ഉള്ളതു​കൊ​ണ്ടു തൃപ്‌ത​രാ​യി​രി​ക്കുക

¹ സ്വന്തം കുടും​ബ​ത്തി​നു വേണ്ടി ഭൗതി​ക​മാ​യി കരുതാൻ തിരു​വെ​ഴു​ത്തു​കൾ നമ്മെ ഉദ്‌ബോ​ധി​പ്പി​ക്കു​ന്നു. എന്നാൽ അതു ജീവി​ത​ത്തി​ലെ മുഖ്യ സംഗതി ആകരുത്‌. ആത്മീയ കാര്യങ്ങൾ ഒന്നാം സ്ഥാനത്തു വരണം. (മത്താ. 6:33; 1 തിമൊ. 5:8) ഈ “ദുർഘ​ട​സ​മയങ്ങ”ളിൽ ഉചിത​മായ സമനില പാലി​ക്കുക എന്നത്‌ ഒരു വെല്ലു​വി​ളി​യാണ്‌. (2 തിമൊ. 3:1) അതിനു നമ്മെ എന്തു സഹായി​ക്കും?

² ബൈബി​ളി​ന്റെ വീക്ഷണം സ്വീക​രി​ക്കുക: ധനാസക്തി ആത്മീയ നാശത്തി​നു കാരണ​മാ​കു​മെന്നു ദൈവ​വ​ചനം നമുക്കു മുന്നറി​യി​പ്പു നൽകുന്നു. (സഭാ. 5:10; മത്താ. 13:22; 1 തിമൊ. 6:9, 10) ഈ നിർണാ​യക കാലത്ത്‌ യോഗങ്ങൾ, പഠനം, സേവനം തുടങ്ങിയ ആത്മീയ പ്രവർത്ത​നങ്ങൾ ജീവി​ത​ത്തിൽ രണ്ടാം സ്ഥാന​ത്തേക്കു തഴയ​പ്പെ​ട​ത്ത​ക്ക​വണ്ണം നമ്മിൽ ആരെങ്കി​ലും ലൗകിക ജോലി​യി​ലോ സാമ്പത്തിക കാര്യ​ങ്ങ​ളി​ലോ ആമഗ്നരാ​കു​ന്നതു വിപത്‌ക​ര​മാ​യി​രി​ക്കും. (ലൂക്കൊ. 21:34-36) അതിനു വിപരീ​ത​മാ​യി ബൈബിൾ ഈ ബുദ്ധി​യു​പ​ദേശം നൽകുന്നു: “ഉണ്മാനും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക.”—1 തിമൊ. 6:7, 8.

³ ക്രിസ്‌ത്യാ​നി​കൾ സ്വയം അടി​ച്ചേൽപ്പി​ക്കുന്ന ദാരി​ദ്ര്യ​ത്തി​ന്റെ അവസ്ഥയിൽ കഴിഞ്ഞു​കൂ​ട​ണ​മെന്നല്ല ഇതിന്റെ അർഥം. എന്നാൽ നമ്മുടെ യഥാർഥ ഭൗതിക ആവശ്യങ്ങൾ—ഭക്ഷണം, വസ്‌ത്രം, പാർപ്പി​ടം—എന്തെല്ലാ​മാ​ണെന്നു തിരി​ച്ച​റി​യാൻ ഈ ബുദ്ധി​യു​പ​ദേശം നമ്മെ സഹായി​ക്കു​ന്നു. നമുക്ക്‌ ജീവി​ത​ത്തിൽ അവശ്യ സംഗതി​കൾ ഉണ്ടെങ്കിൽ, കൂടുതൽ വസ്‌തു​ക്കൾ സമ്പാദി​ക്കാ​നും ജീവി​ത​നി​ല​വാ​രം മെച്ച​പ്പെ​ടു​ത്താ​നും നാം അവിരാ​മം ശ്രമി​ക്കേ​ണ്ട​തില്ല. എന്തെങ്കി​ലും വാങ്ങു​മ്പോ​ഴോ കൂടു​ത​ലായ ഒരു ജോലി ഏറ്റെടു​ക്കു​മ്പോ​ഴോ ‘ഇത്‌ യഥാർഥ​ത്തിൽ അത്യാ​വ​ശ്യ​മാ​ണോ’ എന്നു സ്വയം ചോദി​ക്കുക. അങ്ങനെ ചെയ്യു​ന്നത്‌, “നിങ്ങളു​ടെ നടപ്പു ദ്രവ്യാ​ഗ്ര​ഹ​മി​ല്ലാ​ത്ത​താ​യി​രി​ക്കട്ടെ; ഉള്ളതു​കൊ​ണ്ടു തൃപ്‌തി​പ്പെ​ടു​വിൻ” എന്ന നിശ്വസ്‌ത ബുദ്ധി​യു​പ​ദേ​ശ​ത്തി​നു ചെവി​കൊ​ടു​ക്കാൻ നമ്മെ സഹായി​ക്കും.—എബ്രാ. 13:5.

⁴ നാം യഹോ​വ​യിൽ ആശ്രയി​ക്കു​ന്നെ​ങ്കിൽ അവൻ നമ്മെ സഹായി​ക്കും. (സദൃ. 3:5, 6) ജീവി​ത​ത്തി​ലെ അവശ്യ കാര്യ​ങ്ങൾക്കാ​യി നാം കഠിനാ​ധ്വാ​നം ചെയ്യേ​ണ്ട​തു​ണ്ടെ​ങ്കി​ലും, നമ്മുടെ ജീവിതം അവയെ കേന്ദ്രീ​ക​രി​ച്ചു​ള്ളതല്ല. നമുക്കു​ള്ളത്‌ അൽപ്പമോ അധിക​മോ ആയാലും നമ്മുടെ ആവശ്യങ്ങൾ നടക്കാൻ നാം യഹോ​വ​യിൽ ആശ്രയി​ക്കു​ന്നു. (ഫിലി. 4:11-13) അതിന്റെ ഫലമായി, നാം ദൈവിക സംതൃപ്‌തി​യും ഒപ്പം മറ്റനവധി അനു​ഗ്ര​ഹ​ങ്ങ​ളും ആസ്വദി​ക്കു​ന്നു.

⁵ മറ്റുള്ള​വ​രു​ടെ വിശ്വാ​സം അനുക​രി​ക്കുക: ഒറ്റയ്‌ക്കുള്ള ഒരു മാതാവ്‌ തന്റെ മകളെ സത്യത്തി​ന്റെ മാർഗ​ത്തിൽ വളർത്തവേ ജീവിതം ക്രമേണ ലളിത​മാ​ക്കി. സ്വന്തം ഭവനത്തിൽ എല്ലാവിധ സുഖസൗ​ക​ര്യ​ങ്ങ​ളും ഉണ്ടായി​രു​ന്നി​ട്ടും, അവർ ഒരു ചെറിയ വീട്ടി​ലേ​ക്കും പിന്നീട്‌ ഒരു അപ്പാർട്ടു​മെ​ന്റി​ലേ​ക്കും താമസം മാറ്റി. തന്മൂലം, ശുശ്രൂ​ഷ​യിൽ കൂടുതൽ സമയം ചെലവ​ഴി​ക്കു​ന്ന​തിന്‌ ജോലി​സ​മയം വെട്ടി​ക്കു​റയ്‌ക്കാൻ അവർക്കു സാധിച്ചു. മകളുടെ വിവാ​ഹ​ശേഷം, ആ മാതാവ്‌ നേര​ത്തേ​തന്നെ ജോലി​യിൽനി​ന്നു വിരമി​ച്ചു. അതു നിമിത്തം വരുമാ​നം പിന്നെ​യും കുറ​ഞ്ഞെ​ങ്കി​ലും, അവർ അതു കാര്യ​മാ​ക്കി​യില്ല. ഇപ്പോൾ ഏഴു വർഷമാ​യി ഈ സഹോ​ദരി ഒരു സാധാരണ പയനി​യ​റാ​യി സേവി​ക്കു​ന്നു. രാജ്യ താത്‌പ​ര്യ​ങ്ങൾക്കു പ്രഥമ സ്ഥാനം നൽകാൻ താൻ ചെയ്‌ത ഭൗതിക ത്യാഗ​ങ്ങളെ പ്രതി അവർക്കു യാതൊ​രു ഖേദവു​മില്ല.

⁶ ഒരു മൂപ്പനും ഭാര്യ​യും വർഷങ്ങ​ളോ​ളം പയനി​യ​റിങ്‌ ചെയ്‌തു, ഒപ്പം മൂന്നു കുട്ടി​ക​ളെ​യും വളർത്തി​ക്കൊ​ണ്ടു​വന്നു. ഒരു കുടും​ബം എന്ന നിലയിൽ തങ്ങളുടെ ആഗ്രഹ​ങ്ങൾക്കു പകരം ആവശ്യങ്ങൾ നിറ​വേ​റ്റു​ന്ന​തിൽ തൃപ്‌ത​രാ​കാൻ അവർ പഠിച്ചു. ആ സഹോ​ദരൻ പറയുന്നു: “ഞങ്ങളുടെ ജീവിതം കൂടുതൽ ലളിത​മാ​ക്കേ​ണ്ടി​വന്നു. ചില പ്രയാസ സാഹച​ര്യ​ങ്ങൾ നേരി​ട്ടി​ട്ടു​ണ്ടെ​ങ്കി​ലും, യഹോവ എല്ലായ്‌പോ​ഴും ഞങ്ങളുടെ ആവശ്യങ്ങൾ നിറ​വേ​റ്റി​യി​രി​ക്കു​ന്നു. . . . എന്റെ കുടും​ബം ആത്മീയ കാര്യങ്ങൾ ഒന്നാമതു വെക്കുന്ന വിധം കാണു​മ്പോൾ, എല്ലാം ശരിയായ രീതി​യിൽത്ത​ന്നെ​യാ​ണെന്ന്‌ എനിക്കു തോന്നു​ന്നു. നേട്ടം കൈവ​രി​ച്ചു​വെന്ന ഒരു ബോധം എനിക്കുണ്ട്‌.” അദ്ദേഹ​ത്തി​ന്റെ ഭാര്യ പറയുന്നു: “[ഭർത്താവ്‌] ആത്മീയ കാര്യ​ങ്ങ​ളിൽ വ്യാപൃ​ത​നാ​യി​രി​ക്കു​ന്നതു കാണു​മ്പോൾ എനിക്ക്‌ ആഴമായ ആന്തരിക സംതൃപ്‌തി അനുഭ​വ​പ്പെ​ടു​ന്നു.” ഈ മാതാ​പി​താ​ക്കൾ യഹോ​വയെ മുഴു സമയം സേവി​ക്കാൻ തീരു​മാ​നി​ച്ച​തിൽ അവരുടെ മക്കളും സന്തുഷ്ട​രാണ്‌.

⁷ ഭൗതിക കാര്യ​ങ്ങൾക്കു പിന്നാലെ പോകാ​തെ ദൈവ​ഭ​ക്തി​യു​ടെ മാർഗം തിര​ഞ്ഞെ​ടു​ക്കുന്ന എല്ലാവർക്കും ഇപ്പോ​ഴും വരുവാ​നുള്ള ജീവി​ത​ത്തി​ലും സമൃദ്ധ​മായ പ്രതി​ഫ​ലങ്ങൾ ബൈബിൾ വാഗ്‌ദാ​നം ചെയ്യുന്നു.—1 തിമൊ. 4:8.