നിങ്ങളു​ടെ സഭയ്‌ക്കു വലിയ പ്രദേ​ശ​മാ​ണോ ഉള്ളത്‌?

¹ പുരാതന ഇസ്രാ​യേ​ലി​ലെ യെഹൂദ്യ നഗരങ്ങൾ മുതൽ ഗലീല​യി​ലെ ഗ്രാമങ്ങൾ വരെയുള്ള വിസ്‌തൃ​ത​മായ പ്രദേ​ശത്ത്‌ യേശു സമഗ്ര​മായ ഒരു സാക്ഷ്യം നൽകി. (മർക്കൊ. 1:38, 39; ലൂക്കൊ. 23:5) നാമും കഴിയു​ന്നത്ര ആളുക​ളു​ടെ അടുക്കൽ സുവാർത്ത എത്തിക്കാൻ ശ്രമി​ക്കണം. (മർക്കൊ. 13:10) എന്നിരു​ന്നാ​ലും, ഇന്ത്യയിൽ ആകെയുള്ള പ്രദേ​ശ​ത്തി​ന്റെ ചെറി​യൊ​രു ഭാഗം മാത്രമേ സഭകൾക്കു നിയമി​ച്ചു​കൊ​ടു​ത്തി​ട്ടു​ള്ളൂ. അവിട​ങ്ങ​ളിൽപ്പോ​ലും സമഗ്ര​വും ക്രമീ​കൃ​ത​വു​മായ വിധത്തിൽ ഇനിയും പ്രവർത്തി​ക്കേ​ണ്ട​തു​ണ്ടെന്ന്‌ റിപ്പോർട്ടു​കൾ സൂചി​പ്പി​ക്കു​ന്നു. കൂടുതൽ ആളുക​ളു​ടെ അടുക്കൽ എത്തി​ച്ചേ​രു​ന്ന​തിന്‌ നമുക്ക്‌ എന്തു ചെയ്യാൻ കഴിയും?

² ശ്രദ്ധാ​പൂർവം ആസൂ​ത്രണം ചെയ്യുക: സഭാ​പ്ര​ദേശം 200 മുതൽ 300 വരെ മാത്രം വീടുകൾ അടങ്ങുന്ന മാപ്പു​ക​ളാ​യി തിരി​ച്ചി​ട്ടു​ണ്ടെന്ന്‌ സേവന മേൽവി​ചാ​ര​ക​നും സഭാ​പ്ര​ദേ​ശ​ത്തി​ന്റെ ചുമതല വഹിക്കുന്ന സഹോ​ദ​ര​നും ഉറപ്പു​വ​രു​ത്താ​നാ​കും. മാത്രമല്ല, ഒരു വർഷം​കൊ​ണ്ടു പൂർണ​മാ​യി പ്രവർത്തി​ച്ചു തീർക്കാ​വു​ന്ന​തിൽ കൂടുതൽ പ്രദേശം സഭയ്‌ക്കില്ല എന്നും അവർക്ക്‌ ഉറപ്പു വരുത്താ​നാ​കും. ചില പ്രദേ​ശ​ങ്ങ​ളിൽ യാഥാ​സ്ഥി​തി​ക​രായ ആളുകൾ സാക്ഷീ​കരണ പ്രവർത്ത​നത്തെ തുടർച്ച​യാ​യി എതിർക്കു​ന്നു​ണ്ടെന്ന്‌ അവർക്ക്‌ അറിയാ​മെ​ങ്കിൽ, ആ പ്രദേ​ശ​ങ്ങൾക്കു പകരമാ​യി, ആർക്കും നിയമി​ച്ചു​കൊ​ടു​ത്തി​ട്ടി​ല്ലാ​ത്ത​തും സുവാർത്ത കേൾക്കാൻ താത്‌പ​ര്യ​മുള്ള ആളുകൾ ഉള്ളതു​മായ പ്രദേ​ശങ്ങൾ തിര​ഞ്ഞെ​ടു​ക്കാ​വു​ന്ന​താണ്‌. (ലൂക്കൊസ്‌ 9:5, 6 താരത​മ്യം ചെയ്യുക) എന്നാൽ അവർ വിവേചന ഉപയോ​ഗി​ക്കണം. ഒരു പ്രദേ​ശത്തെ ഒരു പ്രത്യേക വ്യക്തി മാത്ര​മാണ്‌ കൂടെ​ക്കൂ​ടെ എതിർപ്പു പ്രകട​മാ​ക്കു​ന്ന​തെ​ങ്കിൽ, പ്രദേ​ശ​മാ​പ്പിൽ അയാളു​ടെ വീടോ ആ തെരു​വോ “സന്ദർശി​ക്ക​രുത്‌” എന്നു രേഖ​പ്പെ​ടു​ത്തി​യിട്ട്‌ ബാക്കി​യുള്ള പ്രദേ​ശത്ത്‌ പ്രശ്‌ന​ങ്ങൾക്ക്‌ ഇടയാ​കാത്ത വിധം വിവേ​ച​ന​യോ​ടെ പ്രവർത്തി​ക്കാ​വു​ന്ന​താണ്‌.

³ വീടു​തോ​റു​മുള്ള ശുശ്രൂ​ഷ​യിൽ കൂടുതൽ സമയം ചെലവ​ഴി​ക്കാൻ മുഴു സഭയ്‌ക്കും പ്രോ​ത്സാ​ഹനം നൽകാ​വു​ന്ന​താണ്‌. വയൽസേ​വ​ന​ത്തി​നു​വേണ്ടി ഒരുക്കങ്ങൾ നടത്തു​ന്ന​തി​നും വയൽസേവന യോഗ​ത്തി​നു ഹാജരാ​കു​ന്ന​തി​നും പലപ്പോ​ഴും കൂടുതൽ സമയം ആവശ്യ​മാണ്‌. ഈ ശ്രമ​മെ​ല്ലാം ചെയ്‌തി​ട്ടും നമ്മുടെ അയൽക്കാ​രെ സന്ദർശി​ക്കാൻ ഒരു മണിക്കൂ​റോ അതിൽകു​റഞ്ഞ സമയമോ മാത്രമേ ചെലവ​ഴി​ക്കു​ന്നു​ള്ളു​വെ​ങ്കിൽ അത്‌ എത്ര സങ്കടക​ര​മാണ്‌. നമുക്കു ബൈബിൾ അധ്യയ​ന​ങ്ങ​ളോ മടക്കസ​ന്ദർശ​ന​ങ്ങ​ളോ നടത്തേ​ണ്ട​തു​ണ്ടാ​യി​രി​ക്കാം. എന്നാൽ, നമ്മുടെ നിയമിത പ്രദേ​ശത്ത്‌ രണ്ടോ മൂന്നോ മണിക്കൂർ പ്രവർത്തി​ച്ച​ശേഷം അതിനു​വേണ്ടി പോകാ​വു​ന്ന​താണ്‌. വീടുകൾ ചെറു​തും ആളുകൾ തിങ്ങി​പ്പാർക്കു​ന്ന​തു​മായ ഇടങ്ങളിൽ നൂറു​ക​ണ​ക്കിന്‌ ആളുകൾ ഉണ്ടായി​രി​ക്കും. സുരക്ഷി​ത​മാ​ണെ​ങ്കിൽ, അത്തരം പ്രദേ​ശ​ങ്ങ​ളിൽ ഒറ്റയ്‌ക്കു പ്രവർത്തി​ക്കു​ന്നത്‌ പ്രയോ​ജനം ചെയ്യില്ലേ? സഹസാ​ക്ഷി​യു​ടെ കാഴ്‌ച​യിൽനി​ന്നു മറയാതെ ഒറ്റയ്‌ക്കു പ്രവർത്തി​ക്കു​ന്നത്‌ ഇരട്ടി പ്രദേശം പ്രവർത്തി​ച്ചു​തീർക്കു​ന്ന​തി​നും ഓരോ വീട്ടി​ലും വ്യക്തി​പ​ര​മാ​യി സാക്ഷീ​ക​രി​ക്കു​ന്ന​തി​നും സഹായി​ക്കും.

⁴ ആവശ്യ​മായ ഭാഷയി​ലുള്ള സാഹി​ത്യം കൊണ്ടു​പോ​കു​ന്ന​തും നല്ല ആസൂ​ത്ര​ണ​ത്തി​ന്റെ ഭാഗമാണ്‌. വൻ നഗരങ്ങ​ളിൽ ഓരോ പ്രദേ​ശ​മാ​പ്പി​ലും ഭാഷകൾ കൂടെ രേഖ​പ്പെ​ടു​ത്തേ​ണ്ടത്‌ ആവശ്യ​മാ​യി​രി​ക്കാം. അങ്ങനെ​യാ​കു​മ്പോൾ, തങ്ങളുടെ കൂട്ടങ്ങൾ സേവന​ത്തി​നു സുസജ്ജ​രാ​ണെന്നു പുസ്‌ത​കാ​ധ്യ​യന മേൽവി​ചാ​ര​ക​ന്മാർക്ക്‌ ഉറപ്പു​വ​രു​ത്താ​നാ​കും.

⁵ പൂർണ​മാ​യി സഹകരി​ക്കുക: വലിയ ഒരു പ്രദേ​ശത്തു പ്രവർത്തി​ക്കാൻ സഭയിലെ മുഴു അംഗങ്ങ​ളു​ടെ​യും സഹകരണം ആവശ്യ​മാണ്‌. നിങ്ങളു​മാ​യി സംസാ​രി​ക്കാൻ മനസ്സൊ​രു​ക്ക​മുള്ള ഒരു വീട്ടു​കാ​രനെ കണ്ടുമു​ട്ടു​ന്നെ​ങ്കിൽ, നല്ല വിവേചന ഉപയോ​ഗി​ക്കണം. പ്രദേ​ശത്തെ എല്ലാവ​രു​ടെ​യും അടുക്കൽ ചെല്ലേ​ണ്ട​തി​ന്റെ ആവശ്യം സംബന്ധിച്ച്‌ എല്ലായ്‌പോ​ഴും ബോധ​വാ​നാ​യി​രി​ക്കു​ക​യും നിങ്ങളു​ടെ വയൽസേവന കൂട്ടത്തിൽ കാത്തു​നിൽക്കുന്ന മറ്റുള്ള​വ​രോ​ടു പരിഗ​ണ​ന​യു​ള്ളവർ ആയിരി​ക്കു​ക​യും ചെയ്യുക. താത്‌പ​ര്യ​മുള്ള വ്യക്തി​യു​മാ​യി നീണ്ട ഒരു ചർച്ച നടത്താൻ ആഗ്രഹി​ക്കു​ന്നെ​ങ്കിൽ, കൂട്ടത്തി​ലെ മറ്റുള്ളവർ കാത്തു​നി​ന്നു സമയം കളയാ​തി​രി​ക്കാ​നുള്ള ക്രമീ​ക​ര​ണങ്ങൾ ചെയ്യരു​തോ?

⁶ താത്‌പ​ര്യം കാണിച്ച എല്ലാവ​രു​ടെ​യും അടുക്കൽ മടങ്ങി​ച്ചെ​ല്ലാ​നുള്ള സുനി​ശ്ചിത ക്രമീ​ക​ര​ണങ്ങൾ ചെയ്യുക. താത്‌പ​ര്യ​ക്കാ​രന്റെ മേൽവി​ലാ​സ​ത്തി​നു പുറമേ, അദ്ദേഹ​ത്തി​ന്റെ ഫോൺ നമ്പരും വാങ്ങാൻ ശ്രമി​ക്കുക. അങ്ങനെ​യാ​കു​മ്പോൾ ടെലി​ഫോ​ണി​ലൂ​ടെ കൂടു​ത​ലായ സാക്ഷ്യം നൽകാൻ കഴിയും. റോഡു​കൾക്കു പേരോ വീടു​കൾക്കു നമ്പരോ ഇല്ലെങ്കിൽ, മടക്കസ​ന്ദർശനം നടത്തു​ന്ന​തി​നു താത്‌പ​ര്യ​മുള്ള വ്യക്തിയെ എങ്ങനെ കണ്ടുപി​ടി​ക്കാ​നാ​കും എന്നു കാണി​ക്കുന്ന ഒരു രേഖാ ചിത്രം ശ്രദ്ധാ​പൂർവം തയ്യാറാ​ക്കു​ക​യോ വിശദ​മായ ഒരു കുറിപ്പ്‌ എഴുതി​വെ​ക്കു​ക​യോ ചെയ്യുക.

⁷ “ഏതു പട്ടണത്തി​ലോ ഗ്രാമ​ത്തി​ലോ കടക്കു​മ്പോൾ അവിടെ യോഗ്യൻ ആർ എന്നു അന്വേ​ഷി​പ്പിൻ” എന്ന യേശു​വി​ന്റെ നിർദേശം നിറ​വേ​റ്റാ​നുള്ള എത്ര മഹത്തായ പദവി​യാണ്‌ നമുക്കു​ള്ളത്‌! (മത്താ. 10:11) ഏറ്റവും പ്രതി​ഫ​ല​ദാ​യ​ക​മായ ഈ വേലയിൽ നിങ്ങൾ മനസ്സോ​ടെ ഏർപ്പെ​ടു​മ്പോൾ യഹോവ നിങ്ങളു​ടെ ശ്രമങ്ങളെ തീർച്ച​യാ​യും അനു​ഗ്ര​ഹി​ക്കും!