“യഹോ​വ​യു​ടെ സകല വിശ്വ​സ്‌ത​രു​മാ​യു​ള്ളോ​രേ, അവനെ സ്‌നേ​ഹി​പ്പിൻ”

യേശു​വി​ന്റെ മരണത്തി​ന്റെ സ്‌മാ​ര​കാ​ച​രണം ഏപ്രിൽ 4-ന്‌

¹ വർഷങ്ങൾക്കു മുമ്പ്‌, യൂ​ക്രെ​യിൻ കമ്മ്യൂ​ണിസ്റ്റ്‌ ഭരണത്തിൻ കീഴി​ലാ​യി​രി​ക്കെ സഹോ​ദ​രങ്ങൾ അധികാ​രി​ക​ളു​ടെ സൂക്ഷ്‌മ നിരീ​ക്ഷ​ണ​ത്തി​ലാ​യി​രു​ന്നു. കർത്താ​വി​ന്റെ സന്ധ്യാ​ഭ​ക്ഷണം ആചരി​ക്കു​ന്ന​തി​നുള്ള ദിവസം അടുത്തു​വ​രവേ വിശേ​ഷി​ച്ചും. സഹോ​ദ​രങ്ങൾ കൂടി​വ​രുന്ന സ്ഥലം കണ്ടെത്തു​ക​യാ​യി​രു​ന്നു അവരുടെ ലക്ഷ്യം. സ്‌മാ​രകം ആചരി​ക്കുന്ന തീയതി ഏറെക്കു​റെ കൃത്യ​മാ​യി അധികാ​രി​കൾക്ക്‌ അറിയാ​മാ​യി​രു​ന്ന​തി​നാൽ അത്‌ എല്ലായ്‌പോ​ഴും ഒരു പ്രശ്‌ന​മാ​യി​രു​ന്നു​താ​നും. സഹോ​ദ​ര​ങ്ങൾക്ക്‌ എന്തു ചെയ്യാൻ സാധി​ക്കു​മാ​യി​രു​ന്നു? ഒരു സഹോ​ദ​രി​യു​ടെ വീടിന്റെ നിലവ​റ​യിൽ സ്‌മാ​രകം നടത്താൻ അവർ തീരു​മാ​നി​ച്ചു. നിലവ​റ​യിൽ മുട്ടറ്റം വെള്ളം ഉണ്ടായി​രു​ന്ന​തി​നാൽ അങ്ങനെ​യൊ​രു സ്ഥലത്ത്‌ ആളുകൾ കൂടി​വ​രു​മെന്ന്‌ അധികാ​രി​കൾ കരുതു​ക​യി​ല്ലാ​യി​രു​ന്നു. സഹോ​ദ​രങ്ങൾ വെള്ളത്തി​നു മീതെ ഒരു പ്ലാറ്റ്‌ഫോം കെട്ടി​പ്പൊ​ക്കി. നന്നേ താഴ്‌ന്ന മേൽക്കൂ​ര​യ്‌ക്കു കീഴി​ലാ​യി പ്ലാറ്റ്‌ഫോ​മിൽ ചുരു​ണ്ടു​കൂ​ടി ഇരി​ക്കേ​ണ്ടി​വ​ന്നെ​ങ്കി​ലും ആരും അവരെ ശല്യ​പ്പെ​ടു​ത്താൻ ചെല്ലാ​ഞ്ഞ​തി​നാൽ അവർ സന്തോ​ഷ​ത്തോ​ടെ സ്‌മാ​രകം ആചരിച്ചു.

² യേശുവിന്റെ മരണത്തി​ന്റെ സ്‌മാ​രകം ആചരി​ക്കാ​നുള്ള കൽപ്പന അനുസ​രി​ക്കാൻ യൂ​ക്രെ​യി​നി​ലെ നമ്മുടെ സഹോ​ദ​രങ്ങൾ കാട്ടിയ നിശ്ചയ​ദാർഢ്യം ദൈവ​ത്തോ​ടുള്ള അവരുടെ സ്‌നേ​ഹ​ത്തി​ന്റെ ഉത്‌കൃഷ്ട പ്രകട​ന​മാ​യി​രു​ന്നു. (ലൂക്കൊ. 22:19; 1 യോഹ. 5:3) പ്രതി​ബ​ന്ധങ്ങൾ ഉണ്ടാകു​മ്പോ​ഴൊ​ക്കെ അത്തരം മാതൃ​ക​ക​ളിൽനി​ന്നു നമുക്കു പ്രോ​ത്സാ​ഹനം ഉൾക്കൊ​ള്ളാം. ഏപ്രിൽ 4-ന്‌ കർത്താ​വി​ന്റെ സന്ധ്യാ​ഭ​ക്ഷണം ആചരി​ക്കു​ന്ന​തി​നാ​യി കൂടി​വ​രാൻ നമുക്കു ദൃഢനി​ശ്ചയം ചെയ്യാം. അതുവഴി, “യഹോ​വ​യു​ടെ സകല വിശ്വ​സ്‌ത​രു​മാ​യു​ള്ളോ​രേ, അവനെ സ്‌നേ​ഹി​പ്പിൻ” എന്നു പാടിയ സങ്കീർത്ത​ന​ക്കാ​രന്റെ അതേ വികാരം നാം പ്രകട​മാ​ക്കു​ക​യാ​യി​രി​ക്കും ചെയ്യു​ന്നത്‌.—സങ്കീ. 31:23, NW.

³ ദൈവത്തോടുള്ള സ്‌നേ​ഹ​ത്തിൽ വളരാൻ മറ്റുള്ള​വരെ സഹായി​ക്കുക: നമ്മോ​ടൊത്ത്‌ സ്‌മാ​ര​കാ​ച​ര​ണ​ത്തിൽ പങ്കു​ചേ​രാൻ മറ്റുള്ള​വരെ ക്ഷണിക്കു​ന്ന​തി​നും ദൈവ​ത്തോ​ടുള്ള സ്‌നേഹം നമ്മെ പ്രേരി​പ്പി​ക്കു​ന്നു. സ്‌മാ​ര​ക​ത്തി​നു ക്ഷണിക്കാൻ ഉദ്ദേശി​ക്കു​ന്ന​വ​രു​ടെ ഒരു ലിസ്റ്റ്‌ ഉണ്ടാക്കാൻ ഫെബ്രു​വരി ലക്കം നമ്മുടെ രാജ്യ ശുശ്രൂ​ഷ​യു​ടെ അനുബന്ധം നമ്മെ ഓരോ​രു​ത്ത​രെ​യും പ്രോ​ത്സാ​ഹി​പ്പി​ച്ചി​രു​ന്നു. നിങ്ങളു​ടെ പട്ടിക​യി​ലുള്ള ഓരോ വ്യക്തി​യെ​യും ക്ഷണിക്കാൻ നിങ്ങൾ ഉത്സാഹ​പൂർവം ശ്രമി​ക്കു​ന്നു​ണ്ടോ? സമയ​മെ​ടുത്ത്‌ ആ വേളയു​ടെ പ്രാധാ​ന്യം അവർക്കു വ്യക്തമാ​ക്കി​ക്കൊ​ടു​ക്കുക. സ്‌മാരക തീയതി​യെ​യും സമയ​ത്തെ​യും കുറിച്ചു സൗഹാർദ​പൂർവം ഓർമി​പ്പി​ക്കു​ന്നത്‌, ആവശ്യ​മെ​ങ്കിൽ അവരെ ചെന്നു​കൂ​ട്ടി​ക്കൊ​ണ്ടു​വ​രാ​മെന്നു പറയു​ന്നത്‌ ഒക്കെ സ്‌മാ​ര​ക​ത്തി​നു വരാൻ അവരെ പ്രോ​ത്സാ​ഹി​പ്പി​ച്ചേ​ക്കാം.

⁴ നമ്മുടെ ക്ഷണം സ്വീക​രിച്ച്‌ സ്‌മാ​ര​ക​ത്തിന്‌ എത്തുന്ന​വരെ ഊഷ്‌മ​ള​മാ​യി സ്വാഗതം ചെയ്യാൻ പ്രത്യേ​കം ശ്രദ്ധി​ക്കുക. അപരി​ചി​ത​മായ ഒരു സ്ഥലത്ത്‌ ആയിരി​ക്കു​ന്നതു മൂലം അവർക്ക്‌ അനുഭ​വ​പ്പെ​ട്ടേ​ക്കാ​വുന്ന അസ്വസ്ഥത ആവുന്നത്ര കുറയ്‌ക്കാൻ ശ്രമി​ക്കുക. യഹോ​വ​യോ​ടുള്ള സ്‌നേ​ഹ​ത്തിൽ വളരാൻ അവരെ നിങ്ങൾക്ക്‌ എങ്ങനെ സഹായി​ക്കാം? അവരുടെ ചോദ്യ​ങ്ങൾക്ക്‌ ഉത്തരം നൽകാൻ സജ്ജരും സന്നദ്ധരു​മാ​യി​രി​ക്കുക. ഉചിത​മെ​ങ്കിൽ ഒരു ബൈബി​ള​ധ്യ​യനം വാഗ്‌ദാ​നം ചെയ്യാൻ ഒരുങ്ങി​യി​രി​ക്കുക. പ്രതി​വാര സഭാ​യോ​ഗ​ങ്ങ​ളിൽ സംബന്ധി​ക്കാൻ അവരെ ക്ഷണിക്കുക. സന്നിഹി​ത​രാ​യി​രി​ക്കുന്ന നിഷ്‌ക്രി​യ​രായ ക്രിസ്‌ത്യാ​നി​കൾക്കു പ്രത്യേക ശ്രദ്ധ നൽകാൻ മൂപ്പന്മാർ ആഗ്രഹി​ക്കും. അത്തരം വ്യക്തി​കളെ സന്ദർശിച്ച്‌ സഭാ​പ്ര​വർത്ത​ന​ങ്ങ​ളിൽ വീണ്ടും ഏർപ്പെ​ടാ​നുള്ള പ്രോ​ത്സാ​ഹനം നൽകു​ന്ന​തി​നു വേണ്ട ക്രമീ​ക​രണം അവർക്കു ചെയ്യാൻ കഴിയും. സന്ദർശനം നടത്തു​മ്പോൾ ഒരുപക്ഷേ സ്‌മാരക പ്രസം​ഗ​ത്തിൽ അവതരി​പ്പി​ക്ക​പ്പെട്ട ആശയങ്ങളെ ആധാര​മാ​ക്കി അവർക്കു സംസാ​രി​ക്കാ​വു​ന്ന​താണ്‌.—റോമ. 5:6-8.

⁵ യഹോവയോടുള്ള നമ്മുടെ സ്‌നേ​ഹ​ത്തി​ന്റെ ആഴം വർധി​പ്പി​ക്കൽ: മറുവില എന്ന ദാനത്തെ കുറിച്ചു ഗൗരവ​മാ​യി ചിന്തി​ക്കു​ന്നത്‌ യഹോ​വ​യോ​ടും അവന്റെ പുത്ര​നോ​ടു​മുള്ള നമ്മുടെ സ്‌നേ​ഹത്തെ കൂടുതൽ ആഴമു​ള്ള​താ​ക്കും. (2 കൊരി. 5:14, 15) വർഷങ്ങ​ളാ​യി സ്‌മാ​ര​കാ​ച​ര​ണ​ത്തിൽ പങ്കെടു​ത്തി​ട്ടുള്ള ഒരു വ്യക്തി ഇങ്ങനെ പറഞ്ഞു: “സ്‌മാ​ര​ക​ത്തി​നാ​യി ഞങ്ങൾ ആകാം​ക്ഷ​യോ​ടെ കാത്തി​രി​ക്കു​ന്നു. ഓരോ വർഷവും അതു ഞങ്ങളെ സംബന്ധി​ച്ചി​ട​ത്തോ​ളം കൂടുതൽ വിശേ​ഷ​ത​യു​ള്ള​താ​യി​ത്തീ​രു​ന്നു. 20 വർഷം മുമ്പ്‌, ശവമഞ്ച​ത്തിൽ കിടക്കുന്ന എന്റെ പ്രിയ​പ്പെട്ട ഡാഡി​യു​ടെ നിർജീവ ശരീര​ത്തി​ലേക്കു നോക്കി​നിൽക്കവേ മറുവി​ല​യു​ടെ മൂല്യം മുമ്പെ​ന്ന​ത്തെ​ക്കാൾ അധിക​മാ​യി ഞാൻ വിലമ​തി​ക്കാൻ ഇടയായി. അതിനു മുമ്പ്‌ മറുവില വെറും ഒരു പഠനവി​ഷയം മാത്ര​മാ​യി​രു​ന്നു. അതി​നോ​ടു ബന്ധപ്പെട്ട എല്ലാ തിരു​വെ​ഴു​ത്തു​ക​ളും എനിക്ക​റി​യാ​മാ​യി​രു​ന്നു, അവ വിശദീ​ക​രി​ക്കാ​നും! എന്നാൽ മരണത്തി​ന്റെ തണുത്ത സ്‌പർശം സ്വന്തം ജീവി​ത​ത്തിൽ അനുഭ​വ​പ്പെ​ട്ട​പ്പോ​ഴാണ്‌ അമൂല്യ​മായ ആ മറുവി​ല​യി​ലൂ​ടെ സാധി​ക്കാൻ പോകുന്ന കാര്യ​ത്തെ​ക്കു​റിച്ച്‌ ഓർത്ത്‌ എന്റെ ഹൃദയം സന്തോ​ഷ​ത്താൽ നിറഞ്ഞു​തു​ളു​മ്പി​യത്‌.”—യോഹ. 5:28, 29.

⁶ ഈ വർഷത്തെ സ്‌മാ​ര​കാ​ച​ര​ണ​ത്തി​നുള്ള തീയതി സമീപി​ക്കവേ, ആ വേളയ്‌ക്കാ​യി നിങ്ങളു​ടെ ‘ഹൃദയത്തെ ഒരുക്കുക.’ (2 ദിന. 19:3, NW) തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ—2004-ലും കലണ്ടർ 2004-ലും പട്ടിക​പ്പെ​ടു​ത്തി​യി​രി​ക്കുന്ന പ്രത്യേക സ്‌മാരക ബൈബിൾ വായനാ​ഭാ​ഗ​ങ്ങളെ കുറിച്ചു ധ്യാനി​ക്കുക. ചിലർ തങ്ങളുടെ കുടുംബ അധ്യയ​ന​ത്തിൽ മഹാനായ മനുഷ്യൻ പുസ്‌ത​ക​ത്തി​ലെ 112-16 അധ്യാ​യങ്ങൾ പരിചി​ന്തി​ക്കാൻ താത്‌പ​ര്യ​പ്പെ​ടു​ന്നു. വേറെ ചിലർ “വിശ്വ​സ്‌ത​നും വിവേ​കി​യു​മായ അടിമ”വർഗം പ്രദാനം ചെയ്‌തി​രി​ക്കുന്ന മറ്റു പഠനസ​ഹാ​യി​കൾ ഉപയോ​ഗിച്ച്‌ കൂടു​ത​ലായ ഗവേഷണം നടത്തുന്നു. (മത്താ. 24:45-47, NW) നമു​ക്കെ​ല്ലാ​വർക്കും മറുവില എന്ന ദാനം നമ്മുടെ ഹൃദയം​ഗ​മ​മായ പ്രാർഥ​ന​യി​ലെ ഒരു വിഷയ​മാ​ക്കാം. (സങ്കീ. 50:14, 23) അതേ, ഈ സ്‌മാരക കാലത്ത്‌, യഹോ​വ​യ്‌ക്ക്‌ നമ്മോ​ടുള്ള സ്‌നേ​ഹത്തെ കുറിച്ച്‌ നമുക്കു തുടർച്ച​യാ​യി ധ്യാനി​ക്കു​ക​യും അവനോ​ടുള്ള സ്‌നേഹം പ്രകട​മാ​ക്കു​ന്ന​തി​നുള്ള വഴികൾ തേടു​ക​യും ചെയ്യാം.—മർക്കൊ. 12:30; 1 യോഹ. 4:10.