ബോധ്യം​വ​രും​വി​ധം പഠിപ്പി​ക്കു​ക

1. ശുശ്രൂ​ഷ​യിൽ ദൈവ​വ​ചനം ഫലകര​മാ​യി കൈകാ​ര്യം​ചെ​യ്യു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

¹ പൗലോസ്‌ അപ്പൊ​സ്‌ത​ല​നെ​പ്പോ​ലെ, “സത്യവ​ച​നത്തെ ശരിയാം​വണ്ണം കൈകാ​ര്യം”ചെയ്യു​ന്ന​തിന്‌ തിരു​വെ​ഴു​ത്തു​കൾ ഉദ്ധരി​ച്ചാൽമാ​ത്രം പോ​രെന്ന്‌ ഫലപ്ര​ദ​രായ ശുശ്രൂ​ഷ​കർക്ക്‌ അറിയാം. (2 തിമൊ. 2:15) “ബോധ്യ​പ്പെ​ടു​ത്തുന്ന വാദങ്ങൾ ഉപയോ​ഗി​ച്ചു​കൊണ്ട്‌” നമുക്ക്‌ എങ്ങനെ ദൈവ​വ​ചനം പഠിപ്പി​ക്കാ​നാ​കും?—പ്രവൃ. 28:23.

2. ദൈവ​വ​ച​ന​ത്തോ​ടുള്ള ആളുക​ളു​ടെ വിലമ​തി​പ്പു വർധി​പ്പി​ക്കാൻ നമുക്ക്‌ എന്തു ചെയ്യാ​നാ​കും?

² തിരു​വെ​ഴു​ത്തു​കൾ സംസാ​രി​ക്കട്ടെ: ആദ്യം​തന്നെ, ബൈബി​ളിൽ അടങ്ങി​യി​രി​ക്കുന്ന ദൈവി​ക​ജ്ഞാ​ന​ത്തി​ന്റെ ശ്രേഷ്‌ഠത തിരി​ച്ച​റി​യാ​നും അതു വിലമ​തി​ക്കാ​നും സഹായി​ക്കുന്ന വിധത്തിൽ അതി​ലേക്കു ശ്രദ്ധ ക്ഷണിക്കുക. ബൈബി​ളി​ലുള്ള നമ്മുടെ വിശ്വാ​സം കാണു​മ്പോൾ, നാം വായി​ക്കുന്ന തിരു​വെ​ഴു​ത്തു​കൾക്ക്‌ അടുത്ത ശ്രദ്ധനൽകാൻ ശ്രോ​താ​ക്ക​ളും പ്രേരി​ത​രാ​യേ​ക്കും. (എബ്രാ. 4:12) നമുക്ക്‌ ഒരുപക്ഷേ ഇങ്ങനെ പറയാം: “ഇതേക്കു​റി​ച്ചുള്ള ദൈവ​ത്തി​ന്റെ വീക്ഷണം മനസ്സി​ലാ​ക്കി​യത്‌ എനിക്കു പ്രയോ​ജനം ചെയ്‌തി​ട്ടുണ്ട്‌. അവന്റെ വചനം ഇതു സംബന്ധിച്ച്‌ എന്തു പറയു​ന്നു​വെന്നു നോക്കാം.” സാധ്യ​മാ​യി​രി​ക്കു​മ്പോ​ഴെ​ല്ലാം ദൈവ​വ​ച​ന​ത്തിൽനിന്ന്‌ നേരിട്ടു വായി​ച്ചു​കേൾപ്പി​ക്കുക; അങ്ങനെ തിരു​വെ​ഴു​ത്തു​കൾ അവരോ​ടു സംസാ​രി​ക്കട്ടെ.

3. ഒരു തിരു​വെ​ഴു​ത്തു വായി​ച്ചിട്ട്‌ അതിന്റെ അർഥം മനസ്സി​ലാ​ക്കാൻ ശ്രോ​താ​വി​നെ എങ്ങനെ സഹായി​ക്കാം?

³ രണ്ടാമത്‌, തിരു​വെ​ഴു​ത്തു​കൾ വിശദീ​ക​രി​ക്കുക. ആദ്യമാ​യി ഒരു വാക്യം വായി​ച്ചു​കേൾക്കു​മ്പോൾ പലർക്കും അത്‌ മനസ്സി​ലാ​യെന്നു വരില്ല. ചർച്ച​ചെ​യ്യുന്ന വിഷയ​വു​മാ​യി തിരു​വെ​ഴു​ത്തി​നുള്ള ബന്ധം വിശദീ​ക​രി​ക്കേ​ണ്ടത്‌ മിക്ക​പ്പോ​ഴും ആവശ്യ​മാ​യി​രു​ന്നേ​ക്കാം. (ലൂക്കോ. 24:26, 27) ആ വിഷയ​ത്തോ​ടു ബന്ധപ്പെട്ട വാക്കുകൾ തിരു​വെ​ഴു​ത്തു​ക​ളിൽനിന്ന്‌ ചൂണ്ടി​ക്കാ​ണി​ക്കുക. ആശയം കൃത്യ​മാ​യി മനസ്സി​ലാ​ക്കി​യെന്ന്‌ ഉറപ്പു​വ​രു​ത്തു​ന്ന​തിന്‌ ഒരു ചോദ്യം ചോദി​ക്കു​ന്നത്‌ സഹായ​ക​മാ​യി​രു​ന്നേ​ക്കാം.—സദൃ. 20:5; പ്രവൃ. 8:30.

4. ബോധ്യം​വ​രു​ത്തും​വി​ധം പഠിപ്പി​ക്കു​ന്ന​തിന്‌ നാം മറ്റെന്തു​കൂ​ടി ചെയ്യണം?

⁴ തിരു​വെ​ഴു​ത്തു​കളെ ആധാര​മാ​ക്കി ന്യായ​വാ​ദം ചെയ്യുക: മൂന്നാ​മ​താ​യി, മനസ്സി​നെ​യും ഹൃദയ​ത്തെ​യും പ്രചോ​ദി​പ്പി​ക്കും​വി​ധം ന്യായ​വാ​ദം ചെയ്യുക. വായി​ക്കുന്ന തിരു​വെ​ഴുത്ത്‌ വീട്ടു​കാ​രന്റെ വ്യക്തി​ജീ​വി​ത​ത്തിൽ എങ്ങനെ ബാധക​മാ​കു​ന്നു​വെന്നു കാണാൻ സഹായി​ക്കുക. തിരു​വെ​ഴു​ത്തു​കളെ ആധാര​മാ​ക്കി ന്യായ​വാ​ദം ചെയ്യു​ന്നത്‌ ചിന്താ​ഗ​തി​ക്കു മാറ്റം​വ​രു​ത്താൻ ഒരു വ്യക്തിയെ പ്രചോ​ദി​പ്പി​ച്ചേ​ക്കാം. (പ്രവൃ. 17:2-4; 19:8) ഉദാഹ​ര​ണ​ത്തിന്‌, സങ്കീർത്തനം 83:18 വായി​ച്ച​ശേഷം, ഒരാളു​ടെ പേര്‌ അറിയു​ന്നത്‌ ആ വ്യക്തി​യു​മാ​യി ഉറ്റബന്ധം വളർത്തി​യെ​ടു​ക്കു​ന്ന​തിന്‌ എത്ര അനിവാ​ര്യ​മാ​ണെന്നു മനസ്സി​ലാ​ക്കാൻ സഹായി​ക്കുക. എന്നിട്ട്‌, ഒരുപക്ഷേ ഇങ്ങനെ ചോദി​ക്കാം: “ദൈവ​ത്തി​ന്റെ പേര്‌ അറിയു​ന്നത്‌ നിങ്ങളു​ടെ പ്രാർഥന കൂടുതൽ അർഥവ​ത്താ​ക്കി​ല്ലേ?” ഇങ്ങനെ തിരു​വെ​ഴു​ത്തു​കൾ വ്യക്തി​ജീ​വി​ത​ത്തിൽ എങ്ങനെ ബാധക​മാ​ക്കാ​മെന്നു കാണി​ച്ചു​കൊ​ടു​ക്കു​മ്പോൾ അവർ അവയുടെ പ്രാ​യോ​ഗി​ക​മൂ​ല്യം തിരി​ച്ച​റി​യും. ഇത്തരത്തിൽ ദൈവ​വ​ച​ന​ത്തിൽനിന്ന്‌ നാം ബോധ്യം​വ​രു​ത്തും​വി​ധം പഠിപ്പി​ക്കു​ന്നത്‌ ജീവനുള്ള സത്യ​ദൈ​വ​മായ യഹോ​വ​യു​ടെ ആരാധ​ക​രാ​യി​ത്തീ​രാൻ ആത്മാർഥ​ഹൃ​ദ​യരെ പ്രേരി​പ്പി​ക്കും.—യിരെ. 10:10.