പുതിയ സർക്കിട്ട്‌ സമ്മേളന പരിപാ​ടി

യഹോ​വ​യാം ദൈവം നമ്മുടെ സ്‌നേ​ഹ​ത്തി​നും അനന്യ ഭക്തിക്കും യോഗ്യ​നാ​ണെന്നു നമുക്ക​റി​യാം. എന്നിരു​ന്നാ​ലും, അവനു​മാ​യി ഉറ്റബന്ധം നിലനി​റു​ത്തു​ന്ന​തിൽനി​ന്നു നമ്മെ അകറ്റാൻ ലോകം ശ്രമി​ച്ചു​കൊ​ണ്ടി​രി​ക്കു​ക​യാണ്‌. (യോഹ. 17:14) യഹോ​വ​യോ​ടുള്ള നമ്മുടെ സ്‌നേ​ഹത്തെ ബലിഷ്‌ഠ​മാ​ക്കാ​നും നമ്മുടെ ആത്മീയ​തയെ അപകട​പ്പെ​ടു​ത്തുന്ന ലൗകിക കാര്യ​ങ്ങളെ ചെറു​ത്തു​നിൽക്കാ​നും നമ്മെ ബലപ്പെ​ടു​ത്താ​നും ഉദ്ദേശി​ച്ചു​ള്ള​താണ്‌ 2001 സേവന വർഷത്തി​ലെ സർക്കിട്ട്‌ സമ്മേളന പരിപാ​ടി. “ദൈവത്തെ സ്‌നേ​ഹി​ക്കുക—ലോക​ത്തി​ലു​ള്ള​വയെ അല്ല” എന്നതാണ്‌ അതിന്റെ വിഷയം.—1 യോഹ. 2:15-17.

യഹോ​വ​യോ​ടു​ള്ള അഗാധ സ്‌നേ​ഹ​മാണ്‌ അവനെ​ക്കു​റി​ച്ചു സാക്ഷീ​ക​രി​ക്കാൻ നമ്മെ പ്രേരി​പ്പി​ക്കു​ന്നത്‌. എങ്കിൽപ്പോ​ലും, ദൈവ​ജ​ന​ത്തിൽ അനേകരെ സംബന്ധി​ച്ചും വയൽസേ​വനം അത്ര എളുപ്പമല്ല. എന്നാൽ ഈ വേലയിൽ പൂർണ​മാ​യി ഏർപ്പെ​ടാൻ കഴി​യേ​ണ്ട​തിന്‌ ലജ്ജയെ​യും മറ്റു പ്രതി​ബ​ന്ധ​ങ്ങ​ളെ​യും അനേകർ തരണം ചെയ്‌തി​രി​ക്കു​ന്നത്‌ എങ്ങനെ​യെന്ന്‌ “ദൈവ​ത്തോ​ടുള്ള സ്‌നേഹം ശുശ്രൂ​ഷ​യിൽ ഏർപ്പെ​ടാൻ നമ്മെ പ്രേരി​പ്പി​ക്കു​ന്നു” എന്ന പരിപാ​ടി​യിൽനിന്ന്‌ നമുക്കു പഠിക്കാൻ കഴിയും.

ലോക​ത്തി​ന്റെ അധഃപ​തി​ച്ചു​കൊ​ണ്ടി​രി​ക്കുന്ന നിലവാ​രങ്ങൾ നമ്മെ സ്വാധീ​നി​ക്കു​ന്നത്‌ എങ്ങനെ​യാണ്‌? ഒരുകാ​ലത്ത്‌ മോശ​മെന്നു കരുതി​യി​രുന്ന പ്രവൃ​ത്തി​കൾ ഇപ്പോൾ വെറു​മൊ​രു സാധാരണ സംഗതി ആയിത്തീർന്നി​രി​ക്കു​ന്നു. “യഹോ​വയെ സ്‌നേ​ഹി​ക്കു​ന്നവർ ദോഷത്തെ വെറു​ക്കു​ന്നു” എന്ന പ്രസം​ഗ​വും “ലോക​ത്തി​ലു​ള്ളവ—നാം അവയെ എങ്ങനെ വീക്ഷി​ക്കു​ന്നു?” എന്ന സിമ്പോ​സി​യ​വും തെറ്റായ ആഗ്രഹങ്ങൾ ഒഴിവാ​ക്കാ​നുള്ള നമ്മുടെ നിശ്ചയ​ദാർഢ്യ​ത്തെ അരക്കി​ട്ടു​റ​പ്പി​ക്കും.

മാതൃകാ ദിവ്യാ​ധി​പത്യ ശുശ്രൂ​ഷാ സ്‌കൂ​ളും സേവന​യോ​ഗ​വും കൂടാതെ പ്രസ്‌തുത വാരത്തി​ലെ വീക്ഷാ​ഗോ​പുര അധ്യയന ലേഖന​ത്തി​ന്റെ സംഗ്ര​ഹ​വും പരിപാ​ടി​യിൽ ഉൾപ്പെ​ടു​ത്തി​യി​ട്ടുണ്ട്‌. “സ്‌നേ​ഹ​വും വിശ്വാ​സ​വും ലോകത്തെ ജയിച്ച​ട​ക്കുന്ന വിധം” എന്ന പരസ്യ പ്രസംഗം, ലൗകിക സമ്മർദ​ങ്ങളെ ചെറു​ത്തു​നിൽക്കു​ന്ന​തിൽ യേശു​വി​നെ അനുക​രി​ക്കാൻ നമ്മെ പ്രോ​ത്സാ​ഹി​പ്പി​ക്കും. (യോഹ 16:33) നിങ്ങളു​ടെ ബൈബിൾ വിദ്യാർഥി​കളെ സമ്മേള​ന​ത്തി​നു ക്ഷണിക്കാൻ മറക്കരുത്‌. സ്‌നാ​പ​ന​മേൽക്കാൻ ആഗ്രഹി​ക്കുന്ന ഏതൊ​രാ​ളും അക്കാര്യം കഴിവ​തും നേരത്തെ അധ്യക്ഷ​മേൽവി​ചാ​ര​കനെ അറിയി​ക്കണം. അങ്ങനെ​യാ​കു​മ്പോൾ അദ്ദേഹ​ത്തിന്‌ ആവശ്യ​മായ ക്രമീ​ക​ര​ണങ്ങൾ ചെയ്യാൻ കഴിയും.

യഹോ​വ​യു​ടെ സമൃദ്ധ​മായ അനു​ഗ്രഹം ആസ്വദി​ക്കു​ന്ന​തിന്‌ നമ്മുടെ സ്‌നേഹം എവിടെ കേന്ദ്രീ​ക​രി​ക്ക​ണ​മോ അവിടെ ശ്രദ്ധ പതിപ്പി​ക്കാൻ ഈ സർക്കിട്ട്‌ സമ്മേളന പരിപാ​ടി നമ്മെ സഹായി​ക്കും. ഇതിലെ ഒരു പരിപാ​ടി​യും നഷ്ടപ്പെ​ടു​ത്ത​രുത്‌!