും ചെയ്യു​ന്നു​വെ​ങ്കിൽ, ഈ സേവന​പ​ദ​വി​ക്കു വേണ്ടി​യുള്ള നിങ്ങളു​ടെ അപേക്ഷ പരിഗ​ണി​ക്കാൻ സഭാമൂ​പ്പൻമാർക്കു സന്തോ​ഷ​മു​ണ്ടാ​യി​രി​ക്കും.” ഏപ്രി​ലിൽ ഈ പദവി ആസ്വദി​ക്കു​ന്ന​തി​നാ​യി നിങ്ങൾക്കു ക്രമീ​ക​രണം ചെയ്യാ​നാ​കു​മോ? ഒരുപക്ഷേ മാർച്ചി​ലും? മേയി​ലും? മൂന്നു​മാ​സം സഹായ പയനി​യ​റിങ്‌ ചെയ്യാൻ കഴിയു​ന്നി​ല്ലെ​ങ്കിൽ, ഏപ്രി​ലി​ലെ​ങ്കി​ലും അപ്രകാ​രം ചെയ്യു​ന്ന​തിന്‌ ഒരു പ്രത്യേക ശ്രമം നടത്താൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌.

⁶ മൂപ്പൻമാ​രു​ടെ സംഘങ്ങ​ളു​ടെ ഭാഗത്തു​നി​ന്നുള്ള ഒരു ക്രിയാ​ത്മക മനോ​ഭാ​വ​വും ശേഷം പ്രസാ​ധ​ക​രു​ടെ മുഴു ഹൃദയ​ത്തോ​ടു​കൂ​ടിയ പിന്തു​ണ​യും, 4,000 സഹായ പയനി​യർമാർക്കാ​യുള്ള ഈ ക്ഷണത്തോ​ടുള്ള പ്രതി​ക​ര​ണത്തെ ഒരു വൻ വിജയ​മാ​ക്കി​ത്തീർക്കേ​ണ്ട​താണ്‌. ഏപ്രിൽ മാസത്തിൽ ഏറ്റവും കുറഞ്ഞത്‌ 25 മുതൽ 30 വരെ ശതമാനം പ്രസാ​ധകർ സഹായ പയനി​യർമാ​രാ​യി പേർചാർത്തു​ന്ന​തിന്‌ ഓരോ സഭയ്‌ക്കും ലക്ഷ്യം വെക്കാ​വു​ന്ന​താണ്‌. ചില സഭകളിൽ അതിലും ഉയർന്ന ശതമാ​ന​ത്തിന്‌ ഈ പദവി​യിൽ പങ്കുപ​റ്റാൻ കഴി​ഞ്ഞേ​ക്കും. ആദ്യം പേർചാർത്തു​ന്ന​വ​രിൽ ഉൾപ്പെ​ട്ടു​കൊണ്ട്‌ മൂപ്പൻമാർക്കും ശുശ്രൂ​ഷാ​ദാ​സൻമാർക്കും ഒരു നല്ല ദൃഷ്ടാന്തം വെക്കാ​വു​ന്ന​താണ്‌. (എബ്രാ. 13:7) തങ്ങളുടെ കുടും​ബ​ത്തിൽ എത്ര​പേർക്ക്‌ ഏപ്രി​ലി​ലോ വരും മാസങ്ങ​ളി​ലോ സഹായ പയനി​യർമാ​രു​ടെ അണിയിൽ ചേരാ​നാ​കു​മെന്ന്‌ ഉറപ്പു​വ​രു​ത്താൻ എല്ലാ കുടും​ബ​ത്ത​ല​വൻമാ​രെ​യും പ്രോ​ത്സാ​ഹി​പ്പി​ക്കു​ന്നു.—സങ്കീ. 148:12, 13; പ്രവൃ. 21:8, 9 താരത​മ്യം ചെയ്യുക.

⁷ മുഴു​സമയ ലൗകിക ജോലി​യോ സ്‌കൂൾ പട്ടിക​യോ കുടുംബ ഉത്തരവാ​ദി​ത്വ​ങ്ങ​ളോ തിരു​വെ​ഴു​ത്തു​പ​ര​മായ മറ്റു കടപ്പാ​ടു​ക​ളോ നിമിത്തം സഹായ പയനി​യ​റിങ്‌ നിങ്ങളു​ടെ എത്തുപാ​ടിന്‌ അതീത​മാ​ണെന്നു നിഗമനം ചെയ്യാൻ തിടുക്കം കൂട്ടരുത്‌. പങ്കുപ​റ്റു​ന്നതു ചിലർക്ക്‌ എളുപ്പ​മ​ല്ലാ​യി​രി​ക്കാം; എന്നാൽ, നല്ല ക്രമീ​ക​ര​ണ​ത്താ​ലും യഹോ​വ​യു​ടെ സഹായ​ത്താ​ലും അവർക്കു വിജയി​ക്കാ​നാ​കും. (സങ്കീ. 37:5; സദൃ. 16:3) പയനിയർ സേവന​ത്തിൽ പങ്കുപ​റ്റാ​നുള്ള നിങ്ങളു​ടെ ആഗ്രഹം സാഹച​ര്യ​ങ്ങളെ നിയ​ന്ത്രി​ക്കട്ടെ; സാഹച​ര്യ​ങ്ങൾ പയനി​യ​റി​ങ്ങി​നുള്ള നിങ്ങളു​ടെ ആഗ്രഹത്തെ നിയ​ന്ത്രി​ക്കാൻ അനുവ​ദി​ക്ക​രുത്‌. (സദൃ. 13:19എ) അങ്ങനെ, യഹോ​വ​യോ​ടും സഹമനു​ഷ്യ​രോ​ടു​മുള്ള ശക്തമായ സ്‌നേഹം നിമിത്തം, ഇടയ്‌ക്കി​ടെ ഓരോ മാസം തങ്ങളുടെ ശുശ്രൂഷ വികസി​പ്പി​ക്കാൻ കഴിയ​ത്ത​ക്ക​വി​ധം തങ്ങളുടെ പ്രതി​വാര ജീവി​ത​ചര്യ ക്രമ​പ്പെ​ടു​ത്താൻ അനേകർ പ്രാപ്‌ത​രാണ്‌. (ലൂക്കൊ. 10:27, 28) രാജ്യ​സേ​വ​ന​ത്തിൽ കഠിനാ​ധ്വാ​നം ചെയ്യു​ന്ന​വർക്കാ​യി നിരവധി അനു​ഗ്ര​ഹങ്ങൾ കരുതി​വെ​ച്ചി​രി​ക്കു​ന്നു.—1 തിമൊ. 4:10.

⁸ സഹായ പയനി​യ​റി​ങ്ങി​നാൽ നിർവ​ഹി​ക്ക​പ്പെ​ടു​ന്നത്‌: സഹായ പയനി​യ​റിങ്‌ നടത്തു​ന്ന​തിന്‌ ആയിര​ക്ക​ണ​ക്കി​നു ദൈവ​ദാ​സൻമാർ നടത്തുന്ന മുഴു ദേഹി​യോ​ടെ​യുള്ള ശ്രമം യഹോ​വ​യ്‌ക്കുള്ള സ്‌തു​തി​യു​ടെ ഒരു മഹത്തായ ആരവത്തിൽ കലാശി​ക്കു​ന്നു. കൂടുതൽ ആളുക​ളി​ലേക്കു സുവാർത്ത പ്രചരി​പ്പി​ക്കാൻ ഈ രാജ്യ​പ്ര​ഘോ​ഷകർ കഠിനാ​ധ്വാ​നം ചെയ്യവെ അവർ വ്യക്തി​പ​ര​മാ​യി യഹോ​വ​യോട്‌ അടുത്തു​വ​രു​ന്നു, എന്തെന്നാൽ അവന്റെ ആത്മാവി​നും അനു​ഗ്ര​ഹ​ത്തി​നു​മാ​യി അവനിൽ കൂടുതൽ ആശ്രയി​ക്കാൻ അവർ പഠിക്കു​ന്നു.

⁹ സഹായ, നിരന്തര, പ്രത്യേക പയനി​യർമാർ നമ്മുടെ ഇടയിൽ സജീവ​രാ​യു​ള്ളത്‌ സഭയിൽ ഉന്മേഷ​ത്തി​ന്റെ ഒരു ശുദ്ധമായ ആത്മാവ്‌ ഉളവാ​ക്കു​ന്നു. അവർ വയലിലെ തങ്ങളുടെ അനുഭ​വ​ങ്ങ​ളെ​ക്കു​റി​ച്ചു പറയു​മ്പോൾ അവരുടെ ഉത്സാഹം മറ്റുള്ള​വ​രി​ലേക്കു വ്യാപി​ക്കു​ന്നു. ശുശ്രൂ​ഷ​യി​ലെ സർവ​പ്ര​ധാന വേലയിൽ ഒരു വർധിച്ച പങ്കുണ്ടാ​യി​രി​ക്കാൻവേണ്ടി സ്വന്തം മുൻഗ​ണ​ന​ക​ളും സാധ്യ​ത​ക​ളും പുനഃ​പ​രി​ശോ​ധി​ക്കാൻ ഇതു മറ്റുള്ള​വരെ പ്രേരി​പ്പി​ക്കു​ന്നു. 70-ാം വയസ്സിൽ സ്‌നാ​പ​ന​മേറ്റ ഒരു സഹോ​ദരി ഉടൻതന്നെ തുടർച്ച​യായ അടിസ്ഥാ​ന​ത്തിൽ സഹായ പയനി​യ​റിങ്‌ ആരംഭി​ച്ചു. ഓരോ മാസവും സഹായ പയനി​യ​റാ​യി സേവി​ച്ചു​കൊണ്ട്‌, ആ പ്രായ​ത്തിൽ പോലും ശുശ്രൂ​ഷ​യിൽ കഠിനാ​ധ്വാ​നം ചെയ്യു​ന്ന​തെ​ന്തു​കൊ​ണ്ടാ​ണെന്ന്‌ ഏതാനും വർഷത്തി​നു​ശേഷം ചോദി​ച്ച​പ്പോൾ, ആദ്യത്തെ 70 വർഷങ്ങൾ പാഴാ​യി​പ്പോ​യ​തു​പോ​ലെ തനിക്കു തോന്നു​ന്നു​വെന്ന്‌ അവർ പറഞ്ഞു, ശേഷി​ക്കുന്ന വർഷങ്ങ​ളൊ​ന്നും പാഴാ​ക്കാൻ അവർ ആഗ്രഹി​ച്ചില്ല!

¹⁰ സഹായ പയനിയർ വേലയിൽ പങ്കെടു​ക്കുന്ന ഓരോ​രു​ത്ത​രും ശുശ്രൂ​ഷ​യിൽ മെച്ചപ്പെട്ട വൈദ​ഗ്‌ധ്യം വളർത്തി​യെ​ടു​ക്കു​ന്നു. ഒരു യുവ സാക്ഷി ഇങ്ങനെ സമ്മതിച്ചു പറഞ്ഞു: ‘കുട്ടി​യാ​യി​രു​ന്ന​പ്പോൾ, മാതാ​പി​താ​ക്കൾ പ്രസം​ഗ​പ്ര​വർത്ത​ന​ത്തി​നു പോകുന്ന സമയത്ത്‌ ഞാനും അവരോ​ടു​കൂ​ടെ പോകു​മാ​യി​രു​ന്നു. വയൽസേ​വനം യഥാർഥ​ത്തിൽ രസകര​മാ​യി​രു​ന്നു. എന്നാൽ, സ്‌കൂ​ളിൽ ഞാൻ മറ്റു കുട്ടി​ക​ളിൽനി​ന്നു വ്യത്യ​സ്‌ത​നാ​ണെന്ന്‌ എനിക്കു കാല​ക്ര​മേണ മനസ്സി​ലാ​യി. സഹപാ​ഠി​ക​ളോ​ടു സത്യ​ത്തെ​ക്കു​റി​ച്ചു സംസാ​രി​ക്കാൻ എനിക്കു വൈക്ല​ബ്യം തോന്നി. വീടു​തോ​റും പ്രസം​ഗി​ക്കു​മ്പോൾ, സ്‌കൂ​ളിൽവെച്ച്‌ ഞാൻ അറിയുന്ന ആരെ​യെ​ങ്കി​ലും കണ്ടുമു​ട്ടു​മോ​യെന്ന ചിന്ത എന്നെ അലട്ടി​ത്തു​ടങ്ങി. എന്റെ കാര്യ​ത്തിൽ പ്രശ്‌നം മാനുഷ ഭയമാ​യി​രു​ന്നു​വെന്നു ഞാൻ വിചാ​രി​ക്കു​ന്നു. [സദൃ. 29:25] സ്‌കൂൾ വിദ്യാ​ഭ്യാ​സം പൂർത്തി​യാ​യ​പ്പോൾ ഒരു താത്‌കാ​ലിക അടിസ്ഥാ​ന​ത്തിൽ പയനി​യ​റിങ്‌ പരീക്ഷി​ച്ചു​നോ​ക്കാൻ ഞാൻ തീരു​മാ​നി​ച്ചു. തത്‌ഫ​ല​മാ​യി പ്രസംഗം എനിക്കു മുമ്പെ​ന്ന​ത്തെ​ക്കാ​ളും ആകർഷ​ക​മാ​യി​ത്തീർന്നു. ഞാൻ അതിനെ മേലാൽ ഒരു തമാശ​യാ​യോ ഒരു കഠിന ഭാരമാ​യോ വീക്ഷി​ച്ചില്ല. എന്റെ ബൈബിൾ വിദ്യാർഥി​കൾ സത്യത്തിൽ പുരോ​ഗ​മി​ക്കു​ന്നതു കണ്ടപ്പോൾ, യഹോ​വ​യാം ദൈവം എന്റെ ശ്രമങ്ങളെ പിന്തു​ണ​യ്‌ക്കു​ന്ന​തി​ന്റെ തെളി​വിൽ ഞാൻ ആഴമായ സംതൃ​പ്‌തി ആസ്വദി​ച്ചു.’ ഈ ചെറു​പ്പ​ക്കാ​രൻ നിരന്ത​ര​പ​യ​നി​യർ സേവന​ത്തിൽ ഏർപ്പെട്ടു.

¹¹ ഒരു പ്രാ​യോ​ഗിക വീക്ഷണ​ത്തിൽ, സഭയിൽ അനേകർ സഹായ പയനി​യർമാ​രാ​യി സേവി​ക്കു​മ്പോൾ, പ്രദേശം പൂർണ​മാ​യി പ്രവർത്തി​ച്ചു​തീർക്കു​ന്ന​തിൽ കലാശി​ക്കു​ന്നു. പ്രദേ​ശങ്ങൾ നിയമി​ച്ചു​കൊ​ടു​ക്കുന്ന ഉത്തരവാ​ദി​ത്വ​മുള്ള സഹോ​ദ​രന്‌, അപൂർവ​മാ​യി പ്രവർത്തി​ച്ചി​ട്ടുള്ള ഭാഗങ്ങൾ തീർക്കാൻ സഹായ പയനി​യർമാ​രു​ടെ സഹായം അഭ്യർഥി​ക്കാ​വു​ന്ന​താണ്‌. ഉച്ചഭക്ഷണം കരുതി​ക്കൊണ്ട്‌ ഒരു ദിവസം മുഴു​വ​നും സേവന​ത്തിൽ ചെലവ​ഴി​ക്കു​ന്ന​തി​നാൽ പ്രദേ​ശ​ത്തി​ന്റെ വിദൂര കോണു​ക​ളിൽപോ​ലും പ്രവർത്തി​ക്കാൻ കഴിയും.

¹² മൂപ്പൻമാർ കാലേ​കൂ​ട്ടി തയ്യാ​റെ​ടു​പ്പു​കൾ നടത്തേ​ണ്ട​തുണ്ട്‌: സാധ്യ​മാ​കു​ന്നത്ര പ്രസാ​ധ​കർക്കു പങ്കെടു​ക്കാൻ കഴി​യേ​ണ്ട​തിന്‌, അടുത്ത മൂന്നു​മാ​സ​ങ്ങ​ളി​ലു​ട​നീ​ളം, വ്യത്യസ്‌ത തരത്തി​ലുള്ള സാക്ഷീ​കരണ പ്രവർത്ത​നങ്ങൾ, അപരാ​ഹ്ന​വും സായാ​ഹ്ന​വും ഉൾപ്പെടെ വാരത്തി​ലെ വ്യത്യസ്‌ത സമയങ്ങ​ളിൽ, പട്ടിക​പ്പെ​ടു​ത്താൻ ക്രമീ​ക​ര​ണങ്ങൾ ചെയ്യണം. വീടു​തോ​റു​മുള്ള പതിവായ പ്രവർത്ത​ന​ത്തി​നു പുറമേ, തെരു​വു​സാ​ക്ഷീ​ക​രണം, വ്യാപാ​ര​പ്ര​ദേ​ശത്തെ പ്രവർത്തനം, ആളില്ലാ-ഭവനങ്ങൾ സന്ദർശി​ക്കൽ എന്നിവ​യ്‌ക്കും സമയം ഉൾപ്പെ​ടു​ത്തണം. അപ്രകാ​രം ചെയ്‌തു​കൊണ്ട്‌, തങ്ങൾക്ക്‌ ഏറ്റവും പ്രാ​യോ​ഗി​ക​വും സൗകര്യ​പ്ര​ദ​വു​മായ ഒരു സമയത്തു സഭയോ​ടൊ​പ്പം സേവന​ത്തിൽ പങ്കെടു​ക്കാൻ പയനി​യർമാ​രെ മൂപ്പൻമാർ സഹായി​ക്കു​ന്നു. എല്ലാ വയൽസേവന ക്രമീ​ക​ര​ണ​ങ്ങ​ളും സഭയെ കൃത്യ​മാ​യി അറിയി​ക്കണം. സേവന​ത്തി​നാ​യുള്ള യോഗങ്ങൾ നന്നായി സംഘടി​പ്പി​ക്കണം. കൂടാതെ, വേണ്ടത്ര പ്രദേശം ലഭ്യമാ​യി​രി​ക്കണം. വേണ്ടു​വോ​ളം മാസി​ക​ക​ളും മറ്റു സാഹി​ത്യ​ങ്ങ​ളും താമസം​വി​നാ ഓർഡർ ചെയ്യു​ക​യും വേണം.

¹³ നിങ്ങളു​ടെ വ്യക്തിഗത സേവന പട്ടിക തയ്യാറാ​ക്കുക: സഹായ പയനി​യ​റി​ങ്ങി​നെ​ക്കു​റിച്ച്‌ തുടക്ക​ത്തിൽ ആശങ്കാ​കു​ല​നാ​യി​രുന്ന ഒരു സഹോ​ദരൻ എഴുതി: “ഇത്‌ യഥാർഥ​ത്തിൽ ഞാൻ വിചാ​രി​ച്ച​തി​നെ​ക്കാൾ വളരെ എളുപ്പ​മാണ്‌. ഒരു നല്ല പട്ടിക​മാ​ത്രമേ ആവശ്യ​മു​ള്ളൂ.” നിങ്ങൾക്കു പ്രാ​യോ​ഗി​ക​മാ​യി​രി​ക്കുന്ന ഒരു സാമ്പിൾ സഹായ പയനിയർ പട്ടിക ഈ അനുബ​ന്ധ​ത്തി​ന്റെ പിൻപേ​ജിൽ നിങ്ങൾ കാണു​ന്നു​വോ? ഓരോ വാരവും പതിനഞ്ചു മണിക്കൂർ ശുശ്രൂഷ മാത്ര​മാണ്‌ ഒരു സഹായ പയനി​യ​റിൽനി​ന്നു സമയത്തി​ന്റെ സംഗതി​യിൽ ആവശ്യ​മാ​യി​രി​ക്കു​ന്നത്‌.

¹⁴ സഹായ പയനി​യർമാ​രാ​യി സേവി​ക്കു​ന്ന​തിന്‌, ഗൃഹനാ​ഥ​കൾക്കും രണ്ടാമത്തെ ഷിഫ്‌റ്റിൽ ജോലി​ചെ​യ്യു​ന്ന​വർക്കും മിക്ക​പ്പോ​ഴും രാവിലെ സമയം വയൽസേ​വ​ന​ത്തി​നാ​യി പട്ടിക​പ്പെ​ടു​ത്താൻ കഴിയും. സ്‌കൂൾ കുട്ടി​കൾക്കും മൂന്നാ​മത്തെ ഷിഫ്‌റ്റിൽ ജോലി​ചെ​യ്യു​ന്ന​വർക്കും സാധാ​ര​ണ​മാ​യി അപരാഹ്ന സമയം പ്രസം​ഗ​വേ​ല​യ്‌ക്കാ​യി മാറ്റി​വെ​ക്കാൻ കഴിയും. സായാഹ്ന സാക്ഷീ​ക​രണം നടത്തു​ന്ന​തി​നു പുറമേ, വാരത്തിൽ ഒരു ദിവസം ജോലി​യിൽനിന്ന്‌ അവധി​യെ​ടു​ക്കു​ക​യോ മുഴു വാരാ​ന്ത്യ​ങ്ങ​ളും ശുശ്രൂ​ഷ​യ്‌ക്കാ​യി മാറ്റി​വെ​ക്കു​ക​യോ ചെയ്യു​ന്നതു സാധ്യ​മാ​ണെന്നു മുഴു​സമയ ലൗകിക ജോലി​ക്കാർ കണ്ടെത്തി​യി​രി​ക്കു​ന്നു. തങ്ങളുടെ വയൽസേ​വനം കൂടു​ത​ലാ​യും വാരാന്ത്യ പ്രവർത്ത​ന​ത്തിൽ പരിമി​ത​പ്പെ​ടു​ത്തി​യി​രി​ക്കു​ന്നവർ, അഞ്ച്‌ പൂർണ വാരാ​ന്ത്യ​ങ്ങ​ളുള്ള മാസങ്ങൾ തിര​ഞ്ഞെ​ടു​ക്കു​ന്നു. ഈ വർഷം, മാർച്ചി​ലും അതു​പോ​ലെ​തന്നെ ആഗസ്റ്റി​ലും നവംബ​റി​ലും അതു യാഥാർഥ്യ​മാണ്‌. ഒരു വഴികാ​ട്ടി​യെന്ന നിലയിൽ 6-ാം പേജിൽ കൊടു​ത്തി​രി​ക്കുന്ന ശൂന്യ​മായ പട്ടിക ഉപയോ​ഗി​ച്ചു​കൊണ്ട്‌, നിങ്ങളു​ടെ വ്യക്തി​പ​ര​മായ സാഹച​ര്യ​ത്തി​നു പ്രാ​യോ​ഗി​ക​മായ വ്യക്തിഗത സേവന പട്ടിക എന്തായി​രി​ക്കു​മെന്നു ശ്രദ്ധാ​പൂർവ​വും പ്രാർഥ​നാ​പൂർവ​വും പരിചി​ന്തി​ക്കുക.

¹⁵ സഹായ പയനി​യ​റിങ്‌ ക്രമീ​ക​ര​ണ​ത്തി​ന്റെ ഒരു നേട്ടം അതിന്റെ വഴക്കമാണ്‌. പയനി​യ​റിങ്‌ ചെയ്യാ​നുള്ള മാസങ്ങൾ നിങ്ങൾക്കു തിര​ഞ്ഞെ​ടു​ക്കാ​വു​ന്ന​താണ്‌, നിങ്ങളു​ടെ ആഗ്രഹ​മ​നു​സ​രിച്ച്‌ കൂടെ​ക്കൂ​ടെ നിങ്ങൾക്കു സേവി​ക്കാ​വു​ന്ന​തു​മാണ്‌. ഒരു തുടർച്ച​യായ അടിസ്ഥാ​ന​ത്തിൽ സഹായ പയനി​യ​റിങ്‌ ചെയ്യാൻ നിങ്ങൾ ആഗ്രഹി​ക്കു​ക​യും എന്നാൽ അതിനു കഴിയാ​തി​രി​ക്കു​ക​യു​മാ​ണെ​ങ്കിൽ, വർഷത്തി​ലു​ട​നീ​ളം ഒന്നിട​വി​ട്ടുള്ള മാസങ്ങ​ളിൽ പേർചാർത്തു​ന്ന​തി​നെ​ക്കു​റി​ച്ചു നിങ്ങൾ ആലോ​ചി​ച്ചി​ട്ടു​ണ്ടോ? അതേസ​മയം, ദീർഘ കാലഘ​ട്ട​ത്തേക്ക്‌ തുടർച്ച​യാ​യി സഹായ പയനി​യർമാ​രാ​യി സേവി​ക്കാൻ ചിലർക്കു കഴിയു​ന്നുണ്ട്‌.

¹⁶ മുഴു​സമയ പയനി​യ​റി​ങ്ങി​നു​വേ​ണ്ടി​യുള്ള ഒരുക്കം: പയനിയർ ആത്മാവുള്ള അനേകർ നിരന്ത​ര​പ​യ​നി​യർമാ​രാ​യി സേവി​ക്കാൻ ആഗ്രഹി​ക്കു​ന്നു. എന്നാൽ തങ്ങൾക്ക്‌ അതിനു സമയവും സാഹച​ര്യ​വും ഓജസ്സും ഉണ്ടോ​യെന്നു ചിന്തി​ക്കു​ന്നു. ഇപ്പോൾ നിരന്ത​ര​പ​യ​നി​യ​റിങ്‌ ചെയ്യുന്ന മിക്കവ​രും നിസ്സം​ശ​യ​മാ​യും ആദ്യം സഹായ പയനിയർ സേവനത്തെ മുഴു​സമയ വേലയ്‌ക്കുള്ള ഒരുക്ക​മെ​ന്ന​നി​ല​യിൽ ഉപയോ​ഗി​ച്ചു. ഒരുവന്റെ സഹായ പയനിയർ പട്ടിക​യിൽ ഓരോ ദിവസ​വും ഒരു മണിക്കൂർ അല്ലെങ്കിൽ ഓരോ വാരവും ഒരു മുഴു​ദി​വസം വർധി​പ്പി​ക്കു​ന്ന​തി​നാൽ നിരന്ത​പ​യ​നി​യർ പട്ടിക നിറ​വേ​റ്റാൻ കഴിയും. അതു നിങ്ങൾക്കു സാധി​ക്കു​മോ​യെന്നു കണ്ടെത്താൻ, സഹായ പയനി​യ​റിങ്‌ നടത്തുന്ന ഒന്നോ അതില​ധി​ക​മോ മാസങ്ങ​ളിൽ ശുശ്രൂ​ഷ​യിൽ 90 മണിക്കൂർ ചെലവ​ഴി​ക്കാൻ ശ്രമി​ക്ക​രു​തോ? അതേസ​മയം, നിങ്ങൾ മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും വികസി​പ്പി​ച്ചെ​ടു​ക്കും. വൈവി​ധ്യ​മാർന്ന​തും സന്തുലി​ത​വു​മായ പയനിയർ ശുശ്രൂഷ ആസ്വദി​ക്കാൻ അതു നിങ്ങളെ സഹായി​ക്കും.

¹⁷ ഒരു സഹോ​ദരി ആറു വർഷം തുടർച്ച​യാ​യി സഹായ പയനി​യ​റിങ്‌ ആസ്വദി​ച്ചു. ആ സമയ​മെ​ല്ലാം അവരുടെ ലക്ഷ്യം നിരന്ത​ര​പ​യ​നി​യർ സേവന​ത്തിൽ പ്രവേ​ശി​ക്കു​ക​യെ​ന്ന​താ​യി​രു​ന്നു. ആ ലക്ഷ്യത്തിൽ, നിരന്ത​ര​പ​യ​നി​യർമാർക്കുള്ള 90 മണിക്കൂർ വ്യവസ്ഥ​യിൽ എത്തി​ച്ചേ​രാൻ പറ്റിയ ഒരു സാഹച​ര്യം സൃഷ്ടി​ക്കാ​നാ​കു​മെന്നു പ്രത്യാ​ശിച്ച്‌ അവർ നാലു വ്യത്യസ്‌ത ലൗകിക ജോലി​കൾ പരീക്ഷി​ച്ചു​നോ​ക്കി. അതു സാധ്യ​മാ​ണോ​യെന്നു നിർണ​യി​ക്കാൻ ഓരോ മാസവും അവർ ഒന്നോ രണ്ടോ പട്ടികകൾ വീതം തയ്യാറാ​ക്കി. എന്നാൽ അവ പരി​ശോ​ധി​ച്ച​പ്പോൾ, മുഴു​സമയ ശുശ്രൂഷ തന്റെ എത്തുപാ​ടിന്‌ അതീത​മാ​ണെന്ന്‌ അവർക്കു തോന്നി. എന്നിട്ടും സഹായ​ത്തി​നാ​യി അവർ യഹോ​വ​യോ​ടു യാചി​ച്ചു​കൊ​ണ്ടി​രു​ന്നു. ഒരിക്കൽ, സേവന​യോ​ഗ​ത്തി​നാ​യി തയ്യാറാ​യി​ക്കൊ​ണ്ടി​രു​ന്ന​പ്പോൾ അവർ 1991 ഒക്‌ടോ​ബ​റി​ലെ നമ്മുടെ രാജ്യ ശുശ്രൂ​ഷ​യി​ലെ ഒരു ലേഖനം വായിച്ചു. അത്‌ ഇപ്രകാ​രം പ്രസ്‌താ​വി​ച്ചു: “മണിക്കൂർ വ്യവസ്ഥ​യ്‌ക്ക്‌ അനുചി​ത​മായ ഊന്നൽ കൊടു​ക്കാ​തെ കൂട്ടി​ച്ചേർക്കൽവേ​ല​യിൽ പങ്കെടു​ക്കു​ന്ന​തി​നുള്ള വർധിച്ച അവസര​ത്തിൽ ശ്രദ്ധ കേന്ദ്രീ​ക​രി​ക്ക​രു​തോ? (യോഹ. 4:35, 36)” അവർ പറയുന്നു: “ഞാൻ ആ വാചകം അഞ്ചോ ആറോ പ്രാവ​ശ്യം വായിച്ചു, അത്‌ യഹോ​വ​യിൽനി​ന്നുള്ള ഉത്തരമാ​യി​രു​ന്നു​വെന്ന്‌ എനിക്കു ശരിക്കും ഉറപ്പാ​യി​രു​ന്നു. നിരന്ത​ര​പ​യ​നി​യർ സേവന​ത്തിൽ പ്രവേ​ശി​ക്കാൻ ഞാൻ ആ നിമി​ഷം​തന്നെ തീരു​മാ​നി​ച്ചു.” അംശകാല ലൗകിക ജോലി​യു​ടെ പട്ടിക അത്ര മെച്ചമാ​യി​രു​ന്നി​ല്ലെ​ങ്കി​ലും, അവർ നിരന്ത​ര​പ​യ​നി​യ​റി​ങ്ങി​നുള്ള അപേക്ഷ സമർപ്പി​ച്ചു. ഒരാഴ്‌ച​യ്‌ക്കു​ശേഷം, പ്രസം​ഗ​പ്ര​വർത്ത​ന​ത്തിന്‌ അനു​യോ​ജ്യ​മാം​വി​ധം അവരുടെ പട്ടിക​യിൽ മാറ്റം വന്നു. അവർ ഉപസം​ഹ​രി​ച്ചു, “ഇത്‌ യഹോ​വ​യു​ടെ കയ്യല്ലേ?” അവൾ കൂട്ടി​ച്ചേർക്കു​ന്നു: “മാർഗ​നിർദേ​ശ​ത്തി​നാ​യി നിങ്ങൾ യഹോ​വ​യോ​ടു യാചി​ക്കു​മ്പോൾ നിങ്ങൾക്കതു ലഭിക്കു​ന്നു. അതിൽനിന്ന്‌ ഓടി​യൊ​ളി​ക്ക​രുത്‌, അതു സ്വീക​രി​ക്കുക.” നിരന്ത​ര​പ​യ​നി​യ​റിങ്‌ നടത്തുക എന്നതു നിങ്ങളു​ടെ ഉത്‌ക​ട​മായ ആഗ്രഹ​മാ​ണെ​ങ്കിൽ, ഈ മാർച്ച്‌, ഏപ്രിൽ, മേയ്‌ മാസങ്ങ​ളിൽ സഹായ പയനി​യ​റിങ്‌ ചെയ്‌തു​ക​ഴി​യു​മ്പോൾ, മുഴു​സമയ ശുശ്രൂ​ഷ​യിൽ നിങ്ങൾക്കും വിജയി​ക്കാ​നാ​കു​മെന്നു നിങ്ങൾക്കു ബോധ്യ​പ്പെ​ട്ടി​രി​ക്കും.

¹⁸ വസന്തകാ​ലത്തെ ഈ പ്രത്യേക പ്രവർത്ത​ന​ത്തി​ന്റെ സമയത്ത്‌ യഹോ​വ​യു​ടെ ജനം രക്ഷയുടെ സുവാർത്ത പ്രസി​ദ്ധ​പ്പെ​ടു​ത്തു​മ്പോൾ, അവൻ അവരുടെ ഉത്സാഹത്തെ അനു​ഗ്ര​ഹി​ക്കു​ക​യും ശ്രമങ്ങളെ പിന്താ​ങ്ങു​ക​യും ചെയ്യു​മെന്നു നമുക്ക്‌ ഉറപ്പുണ്ട്‌. (യെശ. 52:7; റോമ. 10:15) ഏപ്രി​ലിൽ സഹായ പയനി​യ​റിങ്‌ ചെയ്‌തു​കൊണ്ട്‌ 4,000 സഹായ പയനി​യർമാർക്കാ​യുള്ള അഭ്യർഥ​ന​യ്‌ക്കു നിങ്ങൾ ഉത്തരം നൽകു​മോ? ഒരുപക്ഷേ മാർച്ചി​ലും മേയി​ലും കൂടെ അതു ചെയ്‌തു​കൊണ്ട്‌?

[3-ാം പേജിലെ ചതുരം]

ഒരു സഹായ പയനിയർ എന്നനി​ല​യിൽ വിജയി​ക്കാ​വുന്ന വിധം

■ വിജയ​സാ​ധ്യ​തകൾ സംബന്ധി​ച്ചു ക്രിയാ​ത്മക മനോ​ഭാ​വം ഉണ്ടായി​രി​ക്കു​ക

■ നിങ്ങളു​ടെ ശ്രമങ്ങളെ അനു​ഗ്ര​ഹി​ക്കാൻ യഹോ​വ​യോ​ടു പ്രാർഥി​ക്കു​ക

■ നിങ്ങ​ളോ​ടൊ​പ്പം പയനി​യ​റിങ്‌ ചെയ്യാൻ മറ്റൊരു പ്രസാ​ധ​കനെ ക്ഷണിക്കുക

■ പ്രാ​യോ​ഗി​ക​മായ ഒരു സേവന പട്ടിക തയ്യാറാ​ക്കു​ക

■ വേണ്ടു​വോ​ളം മാസി​കകൾ ഓർഡർ ചെയ്യുക

■ സേവന​ത്തി​നു​വേ​ണ്ടി​യുള്ള സഭയുടെ ക്രമീ​ക​ര​ണ​ങ്ങളെ പിന്താ​ങ്ങു​ക

■ അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള അവസരങ്ങൾ തേടുക