ആളുക​ളു​ടെ പ്രത്യേക താത്‌പ​ര്യ​ത്തിന്‌ ഇണങ്ങുന്ന ലേഖനങ്ങൾ തിര​ഞ്ഞെ​ടു​ക്കു​ക

¹ തങ്ങളുടെ അസ്‌ത്രങ്ങൾ സൂക്ഷ്‌മ​മാ​യി ഉന്നം​വെ​ക്കുന്ന വില്ലാ​ളി​ക​ളെ​പ്പോ​ലെ, പല സഭാ പ്രസാ​ധ​ക​രും പയനി​യർമാ​രും തങ്ങളുടെ പ്രദേ​ശത്തെ ആളുക​ളു​ടെ പ്രത്യേക താത്‌പ​ര്യ​ത്തിന്‌ ഇണങ്ങും വിധം വീക്ഷാ​ഗോ​പു​ര​ത്തിൽ നിന്നും ഉണരുക!യിൽ നിന്നു​മുള്ള തിര​ഞ്ഞെ​ടുത്ത ലേഖനങ്ങൾ ഉപയോ​ഗി​ക്കു​ന്ന​തിൽ വിജയം കണ്ടെത്തു​ന്നു. ചില പ്രത്യേക ലേഖനങ്ങൾ ആരി​ലൊ​ക്കെ താത്‌പ​ര്യം ഉണർത്തി​യേ​ക്കാ​മെന്ന്‌ അവർ മുൻകൂ​ട്ടി കണ്ടുപി​ടി​ക്കു​ക​യും പ്രസ്‌തുത ലേഖനങ്ങൾ ഉപയോ​ഗി​ച്ചു​കൊണ്ട്‌ അത്തരം പ്രത്യേക വ്യക്തി​കളെ നമ്മുടെ മാസി​ക​ക​ളു​ടെ വരിക്കാ​രാ​കാൻ പ്രോ​ത്സാ​ഹി​പ്പി​ക്കു​ക​യും ചെയ്യുന്നു. അവർ ഇതു ചെയ്യു​ന്നത്‌ എങ്ങനെ​യാണ്‌?

² ആദ്യം അവർ മാസി​ക​യു​ടെ ഓരോ ലക്കവും പുറ​ത്തോ​ടു​പു​റം വായി​ക്കു​ന്നു. എന്നിട്ട്‌, ഏതു തരം ആളുക​ളെ​യാണ്‌ ഇതിലെ ഓരോ ലേഖന​വും ആകർഷി​ക്കുക എന്നു സ്വയം ചോദി​ക്കു​ന്നു. അതിനു​ശേഷം ആ ലേഖനം വായി​ക്കാൻ താത്‌പ​ര്യം കാട്ടി​യേ​ക്കാ​വുന്ന വ്യക്തി​കളെ സന്ദർശി​ക്കാൻ ശ്രമം നടത്തുന്നു. അവരിൽ താത്‌പ​ര്യം ഉണർത്തു​ന്ന​തി​നാ​യി പ്രസ്‌തുത ലേഖനം കാണി​ച്ച​ശേഷം വരിസം​ഖ്യ വാഗ്‌ദാ​നം ചെയ്യുന്നു. ഒരു പ്രത്യേക ലക്കം തങ്ങളുടെ പ്രദേ​ശത്തെ വളരെ​യേറെ ആളുകളെ ആകർഷി​ച്ചേ​ക്കാ​മെന്ന്‌ തോന്നു​ന്നെ​ങ്കിൽ അവർ കൂടുതൽ എണ്ണത്തിന്‌ ഓർഡർ ചെയ്യുന്നു.

³ നമ്മുടെ മാസി​കകൾ വളരെ വിലമ​തി​ക്ക​പ്പെ​ടു​ന്നു: നൈജീ​രി​യ​യി​ലെ ഏറ്റവും അധികം വായന​ക്കാ​രുള്ള ഒരു അന്താരാഷ്‌ട്ര മാസി​ക​യു​ടെ പിന്നണി പ്രവർത്ത​ക​നും നമ്മുടെ വരിക്കാ​രിൽ ഒരുവ​നു​മായ ഒരു വ്യക്തി ഉണരുക!യെപ്പറ്റി ഇപ്രകാ​രം പറഞ്ഞു: “ലോക​ത്തി​ന്റെ പൊതു താത്‌പ​ര്യ​ത്തെ ലക്ഷ്യം വെച്ചു​കൊ​ണ്ടു പ്രവർത്തി​ക്കുന്ന ഏറ്റവും മികച്ച മാസി​കയ്‌ക്ക്‌ അഭിന​ന്ദ​നങ്ങൾ.” നമ്മുടെ മാസി​ക​ക​ളു​ടെ ഉത്സുക​നായ മറ്റൊരു വായന​ക്കാ​രൻ ഇങ്ങനെ അഭി​പ്രാ​യ​പ്പെട്ടു: “വിലതീ​രാത്ത ജ്ഞാനത്തി​ന്റെ എത്രയോ അത്ഭുത​ക​ര​മായ രത്‌നങ്ങൾ! എനിക്കു താത്‌പ​ര്യ​ജ​ന​ക​മായ ഒരു കാര്യ​മെ​ങ്കി​ലും ഈ [പത്രി​ക​ക​ളു​ടെ] പേജു​ക​ളിൽ എവി​ടെ​യെ​ങ്കി​ലും ചർച്ച​ചെ​യ്യ​പ്പെ​ടാ​തെ പോയി​ട്ടില്ല.”

⁴ ഈ മാസി​കകൾ നാനാ​തരം വിഷയങ്ങൾ കൈകാ​ര്യം ചെയ്യുന്നു. ബൈബിൾ, ലോക​സം​ഭ​വങ്ങൾ, കുടും​ബ​പ​ര​മായ കാര്യങ്ങൾ, സാമൂ​ഹിക പ്രശ്‌നങ്ങൾ, ചരിത്രം, ശാസ്‌ത്രം, സസ്യ-ജന്തു ജീവൻ തുടങ്ങി​യവ അവയിൽ ചിലതാണ്‌. ഒരു വ്യക്തി തന്റെ ആവശ്യ​ങ്ങ​ളോ​ടും ചുറ്റു​പാ​ടു​ക​ളോ​ടും തൊഴി​ലി​നോ​ടും ബന്ധപ്പെട്ട കാര്യങ്ങൾ വായി​ക്കാൻ തീർച്ച​യാ​യും ചായ്‌വു​ള്ള​വ​നാണ്‌. തങ്ങളു​ടേ​തായ പ്രത്യേക ഇഷ്ടാനി​ഷ്ട​ങ്ങ​ളും പ്രശ്‌ന​ങ്ങ​ളു​മുള്ള നിരവധി ആളുക​ളോട്‌ നാം സംസാ​രി​ക്കു​ന്ന​തി​നാൽ, കണ്ടുമു​ട്ടുന്ന ആളുകളെ ആകർഷി​ക്കത്തക്ക വിധത്തി​ലുള്ള ലേഖനങ്ങൾ തിര​ഞ്ഞെ​ടു​ക്കു​ന്നത്‌ വളരെ ഫലപ്ര​ദ​മാണ്‌.

⁵ രണ്ടു സാക്ഷികൾ ഒരു പത്രത്തി​ന്റെ പംക്തി​യെ​ഴു​ത്തു​കാ​രനെ 1996 സെപ്‌റ്റം​ബർ 8 ലക്കം ഉണരുക! കാണി​ച്ച​പ്പോൾ എന്തു സംഭവി​ച്ചു​വെന്നു ശ്രദ്ധി​ക്കുക. അദ്ദേഹം എഴുതി: “താത്‌പ​ര്യ​മി​ല്ലെന്നു പറയാൻ ഒരു അവസരം കിട്ടു​ന്ന​തി​നു മുമ്പേ അവരി​ലൊ​രാൾ കൂട്ടി​ച്ചേർത്തു: ‘അമേരി​ക്കൻ ഇന്ത്യക്കാ​രെ​ക്കു​റി​ച്ചുള്ള ഒരു ലേഖനം ഇതിലുണ്ട്‌. ആ വിഷയ​ത്തെ​ക്കു​റിച്ച്‌ താങ്കൾ വളരെ​യ​ധി​കം എഴുതി​യി​ട്ടു​ണ്ടെന്നു ഞങ്ങൾക്ക​റി​യാം.’” അദ്ദേഹം ആ മാസിക സ്വീക​രി​ക്കു​ക​യും പ്രഭാ​ത​ഭക്ഷണ സമയത്ത്‌ അമേരി​ക്കൻ ഇന്ത്യക്കാ​രെ​ക്കു​റി​ച്ചുള്ള ലേഖനങ്ങൾ വായി​ക്കു​ക​യും ചെയ്‌തു. പിന്നീട്‌, ‘അത്‌ അതിവി​ശി​ഷ്ട​മാ​യി​രു​ന്നു’വെന്നും “ഉള്ളടക്ക​ത്തോട്‌ അങ്ങേയറ്റം സത്യസന്ധത പുലർത്തി”യെന്നും അദ്ദേഹം സമ്മതിച്ചു പറഞ്ഞു.

⁶ നിങ്ങളു​ടെ പ്രദേ​ശത്തെ ആളുക​ളു​ടെ താത്‌പ​ര്യം ഉണർത്തുന്ന വിഷയങ്ങൾ ഏവ? നിങ്ങളു​ടെ പ്രദേ​ശത്തെ കടക്കാ​രു​ടെ​യും ഇതര തൊഴി​ലു​ക​ളിൽ ഏർപ്പെ​ട്ടി​രി​ക്കു​ന്ന​വ​രു​ടെ​യും നിങ്ങളു​ടെ അയൽക്കാർ, സഹജോ​ലി​ക്കാർ, സഹപാ​ഠി​കൾ തുടങ്ങി​യ​വ​രു​ടെ​യും താത്‌പ​ര്യം ഉണർത്തി​യേ​ക്കാ​വുന്ന എന്തൊക്കെ വിവരങ്ങൾ നിങ്ങൾ സമീപ മാസങ്ങ​ളി​ലെ ലക്കങ്ങളിൽ നിരീ​ക്ഷി​ച്ചു? അഭിഭാ​ഷകർ, അധ്യാ​പകർ, പ്രൊ​ഫ​സർമാർ, പ്രിൻസി​പ്പൽമാർ, കുടുംബ-സ്‌കൂൾ ഉപദേ​ഷ്ടാ​ക്കൾ, യുവജന ഉപദേ​ഷ്ടാ​ക്കൾ, സാമൂ​ഹിക പ്രവർത്തകർ, ഡോക്ടർമാർ, നേഴ്‌സു​മാർ തുടങ്ങി​യ​വർക്കു പ്രത്യേ​കി​ച്ചു താത്‌പ​ര്യം തോന്നി​യേ​ക്കാ​വുന്ന വിഷയങ്ങൾ ഏവയാണ്‌? ഓരോ ലക്കവും വിശക​ലനം ചെയ്യവേ നിങ്ങളു​ടെ പ്രസംഗം കേൾക്കു​ന്ന​വരെ മനസ്സിൽപ്പി​ടി​ക്കു​ന്നത്‌ സത്യത്തി​ന്റെ വചനം മികച്ച രീതി​യിൽ പ്രചരി​പ്പി​ക്കു​ന്ന​തി​നുള്ള മാർഗങ്ങൾ പ്രദാനം ചെയ്യും.

⁷ ഒരു വ്യക്തി വീക്ഷാ​ഗോ​പു​ര​ത്തി​ലെ​യോ ഉണരുക!യിലെ​യോ ഒരു ലേഖന​ത്തിൽ പ്രത്യേക താത്‌പ​ര്യം പ്രകടി​പ്പി​ക്കു​ക​യും മാസിക സ്വീക​രി​ക്കു​ക​യും ചെയ്യു​ന്നെ​ങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “നിങ്ങൾക്കു താത്‌പ​ര്യം തോന്നി​യേ​ക്കും എന്ന്‌ ഞാൻ കരുതുന്ന ഒരു ലേഖനം ഭാവി ലക്കങ്ങളിൽ വരുന്ന​പക്ഷം അതിന്റെ ഒരു പ്രതി കൊണ്ടു​വന്നു തരാൻ എനിക്കു സന്തോ​ഷ​മുണ്ട്‌.” ആ വ്യക്തിയെ നിങ്ങളു​ടെ മാസി​കാ​റൂ​ട്ടു​ക​ളിൽ ഉൾപ്പെ​ടു​ത്തു​ക​യും പുതിയ ലക്കം മാസി​കകൾ കിട്ടി​യാ​ലു​ടൻ അവയു​മാ​യി അവരെ സന്ദർശി​ക്കു​ക​യും ചെയ്യാ​വു​ന്ന​താണ്‌. ഇത്‌ നമ്മുടെ മാസി​ക​ക​ളി​ലെ ഏതെങ്കി​ലും പ്രത്യേക വിഷയ​ത്തിൽ താത്‌പ​ര്യം ഉണ്ടായി​രി​ക്കാൻ ഇടയുള്ള വ്യക്തി​കൾക്ക്‌ മടക്ക സന്ദർശനം നടത്താ​നുള്ള ഒരു തുറന്ന ക്ഷണം നേടു​ന്ന​തി​നു തുല്യ​മാണ്‌.

⁸ ഒരു ആത്മീയ ലക്ഷ്യമു​ണ്ടാ​യി​രി​ക്കുക: ഏതാനും വർഷം മുമ്പ്‌ തൊഴി​ലി​നു വളരെ പ്രാധാ​ന്യം കൊടു​ത്തി​രുന്ന ഒരു വ്യക്തി, തനിക്കു താത്‌പ​ര്യം തോന്നിയ ഒരു പ്രത്യേക വിഷയം പ്രതി​പാ​ദിച്ച ഒരു ഉണരുക! വാങ്ങി. എങ്കിലും മതഭക്ത​നായ ആ മനുഷ്യൻ അതോ​ടൊ​പ്പം ലഭിച്ച വീക്ഷാ​ഗോ​പു​രം മാസി​ക​യും വായിച്ചു. താൻ അന്നോളം വിശ്വ​സി​ച്ചി​രുന്ന ത്രിത്വ​ത്തെ​ക്കു​റിച്ച്‌ ഒരു സൂക്ഷ്‌മ വിചി​ന്തനം നടത്താൻ അദ്ദേഹത്തെ പ്രേരി​പ്പിച്ച ഒരു ലേഖനം ആ മാസി​ക​യിൽ ഉണ്ടായി​രു​ന്നു. ആറു മാസത്തി​നു​ശേഷം അദ്ദേഹം സ്‌നാ​പ​ന​മേറ്റു! അതു​കൊണ്ട്‌, നമ്മുടെ മാസി​ക​ക​ളു​ടെ വായന​ക്കാ​രെ ആത്മീയ ചർച്ചക​ളിൽ ഉൾപ്പെ​ടു​ത്താൻ മടിക്ക​രുത്‌. നിങ്ങൾക്ക്‌, ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക പരിച​യ​പ്പെ​ടു​ത്തു​ക​യും പുതിയ ലക്കം മാസി​കകൾ കൊടു​ക്കാൻ ചെല്ലു​മ്പോ​ഴൊ​ക്കെ ഏതാനും മിനിറ്റു മാത്ര​മെ​ടുത്ത്‌ അതിലെ ഓരോ പാഠം വീതം ചർച്ച ചെയ്യാ​മെന്നു പറയു​ക​യും ചെയ്യാ​വു​ന്ന​താണ്‌.

⁹ നിങ്ങൾ മടക്കസ​ന്ദർശനം നടത്തു​ക​യോ ബിസി​നസ്‌ ആവശ്യ​ങ്ങൾക്കാ​യി കണ്ടുമു​ട്ടു​ക​യോ ചെയ്യു​ന്ന​വ​രിൽ ആരൊക്കെ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും വരിസം​ഖ്യ ലഭിക്കു​ന്നതു വിലമ​തി​ച്ചേ​ക്കും എന്നു ശ്രദ്ധാ​പൂർവം പരിചി​ന്തി​ക്കുക. അതിനു​ശേഷം അവരുടെ അടുക്കൽ എത്തി​ച്ചേ​രാൻ ഒരു ആത്മാർഥ ശ്രമം നടത്തുക. ഈ വില​യേ​റിയ പത്രി​ക​ക​ളു​മാ​യി സാധി​ക്കു​ന്നത്ര ആളുകളെ സമീപി​ക്കുക. അവർ താത്‌പ​ര്യം കാണി​ക്കു​ക​യും എന്നാൽ വരിസം​ഖ്യ സ്വീക​രി​ക്കാ​തി​രി​ക്കു​ക​യും ചെയ്യു​ന്ന​പക്ഷം, ഓരോ പുതിയ ലക്കത്തിൽനി​ന്നും അവരുടെ പ്രത്യേക താത്‌പ​ര്യ​ത്തിന്‌ അനു​യോ​ജ്യ​മെന്നു തോന്നുന്ന ഒരു ലേഖനം ചൂണ്ടി​ക്കാ​ണി​ച്ചു​കൊണ്ട്‌ അവ ക്രമമാ​യി അവർക്ക്‌ എത്തിച്ചു​കൊ​ടു​ക്കുക. കൂടുതൽ ആളുകളെ നമ്മുടെ മാസി​കകൾ വായി​ക്കാൻ സഹായി​ക്കവേ നിങ്ങൾ നിങ്ങളു​ടെ “അപ്പത്തെ വെള്ളത്തി​ന്മേൽ എറിക”യാണെന്ന്‌ ഒരിക്ക​ലും മറക്കരുത്‌. ഒരുപക്ഷേ, കാല​ക്ര​മേണ ഭാവി ശിഷ്യരെ കണ്ടെത്തു​ന്ന​തിൽ നിങ്ങൾ വിജയം വരി​ച്ചേ​ക്കാം.—സഭാ. 11:1, 6.