മറ്റുള്ള​വരെ ബോധ്യ​പ്പെ​ടു​ത്താൻ കഴിയുന്ന വിധം

¹ മറ്റുള്ളവരെ കാര്യങ്ങൾ പറഞ്ഞു ബോധ്യ​പ്പെ​ടു​ത്താൻ അഥവാ സമ്മതി​പ്പി​ക്കാൻ കഴിവുള്ള ഒരു ശുശ്രൂ​ഷകൻ എന്ന കീർത്തി അപ്പൊ​സ്‌ത​ല​നായ പൗലൊ​സിന്‌ ഉണ്ടായി​രു​ന്നു. (പ്രവൃ. 19:26) അഗ്രിപ്പാ രാജാ​വു​പോ​ലും അവനോട്‌ ഇങ്ങനെ പറഞ്ഞു: “ഞാൻ ക്രിസ്‌ത്യാ​നി​യാ​യി​ത്തീ​രു​വാൻ നീ എന്നെ അല്‌പം​കൊ​ണ്ടു സമ്മതി​പ്പി​ക്കു​ന്നു.” (പ്രവൃ. 26:28) അത്തരത്തി​ലുള്ള ഒരു ശുശ്രൂ​ഷകൻ ആയിത്തീ​രാൻ പൗലൊ​സി​നെ സഹായി​ച്ചത്‌ എന്താണ്‌? തന്റെ ശ്രോ​താ​ക്കൾക്കു ചേർന്ന വാദമു​ഖങ്ങൾ ഉപയോ​ഗി​ച്ചു​കൊണ്ട്‌ അവൻ യുക്ത്യാ​നു​സൃ​തം തിരു​വെ​ഴു​ത്തു​ക​ളിൽനി​ന്നു ന്യായ​വാ​ദം ചെയ്‌തു.—പ്രവൃ. 28:23.

² പൗലൊസിനെപ്പോലെ നമുക്കും ശുശ്രൂ​ഷ​യിൽ ഏർപ്പെ​ടു​മ്പോൾ മറ്റുള്ള​വരെ കാര്യങ്ങൾ പറഞ്ഞു ബോധ്യ​പ്പെ​ടു​ത്താൻ കഴിയണം. ഇത്‌ എങ്ങനെ ചെയ്യാൻ കഴിയും? മറ്റുള്ള​വ​രു​മാ​യി സംസാ​രി​ക്കു​മ്പോ​ഴും അവരെ ശ്രദ്ധി​ക്കു​മ്പോ​ഴും ഉൾക്കാഴ്‌ച ഉപയോ​ഗി​ക്കു​ന്ന​തി​നാൽ. (സദൃ. 16:23, NW) പിൻവ​രുന്ന മൂന്നു സുപ്ര​ധാന പടികൾ അതിനു നമ്മെ സഹായി​ക്കും:

³ ശ്രദ്ധിച്ചു കേൾക്കുക: ചർച്ച തുടരു​ന്ന​തി​നുള്ള പൊതു​വായ ഒരു അടിസ്ഥാ​നം ലഭിക്കാൻവേണ്ടി മറ്റെയാൾ സംസാ​രി​ക്കു​മ്പോൾ നന്നായി ശ്രദ്ധി​ക്കുക. വ്യക്തിക്ക്‌ ഒരു സംഗതി​യോട്‌ എതിർപ്പു​ണ്ടെ​ങ്കിൽ, അതിനു പിന്നിലെ അയാളു​ടെ യുക്തി എന്താ​ണെന്നു മനസ്സി​ലാ​ക്കാൻ ശ്രമി​ക്കുക. അയാൾ എന്താണു വിശ്വ​സി​ക്കു​ന്ന​തെ​ന്നും അതിനുള്ള കാരണം എന്താ​ണെ​ന്നും ഏതെല്ലാം സംഗതി​ക​ളാണ്‌ പ്രസ്‌തുത കാര്യം അയാളെ ബോധ്യ​പ്പെ​ടു​ത്തി​യ​തെ​ന്നും കൃത്യ​മാ​യി അറിയാൻ അതു നമ്മെ സഹായി​ക്കും. (സദൃ. 18:13) ഇക്കാര്യ​ങ്ങൾ നയപൂർവം വ്യക്തി​യിൽനി​ന്നു മനസ്സി​ലാ​ക്കുക.

⁴ ചോദ്യങ്ങൾ ചോദി​ക്കുക: വ്യക്തി ത്രിത്വ​ത്തിൽ വിശ്വ​സി​ക്കു​ന്നെ​ങ്കിൽ, നിങ്ങൾക്ക്‌ ഇങ്ങനെ ചോദി​ക്കാം: “താങ്കൾ എല്ലായ്‌പോ​ഴും ഇങ്ങനെ​യാ​ണോ വിശ്വ​സി​ച്ചി​ട്ടു​ള്ളത്‌?” ഇങ്ങനെ പറഞ്ഞു​കൊണ്ട്‌ തുടരുക: “താങ്കൾ എന്നെങ്കി​ലും ഈ വിഷയ​ത്തെ​ക്കു​റിച്ച്‌ ബൈബി​ളിൽ ഒരു ഗഹനമായ പഠനം നടത്തി​യി​ട്ടു​ണ്ടോ?” നിങ്ങൾക്ക്‌ ഇങ്ങനെ​യും കൂടെ ചോദി​ക്കാ​വു​ന്ന​താണ്‌: “ദൈവം ഒരു ത്രിത്വ​ത്തി​ന്റെ ഭാഗമാ​ണെ​ങ്കിൽ, ബൈബിൾ അതു വ്യക്തമാ​യി പറയു​മെന്ന്‌ നമുക്കു പ്രതീ​ക്ഷി​ക്കാ​നാ​വി​ല്ലേ?” ലഭിക്കുന്ന മറുപ​ടി​കൾ, തിരു​വെ​ഴു​ത്തു​കൾ ഉപയോ​ഗിച്ച്‌ വ്യക്തി​യു​മാ​യി ന്യായ​വാ​ദം ചെയ്യാൻ നിങ്ങളെ സഹായി​ക്കും.

⁵ നന്നായി ന്യായ​വാ​ദം ചെയ്യുക: യേശു ദൈവ​മാ​ണെന്ന്‌ വിശ്വ​സി​ച്ചി​രുന്ന ഒരു സ്‌ത്രീ​യോട്‌ ഒരു സാക്ഷി ചോദി​ച്ചു: ‘രണ്ടു വ്യക്തികൾ തുല്യ​രാ​ണെന്ന്‌ ദൃഷ്ടാ​ന്തീ​ക​രി​ക്കാൻ ശ്രമി​ക്കു​ക​യാ​ണെ​ങ്കിൽ, നിങ്ങൾ ഏതു കുടും​ബ​ബന്ധം ആയിരി​ക്കും അതിനു​വേണ്ടി ഉപയോ​ഗി​ക്കുക?’ അവർ ഇങ്ങനെ മറുപടി പറഞ്ഞു: “ഞാൻ ചില​പ്പോൾ രണ്ടു സഹോ​ദ​ര​ന്മാ​രു​ടെ കാര്യ​മാ​കും ഉപയോ​ഗി​ക്കുക.” സാക്ഷി പറഞ്ഞു: “ഒരുപക്ഷേ, ഒരേ​പോ​ലി​രി​ക്കുന്ന ഇരട്ടക​ളു​ടെ​പോ​ലും. എന്നാൽ, ദൈവത്തെ പിതാവ്‌ ആയും തന്നെ പുത്രൻ ആയും വീക്ഷി​ക്കാൻ നമ്മെ പഠിപ്പി​ച്ച​തി​ലൂ​ടെ, യേശു എന്തു സന്ദേശം നൽകു​ക​യാ​യി​രു​ന്നു?” ഒരാൾ കൂടുതൽ പ്രായ​വും അധികാ​ര​വും ഉള്ളവനാ​ണെന്ന കാര്യം ആ സ്‌ത്രീക്ക്‌ ബോധ്യ​മാ​യി. (മത്താ. 20:23; യോഹ. 14:28; 20:17) ബോധ്യം വരുത്തുന്ന ആ ന്യായ​വാ​ദം അവരുടെ ഹൃദയ​ത്തി​ലും മനസ്സി​ലും പതിഞ്ഞു.

⁶ നമ്മുടെ അവതരണം എത്ര കൃത്യ​വും യുക്തി​സ​ഹ​വും ആയിരു​ന്നാ​ലും എല്ലാവ​രും സത്യം സ്വീക​രി​ക്കു​ക​യില്ല. എങ്കിലും, അപ്പൊ​സ്‌ത​ല​നായ പൗലൊ​സി​നെ​പ്പോ​ലെ നമുക്കു നമ്മുടെ പ്രദേ​ശ​ത്തുള്ള ആത്മാർഥ ഹൃദയരെ തിരഞ്ഞു​പി​ടി​ക്കു​ന്ന​തിൽ ഉത്സാഹ​മു​ള്ളവർ ആയിരി​ക്കാം. രാജ്യ​സ​ന്ദേശം ബോധ്യ​പ്പെ​ടു​ത്തും​വി​ധം അവതരി​പ്പി​ച്ചു​കൊണ്ട്‌ അതു സ്വീക​രി​ക്കാൻ നമുക്ക​വരെ സഹായി​ക്കാം.—പ്രവൃ. 19:8.