പയനി​യർമാർ മറ്റുള്ള​വരെ സഹായി​ക്കു​ന്നു

¹ “കൊയ്‌ത്തു വളരെ ഉണ്ടു സത്യം; വേലക്കാ​രോ ചുരുക്കം; ആകയാൽ കൊയ്‌ത്തി​ന്റെ യജമാ​ന​നോ​ടു തന്റെ കൊയ്‌ത്തി​ന്നു വേലക്കാ​രെ അയക്കേ​ണ്ട​തി​ന്നു അപേക്ഷി​പ്പിൻ” എന്ന്‌ യേശു പറഞ്ഞു. ഒന്നാം നൂറ്റാ​ണ്ടിൽ കൊയ്‌ത്തു​കാർ ചുരു​ക്ക​മാ​യി​രു​ന്നു. മാത്ര​വു​മല്ല അവർക്കു പ്രവർത്തി​ക്കാ​നാ​യി ധാരാളം പ്രദേ​ശ​വു​മു​ണ്ടാ​യി​രു​ന്നു. അതു​കൊണ്ട്‌ ഓരോ ആളെ വീതം അയച്ച്‌, സാധ്യ​മാ​കു​ന്നത്ര ആളുക​ളു​ടെ അടുക്കൽ സുവാർത്ത എത്തിക്കാൻ യേശു​വി​നു ക്രമീ​ക​രണം ചെയ്യാ​മാ​യി​രു​ന്നു. എന്നാൽ അവൻ അവരെ “ഈരണ്ടാ​യി അയച്ചു.” (ലൂക്കൊ. 10:1, 2) എന്തു​കൊ​ണ്ടാണ്‌ അവൻ അവരെ ഈരണ്ടാ​യി അയച്ചത്‌?

² ആ ശിഷ്യ​ന്മാർ പുതി​യ​വ​രും അനുഭ​വ​പ​രി​ചയം കുറഞ്ഞ​വ​രും ആയിരു​ന്നു. ഒന്നിച്ചു പ്രവർത്തി​ക്കു​ന്ന​തി​നാൽ അവർക്ക്‌ മറ്റേ ആളിൽനി​ന്നു പഠിക്കു​ന്ന​തി​നും അന്യോ​ന്യം പ്രോ​ത്സാ​ഹി​പ്പി​ക്കു​ന്ന​തി​നും കഴിയു​മാ​യി​രു​ന്നു. ശലോ​മോ​ന്റെ വാക്കു​ക​ളിൽ പറഞ്ഞാൽ, “ഒരുവ​നെ​ക്കാൾ ഇരുവർ ഏറെ നല്ലതു.” (സഭാ. 4:9, 10) പൊ.യു. 33-ലെ പെന്ത​ക്കോസ്‌തിൽ പരിശു​ദ്ധാ​ത്മാവ്‌ പകര​പ്പെ​ട്ട​തി​നു ശേഷവും പൗലൊ​സും ബർന്നബാ​സും മറ്റും ശുശ്രൂ​ഷ​യിൽ സഹവി​ശ്വാ​സി​ക​ളോ​ടൊ​പ്പം പോയി. (പ്രവൃ. 15:34) പ്രാപ്‌ത​രായ അത്തരം ആളുക​ളിൽനി​ന്നു വ്യക്തി​പ​ര​മാ​യി പരിശീ​ലനം ലഭിക്കു​ക​യെ​ന്നത്‌ എന്തൊരു അനുഭ​വ​മാ​യി​രു​ന്നി​രി​ക്കണം!

³ ഒരു ഉത്തമ പരിശീ​ലന പരിപാ​ടി: ഒന്നാം നൂറ്റാ​ണ്ടി​ലെ സഭയെ​പ്പോ​ലെ, ആധുനിക ക്രിസ്‌തീയ സഭയും പ്രസംഗ പ്രവർത്തനം നടത്തുന്ന ഒരു സംഘട​ന​യാണ്‌. അതു നമുക്കു പരിശീ​ല​ന​വും പ്രദാനം ചെയ്യു​ന്നുണ്ട്‌. സാധ്യ​മാ​കു​ന്നത്ര ഫലകര​മാ​യി സുവാർത്ത അവതരി​പ്പി​ക്കുക എന്നതാ​യി​രി​ക്കണം വ്യക്തി​ക​ളെ​ന്ന​നി​ല​യിൽ നമ്മുടെ ആത്മാർഥ​മായ ആഗ്രഹം. കൂടുതൽ പ്രസാ​ധ​കർക്ക്‌ തങ്ങളുടെ ഫലപ്ര​ദ​ത്വം വർധി​പ്പി​ക്കാൻ സാധി​ക്ക​ത്ത​ക്ക​വണ്ണം സഹായം ലഭ്യമാണ്‌.

⁴ അടുത്ത കാലത്തു നടത്തപ്പെട്ട രാജ്യ​ശു​ശ്രൂ​ഷാ സ്‌കൂ​ളിൽവെച്ച്‌, വയൽ ശുശ്രൂ​ഷ​യിൽ പയനി​യർമാർ മറ്റുള്ള​വരെ സഹായി​ക്കുന്ന ഒരു പരിപാ​ടി സംബന്ധിച്ച്‌ സൊ​സൈറ്റി അറിയി​ക്കു​ക​യു​ണ്ടാ​യി. ഈ പരിപാ​ടി​യു​ടെ ആവശ്യം ഉണ്ടോ? തീർച്ച​യാ​യും ഉണ്ട്‌. കഴിഞ്ഞ മൂന്നു വർഷം​കൊണ്ട്‌ ഒരു ദശലക്ഷ​ത്തി​ല​ധി​കം പ്രസാ​ധകർ സ്‌നാ​പ​ന​മേൽക്കു​ക​യു​ണ്ടാ​യി. പ്രസം​ഗ​വേ​ല​യിൽ കൂടുതൽ ഫലപ്ര​ദ​രാ​കു​ന്ന​തിന്‌ അവരിൽ പലർക്കും പരിശീ​ലനം ആവശ്യ​മാണ്‌. അതിനാ​യി ആരെയാണ്‌ ഉപയോ​ഗി​ക്കാ​വു​ന്നത്‌?

⁵ മുഴു​സമയ പയനി​യർമാർക്ക്‌ സഹായി​ക്കാ​വു​ന്ന​താണ്‌. യഹോ​വ​യു​ടെ സംഘടന അവർക്കു ധാരാളം ബുദ്ധ്യു​പ​ദേ​ശ​വും പരിശീ​ല​ന​വും നൽകു​ന്നുണ്ട്‌. ദ്വിവാര പയനിയർ സേവന സ്‌കൂ​ളി​ലൂ​ടെ, തങ്ങളുടെ ആവശ്യ​ങ്ങൾക്ക്‌ ഇണങ്ങും വിധമുള്ള നിർദേ​ശങ്ങൾ അവർക്കു ലഭിക്കു​ന്നു. സർക്കിട്ട്‌, ഡിസ്‌ട്രിക്‌റ്റ്‌ മേൽവി​ചാ​ര​ക​ന്മാ​രു​മൊ​ത്തുള്ള യോഗ​ങ്ങ​ളിൽനി​ന്നും മൂപ്പന്മാ​രു​ടെ മാർഗ​നിർദേ​ശ​ങ്ങ​ളിൽനി​ന്നും അവർക്കു പ്രയോ​ജനം ലഭിക്കു​ന്നു. എല്ലാ പയനി​യർമാ​രും പൗലൊ​സി​നെ​യും ബർന്നബാ​സി​നെ​യും പോലെ അനുഭവ സമ്പന്നര​ല്ലെ​ങ്കി​ലും, അവർക്കു വില​യേ​റിയ പരിശീ​ലനം ലഭിച്ചി​ട്ടുണ്ട്‌. അതു പങ്കു വെക്കാൻ അവർക്കു സന്തോ​ഷ​മേ​യു​ള്ളൂ.

⁶ ആരൊക്കെ പ്രയോ​ജനം നേടും? ഈ പരിപാ​ടി​യിൽ പങ്കുപ​റ്റാ​നുള്ള പദവി പുതിയ പ്രസാ​ധ​കർക്കും പുതു​താ​യി സ്‌നാ​പ​ന​മേ​റ്റ​വർക്കും മാത്ര​മേ​യു​ള്ളോ? ഒരിക്ക​ലു​മല്ല! സത്യം മനസ്സി​ലാ​ക്കി​യിട്ട്‌ അനേക വർഷങ്ങ​ളായ യുവാ​ക്ക​ളും പ്രായ​മാ​യ​വ​രും സഭയി​ലുണ്ട്‌. എന്നാൽ ശുശ്രൂ​ഷ​യു​ടെ ചില പ്രത്യേക വശങ്ങളിൽ ലഭിക്കുന്ന സഹായത്തെ അവർ വിലമ​തി​ക്കും. ധാരാളം സാഹി​ത്യ​ങ്ങൾ സമർപ്പി​ക്കു​ന്ന​തിൽ ചിലർ വളരെ ഫലപ്ര​ദ​രാ​ണെ​ങ്കി​ലും മടക്ക സന്ദർശ​നങ്ങൾ നടത്തു​ന്ന​തി​നും ബൈബിൾ അധ്യയനം ആരംഭി​ക്കു​ന്ന​തി​നും അവർക്കു ബുദ്ധി​മു​ട്ടുണ്ട്‌. മറ്റു ചിലർക്കാ​കട്ടെ, എളുപ്പ​ത്തിൽ ബൈബിൾ അധ്യയനം ആരംഭി​ക്കാൻ സാധി​ക്കു​ന്നു​ണ്ടെ​ങ്കി​ലും അവരുടെ വിദ്യാർഥി​കൾ പുരോ​ഗ​മി​ക്കു​ന്നില്ല. പുരോ​ഗതി പ്രാപി​ക്കു​ന്ന​തിൽനിന്ന്‌ അവരെ തടയു​ന്നത്‌ എന്താണ്‌? ഇത്തരം സാഹച​ര്യ​ങ്ങ​ളിൽ സഹായം പ്രദാനം ചെയ്യാൻ പരിച​യ​സ​മ്പ​ന്ന​രായ പയനി​യർമാ​രോട്‌ അഭ്യർഥി​ക്കാ​വു​ന്ന​താണ്‌. താത്‌പ​ര്യം വളർത്തി​യെ​ടു​ക്കു​ന്ന​തി​ലും ബൈബിൾ അധ്യയനം ആരംഭി​ക്കു​ന്ന​തി​ലും പുതിയ വിദ്യാർഥി​കളെ സംഘട​ന​യി​ലേക്കു നയിക്കു​ന്ന​തി​ലും ചില പയനി​യർമാർ സമർഥ​രാണ്‌. അവരുടെ അനുഭവ സമ്പത്ത്‌ ഈ പുതിയ പരിപാ​ടിക്ക്‌ ഒരു മുതൽക്കൂ​ട്ടാ​യി​രി​ക്കും.

⁷ സഭയുടെ ക്രമമായ വയൽ സേവന ക്രമീ​ക​ര​ണ​ത്തിൽ നിങ്ങൾക്ക്‌ ആഗ്രഹി​ക്കു​ന്നത്ര പങ്കുപ​റ്റാൻ സാധി​ക്കാ​തെ വരുന്നു​ണ്ടോ? മറ്റു പ്രസാ​ധ​കർക്കു വരാൻ സാധി​ക്കാ​ത്ത​പ്പോൾ, ഇടയ്‌ക്കി​ടെ നിങ്ങ​ളോ​ടൊ​പ്പം പ്രവർത്തി​ക്കാൻ ഒരു പയനി​യർക്കു സാധി​ച്ചേ​ക്കും.

⁸ നല്ല സഹകരണം ആവശ്യം: പയനി​യർമാർ മറ്റുള്ള​വരെ സഹായി​ക്കു​ന്നു എന്ന പരിപാ​ടി​യിൽ നിന്നു വ്യക്തി​പ​ര​മായ സഹായം നേടാൻ ആഗ്രഹി​ക്കുന്ന പ്രസാ​ധ​കർക്കു വേണ്ട ക്രമീ​ക​ര​ണങ്ങൾ മൂപ്പന്മാർ വർഷത്തിൽ രണ്ടു പ്രാവ​ശ്യം ചെയ്യും. അത്തരം സഹായം സ്വീക​രി​ക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ നിങ്ങളെ സഹായി​ക്കാൻ നിയമി​ക്ക​പ്പെ​ട്ടി​രി​ക്കുന്ന പയനിയർ പ്രസാ​ധ​ക​നു​മാ​യി ബന്ധപ്പെ​ടുക. എന്നിട്ട്‌, സേവന​ത്തി​നാ​യി ഒരു പ്രാ​യോ​ഗിക പട്ടിക ഉണ്ടാക്കി, അതി​നോ​ടു പറ്റിനിൽക്കുക. നിശ്ചയിച്ച പ്രകാരം കൃത്യ​സ​മ​യ​ത്തു​തന്നെ സ്ഥലത്തെ​ത്തുക. ഒന്നിച്ചു പ്രവർത്തി​ക്കു​മ്പോൾ, സുവാർത്ത അവതരി​പ്പി​ക്കു​ന്ന​തി​നുള്ള ഫലകര​മായ മാർഗങ്ങൾ നിരീ​ക്ഷി​ക്കുക. ചില സമീപന രീതികൾ ഫലകര​മാ​യി​രി​ക്കു​ന്നത്‌ എന്തു​കൊ​ണ്ടെന്ന്‌ അവലോ​കനം ചെയ്യുക. നിങ്ങളു​ടെ അവതരണം മെച്ച​പ്പെ​ടു​ത്തു​ന്ന​തിന്‌ പയനിയർ പ്രസാ​ധകൻ നൽകി​യേ​ക്കാ​വുന്ന നിർദേ​ശങ്ങൾ പരിഗ​ണി​ക്കുക. പഠിച്ച കാര്യങ്ങൾ ബാധക​മാ​ക്കവേ, ശുശ്രൂ​ഷ​യി​ലെ നിങ്ങളു​ടെ പുരോ​ഗതി നിങ്ങൾക്കും മറ്റുള്ള​വർക്കും പ്രകട​മാ​കും. (1 തിമൊ​ഥെ​യൊസ്‌ 4:15 കാണുക.) നിങ്ങൾക്കു വ്യക്തി​പ​ര​മായ സഹായം ആവശ്യ​മുള്ള വശങ്ങൾ പ്രത്യേ​കം ശ്രദ്ധി​ച്ചു​കൊണ്ട്‌, അനൗപ​ചാ​രിക സാക്ഷീ​ക​രണം ഉൾപ്പെടെ, ശുശ്രൂ​ഷ​യു​ടെ എല്ലാ മേഖല​ക​ളി​ലും പങ്കുപ​റ്റി​ക്കൊണ്ട്‌ സാധ്യ​മാ​കു​മ്പോ​ഴെ​ല്ലാം ഒന്നിച്ചു പ്രവർത്തി​ക്കുക.

⁹ നിങ്ങൾ വരുത്തുന്ന പുരോ​ഗ​തി​യിൽ സേവന മേൽവി​ചാ​രകൻ തത്‌പ​ര​നാണ്‌. ഈ പരിപാ​ടി​യിൽനിന്ന്‌ നിങ്ങൾ എങ്ങനെ പ്രയോ​ജനം നേടുന്നു എന്നു മനസ്സി​ലാ​ക്കു​ന്ന​തിന്‌ അദ്ദേഹം സഭാ പുസ്‌ത​കാ​ധ്യ​യന നിർവാ​ഹ​ക​നു​മൊത്ത്‌ കാര്യാ​ദി​കൾ ഇടയ്‌ക്കി​ടെ ചർച്ച​ചെ​യ്യും. അതു​പോ​ലെ, സഭ സന്ദർശി​ക്കു​മ്പോൾ സർക്കിട്ട്‌ മേൽവി​ചാ​ര​ക​നും നിങ്ങളെ സഹായി​ക്കും.

¹⁰ തന്റെ ജനം പരിശീ​ലി​ത​രും “സകല സത്‌പ്ര​വൃ​ത്തി​ക്കും സജ്ജ”രും ആയിരി​ക്കാൻ യഹോവ ആഗ്രഹി​ക്കു​ന്നു. (2 തിമൊ. 3:17, NW) വചനം പ്രസം​ഗി​ക്കാ​നുള്ള പ്രാപ്‌തി വർധി​പ്പി​ക്കാൻ ആഗ്രഹി​ക്കു​ന്ന​വർക്കാ​യുള്ള ഒരു ഉത്തമ കരുത​ലാ​യി വേണം പയനി​യർമാർ മറ്റുള്ള​വരെ സഹായി​ക്കു​ന്നു എന്ന ക്രമീ​ക​ര​ണത്തെ വീക്ഷി​ക്കാൻ. ഈ പരിപാ​ടി​യിൽ പങ്കുപ​റ്റാ​നുള്ള പദവി നിങ്ങൾക്കു​ണ്ടെ​ങ്കിൽ, കൃതജ്ഞ​ത​യോ​ടും താഴ്‌മ​യോ​ടും സന്തോ​ഷ​ത്തോ​ടും കൂടെ അങ്ങനെ ചെയ്യുക.