പ്രസം​ഗി​ക്കാൻ സ്‌നേഹം നമ്മെ പ്രചോ​ദി​പ്പി​ക്കു​ന്നു

¹ യഹോവയുടെ സാക്ഷി​ക​ളായ നാം രാജ്യ​സ​ന്ദേശം ഉത്സാഹ​ത്തോ​ടെ പ്രസം​ഗി​ക്കു​ന്ന​തി​നു പേരു​കേ​ട്ട​വ​രാണ്‌. (മത്താ. 24:14) ലോക​വ്യാ​പ​ക​മാ​യി 60 ലക്ഷത്തി​ല​ധി​കം പേർ ഈ വേലയിൽ ഏർപ്പെ​ട്ടി​രി​ക്കു​ന്നു; പുതി​യ​വ​രും പ്രസം​ഗ​വേ​ല​യിൽ നമ്മോടു ചേരുന്നു. പ്രസം​ഗ​വേ​ല​യിൽ പങ്കെടു​ക്കു​ന്ന​വ​രു​ടെ അടിസ്ഥാ​ന​ത്തി​ലാണ്‌ സാക്ഷി​ക​ളു​ടെ എണ്ണം കണക്കാ​ക്ക​പ്പെ​ടു​ന്നത്‌.

² വെല്ലുവിളി നിറഞ്ഞ ഇത്തരം ഒരു നിയമ​ന​ത്തിൽ സ്വമേ​ധയാ ഏർപ്പെ​ടാൻ നമ്മെ പ്രേരി​പ്പി​ക്കു​ന്നത്‌ എന്താണ്‌? ആരെങ്കി​ലും നിർബ​ന്ധി​ച്ച​തി​നാ​ലോ ഭൗതിക നേട്ടങ്ങ​ളാൽ വശീക​രി​ക്ക​പ്പെ​ട്ട​തി​നാ​ലോ പ്രത്യേക സ്ഥാനമാ​നങ്ങൾ വാഗ്‌ദാ​നം ചെയ്യ​പ്പെ​ട്ട​തി​നാ​ലോ അല്ല നാം ഈ വേല ചെയ്യു​ന്നത്‌. നാം ഈ വേലയ്‌ക്ക്‌ അയോ​ഗ്യ​രാ​ണെന്ന ചിന്തയും ആളുക​ളു​ടെ പ്രതി​കൂല പ്രതി​ക​ര​ണ​വും തുടക്ക​ത്തിൽ നമ്മിൽ മിക്കവ​രെ​യും ഭയപ്പെ​ടു​ത്തി​യി​രു​ന്നു. (മത്താ. 24:9) സുവാർത്താ പ്രസം​ഗ​ത്തി​നു നമ്മെ പ്രചോ​ദി​പ്പി​ക്കു​ന്നത്‌ എന്താ​ണെന്നു മിക്ക നിരീ​ക്ഷ​കർക്കും മനസ്സി​ലാ​കു​ന്നില്ല. ഇതിൽ തുടരു​ന്ന​തിന്‌ നമുക്ക്‌ ശക്തമായ ഒരു പ്രേരക ഘടകം ഉണ്ടായി​രി​ക്കണം.

³ സ്‌നേഹത്തിന്റെ ശക്തി: ‘നിന്റെ ദൈവ​മായ കർത്താ​വി​നെ പൂർണ്ണ​ഹൃ​ദ​യ​ത്തോ​ടും ആത്മാ​വോ​ടും മനസ്സോ​ടും ശക്തി​യോ​ടും കൂടെ സ്‌നേ​ഹി​ക്കേണം’ എന്നു പ്രസ്‌താ​വി​ച്ച​പ്പോൾ, ഏറ്റവും മുഖ്യ കൽപ്പന ഏതാ​ണെന്ന്‌ യേശു വ്യക്തമാ​ക്കു​ക​യു​ണ്ടാ​യി. (മർക്കൊ. 12:30) യഹോ​വ​യോ​ടുള്ള നമ്മുടെ സ്‌നേഹം, അവന്റെ വ്യക്തി​ത്വ​വും സ്ഥാനവും സംബന്ധിച്ച വിലമ​തി​പ്പി​ന്റെ ആഴമായ ബോധ്യ​ത്തിൽ വേരൂ​ന്നി​യ​താണ്‌. അവൻ ‘മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യ​നായ’ അഖിലാണ്ഡ ഭരണാ​ധി​പ​നും സകലത്തി​ന്റെ​യും സ്രഷ്ടാ​വും ആണെന്ന ബോധ്യ​മാണ്‌ അത്‌. (വെളി. 4:11) അവന്റെ മഹത്തായ ഗുണങ്ങൾ അതുല്യ​മാണ്‌.—പുറ. 34:6, 7.

⁴ യഹോവയെ സംബന്ധിച്ച അറിവും അവനോ​ടുള്ള സ്‌നേ​ഹ​വും ആളുക​ളു​ടെ മുമ്പാകെ നമ്മുടെ വെളിച്ചം പ്രകാ​ശി​പ്പി​ക്കാൻ നമ്മെ പ്രേരി​പ്പി​ക്കു​ന്നു. (മത്താ. 5:16) നാം പരസ്യ​മാ​യി അവനെ സ്‌തു​തി​ക്കു​ക​യും അവന്റെ വിസ്‌മയ പ്രവൃ​ത്തി​ക​ളെ​ക്കു​റിച്ച്‌ സംസാ​രി​ക്കു​ക​യും അവന്റെ രാജ്യത്തെ കുറി​ച്ചുള്ള സന്ദേശം പ്രചരി​പ്പി​ക്കു​ക​യും ചെയ്യു​മ്പോൾ നമ്മുടെ വെളിച്ചം പ്രകാ​ശി​ക്കു​ന്നു. ആകാശ​മ​ധ്യേ പറക്കുന്ന ദൂത​നെ​പ്പോ​ലെ നമ്മുടെ പക്കൽ, “സകലജാ​തി​യും ഗോ​ത്ര​വും ഭാഷയും വംശവും ആയവ​രോ​ടു അറിയി​പ്പാൻ . . . ഒരു നിത്യ​സു​വി​ശേഷം” ഉണ്ട്‌. (വെളി. 14:6) ലോക​വ്യാ​പക പ്രസം​ഗ​വേ​ല​യു​ടെ പിന്നി​ലുള്ള പ്രേര​ക​ശക്തി സ്‌നേ​ഹ​മാണ്‌.

⁵ അവഗണിച്ചു കളയേണ്ട “ഭോഷത്വ”മായി​ട്ടാണ്‌ ലോകം നമ്മുടെ പ്രസം​ഗത്തെ വീക്ഷി​ക്കു​ന്നത്‌. (1 കൊരി. 1:18) നമ്മുടെ വേലയെ അടിച്ച​മർത്താൻ വിപു​ല​മായ ശ്രമങ്ങൾ നടന്നി​ട്ടുണ്ട്‌. എന്നാൽ, അപ്പൊ​സ്‌ത​ല​ന്മാ​രെ​പ്പോ​ലെ പ്രഖ്യാ​പി​ക്കാൻ നമ്മുടെ വിശ്വസ്‌ത സ്‌നേഹം നമ്മെ പ്രേരി​പ്പി​ച്ചി​രി​ക്കു​ന്നു: “ഞങ്ങൾക്കോ ഞങ്ങൾ കണ്ടും കേട്ടു​മി​രി​ക്കു​ന്നതു പ്രസ്‌താ​വി​ക്കാ​തി​രി​പ്പാൻ കഴിയു​ന്നതല്ല. . . . മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു.” (പ്രവൃ. 4:20; 5:29) എതിർപ്പ്‌ ഉണ്ടായി​ട്ടും പ്രസം​ഗ​വേല ഭൂമി​യു​ടെ എല്ലാ ഭാഗങ്ങ​ളി​ലേ​ക്കും വ്യാപി​ക്കു​ന്നു.

⁶ യഹോവയോടുള്ള നമ്മുടെ സ്‌നേഹം കത്തുന്ന തീ പോ​ലെ​യാണ്‌. അവന്റെ സദ്‌ഗു​ണ​ങ്ങളെ ഘോഷി​ക്കാൻ അതു നമുക്കു പ്രചോ​ദ​ന​മേ​കു​ന്നു. (യിരെ. 20:9; 1 പത്രൊ. 2:9) നാം തുടർന്നും ‘അവന്റെ പ്രവൃ​ത്തി​കളെ അറിയി​ക്കും. അവൻ ശ്രേഷ്‌ഠ​മാ​യതു ചെയ്‌തി​രി​ക്കു​ന്നു’!—യെശ. 12:4, 5.