ഭവനങ്ങ​ളിൽ ആളില്ലാ​ത്ത​പ്പോൾ

1. വീടു​തോ​റു​മുള്ള വേലയിൽ ഏർപ്പെ​ടു​മ്പോൾ പൊതു​വേ ഏതു പ്രശ്‌നം നേരി​ടു​ന്നു?

¹ മിക്ക സ്ഥലങ്ങളി​ലും ആളുകളെ വീട്ടിൽ കണ്ടെത്തുക എന്നത്‌ ഒന്നി​നൊ​ന്നു പ്രയാ​സ​മാ​യി​ക്കൊ​ണ്ടി​രി​ക്കു​ന്നു. ഈ “ദുർഘ​ട​സ​മയങ്ങ”ളിൽ അടിസ്ഥാ​നാ​വ​ശ്യ​ങ്ങൾ നിറ​വേ​റ്റു​ന്ന​തി​നു​വേണ്ടി അനേകർക്കും ദീർഘ​നേരം ജോലി​ചെ​യ്യേ​ണ്ടി​വ​രു​ന്നു. (2 തിമൊ. 3:1) ചിലർ സാധനങ്ങൾ വാങ്ങു​ന്ന​തി​നോ ഉല്ലാസ​ങ്ങൾക്കോ വേണ്ടി എവി​ടെ​യെ​ങ്കി​ലും പോയി​രി​ക്കു​ക​യാ​കാം. അത്തരത്തി​ലു​ള്ള​വ​രു​ടെ പക്കൽ നാം എങ്ങനെ​യാ​ണു സുവാർത്ത എത്തിക്കുക?

2. ആളില്ലാ​ഭ​വ​നങ്ങൾ വിട്ടു​ക​ള​യു​ന്നി​ല്ലെന്ന്‌ നമു​ക്കെ​ങ്ങനെ ഉറപ്പു​വ​രു​ത്താം?

² കൃത്യമായ രേഖ സൂക്ഷി​ക്കുക: ആളില്ലാ​ഭ​വ​നങ്ങൾ ഏതൊ​ക്കെ​യാ​ണെന്നു കുറി​ച്ചു​വെ​ക്കു​ന്ന​താണ്‌ ആദ്യപടി. കൂടെ​ക്കൂ​ടെ പ്രവർത്തി​ക്കുന്ന പ്രദേ​ശ​മാണ്‌ നിങ്ങളു​ടേ​തെ​ങ്കിൽ ഇത്‌ വിശേ​ഷാൽ പ്രാധാ​ന്യ​മർഹി​ക്കു​ന്നു. തെരു​വി​ന്റെ പേര്‌, പ്രദേ​ശ​ത്തി​ന്റെ നമ്പർ, നിങ്ങളു​ടെ പേര്‌, തീയതി എന്നിവ നിങ്ങൾ എഴുതി​വെ​ക്കാ​റു​ണ്ടോ? നിങ്ങളോ മറ്റൊരു പ്രസാ​ധ​ക​നോ ആളില്ലാ​ഭ​വ​നങ്ങൾ സന്ദർശി​ക്കാൻ മടങ്ങി​ച്ചെ​ല്ലു​മ്പോൾ കൂടുതൽ വിവരങ്ങൾ എഴുതു​ന്ന​തി​നാ​യി വീടു​തോ​റു​മുള്ള രേഖയിൽ ആവശ്യ​ത്തിന്‌ സ്ഥലമി​ടുക. വയൽസേ​വ​ന​ത്തി​ന്റെ ഒടുവിൽ ഇത്‌ ആ പ്രദേശം നിയമി​ച്ചു​കി​ട്ടി​യി​രി​ക്കുന്ന സഹോ​ദ​രനെ ഏൽപ്പി​ക്കുക. എന്നാൽ ആളില്ലാ​ഭ​വ​ന​ങ്ങ​ളിൽ മടങ്ങി​ച്ചെ​ല്ലാൻ ആ സഹോ​ദരൻ നിങ്ങളെ അനുവ​ദി​ക്കു​ന്ന​പക്ഷം ഈ രേഖ അദ്ദേഹത്തെ ഏൽപ്പി​ക്കേ​ണ്ട​തില്ല. ആ പ്രദേ​ശത്തു കണ്ടുമു​ട്ടിയ ഏതെങ്കി​ലും താത്‌പ​ര്യ​ക്കാ​രെ നിങ്ങൾതന്നെ സന്ദർശി​ക്കാ​നാ​ഗ്ര​ഹി​ക്കു​ന്നെ​ങ്കിൽ അവരെ​ക്കു​റി​ച്ചുള്ള വിവരങ്ങൾ മറ്റൊരു ഷീറ്റിൽ കുറി​ച്ചു​വെ​ക്കുക.

3. ആളില്ലാ​ഭ​വ​ന​ങ്ങ​ളിൽ സാക്ഷ്യം നൽകു​ന്ന​തി​നുള്ള ചില മാർഗങ്ങൾ ഏവ?

³ മറ്റൊരു സമയത്തു സന്ദർശി​ക്കുക: ജോലി​ദി​വ​സ​ങ്ങ​ളിൽ പകൽസ​മ​യത്തു വീട്ടിൽ ഇല്ലാതി​രുന്ന ചിലർ വൈകു​ന്നേ​ര​ത്തോ വാരാ​ന്ത​ത്തി​ലോ വീട്ടിൽ കണ്ടെന്നു​വ​രാം. അതു​കൊണ്ട്‌ അത്തര​മൊ​രു സമയത്ത്‌ അവരെ സന്ദർശി​ക്കാൻ നിങ്ങൾക്കു സാധി​ക്കു​മോ? (1 കൊരി. 10:24) നിങ്ങൾക്ക്‌ അതിനു കഴിയു​ന്നി​ല്ലെ​ങ്കിൽ, മറ്റൊരു സമയത്ത്‌ അവരെ സന്ദർശി​ക്കാൻ സാധി​ക്കുന്ന ഒരു പ്രസാ​ധ​കനെ ആ രേഖ ഏൽപ്പി​ക്കാ​നാ​കും. അല്ലെങ്കിൽ, ഒരുപക്ഷേ നിങ്ങൾക്കു കത്തിലൂ​ടെ​യോ ടെലി​ഫോ​ണി​ലൂ​ടെ​യോ അവരു​മാ​യി ബന്ധപ്പെ​ടാൻ കഴിയും. വീടു​തോ​റു​മുള്ള സേവന​ത്തി​ലേർപ്പെ​ടാൻ പ്രയാ​സ​മ​നു​ഭ​വി​ക്കുന്ന ആരോ​ഗ്യ​പ്ര​ശ്‌നങ്ങൾ ഉള്ളവർ ഈ വിധത്തിൽ നിങ്ങളെ സഹായി​ക്കാൻ സന്തോ​ഷ​മു​ള്ള​വ​രാ​യി​രി​ക്കും.

4. ആളില്ലാ​ഭ​വ​ന​ങ്ങ​ളിൽ മടങ്ങി​ച്ചെ​ല്ലേ​ണ്ടത്‌ എത്ര പ്രാധാ​ന​മാ​ണെന്നു ദൃഷ്ടാ​ന്തീ​ക​രി​ക്കുക.

⁴ വീട്ടിൽ കണ്ടുമു​ട്ടാൻ സാധി​ക്കാ​ത്ത​വ​രു​മാ​യി ബന്ധപ്പെ​ടേ​ണ്ട​തി​ന്റെ പ്രാധാ​ന്യം മനസ്സി​ലാ​ക്കാൻ സഹായി​ക്കു​ന്ന​താണ്‌ പിൻവ​രുന്ന സംഭവം. പ്രസാ​ധകർ പലപ്രാ​വ​ശ്യം ഒരു വീടു സന്ദർശി​ച്ചെ​ങ്കി​ലും ആരെയും കണ്ടെത്താൻ കഴിഞ്ഞില്ല. ഒടുവിൽ അതിനു സാധിച്ചു—മൂന്നു വർഷത്തി​നു​ശേഷം! ഈ വീട്ടു​കാ​രി മറ്റൊരു സ്ഥലത്താ​യി​രു​ന്ന​പ്പോൾ ബൈബിൾ പഠിക്കാൻ തുടങ്ങി​യി​രു​ന്നു; അതു തുടരു​ന്ന​തി​നാ​യി സാക്ഷികൾ വരുന്ന​തും കാത്തി​രി​ക്കു​ക​യാ​യി​ന്നു ഇക്കാല​മ​ത്ര​യും.

5. ഒരു പ്രദേശം പ്രവർത്തി​ച്ചു തീർന്ന​താ​യി കണക്കാ​ക്കു​ന്നത്‌ എപ്പോൾ?

⁵ പ്രദേശം പ്രവർത്തി​ച്ചു തീർക്കുക: ഒരു പ്രദേശം പ്രവർത്തി​ച്ചു തീർന്ന​താ​യി കണക്കാ​ക്കു​ന്നത്‌ എപ്പോ​ഴാണ്‌? ഓരോ ഭവനത്തി​ലെ​യും ആരെ​യെ​ങ്കി​ലു​മാ​യി ബന്ധപ്പെ​ടു​ന്ന​തിന്‌ ന്യായ​മായ ശ്രമം ചെയ്‌തു​ക​ഴി​ഞ്ഞാൽ സാധാ​ര​ണ​ഗ​തി​യിൽ ആ പ്രദേശം പ്രവർത്തി​ച്ചു തീർന്ന​താ​യി കണക്കാ​ക്കാം. ആളില്ലാ​ഭ​വ​ന​ങ്ങ​ളിൽ, മറ്റാരും ശ്രദ്ധി​ക്കാ​ത്ത​വി​ധം ഒരു ലഘു​ലേ​ഖ​യോ പഴയ മാസി​ക​യോ വെക്കു​ന്നത്‌ നന്നായി​രി​ക്കും, പ്രത്യേ​കിച്ച്‌ കൂടെ​ക്കൂ​ടെ പ്രവർത്തി​ക്കാത്ത പ്രദേ​ശ​മാ​ണെ​ങ്കിൽ. നാലു മാസത്തി​നു​ള്ളിൽ പ്രദേശം പ്രവർത്തി​ച്ചു തീർക്കണം. തുടർന്ന്‌ സഭാ രേഖക​ളിൽ ആവശ്യ​മായ മാറ്റങ്ങൾ വരുത്തു​ന്ന​തി​നാ​യി അത്‌ പ്രദേ​ശ​ദാ​സനെ തിരി​ച്ചേൽപ്പി​ക്കുക.

6. നമ്മുടെ പ്രദേ​ശത്തെ എല്ലാവ​രു​ടെ​യും പക്കൽ സുവാർത്ത എത്തിക്കാൻ നാം ശ്രമി​ക്കേ​ണ്ടത്‌ എന്തു​കൊണ്ട്‌?

⁶ യഹോവയുടെ നാമം വിളി​ച്ച​പേ​ക്ഷി​ക്കു​ന്ന​തിന്‌ കഴിയു​ന്നത്ര ആളുകളെ സഹായി​ക്കാ​നും അങ്ങനെ അവരെ രക്ഷയി​ലേക്കു നയിക്കാ​നു​മാണ്‌ നാം ആഗ്രഹി​ക്കു​ന്നത്‌. (റോമർ 10:13, 14) നാം സന്ദർശി​ക്കു​മ്പോൾ വീട്ടിൽ ഇല്ലാത്ത​വ​രും ഇതിൽപ്പെ​ടു​ന്നു. അപ്പൊ​സ്‌ത​ല​നായ പൗലൊ​സി​നെ​പ്പോ​ലെ, “ദൈവ​കൃ​പ​യു​ടെ സുവി​ശേ​ഷ​ത്തി​ന്നു സാക്ഷ്യം” [“സമഗ്ര​സാ​ക്ഷ്യം,” NW] നൽകുക എന്നതാ​യി​രി​ക്കട്ടെ നിങ്ങളു​ടെ​യും ആഗ്രഹം.—പ്രവൃ. 20:24.